Letsovu Bakıya gətirən SƏBƏBLƏR VAR - GƏLİŞMƏ

Yaradılıb 06.05.2023 09:27 | Baxış sayı: 111
Ardını oxu...
"Əslində biz qardaş Türkiyədən Vaşinqton görüşləri ilə bağlı pozitiv xəbərlər eşitməli idik".
DİA.AZ xəbər verir ki, bunu "Sherg.az"a açıqlamasında hərbi ekspert Üzeyir Cəfərov Hülusi Akarın çıxışından danışarkən deyib.
O söyləyib ki, biz mayın 1-də Rusiya Prezidentinin mətbuat katibi Dmitri Peskovun həddini aşan açıqlama verdiyini unutmamalıyıq:
"Bu açıqlamada "Tərəflər yalnız Rusiyanın iştirakı ilə hansısa sənədə imza atma bilər. Biz bu prosesdə yoxuqsa, qabulediməzdir" deyilmişdi. Türkiyə də ağıllı siyasətçi və generallar var. Onlar Rusiyanın Qarabağ məsələsində həm əvvəllər, həm də indiki mövqeyini açıq şəkildə görürlər. Akarın narahatlığı da bundan qaynaqlanır. Yəni Letsovun Volkovu yanına salıb Bakıya gəlməsi və nəzarət buraxılış məntəqəsi ilə bağlı hərəkətləri hər birimizi qayğlandırır”.

Ekspert bildirib ki, genişmiqyaslı əməliyyatların və toqquşmanın olması mümkün deyil:

"Sadəcə lokal xarakterli toqquşmalar ola bilər. Çünki Rusiya qan axmasına və tərəflər arasında gərginliyin yaşanmasına çalışacaq. Buna görə də Hülusi Akar belə fikirlər səsləndirib. Həmçinin H.Akar ermənilərin xislətini bilir. Bu səbəblə də Ermənistanın Moskva görüşlərindən sonra, Rusiyanın təxribatları və vədləri qarşısında danışıqlar prosesini pozmasından narahat olduğunu ifadə edir. Yəni Akarın başqa bir narahatlığı yoxdur. Lakin hələlik gördüyümüz mənzərə odur ki, Ermənistanın Xarici işlər naziri Vaşinqtonda danışıqlar aparır, Paşinyan isə Çexiyada Azərbaycanla münasibətləri pozmaq həddinə gətirə biləcək bəyanatlar verir. Qardaş Türkiyəni belə açıqlamalar verməyə vadar edən addımlar bunlardır".
Qeyd edək ki, Türkiyənin Müdafiə naziri Hulusi Akar İrəvanla Bakı arasında yeni eskalasiya təhlükəsinin olduğunu bildirib. Akar sül sazişinin imzalanması nə qədər yubanarsa, yeni münaqişə riskinin bir o qədər yüksək olduğunu deyib.
"Vəziyyət qeyri-sabitdir və get-gedə sülh sazişinin tezliklə imzalanmasına ümidimiz sönür. Hazırda münaqişə dondurulsa da, razılaşmanın uzadılması ilə hərbi əməliyyatların bərpası təhlükəsi artır", - Hulusi Akar vurğulayıb.
 

Azərbaycan Laçın yolundakı postu götürməyəcək - BU QƏTİDİR!

