 |
|
|
“Bir neçə müğənni var idi ki, bizm dövrümüzdə üzə çıxdılar, amma indi onların heç biri yoxdur. Hamısı ələndi getdi. Tamaşaçının gözü tərəzidir. Kimlərsə reklamına, “raskrutka”-ya külli-miqdarda pul qoya bilər. Amma onlar düşünmürlər ki, pul həmişə olmayacaq. Ya onun sənəti sevilir, ya da ki, sevilmir. 25 ilə yaxındır ki, səhnədəyəm. Vaxtilə açıq-saçıq, göbəyi açıq geyinmişəm, şəkillər də çəkdirmişəm. İndi uşaqlar böyüyür, statusum başqadır. Amma yenə də həmin fotoları götürüb paylaşırlar”.
DİA.AZ xəbər verir ki, bunu Moderator.az-a açıqlamasında tanınmış müğənni Roza Zərgərli deyib. O daha sonra əlavə edib.
“Heç kimə sirr deyil ki, mənim əsl sənətim rejissorluqdur. Sadəcə olaraq insanlar məni “Atəş”, “Qırmızı güllər” mahnıları ilə müğənni olaraq tanıyıblar. Əslində isə içimdə olan rejissorluq və televiziya sferasıdır. Hazırda televiziya sahəsini Kanal S də televiziyanın baş prodüsseri olaraq davam etdirirəm. Biz artıq böyük uğurlara imza atırıq. Yeni mövsüm başlayıb, bir-birindən maraqlı verilişlər və aparıcılarla tamaşaçıların zövqünü oxşayırıq. Kanal S-in öz tamaşaçıları, izləyiciləri var. Onu da deyim ki, hələ bu harasıdır ki? Tamaşaçıları böyük sürprizlər gözləyir” deyə sənətçi bildirib.
Roza Zərgərli sosial şəbəkələrdən düzgün istifadə etməyənlərdən də danışıb.
“Normal, sivil, tərbiyə görmüş insan sosial şəbəkələrdən çox gözəl istifadə edir. İnsan hətta sosial mövqedə də öz tərbiyəsini göstərir. Maskadan çox istifadə edə bilərsən, amma bir gün o maska düşür. 25 ilə yaxındır ki, səhnədəyəm, hər şeyi indi də üfürə-üfürə edirəm. İllərlə “Bakı vaxtı ilə” verilişinin müəllifi, aparıcısı olmuşam. Özümə borc bildim ki, bu verilişi açıb, öz incilərimizə həsr edim. O veriliş əslində mənə gəlir də gətirmirdi, çox əziyyətli veriliş idi. Hətta bir neçə tapıntılarımız da oldu, bir neçə sənətkarımızı, musiqiçimizi illər sonra efirə dəvət etdik. Bir adam sosial mediada onları paylaşmadı. Mən o verilişdə yıxılsaydım onu gündəmə qaldıracaqdılar, paylaşacaqdılar” deyə müğənni bildirib.