Ardını oxu...
Paytaxt küçələrindən birinin vəziyyəti digərlərindən tamamilə fərqlənir.

Avtosfer.az xəbər verir ki, Bakının Nizami rayonunda yerləşən küçədə yol infrastrukturunun bütün qaydaları pozulur. Sahibkarların, sakinlərin kobud qayda pozuntuları bir yana, dövlət qurumunun küçəyə etinazsız yanaşması ərazidə xaosa səbəb olub.

Belə ki, Məhəmmədəli Şərifli küçəsindəki vəziyyəti telefonu ilə qeydə alan oxucumuz görüntüləri redaksiyamıza göndərib və vurğulayıb ki, Rüstəm Rüstəmov küçəsindən qeyd edilən küçəyə döngədən başlayaraq sakinlərin hərəkətinə maneə yaradan bir çox amillər ərazidə hərəkəti mümkünsüz edib.

Sakinlərin öz həyətlərini genişləndirərək səkini zəbt etməsindən tutmuş, təkər satış obyekti, "fastfood" restoranına, eləcə də, səkinin sadəcə 100-150 metr hissəsinə asfalt çəkərək göz boyamağa çalışan Azərbaycan Avtomobil Yolları Dövlət Agentliyinə qədər hər kəs bir formada ən kobud şəkildə qaydaları pozmaq xaricində heç nə etməyib.

Həmin görüntüləri sizə təqdim edirik:

 
 
 
Ardını oxu...
“VMS İnşaat” Mənzil-Tikinti Kooperativlərinin direktoru Vahid Əsgərxan oğlu Zərgərov “Gold Star City” MMC-dən şikayətçidir.

Vətəndaş Meydan TV-yə deyir ki, ona 2005-ci ildə Bakı Şəhəri İcra Hakimiyyətinin sərəncamına əsasən, paytaxtın Nəsimi rayonu, Səməd Vurğun küçəsi, 360-cı məhəllədə yaşayış binasının layihələndirməsi və tikinti işlərinin aparılması məqsədilə 50 sot torpaq sahəsi ayrılıb.

“Bəzi səbəblərdən həmin ərazidə tikinti apara bilmədik. 2023-cü ildə isə bizimlə qonşu olan “Gold Star City” MMC özünə ayrılmış torpaq sahəsinin hüdudlarını aşaraq “VMS-İnşaat”ın həmin 50 sot torpağını qanunsuz zəbt edib”, – Vahid Zərgərov deyir.

Şirkət rəhbəri bildirir ki, “VMS -İnşaat” məsələ ilə bağlı artıq məhkəməyə də müraciət edib:

“Hazırda məhkəmə prosesi davam etdiyi vaxtda “Gold Star City” qanunsuz olaraq zəbt etdiyi torpaq sahəsində tikinti işlərini davam etdirir”.

“Gold Star City”nin icraçı direktoru Aydın Nağıyev Meydan TV-yə deyib ki, “VMS -İnşaat”-ın torpaq iddiaları əsassızdır:

“Onlara məxsus torpaq Nəsimi rayonu, Səməd Vurğun küçəsi, 360-cı məhəllədə yerləşir. Bizimki isə 382-ci məhəllədir. Onların torpağı ilə bizimki arasında yol da var, özünüz gəlib baxa bilərsiniz. “VMS -İnşaat” torpaqla əlaqədar sərəncamı 2005-ci ildə alıb. Biz öz yerimizi 2023-cü ildə başqa bir şirkətdən almışıq. Biz onları başa sala bilmirik. Elə deyirlər ki, bizim torpağımıza girmisiniz. Hara girmişik, necə girmişik? Axı orada insanlar yaşayıb. Sakinləri köçürmüşük. Onlara aylıq kirayəhaqqı ödəyirik. Bir neçə gün öncə Vahid Zərgərovun həyat yoldaşı Nərgiz xanım gəlmişdi. Deyir ki, sizi məhkəməyə vermişik. Ancaq məhkəmədən bizə bildiriş gəlməyib. Çünki daha öncəki məhkəmə “VMS -İnşaat”ın sərəncamını torpaq sənədləşdirilmədiyi üçün ümumiyyətlə ləğv edib. Bakı Şəhər İcra Hakimiyyəti həmin ərazidə tikinti işləri aparmaq üçün başqa bir adama sərəncam və layihə verib”.

Məsələ ilə əlaqədar Bakı Şəhər İcra Hakimiyyətindən münasibət öyrənmək mümkün olmayıb.
 