Yaradılıb 05.05.2023 08:39 | Baxış sayı: 101
Ardını oxu...
Xankəndi separatçılarının rəhbəri Araik Arutyunyan və qondarma "dövlət naziri" dünən ikinci dəfə sülhməramlıların yeni komandanı Aleksandr Lentsovla görüşüb. Lentsov onları öz qərargahında qəbul edib və Laçın yolu ilə bağlı müzakirələr aparılıb. Lentsov yaxın günlərdə Bakıya gedəcəyini və məsələ ilə bağlı danışıqlar aparacağını bildirib. Bu, ötən həftə təyinat alan Lentsovun Arutyunyanla 2-ci, separatçılarla 3-cü görüşüdür. Qeyd edək ki, Həkəri körpüsü üzərində sərhəd-keçid məntəqəsi qurulduqdan sonra erməni separatçılar və Ermənistan rəsmiləri 10 noyabr 2020-ci il bəyanatının 6-cı bəndini əsas gətirməyə çalışırlar. Halbuki Ermənistan tərəfi erməni silahlı birləşmələrinin Azərbaycan ərazisindən çıxmasını və Zəngəzur dəhlizinin açılmasını təmin etməməklə bəyanatın maddələrini çoxdan pozublar. Əvəzində isə Azərbaycanın humanitar yol kimi maneəsiz gediş-gəlişə şərait yaratdığı Laçın yolundan silah, mina daşınması və Qarabağdakı qanunsuz silahlıların yenidən toparlanması üçün sui-istifadə ediblər. Hazırda yol humanitar məqsədlər üçün açıqdır, lakin Ermənistan artıq bu yolla silah-sursat, mina və şəxsi heyət daşıya bilmir.

TEREF.AZ-ın məlumatına görə, siyasi elmlər doktoru, professor Cümşüd Nuriyev "Şərq"ə açıqlamasında bildirib ki, rus sülhməramlı kontingentinə rəhbərlik edən Aleksandr Lentsovun ermənilərdən yana addım atacağı gözlənilən idi. Professor bildirib ki, Lentsovun həyat yoldaşı ermənidir:

"Lentsovun Bakıdan öncə İrəvana getməsi qəbuledilməz, separatçılarla 3 dəfə görüş keçirməsi isə qanunsuzdur. Qondarma rejimi təmsil edənlər separatçılar, terrorçulardır. Onlarla sıx təmasda olmaq yolverilməzdir. Bu məqam Bakıda rus generalın diqqətinə çatdırılmalıdır və şübhə yox ki, çatdırılacaq. Rusların ermənilərlə birgə təxribatçı addımlarını çox görmüşük. Sülhməramlıların rəhbərinin ilk səfərini İrəvana etməsi də səbəbsiz deyil. Ermənistanla sərhəddə, Laçın yolunun başlanğıcında nəzarət-buraxılış məntəqəsinin qurulması erməni cəmiyyətində narahatlığa səbəb olub. Rusiya Ermənistanı yenidən tam nəzarətə götürmək üçün gedişlər edir, yollar axtarır. Daha doğrusu, Moskva İrəvanın nazı ilə oynayır. Lentsov İrəvana getməklə, Qarabağda separatçılarla görüşməklə keçid məntəqəsinin müzakirə olunacağını, bununla bağlı görüşlər keçirəcəyini göstərməyə çalışır. Təbii ki, bunlar boş, mənasız cəhdlərdir. Azərbaycan Laçın yolundakı postu götürməyəcək və bir addım geri atmayacaq. Lentsov bu məsələyə müdaxilə etmək səlahiyyətində deyil".

Laçın postunda separatçıları məyus edən həmlə: İrəvanın “yardım əli” kəsildi - VİDEO

Yaradılıb 03.05.2023 08:40 | Baxış sayı: 177
Ardını oxu...
Azərbaycan-Ermənistan sərhədində Laçın-Xankəndi yolunun başlanğıcında quraşdırılan nəzarət-buraxılış məntəqəsində 24 saat peşəkar xidmət göstərilir.

Bu barədə AzTV reportaj hazırlayıb.

Bildirilib ki, hava şəraitinin kəskin dəyişməsinə və gecə saatlarına baxmayaraq sərhədçilərimiz iş başındadırlar.

Qeyd edək ki, Azərbaycan Hökuməti Ermənistan tərəfinin Laçın-Xankəndi yolundan 10 noyabr 2020-ci il tarixli Üçtərəfli Bəyanata zidd şəkildə sistemli və genişmiqyaslı qanunsuz məqsədlər üçün sui-istifadənin davam etdiyini və bundan qaynaqlanan təhlükəsizlik hədələrini nəzərə alaraq, Azərbaycan və Ermənistan arasında sərhəddə yolun başlanğıcında nəzarətin təmin edilməsi məqsədilə müvafiq tədbirlər həyata keçirib.

