Harri Keyn “Bavariya”ya keçməyə hazırdır.

İngilis hücumçu ilə alman klubu transferlə bağlı prinsipial razılığa gəliblər.

İndi münhenlilər “Tottenhem”lə transfer şərtlərini razılaşdırmalıdır.

Məlumata görə, 29 yaşlı hücumçu mövsümlərarası fasilədə Almaniya komandasına keçmək istəyir.
Qeyd edək ki, bir müddət əvvəl “Bavariya”nın hücumçu üçün 70 milyon və bonuslar təklif etdiyi, lakin londonluların bu təklifi rədd etdiyi bildirilirdi.

Xatırladaq ki, Keyn ötən mövsüm Premyer Liqada 38 oyuna çıxıb, 30 qol vurub və 3 məhsuldar ötürmə edib.

Mənbə: sports.ru

“Real Madrid” 2024-cü ilin yayı üçün Paris Sen-Jermen və Fransa millisinin hücumçusu Kilian Mbappe ilə razılığa gəlib.

Lent.az-ın xarici KİV-ə istinadla məlumatına görə, qeyd olunur ki, İspaniya klubu Mbappeni cari mövsümlərarası fasilədə almaq və ya hücumçunu pulsuz əldə etmək üçün 2024-cü ilin yayına qədər gözləmək variantları arasında tərəddüd edir. “Real Madrid” və PSJ arasında hələ transfer danışıqları aparılmayıb, Madrid klubu Mbappe üçün 180-200 milyon avro ödəməyə hazır olacaq.

Hücumçunun PSJ ilə hazırkı müqaviləsi 2024-cü ilin yayında başa çatır və o, müqavilənin avtomatik uzadılması variantından imtina edib. O, növbəti mövsümü də Fransa klubunda keçirəcəyini bildirib.

Mbappe ötən mövsüm PSJ-nin heyətində bütün turnirlərdə 43 oyuna çıxıb, 41 qol vurub və 9 məhsuldar ötürmə edib. Hücumçu Fransa-2022/23 çempionatının ən yaxşı oyunçusu olub. O, 2019-cu ildən turnirin ən yaxşı futbolçusu kimi tanınır.

“Yuventus” ilk yay transferini reallaşdırıb.

İtalyan insayder Fabritsio Romanonun yaydığı məlumata görə, Turin klubu Fransa “Lill”indən Timoti Veanı heyətinə qatıb.

“Zebrlər” ABŞ millisinin üzvü üçün qarşı tərəfə 12 milyon avro ödəyəcəklər. Tərəflər uzunmüddətli müqaviləyə imza atacaqlar. Keçid cümə axşamı rəsmən elan olunacaq.
23 yaslı vinger 2019-cu ildən “Lill”in formasını geyinirdi. Onun atası, ötən dövrlərin məşhur futbolçusu Corc Vea 1995-2000-ci illərdə İtaliyada “Milan”ın uğurları üçün çalışıb. C.Vea hazırda Liberiya Prezidentidir.

“Goal” nəşri “Qızıl top”u qazanmaq üçün favoritlərin yenilənmiş reytinqini dərc edib.

Mükafata əsas namizəd ötən mövsüm PSJ-də çıxış edən Lionel Messi olub. Erlinq Holand və Kilian Mbappe də ilk üçlükdəki yerlərini qoruyub saxlayıblar.

Siyahıda ilk 20-lik belə görünür:

1. Lionel Messi (PSJ, “İnter Mayami”);

2. Erlinq Holand (“Mançester Siti”);

3. Kilian Mbappe (PSJ);

4. Vinisius Junior (“Real Madrid”);

5. Kevin de Bruyne (“Mançester Siti”);

6. Rodri (“Mançester Siti”);

7. İlkay Gündoğan (“Mançester Siti”, “Barselona”);

