Ardını oxu...
Naxçıvan Sukanalizasiya İdarəsi Bakıya birləşdirildikdən sonra idarənin xeyli əməkdaşı işsiz qalıb. Onlar prosedura uyğun olaraq ləğv edilən qurumdan çıxmaq üçün ərizə yazıb, yeni idarəyə qəbul edilmək üçün müraciət ediblər. Lakin bəzi əməkdaşlar yeni işlə təmin olunsa da, bir çoxlarının ərizəsinə baxılmır.

İşsiz qalanlar əsasən idarədə rəhbər vəzifələrdə çalışmış şəxslərdir. Onların iddiasına görə, yeni rəhbərlik onların yerinə rüşvət müqabilində başqa işçilər götürmək istəyir.

Mia.az-ın məlumatına görə, təhlükəsizlik səbəbilə adının çəkilməsini istəməyən şikayətçilərdən biri "Gündəlik Naxçıvan"a bildirib ki, bu məsələ ilə bağlı yerli Əmək Müfəttişliyinə müraciət etsələr də, nəticə əldə olunmayıb:

"Yeni müdir Samir Baxşəliyev bizi qəbul etmək istəmir. Tələb edir ki, işdən imtina ərizəsi yazaq. Deyir ki, hara istəyirsinizsə, şikayət edin. Əmək Müfəttişliyinə və Həmkarlar İttifaqına müraciət etmişik, amma heç bir nəticəsi yoxdur. Eşitdiyimizə görə, bizim yerimizə rüşvət qarşılığında adam axtarırlar. Biz hamımız ixtisaslı əməkdaşlarıq, illərlə burada işləmişik. İdarəni biz ayaqda saxlamışıq. İşimizə bərpa olunmasaq, nə edəcəyimizi bilmirik. Hamımızın banklara borcu var, haqqımızı tələb edirik".

İdarənin bəzi əməkdaşları isə vəzifələrinin əsassız olaraq aşağı salındığını bildirirlər: "Heç bir səbəb göstərmədən vəzifəmizi endiriblər. Şikayət edirik, bizə hədə-qorxu gəlirlər ki, işdən çıxararıq. Hara müraciət ediriksə, xeyri olmur."

Əmək Müfəttişliyindən "Gündəlik Naxçıvan"a bildirilib ki, işçilərin onlara ərizə ilə müraciət etdiyi təsdiqlənir. Lakin yeni idarə müfəttişliyin bu məsələ ilə bağlı sorğusuna gec cavab verdiyi üçün müraciətlərin araşdırılması hələlik yekunlaşmayıb.

Qeyd edək ki, Naxçıvan Sukanalizasiya İdarəsi ötən ilin sonlarında Azərbaycan Dövlət Su Ehtiyatları Agentliyinin tabeliyinə verilib. Bu Agentliyin rəhbəri isə iki qudasını yüksək vzəifəyə təyin edən Zaur Mikayılov rəhbərlik edir.

Z.Mikayılovun təyinatından sonra isə onun və qudalarının kadrları Bakı, Abşeron, Kürdəmir və bir çox ərazilər üzrə idarələrdə tətbiq etdikləri islahat paketi ilə böyük narazılıqlar yaradıblar.
 
 
 
Ardını oxu...
Coğrafiya İnstitutunun direktoru vəzifəsindən azad edilib.

Hurriyyet.Az Oxu.az-a istinadən xəbər verir ki, Elm və Təhsil Nazirliyinin Coğrafiya İnstitutunun direktoru Zakir Eminov vəzifəsindən azad edilib.

Qeyd edək ki, coğrafiya elmləri doktoru, professor Zakir Eminov 2021-ci ildən Coğrafiya İnstitutunun direktoru vəzifəsini icra edirdi.
 
Ardını oxu...
Bakının Xətai rayonu 8 noyabr prospekti Orxan İsmayılov küçəsində güclü partlayış səsi eşidilib.

