Aktualinfo.org hələ 2021-ci ilin fevralından Suraxanı rayonu, Yeni Suraxanı qəsəbəsi Samir Əliyev mərkəzi kucə 9 unvanında, 316 saylı orta məktəbin yanında yerləşən, təxminən 25-30 sot torpaq sahəsində qanunsuz tikinti işlərinin aparılması barədə silsilə məqalələr yaymaqdadır. O zamandan bəri sözügedən əraziyə müxtəlif adamlar göz dikmiş, hasara alaraq ticarət məgsədi ilə qanunsuz tikinti işlərinə başlayaraq sahəni zəbt etməyə çalışmışlar. Lakin hər dəfə bu qanunsuzluq barədə məlumatı ictimaiiyyətə çatdırmış, bir sıra aidiyyəti dövlət qurumlarına müraciət etmişik. Hər dəfə də Bakı şəhəri Suraxanı rayon İcra Hakimiyyəti sözügedən ərazidə qanunsuz tikilinin aparılmasına cəhd edənlər barədə susqunluq nümayiş etdirmiş, lazımı tədbirlər görməmişdir.

Məlum olduğu kimi ötən il Suraxanı rayon İcra Hakimiyyətində kadr dəyişikliyi olub. Prezident İlham Əliyevin 8 iyul 2024-cü il tarixli Sərəncamı ilə keçmiş deputat Adil Əliyev Suraxanıda İcra başçı vəzifəsinə təyin edilib. Son dövrlər elektron mediada və sosial şəbəkələrdə yayılan məlumatlarda Adil Əliyevin vəzifə başına keçər-keçməz Suraxanıda qanunsuz tikililərin sayının artığı bildirilir. Məlumata görə o, başçısı təyin olunanda özü ilə yüzə yaxın adam gətirərək Suraxanıda qanunsuz tikililərin aşkar edilməsini tapşırıb. Hətta onlara qeyri rəsmi maaş da verir. Burada məqsəd qanunsuz tikililərin aşkar edilərək dayandırılıması deyil, qanunsuz tikintilərin başqa yollarla leqallaşdırılmasıdır.

Adil Əliyev Suraxanı rayon İcra Hakimiyyətinə başçı təyin edildikdən sonra Yeni Suraxanı qəsəbəsi Samir Əliyev mərkəzi kucə 9 unvanında, 316 saylı orta məktəbin yanında yerləşən,təxminən 25-30 sot torpaq sahəsində yenə qanunsuz tikinti işlərinə başlanılıb.

Birinci Qarabag müharibəsi əlili, ehtiyyatda olan kapitan Fərziyev Güləli Şahüseyn (ikinci Qarabağ müharibəsində qazi olan kapitan Fərzəliyev Xəyyamın atası) oglu redaksiyamıza müraciərt edərək bildirir ki, hələ İlham Əliyev ilk dəfə Prezident seçiləndən sonra şəhər gəzintisi zamanı onun göstərişi ilə Nizami rayonunda sökülən obyektimin əvəzinə Yeni Suraxanıda mənə torpaq sahəsi ayrılıb. Bu torpaq sahəsində ailəmin dolanması üçün ticarət məqsədi ilə obyekt tikdirmiş, bu illər ərzində qazandığımın çoxunu obyektin saxlanmasına və inkişaf etməsinə xərcləmişəm. Bir neçə gün əvvəl obyektin damında olarkən 25 nəfərə yaxın kikboksçu gələrək, heç bir səbəb göstərmədən məndən obyektin sökülməsini tələb edib, döydülər, damdan atmaqla hədələdilər. Mən Suraxanı rayon İcra Hakimiyyətinin başçısı Adil Əliyevin qəbuluna getdim. Məni qəbul etmədi. Sonra tədbirlərin birində Heydər Əliyevin heykəlinə gül qoyub qayıdanda Adil Əliyevdən xahiş etdim ki, məni qəbul etsin. İcra Hakimiyyətində təsərrüfat şöbəsinin müdiri Mütəllim müəllimin iştirakı ilə məni qəbul edən Adil Əliyevə məni niyə döydürdüyünü soruşdum. Adil Əliyev məndən obyektin ikinci mərtəbəsini istədi və şikayətlərimi dayandırmasam mənim üçün pis olacağını söylədi.

