 |
|
|
Azərbaycan Silahlı Qüvvələri Ermənistanla sərhəd ərazilərdə, eləcə də Qarabağın dağlıq hissələrində bir sıra strateji nöqtələri nəzarətə götürüb.
Çox güman ki, Qarabağ və Şərqi Zəngəzur iqtisadi rayonlarında Azərbaycan Ordusunun bu kimi tədbirləri davam etdiriləcək. Hətta erməni mediasının məlumatına görə, Azərbaycan hərbçiləri Xankəndi-Turşsu torpaq yolu istiqamətində irəlilədikdən sonra daha bir neçə on kilometr irəliləyiblər. Həmçinin Ermənistan parlamentinin deputatı Tiqran Abramyan deyib ki, relyef cəhətdən mürəkkəb olan istiqamətlərdə Azərbaycan hərbçiləri əlverişli mövqelər tutublar. Ordumuz tərəfindən nəzarətə götürülən yüksəkliklərdə genişləndirmə, yerləşdirmə və möhkəmləndirmə işləri davam edir.
TEREF.AZ-ın məlumatına görə, məsələ ilə bağlı hərbi ekspert Ədalət Verdiyev Cebhe.info-ya şərhində qeyd edib ki, Qarabağ və Zəngəzurda mühəndis-istehkam işlərinin aparılması həmin ərazilərdə təhlükəsizliyin təmin edilməsinə istiqamətlənib:
“Ermənistanla sərhəddə, o cümlədən rus sülhməramlılarının müvəqqəti nəzarəti altında olan ərazilərdə həyata keçirilən mühəndis işlərinin hədəfi ilk növbədə həmin bölgələrdə xidmət edən hərbi qulluqçuların və yaxınlıqda tikinti-bərpa işlərində çalışan mülki vətəndaşlarımızın təhlükəsizliyini təmin etmək məqsədi daşıyır. Tədbirlər daha çox Ermənistanla sərhəddə nəzarətə götürülən Zabux və Cağacuq kəndləri istiqamətlərində görülür. Strateji nöqtələrdə istehkamların qurulması həmin ərazilərin təhlükəsizliyini və toxunulmazlığını qorumaq, habelə mümkün düşmən təxribatlarının qarşısını almaq üçün əhəmiyyətlidir. Hesab edirəm ki, Azərbaycan Ordusu Şuşanın Allahqullar və Zamanpəyəsi kəndlərini nəzarətə götürdükdən sonra digər ərazilərdə hakim və strateji yüksəkliklərə nəzarət üçün fəaliyyətini davam etdiricək”.
Ekspert bildirib ki, ərazilərimizin qeyri-qanuni erməni silahlılardan təmizlənməsi istiqamətlərində bu kimi tədbirlərin görülməsi mütləqdir:
“Silahlı qüvvələrimiz mülki əhalinin seyrək yaşadığı ərazilərdə, həmçinin Sərsəng su anbarı, talana məruz qalmış Qızılbulaq və Dəmirçi yataqları ətrafında əməliyyatlarını davam etdirəcək”.
Bu gün axşam saatlarında ekoloji fəallarımızın aksiyasının keçirildiyi yerin yaxınlığında diqqətçəkən bir vəziyyət yaşanıb.
“Caliber” xəbər verir ki, axşam saatlarında Rusiya sülhməramlıları Ermənistandan bir qrup erməni vətəndaşı gətirsələr də, onların keçidini ilkin olaraq razılaşdırmayıblar. Vəziyyət aydınlaşarkən, səhhəti zəif olan üç mülki şəxsə tibbi yardım lazım olub.
Azərbaycan tərəfi erməni əsilli vətəndaşları üçün təcili tibbi yardım maşını təşkil edib və o gələnə qədər həkimlərimiz həmin şəxslərə yerindəcə köməklik göstəriblər.
Daha sonra Azərbaycanın təcili tibbi yardım maşını xəstələri Xankəndiyə çatdırıb.
"Azərbaycan erməni sakinlərin reinteqrasiyasında qərarlıdır".
Bunu Azərbaycanın xarici işlər naziri Ceyhun Bayramov BMT-nin Qaçqınlar üzrə Ali Komissarlığının Azərbaycana yeni təyin olunmuş nümayəndəsi Bik Lum ilə görüşündə deyib.
