“Sualları bu qədər çətin etməkdə məqsəd abituriyentləri 2-ci şans imtahanında iştiraka məcbur etməkdir”.
Yeniavaz.com xəbər verir ki, bunu pedaqoq, müəllim Ceyhun Əhədov öz sosial şəbəkə hesabında ötən gün – mayın 25-də II və III ixtisas qrupları üzrə ali təhsil müəssisələrinə keçirilən qəbul imtahanı barədə yazıb.
“Yaxşı biznesdi, hər adama 70 manat. İndi necə edək? DİM və MİQ qruplarını qarışdırıb dərs keçək?”, - C. Əhədov bildirib.
Xatırladaq ki, ötən gün II və III ixtisas qrupları üzrə ali təhsil müəssisələrinə qəbul imtahanı keçirilib.

Gədəbəy rayonunda yeniyetmənin ölümü ilə nəticələnən yol qəzası törədən sürücü həbs edilib.

TEREF Musavat.com-a istinadla xəbər verir ki, hadisə rayonun Kiçik Qaramurad kəndində baş verib.

2024-cü ilin mart ayının 21-də "KIA” markalı minik avtomobili yol kənarında dostu ilə hərəkətdə olan 2011-ci il təvəllüdlü Elmir Nağıyevi vurub. 7-ci sinf şagirdi olan Elmir xəstəxanaya çatdırılsa da onun həyatını xilas etmək mümkün olmayıb.

Qəzanı törədən 38 yaşlı Amil olub. Amil hadisə günü tanışları ilə kafedən gəlirmişlər. Sürücü içkili olmayıb.

Elmir dostu Hüseynəli ilə kənddə Novruz bayramı günü qalanılan tonqala baxmaqdan gəlirmiş. Elmir evlərinə çatmağa bir neçə metr qalmış maşınla vurulub.

Sürücü hadisə yerindən qaçıb. Maşını 400-500 metr aralıda saxlayıb. Sərnişinlər maşından düşüb hadisə yerinə qayıdıblar. Lakin Amil qorxduğu üçün oradan qaçıb. Amil geri qayıdaraq hadisə yerindən təkrar keçib. Bu zaman Elmirin anası və digər şəxslər ondan maşını saxlamasını, uşağı xəstəxanaya aparmalarını istəyiblər. Lakin Amil oradan qaçıb.

Amil məhkəmədə dindirilən zaman şokda olduğu üçün nə etdiyini bilmədiyini söyləyib. Əlavə edib ki, hadisə yerindən gedəndən sonra polisə təslim olub.

Mərhumun anası Amili bağışlamayıb. Deyib ki, övladını vuran sürücü hadisə yerində onları qoyub qaçdığı üçün heç zaman onu bağışlamayacaq.

Məhkəməni hökmü ilə Amil 5 il müddətinə azadlıqdan məhrum edilib. Ev dustaqlığında olan Amil məhkəmə zalında qandallanıb.

Paytaxtın müxtəlif ərazilərində eyvanı özündən böyük olan mənzillər var.

Belə ki, bu tip evlərə şəhərin Xətai, Nizami, Yasamal, Nərimanov rayonlarında rast gəlmək olar.

Məhz həmin binalardan biri də Xətai rayonu Rahim Məmmədov küçəsində yerləşir.

“ATV Xəbər”in mövzu ilə bağlı hazırladığı süjeti təqdim edirik:

Son zamanlar ard-arda məktəb direktorlarının işdən çıxarılması gündəm mövzudur.

Bəs bu proseslərin hazırda həyata keçirilməsi əsasən hansı faktorlarla bağlıdır?

Mövzu ilə bvağlı Redaktor.az-a açıqlamasında təhsil eksperti Məzahir Məmmədli bildirdi ki, belə hallar hər zaman baş verib:

"Düzdür, belə kütləvi formada işdən çıxarmalar və bunun sosial şəbəkələrdə, mətbuatda hallanması kimi məsələlər o qədər deyildi. Problem zamanı töhmət cəzası verilirdi və yaxud işdən xaric olunurdu. Amma bu qədər piar olmurdu. Çox qəribədir, bu gün cəmiyyətimizdə aqressiya artıb. Çox pis tendensiya yaranıb. Hər kəs artıq kimdənsə qisas almaq məqsədilə fəaliyyət göstərir. Mən demirəm ki, bütün direktorlar ideal, səviyyəli, yaxşı qaydalara uyğun işləyirlər. Sözsüz ki, qayda pozanlar da var".

