Türkiyənin pop ulduzu Demet Akalın stilist Anar Ağakişiyevlə bağlı paylaşım edib.
O, “story” bölməsində Anarı işarələyərək bunları yazıb:
“Quzumu da götürdüm, Antalyaya gedirəm”. (olay)
 |
|
|
"Mən əgər pul verib mahnını almışamsa, kiminsə adını niyə çəkməliyəm?".
Bu sözləri müğənni Nadir Qafarzadə "Həmin Zaur" verilişində deyib. O, bunun pulsuz reklam olduğunu bildirib:
"Paltar, kostyum alanda bəyəm hansı marka olduğunu həmişə deməliyəm? Mən bunu almışamsa, özəlimdir. Hörmət əlaməti olaraq deyərəm, amma adını çəkməyə də bilərəm. Çünki pulla almışam, bitdi. Pulsuz ver, adını çəkim və səni reklam edim". (Axşam.az)
“Həyat yoldaşın sənə diqqət etmir və sevgi bəsləmirsə, orada heç bir ailədən söhbət gedə bilməz”.
Bu sözləri müğənni Aysun İsmayılova ARB TV-nin efirində səsləndirib:
“Kinli insan deyiləm, nə yaşayıramsa, onu unutmağa çalışıram. Dünənimlə yaşamıram, hər zaman gələcəyə baxıram. Nə yaşamışamsa, demək ki, bu olmalı idi. Sadəcə bundan dərs çıxarmağa çalışıram. Dostluq və sevgidə əsla xəyanəti bağışlamaram. Yalan danışılsa, mənim o şəxsə qarşı inamsızlığım yaranır”.
Qeyd edək ki, bir müddət öncə Aysun İsmayılova vəkil Ramil Vəliyevdən boşanıb.
Daha ətraflı videomaterialda:
“Son zamanlar bizi kədərləndirən məqam var. Məşhurlardan kimsə vəfat edəndə bizə yazırlar ki, kaş, sən ölərdin. Azər Baxşəliyev rəhmətə gedəndən sonra da eyni hal yaşandı”.
Bu sözləri ARB-nin efirində qonaq olan aktyorlar Elvin-Elvina cütlüyü deyib.
Aktrisa bildirib ki, şərhləri oxuduqca kədərlənir:
“Elvini Allah saxladı. Demək ki, yaşaması lazım imiş. Həmkarlarımızın vəfatı bizi üzür. Amma kiminsə gəlib mənfi rəylər yazmasını anlaya bilmirik. Elvin yaşadı deyə günahkarmı oldu?”
Qeyd edək ki, aktyor Elvin Ağayev qaraciyər serrozundan əziyyət çəkirdi.
Mərhum aktyor Azər Baxşəliyevin 2 yaşlı qızı Züleyxaya maşın hədiyyə olunub.
OLAY yazır ki, ARB-də yayımlanan “5 üz” verilişinin finalı Azərə həsr olunub.
Aparıcı Elşən Orucov finalın qalibinin də Züleyxa olduğunu və avtomobilin ona əmilərinin - E. Orucov, İlkin Həsəni, Nicat Rəhimov, Elçin Cəfərov və Azərin digər dostlarının adından təqdim olunacağını deyib.
Elşən həmçinin ARB-nin rəhbərliyinə də təşəkkür edib.
Verilişdən sonra onlar maşını Züleyxaya aparıb.
"Ağlım olsaydı qətiyyən müğənni olmazdım. Yaxşı bacı, ana, bağça müəlliməsi, həkim olardım".
Bu sözləri 71 yaşına qədəm qoyan Xalq artisti Nisə Qasımova "Qonaqcanlı" verilişində deyib.
Xalq artisti sənət yolunda keçdiyi çətin və keşməkeşli günlərdən danışıb:
"Mən oxumağa məcbur oldum. Çünki mən o illərdə nə yolun yarısında nə də ki, ortasında deyildim... Geri çəkilməkdə... O dövrdə mənə olan psixoloji təxribatlar və daha nələr və nələr... Onlar məni geri çəkilməyə vadar etmək istəyirdilər. Sadəcə mən fiziki və psixoloji gücümə güvənib dedim ki, davam etmək lazımdır. Mən heç zaman "birinci", "məndən yoxdur", "mən və mən" iddialarında olmamışam. Çünki mən daxili dünyamda "mən" eqosu ilə yaşamamışam. Qabağıma çəkilən o çəpərləri keçmək asan deyil idi".