Görüş zamanı müqabil tərəfi keçmiş Ermənistan-Azərbaycan münaqişəsi və onun nəticələri barədə məlumatlandıran nazir, Ermənistanın etnik təmizləmə siyasəti nəticəsində 1 milyondan artıq azərbaycanlının qaçqın və məcburi köçkün vəziyyətinə düşdüyünü və Azərbaycanın müstəqilliyinin ilk illərinə təsadüf edən bu ağır dövrdə Qaçqınlar üzrə Ali Komissarlığın ölkəmizlə əməkdaşlığını məmnuniyyətlə xatırladığını bildirib.
Nazir, həmçinin münaqişədən sonrakı dövrdə işğaldan azad edilmiş ərazilərdə aparılan intensiv bərpa və yenidənqurma işlərindən bəhs edərək, bu işlər çərçivəsində artıq məcburi köçkünlərin Ağalı və Talış kəndlərinə qayıtmağa başladığını qeyd edib. Nazir Ceyhun Bayramov ölkəmizin həmçinin erməni sakinlərin reinteqrasiyasında qərarlı olduğunu vurğulayıb.
Bununla yanaşı, Azərbaycanın sülh təşəbbüslərinə baxmayaraq Ermənistan tərəfindən hərbi-siyasi təxribatlar diqqətə çatdırılıb. İşğal dövründə beynəlxalq təşkilatların missiyalarına imkan yaratmayan Ermənistan tərəfinin son zamanlar beynəlxalq təşkilatlardan öz məkrli niyyətləri üçün istifadə cəhdlərinin qəbuledilməz olduğu vurğulanıb.
Şuşa-Xankəndi yolunda aksiyasının başlanmasından sonra Ermənistan Qarabağda yaşayan ermənilərin “blokada”da olduğunu iddia edir, Xankəndindəki separatçılar isə “ərzaq qıtlığı”nın yaşandığı haqda “akopalipsis” hekayələri uydururlar.
Rusiya sülhməramlılarının 2022-ci ilin 12 dekabr tarixindən (Şuşa yoludna aksiyanın başlandığı gündən) 2023-cü ilin 8 mart tarixinə qədər Qarabağdakı ermənilər üçün daşıdığı ərzaq və gündəlik təlabat mallarının siyahısı real vəziyyəti sübut edir. Daşınan yüklərə Qarabağdakı ermənilər üçün humanitar aksiyalar təşkil edən “Hayer Miatsek” (Erməni birliyi) təşkilatının sifariş etdiyi məhsullar da daxildir.
- dəmir profil - 2 ton;
- dəmir odun sobaları-1 kamaz avtomobili həcmində;
- süni odun - 7 ton;
- plastik qablar - 7 ton;
- elektrik kabelləri - 11 min metr uzunluğunda, 11 ton ağırlığında;
- internet avadanlıqları - bir avtomobil həcmində;
- suvarma sistemi avadanlıqları - 2 kamaz avtomobili həcmində;
- heyvan yemi - 170,5 ton;
- mühərrik yağı - 18 ton;
- avtomobil şinləri - 10 ton;
- 10 elektrik generatoru və 3 tranformator;
- akkumulyator - 10 ədəd;
- yanacaq - 1250 ton.
- yuyucu vasitələr - 70 ton;
- bezlər - 4 ton;
- salfet – 13 ton;
- siqaret - 14-18 min blok;
- alkoqolsuz içkilər - 39 ton;
- şirniyyat - 115 ton;
- yağlar (əsasən bitki yağları) - 167 ton;
- konserv - 185 ton;
- fərdi quru ərzaq payı - 16 ton;
- ət - 16 ton;
- dondurulmuş balıq - 14 ton;
- dondurulmuş toyuq - 42 ton;
- yumurta - 43 ton;
- un - 38 ton;
- süd məhsulları - 52 ton;
- kartof - 483 ton;
- kələm - 134 ton;
- qarabaşaq - 159 ton;
- şəkər - 133 ton;
- noxud - 16 ton;
- buğda - 118 ton;
- makaron - 161 ton;
- lobya - 137 ton;
- ət məhsulları - 50 ton;
- mərcimək - 7 ton;
- yerkökü - 80 ton;
- tərəvəz - 24 ton;
- uşaq yeməkləri - 3 ton;
- düyü - 173 ton;
- qarışıq ərzaq məhsulları - 316 ton;
- duz - 40 ton;
- soğan - 90 ton;
- meyvə - 471 ton;
Bu siyahı erməniləri “blokada” iddialarının tamamilə ifşa edir.