Ardını oxu...
Gəncə şəhərində fəaliyyət göstərən Azərbaycan Texnologiya Universiteti “Mal-materiallar”ın satın alınması üzrə 12.07.2024-cü ildə başladığı kotirovka sorğusu müsabiqəsinə yekun vurub və “Stark Group” Məhdud Məsuliyyətli Cəmiyyəti ilə 18.693,56 manat məbləğində satınalma müqaviləsi bağladığını dövlət satınalmalarının vahid internet portalında 30.08.2024-cü il tarixdə dərc edib.

Qeyd edək ki, ilk baxışdan adi bir dövlət satınalması proseduru olduğu görsənir. Amma araşdırdıqda məlum olur Azərbaycan Texnologiya Universitetinin Satınalma Komissiyası bu satınalma prosedurunda çox ciddi qanun pozuntularına yol verib. Belə ki, ilk növbədə kotirovka sorğusunun əsas şərtlər toplusunda satın alınması nəzərdə tutulan nə kimi mal-materialların siyahısını açıqlamayab. Daha sonra Azərbaycan Texnologiya Universiteti tərəfindən keçirilən kotirovka sorğusu müsabiqəsinin başlanma tarixi 12.07.2024-cü ilə, zərflərin açılış tarixi isə 29.07.2024-cü il tarixə müəyyən edilib. “STARK GROUP” Məhdud Məsuliyyətli Cəmiyyəti isə 11.07.2024-cü il tarixində, yəni müsabiqənin başlanılmasından cəmi bir gün əvvəl dövlət qeydiyyatına alınib.

Kommersiya qurumunun hüquqi şəxslərin dövlət reyestrinə daxil edilmiş məlumatlarında “STARK GROUP” Məhdud Məsuliyyətli Cəmiyyətinin 11.07.2024-cü il tarixdə Dövlət Vergi Xidmətinin 2 saylı Ərazi Vergilər İdarəsində (Naxçıvan MR) dövlət qeydiyyatına alındığı göstərilir. Reyestr məlumatlarında nizamnamə kapitalı 20 manat olan MMC-nin hüquqi ünvanının ŞƏRUR RAYONU, KÜRDÇÜLÜ, KÜRÇÜLÜ, qanuni təmsilçisinin isə Sadiqov Coşqun Məmməd oğlu olduğu göstərilir.

Hüquqi şəxslərin dövlət reyestrinə daxil edilmiş məlumatlarından da görsəndiyi kimi, Azərbaycan Texnologiya Universiteti satınalma müsabiqəsinə dəvətdən 1 gün əvvəl dövlət qeydiyyatına alınmış MMC ilə satınalma müqaviləsi bağlayıb.

İndi gəlin görək mövcud qanunlar Azərbaycan Texnologiya Universitetinin Satınalma Komissiyasından mal-materialların satınalınması üzrə başladığı müsabiqədə iddiaçılardan nə kimi kimi sənədlər tələb edir:

Təchizatçılara dair xüsusi tələblər aşağıdakılardır:

satınalma müqaviləsinin icrası üçün müvafiq sahədə peşəkarlığının və təcrübəsinin olması; satınalma müqaviləsinin icrası üçün maliyyə imkanlarının və ödəmə qabiliyyətinin olması; texniki imkanlarının və maddi-texniki bazasının olması;müvafiq tələblərə cavab verən işçi qüvvəsinin olması.

Maraqlıdır kotirovka sorğusu müsabiqəsinin bağlanılmasına 1 gün qalmış yaradılmış bir MMC-yə müvafiq sahədə peşəkarlığının olması, təcrübəsinin, texniki və maliyyə imkanlarının, işçi qüvvəsinin, idarəetmə səriştəsinin və etibarlığının olmasına zəmanəti kim verib?

Qeyd edək ki, bu Azərbaycan Texnologiya Universitetinin satınalmalarda yol verdiyi ilk qanunsuzluq deyil. Ali təhsil müəssisəsi dəftərxana və təsərrüfat mallarının satınalınması üzrə 14.05.2024-cü il tarixdə başladığı kotirovka sorğusunda qanunun tələblərinə riayyət etməyib. Universitet 02.08.2024-cü ildə “NUR GENERAL SUPPLIER” Məhdud Məsuliyyətli Cəmiyyəti ilə 38.909,32 manat məbləğində satınalma müqaviləsi bağlayıb.