Bu barədə Globalinfo.az-a yerli sakinlər məlumat veriblər.

Onlar bildiriblər ki, güclü külək və qar səbəbindən ərazidəki transformator partlayıb.
 
Ardını oxu...
Zaqatalada dələduzluq edən makler həbs olunub.

Lent.az-ın məlumatına görə, “Makler Saleh” ləqəbli Saleh Süleymanov Cinayət Məcəlləsinin 178.3.2-ci (dələduzluq, külli miqdarda) maddəsilə təqsirləndirilir.

Onun barəsində 10-a yaxın vətəndaş hüquq-mühafizə orqanlarına şikayət edərək, aldandıqlarını bildiriblər.

“Makler Saleh” bir əmlakı bir neçə nəfərə satmaqda və digər bu kimi cinayətlərdə ittiham olunur.

Zaqatala rayon məhkəməsinin qərarı ilə Saleh Süleymanov barəsində 3 ay müddətinə həbs qətimkan tədbiri seçilib.

Hazırda prokurorluq onun digər cinayətlərinin olub-olmadığını araşdırır.
 
Ardını oxu...
Vəzifə səlahiyyətlərindən sui-istifadə edilərək qanunsuz ağac kəsilməsi faktı ilə bağlı başlanmış cinayət işinin ibtidai istintaqı davam etdirilir
Bu barədə Baş Prokurorluq və Ekologiya və Təbii Sərvətlər Nazirliyinin birgə məlumat yayıb.

Xəbər verildiyi kimi, daxil olmuş məlumatlar əsasında Zaqatala rayonu ərazisində ağacların qanunsuz olaraq kəsilməsi faktı ilə bağlı keçirilmiş əməliyyat-axtarış tədbirləri nəticəsində Baş prokuror yanında Korrupsiyaya qarşı Mübarizə Baş İdarəsində Cinayət Məcəlləsinin 259.2.3-cü (qanunsuz olaraq ağac kəsmə şəxs tərəfindən öz qulluq mövqeyindən istifadə etməklə törədildikdə) və 308.2-ci (vəzifə səlahiyyətlərindən sui-istifadə ağır nəticələrə səbəb olduqda) maddələri ilə cinayət işi başlanaraq ibtidai istintaq aparılır.

İlkin istintaq-əməliyyat tədbirləri ilə Zaqatala-Danaçı-Aşağı Çardaxlar avtomobil yolu üzərində yerləşən 1100-dən çox ağacın təhlükəsizlik məqsədi ilə budanması işləri çərçivəsində sahibkarlıq fəaliyyəti ilə məşğul olan Qudayev Muhuma Məmmədəli oğlunun başqa şəxsin adından “14 nömrəli Yol İstismarı” Məhdud Məsuliyyətli Cəmiyyətinin direktoru Paşayev Rüstəm Kamal oğlu ilə müqavilə bağlayaraq fevralın 15-16 fevral-da həmin ərazidə ümumilikdə 140 ədəd ağacı qanunvericiliyə zidd formada, 7 saylı Regional Ekologiya və Təbii Sərvətlər İdarəsinin ekoloji tələblərinə riayət etmədən budayaraq zərər yetirməsinə əsaslı şübhələr müəyyən edilib. Belə ki, sözügedən işlər müvafiq təcrübəyə malik olmayan şəxslər tərəfindən, bir çox ağacların alt yarus budaqları götürülməklə və estetik görünüşü korlanmaqla həyata keçirilmiş, bu işlərdə aidiyəti nəzarət təşkilatlarının iştirakı təmin edilməmişdir.

İstintaq zamanı Muhuma Qudayevə məxsus olan 4 obyektə baxış keçirilərək budanmış ağacların hissələri aşkar olunub saxlanca verilib.

