 |
|
|
Pentaqonun keçmiş müşaviri Duqlas Makqreqor Türkiyənin Qəzza münaqişəsində mümkün iştirakı ilə bağlı narahatlığını ifadə edib.
Ölkə. Az xəbər verir ki, bu barədə o, X (Tvitter) şəbəkəsindəki səhifəsində yazıb.
“Ərdoğanı ciddiyə almamaq səhv olardı. Türklər yüz illər boyunca Fələstində olub! Bir zamanlar Yaxın Şərqdə ərəb dünyasının böyük hissəsini nəzarətdə saxlayan Türk İmperiyası! İnsanlar unudurlar ki, türk nöqteyi-nəzərindən yəhudilər İslam torpağında yaşayırlar”, - Makqreqor deyib.
Mürtəza
Ölkə.Az
“8 Noyabr - Zəfər Günü” Fransanın Strasburq şəhərində musiqili tədbirlə qeyd olunub.
Bu barədə Azərbaycan Respublikasının Avropa Şurası yanında daimi nümayəndəliyindən məlumat verilib.
Bildirilib ki, tədbirdə Azərbaycan icmasının üzvləri və ölkəmizin dostları iştirak ediblər.
Azərbaycan Respublikasının dövlət himninin səsləndirilməsi və tarixi zəfəri öz qanı və canı bahasına xalqımıza bəxş edən şəhidlərimizin əziz xatirəsi bir dəqiqəlik sükut ilə yad edildikdən sonra tədbirdə açılış nitqi ilə Azərbaycan Respublikasının Avropa Şurası yanında daimi nümayəndəsi Fəxrəddin İşmayılov çıxış edib.
O, Ermənistanın Azərbaycanın tarixi torpaqlarına əsassız iddialarının ardınca ərazilərimizin 20 faizini işğal etməsini və etnik təmizləmə siyasəti nəticəsində bir milyondan artıq soydaşımızın didərgin düşməsini xatırladaraq, 2020-ci ilin 27 sentyabrında başlayan 44 günlük Vətən müharibəsinin Azərbaycan dövləti və xalqı üçün bir ölüm-dirim mübarizəsi olduğunu qeyd edib.
F.İsmayilov Azərbaycan Respublikasının Prezidenti, Silahlı Qüvvələrin Müzəffər Ali Baş Komandanı İlham Əliyevin rəhbərliyi altında Azərbaycanın rəşadətli ordusunun qəhrəmanlığı və xalqımızın sarsılmaz birlik və bərabərliyi sayəsində üzləşdiyimiz işğala son qoyulduğunu bildirib və ötən dövr ərzində Azərbaycan Respublikasının ərazi bütövlüyü və suverenliyinin bərpası istiqamətində verilən taleyüklü qərarlar və onların nəticəsində əldə olunan tarixi nailiyyətlər barədə danışıb.
Tədbirdə həmçinin Strasburqda işgüzar səfərdə olan Azərbaycan Respublikası Milli Məclisinin deputatı və Avropa Şurası Parlament Assambleyasında nümayəndə heyətinin rəhbərinin müavini Kamal Cəfərov çıxış edib.
Qonaqları həm Zəfər Günü, həm də Ulu Öndər Heydər Əliyevin 100 illiyi münasibətilə təbrik edən K.Cəfərov Azərbaycan Respublikası Prezidenti İlham Əliyevin Xankəndidə Azərbaycan bayrağını yüksəltməyi ilə Azərbaycanın bütövləşdiyini vurğulayıb.
Azərbaycanın hazırda tarixdə olmadığı qədər güclü, bütöv və müstəqil olduğunu bildirən K.Cəfərov əlavə edib ki, gələcəyimiz hələ indi başlayır və bunun üçün də möhkəm təməllərimiz vardır. Bundan başqa, tədbir iştirakçılarına 2020-ci il Zəfər Gününü həkk edən video görüntülər nümayiş etdirilib və Azərbaycandan gələn tanınmış DJ Kamran Qaralovun tərtib etdiyi musiqi proqramı təqdim olunub.
“Paşinyan Nikol, əmin ol ki, bizdən beş-on nəfər sənin yanına gəlməyəcək. Biz on minlərlə erməni ilə gələcəyik”.
Musavat.com erməni mediasına istinadən xəbər verir ki, bu sözləri Ermənistanın “Milli Demokratik Qütb” adlı təşkilatını üzvü, Qarabağda azərbaycanlılara qarşı törətdiyi vəhşilikləri ilə tanınan Jirayr Səfilyan mətbuat konfransında deyib.
O qeyd edib ki, Milli Demokratik Qütb həmişə öz siyasi fəaliyyətini bəyan edib və hələ də eyni taktikaya sadiq qalacağını bildirir.
“Milli demokratik qütb həmişə cinayətkarların cəzalandırılmasından danışıb, bu, ilk növbədə sizə və ətrafınıza aiddir. Siz keçid hökuməti mərhələsində, ədalət mərhələsində erməni Nürnberqinə bənzər şəkildə cəzalandırılasınız. Biz sizin cəzanızı belə təsəvvür edirik”, – deyə Sefilyan Paşinyana müraciət edib.