"İnsan özünü zəngin hiss etməlidir, amma bu zənginlik maddiyatla ölçülməməlidir".
Bu barədə Aytən Leylaqızı tədbirlərin birində Milli.Az-ın əməkdaşının "Aytən xanım zəngilinliyi maddiyat ilə ölçür, yoxsa insanın daxili zənginliyi olmalıdır?" sualını cavablayarkən deyib.
Onun sözlərinə görə, maddi zənginlik keçicidir, vicdanın zənginliyi isə əsl gücdür:
"Var-dövlət bu gün var, sabah isə yoxdur. Heç kəs, heç nəyi sığortalamayıb. Həyatın ən vacib məqamlarından biri də odur ki, dünənin uğurları və ya bu günün zənginliyi heç bir zaman gələcəyin təminatı ola bilməz. Nə var-dövlət, nə də maddi sərvətlər insanı hər zaman güvənə sala bilər. Bu həyatı vicdanlı yaşamaq lazımdır ki, gecə yerinə keçəndə, öz vicdanınla baş-başa qalanda qəlbin sızıldamasın, gözlərin qorxudan qapanmasın. Vicdanın sənin ən əhəmiyyətli sərvətindir və bu sərvətə sahib olmaq insanı hər şeydən, hər kəsdən daha güclü edir. Çünki vicdanlı bir insan, heç zaman etdiyi səhvlərdən qorxmaz, yalnız doğru yolu seçməkdən, dürüst yaşamaqdan çəkinməz. Mən düşünürəm ki, vicdanlı olmaq nə var-dövlətə, nə də kasıblığa bağlıdır. İnsan özünü zəngin hiss etməlidir, amma bu zənginlik maddiyatla ölçülməməlidir. Əsas odur ki, ruhun və vicdanın varlı olsun. Çünki maddi zənginlik keçicidir, amma vicdanın zənginliyi sənin əsl gücün və əbədi sərvətindir".
"O vaxtlar" verilişinin yeni buraxılışı yayımlanıb.
Musavat.com Baku TV-yə istinadla xəbər verir ki, proqramın budəfəki qəhrəmanı ifaçı Almazxanım Musayeva olub.
Məktəbdə müəllimlərin sevimlisi olduğunu söyləyən A.Musayeva, həmçinin gözəl səsinin olduğunu bildirib:
"Müəllimlərim dərslərdə mənə mahnı oxudurdular. Hətta 8-ci sinifdə imtahanda da mahnı oxumağımı istəmişdilər, bunun əsasında mənə qiymət yazdılar. Uşaqlar da məni çox istəyirdilər. Aktiv qız idim, oğlan kimi xasiyyətim var idi. At çapmağı çox sevirdim. Həmişə atamın böyründə gəzirdim, onun gördüyü işlərlə maraqlanırdım".
Oxumaq üçün Gədəbəydən Bakıya gəldiyini deyən ifaçının sözlərinə görə, burada musiqi təhsili alaraq toylara getməyə başlayıb: "Atam həkim idi. Müasir adam olduğu üçün bu qərarıma etiraz etmədi. İlk olaraq imtahan verib Kitabxanaçılıq fakültəsinə qəbul oldum. Sonra o sahə üzrə təhsil almaq istəmədiyimə görə musiqiyə yönəldim".
İfaçı ailə həyatından bəhs edərkən bildirib ki, keçmiş həyat yoldaşı sənət dostu olub:
"O vaxtlar məni istəyənlər həddindən çox idi. Sevgi haqqında düşünmürdüm, ancaq sənətimi fikirləşirdim. Həyat yoldaşım sənət dostum idi, aramızda hörmət var idi. Sonradan xəbərim oldu ki, sən demə, əmisi qızı ilə onu "göbək kəsdi" ediblər. Həyat yoldaşımdan bunu mənə niyə demədiyini soruşanda "xəbərin olsaydı, razı olmayacaqdın, ona görə də demədim" cavabını verdi. Sonra ondan ayrıldım, məni çox axtardı. Ayrılandan sonra mənimlə evlənmək istəyənlər çox oldu, amma razı olmadım. Çünki artıq könlüm sınmışdı".
Müğənni Manaf Ağayev açıqlaması ilə diqqət çəkib.