Bununla da, Laçın yolunda sərhəd-buraxılış məntəqəsi qurulub.

Həmin reportajı təqdim edirik:

"Dağlıq Qarabağdan imtina edən hər kəs Ermənistanda vətənə xəyanətdə təqsirli bilinəcək" - Ermənistan bloku

Yaradılıb 03.05.2023 08:22 | Baxış sayı: 136
Ardını oxu...
Dağlıq Qarabağdan imtina edən hər kəs Ermənistanda dövlətə xəyanətdə mühakimə olunacaq.

Bunu Milli Assambleyanın mayın 2-də keçirilən iclasında “Ermənistan” müxalifət blokundan olan deputat Aqvan Vardanyan deyib.

“Ermənistan Respublikasının suverenliyini və ərazi bütövlüyünü qoruya bilməyənlərə, eləcə də onların nəslinə ölkəmizdə yer olmayacaq. Ermənistan ordusunu, eləcə də Dağlıq Qarabağ Müdafiə Ordusunu zəiflədənlər bağışlanmayacaq. Erməni kimliyinin dayaqlarından birinə - Erməni Apostol Kilsəsinə hücum edən hər kəs qovulacaq...”, - Vardanyan “siyahı”nı davam etdirərək deyib.

Onun sözlərinə görə, Ermənistanla müqayisədə güc heç bir şey deyil.

“Və xahiş edirəm, indicə təsvir etdiyim Ermənistan Respublikasının mövcud olacağına şübhə etməyin”, - deyə müxalifətçi yekunlaşdırıb.\\Unikal
 

Ermənistan parlamentindən Qarabağ separatçılarına DAHA BİR ZƏRBƏ

Yaradılıb 02.05.2023 11:26 | Baxış sayı: 107
Ardını oxu...
Bu gün Ermənistan parlamentinin növbəti iclası başlayacaq.

Bizim.Media xəbər verir ki, bu barədə informasiyanı “Hraparak” qəzeti yayıb.

Mənbə yazır ki, Qarabağ separatçıları birgə "parlamentlərarası komissiya"nın iclaslarının çağırılması ilə bağlı (o cümlədən onlayn rejimdə) Ermənistan parlamentinə bir neçə rəsmi sorğu göndərib, lakin Ermənistan parlamentinin rəhbərliyi bu müraciətlərə cavab verməyib.
 

Araik son varianta əl atır: Laçın postuna qarşı nə planlaşdırırlar?

Yaradılıb 01.05.2023 12:11 | Baxış sayı: 105
Ardını oxu...
Laçın yolunda sərhəd-keçid məntəqəsinin qurulması ilə çıxılmaz vəziyyətə düşən Xankəndidəki separatçı-terrorçu rejim mövcudluğunu saxlamaq üçün son varianta əl atır: erməni əhalisi adından “müqavimət hərəkatı”na start verilib;

Separatçı rejimin təşkilatçılığı ilə bir qrup erməni Laçın yolunda postun qurulmasına qarşı qondarma “etnik təmizləməyə yox” iddiası üzərindən kampaniyaya başlayıb.

Kampaniyanın məqsədi beynəlxalq ictimaiyyətin diqqətini Qarabağa cəlb etmək, Azərbaycanın öz suveren ərazilərində qurduğu sərhəd-keçid məntəqəsinin ləğvinə nail olmaqdır. Ermənilər tarix boyu əl atdıqları qondarma “etnik təmizləmə”, “soyqırımı” kimi kartlarını bu dəfə də işə salıblar. Kampaniyanın təşkilatçısının separatçı rejim olduğu şübhəsizdir. Separatçıların qondarma “başçısı” Araik Arutyunyanın “imzatoplama kampaniyasına” qoşulması da bundan xəbər verir.

