 |
|
|
"Bakı Konqres Mərkəzində texniki səbəblərlə əlaqədar qısa müddətli təmir işlərinə başlanıb. Təmir prosesinin nə zaman başa çatacağıı bilinmir".
Bu barədə Bakı Konqres Mərkəzindən Teleqraf-ın sorğusuna cavabda bildirilib.
Qeyd edilib ki, mərkəz müvafiq təmir işləri bitəndən sonra fəaliyyətinə davam edəcək.
Mərkəzdən bildirilib ki, tədbirlərin biletləri ilə bağlı məsələyə "İticket" şirkəti aydınlıq gətirilə bilər.
"İticket" şirkətindən isə deyilib ki, Bakı Konqres Mərkəzində təmir müddətində planlaşdırılmış tədbirlərin bilet pulları geri qaytarıla bilər.
"Tədbirlərin təxirə salınması, tarixinin dəyişdirilməsi və ya tədbirlərdən imtina olunması variantları təşkilatçılardan asılıdır. Şirkətimiz tərəfindən hansı tədbirin dayandırılması və ya tarixinin dəyişdirilməsi haqqında məlumat veriləcək. Məsələn, tədbirin yalnız tarixi dəyişdirilibsə, alınmış biletlər keçərli olacaq. Əgər yeni tarix bilet alıcını qane etmirsə, biletləri geri qaytara bilərlər. Biletlərin tam məbləği alıcıya qaytarılacaq", - deyə məlumat verilib.
Qeyd edək ki, Bakı Konqres Mərkəzində texniki səbəblərlə əlaqədar qısa müddətli təmir işlərinə başlandığı elan olunub. Bu müddət ərzində Mərkəzdə keçirilməsi planlaşdırılan bütün tədbirlər tam şəkildə dayandırılıb. Aprelin 5-də Mərkəzdə keçirilmiş konsert proqramından sonra “Auditoriya” zalında quraşdırılmış innovativ hərəkətli döşəmə sistemində yaranan texniki nasazlıq səbəbi ilə, avadanlığın təmiri, yoxlanılması və kalibrlənməsi üçün xarici mütəxəssislərin dəvət edilməsi tələb olunur.
Yüksək texnoloji və kompleks quruluşa malik bu sistemin yalnız istehsalçı şirkət tərəfindən sertifikatlaşdırılmış mütəxəssislər tərəfindən bərpa edilə biləcəyi qeyd olunur.
Gənc Qazilər Birliyinin sədri Hacı Vəliyev barəsində seçilmiş həbs qətimkan tədbiri barədə qərardan verilən apellyasiya şikayəti üzrə məhkəmə prosesi keçirilib.
Bu gün Bakı Apellyasiya Məhkəməsində hakim Anar İbrahimovun sədrliyi ilə keçirilən prosesdə qərar qəbul olunub.
Qərara əsasən, apellyasiya şikayəti təmin olunmayıb və birinci istansiya məhkəməsinin qərarı dəyişdirilməyib.
Qeyd edək ki, ona Cinayət Məcəlləsinin 221.3-cü (Xuliqanlıq, silahdan və ya silah qismində istifadə olunan əşyalardan istifadə edilməklə törədilməsi zərər çəkmiş şəxsə zor tətbiq olunması ilə, yaxud özgənin əmlakının məhv edilməsi və ya zədələnməsi ilə müşayiət olunduqda) və 186.1-ci (Özgənin əmlakını qəsdən məhv etmə və ya zədələmə zərərçəkmiş şəxsə xeyli miqdarda ziyan vurmaqla törədildikdə) maddələri ilə ittiham irəli sürülüb.
Xətai rayon Məhkəməsin qərarına əsasən, Hacı Vəliyev barəsində 22 gün müddətinə həbs qətimkan tədbiri seçilib.
Türkiyəli blogerin Bakıdakı "manatlıq" taksilərə münasibəti maraq doğurub.
Bakıya gələn bloger Zeynəb "manatlıq" taksilər barədə sosial şəbəkə hesabında paylaşım edib. Onun videosu 30 mindən çox izlənilib, 2000-dən çox şərh yazılıb.
Bloqer "manatlıq" taksilərin olmasını maraqlı addım kimi qiymətləndirib və izləyicilərinə tövsiyə edib.
Milli.az-a istinadən videonu təqdim edirik:
Bank heç vaxt hansısa məlumatı vətəndaşdan telefon vasitəsilə istəyə bilməz.
Musavat.com Xəzər TV-yə istinadən bildirir ki, bunu maliyyə eksperti Əkrəm Həsənov deyib.
O, bildirib ki, kimsə vətəndaşa zəng edib kartın məlumatlarını istəyirsə dələduzdur.