Təhsil eksperti bildirdi ki, ümumilikdə direktorların, məktəbin ictimaiyyətdə bu qədər müzakirə olunması, adlarının hallanması nüfuza ziyan gətirir.

"Heç arzuolunan deyil ki, bu kimi məsələlər geniş müzakirəyə səbəb olur. Çox qəribədir ki, hər zaman birtərəfli qərarlar qəbul olunur. Hansı ki, rüşvəti vermək də, almaq da cinayət sayılır. Gizli səs yazısı şantaj sayılır, qanunvericilikdə də bu barədə məhdudiyyətlər var. Bütün hallarda belə məsələlərin qarşısı alınmalıdır. Günahı olanlarla bağlı aidiyyəti orqanlara müraciət olunsun. Amma şantaj, ajiotaj çox pis tendensiya yaradır. Artıq uşaqlar da hərəsi bir smartfon gətirir ki, kiminsə səsini yazsın. Bu, çox ürəkaçmayan mənzərə yaradır", - deyə Məzahir Məmmədli fikrini yekunlaşdırdı.

Bu gün sizə Azərbaycanın strateji cəhətdən ən önəmli rayonlarından biri olan Sədərək bölgəsindən danışmaq istəyirik. Tarixi baxımdan əhəmiyyətli olan bu bölgə Ermənistanla sərhəddə yerləşir və illər boyu müxtəlif münaqişələrə şahidlik edib. Sədərək eyni zamanda Azərbaycanın həm Türkiyə, həm də İranla birbaşa sərhədi olan yeganə yaşayış məskənidir.

Buradan başlayan yollar təkcə ticarət yolları deyil, həm də birliyin, gücün və gələcəyin yollarıdır. Sədərəyin Azərbaycan üçün həm iqtisadi, həm hərbi, həm də siyasi baxımdan strateji əhəmiyyətini ümumilli lider Heydər Əliyev zamanında yüksək qiymətləndirmişdir:

“Sədərək rayonunun Naxçıvan Muxtar Respublikasında, o cümlədən Azərbaycanda xüsusi yeri var. Böyük bir kənd olmuş və rayon statusu almış Sədərək həmişə bizim, Azərbaycanın ən kənar yerində, sərhəddə yerləşərək, Azərbaycan torpaqlarını qorumuş, saxlamış və mərdlik nümunələri göstərmişdir. Mən indi qəsəbəni bu cür görəndə həddindən artıq sevinirəm.”

Zaman irəlilədikcə, Azərbaycan inkişaf etdikcə, qüdrətləndikcə isə Sədərəyin önəmi daha da artır. Prezident İlham Əliyevin müvafiq sərəncamla təsdiq etdiyi Naxçıvanın sosial-iqtisadi inkişafına dair 2023–2027-ci illəri əhatə edən Dövlət Proqramına əsasən, Sədərək rayonu azad iqtisadi zonaya çevriləcək. Bu Dövlət Proqramı təkcə iqtisadi layihə deyil, həm də gələcək naminə verilmiş strateji qərardır. Beləliklə, bu gün Sədərək yeni bir dövrə qədəm qoymağa hazırdır: bu, azad iqtisadi zona (AİZ) dövrüdür. Bəs azad iqtisadi zona nə deməkdir?

Azad zona, başqa adla desək, “franko zona” dedikdə ölkə ərazisinin hər hansı bir hissəsi başa düşülür ki, burada məhsullara milli gömrük ərazisindən kənarda olan bir obyekt kimi baxılır və buna görə həmin məhsullar gömrük nəzarətindən keçirilmir – vergiyə cəlb edilmir.

İqtisad üzrə fəlsəfə doktoru Cəbrayıl Vəliyevin fikrincə, AİZ yerləşdiyi ərazinin sosial-iqtisadi inkişafına böyük töhvə verir:

"Belə ki, AİZ olan bölgədə biznes üçün daha münbit şərait yaradılır ki, bu da xarici investorların həmin bölgəyə cəlbediciliyini artırır”.

