 |
|
|
Erməni makiyaj ustası Diana Mkrtçyanın Türkiyənin məşhur aktyoru Burak Özçivitlə yeni şəkili sosial şəbəkələrdə sensassiya ilə qarşılanıb.
Lent.az xarici mediaya istinadla xəbər verir ki, Diana Mkrtçyan fotonu “Bir skandal foto daha paylaşacağam” başlığı ilə paylaşıb.
Görünür, o, əvvəldən nə qədər böyük reaksiya veriləcəyini bilib, çünki bundan bir neçə gün əvvəl o, Özçivitlə çəkilən bulanıq bir foto paylaşıb və minlərlə şərh alıb - heyranlıqdan tutmuş açıq-aşkar aqressiv şərhlərə qədər.
“Utanmırsınız?!, “Yanında kim olduğunu unutma!”, “Bir erməni ilə türk nə iş görür?!” - bu kimi ittihamlar qıza ilk fotodan sonra ünvanlanıb. Lakin Diana görünür, bunlara əhəmiyyət verməyib – bir neçə gün sonra daha aydın bir şəkil paylaşıb.
Cavab olaraq isə yeni hisslər təlatümü başlayıb. Tənqidçilər yenə də qızın milliyyətinə işarə edərək, onu “xəyanət”də suçlayıblar. Ancaq Diana açıq-aydın bu hücumlara hazır olub.
Həm də bütün insanlar qəzəblənməyi dəstəkləməyiblər. Bir çox izləyicisi qızı müdafiə edərək, “İncəsənətdə millət yoxdur”, - yazıb və aktyorla olan şəkilin sadəcə bir xatirə anı olduğunu, nifrət üçün bir səbəb olmadığını bildiriblər.
Sabah, martın 6-da Binəqədi Rayon Məhkəməsində xalq artisti Ağadadaş Ağayevə və onun balta atdığı mühafizəçi Nurəddin Cəlilovun cinayət işi üzrə məhkəmə prosesi davam etdiriləcək.
Musavat.com xəbər verir ki, məlum insidentlə bağlı bir deyil, 2 cinayət işi istintaq olunub.
İşlərdən biri üzrə Xalq artisti Ağadadaş Ağayev təqsirləndirilən şəxs, mühafizəçi Nurəddin Cəlilov zərərçəkmiş şəxs statusundadır. Cinayət dosyesi Binəqədi Rayon Məhkəməsinin hakimi Vüsal Tağıyevin sədrliyi ilə araşdırılır. Digər cinayət işində isə Nurəddin Cəlilov müttəhim, Ağadadaş Ağayev qarşı tərəfdir. Mühafizəçi Nurəddin Cəlilov hakim Elçin Ağayevin sədrliyi ilə mühakimə olunur.
Fevralın 27-də keçirilən məhkəmə prosesində hər iki şəxsin işi üzrə prokurorlar çıxış edib.
Prokuror Ağadadaş Ağayevə verilmiş ittihamın məhkəmə araşdırmaları zamanı təsdiqini tapdığını bildirib. Məhkəmədən xahiş edib ki, Ağadadaş Ağayev Cinayət Məcəlləsinin 221-ci - xuliqanlıq maddəsi ilə təqsirli bilinsin və barəsində 2 il azadlıqdan məhrumetmə cəzası çıxarılsın.
Prokuror ittiham nitqinin davamında bildirmişdi ki, Cinayət Məcəlləsinin 70-ci (şərti məhkum etmə) maddəsi tətbiq edilməklə həmin cəza şərti hesab olunsun.
Ağadadaş Ağayevin balta atdığı mühafizəçi Nurəddin Cəlilovla barışıq sazişi imzaladığı nəzərə alınıb.
Hakim müğənninin vəkili Asim Abbasova müdafiə çıxışına hazırlanması üçün vaxt verib. Bu iş üzrə Ağadadaş Ağayevin mübahisə etdiyi Nurəddin Cəlilov və müğənninin atdığı baltanın dəydiyi xadimə Nəzakət Paşayeva zərərçəkən qismində tanınıblar.
Xalq artisti Cinayət Məcəlləsinin 221.3-cü (xuliqanlıq, silah qismində istifadə olunan əşyalardan istifadə etməklə törədildikdə) maddəsi ilə ittiham olunurdu.
Elə həmin gün, prokurorun Ağadadaş Ağayevə cəza tələbdən sonra hakim Elçin Ağayevin sədrliyi ilə mühafizəçi Nurəddin Cəlilovun cinayət işi üzrə proses davam etdirilib.