Kampaniyanı başladan ermənilər bəyan ediblər ki, ya beynəlxalq ictimaiyyət Laçın yolunda postun ləğv edilməsinə nail olmalıdır, ya da onlar başqa yollara əl atacaqlar. Laçın yolunda qurulan sərhəd-keçid məntəqəsinin götürülməyəcəyi məlumdur, beynəlxalq ictimaiyyət Azərbaycanın suveren ərazisində atdığı addıma müdaxilə edə bilməz, edə bilmir də. Hətta ermənilərin güvəndiyi Rusiya da reallıqla barışıb. O zaman sual yaranır: separatçıların göstərişi ilə danışan bir qrup erməni “başqa yollara əl atacaqlar” dedikdə nəyi nəzərdə tuturlar?

Bunun diqqəti cəlb etmək üçün istifadə edilən şantaj olduğu aydındır. Lakin istisna deyil ki, separatçı rejim öz mövcudluğunu qorumaq üçün erməni əhalisini qırğına verə bilər. Separatçıların əlində silah-sursatın olduğu sirr deyil, əhalini silahlandıra və Laçın postuna, eləcə də ordumuzun müxtəlif istiqamətlərdə yerləşən mövqelərinə qarşı təxribatlar törədilə bilər. 2021-ci ilin noyabrında erməni terrorçu Norayr Mirzoyanın Şuşa postuna bomba atması təcrübəsi də yenidən terror kartının istifadə edilməsi ehtimalını önə çıxarır.

Laçın postunda ermənilər üçün pasport və rüsum tələbi - Bakıdan daha bir GEDİŞ

Yaradılıb 28.04.2023 10:22 | Baxış sayı: 244
Ardını oxu...
Dövlət Gömrük Komitəsinin Laçın yolundakı sərhəd-keçid məntəqəsində fəaliyyətə başlaması Bakının Xankəndinə doğru daha bir addımı kimi qiymətləndirilə bilər və bu, yaxın dövrdə tətbiq ediləcək bir sıra qərarlarla bağlı da ehtimalları önə çıxarır:

Birincisi, Ermənilərin Azərbaycan pasportuna sahib olması reallaşa bilər: Qarabağdakı ermənilər ya qondarma “pasport” daşıyır, ya da Ermənistan pasportu, bundan sonra onların Ermənistana gedişinə icazə verilsə də, geri qayıtmaq istəyənlərdən Azərbaycan pasportu tələb olunacaq; eyni zamanda, qondarma “pasport” daşıyanların çıxışı üçün də Azərbaycan pasportu tələb oluna bilər. Ki, bu yaxın dövrdə Azərbaycan pasportlarının Xankəndidə görünəcəyi gözləntisini artırır;

İkincisi, Bakı humanitar yüklərin Qarabağa daşınmasına bütün şəraiti yaradır, hərçənd, gömrükçülərin posta çıxması daşınan yüklərdən rüsumun alınacağı gözləntisini də gündəmə gətirir: Ermənistandan gələn yüklərə rüsum qoyan Azərbaycan bundan sonra Xankəndidəki erməni əhalisinin ehtiyacının təminatı ilə bağlı proqramını təqdim edəcək;


Artıq proses bu istiqamətdə gedir. Ermənilərin ilk dövrdə bunu etirazla qarşılayacağı aydındır, lakin buna məcbur olacaqlar və əhalini tədricən buna sövq edəcək. Və kənar güclərin Laçın yolunda sərhəd-keçid məntəqəsinin qurulmasına qarşı heç bir təsir edə bilməməsi Bakının pasport və rüsum gedişinə də mane ola bilməyəcəkləri deməkdir.

Vardanyan mübarizə üçün terror dəstəsi yaradır - VİDEO

Yaradılıb 28.04.2023 08:36 | Baxış sayı: 175
Ardını oxu...
Baku TV-də yayımlanan “Qarabağ xronikası” verilişinin yeni buraxılışı efirə gedib.

Verilişin aparıcısı, hərbi müxbir Fərdin İsazadə Vardanyan mübarizə üçün terror dəstəsi yaradması barədə danışıb.