Bu gün blokada şəraitində olan Naxçıvan MR üçün belə bir şəraitin yaradılması çox vacibdir. Əgər Sədərək azad iqtisadi zonaya çevrilərsə, bu bölgə nəinki Azərbaycanın, həm də türk dünyasının və İpək yolu marşrutunun iqtisadi mərkəzlərindən birinə çevrilə bilər.

Qeyd edək ki, Sədərək hələ orta əsrlərdə ticarət yollarının kəsişdiyi bir məntəqə olmuşdur. Ərazidə "Divhörən" adlı siklop tikili qalıqları və "Sədərək qalası" kimi tarixi abidələr yerləşir .

Tarix üzrə fəlsəfə doktoru Taleh Cəfərov qeyd edir ki, çoxumuz üçün Sədərəyin rayon kimi tarixi 28 avqust 1990-cı ildən başlayır. Lakin bu yaxınlarda tədqiqata cəlb edilən bir sənəd sübut edir ki, Sədərəyin rayon kimi tarixi XX əsrin əvvəllərinə, konkret olaraq desək, hələ 1921-ci ilə təsadüf edir. Naxçıvan Dövlət Arxivində mühafizə olunan və surəti AMEA Naxçıvan Bölməsinin elmi arxivində fond 8, siyahı 4, arxiv 5-də saxlanılan “Naxçıvan MSSR-in inzibati-ərazi bölgüsünün sxemi” adlı 16 mart 1921-ci il tarixli sənəddə Naxçıvan ərazisində o zaman üçün 3 qəza (Naxçıvan, Şərur və Ordubad) və 9 rayonun adı çəkilir ki, bu rayonlardan biri də məhz Sədərəkdir. Qeyd edək ki, sənəd Baş Ştab Akademiyasının dinləyicisi M.Pereşin tərəfindən Azərbaycan SSR-in fövqəladə komissarına və Naxçıvan SSR-in xalq hərbi komissarına məruzə şəklində hazırlanmışdır”.

Sədərək rayonu Naxçıvan Muxtar Respublikası ilə Türkiyə Respublikası arasında birbaşa quru sərhədi olan yeganə Azərbaycan ərazisidir. Bu sərhəd Ümid körpüsü vasitəsilə İqdir vilayəti ilə birləşir. Sədərək rayonu həmçinin Azərbaycanın yeganə bölgəsidir ki, Türkiyə ilə yanaşı, İranla da həmsərhəddir. Geostrateji mövqeyi, dəmir yolu infrastrukturu və Zəngəzur dəhlizinin son nöqtəsi kimi çıxış etməsi onu ölkənin Qərb qapısı halına gətirir.

İqtisad üzrə fəlsəfə doktoru Fuad İbrahimov bildirir ki, əgər Zəngəzur dəhlizi hərəkətə gələrsə, Azərbaycan, Gürcüstan və Türkiyə üzərindən keçən kommunikasiya dəhlizlərinin paralel diversifikasiya olunmuş variantı məhz Sədərək üzərindən keçməlidir”.

Ürək ağrısıyala deməliyik ki, müharibə illərindəki təhlükələr və iqtisadi perspektivlərin məhdudluğu səbəbindən bölgədən əhəmiyyətli sayda əhali köç etmişdir. Əgər burada azad iqtisadi zona yaradılarsa, bu həm də fabrik və zavodların, logistika mərkəzlərinin, emal müəssisələrinin və digər iş yerlərinin açılması deməkdir. Ki, bu da yerli əhalinin öz dədə-baba torpaqlarına geri dönməsini sürətləndirəcək. Sərhədin yaşayan və işləyən əhali ilə güclənməsi orada dövlətin daimi varlığını möhkəmləndirəcək.

Tarix üzrə fəlsəfə doktoru Elnur Kəlbizadə: “Sədərəkdə AİZ yaradılması həm də bölgə üçün sülhün və sabitliyin qarantı olacaq. Ona görə ki, uzunmüddətli sülh üçün ünsiyyətin olması vacib şərtdir. Xalqlar arasında ünsiyyətin ən vacib şərtlərindən biri isə ticarətdir”.