Qeyd edilənlərlə əlaqədar “14 nömrəli Yol İstismarı” MMC-nin direktoru Rüstəm Paşayev, 8 saylı “Avtomobil Yollarının Yaşıllaşdırılması” MMC-nin direktoru İlham Namazov, Zaqatala rayon İcra Hakimiyyəti Başçısının Maqov kəndi üzrə inzibati ərazi nümayəndəsi Rəcəb Davudov tutduqları vəzifədən azad edilmiş, müvafiq nəzarət tədbirlərinin həyata keçirilmədiyinə görə 7 saylı RETSİ-nin rəisi əvəzi Anar Süleymanov və həmin idarənin məsləhətçi-müfəttişi Əfqan Şibiyev vəzifələrinin icrasından kənarlaşdırılmışdır.

Hazırda Zaqatala rayonu ərazisində baş vermiş digər qanunsuz ağac kəsmə faktlarının müəyyən edilməsi istiqamətində ibtidai istintaq tədbirləri davam etdirilir.

Nəticəsi barədə ictimaiyyətə əlavə məlumatın verilməsi təmin ediləcəkdir.
 
Ardını oxu...
Məcburi qaydada yerə enmək barədə xüsusi tələblərə riayət etməyən, bortunda pozuntu törədilməsində təqsiri olmayan sərnişinlərin olması barədə düzgün məlumat olmayan və ya özünümüdafiə tələb edilən halda hava gəmisinin məhvinə icazə veriləcək.

APA-nın xəbərinə görə, bu, Nazirlər Kabinetinin “Dövlət sərhədini pozan hava gəmilərinə və uçuş aparatlarına qarşı hava hücumundan müdafiə qoşunlarının növbətçi qüvvə və döyüş texnikasının tətbiq edilməsi Qaydaları”nda etdiyi dəyişiklikdə əksini tapıb.

Belə halda əvvəlcə xəbərdarlıq atəşi açılacaq.

İndiyə qədər qüvvədə olan Qaydaya əsasən, mülki hava gəmilərinə qarşı məhv atəşi açmağa bu hava gəmilərinin sərnişinsiz və hərəkətsiz ələ keçirilməsi barədə aerodromda məlumat olduqda icazə verilib. Belə halda da əvvəlcə xəbərdarlıq atəşi açılmalı idi.

Ardını oxu...
  

II dünya müharibəsindən sonrakı illərdə 3-cü Reyxin baş təhlükəsizlik idarəsində tapılan materiallar əsasında aparılan jurnalist araşdırması olmasaydı, bu məhkəmə prosesi, çox güman ki, heç vaxt işıq üzü görməyəcəkdi.

Həmin materiallardan məlum olub ki, Almaniyanın müxtəlif şəhərlərində 20 il ərzində - 1923-cü ildən 1943-cü ilə qədər naməlum manyak ardıcıl və cəzasız olaraq zorlamalar və qətllər törədib. Müstəntiqlər onu bu illər ərzində ən azı 51 qadının qətlində ittiham ediblər. Bununla belə, onun 85-ə qədər qadını öldürdüyü ehtimal olunur. Hər halda, bu, Avropa kriminalistikası tarixində ən təhlükəli manyak sayılır.

Zəif və fağır qatil

Ardını oxu...

Müstəntiqlərə görə, bu amansız qatil 35 yaşlı faytonçu və camaşırxanaçı (atası çamaşırxana sahibi olduğu üçün) Bruno Lyudke olub. Berlinin Köpenik rayonunda onu hər kəs anadangəlmə kəmağıl, zərərsiz və qorxaq biri hesab ediblər. Hətta ifadələrdə manyak “bir milçəyi belə incitməyən” adam kimi təsnif olunub.

Bu illər ərzində Berlində qadınların qətllərində çoxlu ümumi cəhətlərin olduğu aydınlaşdıqca, polis cinayətlərin eyni şəxs tərəfindən həyata keçirildiyini anlayıb. Araşdırma aparmaq üçün təyin edilmiş kriminal polis komissarı Hayns Frants oxşar cinayətlər törədə biləcək onlarla şübhəlinin işlərini araşdırsa da, uyğun namizəd tapmayıb.

