 |
|
|
Ukrayna Prezidenti Vladimir Zelenski NATO-nun Vaşinqtonda keçiriləcək sammitinə dəvət olunub.
Tribunainfo.az xəbər verir ki, bunu NATO Baş katibi Yens Stolteneberq Kiyevdə Ukrayna Prezidenti Vladimir Zelenski ilə birgə keçirdiyi mətbuat konfransında deyib.
“Biz həmçinin iyulda Vaşinqtonda keçiriləcək NATO sammitinə hazırlığı müzakirə etdik. Cənab Prezident, mən sizi həmin görüşdə qarşılamağı səbirsizliklə gözləyirəm”, – Stoltenberq bildirib.
Baş katib qeyd edib ki, NATO müttəfiqləri Ukraynaya yardımın sürətləndirilməsi və artırılması barədə razılığa gəlib. Baş katib ABŞ, Böyük Britaniya, Almaniya və Niderlandın Ukraynaya hərbi yardımla bağlı elanlarını xatırladıb.
“Mən ümid edirəm ki, daha çox ölkə bu yardımlara qoşulacaq və bu mənada tezliklə yeni yardım bəyanatları gözləyirəm. Biz Ukraynanın təcili ehtiyaclarını qarşılamaq üçün çalışırıq. Mənim mövqeyim hər zaman aydın olub. Mən bildirmişəm ki, əgər müttəfiq ölkələr NATO-nun hərbi büdcəsi üzrə tələbləri qarşılamaq, yoxsa Ukraynaya dəstək verməklə bağlı seçim qarşısında qalsalar, onlar Ukraynaya dəstək verməlidirlər. Boşalan hərbi anbarları doldurmaq olar, ancaq itirilən həyatları geri qaytarmaq mümkün deyil”, – Stoltenberq vurğulayıb.
Baş katib əlavə edib ki, Ukraynanın haqlı yeri NATO-dadır, Ukrayna NATO-nun üzvü olacaq: “Bu gün bizim qət etdiyimiz yol onu NATO üzvlüyünə yaxınlaşdırır. Vaxtı çatan kimi Ukrayna dərhal üzv olacaq. NATO-nun mənzil-qərargahında Ukraynanın bayrağının dalğalanacağı günü səbirsizliklə gözləyirəm.
NATO Ukraynanın və özünün təhülkəsizliyi üçün bu ölkənin yanında dayanır”.
Baş katib onu da bildirib ki, Ukraynanın NATO-ya üzv olması üçün 32 müttəfiq buna razılıq verməli, bunun reallaşması üçün konsensus olmalıdır. Yens Stoltenberq deyib ki, iyulda keçiriləcək sammitə qədər bu konsensusun olacağını gözləmir.
ABŞ-ın KFC restoranlar şəbəkəsi İsrailin Qəzzaya hücumlarına reaksiya vermək və Fələstin xalqını dəstəkləmək üçün başlatdığı boykotdan sonra Malayziyadakı 108 filialını müvəqqəti olaraq bağlayıb.
Tribunainfo.az Sözçü-yə istinadən xəbər verir ki, Strait Times qəzetinin məlumatına görə, KFC Malayziyadakı fəaliyyətinin əhəmiyyətli hissəsini dayandırıb.
Çinin Nanyang Siang Pau qəzetinin Google Maps-ə əsaslanaraq dərc etdiyi məlumata görə, Malayziyada KFC-nin sahibi və fəaliyyət göstərən QSR Brands ölkə daxilində 108 filialında fəaliyyətini müvəqqəti dayandırıb.
Paytaxt Kuala Lumpurun Jalan İpoh, Jalan Sultan və TÜM Melavati bölgələrində KFC filialları bağlanıb. Əməkdaşlar qeyd ediblər ki, son bir həftədir filiallar müştəri çatışmazlığı səbəbindən bağlanıb.
Türkiyə və Yunanıstan Meriç çayı ərazisində iki ölkənin nəzarət-buraxılış məntəqələrini birləşdirən yeni körpünün tikintisi ilə bağlı razılığa gəliblər.
Yeni 811 metrlik dörd zolaqlı körpünün inşasına bu il başlanacaq. Konstruksiya, 1958-ci ildə tikilmiş köhnə iki zolaqlı körpü ilə yanaşı fəaliyyət göstərəcək.
Türkiyənin Yunanıstan ilə həmsərhəd olan Ədirnə əyalətinin qubernatoru Yunus Sezer bildirib ki, mövcud körpü artıq Türkiyənin artan beynəlxalq ticarət həcminin öhdəsindən gələ bilmir və bununla əlaqədar iki ölkənin hakimiyyət orqanları tərəfindən yeni nəqliyyat layihəsinin həyata keçirilməsi barədə qərar qəbul edilib.