Sədərəyin AİZ-ə çevrilməsi təkcə iqtisadi deyil, həm də geosiyasi mövqeyimizi gücləndirəcək. Belə ki, İran və Türkiyə ilə paralel iqtisadi əlaqələrin gücləndirilməsi bölgədə diplomatik balans yaradacaq. Türkiyə və İranla sərhəd buranı iki regional bazara birbaşa çıxış nöqtəsinə çevirir. Belə zona yaradılarsa, Sədərək də Ələt kimi beynəlxalq status ala bilər. Bu zonanın güclü iqtisadi baza ilə dəstəklənməsi, təkcə sərhədin yox, həm də dövlətçiliyin qorunmasıdır. Türk dövlətlərini birləşdirən Orta dəhliz Bakıdan İstanbula, oradan Mərkəzi Asiyaya qədər uzanacaq ki, burada da əsas mərkəz rolunu Sədərək təşkil edəcək. Unutmayaq ki, burada dəmir yolu, Türkiyə ilə logistik bağ və İranla ticarət körpüsü var. Bu səbəbdən Sədərəyin azad iqtisadi zonaya çevrilməsi milli strateji zərurətdir.

Sədərək hüquqi və tarixi baxımdan Azərbaycanın yalnız sərhədi deyil, onun Qərbə çıxış nöqtəsidir. Bu status bu gün yenidən aktuallaşır. Sədərək Zəngəzur dəhlizinin nəfəsi, türk dünyasının yeni iqtisadi bağıdır.

Sitat.info

Millət vəkili Fazil Mustafa parlamentin iclasında bir məsələyə toxunub. Deputat bildirib ki, həbsxanalar narkotik istifadəçiləri ilə doldurulmalı deyil, onlar müalicə almalıdır. Həmçinin, qeyd edib ki, narkotik satışını həyata keçirən şəbəkəni çökdürmək üçün bütün vətəndaşlar prosesə qoşulmalıdır:

"Məktəblərin ətraflarında ola biləcək satış mexanizmlərini mütləq aşkara çıxarıb, onları məsuliyyətə cəlb etmək son dərəcə vacibdir. Ölkəmizin gələcəyini təhdid edən ən ciddi problem narkomaniyadır. Bu, xüsusilə qonşu ölkədən yönəldilən şəbəkə vasitəsilə həyata keçirilir. Bu günlərdə Yasamalda belə bir hadisə baş verdi ki, insanlar kameralar vasitəsilə narkotik satışını həyata keçirən müəyyən bir şəbəkənin ifşa olunmasına köməklik etdilər. Bu, çox önəmli bir addımdır. Çünki vətəndaşlar bu prosesə qoşulmasalar, Azərbaycanın narkotik faciəsindən qurtarmaq çox çətin olacaq". Deputat qeyd edib ki, bu, təkcə polisin, xüsusi xidmət orqanlarının işi deyil: "Vətəndaş dəstəyinə ehtiyac var. Lazımi yerlərdə kameralar quraşdırılmalıdır".

Regional Sosial Təşəbbüslərə Dəstək İctimai Birliyinin sədri, narkomaniya ilə mübarizə üzrə tanınmış ekspert Emil Maqalov "Sherg.az"a açıqlamasında millət vəkilinin təklifini dəstəkləyib. Ekspert vurğulayıb ki, o da efirlərdə dəfələrlə bu məsələni gündəmə gətirib:

"Qanunvericilikdə "şəxsi istehlak miqdarı" məsələsi var. Nəzərə alaq ki, on il bundan qabaqki narkotiklə indiki narkotik keyfiyyət baxımından eyni deyil. Qanunvericilikdə "şəxsi istehlak miqdarı" hər bir narkotik vasitə üzrə müxtəlif ölçülərdə nəzərdə tutulub. Məsələn, heroin 0.15 qram, qurudulmuş marixuana 5 qram nəzərdə tutulur. Qeyd edilmiş miqdarlara qədər narkotik vasitələrdən istifadə olunması müəyyən olunarsa, inzibati həbs verilir. Yox, əgər həmin miqdardan yuxarı hədlər aşkar olunarsa, bu zaman Cinayət Məcəlləsinin 234-cü maddəsi ilə cinayət işi açıla bilər. "Şəxsi istehlak miqdarı"na yenidən baxılmalı, bugünkü "qara bazara" görə tənzimlənməlidir. Əgər bundan sonra "şəxsi istehlak miqdarı"ndan yuxarı həddə narkotik qəbul edilərsə, həmin şəxs həbs olunmalıdır. Bununla bağlı qanunda boşluqlar var. Məsələn, 1 qram, 100 qram, yaxud 1 kq. narkotik istifadəsinə görə həbs müddəti eynidir. Həm bu məsələyə, həm də narkotikin ağır və yüngül olması məsələsinə baxılmalıdır".