Asif Nərimanlı
Teref
“Azərbaycanlılar Paşinyan hökumətinin bir ildə edə bilmədiklərini bir gündə etdilər”.
Bizim.Media xəbər verir ki, bu fikirləri Zəngəzurda Dığ (Tex) kəndinin sakinləri Ermənistan mətbuatına bildiriblər.
Müxbirlə yerli sakinlərin dialoqunu sizə təqdim edirik:
Yerli sakin: Bəli, biz sərhəddə dayanmışdıq, qarşılarını kəsmişdik. Burdan yaxşı görə bilərsiniz, gedin baxın. Baxırsan ki, bu “KamAZ”ların hamısı türklərindir (azərbaycanlıları nəzərdə tutur).
Müxbir: Sağ tərəfdə?
Yerli sakin: Bəli, ancaq türk maşını var, erməni maşını yoxdur. Yalnız onlardır.
Yerli sakin: Bax, oradək “Həsən”in postudur. Türklər ordan gəlir, lap aydın görünür. Lap çoxdurlar. Onlar əsgərdir, yoxsa zabit? Sayı çoxdur.
Müxbir: Texnika da gətirirlər?
Yerli sakin: Hərbi texnikanı görməmişəm, deyə bilmərəm Ancaq onlar bir gündə o qədər iş gördülər ki. Bizim hökumət bir ildə bu qədər iş görə bilməz. Mən düşməni tərifləməyəcəyəm. Amma belədir. Bu bizim torpağımızdır, babalarımızın torpağı olub. İndi “Ural”lar bizim torpaqlarımızda dayanır.
Müxbir: “Ural”lar onlara məxsusdur?
Yerli sakin: Qarabağa gedən yol onların sol tərəfindədir. Amma hər şey onlara məxsus deyil, bizim orada 8 hektar torpağımız var. Bu bizim ata-babalarımızın torpaqlarıdır. Bunlar bizim buğda sahələrimizdir. Bunlar insanların öz torpaqlarıdır, əkin sahələridir. “Ural”lar gəldi və hər şeyi məhv etdi. Onların ekskavatorları səngər qazır. Bilmirəm səngər qazır, yoxsa bunker. Amma bura tamamilə bizim torpağımızdır. Nikolun adamları deməsinlər ki, bura bizim deyil.
Müxbir: Deyirlər ki, bu kənd Nikolun tərəfdarıdır.
Kişi: Fərqi yoxdur, Nikolun və ya Köçəryanın tərəfdarıdır. Bura bizim kəndin torpaqlarıdır. Söhbət kəndimizin torpaqlarından gedir. Və yolları dəyişik salmasınlar. Yol Kornidzordan, Laçından keçir, bura nə dəxli var? Bunlar bizim torpaqlarımızdır.
Azərbaycan ordusunun Qarabağda son əməliyyatı zamanı separatçıların istifadə etdiyi torpaq yolların (Xankəndi-Xəlfəli-Turşsu) nəzarətə götürülməsi nəticəsində bir qrup erməninin hələ də qaldığı Böyük və Kiçik Qaladərəsi, eləcə də Turşsu kəndlərinin Xankəndi ilə əlaqəsi də kəsilib. Müharibədən sonra bu kəndlər Laçın dəhlizinin keçdiyi ərazidə yerləşdiyi üçün sülhməramlıların nəzarətində qalmışdı. Ermənilər ruslara güvənərək, kəndi tərk etmədilər. İndi isə onların Xankəndidəki separatçılarla əlaqəsi ordumuz tərəfindən nəzarətə götürülüb.
Azərbaycan Qarabağdakı erməniləri öz vətəndaşı hesab edir və onların bütün problemlərinin həll edilməsi ilə bağlı təkliflər irəli sürür. Lakin separatçıların təzyiqinə görə ermənilər hələ ki, Bakıya üz tutmaqdan çəkinirlər.
Yolun nəzarətə götürülməsi ilə separatçılarla əlaqəsi kəsilən bu kəndlərdəki ermənilərin indi seçimi Azərbaycana üz tutmaqdır. Lakin Ermənistanın prosesə gizli şəkildə müdaxilə etdiyi haqda məlumatlar var.