Müharibə əlili Güləli Fərzəliyevin sözlərinə görə mübahisə yuxarıda qeyd etdiyimiz, Samir Əliyev mərkəzi kucə 9 unvanında, 316 saylı orta məktəbin yanında yerləşən,təxminən 25-30 sot torpaq sahəsində tikinti işlərinin aparılması ilə bağlı şikayətlərim olub. O, bildirdi ki, bu torpaq sahəsində uşaqların və yaşlıların asudə vaxtlarını keçirməsi üçün kiçik bir park salmaq, 316 saylı orta məktəbin məzunları olmuş şəhidlərin xatirəsini əbədiləşdirmək olar. Məhz bu məqsədlə Suraxanı rayon İcra Hakimiyyətinə müraciət etmişik. Həmin torpaq sahəsi məktəbə gələn valideyn və uşagların rahat hərəkət etməsi üçün mənim tərəfimdən abadlaşdırılmışdır. Bir sahibkar və qazi kimi mən dövlətə və xalqımıza xidmət etməyi düşünürdüm. Ağaclar əkmişdim, su olmadığından artezian quyusu qazmışdım və həmən ağaclara qulıluq edirdim, hətta vedrələrlə ağaclara su verirdim ki, inkişaf etsinlər. Arzularım və istəklərim puça dönüb. Mən həmin əraziyə beş-altı yüz maşın torpaq daşıtdırmışdım. Bu ərazidə balalarımızın istirahəti üçün icazə vermirlər, amma ticarət məqsədi ilə tikilən obyektə icazə verirlər. Əvvəlki İcra başçısının vaxtında da tikinti aparmaq istəyirdilər. Çoxsaylı müraciətlərdən sonra tikinti işləri dayandı. Adil Əliyev Suraxanıya İcra başçısı təyin edildikdən sonra işbazlar bu sahəyə yenə ayaq açdılar.

Aktualinfo.org bir daha xatırladır ki, sözügedən ərazidə qanunsuz tikinti işlərinin aparılmasına bir neçə il əvvəl toxunmuşdu. Bir daha qeyd etmək istərdik ki, tikintiyə sənədləri hansı dövlət qurumunun, Suraxanı rayonu İcra Hakimiyyətinin yoxsa Dövlət Şəhərsalma və Arxitektura Komitəsinin verməsinin bəlli olmadığını qeyd etmiş, əslində isə tikintiyə icazənin adıçəkilən qurumların birgə rəyi əsasında verildiyini oxucuların diqqətinə çatdırmışdıq. Onu da əlavə etmişdik ki, tikinti işləri sözügedən ərazidə istismar müddəti bitmiş neft quyularının üstündə aparılır. SOCAR-ın ərazisində tikintiyə icazənin hansı qurum tərəfindən verildiyinə aydınlıq gətirilməsini istəmişdik.
Sözügedən məqalədə göstərilən ərazidə tikinti işlərinin aparılmasına münasıbət bildirən SOCAR Təhlükəsizlik İdarəsinin rəsmisi redaksiyanın əməkdaşına zəng edərək bildirmişdi ki, həmin ərazinin SOCAR-a heç bir aidiyyatı yoxdur. Ərazi ola bilsin ki, əvvəllər Neft Şirkətinə məxsus olub. Lakin orada çoxsaylı evlər və məktəb tikildiyindən qurum rəsmisinin sözlərinə görə, ərazi artıq İcra Hakimiyyətinin balansına verilib.
Qeyd etdiyimiz kimi ərazi həm istismar müddəti bitmiş neft quyuları ilə əhatə olunub, həm də yaxınlığında orta ümumtəhsil məktəbi yerləşir ki, belə bir ərazidə hər hansı ticarət obyektin tikintisi yalnız şəhərsalma planlarına və normalarına uyğun şəkildə aparılmalıdır. Bunu ötən yazılarda da qeyd etmişdik və bir daha xatırladırıq ki, müvafiq icra hakimiyyəti və yerli özünüidarəetmə orqanları ilə birlikdə məskunlaşmış ərazilərin mövcud təbii və geoloji şəraitinin yararlı olması nəzərə alınmaqla, onların inkişaf istiqamətlərini və memarlıq-planlaşdırma strukturlarını müəyyən etmək; müvafiq icra hakimiyyəti orqanları ilə birlikdə məskunlaşma ərazilərinin və sistemlərinin təhlükəli təbii proseslərdən və hadisələrdən mühafizəsi üçün tədbirlərin hazırlanmasında iştirak etmək; müvafiq sahədə öz səlahiyyətləri daxilində layihələndirilmə prosesində müəssisə və təşkilatlar arasında baş verən fikir ayrılığını araşdırmaq və müvafiq qərar qəbul etmək Dövlət Şəhərsalma və Arxitektura Komitəsinin birbaşa vəzifələrinə aiddir. Lakin proseslərin gedişindən də göründüyü kimi Dövlət Şəhərsalma və Arxitektura Komitəsi ərazidə bu qanunsuz tikinti işinin aparılmasına israrlıdır.