Nurəddin Cəlilova da Cinayət Məcəlləsinin 221.3-cü (xuliqanlıq-silah qismində istifadə olunan əşyalardan istifadə etməklə törədildikdə) maddəsi ilə ittiham irəli sürülüb. Prosesdə prokuror çıxış edib. Bildirib ki, Nurəddin Cəlilova verilmiş ittiham məhkəmə araşdırmaları zamanı təsdiqini tapıb. Prokuror Nurəddin Cəlilovun təqsirli bilinməsini və barəsində 2 il 6 ay şərti məhkum etmə cəzası təyin olunmasını istəyib.
Beləliklə, Ağadadaş Ağayevə tələb olunan cəza, onun balta atdığı Nurəddin Cəlilova tələb olunan cəzadan daha yüngül olub. Məhkəmələrin hər iki iş üzrə çıxaracaqları hökmlər sabah məlum olacaq.
E.MƏMMƏDƏLİYEV,
Musavat.com
"Bir gün bezdim və efirdə dedim ki, artıq toya getmirəm. Böyük rütbəli insanlar məni görəndə deyirdi ki, ailəmdə şad gün olarsa, gələrsən? Soruşdum ki, toya getmədyimi eşitmisiniz? Dedim ki, gedirəm. Bunu ona görə demişdim ki, kim mənə salam verirdisə, bacımın, qardaşımın toyudur deyib, dəvət edirdi".
Bu sözləri müğənni Elnur Məmmədov "Afaqla 10lar" verilişinə deyib.
Sənətçi onu təmənnasız toy və tədbirlərə dəvət edənlərdən şikayətlənib:
"Onlara başa sala bilmirdim ki, evimə apardığım çörək oxumağımdan gəlir. Biznesmen, dövlət işçisi, vəkil deyiləm ki, maaşım olsun. Gəlirim toydandır. Elə tanıdıqlarım var idi ki, məni ildə 5 dəfə uşaqlarının ad gününə çağırmaqdan utanmadılar. Amma mən ildə 5 dəfə onların məclisində oxumaqdan utanırdım. Onlara başa sala bilmədim ki, ailəmi bununla saxlayıram. Bir-iki nəfər də bu videonu insanlara göstərib deyirdi ki, Elnur toya getmir". (Axşam.az)
Türkiyənin İstanbul şəhərində qanunsuz mərc oyunları ilə bağlı aparılan istintaq çərçivəsində iş adamı Acun Ilıcalı və bir sıra digər şəxslər haqqında ittiham aktı hazırlanıb.
Oxu.Az "Haber Global" telekanalına istinadla xəbər verir ki, ittiham aktında TV 8 və EXXEN platformalarında yayımlanan futbol matçları zamanı qanunsuz mərc saytlarının reklam edildiyi iddia olunur.
İstanbul Baş Prokurorluğu bu iddia əsasında A.Ilıcalı da daxil olmaqla, şübhəlilərin bir ildən üç ilə qədər həbs edilməsini tələb edib.
İttiham aktı məhkəməyə təqdim edilib. Məhkəmə aktı qəbul edərsə, Acun Ilıcalı və digər şübhəlilər mühakimə olunacaqlar.
"Ağır xəstəlik idi, bilirdik ki, anamı itirəcəyik. Anamın ilk əməliyyatında həkim dedi ki, 2 il ömrü var. Ancaq həkim nə qədər verdi, verdi. Ondan sonra 3 il 3 ay yaşadı. O ərəfədə sürünürdüm, amma bilirdim işləməliyəm, yük çiynimdədir".
TEREF axşam.az-a istinadən xəbər verir ki, bu sözləri meyxanaçı Namiq Qaraçuxurlu ""İncə səhər" verilişində deyib. Sənətçi xərçəng xəstəliyindən əziyyət çəkən anasının vəfatından danışıb:
"Əhvalım pis olanda kiməsə göstərməmişəm. Anam dünyasını dəyişəndə də danışmadım. İçimdə çəkdim, qapalı adamam. İstədim gedim xaricə istirahət edim, beynim açılsın. Gələn kimi dostum Xəyyam (meyxanaçı Xəyyam Əhmədli - red.) vəfat etdi. Bu da bir zərbə oldu.
Toparlana bilmirdim, səhhətimdə pis şeylər oldu. Başqa müğənnilərin heç nə vecinə deyil. Amma mənim imicim elədir ki, cəmiyyətin ismarışını eşidənəm. Deyirlər, bunu etmə, olmaz. Gördüm qalxa bilmirəm. El şənliklərinə getmirdim, beh verilirdi, qaytarırdım. Sonra gördüm alınmır, qalxdım, indi yaxşıyam".
N.Qaraçuxurlu səhhətindəki problemdən danışıb:
"Başımda problem yarandı, Ağrılar olurdu, başım fırlanırdı. Bir də ürəyimdə ağrılar yarandı. Psixologiyam və iradəm güclüdür, qarşısını aldım".
Klarnet ifaçısı Hüseyn Məhəmmədoğlu aktrisa həyat yoldaşı Aysel İbrahimova ilə "7 Tamam" verilişində qonaq olub.