İnşaat işləri hər iki tərəfindən maliyyələşdiriləcək ki, bu da Türkiyə ilə Avropa İttifaqı (Aİ) ölkələri arasında yük və sərnişin axınını sürətləndirəcək.
Avropa Ukraynanı silahla dəstəkləməyə davam etməlidir.
Bunu Ər-Riyadda Dünya İqtisadi Forumunun xüsusi sessiyasında çıxış edən Avropa İttifaqının Xarici siyasət və Təhlükəsizlik məsələləri üzrə Ali Nümayəndəsi Cozep Borrel bildirib.
Cozep Borrel deyib ki, avropalılar Donbas uğrunda ölməyə getməyəcək: “Ancaq biz ukraynalıların uzun müddət ərzində Donbas uğrunda ölməməsinə nail ola bilərik. Bunun üçün də müqavimət göstərdiyi müddətdə Ukraynanı dəstəkləməliyik. İnsanlar soruşurlar ki, nə zamana qədər Ukrayna üçün pul xərcləyəcəyik. Ancaq biz Ukraynanı dəstəkləməyə söz vermişik. Avropa İttifaqı nə qədər ehtiyac var, Kiyevə o qədər kömək etmək niyyətindədir”.
Qeyd edək ki, Cozep Borrel bu il martın 21-də Aİ-nin sammitində də anoloji bəyanatla çıxış edib.
İstanbul aeroportu Avropanın ən işlək hava limanı olub.
Bu barədə Avropa Hava Naviqasiyasının Təhlükəsizliyi Təşkilatının (“Eurocontrol”) 15-21 aprel tarixləri üzrə Avropa Aviasiya Hesabatında bildirilib.
Məlumata görə, İstanbul Hava Limanı bu müddət ərzində gündə orta hesabla 1424 uçuş həyata keçirib. İstanbul hava limanını gündə 1314 uçuşla Amsterdamın Şipol, 1306 reyslə Londonun Hitrou hava limanı izləyib.
Gələn həftə Rusiyada inauqurasiyaya hazırlıq finişə çatacaq. Vladimir Putin may ayında prezident vəzifəsinin icrasına başlayacaq.
“Cebhe.info” xəbər verir ki, həmin gün ona prezident avtomobili “Aurus”un yenilənmiş versiyası təqdim olunacaq.
Prezident Həsən Ruhaninin Təbrizdə vəd etdiyi Türk Dil Qurumu yerinə rəsmilər tərəfindən 2015-ci ilin ilk aylarında təsis edildiyi açıqlanan “Azərbaycan Mədəniyyət, Sənət və Ədəbiyyat Fondu”-nun 9 il keçdikdən sonra hələ fəaliyyətə başlamadığı bildirilir.
Təbrizə fəaliyyət göstərən Nasr News internet portalının yazdığına görə, “Azərbaycan Fondu etinasızlıq və laqeydlik səbəbilə həm fəaliyyətsiz qalıb, həm də fond üçün nazirlikdən gözlənilən 32 milyon tümənlik büdcənin ayrılıb-ayrılmayacağı bəlli deyil.”
İran prezidenti Həsən Ruhani 2013-cü il seçki kampaniyalarında Təbrizdə Türk Dil Qurumu təsis ediləcəyinə dair söz vermişdi. Bu və digər vədlərini yerinə yetirməyən Ruhani daha sonra Təbriz və Urmiyə kimi şəhərlərə səfərlərində “Ruhani Ruhani, vədlərin bəs hanı?” kimi şüarlar ilə qarşılaşmışdı.
2014-cü ilin son aylarında etnik qruplar və dini azlıqlar üzrə prezident yardımçısı Əli Yunesi Türk Dil Qurumu vədinin gündəmə çıxmasının başdan yanlış olduğunu, Şərqi Azərbaycan valisi isə dil qurumu yerinə Azərbaycan Mədəniyyət, Sənət və Ədəbiyyat Fondunun gündəmə alındığını ifadə etmişdilər.
Nasr News saytı “Azərbaycan Mədəniyyət, Sənət və Ədəbiyyat Fondunun qeyri-müəyyən taleyi” başlığı altında yayımladığı reportajda keçən il fondun müdiri olaraq təyin edilib fəqət sonra istefa edən Ruhullah Rəşidinin açıqlamalarına yer verib.