Aktualinfo.org

Məqaləyə dair fotomateriallar:

Hələ 2019-cu ilin fevralında Bakı şəhər İcra Hakimiyyətinin başçısı Eldar Əzizovun təşəbbüsü ilə Bakı şəhər İcra Hakimiyyəti başçısının tabeliyində “Bakı Şəhər Əsaslı Tikinti və Təmir” Məhdud Məsuliyyətli Cəmiyyəti yaradılanda qurumdan mətbuata verilən açıqlamalarda MMC-nin paytaxtda bilavasitə tikinti işlərinin aparılması ilə məşğul olmayacağı bildirilirdi. İcra Hakimiyyətindən onu da əlavə etmişdilər ki, yeni yaradılan qurumun əsas fəaliyyəti dövlət vəsaiti hesabına Bakı şəhərində həyata keçiriləcək əsaslı tikinti və təmir məsələləri sahəsində strateji planların hazırlanması, görüləcək işlərin koordinasiya olunması və ayrılan vəsaitin səmərəli istifadəsinin təmin olunmasına nəzarətdən ibarət olacaq.

Maraqlıdır bu qurum ötən beş il ərzində paytaxtımızda görüləcək işlərin koordinasiya olunması və ayrılan vəsaitin səmərəli istifadəsinin təmin olunmasına nəzarəti necə həyata keçirib? Əvvəlki illəri deyil, götürək sonuncu, 2024-cü ili. “Dövlət Satınalmaları Haqqında” Azərbaycan Respublikası Qanununa görə satınalma bir neçə mərhələlərdən ibarət olur ki, birincisi satınalma planının hazırlanması və ehtimal olunan qiymətin müəyyənləşdirilməsidir. Qanuna görə satınalan təşkilat növbəti büdcə ili üzrə dövlət büdcəsi haqqında qanun layihəsi Azərbaycan Respublikası Milli Məclisinə təqdim edildikdən sonrakı 5 (beş) iş günü ərzində müvafiq icra hakimiyyəti orqanının müəyyən etdiyi orqan (NK) növbəti ilin dövlət büdcəsinin layihəsinə uyğun olaraq satınalan təşkilata aid dövlət büdcəsinin göstəriciləri və xərclərinin bölgüsü barədə məlumatları satınalan təşkilata göndərir və satınalan təşkilat həmin məlumatlar əsasında 5 (beş) iş günü ərzində (büdcədən maliyyələşməyən satınalan təşkilat cari ilin oktyabr ayının 25-dən gec olmayaraq, növbəti il üçün müəyyən etdiyi tələbata uyğun) ilkin satınalma planını hazırlayaraq təsdiq edir və portalda yerləşdirir.

Bakı şəhər İcra Hakimiyyəti başçısının tabeliyində “Bakı Şəhər Əsaslı Tikinti və Təmir” Məhdud Məsuliyyətli Cəmiyyəti 16.11.2023-cü ildə 2024-cü ildə alınacaq malların və xidmətlərin satınalma planlarını açıqlayıb. Buraya il ərzində alınacaq malların və xidmətlərin satınalması üzrə 13 açıq tender, 2 kotirovka sorğusu daxil edilib. “Bakı Şəhər Əsaslı Tikinti və Təmir” Məhdud Məsuliyyətli Cəmiyyəti 2024-cü il ərzində dövlət satınalmalarının vahid internet portalına 7 açıq tender və 2 kotirovka sorğusunun yekunlaşdırıldığı barədə məlumat yerləşdirib.

Qeyd edək ki, tenderin yekunlaşdırılması və qalibin açıqlanması hələ müqavilənin bağlanılması anlamına gəlmir. Qanunla tender yekunlaşdıqdan sonra təchizatçılara gözləmə müddəti (təklifin akseptindən əvvəl təchizatçılara satınalmanın nəticələri ilə bağlı müraciət etmək, o cümlədən nəticələrdən şikayət etmək hüququnu verən müddət) verilir. Qanunla müəyyən edilmiş müddətdən sonra qalib təchizatçı ilə müqavilə bağlanılır və satınalmalarının vahid portalında dərc edilir.