Kommersiya qurumunun hüquqi şəxslərin dövlət reyestrinə daxil edilmiş məlumatlarında “NUR GENERAL SUPPLIER” Məhdud Məsuliyyətli Cəmiyyətinin 13.10.2022-ci il tarixdə İqtisadiyyat Nazirliyi yanında Dövlət Vergi Xidmətinin Bakı şəhəri Kiçik Sahibkarlıqla İş üzrə Baş İdarəsində dövlət qeydiyyatına alındığı göstərilir. Reyestr məlumatlarında nizamnamə kapitalı 10 manat olan MMC-nin hüquqi ünvanının BAKI ŞƏHƏRİ SURAXANI RAYONU, HÖVSAN ŞTQ, MUĞAN, ev 7, GİRİŞ 72, MƏRTƏBƏ 1, m. 4, qanuni təmsilçisi kimi isə Yusifzadə Nərmin Tahir qızı qeyd olunub.

MMC -nin qanunun tələb etdiyi kimi müvafiq sahibkarlıq fəaliyyətinin həyata keçirilməsi və ya müəyyən hərəkətlərin yerinə yetirilməsi üçün müvafiq lisenziyaya və ya icazəyə malik olması barədə heç bir məlumat yoxdu. Amma daha maraqlı məlumatlar var. Elektron mediada MMC-nin adı bir sıra dövlət qurumlarının keçirdiyi şübhəli satınalmalarda hallanır.

Qeyd edək ki, Azərbaycan Texnologiya Universitetinin rektoru vəzifəsi Azərbaycan Respublikası Elm və Təhsil nazirinin 25.07.2022-ci il tarixli əmri ilə Yaşar Ömərova həvalə edilmişdir. Yaşar Ömərov 2021-ci ilin iyulundan başlayaraq Azərbaycan Texnologiya Universitetində elm və innovasiya məsələləri üzrə prorektor və sonradan tədris işləri üzrə prorektor səlahiyyətlərini icra etmişdir. Təyinatdan qısa müddət sonra Universitetin rektoru vəzifəsini icra edən Yaşar Ömərovun tabeliyində çalışan işçiləri təhdid edən audioyazısı yayılmışdı.

Aktualinfo.org
 
Ardını oxu...
Qəbələnin Kiçik Pirəli kəndində yaşayan evdar qadının böyük “biznesi” nələrdən xəbər verir
Azərbaycanda bir çox dövlət qurumları tərəfindən keçirilmiş satınalmaların qalib olan müxtəli adlara malik şirkətlər barədə mediada və sosial şəbəkələrdə çox yazılıb. Bu şirkətlərin böyük əksəriyyətinin adlarından başqa demək olar, heç nəyi yoxdu. Əksəriyyət şirkətlərin dövlət qeydiyyatında göstərdikləri ünvan belə səhvdi, yaxudd da bilərəkdən əhv göstərilir.Belə şirkətlərin maddi texniki bazası, işçi qüvvəsi, etibarlılığı barədə ümumiyyətlə söhbət açmağa dəyməz. Belə şirkətlər daha çox dövlət büdcəsindən müxtəlif adlar altında vəsaitlərin çıxarılması, nağdlaşdırılması məqsədi ilə yaradılır. Bir müddət sonra külli miqdarda vergi borcu ilə arxivlərə qoyulur. Belə təkzib olunmamış faktlara elektron mediada kifayət qədər rast gəlmək mümkündür.

Belə şirkətlərdən biri də “NUR SUPPLIER” Məhdud Məsuliyyətli Cəmiyyətidir. Son aylar ardıcıl olaraq onlarla satınalma müqaviləsi bağlanılmış MMC-nin fəaliyyət dairəsi barədə nə kimi məlumatlar var? Açıq internet mənbələrində MMC-nin barəsində demək olar ki, heç bir məlumat yoxdur. Amma bu MMC-nin aprel -avqust aylarında, respublikanın ayrı-ayrı bölgələrində dövlət qurumlarının keçirdiyi tender və kotirovka sorğularının qalibi olması barədə dövlət satınalmalarının vahid internet portalında geniş məlumatlar var.

Qısa bir zamanda ayrı-ayrı rayonlarda dövlət sifarişləri qazanan MMC-nin maddi texniki bazası barədə axtarışlarımız da nəticə vermədi. MMC-nin nə qədər işçisi olması, ayrı-ayrı məsafədə olan rayonlarda böyük həcmli tikinti işlərinin həyata keçirilməsi üçün işçi qüvvəsinin, təcrübəli mütəxəssislərin, texniki vasitələrinin olub, olmaması, etibarlığının olması sual altındadır.