“Biz öz torpaqlarımızı kiməsə təhvil vermirik. Hər kəsin beynəlxalq tanınmış sərhədləri var, hər kəs öz sərhədlərində yaşamalı, inkişafına baxmalıdır”.
Gununsesi.info “News.am”a istinadən xəbər verir ki, bu sözləri Ermənistan Baş naziri Nikol Paşinyan Vətəndaş Günü münasibətilə Qavar şəhərində gənclərlə keçirilən görüşü zamanı deyib:
“Real olmayan sərhədlərdən imtina etməliyik. Xəyali Ermənistandan real Ermənistana keçid etməliyik. Əks halda həmin xəyali Ermənistan ucbatından real Ermənistanı da itirə bilərik”.
O qeyd edib ki, indi real Ermənistan naminə xəyali Ermənistandan imtina etmək zamanıdır:
“Bu övladlarımızı qoruyacaq, Ermənistanı isə nəhayət suveren, demokratik və azad bir dövlət edəcəyik”.
“Rusiya Federasiyasında xarici vətəndaşların hüquqi statusu haqqında” qanuna yeni əlavələr edilməsi təklif edilir.
Deportasiya ediləcək əcnəbi vətəndaşlara daşınmaz əmlak, avtonəqliyyat vasitələri, özüyeriyən avtomobillər və digər növ avadanlıqların alınmasının, habelə həmin nəqliyyat vasitələrinin qeydiyyata alınmasının qadağan edilməsi təklif edilir.
Həmçinin sənəddə onların nəqliyyat vasitələrini idarə etmək hüququnun məhdudlaşdırılması və sürücülük vəsiqəsi imtahanlarına buraxılmaması da yer alıb. Qanun layihəsinə əsasən, bu rejim Rusiya Federasiyasında qanuni olaraq qalmaq hüququ olmayan xarici vətəndaşlara münasibətdə qurulacaq.
Bu, Rusiya Federasiyasında müvəqqəti olma müddətinin başa çatması və ya miqrasiya sənədləri, müvəqqəti yaşayış icazəsinin, yaşayış icazəsinin ləğvi və ya qanunsuz hərəkətin edilməsi ilə əlaqədar ola bilər. Eyni zamanda miqrasiyanın deportasiya siyahısına düşən şəxslər Rusiya Daxili İşlər Nazirliyinin ərazi orqanına yeri və ya olduğu yerin dəyişdirilməsi, habelə ölkədən planlaşdırılan gediş tarixi və yeri barədə məlumat vermələri tələb olunacaq. Bu normaların pozulması deportasiya ilə nəticələnəcək.
Rusiyadan çıxarılmalı olan əcnəbilər daşınmaz əmlak almağa, bank hesabları açmağa və nikaha girməyə qadağa da daxil olmaqla məhdudlaşdırıcı tədbirlərlə üzləşəcəklər. Təklif olunan digər yenilik əcnəbilərin Rusiyada qanuni qalma müddəti ilə bağlıdır.
Qanunun qəbulu sayəsində müddət ildə 90 günə enəcək. Hazırda miqrantın Rusiya Federasiyasında müvəqqəti qalma müddəti (viza almadan) hər 180 gün ərzində ümumilikdə 90 gündən çox ola bilməz./report
Haaqa Beynəlxalq Ədalət Məhkəməsində (Niderland) Azərbaycanın Ermənistana qarşı qaldırdığı iddia çərçivəsində irqi ayrı-seçkiliyin bütün formalarının ləğvi haqqında beynəlxalq konvensiyanın tətbiqi ilə bağlı açıq dinləmələr başa çatıb.
Oxu.Az bildirir ki, bu barədə Beynəlxalq Ədalət Məhkəməsinin saytında məlumat verilib.
Məlumata görə, məhkəmənin ilkin etirazlarla bağlı qərarı açıq iclasda çıxarılacaq və onun vaxtı müəyyənləşdikdən sonra elan ediləcək.
Azərbaycan öz arqumentlərində məhkəməyə müraciət edərək Ermənistanın 24 aprel 2024-cü il tarixli yekun təqdimatında irəli sürdüyü ilkin etirazların hər birinin məhkəmənin yurisdiksiyasına və ya Azərbaycan tələblərinin məqbul olmasına əsaslı etiraz olmadığı əsasda rədd edilməsini xahiş edib.
Alternativ olaraq, Azərbaycan məhkəmədən bu ilkin etirazların hər birinin işin mahiyyətinə uyğun olan məsələləri qaldırdığını əsas gətirərək rədd etməyi xahiş edib.