Amma dövlət satınalmalarının vahid internet portalında “Bakı Şəhər Əsaslı Tikinti və Təmir” Məhdud Məsuliyyətli Cəmiyyətinin 2024-cü ildə bağladığı müqavilələr barədə heç bir məlumat yoxdu. MMC-nin satınalma planlarına daxil etdiyi 6 açıq tendr barədə isə ümumiyyətlə heç bir məlumat yoxdu. Niyə? Burada Azərbaycan qanunları işləmirmi?

Qeyd edək ki, “Bakı Şəhər Əsaslı Tikinti və Təmir” MMC-nin 2024-cü ildə yekunlaşdırdığı və milyonlarla manat dəyəri olan bir neçə açıq tender diqqətimizi çəkdi.

MMC Bakı şəhəri, Yasamal rayonu, Mərkəzi parkın davamı (S.Tağızadə, A.Şaiq, N.Aşurbəyova küçələrinin əhatəsində salınacaq yeni park) üçün layihə-smeta sənədlərinin hazırlanmasının satın alınması üzrə 28.02.2024-cü ildə 01.08.2024 -cü ildə yekun vurub və 1.429.000,06 manat təklifi ilə “AZ.ARXİTEKTURA” MMC-nin qalib olduğunu açıqlayıb.

MMC satınalma planlarında 2024-cü ilin oktyabrında keçirilməsi nəzərdə tutulan Bakı şəhəri, Yasamal rayonu, Mərkəzi parkın davamı (S.Tağızadə, A.Şaiq, N.Aşurbəyova küçələrinin əhatəsində salınacaq yeni park) və ətraf ərazilərin abadlaşdırma işlərinin satın alınması üzrə açıq tender müsabiqəsinə 12.12.2024-cü ildə başlayıb və “VEST-LTD” QSC ilə 37.230.105,82 manat məbləğində satınalma müqaviləsi bağlamağı planlaşdırdığını 16.01.2025-ci ildə açıqlayıb. Artıq bir aydan çox vaxt keçməsinə baxmayaraq müqavilənin bağlanıb, bağlanmaması barədə heç bir məlumat yoxdur.

Qeyd edək ki, bir müddət əvvəl elektron media sözügedən QSC-nin 10 milyon (elektron mediada 21 fevralda yayılan məlumatlarda 11 891 188.48 manat olub, Vergi Xidmətinin məlumatında son günlər QSC-nin vergi borcunu qismən azaltdığı göstərilir ) manatdan çox vergi borcu olduğu barədə məlumat yaymışdı. Rəsmi, Dövlət Vergi Xidmətinin informasiya bazasında yer alan məlumata görə, QSC 14 aprel 2010-cu il tarixində dövlət qeydiyyatına alınıb. Nizamnamə kapitalı 2050 manat olan şirkətin hüquqi ünvanı “Bakı şəhəri, Binəqədi rayonu, Cavad xan, ev 51, m. 46” olaraq göstərilir. Qanuni təmsilçisi Verdəliyev Şahin Əlimərdan oğludur. Əvvəl “Vest LTD” MMC olan şirkət sonradan təşkilati-hüquqi forması dəyişdirərək “Vest LTD” Qapalı Səhmdar Cəmiyyətinə (QSC) çevrilib. Qeyri rəsmi məlumatlarda “Vest LTD” QSC-nin mediada “tender kralı” kimi tanınan Ramazan Mirzəyevə məxsus olduğu deyilir.

Qeyd edək ki, Bakı şəhər İcra Hakimiyyəti başçısının tabeliyində “Bakı Şəhər Əsaslı Tikinti və Təmir” MMC-nin 2024-cü ildə yekun vurduğu iki tender isə nəqliyyat və xüsusi texnikaların satın alınması ilə bağlıdır. Bu məqsədlə “Bakı Şəhər Əsaslı Tikinti və Təmir” MMC 16.07.2024-cü ildə yekunlaşdırdığı kommunal təyinatlı texnikaların satın alınması üzrə olan açıq tenderdə 31.400.007,68 manat təkliflə “AZ-TEX-IMPORT” MMC qalib seçilib. Nəqliyyat və xüsusi texnikaların satın alınması üzrə 24.07.2024-cü ildə yekunlaşmış tenderdə də “Bakı Şəhər Əsaslı Tikinti və Təmir” MMC 7.212.000 manat təkliflə “AZ-TEX-IMPORT” MMC-ni qalib seçib. Göründüyü kimi “Bakı Şəhər Əsaslı Tikinti və Təmir” MMC 8 gün ərzində xüsusi texnikaların alınması üzrə “AZ-TEX-IMPORT” MMC ilə ümumi dəyəri 38 612 007 manat məbləğində müqavilə bağlamağı nəzərdə tutub.