Proqramda Aysel aparıcının "Hüseynin ilk etirafı nə zaman oldu və necə inandınız" sualına "Əslində Hüseyn çox əziyyət çəkdi. Uzun bir yol qət etdi" cavabını verib.
Hüseyn isə "Əslində hələ də inanmır. Hər şey birdən oldu. Bilirsiniz nə qədər nömrə almışdım? Bir nömrəmi C"bloklayırdı", digərini taxırdım. Bir ovuc nömrəm var idi. Qərar isə birdən oldu. Mənim və Aysel xanım üçün bu addımı atmaq çətin idi. Bəzən insan çox düşünür, vaxt gedir və bir də görürsən ki, heç nə alınmadı. Bizdə demək olar ki, vaxt da getmədi. Birdən qərar verdim, mart ayında etiraf etdim və sentyabrda ailə qurduq".
Qeyd edək ki, Aysel və Hüseyn cütlüyünün bu nikahdan bir oğul övladı var. (Axşam.az)
"Keçmişdə bir xanım nikahdankənar münasibətini gizlədərdi. Kimsə desəydi ki, beləsən, daş atıb başını tutar, inkar edərdi".
Axşam.az xəbər verir ki, bu sözləri aparıcı Elgiz Əkbər verilişində deyib. O, tanınmışların efirdə evli kişilərlə münasibətdə olmasını açıq danışmasını tənqid edib:
"Bir xanım var idi. Efirə gələndə sual verdim ki, həyatında kimsə var? Dedi, var, 2 ay bir yerdə olduq, sonra yola saldım. Ona ad dedilər ki, İlyas. Cavab verdi, onu yola salmışam. İndi həyatımda başqasıdır. Elə bildim zarafat edir, sonra gördüm düz danışırmış.
Bir bəy evlidirsə, balaları varsa, onu çəkib gətirmək, özünə yar etmək, pulundan istifadə etmək... Həmin bəylər başa düşsün ki, qara qaşına, gözünə aşiq olmayıblar".
75 yaşlı məşhur türkiyəli müğənni Edip Akbayram vəfat edib.
Bu barədə Türkiyə mətbuatında məlumat yayılıb.
Bildirilib ki, müğənni 2 aydır müalicə aldığı Haydarpaşa Nümunə Təhsil və Araşdırma Xəstəxanasında həyatını itirib.
“Hacı Vəliyev adlı şəxs 44 günlük müharibə iştirakçısıdır, lakin mənim valideynlərimi tanımır və deyir ki, Xanlar Səttarov və Firəngiz Səttarova kimdir? Onları heç kəs tanımır. Ananız əlil deyil, saxta əlillik alıb. Mən deyəcək söz tapmıram”.
Demokrat.az xəbər verir ki, bu sözləri sosial media hesabında müğənni Nura Suri yazıb.
Nura Hacı Vəliyev adlı qazinin valideynləri haqqında səsləndirdiyi fikirlərə münasibət bildirib:
“Heyifsilənə də bilmirəm, çünki valideyinlərim fəxr olunası insanlardır. Deyir ki, soruşaq görək, sizin valideynlərinizi kim tanıyır. Haqqımda istədiyinizi yazırsınız, mən susuram, amma valideynlərim haqqında artıq-əskik danışmağa heç birinizin haqqı yoxdur! Öz qəhrəmanlarını tanımayan və onlara hörmət etməyən insanların nə insaniyyəti, nə də vətənpərvərliyi ola bilər”.
S.S. N. Surinin hər iki valideyni Azərbaycanın Milli Qəhrəmanıdır. Müğənninin anası Firəngiz Səttarova isə Azərbaycanda ilk bort-atıcı qadındır. Qarabağ müharibəsi iştirakçısı, 2-ci qrup əlildir.
Müğənnin atası Xanlar bəy Azərbaycan Hərbi Aviasiyasının yaradıcılarından biridir. O, Qarabağ müharibəsi döyüşlərinin iştirakçısıdır. Müharibə zamanı 300-dən çox uçuş həyata keçirib. 1999-cu ildən 2005-ci ilə qədər AZAL Helikopter Aviasiyasının baş direktoru vəzifəsində çalışıb.
TEREF
Bir müddət öncə ayrılıq və boşanma xəbərləri ilə gündəmi zəbt edən müğənni Aysun İsmayılova növbəti paylaşımıyla diqqət çəkib.
O, sosial şəbəkə hesabında yayımladığı video ilə sətiraltı mesaj ötürüb.
Sözügedən görüntüdə "Səndən ötrü darıxmışam, çox istəyirəm səni, sevirəm səni" sözlərinin istifadə olunduğu fon səsini izləyiciləri sənətçinin ayrıldığı həyat yoldaşına həsr etdiyinə vurğu vurublar.
Marağa səbəb olan həmin paylaşımı təqdim edirik:
Milli.az