Ardını oxu...

Onların çoxunun ya möhkəm alibisi olub, ya həbsdə cəza çəkiblər, ya da cəbhədə vuruşublar. Lakin komissar sonda Brunonun işi üzərində dayanıb. Bundan sonra SS də araşdırmaya qoşulub. Komissar Bruno Lyudkeni iki saat sorğu-sual etsə də, şübhəli şəxs ona qarşı olan bütün iddiaları inadla rədd edib.
Hayns dindirməni yarımçıq kəsib, baş katibi və stenoqrafı evə göndərib. Sonra o, öz dosyesinə yazıb: “Məndə belə təəssürat yaranıb ki, bir neçə nəfərin olması Lyudkeyə mane olur və adi sorğu-sual forması onun üçün qəbuledilməzdir. Onunla hansısa şəxsi əlaqə yaratmağa çalışmaq, müəyyən etimad mühiti formalaşdırmaq lazımdır”.

Komissarın xüsusi yanaşması sayəsində oğlan törətdiyi cinayətləri etiraf etməyə başlayıb. Cinayət yerinə gedəndə Lyudke Frantsın proqnozlaşdırdığı kimi, meşədə qətlə yetirdiyi qadını harada basdırdığını, paltarının vəziyyətini və ayaqqabılarını kolluqlarda harada gizlətdiyini ətraflı şəkildə təsvir edib. Bir neçə gün ərzində o, daha yeddi qətli etiraf edib və getdikcə də keçmişə qayıdıb.

Manyak üzərində aparılan təcrübə

Ardını oxu...

Etiraflardan sonra manyak saxlanılıb. O, psixiatrik müayinədən keçmək üçün Vyana təhlükəsizlik polisinin mərkəzi kriminalistik institutunun həbsxanasına aparılıb. Burada onun etiraf etdiyi qətlləri törədə biləcəyini yoxlayıblar və adi tibbi müayinələrdən keçiriblər. Bruno daha çox cinayəti etiraf etsə də, evə getməyəcəyini anlamağa başlayıb. O, əlavə ifadə verməkdən imtina edib, gündəlik təcrübələrə müqavimət göstərməyə başlayıb və “dostu” Haynsdan onu Berlinə aparmasını tələb edib.

8 aprel 1944-cü ildə Bruno Lyudke, görünür, nasistlərin, SS zabitlərinin onun üzərində apardıqları amansız təcrübələrə tab gətirə bilməyib ölüb. Tarixçilər hesab edir ki, 1939-cu ilin avqustunda “İrsi xəstəliklərin qarşısının alınması haqqında qanun”a əsasən, 1940-cı il mayın 29-da məcburi sterilizasiyadan keçmək əmri verilib. Hitler Almaniyasında millətin genefondunu təsadüfən korlamamaq üçün bütün əqli qüsurlu insanlar məcburi sterilizasiyaya məruz qalıblar. Odur ki, əqli cəhətdən inkişaf etməyən manyak təcrübələrdən sonra da qətlə yetirilə bilərdi.

Ardını oxu...

Hər necə olsa da, 1943-cü ilin sonunda Lyudke işi üzrə komissiya ləğv edilib, işçilərdən məlumatın açıqlanmaması müqaviləsi imzalaması tələb olunub. Çünki nasistlərin qələbə çaldığı bir ölkədə manyaklar ola bilməzdi! Ona görə də bu işin olduğu qovluq arxivə yönləndirilib.

İlkin Nəcəf, xüsusi olaraq Musavat.com üçün

 
 
 
Ardını oxu...
Bakıda hərraca çıxarılacaq “Rolls Royce”un sahibi bəlli olub.
Məhkəmə qaydasında müsadirə edilən 99-AF-009 dövlət nömrə nişanlı lüks avtomobil Azərbaycanlı iş adamı, “Eurohome” ticarət mərkəzinin rəhbəri, həmçinin AF Holdinq Şirkətlər Qrupunun prezidenti Azay Möhnətova aiddir. Dövlət nömrə nişanındakı “AF” hərfləri bunu ifadə edir.