Qeyd edək ki, “Az-Tex-İmport” şirkəti 19 iyul 2017-ci ildə qeydiyyata alınıb. Şirkətin nizamnamə kapitalı 22 610 manat, hüqüqi ünvanı Bakı şəhəri Xətai rayonu, Telnov küçəsi, ev 2347/48, mənzil 290-da yerləşir. Şirkətin qanuni təmsilçisi İbadullayev Samir Sahib oğludur. Ondan əvvəl şirkəti Samir İbadullayevin qardaşı İlkin İbadullayev təmsil edib. “Az-Tex-İmport” MMC həm də Sumqayıt Texnologiyalar Parkının rezident şirkətidir. Açıq mənbələrdə şirkət və qanuni təmsilçiləri haqqında heç bir məlumata rast gəlinmir.

Amma dövlət satınalmalarının vahid internet portalına yerləşdirilmiş məlumatlarda “Az-Tex-İmport” MMC 2020-ci ildən başlayaraq Bakı şəhər İcra Hakimiyyətinin tabeliyində olan Məzil Kommunal Təsərrüfatı Birliklərinin nəqliyyat və xüsusi texnikaların satınalınması üzrə keçirdiyi dəyəri 10 milyon manatdan çox olan 10 müqavilə bağlayıb. “Bakı Şəhər Əsaslı Tikinti və Təmir” MMC-nin yekunlaşdırdığı satınalmanı da nəzərə alsaq Bakı şəhər İcra Hakimiyyətinin son 4 ildə nəqliyyat və xüsusi texnikaların alınmasına 50 milyon manatdan çox dövlət vəsaitinin xərclədiyini görmüş olarıq. Belə olan halda bir neçə gün əvvəl Bakıya yağan qarı niyə kommunal qurumların texnikası deyil, elə BŞİH-İn açıqlamaında deyildiyi ki, qarın təmizlənməsi üçün lazımi qədər alət, inventarın (bel, kürək, ling və s.) toplanması, duz ehtiyatı yaradılması, xüsusi texnikaların vəziyyətinin yoxlanılması ilə bağlı tapşırıqlar verilib.

Aktualinfo.org xatırladır ki, “Bakı Şəhər Əsaslı Tikinti və Təmir” Məhdud Məsuliyyətli Cəmiyyətinin direktoru Əliyev Abit Sadıq oğludur. Bu o, Abit Əliyevdir ki, Eldar Əzizov hələ 2003 – cü ildə Gəncə şəhəri İcra Hakimiyyətinin başçısı təyin olunduqdan sonra karyerasında yüz səksən dərəcə dönüş yaranmışdı. Həmin dövrdə Samux rayonunda Qaz İstismar İdarəsinin müdiri işləmiş Abit Əliyevi Gəncə şəhər Mənzil Kommunal Təsərrüfatı İdarəsinə müdir təyin etmiş Eldar Əzizov onunla yolunu hələ də davam etdirir. Eldar Əzizov sadıq kadrını özü ilə gətirib Gəncədə daşıdığı vəzifəni Sumqayıtda da ona həvalə etdi. Eldar Əzizov daha sonra Abit Əliyevi Səbail rayon İcra Hakimiyyətində müavin vəzifəsinə də gətirdi. Onun Bakı şəhər İcra Hakimiyyətində də vəzifə alacağı gözlənilirdi. Lakin Eldar Əzizov sadiq kadrına şəhərin təmir tikinti işlərinə qeyri leqal nəzarəti həvalə etməyi üstün tutdu. Dövlət tərəfindən İcra Hakimiyyətinə şəhərdə abadlıq, təmir-tikinti işləri üçün ayrılmış vəsaitlər artıq Abit Əliyevin əli ilə paylanır. Yəni, “Bakı Şəhər Əsaslı Tikinti və Təmir” MMC heç bir iş görmür, sadəcə Bakı şəhər İcra Hakimiyyətindən pulu alıb, başqasına sıfariş edir. Bu da qurumun heç də dövlət vəsaitlərinin səmərəli istifadəsinə nəzarət üçün yaradılmadığını, şəxsi məqsədlərə xidmət üçün istifadə edildiyinidən xəbər verir.
Aktualinfo.org

Hörmətli səhiyyə nazirimiz Teymur müəllim, istəyirəm ki, indidən oğlumun stomatoloq ixtisasına marağını artırım. Bunun üçün onunla söhbət etmişəm, nəticəsi də var. Onun 11 yaşı var, planlarımızı indidən qururuq".