Kommersiya qurumunun hüquqi şəxslərin dövlət reyestrinə daxil edilmiş məlumatlarında “NUR SUPPLIER” Məhdud Məsuliyyətli Cəmiyyətinin 07.02.2023-cü il tarixdə İqtisadiyyat Nazirliyi yanında Dövlət Vergi Xidmətinin 10 saylı Ərazi Vergilər İdarəsində dövlət qeydiyyatına alındığı göstərilir. Reyestr məlumatlarında nizamnamə kapitalı cəmi 2 manat olan MMC-nin hüquqi ünvanının QƏBƏLƏ RAYONU, KİÇİK PİRƏLİ, qanuni təmsilçisi kimi isə Yusibova Rəhimə Rəhman qızı qeyd olunub.

Mərkəzi Seçki komissiyasının seçicilərin siyahısına daxil edilmiş məlumatlarda Yusibova Rəhimə Rəhman qızının 1961-ci il tarixdə anadan olduğu, Qəbələ rayonu Kiçik Pirəli kəndində daimi pasport qeydiyyatında olduğu göstərilir. Kənd sakinlərindən əldə etdiyimiz məlumata görə Rəhimə Yusibova evdar qadındı. İndi gəlin Qəbələnin kəndində yaşayan bu qadının son aylarda qazandığı satınalmalara diqqət yetirək.

Professor Gindes adına Respublika Uşaq və Yeniyetmələr üçün Vərəm Sanatoriyası istehlakyönlü xidmətlərin və şüşələrin yuyulması xidmətlərinin sagtınalması üzrə 42.635,76 manat məbləğində satınalma müqaviləsi 31.08.2024-cü ildə,

Ailə, Qadın və Uşaq Problemləri üzrə Dövlət Komitəsinin İsmayıllı Uşaq və Ailələrə Dəstək Mərkəzinin 2024-cü ildə öhdəlikdə olan İstehlakyönlü müxtəlif xidmətlər(tədbirlərin təşkili) üzrə 4.973,7 manat məbləğində satınalma müqaviləsi 31.07.2024-cü ildə,

2 saylı İstintaq Təcridxanası Yumşaq inventarların satın alınması üzrə 49.900 manat məbləğində satınalma müqaviləsi 26.07.2024-cü ildə,

Zərdab Rayon Yaşıllaşdırma Təsərrüfatı Müəssisəsi Dəftərxana və Təsərrüfat Mallarının satınalınması üzrə 867 manat məbləğində satınalma müqaviləsi 18.07.2024-cü ildə,

Zərdab Rayonu üzrə Maliyyə Şöbəsi Dəftərxana və təsürrüfat mallarının alınmsı üzrə 1.556 manat məbləğində satınalma müqaviləsi 08.07.2024-cü ildə,

Salyan Suvarma Sistemləri İdarəsi Dəftərxana və təsürrüfat mallarının alınmsı üzrə 1.556 manat məbləğində satınalma müqaviləsi 08.07.2024-cü ildə,

Ağstafa Rayonu İcra Hakimiyyəti Başçisinin Ağstafa Şəhər İnzibati Ərazi Dairəsi Üzrə Nümayəndəliyi Dəftərxana və təsürrüfat mallarının alınmsı üzrə 1.434 manat məbləğində satınalma müqaviləsi 06.06.2024-cü ildə,

Qobustan Rayon İcra Hakimiyyəti başçısının Qobustan şəhəri üzrə İcra Nümayəndəliyi Dəftərxana və təsərrüfat mallarının, mətbə məhsulları və təsərrüfat (tikinti cari təmir) mallarının satınalınması üzrə 1.476,9 manat məbləğində satınalma müqaviləsi 30.05.2024-cü ildə,

Daxili İşlər Nazirliyi Komendat Xidməti Dəftərxana və təsürrüfat mallarının alınmsı üzrə 231.497,95 manat məbləğində satınalma müqaviləsi 30.05.2024-cü ildə,

“AZELAB” Məhdud Məsuliyyətli Cəmiyyəti Dəftərxana və təsürrüfat mallarının alınmsı üzrə 9.731,8 manat məbləğində satınalma müqaviləsi 14.05.2024-cü ildə,

Salyan Rayon İcra Hakimiyyəti Salyan rayon İcra hakimiyyətinin kütləvi bayram tədbirlərinin satınalınması üzrə 76.800 manat məbləğində satınalma müqaviləsi 30.04.2024-cü ildə,

Salyan Rayon İcra Hakimiyyəti 2024-cü ildə Salyan rayon İcra Hakimiyyəti üçün dəftərxana və təsərrüfat mallarının satınalıması üzrə 3.880,1 manat məbləğində satınalma müqaviləsi 30.04.2024-cü ildə.