Mediada yer alan məlumatlardan məlum olur ki, Azay Möhnətov həmçinin, “AF Hotel Aqua Park”ın, “Uğur-97” şirkətinin prezidenti, Azərbaycan Memarlar Birliyinin üzvüdür.

Qeyd edək ki, ötən gün Bakıda “Rolls Royce Ghost” avtomobili hərraca çıxarılması ilə bağlı elan paylaşılıb. Lüks avtomobilin minimal satış qiymətinin 262 500 manat, ilkin qiymətinin isə 375 min manat olduğunu açıqlanıb. 2014-cü ilə aid olan ağ gümüşü rəngli, 6,6 l. mühərrik həcmli “Rolls Royce Ghost” 75 min kilometr yürüş edib.

Avtomobilin ilk hərracı martın 6-da keçiriləcək.

Xatırladaq ki, bu tipli hərraclar, məhkəmə və digər orqanların qərarlarının icrası ilə bağlı əmlakın hərracda satılması yolu ilə tələbin ödənilməsi məqsədilə icra məmurlarının sifarişi əsasında həyata keçirilir. Adətən bankda girov qoyulan əmlaklar bu qayda ilə satılır.

/Yenisabah
Ardını oxu...
Ardını oxu...
 

Ardını oxu...
 

Astara şəhər 6 nömrəli məktəbin gözətçisi Halik Nəcəfovun məktəbin direktoru Ülviyyə Bayramovanı bıçaqlaması ilə bağlı açılan cinayət işinin təfərrüatı məlum olub. Direktoru bıçaqlayan şəxs hakim qarşısına çıxarılıb.

Musavat.com xəbər verir ki, hadisənin baş verməsinə səbəb direktorla Halik Nəcəfovun məktəbdə katibə işləmiş arvadı Validə Məmmədova arasında olan ədavət olub.

Belə ki, hadisədən bir neçə ay əvvəl Validə Məmmədova sosial mediada və kütləvi informasiya vasitələrində Ülviyyə Bayramovanı rüşvət və korrupsiyada ittiham etmişdi.

Bundan sonra prokurorluq tərəfindən məktəbdə araşdırma aparılıb və iddialar təsdiqini tapmayıb. Ülviyyə Bayramova isə Validə Məmmədovanı xüsusi ittiham qaydasında məhkəməyə verib. Məhkəmənin hökmü ilə V.Məmmədova böhtan əməlində təqsirli bilinərək cəzalandırılıb.

Bundan sonra Validə Məmmədovanın videogörüntülərini müxtəlif şəxslər, əsasən də məktəb kollektivi arasında yayılıb. Bundan xəbər tutan Halik Nəcəfov direktoru günahkar bilib və onunla mübahisə edib, görüntüləri tələb edib. Mübahisə zamanı Halik Nəcəfov direktora bıçaqla xəsarət yetirib.

Halik Nəcəfova qarşı Cinayət Məcəlləsinin 221.3-cü (xuliqanlıq; silahdan və ya silah qismində istifadə olunan əşyalardan istifadə edilməklə törədilməsi zərər çəkmiş şəxsə zor tətbiq olunması ilə, yaxud özgənin əmlakının məhv edilməsi və ya zədələnməsi ilə müşayiət olunduqda) maddəsi ilə ittiham irəli sürülüb.