O qeyd edib ki, Ruben Vardanyan Azərbaycanın Laçın yolunun Ermənistanla birləşən sıfır nöqtəsində qurduğu sərhəd-buraxılış məntəqəsi ilə bağlı yaydığı bəyanatın ardından beynəlxalq axtarışa verilməlidir.

Ətraflı verilişi təqdim edirik:

 

Rusiyanın Qarabağa göndərdiyi general kimdir? - DOSYE

Yaradılıb 27.04.2023 10:19 | Baxış sayı: 134
Ardını oxu...
Xəbər verdiyimiz kimi, Rusiya sülhməramlılarının komandanı Andrey Volkov vəzifəsindən azad edilib, onun yerinə isə Rusiya müdafiə nazirinin müşaviri, general-polkovnik Aleksandr Lentsov təyin edilib.

Publika.az xəbər verir ki, Lentsov 20 dekabr 1956-cı ildə Krasnodar diyarının Abinsk rayonunda anadan olub.

O, Lenin adına Ryazan Ali Hava Desant Komandanlığı Məktəbini bitirib.

1979-cu ildə Əfqanıstana gedən Lentsov burada müxtəlif hərbi vəzifələri icra edib. 1980-1982-ci illərdə – hava-desant təlimlərinin təlimatçısı, kəşfiyyat briqadasının komandiri olub. Kəşfiyyat qrupuna rəhbərlik etdiyi 2 il ərzində bir döyüşçüsünü də itirmədən mühüm tapşırıqlar yerinə yetirib. 1982-ci ildə 234-cü paraşüt alayının kəşfiyyat komandiri, 1982-1983-cü illərdə 234-cü paraşüt batalyonunun qərargah rəisi olub. 1983-1986-cı illərdə də 234-cü Hava Desant Alayının batalyon komandiri olub. 1986-1989-cu illərdə M.V.Frunze adına Hərbi Akademiyada təhsil alan Lentsov 1989-1990-cı illərdə 137-ci qvardiya hava-desant Kuban kazak alayının qərargah rəisi, 1990-1993-cü illərdə 331-ci qvardiya hava-desant alayının komandiri olub.

1993-cü ildən 104-cü Qvardiya Hava Desant Diviziyasının komandir müavini, üç il sonra – 1996-cı ildən 2009-cu ilə qədər 98-ci Qvardiya Hava Desant Svirsk Diviziyasının komandiri kimi çalışıb.

2008-ci ildə Rusiya Federasiyası Silahlı Qüvvələri Baş Qərargahının Hərbi Akademiyasında Ali Akademik Kursları bitirib. 2009-cu ilin avqustun 5-dən Hava-Dəniz Qüvvələrinin komandanının müavini olub.

Lentsov Əfqanıstan, Birinci və İkinci Çeçen, Bosniya, Cənubi Osetiya, Donbas və Suriya müharibələrində iştirak edib.

2011-ci ildə general-leytenant rütbəsi alan Lentsov 31 iyul 2013-cü ildə Rusiya Prezidenti Vladimir Putinin fərmanı ilə Quru Qoşunlarının Ali Baş Komandanının müavini təyin edilib. 13 dekabr 2014-cü ildə general-polkovnik türbəsi alıb. 2014-cü ilin sentyabr-dekabr aylarında Ukraynanın şərqində baş verən silahlı münaqişə zamanı və 2015-ci ilin yazında Ukraynanın Donetsk vilayətinin Soledar və Debaltsevo şəhərlərində atəşkəs məsələlərinin monitorinqi və əlaqələndirilməsi üzrə birgə Rusiya-Ukrayna mərkəzində bir qrup Rusiya hərbçisinə rəhbərlik edib. Münaqişə zamanı o, üç dəfə Donetsk hava limanında, Şirokino yolunda və Qorlovka yaxınlığında atəşə məruz qalıb.

22 yanvar 2020-ci ildən isə Rusiya müdafiə nazirinin müşaviridir.

Evlidir, bir oğlu var.

Dünyapress TV

Xəbər lenti