O qeyd edib ki, bir çoxları, o cümlədən Albert Bazeyan Paşinyanın göstərişi ilə azadlıqdan məhrum edilib.
“Yenə də getməyə hazırlaşın. Bunu etməkdən vaz keçirsinizsə, onda biz artıq nələrin ola biləcəyini demişik”, – Səfilyan bildirib.
Bu gün beynəlxalq ekspert qiymətləndirmələri Ermənistanın mümkün “zonal bölgüsü”nü müzakirə edir. İstisna deyil ki, baş verən hadisələr son nəticədə kiçik Ermənistanın Türkiyə, Rusiya, İran və Avropa Birliyinin təsir zonalarına bölünməsinə gətirib çıxaracaq.
Bu sözləri erməni politoloq Vahe Ovannisyan deyib.
“Gələcəyə indiki əzilmiş vəziyyətimizlə getməyə məcburuq. İstəməsək də, bizi aparacaqlar. Keçmişi səhv başa düşməyə və bu günü yanlış qiymətləndirməyə davam etsək, gələcəyimizi öz əllərimizlə cəhənnəmə çevirə bilərik”, - o bildirib
TEREF.AZ-ın xəbərinə görə, Vahe Ovannisyanın sözlərin “Sherg.az”a dəyərləndirən Sosial Tədqiqatlar Mərkəzinin sektor müdiri, politoloq Tural İsmayılov bildirib ki, hazırda Ermənistan cəmiyyətində ümumi bir məğlubiyyət və qorxu panikası höküm sürür:
“Sözü gedən məğlubiyyət və qorxu eyforiyasını müxtəlif formalarda erməni ekspertlər cəmiyyətə ötürməyə çalışırlar. Azərbaycan və Türkiyə Ermənistana sülh və formlaşacaq regional iqtisadi, siyasi və tranzit komunikasiya imkanlarından istifadə etməyi təklif edir. Hər hansı bir formada Azərbaycan və Türkiyənin Ermənistan ərazilərinə iddiası mövcud deyil. Buna baxmayaraq bu gün Ermənistanın hansısa zonalara bölünməsi ilə bağlı erməni cəmiyyətinə fikir aşılmaq özü böyük bir absurdluğu ifadə edir”.
T. İsmayılov Paşinyan və komandasının faktiki olaraq öz ərazilərini müxtəlif xarici güc mərkəzləri üçün peşkəkə çevirdiklərini vurğulayıb:
“Hazırda Ermənistanın bir tərəfində Avropa İttifaqının mülkü müşahidə missiyası adı altında Qərbin hərbi komissarları fəaliyyət göstərir. Gümrüdə Rusiya hərbi bazası var. Qafanda İran konsulluğu adı altında SEPAH agentləri var. Ermənistan hakimiyyətinin hazırda ərazilərini tikə-tikə müxtəlif güc mərkəzlərinin ovucuna atması reallıqdır. Bu gün Azərbaycan və Türkiyə ilə yaxınlaşmaq əslində Ermənistanı xilas edə bilər. Bu baxımdan Azərbaycan və Türkiyənin Ermənistanı hansısa zonalara birləşdirmək və yaxud özünün tərkibə qatmaq kimi ideası yoxdur”.
BMT-nin Demokratiya Fondu (UNDEF) vətəndaş cəmiyyəti təşkilatları üçün 18-ci qrant müsabiqəsinə müraciətləri açıq elan edib. Müraciətlər noyabrın 30-dək qəbul ediləcək.
Bu barədə BMT-nin Azərbaycan nümayəndəliyi məlumat yayıb.
Məlumatda deyilir ki, Azərbaycanda fəaliyyət göstərən vətəndaş cəmiyyəti təşkilatları insan haqlarının və bütün qrupların demokratik proseslərdə iştirakının təşviqinə və vətəndaş cəmiyyətinin gücləndirilməsinə yönəlmiş layihə təklifləri ilə müsabiqəyə müraciət edə bilərlər.
“UNDEF vətəndaş cəmiyyətinin səsini gücləndirən, insan haqlarını təşviq edən və bütün qrupların demokratik proseslərdə iştirakını təşviq edən layihələri dəstəkləyir. UNDEF layihələrinin həyata keçirilməsi müddəti iki ildir. Ərizəçilər minimum 100.000 ABŞ dolları və maksimum 200.000 ABŞ dolları məbləğində qrant tələb edə bilərlər. UNDEF fondlarının vəsaitlərinin böyük əksəriyyəti yerli vətəndaş cəmiyyəti təşkilatlarına sərf olunur. Bu yolla, UNDEF BMT-nin bütün dünyada demokratik idarəçiliyi gücləndirmək üçün digər işini - hökumətlərlə işini tamamlamaqda fərqli rol oynayır”, Demokratiya Fondu bildirir.
BMT-nin Azərbaycan nümayəndəliyi isə bildirir ki, təqdim edilən layihələr gənclərin iştirakı, media və ifadə azadlığı, gender bərabərliyi, qanunun aliliyi və insan hüquqları, vətəndaş cəmiyyətinin hökümətlə birgə fəaliyyətinin gücləndirilməsi, seçki prosesləri sahələriundən birini əhatə etməlidir.