Halik Nəcəfov ifadəsində deyib ki, hadisədən təxminən 3-4 ay əvvələ qədər arvadı məktəbdə katibə işləyib. Direktorun qanunsuz hərəkətlərini gördükdən sonra prokurorluq orqanlarına şikayət edib:

“Bundan sonra da direktor Ülviyyə arvadıma aid videogörüntüləri yaymağa başladı. Həmin görüntüləri görməmişəm. Direktor həmin videoları məktəbdə və təhsil sektorunda müxtəlif şəxslərə göstərib. Onun şərəf və ləyaqətini alçaldıb. Sonra Validə ərizə yazaraq işdən çıxdı. Validə həmin görüntüləri direktordan tələb edirdi, amma o, vermirdi. Görüntüləri yayamaqda davam edirdi. Bu hərəkətlərdən bezdim. Direktoru qorxutmaq, cəzalandırmaq qərarına gəldim. Məktəbə gedib direktoru gözlədim. Maşınından düşəndə ona yaxınlaşdım. Seçki günü olduğu üçün məktəbə səs verməyə gələnlər və müşahidəçilər var idi. Yüksək səslə görüntüləri verməsini istədim. O da məni təhqir etdi. Mən də bıçağı çıxarıb vurdum. Neçə zərbə vurduğumu bilmirəm. bıçağı evdən gətirmişdim. Ülviyyə yerə yıxılıb qışqırmağa başladı. Camaat və polis gəldi. Polisin tələbindən sonra bıçağı yerə atdım”.

Təqsirləndirilən şəxs direktoru öldürmək niyyətinin olmadığını deyib. Bildirib ki, bunun üçün imkanı olsa da etməyib. O, əməlindən peşman olduğunu, yüngül cəza verilməsini istəyib.

Zərərçəkmiş məktəb direktoru Ülviyyə Bayramov da məhkəmədə ifadə verib.

Deyib ki, 5 ildir məktəbin direktoru olub. Hazırda isə Bakıda çalışır.

Onun sözlərinə görə məktəbə katibə işləyən Validə Məmmədova 2 il əvvəl ondan oğlunu məktəbə texniki işçi kimi qəbul etməsini istəyib. Lakin direktor bununla razılaşmayıb:

“Həmin iş yerinə qazinin həyat yoldaşını qəbul etdim. Bundan sonra Validə mənimlə ədavət aparmağa başladı. Müxtəlif qurumlara haqsız şikayətlər etdi”.

Direktorun sözlərinə görə Validə Məmmədovanın görüntülərini başqa şəxslərdə görüb: “Müəllimlərdə və işçilərdə gördüm. Validəni çağırıb həmin video barədə ondan soruşdum. Dedi ki, montajdır. Görüntülər məktəbin kollektivi arasında qınağa səbəb oldu. İclas keçirib onu işdən çıxarmağı təklif etdilər. Amma Validə özü ərizə yazıb işdən çıxdı”.

Hadisə barədə danışan keçmiş direktor deyib ki, özünü əlindəki çanta ilə müdafiə edərək qışqırıb.

Tərəflər arasında barışıq olmayıb.

Məhkəmənin hökmü ilə Halik Nəcəfov 2 il 6 ay müddətinə azadlıqdan məhrum edilb.

İlkin Muradov
Musavat.com

Ardını oxu...
Xəbər verdiyimiz kimi, Milli Olimpiya Komitəsinin (MOK) İcraiyyə Komitəsinə yeni üzvlər seçilib. Mediada yayılan məlumata görə, ötən seçkidə MOK-un vitse-prezidenti seçilən gənclər və idman naziri Fərid Qayıbov bu dəfə etimad qazanmayıb və vəzifəsini itirib.

Bu, F.Qayıbovun son 21 gündə itirdiyi ikinci vəzifəsi olub. Belə ki, Prezident İlham Əliyev ötən ayın 29-da 2025-ci ildə Azərbaycanda keçiriləcək III MDB Oyunları üzrə Təşkilat Komitəsinin tərkibində dəyişiklik edilməsi ilə bağlı Sərəncam imzalayıb. Sərəncama əsasən, ötən il Təşkilat Komitəsinin sədri olan Fərid Qayıbovu bu vəzifədə Baş nazirin müavini Samir Şərifov əvəz edib. Fərid Qayıbov isə Təşkilat Komitəsinin ilk iclasına S.Şərifovun müavini kimi qatılıb.