Hurriyyet.az xəbər verir ki, bu sözləri həkim Rəsul Nurəddinov "Facebook" hesabında yazıb.

"Mənim kimi bir çox kolleqalarım da bu mövzuda öz övladları ilə söhbət edirlər. Amma şəxsən sizə bir neçə sualım var, ümid edirəm ki, bu suallara cavab alınacaq. Çünki planımızın reallaşması sizin cavabınızdan asılıdır.

Həkimlər sizdən narazıdır. Biz həkimləri çox incidirsiniz, sertifikasiya imtahanlarında suallara səhv cavab yazmağı tələb edirsiniz ki, imtahan komissiyası onu düzgün kimi dəyərləndirsin. Bununla da sertifikasiya sənədimiz əlimizdə olsun ki, ali təhsilimiz növbəti 5 ildə tamamlanmış hesab olunsun; bizə sertifikasiya imtahanlarında lazımsız sualları verirsiniz; bizdən 50 qəpiyə satılan, gülüş doğuran xəstəlik kartlarını doldurmağımızı tələb edirsiniz ki, klinika cərimələnməsin; klinikalara lisenziyanın alınması üçün lazımsız tələblər qoyursunuz.

İstəmirəm ki, mənim oğlum da stomatoloq olanda 2025-ci ildə olan biabırçılıqla üzləşsin. Əgər hər şey belə davam etsə, ölkədə həkim valideynlər öz övladlarını həkim kimi görmək istəməyəcək və ya xaricdə fəaliyyətləri üçün çalışacaqlar.

Nə vaxta qədər sizə həvalə olunan xalqın həkim qismi sizin səhvlərinizdən əziyyət çəkməlidir? Bəlkə bizi eşidəsiniz? Axı sizin bu mövqeyinizi illərin həkimləri dəstəkləmir, sizin yanlış yolda olduğunuzu deyir. Biz nə edək ki, bizi eşidəsiniz?

Səhiyyəmizdə olan böyük problemlərin həlli yollarını kim cənab nazirimiz Teymur müəllimə bizdən daha yaxşı çatdıracaq? Bizim məqsədimiz ancaq səhiyyəmizin və həkimlərimizin inkişafıdır", - deyə o qeyd edib.

İpoteka və Kredit Zəmanət Fondu sifarişçi olduğu növbəti satınalmaya yekun vurub.

Qlobal.az xəbər verir ki, "yeni inzibati binada təmir-bərpa işləri" lotu üzrə keçirilən satınalmada "Maksimus" (VÖEN: 2900010021) Məhdud Məsuliyyətli Cəmiyyəti qalib elan edilib.


Satınalmanın məbləği 17.804.626 manat təşkil edib.

"Maksimus" MMC 2004-cü ilin aprel ayında təsis edilib. Yüz manat nizamnamə kapitalı olan şirkətin hüquqi ünvanı Sumqayıt şəhəri, Bakı-Dərbənd yolu, ev şimalı, qanuni təmsilçisi isə Gülməmmədov Muxtar Əşrəf oğludur.

"Maksimus" MMC ölkədə fəaliyyət göstərən tikinti şirkətlərindən biridir. Şirkət 2022-ci il maliyyə hesabatında ili zərərlə bitirdiyi audit hesabatında məlum olmuşdu.
Şirkətin qanuni təmsilçisi Muxtar Babayevin adı 2021-ci ildə Bakı şəhəri Atatürk prospektində xeyli sayda ağac və kolları ekspertiza rəyi olmadan budatdırdığı və kökündən çıxartdırdığı üçün mediada gündəmə gəlmişdi.

