 |
|
|
"Neftçi" komandasının baş məşqçisi dəyişib.
Bizim.Media paytaxt təmsilçisinin mətbuat xidmətinə istinadən xəbər verir ki, rumıniyall Adrian Mutu ilə müqaviləyə qarşılıqlı razılaşma əsasında xitam verilib.
Onu bu postda monteneqrolu mütəxəssis Miodraq Bojoviç əvəzləyəcək. 55 yaşlı yeni baş məşqçi “Belqrad”, “Boraç”, “Obiliç”, “Hayduk” (Belqrad), AEK (Pafos), “Buduçnost”, “Qrbal”, “Amkar” (Perm), “Moska”, “Dinamo” (Moskva), “Rostov”, “Lokomotiv” (Moskva), “Srvena Zvezda”, “Krılya Sovetov” kimi klublarda da baş məşqçi olub.
Qeyd edək ki, Mutu mövsümün əvvəlindən "ağ-qaralar"ın sükanı arxasında idi.
Xatırladaq ki, bu gün “Neftçi” PFK ilə Adrian Mutu arasında müqaviləyə qarşılıqlı razılaşma əsasında xitam verilib. Klub Adrian Mutuya əməkdaşlığa və sərf etdiyi əməyə görə təşəkkür edib, gələcək fəaliyyətində uğurlar diləyib, anasının vəfatı ilə əlaqədar bir daha dərin hüznlə başsağlığı verib.
Ukraynada gedən döyüşlərdə daha bir azərbaycanlı həlak olub.
Sosial şəbəkələrdə yayılan məlumata görə, Elçin Muradov Ukraynadakı müharibədə həyatını itirib.
O, beynəlxalq dərəcəli hakim, boks üzrə idman ustası olub.
E.Muradovun hansı istiqamətdə gedən döyüşlərdə və hansı şəraitdə həlak olduğu barədə məlumat verilmir.
İngiltərə komandası “Mançester Siti” klublarası dünya çempionatının qalibi olub.
Premyer Liqa təmsilçisi finalda Braziliya klubu “Fluminense”ni məğlub edib.
“Şəhərlilər” Səudiyyə Ərəbistanında keçirilən həlledici görüşdə 4 cavabsız qolla qələbə qazanıb. Birinci dəqiqədə Xulian Alvares hesabı açıb. 27-ci dəqiqədə “Fluminense”nin oyunçusu Nino avtoqol müəllifi olub. 72-ci dəqiqədə Fil Foden komandasının üçüncü qoluna imza atıb. 88-ci dəqiqədə dublunu rəsmiləşdirən Foden həm də matçda son nöqtəni qoyub – 4:0.
Yaponiyanın “Urava Reds” klubunu 4:2 hesabı ilə üstələyən Misir “Əl Əhli”si isə turnirdə üçüncü yeri tutub.
Dekabrın 22-də klublar arasında futbol üzrə dünya çempionatının final matçı baş tutub.
2023-cü ilin finalında “Mançester Siti” və “Fluminense” komandaları üz-üzə gəliblər.
Komandalar Ciddə şəhərindəki “King Abdulla Sports City” stadionunda qarşılaşıblar.
“Mançester Siti” 4:0 hesabı ilə qələbə qazanıb. Qarşılaşmadan sonra mükafatlandırma mərasimi keçirilib və İngiltərə klubuna klublar arasında dünya çempionatının kuboku təqdim olunub.
“Mançester Siti”nin heyətində Xulian Alvares (iki dəfə) və Fil Foden fərqləniblər. Daha bir qolu “Fluminense”nin müdafiəçisi Nino öz qapısına göndərib.
Qeyd edək ki, “Mançester Siti” yarımfinalda Yaponiyanın “Urava Red Daymonds” kollektivini 3:0 hesabı ilə məğlub etmişdi. Öz növbəsində “Fluminense” Misirin “Əl-Əhli” komandasını 2:0 hesabı ilə üstələyərək finala vəsiqə qazanmışd
“Barselona” rəhbərliyi Robert Levandovskini satmaq qərarını dəyişib.
“Qafqazinfo” xəbər verir ki, bu barədə “AS” nəşri məlumat yayıb.
Bildirilib ki, Səudiyyə Ərəbistanı klublarından birinə transferi gözlənilən forvard satılmayacaq.
Klub prezidenti Xoan Laporte 35 yaşlı hücumçunun komandada qalmasını istəyib.
Qeyd edək ki, Levandovskinin “Barsa” ilə müqaviləsi 2026-cı il iyunun 30-na kimidir.
İspaniya La Liqasının 18-ci turunda lider “Jirona” “Real Betis”in qonağı olub.
Birinci hissənin sonunda, 39-cu dəqiqədə “Betis”in qapısına penalti təyin olunub. Ukraynalı hücumçu Artem Dovbik 11 metrlik zərbə ilə “Jirona”nı önə keçirib. Görüşün sonlarında, 89-cu dəqiqədə isə German Pessella hesabı bərabərləşdirib - 1:1.
Bu matçın nəticəsindən sonra “Jirona” 43 xal toplayaraq turnir cədvəlinin birinci pilləsində qalıb, lakin “Real Madrid”dən çox da uzaqlaşa bilməyib. Kral klubunun 42 xalı və ehtiyatda oyunu var.