Turşsuda qalan 73 erməninin Gorusla əlaqə qura bilməsi də bunu deməyə əsas verir.
Kənd icmasının rəhbəri Qaqik Nəsibyan Ermənistan mediasına açıqlamasında bunu etiraf edib.
“Xankəndi ilə əlaqə tamamilə kəsilib. Yol olmadığı üçün ərzaq məsələlərini Xankəndidən həll etmək mümkün deyil, buna görə ərzağı Gorusdan daha rahat şəkildə gətirirlər”, - o bildirib.
Nəsibyan Gorusla necə əlaqə yaratdıqlarını açıqlamayıb. Xəritə üzərindən Turşsu və Gorus arasındakı məsafəyə baxdıqda da bunun mümkün olması sual altına düşür. Burada iki mümkün versiya var:
Birincisi, Ermənistanın Qarabağa hansısa gizli yollarla keçid imkanı hələ də qalır və bu yollarla Turşsuya yük göndərir;
İkincisi, Rusiya sülhməramlıları kənddə qalan ermənilərin təminatını Gorusdan təmin edir: hərçənd, təminat Gorusdan olduğu üçün hər iki halda prosesdə Ermənistanın iştirakı məlumdur;
Ermənistandan Qarabağa ərzaq adı altında silah-sursatın daşındığı təcrübəsi fonunda bu məsələ xüsusilə diqqət çəkir. İstisna deyil ki, Turşsuda qalan 73 erməniyə “ərzaq aparılır” adı ilə Azərbaycan ərazisinə gizli şəkildə hərbi yüklər keçirilir. Bakının bu məsələni diqqətdə saxlaması zərurəti var.
publika.az
Ordumuz Laçında nəzarətə götürdüyü Ermənistanla sərhədboyu ərazilərdə 10 yeni post qurub.
Bu haqda erməni mediası yazır.Bununla Ermənistan və Qarabağdakı separatçıların nəzarətsiz olan həmin ərazilərdən istifadəsinin də qarşısı alınır.
Və beləliklə, çıxış yolları bağlanan separatçıların ətrafında çəmbər getdikcə daha da daralır.
Bundan sonra hədəf Laçın yolunda nəzarət-keçid məntəqəsinin qurulmasıdır.
Asif Nerimanli
Teref.az
Sərhəddəki danışıqlarda Azərbaycan və Ermənistan nümayəndələri ilə yanaşı, Rusiya sülhməramlılarının nümayəndələri də iştirak edib.
Bu barədə erməni mediası məlumat yayıb.
İddia edilib ki, Ermənistan tərəfdən danışıqları Milli Təhlükəsizlik Xidmətinin rəhbəri Armen Abazyan aparıb.
Erməni nəşri yazır ki, Abazyan azərbaycanlıları bu günlərdə tutduqları mövqelərdən "Dostluq abidəsi”nə qədər geri çəkilməyə razı salmağa çalışıb.
Lakin danışıqlar nəticə verməyib və azərbaycanlılar öz mövqelərində qalıblar.
Qeyd edək ki, Dağ-Gorunzur (Tex-Kornizdor) ərazisində Azərbaycan və Ermənistan nümayəndələri arasında görüşün baş tutduğu haqda Ermənistan Milli Təhlükəsizlik Xidməti məlumat yaymışdı.
Bildirilirdi ki, nümayəndələr sərhədin dəqiqləşdirilməsi üzrə işlər aparıb, nəticədə bu seqmentdə vəziyyət xeyli yaxşılaşıb.
Xatırladaq ki, ermənilərin “böyük və kiçik sünik memorial”ı adlandırdıqları “abidə” Ordumuzun nəzarətinə keçib.
Rusiya sülhməramlılarının Qarabağdakı ermənilərə qarşı soyğunçuluq fəaliyyəti getdikcə güclənməyə başlayıb.
Bunu “Hraparak” qəzeti yazıb.
Məlumata görə, son zamanlar sülhməramlılar qondarma rejimdəki ermənilərin hesabına gəlirlər əldə etməyə başlayıblar. Qəzetin mənbəsi bildirir ki, sülhməramlılar yerli ermənilərdən aldığı rüşvətin məbləğini son aylarda 5 dəfə artırıblar. Belə ki, əgər əvvəllər Qarabağa qida və ya digər mallar gətirmək üçün hər böyük yük maşınından 1000-2000 dollar alırdılarsa, artıq ruslar bu rəqəmi 10 min dollara qaldırıblar.