Ekspert diqqətə çatdırıb ki, bu gün 90 faiz narkomanlar potensial "bariqa"dır, yəni narkotacirdir, satıcıdır:

"Niyə? Çünki narkoman hardansa, hansısa yolla pul tapırsa, bir günə ən azından bir "çet", yəni 1 qramın 5-8, ya da 10-da bir hissəsini istifadə edir. Əlinə çox pul düşdükdə öz şəxsi istifadəsi üçün daha çox narkotik əldə etməyə çalışır. 1 qram alıbsa, yarım qramını səhər, qalan hissəsini də axşam vurur. Bu halda o narkoman "şəxsi istehlak miqdarı"nı keçdiyinə görə həbs olunmalıdır. Halbuki, 1 qramı özü üçün, yəni birgünlük dozası üçün almışdı. Onlar müalicəyə göndərilməlidir. Problem odur ki, müalicə müəssisələrində kifayət qədər yer yoxdur. Digər məsələ odur ki, müalicə müəssisələrində 10 dəfə müalicədən keçmiş, yenidən ora qayıtmış adamlar var. Yəni müalicə müəssisələrində keyfiyyətli müalicə yoxdur. Bunlar reabilitasiya olunmalıdır. Mövcud qanunvericiliyə görə isə onlar ya 400 manat cərimə olunmalı, ya 2 ayadək həbs edilməli, yaxud müalicəyə göndərilməlidir. Təkrar edirəm, müalicə müəssisələrində də nə yer, nə də keyfiyyətli müalicə var. Bu da mənasızdır".

E.Maqalov onu da əlavə edib ki, hüquq-mühafizə orqanlarının, dövlət-sərhəd xidmətinin, müvafiq qurumların səyi nəticəsində narkotik satışı əvvəlki dövrlərdəki kimi deyil:

"Əvvəl bir şəhərdə 50 nəfər satırdısa, bu gün satıcı 5 nəfərdir. Çox azalıb, narkotiki tapmaq da mürəkkəbləşib. Ona görə də məktəbdə, yaxud hansısa başqa yerdə narkotik satışı əvvəlki kimi yüzdə on yox, yüzdə bir ola bilər".

Masallı rayonunun Şıxlar kəndində baş verən dəhşətli qətl hadisəsi ilə bağlı sensasion təfərrüatlar üzə çıxıb. Qətli törədən şəxs anlaqsız imiş. Mərhumun ailəsi isə bununla razılaşmır. Qətlin illər əvvəlki hadisənin qisası olaraq törədildiyi məlum olub.

Musavat.com xəbər verir ki, 2024-cü ilin may ayında Qasımlı kənd sakini, 1971-ci il təvəllüdlü Seymur Alışanov həmkəndlisi 1994-cü il təvəllüdlü Aslan Ağazadə tərəfindən amansızlıqla qətlə yetirilib. Əvvəlcə “Vinçestr” markalı silahla ona bir dəfə atəş açıb. Sonra isə bıçaqla çoxsaylı zərbələr endirib.

Qətlin törədilməsinin səbəbi...

İstintaq müəyyən edib ki, illər əvvəl Seymur Aslanın əmisini Rusiyada bıçaqlayıbmış. Aslan Seymurun əmisinin keçmiş arvadı ilə münasibətdə olmasını da öyrəndikdən sonra qisas almaq qərarına gəlib. Buna görə də Seymuru öldürüb.