Dövlət satınalmalarının vahid internet portalında yerləşdirilmiş bu məlumatlardan da görsəndiyi kimi “NUR SUPPLIER” MMC-nin qalib çıxarıldığı satınalmaların içində demək olar bütün xidmət növləri var. MMC -nin qanunun tələb etdiyi kimi müvafiq sahibkarlıq fəaliyyətinin həyata keçirilməsi və ya müəyyən hərəkətlərin yerinə yetirilməsi üçün müvafiq lisenziyaya və ya icazəyə malik olması barədə isə heç bir məlumat yoxdu.

Göründüyü kimi apardığımız kiçik bir araşdırmada bir MMC-nin müxtəlif dövlət qurumları tərəfindən keçirilmiş satınalmalarda ayrı-ayrı lotlar üzrə onlarla satınalmanın qalibi olduğu üzə çıxdı. Hansı ki, bu MMC Qəbələnin bir kəndində, bir xanımın adına yaradılmışdır. Kimdir Qəbələnin Kiçik Pirlər kəndində yaşayan Rəhimə Yusibova? Bir il əvvəl yaratdığı bir MMC ilə dövlət müəssisələrinə həm yumşaq inventarlar, dəftərxana və təsərrüfat malları alır. Qəbələnin Kiçik Pirlər kəndində bu qadının böyük biznesindən xəbəri olan varmı?

Aktualinfo.org
 

Ardını oxu...
"Şərur Regional Tibb Mərkəzində özbaşınalıq baş alıb gedir. Dövlət müəssisəsinə işçilər rüşvət əsasında alınır. Bununla bağlı ali orqanlara dəfələrlə məktub ünvanlamışıq, işlərə baxılmır". Bu barədə Dia-az.İnfo-ya işçilər adından edilən müraciətdə deyilir.

Müraciət müəllifləri olduqca ciddi ittihamlar səsləndirərək konkret KORRUPSİYA VƏ RÜŞVƏT faktlarını da ifşa edirlər. Müraciətdə daha sonra deyilir:

"Təsərüfat işçiləri 4-5 min, tibb işçiləri 10 min, təcili tibbi yardima isə 12 min rüşvət verməklə işə daxil olmaq olur. Regional məkəzin direktoru Bayram Mikayılov qaranlıq keçmişi olan, dəfələrlə cinayət məsuliyətinə cəlb edilən kriminal şəxs olmağına baxmayaraq bu vəzifəyə təyin edilib.

Bayram Mikayılov son 2 ay ərzində mərkəzə bu məbləğlər alınaraq 50 -yə yaxın şəxs işə götürüb. İmkanı olmayan şəxslər isə dövlətin müəssisəsinə işə girə bilmir. Respublikanın digər rayonlarından həkim adı ilə gətirdiyi rezidentləri, saxta sənəd əsasında ixtisaslı həkim kimi işə götürüb. İmkanı olmayan şəxslər isə dövlətin müəssisəsinə işə girə bilmir..."

Qeyd edək ki, daha sonra müraciətdə olduqca ağır ittihamlarla dolu iddialar səslənib. Bu barədə müəyyən araşdırmadan sonra bilgiləri nəzərinizə çatdıracağıq. Bizi izləməyə davam edin...

ARDI MÜTLƏQ OLACAQ...
 
Ardını oxu...
Bakının Sabunçu rayonu, Zabrat qəsəbəsi ərazisində natəmizlik və antisanitariya vəziyyəti hökm sürür.

Bu barədə qəsəbəs sakinləri BAKU.WS-in "qaynar xətti"nə şikayət ediblər.

Bildirilir ki, Zabrat qəsəbəsində, 1./ 550 saylı ats yanı adlanan ərazidə yaşayan sakinlər cana yığılıblar.

"Bura bərbad gündədir. Üfunət qoxusundan dayanmaq olmur. Zibil yığanlar həftədə bir dəfə gəlirlər. Bezmişik, iydən qapıdan çölə çıxmaq olmur", - deyə sakinlər bildiriblər.