Sənətçi saçına boya qoymasını tənqid edənlərə cavab verib. "Qonaqcanlı" verilişində danışan M.Ağayev bildirib ki, xına və saç boyası kişilər üçündür:
"Hamı istəyir yaraşıqlı, cavan olsun, qəşəng geyinsin. Məni müasir biri bilmirlər. Çox müasirəm, amma əndazəsində. Bir kişinin üzündə çapıq varsa, düzəltirirsə, burnu əyridirsə əməliyyat etdirirsə, nə gözəl. Saçında tük yoxdursa, arxadan çıxardıb önə əkirlərsə nə yaxşı. Etdirmişəm. Xına, boya üstünə kişi yazılıb. Bu, kişi üçün yaradılıb. Hər zaman deyirəm ki, gedin ərəb ölkələrinə bir nəfər saçı ağ adam tapın göstərin". (Axşam.az)
Filologiya üzrə fəlsəfə doktoru, jurnalist Anar Vəziroğlu tez-tez qalmaqallarla gündəmə gəldiyi üçün qardaşı, Əməkdar incəsənət xadimi Baba Vəziroğluya şikayət edilməsinə etirazını bildirib.
A.Vəziroğlu Pravda.az-a açıqlamasında deyib ki, Baba Vəziroğlu orta xətdədir, hamısının gözü onu görür.
“Həm də yumşaq adamdır, nə desələr, deyir ki, “başına dönüm, Anar uşaq deyil ki, mən ona nə deyim?” Sözlərini yumşaq mənada deyir. Mənə zəng etməzlər axı. Bilirlər ki, sərt şəkildə yerlərinə oturduram. Mənim 68 yaşım var, Babanın 70 yaşı. Aramızda nə qaldı? İki bayram. Bunlar öyrəncəlidirlər. Baba yumşaq adamdır deyə ondan şeirləri alırlar, mahnıları qoşurlar. Havayı yerə. Bir gün Xalq artistlərindən biri dedi ki, mənim mahnımı filankəs oxuyub. Sonra evə zəng etdilər ki, bu nə deməkdir? Dedim ki, sən o Xalq artistindən soruş, mahnını ona satmısan, ya yox? Soruşdu, o da dedi ki, yox, satmayıb. Bunlar öyrəşiblər. Hamı çıxıb Babanın yazdığı mahnılara deyir ki, “mənim mahnımdır”. Şair bir kənarda qalır, bəstəkar bir kənarda. Nə var, nə var, 2 min pul verib. Ac şairi tapıblar. Bunların ən zəif cəhətləri budur ki, mən danışdıqca, kiminsə üstünə getdikcə Babaya zəng edirlər. Deyirlər ki, sənin qardaşın belə... Ay balam, daha Baba açıqlama verdi ki, bu adam belədir, Anarı təpiyimin altına salası deyiləm axı. Nə etməlidir? Məni danlamalıdır? Hərdən deyir ki, qınanılası verilişlərə getmə. Yenə də deyirəm ki, mənim öz ağlım, öz başım... Düzdür, Baba müəllimin yanında adicə qız adı çəkməyə qorxuram. Amma bilirəm ki, müğənnilər yumşaq tərəfini tutublar, Baba müəllim belə gəldi, elə getdi. Anar müəllimi isə deyən yoxdur, çox qəribədir. Baba müəllimə tanınmış müğənnilər, onunla dost olanlar zəng edirlər, mənim barəmdə ürəklərini boşaldırlar. Mənimlə danışa bilmirlər, çünki birdəfəlik rədd edirəm. O gün də bir qız zəng edib, mənə deyir ki, sən efirdə ssenari oynayırsan. Dedim, elə olsaydı, nə var idi ki? İndi ortada olardım. Bədbəxtliyim budur ki, susa bilmirəm. Danışanda sözlərini kəsirəm, deyirəm ki, belə deyil. Mən söz adamıyam, filologiya üzrə fəlsəfə doktoruyam. Sənin oxuduğun mahnıdan görünür ki, qandığın “qrafa” yoxdur. Bunu açıq deyirəm. Meyxananı gətirib xalq mahnısına çeviriblər. Az qala televiziyada rinqə çıxırlar. Elin qızısan, müğənnisən, ortadasan. Bir-birilərinə hədə-qorxu gəlirlər, nədir, nədir, pulları var. Hörmətli hökumət bunları eşitmir? Çağırıb pullarını alsın, özlərini də salsın içəri. Anası məşhurdur deyə guya qızı da məşhurlaşır. Başlayıblar efirdə hamını yıxıb-sürüməyə. Abır-həya yoxdur. Abırlı kişidən, abırlı qadından həmişə nümunəvi övlad çıxıb..