Fərid Qayıbovun indi MOK-dakı vəzifəsindən də uzaqlaşdırılması nazirin siyasi hakimiyyət nəzdindəki etimadı da itirmiş ola biləcəyini göstərə bilərmi?

Fərid Qayıbovla bağlı ən ciddi gərginlik Mariana Vasileva gənclər və idman nazirinin müavini vəzifəsindən çıxarıldıqdan sonra yaşandı. Prezidentin Sərəncamından sonra nazir artıq sabiq sayılan müavini ilə selfi çəkdirib paylaşmışdı. Onun bu hərəkəti mediada kəskin şəkildə tənqid edildi.

Həmin vaxt “Qafqazinfo” nazir haqda kəskin tənqidi məqalə yazmışdı. Məqalədən bir abzası xatırladırıq: “Bu fotonu başqa necə izah etmək olar? Məsələn, biz gözləyirdik ki, sosial şəbəkələrdə aktiv olan cənab nazir, ən azından müavininin Azərbaycan idmanına baha başa gələn xoşagəlməz davranışına görə üzr istəyəcək. Amma əvəzində Fərid Qayıbov bu gün onun vətəndaş qəbulunda iştirakını təmin edib, nazirliyin dövlət səviyyəli tədbirinə aparıb. Görünür, Fərid Qayıbov Mariana xanımın işdən çıxarılmayacağına çox əmin imiş. Amma onun unutduğu bir şey var idi: Cənab Prezidentin qətiyyəti!”

Globalinfo.az-a danışan siyasi şərhçi Heydər Oğuz vəzifələrin daimi olmadığını xatırladaraq, qısa zaman ərzində iki vəzifəsindən uzaqlaşdıran nazirə çətin də olsa, bu reallıqla razılaşmağı məsləhət görüb.

O, nazirə istefa ərizəsi yazmağı məsləhət görüb:

“Məncə, hörmətli Fərid Qayıbov barəsində sərəncam imzalanmasını gözləmədən üzüsulu istefa ərizəsini yazsa, yaxşıdır. Üstəlik, səhv etmirəmsə, onun bolqar müavini Mariana Vasileva da bir ay əvvəl nazirlə bərabər Şamaxı və Qobustan rayon sakinləri ilə görüşərkən, paytaxtdan gələn telefon zəngi ilə bəd sürprizlə qarşılaşıb, işdən azad olunduğu xəbərini almışdı. Məhz bu zəngdən sonra nazirin vəzifə səlahiyyətləri üzərində aparılan budama əməliyyatı Fərid Qayıbovun da aqibətinin ürəkaçan olmayacağına işarədir”.

H.Oğuzun fikrincə, Fərid Qayıbovun bəzi səlahiyyətlərinin keçmiş maliyyə naziri Samir Şərifova tapşırılması da təsadüfi olmaya bilər:

“Bəziləri onun müavini Mariana Vasilevanın idmançılarla kobud davrandığına görə işdən azad olunduğuna inanırlar. Amma cəzalandırılmanın yalnız müavinlə məhdudlaşmaması, nazirin də bəzi səlahiyyətlərinin getdikcə budanması və onun bir sıra vəzifələrinin keçmiş maliyyə nazirinə tapşırılması problemin daha dərin olması ehtimalını ağıla gətirir. Mümkündür ki, onun bəzi vəzifələrinin sabiq maliyyə nazirinə tapşırılması nazirlikdə maliyyə maxinasiyalarının baş verməsi ilə əlaqədar ola bilər. Görünür, Azərbaycan siyasi iradəsi məhz bu ehtimalı nəzərə alıb, Fərid Qayıbovun bir neçə illik fəaliyyətini ciddi araşdırmaq missiyasını Samir Şərifova həvalə edib. Təbii ki, bu, mənim ağlıma gələn ilk ehtimaldır. Əsl həqiqət isə yaxın günlərdə və ya həftələrdə məlum olacaq”.
 

Dünyapress TV

Xəbər lenti