Məlum olub ki, Seymur illər əvvəl Şəmsiyyə adlı qızı sevib. Seymur əsgərliyə gedərkən Aslanın Cabir adlı əmisi Şəmsiyyəni qaçıraraq onunla ailə həyatı qurub. Əsgərlikdən gələndə bunu öyrənən Seymur Rusiyaya gedib və orada yaşamağa başlayıb. Seymur da Rusiyada evlənib. İllər sonra Şəmsiyyə boşanaraq qızları ilə birlikdə Masallıda yaşamağa başlayıb. Bundan sonra Seymurla Şəmsiyyə danışmağa, yenidən ailə həyatı qurmağa qərar veriblər. Hətta Seymur Şəmsiyyəni qardaşından istəmək üçün Masallıya gəlibmiş. Qətl hadisəsi də həmin ərəfədə baş verib.

Qətli törədən Aslan anlaqsızdır?

Qətlin baş verdiyi kafe

Aslan istintaqda dindirilən zaman qətllə bağlı danışıb. Lakin məhkəmədə özünü “peyğəmbər” elan edərək baş verənləri ikar edib.

Aslanın məhkəmədəki ifadəsindən sitat: “Mən Seymuru öldürməmişəm. Seymuru tanımıram. Siqaret istəyirəm. Mən İmam Zaman ağayam. Zühur edəcəm və 313 nəfər yığaraq Azərbaycana gələcəm. Mən peyğəmbər kimi adamam. Mənə inanmayan peşman olacaq. Mən bura gələnə qədər göylərdə yaşayırdım. Tufan olacaq, hər yer dağılacaq. Bir mən qalacam”.

Anlaqsız vəziyyətdə olduğu deyilən Aslanın istintaq zamanı dedikləri isə məlum olmayan təfərrüatları üzə çıxarıb.

Aslan istintaqdakı ifadəsində deyib ki, Seymuru əmisini bıçaqladığı üçün öldürmək qərarına gəlib. Sonra da Seymurun əmisinin keçmiş arvadı ilə müansibəti olduğunu öyrənib. Uzun müddət Seymuru axtarıb. Seymur həmin ərəfədə Rusiyada narkotik ittihamı ilə həbs edilib. Rusiya-Ukrayna müharibəsində könüllü iştirak etmək istədiyi üçün azadlığa buraxılıb. Müharibədən sağ qayıdaraq Azərbaycana gəlib. Aslan Seymurun Masallıya gəldiyini öyrənərək onu izləməyə başlayıb. İlk dəfə Seymuru bacısının yanında görsə də öldürməyib. Seymuru tək tutmaq üçün izləməkdə davm edib. Həmin ərəfədə bibisinin evində olan odlu silahı da götürüb. Həmin silahla da Seymuru qətlə yetirib.

“Anlaqsız adam bir ay Seymuru necə izləyib?”

Mərhuun qardaşı isə Aslanın anlaqsız vəziyyətdə olması ilə razılaşmır. Bildirir ki, qətli törədən şəxsə xəstəlik kağızını külli miqdarda rüşvət verərək alıblar.

Hüquqi varis hadisələrin gedişatını belə danışıb: “Qardaşım Seymur 15-16 yaşından Şəmsiyyəni sevirdi. Anam Şəmsiyyəyə elçi də getmişdi, “hərisin” də almışdı. Şəmsiyyə subay vaxtı qardaşım Seymurun sözlüsü olub. Seymur əsgər gedəndə Aslanın əmisi Cabir Nuriyev Şəmsiyyəni qaçırdı. Baxmayaraq ki, Cabir Seymurla yaxın dost idi. Seymur əsgərlikdən gələndən sonra heç kimə heç nə demədi və Rusiyaya getdi. Seymur Rusiyada taksi sürücüsü işləyirdi. Rusiyaya gedən Cabir də orada taksi sürücüsü işləyirdi. Rusiyada Seymurla Cabir rastlaşıblar. Mübahisə vaxtı qardaşım Cabiri vurub. Buna görə qardaşım Seymura Rusiyada 14 il cəza aldı. Ukrayna-Rusiya müharibəsi başlayanda Seymur müharibəyə getdi. Buna görə də həbsdən azad olundu. Müharibədən sağ-salamat evlərinə qayıtdı. Anam xəstə olduğundan Seymur onu görmək üçün müharibəyə getməyə razılaşmışdı.