Şirkətin qanuni təmsilçisi Muxtar Babayevin adı 2021-ci ildə Bakı şəhəri Atatürk prospektində xeyli sayda ağac və kolları ekspertiza rəyi olmadan
Dövlət Ekoloji Təhlükəsizlik Xidməti Atatürk prospekti 118A ünvanında yerləşən obyektin qarşısındakı 3 müxtəlif cinsli ağacın qanunsuz olaraq gövdəsinin üst hissəsindən budandığı, 3 zeytun ağacının və bir neçə dekorativ kolun isə kökündən çıxarıldığını aşkarlamış, ağacların müvafiq ekspertiza rəyi olmadan qanunsuz köçürülməsinə və budanmasına göstəriş verən obyekt sahibi Muxtar Gülməmmədov barəsində akt, protokol tərtib edərək vəzifəli şəxs qismində 5000 manat məbləğində cərimə etmişdi.

Xatırladaq ki, İpoteka və Kredit Zəmanət Fondunun İdarə Heyətinin sədri Fəxri Kazımovdur.

Fəxri Kazımov uzun Azərbaycan Sosial Rifah Partiyasının sabiq sədri, sabiq deputat Xanhüseyn Kazımlının oğludur.

Sumqayıt şəhərindəki Məhəmməd Füzuli adına 15 nömrəli tam orta ümumtəhsil məktəbində aparılan maliyyə yoxlamalarının nəticələri narazılıqlara səbəb olub. Bununla bağlı paylaşım sosial şəbəkədə geniş müzakirə mövzusuna çevirib.

Qeyd olunub ki, aparılan yoxlamadan sonra təsərrüfat işləri və təlim-tərbiyə üzrə müavinlər vəzifələrindən azad edilsə də, məktəbin direktoru Elmira Yaqubova vəzifəsində qalıb.

"Məktəbdə dərs bölgüsü və digər səlahiyyətlərin birbaşa direktorun nəzarətində olduğu nəzərə alınarsa, o niyə yoxlama nəticələrindən kənarda qalıb?", - deyə sual olunub.

Edilən paylaşımda məktəbdəki qanunsuz fəaliyyətlər barədə iddialar da gündəmə gəlib.

İddia olunub ki, ikinci növbədə məktəbin yuxarı mərtəbələrində, demək olar ki, dərs keçilmir:

"Qaydalara görə, II, III, IV, V, VI və VII siniflər ikinci növbəyə salınmalı olduğu halda, bəzi siniflər maddi maraq qarşılığında birinci növbəyə keçirilib. Nəticədə məktəbin ikinci və üçüncü mərtəbələrində olan siniflər həmin məktəbdə işləyən və işləməyən müəllimlərə repetitorluq fəaliyyəti göstərmələri üçün icarəyə verilib. Həmin müəllimlər isə öz növbəsində bu məktəbin şagirdləri ilə yanaşı digər məktəb şagirdlərinə də orada həmin siniflərdə repetitorluq edirlər".

"DİA-AZ"-ın məlumatına görə, məsələ ilə bağlı Abşeron-Xızı Regional Təhsil İdarəsindən Oxu.Az-a bildirilib ki, məktəbdə hər hansı maliyyə yoxlaması aparılmayıb.

"Sumqayıt şəhər M.Füzuli adına 15 nömrəli tam orta ümumtəhsil məktəbində idarə tərəfindən maliyyə yoxlanılması aparılmayıb. Bununla yanaşı, idarənin fəaliyyət planına uyğun olaraq məktəblərdə təlim-tərbiyə prosesinin təşkilinin monitorinqi həyata keçirilib, sözügedən məktəbin direktor müavinləri ilə bağlanmış əmək müqaviləsinə təhsil müəssisəsinin rəhbəri tərəfindən xitam verilib.

Müraciətdə qeyd edilən digər iddialar üzrə konkret fakt Abşeron-Xızı Regional Təhsil İdarəsinə təqdim olunarsa, dərhal araşdırma aparılacaq və hüquqi addımlar atılacaq", - deyə məlumatda vurğulanıb.

XALQ.AZ xəbər verir ki, hazırda ABŞ-da yaşayan jurnalist Qənirə Ataşova Azərbaycanda daha bir həkimin diplomunun saxta olduğu ilə bağlı məlumat paylaşıb.

Özünün "instagram” sosial şəbəkə platforması hesabında paylaşdığı məlumatı və faktları təqdim edirik:

Azərbaycanın axsaq səhiyyə sisteminin diqqətinə! Bu sənədin sahibi Azərbaycan Səhiyyə Nazirliyindən həkim-fizioterapevt kimi sertifikat alıb. O, digər tibb universiteti məzunları kimi tam ixtisaslı həkim sertifikatını necə əldə edib? Gəlin, onun təhsil yoluna nəzər salaq:

-2003-2008-ci ildə cü ildə Odalar Yurdu Universitetinə tibbi biologiya ixtisası üzrə bakalavr təhsil alıb.