“Betis” isə eyni sayda matçdan sonra 28 xalla yeddinci yerdədir.
Bakı Dövlət Universtetinin bir qrup tələbəsi təhsil aldıqları otaqda istiliyin olmamasından şikayətçidir. Fizika fakültəsində oxuyan I kurs tələbələrinin valideynləri övladlarının soyuqdan əziyyət çəkdiyini bildirir.
"Qafqazinfo”ya müraciət edən bir neçə valideyn bildirib ki, universitetdə qətiyyən istilik sistemi yoxdur: "Tələbələr müəllimə və qrupun dekanına "siniflər çox soyuqdur” deyəndə müəllimlər məsləhət görür ki, "şokalad yeyin, üşüməzsiniz”. Bundan başqa, qrupda təhsil alan tələbələrdən 6-sı hazırda qızılcaya tutulub”.
Məsələ ilə bağlı Bakı Dövlət Universitetində bildirilib ki, tələbələrin qızılcaya tutulması ilə bağlı iddialar həqiqəti əks etdirmir. BDU-dan verilən açıqlamaya görə, universitetin bütün korpuslarında istilik var.
Futbol üzrə Azərbaycan Kubokunda 1/4 final mərhələsinin bütün cütləri müəyyənləşib.
1/8 final oyunlarından sonra Premyer Liqanın 8 komandası mübarizəni davam etdirib.
1/4 finalın ən maraqlı cütlüyündə "Sabah” və "Qarabağ” komandaları yarımfinala vəsiqə uğrunda bir-biriləri ilə qarşılaşacaqlar.
Azəbaycan Kuboku
1/4 final
"Səbail” - "Zirə”
"Araz-Naxçıvan” - "Qəbələ”
"Sumqayıt” - "Neftçi”
"Sabah” - "Qarabağ”
Qeyd edək ki, bu raundun ilk oyunları yanvarın 30-31-də, cavab görüşləri isə fevralın 6-7-də keçiriləcək.
Türkiyə Super Liqasının 17-ci turunda öz meydanında “Fatih Karagümrük”ə 1:0 hesabı ilə qalib gələn “Qalatasaray” liqada ardıcıl 4-cü qələbəsini qazanıb.
Rams Parkda oynanan qarşılaşmada yeganə qolu 41-ci dəqiqədə Kerem Aktürkoğlu vurub.
Lider “Fənərbağça” ilə növbəti turdakı derbi öncəsi kritik qələbə qazanan “Qalatasaray” xalını 43-ə çatdırıb və əzəli rəqibini yaxından izləməyə davam edir. Ardıcıl ikinci dəfə məğlub olan “Fatih Karagümrük” isə 17 xalla 14-cü pillədə qərarlaşıb.
Bu gün Xankəndi şəhərində tarixi oyun keçiriləcək.
Oxu.Az xəbər verir ki, Ağdamın “Qarabağ” komandası Azərbaycan kubokunun 1/8 final mərhələsindəki oyunu adını daşıdığı Qarabağ bölgəsinin mərkəzi şəhərlərindən olan Xankəndidə keçirəcək. “Qarabağ” MOİK-lə üz-üzə gələcək.
Xankəndi stadionunda reallaşacaq qarşılaşma saat 14:00-da başlayacaq. Matçın qalibi 1/4 finalda “Sabah”la qarşılaşacaq. Oyunu minlərlə tamaşaçı stadiondan canlı izləyəcək.
Xatırladaq ki, bu, 30 illik fasilədən sonra Qarabağ bölgəsinin işğaldan azad edilən hissəsində ilk rəsmi oyun olacaq. Son dəfə işğal altında olmuş ərazilərdə oyun 1993-cü ilin may ayında Azərbaycan çempionatında “Qarabağ”la “Turan” (“Turan Tovuz”) arasında olub.
Ağdamın “İmarət” stadionunda keçirilmiş həmin matçda “Qarabağ” 2:1 hesabı ilə qələbə qazanıb. Bu oyundan iki ay sonra Ağdam işğal edilib.
Türkiyə Superliqasının XVII turunda “İstanbulspor”un futbolçuları hakimin qərarı ilə razılaşmadıqları üçün meydanı tərk ediblər.
Bu, “Trabzonspor” ilə qarşılaşmanın dayandırılmasına səbəb olub.
68-ci dəqiqədə Edin Vişçinin ötürməsindən sonra “Trabzonspor”un hücumçusu Paul Onuaçu başı ilə rəqib qapısına zərbə endirib və hesabı 2:1 komandasının xeyrinə dəyişib. Ancaq bundan bir neçə dəqiqə əvvəl “Trabzonspor”un digər futbolçusu oyun epizodunda rəqibin üzünə zərbə endirib. Hakim VAR-a baxaraq heç bir qayda pozuntusu qeydə almayıb.
Bundan sonra “İstanbulspor”un futbolçuları hakimlə aktiv şəkildə mübahisə etməyə başlayıblar. İstanbul klubunun prezidenti meydana daxil olaraq komandasını oradan uzaqlaşdırıb.
Mənbə: Haber Global