Seymur rayona gələndə Cabirin qardaşı Qabil ona zəng eləmişdi. Qardaşıma demişdi ki, Şəmsiyyəyə yaxın getsə, onu öldürəcəklər. Seymur da demişdi ki, Şəmsiyyə neçə ildir onun qardaşından boşanıb. Seymuru aldadaraq çay içməyə çağırıblar. Orada da öldürüblər”.

Mərhumun qardaşı Aslanın anlaqısz olması ilə razılaşmır:

“Anlaqsız adam bir ay Seymuru necə izləyib? Anlaqsız olduğu deyilən adam Bakıda “Nur çörək” zavodunda sürücü işləyib. Başqa işdə də işləyib. Varlıların balaların məktəbə aparıb-gətirib. O vaxtlar Aslan anlaqsız olmayıb, amma indi anlaqsızdır? Aslanın adamları ekspertə yaxşı pul veriblər ki, anlaqsız etsinlər. Hər yerə şikayət etmişəm”.

Məhkəmədə şahid qismində Şəmsiyyə də dindirilib. Bildirib ki, 15-16 yaşından Semur Alışanovla istəkli olublar. Seymurun anası onu valideynlərindən istəyib, “hərisin” də alıbmış:

“Seymur əsgər getdi. Seymur gələnə qədər onun yaxın dostu olan Cabir məni qaçırdı. Cabirə onu istəmədiyimi dedim. Bu evlilikdən iki qızım oldu. Qızlarımın 25-26 yaşları var. 15 ildir Cabirdən ayrılmışam. Onunla heç rəsmi nikaha da girmədim. Mənim evimi də atam tikib, atam imkanlı kişi olub. Evimin tikilməsində Cabirin bir manatı da olmayıb. Şəxsi fermam, biznesim var. Qızlarımı da özüm ərə vermişəm. Seymurun türmədən çıxıb gəldiyini eşitdim. Seymur məni qardaşımdan istəyəcəkdi, evlənəcəkdik. Seymur mənim namusumu qoruyan olub. Adıma söz çıxarılmasına imkan verməyib. Hadisədən əvvəl Cabirin qardaşı Qabil mənə zəng edib Seymurla evlənməməyimi dedi. Mən də öz həyatım olduğunu dedim. Qabil dedi ki, kimə ərə gedirsən get, amma Seymura ərə getmə”.

“Aslanı tanıyandan sağlam olub”

Şəmsiyyə də ifadəsində bildirib ki, Aslanın anlaqsız olduğuna inamadığını bidlirib: “Aslan kənddə maşın da sürürdü. Ağlı da başında olub. Aslanın Seymuru güdməsindən xəbərsiz olmuşam. Qızımın biri onlarda ərdədir. Aslanı tanıyandan sağlam olub”.

Məhkəmə istintaqı zamanı məlum olub ki, daha əvvəllər Aslan psixiatriya xəstəxanasında qeydiyyatda olmayıb.

Lakin Salyan Rayonlararası Psixiatriya Xəstəxanasının 29 may 2024-cü il tarixli arayışından görünür ki, Aslan hərbi xidmətə çağırılan zaman psixiatrik tibbi müayinədən keçib. İki gün orada stasionar müayinədə olub. Aparılan psixiatrik müayinələrə əsasən ona F60.3 “Emosional davamsız tip şəxsiyyət pozuntusu” diaqnozu təyin edilib. “Kompleks stasionar məhkəmə-psixiatrik və psixoloji ekspertizası”nın 10 avqust 2024-cü il tarixli rəyindən görünür ki, Aslan ittiham olunan əməli törədən zaman “İmpulsiv tip emosional davamsız şəxsiyyət pozuntusu”ndan əziyyət çəkib. Qeyd olunan psixi pozuntunun gedişində dekompensasiya (kəskinləşmə) vəziyyəti olub.

Məhkəmə istintaqı zamanı təkrar ekspertiza da təyin edilib və Aslanın anlaqsız olması qənaətinə gəlinib.

Aslan məhkəmənin qərarı ilə anlaqısz olması səbəbindən cəzadan azad edilib və məcburi müalicə təyin edilib.