Maraqlıdır ki, bir il sonra tibbi biologiya ixtisasını bitirən şəxs Şəmkir Rayon Xəstəxanasında həkim-fizioterapevt kimi internatura keçib. Saxtakarlığın ilk təməli elə burada qoyulub.

Tibbi biologiya üzrə təhsil alan biri hansı əsasla Şəmkirdə həkim-fizioterapevt kimi internatura keçə bilər? Daha sonra Azərbaycan Səhiyyə Nazirliyindən fizioterapiya və tibbi bərpa ixtisası üzrə praktik fəaliyyətlə məşğul olmaq üçün icazə alıb. Bu sertifikat həkimlərə verilən sertifikata çox bənzəyir, lakin tam eyni deyil. Bu şəxs isə bütün günü ekranlarda həkim-fizioterapevt kimi təqdim olunur və klinika idarə edir. Bu saxtakarlığı təkcə mən görürəm, yoxsa səhv görürəm? Bəs həkim kimdir? Tibbi biologiya ixtisasını bitirənlər nə vaxtdan həkim elan ediliblər?

Tibbi biolog – biologiyanın tibbi aspektləri ilə məşğul olan mütəxəssisdir. O, insan orqanizminin bioloji proseslərini, xəstəliklərin molekulyar və hüceyrə səviyyəsində yaranma səbəblərini, onların diaqnostikası və müalicəsi üçün bioloji üsulları araşdırır.Tibbi biologlar laboratoriyalarda, tədqiqat institutlarında və biotexnologiya şirkətlərində çalışırlar. Başqa bir sual, ixtisası necə rahatlıqla dəyişmək olur? İnsan bədəninə sirayət edənlərə kim bu haqqı tanıyıb? Bu sualların cavabını xalq bilməlidir! Səhiyyə Nazirliyi və TƏBİB isə susmağa davam edir! Səhiyyə Nazirliyi heç nəyi görmək istəmir deyə Qənirə Ataşova qeyd edib.

Qeyd edək ki, 1992-ci ildən 24 noyabr 2015-ci ilədək Azərbaycan Tibb Universitetinin rektoru , hal-hazırda Milli Məclisin Səhiyyə Komitəsininin sədri Əhliman Əmiraslanov olub.

Məlumat üçün bildirir ki, Həmin şəxsə Azərbaycan Tibb Universitetinin 2011-ci ildə Buraxılış imtahan komissiyası tərəfində fizioterapevt ixtisası üzrə vəsiqə verilib

Qlobal.az

Redaksiyamıza şikayət daxil olub. Şikayəti olduğu kiçi təqdim edirik:

"Yüzbaşlı kənd sakinləri, 14 nəfər prezident İlham Əliyevə müraciət etdiyinə görə hal-hazırda Ağdam rayon məhkəməsinə verilib, süründürülürlər. Necə ola bilər ki, bir direktor on yeddi nəfər qohum-əqrabasını yığıb başına işləyir? Necə ola bilər ki, direktor xanımının adına qeyri qanuni 5 saat musiqi dərsini yazıb, biologiya müəllimi olan həyat yoldaşının adına. Yoxlama özü təsdiq edir ki, direktorun qanun pozuntusu var, cezasın alacaq, heç bir cəzadan söhbər gedə bilməz.

Direktordan şikayət edən şagirdin BAŞINA OYUN AÇIRLAR...

Məktəbdə fakültətiv dərs, yəni dərnək keçirilmir, lakin dövlətin büdcəsindən ayrılan vəsaitlər mənimsənilir, direktorun özünün dediyi kimi arxamda Ağdam təhsil sektorunun müdiri Tahir Abbasov və Qarabağ regional təhsil idarəsinin müavini Anar Şəfiyev var. Sübut edirik ki, Polad bu şikayətlərin qızğın vaxtında, statusunda Anar Şəfiyevle şəkil paylaşır. Buna nə ad vermək olar? Direktorun evindən döyüş silah sursatları çıxdı. Məsuliyyətindən yayınmaq üçün anasın verdi qabağa və 1 il 6 ay şərti ceza aldı. Adi vətəndaşın evində çıxsa bu silahlar, ona ən azı 4-5 il iş verilərdi. Və belə bir insan istədiyi adamı rahat şəkildə şərləyib, prokurorluğa verə bilir?".

7news.az