Vəziyyətin bu həddə çatması ruslarla separatçılar arasında vəziyyəti qəlizləşdirib. Belə ki, tərəflər arasında razılaşmaya əsasən, ruslar Xankəndiyə 10 maşın yük gətirməyi öhdəliyə götürsələr də, bunun yalnız 8-ni Araik Arutyunyanın adamlarına təhvil verə bilirlər. Digər 2 maşını isə general Volkovun rəhbərliyindəki sülhməramlılar özləri Xankəndidə biznes vasitəsi olaraq istifadə edirlər. Yəni malları sataraq ondan gəlir əldə edirlər.
Qeyd edək ki, Qarabağdakı ermənilər Azərbaycan vətəndaşlarıdır. Rəsmi Bakı onların Azərbaycan cəmiyyətinə reinteqrasiyası porsesinin qaçılmaz olduğunu dəfələrlə vurğulayıb.
İllərdir deyirik, yazırıq ki, ictimaiyyət, xüsusən də media ucuz sensasiya, yaxud başqa məqsədlər xatirinə ölkəmizin, dövlətimizin siyasi, iqtisadi, hərbi və s. sahədə uğur və nailiyyətlərini nə kiçiltməli, nə də şişirtməlidir, hər şeyi olduğu kimi təqdim və təbliğ etməlidir. Çünki xalq, dövlət, ölkə yalan və şişirtmələr üzərində deyil, real və gerçək göstəricilər əsasında inkişaf edir... Odur ki, hər hansı bir sahədə uğurlarımızın şişirdilməsi, gerçəklərin gizlədilməsi dövlətimizin, ölkəmizin tərəqqisinə yox, tənəzzülünə xidmət edəcək... Burada diktator olsa da, sovet lideri Stalinin məşhur əsəri yada düşür: “Müvəffəqiyyətdən başgicəllənmə”... Ataların da bir sözünü xatırlamamaq olmur: “Arxı hoppanmamış “hop” demə”...
Keçək əsas mətləbə... Bu günlərdə Azərbaycan ordusunun Laçın rayonunda – Ermənistanla sərhədə və məlum “dəhliz”ə yaxın ərazilərdə növbəti uğurlu əməliyyatları keçirilibdir. Ermənistan istiqamətindən yeni Laçın yolunun istifadəyə verilməsi ilə əlaqədar hərbçilərimiz heç bir güllə atmadan Laçın rayonunun Cağazur və Zabux kəndləri arasında yerləşən bir neçə hakim yüksəklik, əsas və yardımçı yollar, eləcə də sərhədboyu geniş sahələri nəzarətə götürüb. Müdafiə Nazirliyi bu haqda rəsmi məlumat yaydıqdan sonra sosial-şəbəkələrdə, eləcə də mediada bir hay-mərəkə qopdu ki... Erməni saytlarında yayılan, guya Azərbaycan ordusunun Xankəndi-Şuşa-Laçın-Gorus yolunun Ermənistanın Dığ(Tex) kəndi ərazisindən keçən hissəsini bağlaması haqda xəbərlərin tərcüməsi də dərc olunduqdan sonra şayiələr yayıldı ki, artıq Azərbaycan Laçın yolunda nəzarət-keçid məntəqəsi qurub... Baş verənlərin mahiyyətinə və sözügedən əraziyə bələd olmayanlar isə bu xəbərə tamamilə əmin oldular...
Bəs gerçəkdə nə baş verib?.. Doğrudur, ordumuz Laçın rayonunun Zabux və Cağazur kəndləri arasındakı hakim yüksəklikləri nəzarətə götürüb. Hərçənd Rusiya “sülhməramlı”ları həmin yüksəkliklərin Azərbaycan tərəfinə təhvil verilməsini 10 noyabr 2020-ci il bəyanatı imzalanandan sonra təmin etməli idi. Çünki əvvəla, Cağazur kəndi “dəhliz”dən kifayət qədər uzaq məsafədə yerləşir. İkincisi də, sovet dövründən bəri bəhs edilən kəndlərin qeyd-şərtsiz Azərbaycan Respublikasının Laçın rayonuna aid olduğunu, Ermənistanla sərhədin həmin ərazidə hansı dərə-təpədən keçməsini də ermənilər də, ruslar da yaxşı bilirdi... Bəndəniz də I Qarabağ savaşında bir aydan çox sözügedən ərazidəki “29-cu”, “30-cu” postlarda könüllü döyüşçü kimi keşik çəkdiyindən gözəl bilir ki, Dığ düzü deyilən məkanın xeyli hissəsi Azərbaycana məxsus olub. Bütün hallarda bu addımımızı növbəti uğur kimi dəyərləndirilməlidir...