2006-cı ildən UNDEF 120-dən çox ölkədə ümumi məbləği 211 milyon ABŞ dollarından çox olan 890-dan çox layihəni dəstəkləyib. Təkliflər çox ciddi seçim prosesindən keçir və təkliflərin iki faizindən az hissəsi maliyyələşmə üçün seçilir.
Fələstin bayraqları ilə yüzlərlə insan Türkiyənin İncirlikdəki ABŞ hərbi bazasına basqın etməyə çalışır. Fələstin Azadlıq Karvanı adlı aksiyanın iştirakçıları İsrailin Qəzza zolağındakı hərəkətlərinə etiraz edirlər.
Bizim.Media xəbər verir ki, etiraz Türkiyə Humanitar Yardım Fondu “İnsan Haqları və Azadlıqları” (İHH) tərəfindən təşkil olunub.
Nümayişçilər İstanbuldan və digər şəhərlərdən əraziyə gəlib. Etirazçılar Amerika hərbçilərinin yerləşdiyi İncirlik Hərbi Hava Qüvvələri bazasını mühasirəyə alıblar.
Polislər və digər hüquq-mühafizə orqanları etirazçılara qarşı gözyaşardıcı qaz və su şırnaqlarından istifadə ediblər.
“Rusiya ilə ABŞ arasında münasibətlər sıfır səviyyəsindədir, hətta sıfırın altındadır, lakin zaman keçdikcə onlar yenilənməli olacaqlar”.
“Report” xəbər verir ki, bunu Rusiya prezidentinin mətbuat katibi Dmitri Peskov deyib.
Eyni zamanda, o qeyd edib ki, Rusiya Federasiyası və ABŞ qlobal strateji sabitlik üçün xüsusi məsuliyyət daşıdığından, zaman keçdikcə münasibətlər yenidən bərpa edilməli olacaq.
Peskov həmçinin bildirib ki, Rusiya və ABŞ prezidentləri Vladimir Putin və Cozef Bayden arasında ehtimal olunan görüş üçün lazımi şərtlər yaranmalıdır:
“Qarşılıqlı istək də lazımdır. Putin dəfələrlə istənilən təmaslara hazır olduğunu bildirib”.
“Qəzza zolağında baş verən qırğınlarda ABŞ və Prezident Co Bayden şəxsən günahkardır”.
“Qafqazinfo” “Al Mayadeen” nəşrinə istinadən xəbər verir ki, bunu HƏMAS liderlərindən biri Usama Hamdan deyib.
Hamdan Fələstin xalqına qarşı təcavüzü dayandırmaq üçün Vaşinqtona təzyiq göstərməyə çağırıb.
Bundan əlavə, hərəkatın nümayəndəsi İsraili Qəzza zolağından əcnəbilərin təxliyəsi ilə bağlı razılaşmanı pozmaqda ittiham edib. O, Rəfah keçidinin açılmasına çağırıb və həmçinin Beynəlxalq Qızıl Xaç Komitəsi və Ümumdünya Səhiyyə Təşkilatından öz işçilərinin yaralı fələstinliləri daşıyan təcili yardım ekipajlarını müşayiət etməsini istəyib.
Bunu Rusiya Prezidentinin mətbuat katibi Dmitri Peskov “Rusiya” sərgi-forumu çərçivəsində “Bilik” cəmiyyətinin marafonunda çıxışı zamanı deyib.
Peskov Putinin “dublyor”ları ilə bağlı müzakirələrə növbəti dəfə münasibət bildirib.
“Yəqin ki, müxtəlif teleqram kanallarını oxuyursunuz. Prezident Putinin neçə “dublyor”u var? İndi ekspertlər onların üç və ya dörd olduğunu təxmin edirlər. Bəs, hər gün gördüyümüz kimdir? Bu səhər Minin və Pojarskinin abidəsinin önünə çiçəklər qoyan üçüncü, yoxsa dördüncü “dublyor”dur? Aydın deyil, elə deyilmi? Bizim isə yalnız bir Putinimiz var”, – Peskov qeyd edib.
Qeyd edək ki, Kreml bundan əvvəl Rusiya Prezidenti Vladimir Putinin oxşarı olması və onun bəzən Rusiya liderini əvəz etməsi barədə yayılan məlumatları təkzib etmişdi. \\Ölkə.az
İsrail xüsusi xidmət orqanlarının əməkdaşları ölkə xaricində israillilərə qarşı bir neçə hücumun qarşısını ala biliblər.
Teref.az xəbər verir ki, bu barədə İsrailin “Kan” ictimai telekanalı məlumat yayıb.
Telekanalın təhlükəsizlik xidmətlərindəki mənbəsinin bildirdiyinə görə, bəzi hücumlar kortəbii olaraq planlaşdırılıb, digərləri isə radikal qrupların üzvləri tərəfindən hazırlanıb.
Konkret hansı hücumların planlaşdırıldığı, onların sayı və qarşısının alınması üsulları barədə məlumat verilməyib./Report