Qeyd edilir ki, məsələ ilə bağlı dəfələrlə aidiyyatı qurumlara müraciət olunsa da, nəticə verməyib.
Ardını oxu...
 

Ardını oxu...
  

Bakının Sabunçu rayonu, Zabrat qəsəbəsi ərazisində natəmizlik və antisanitariya vəziyyəti hökm sürür.

Bu barədə qəsəbəs sakinləri BAKU.WS-in "qaynar xətti"nə şikayət ediblər.

Bildirilir ki, Zabrat qəsəbəsində, 1./ 550 saylı ats yanı adlanan ərazidə yaşayan sakinlər cana yığılıblar. 

"Bura bərbad gündədir. Üfunət qoxusundan dayanmaq olmur. Zibil yığanlar həftədə bir dəfə gəlirlər. Bezmişik, iydən qapıdan çölə çıxmaq olmur", - deyə sakinlər bildiriblər.

Qeyd edilir ki, məsələ ilə bağlı dəfələrlə aidiyyatı qurumlara müraciət olunsa da, nəticə verməyib. 

Ardını oxu...
Nəsimi rayonunda qanunsuz tikinti işləri davam edir.

Rayon ərazisində bir sıra yaşayış binalarının sakinlərin istirahəti üçün nəzərdə tutulan ərazisi işbazlara satılır.

Bu barədə AzFakt.com saytına Nəsimi rayonunun Hüseynbala Əliyev küçəsinin sakinləri məlumat verib.

Sakinlər bildirirlər ki, dəfələrlə qanunsuz tikinti barədə Nəsimi rayon İcra Hakimiyyətinə, Dövlət Şəhərsalma və Arxitektura Komitəsinə məlumat versələr də, qanunsuz tikintilərin qarşısı alınmır.

" Ölkədə noyabr ayında keçiriləcək COB-29 tədbirini bəhanə edərək abadlaşma adı altında Nəsimi rayonunda qanunsuz tikintilər aparılır. Dəfələrlə rayon İcra hakimiyyətinə müraciət etmişik, binamızın həyətinin sahibkarların obyektlərinin genişləndirilməsi üçün zəbt edildiyi bildirmişik. Amma heç kim bir tədbir görməyib. İcra başçısı Asif Əsgərovun başı deputat seçkisinə qarışıb. Müavinlər Ramiz Quliyevlə Zahid Xəlilov isə bizim şikayətimizə heç bir cavab vermirlər. Dəfələrlə hər iki müavini küçəmizə dəvət etmişik, gəlməyiblər".

Sakinlər deyirlər ki, binalarının həyətlərinin bərbad gündə olması Nəsimi rayon İcra Hakimiyyətinin marağındadır.

"Leyla xanım Əliyeva Bakı şəhərinin bir sıra məhəllələrində abadlıq işləri apardı. Nəsimi rayonunda da belə abad məhəllələr oldu. Amma bizim məhəllə xaraba günə qalıb. Hər yeri ticarətxana ediblər. Dükanları söküb gecə ilə genişləndirirlər. Əksər tikintilər gecə aparılır. Bu işbazlara dur deyən yoxdur. Pul verib biz sakinlərin, körpə balalarımızın xırda həyətini işbazlara satırlar"-deyə sakinlər qeyd edir.

Sakinlər bildirir ki, Nəsimi rayonunun Hüseynbala Əliyev küçəsində davam edən qanunsuz tikintidən Dövlət Şəhərsalma və Arxitektura Komitəsinə də məlumat veriblər. Lakin Dövlət Komitəsindən əraziyə gələn olmayıb.

Şikayətçi vətəndaşlar Nəsimi rayonunda aparılan qanunsuz tikintilərin arxasında rayonun icra hakimiyyətinin başçısı Asif Əsgərovun birbaşa dayandığını vurğulayırlar.

Sakinlər qeyd edir ki, Asif Əsgərova Dövlət şəhərsalma və Arxitektura Komitəsinin rəhbərliyi də söz deyə bilmir.

Buna sübut kimi, son bir neçə ayda Nəsimi rayonunun müəyyən ərazilərində aparılan qanunsuz tikintilərə Dövlət şəhərsalma və Arxitektura Komitəsinin "göz yummasıdır".

Qeyd: Ərazidən hazırladığımız videoreportajı yaxın günlərdə təqdim edəcəyik.
Ardını oxu...
 
 

 


Dünyapress TV

Xəbər lenti