Ancaq konkret Laçın yolunun bağlanmasına gəldikdə, hətta ordumuz Dığ kəndi yaxınlığındakı sərhəd ərazidə həmin yolu bağlayıb orada nəzarət-keçid məntəqəsi qurulmasını təmin etsə belə, bu, bir neçə gün, uzaqbaşı bir neçə həftədən sonra öz ciddi əhəmiyyətini itirəcək. Çünki öncədən razılaşmaya əsasən və rəsmi İrəvanın bu günlərdə verdiyi məlumata görə, Qarabağdan Ermənistana gedən alternativ yolun Ermənistana aid hissəsinin çəkilməsi aprelin 1-dək tamamlanmalıdır. Bu isə o deməkdir ki, ermənilər artıq Dığ kəndinin yaxınlığından keçən yolla deyil, qonşu Gorunzur(Kornidzor) kəndi ərazisindən keçən yolla hərəkət edəcəklər. Bu günədək Azərbaycan tərəfi icazə verirdi ki, hayklar Şuşanın Kiçik və Böyük Qaladərəsi və Laçının Qayğı qəsəbəsindən keçən yeni çəkdiyimiz alternativ yolla Həkəri çayı üzərindəki körpüyə çatdıqdan sonra yenidən Zabux kəndi yaxınlığında Azərbaycan ərazisindən keçib Ermənistana daxil olsunlar. Ancaq indi onlar Həkəri çayını və oradakı Rusiya “sülhməramlı”larının 1 saylı postunu keçib birbaşa Ermənistan ərazisinə daxil olacaqlar. Və bu halda ermənilər öz sərhədlərinin həmin hissəsində sərhəd qoşunlarını yerləşdirəcəklər... Odur ki, Azərbaycan dövləti də nəzarət- keçid postunu Dığ kəndi yaxınlığında deyil, Həkəri çayı üzərində, rusların müşahidə-nəzarət postunun yaxınlığında qurmalıdır... Əsas məsələ budur. Və Azərbaycan dövləti, şanlı Azərbaycan ordusu bütün əngəllərə, agentura təxribatlarına və s. rəğmən bu işi görməlidir. İllah da ona görə ki, ölkə başçısı İlham Əliyev Münhendə ABŞ dövlət katibinin vasitəçiliyi ilə keçirilən görüşdə "həm Zəngəzur dəhlizinin hər iki başında, eyni zamanda, Laçın rayonu ilə Ermənistan arasındakı sərhəddə nəzarət-buraxılış məntəqələri yaradılmalıdır" təklifini rəsmi olaraq irəli sürmüşdü... Biz bunu mümkün qədər tez etməliyik... Baxmayaraq ki, hayk kökənli Lavrov özü də, katibəsi Mariya Zaxarova da deyir ki, Azərbaycan tərəfinin Laçın yolu üzərində nəzarət-buraxılış məntəqəsi qurması haqda müzakirələr getmir... Laçın yolunda sərhəd, gömrük və s. nəzarət-keçid postlarının qurulması həm də ona görə vacibdir ki, bu halda haykların həmin yolla silah-sursat, canlı qüvvə və s. daşıması maksimum məhdudlaşacaq. Eyni səbəbdən də bu yaxınlarda ordumuzun daha bir uğurlu əməliyyatla nəzarətə götürdüyü alternativ Xankəndi yolları yaxınlığındakı yüksəkliklərdə əlavə qüvvə yerləşdirilməsinə ciddi ehtiyac olmayacaq...
Xülasə, gəlin, eyforiyaya qapılmayaq və arxı hoppanmamış “hop” deməyək, yoxsa “rəhmətlik” Stalin demiş, uğurlardan başımız gicəllənər və Allah eləməmiş, yıxılarıq... //moderator.az//