8. Viktor Osimhen (“Napoli”);

9. Robert Levandovski (“Barselona”)

10. Julian Alvareş (“Mançester Siti”);
11. Bernardo Silva (“Mançester Siti”);

12. Kərim Benzema (“Real Madrid”, “Əl-İttihad”);

13. Xviça Kvaratsxeliya (“Napoli”);

14. Markus Reşford (“Mançester Yunayted”);

15. Cud Bellingem (“Borussiya” D., “Real Madrid”);

16. Lautaro Martinez (“İnter”);

17. Bukayo Saka (“Arsenal”);

18. Con Stounz (“Mançester Siti”)

19. Cek Qriliş (“Mançester Siti”);

20. Kazemiro (“Mançester Yunayted”).

22-25 iyunda Portuqaliyanın Odivelas şəhərində keçirilən yeniyetmələr arasında Avropa çempionatının fərdi və qarışıq komanda yarışlarında möhtəşəm nəticə əldə edən cüdoçularımız Vətənə qayıdıblar.

“Report” xəbər verir ki, cüdoçuları Heydər Əliyev Beynəlxalq Hava Limanında idman ictimaiyyətinin nümayəndələri, idmançıların yaxınları, jurnalistlər və azarkeşlər qarşılayıblar.

Qeyd edək ki, Azərbaycan cüdoçuları fərdi yarışlarda 6 qızıl və 3 bürünc medal olmaqla 9 medal, qarışıq komanda yarışlarında isə qızıl medal qazanıblar.

Zinəddin Zidan onu oyunu ilə həyəcanlandıra bilən iki futbolçunun kim olduğunu açıqlayıb.

Fanat.az “Telefoot”a istinadən xəbər verir ki, 2021-ci ildə “Real Madrid”in baş məşqi postundan ayrılan və o vaxtdan bəri işsiz olan mütəxəssis belə danışıb:

“Məni yerimdən sıçramağa məcbur edə biləcək bir yaxşı oyunçu varsa, o, Kərim Benzemadır. Ola bilsin ki, bir də Luka Modriç. Bu futbolçular topla hərəkətdə olanda adama gəlir ki, bu an onu itirəcəklər. Amma vəziyyətdən çıxış yolu tapırlar.

Cud Bellingem? O, gələcək vəd edən böyük futbolçudur. “Real”da oynamağa hazırdır”.

Azərbaycan güləşçiləri Türkiyənin İstanbul şəhərində Yaşar Doğu, Vehbi Əmrə və Hamit Kaplanın xatirəsinə həsr olunan turnirdə 12 medal (3 qızıl, 2 gümüş, 7 bürünc) qazanıblar.

Azərbaycan Güləş Federasiyasından bildirilib ki, beynəlxalq turnirin yunan-Roma güləşində Qurban Qurbanovla (77 kq) Murad Əhmədiyev (97 kq) ikinci, Məhəmməd Əhmədiyev (87 kq) üçüncü yeri tutub.

Qadın güləşində Birgül Soltanova (62 kq) və Elnurə Məmmədova (53 kq) bütün rəqiblərinə qalib gələrək çempion olublar. Nigar Mirzəzadə (65 kq) fəxri kürsünün 3-cü pilləsinə yüksəlib.

Sərbəst güləşdə isə Maqomed-Başir Xaniyev (70 kq) qızıl, İntiqam Vəlizadə (61 kq), Zirəddin Bayramov, Rəşid Babazadə (hər ikisi 65 kq), Orxan Abasov və Əşrəf Aşırov (79 kq) bürünc medal əldə ediblər.

Qeyd edək ki, turnirdə beynəlxalq dərəcəli hakim Xəyal Əliyev ədaləti qoruyub.

“Çelsi”nin qapıçısı Kepa Arrisabalaqa evlənib.

İspaniyalı qapıçı və model Andrea Martinezin toyunda komandanın futbolçuları - xüsusən də Kay Havertz və Mateo Kovaçiç iştirak ediblər.

Şənliyə həmçinin əvvəllər London klubunda oynamış Alvaro Morata və Jorjinyo da gəlib.

Havertz tədbirdən Kovaçiçlə birgə fotosunu “Instagram”da yerləşdirib. Alman yarımmüdafiəçi “Biz hazırıq” yazıb.