Əkrəm Həsənov deyir ki, bəzən bankların daxilində də dələduzlar ola bilər.
Ekspert bildirir ki, hər bir vətəndaş öz maliyyə təhlükəsizliyinə görə məsuliyyət daşımalı və dələduzlara qarşı ayıq-sayıq olmalıdır. Bu cür hallarla rastlaşan şəxslər dərhal bankla və ya hüquq-mühafizə orqanları ilə əlaqə saxlasınlar.
Daha ətaraflı videomaterialı təqdim edirik.
Musiqi, incəsənət məktəblərində çalışan müəllimlərin attestasiyası keçirilib.
Müəllimlərin 80 faizə yaxını uğurla attestasiyadan keçiblər. Eyni zamanda bir qrup müəllim təlim ehtiyaclarına uyğun təlimlərə cəlb olunmaqla yenidən müəllimlik fəaliyyətlərini davam etdirə biləcəklər.
Aşağıda təqdim olunan videolarda tanınmış sənət adamları attestasiya ilə bağlı fikirlərini bildirirlər.
İranın Qərbi Azərbaycan əyalətinin Mehabad şəhərindəki mədənlərdən biri çöküb.
Bu barədə "Azad İran" məlumat yayıb.
Məlumata görə, mədən çökən zaman iki işçi dağıntılar altında qalıb.
Xilasetmə qruplarının səyi ilə onlardan biri yüngül xəsarətlərlə dağıntılar altından çıxarılsa da, digəri aldığı ağır xəsarətlərdən dünyasını dəyişib.
Salyan sakini intihar edib.
"Unikal"ın məlumatına görə, rayon sakini, 43 yaşlı Bəşirov Rüfət Səfalı oğlu sirkə turşusu içərək, həyatına son qoyub.
İntiharın səbəbləri hələlik məlum deyil.
Qeyd edək ki, mərhum Salyan rayonunda kiçik sahibkarlığla məşğul olub.
Faktla bağlı araşdırma aparılır.
Rusiya mənbələri indiyədək də onun karyera yüksəlişi haqda hələ də “bəzi şübhələrini” gizlətmirlər
İki gün əvvəl “Forbes” Rusiyanın ən zəngin adamlarının son reytinq siyahısını açıqlayıb. “Lukoil”un təsisçisi Vahid Ələkbərov 28,7 milyard dollar sərvətlə şimal ölkəsinin ən zəngin adamı siyahısına başçılıq edib. Musavat.com yada salır ki, Vahid Ələkbərov “Lukoil” neft şirkətinin prezidenti vəzifəsindən 2022-ci ilin aprelində vaxtından əvvəl istefa verib və Direktorlar Şurasını tərk edib.
Azərbaycan doğumlu oliqarx haqda indiyədək çox yazılıb, amma Rusiya mənbələri indiyədək də onun karyera yüksəlişi haqda hələ də “bəzi şübhələrini” gizlətmirlər.
Rusiyanın ən böyük özəl neft şirkəti “Lukoil” necə yarandı? Bütün bu saysız-hesabsız sərvət necə oldu ki, Ələkbərov və komandasının əlinə keçdi? Niyə bu komandanın üzvləri həqiqətən xüsusi toxunulmazlığına sahibdirlər? Bu suallar ətrafında araşdırma aparan tsarqrad.tv Vahid Ələkbərov haqda ilginc iddialar irəli sürüb. Qeyd edək ki, bu media-holdinq Rusiya hərbi kəşfiyyatına yaxındır, xüsusilə 44 günlük müharibədə Azərbaycan əleyhinə yazılar dərc edib. Ona görə Vahid Ələkbərov haqda araşdırma obyektiv olmaya da bilər. Məsələn, xüsusi qeyd edilir ki, V.Ələkbərov “böyük ehtimalla hərbi xidmətdə olmayıb”, çünki bu barədə nə özü danışıb, nə hansısa mənbədə məlumat var. “Vahid Ələkbərov görünür, orduda xidmət etməyib. Rusiya elitasının bir hissəsi adətən hərbi xidmətdə olduğundan öyünür, amma Vahid Ələkbərovdan əsgər nağıllarını heç kim eşitməyib. Ümumiyyətlə isə Vaqid Yusufoviç hərbçilərə çox hörmət edir. Zamanında “Lukoil”un menecerlərinin təxminən üçdə biri keçmiş hərbçilər olub”- sayt yazıb.
Vahid Ələkbərovun karyera yüksəlişi haqda daha bir qıcqanc reaksiya bu cümlələr hesab oluna bilər.
Bəllidir ki, V.Ələkbərov “AZİ”- ni bitirib. “Ələkbərov institutu bitirdikdən sonra, 1974-1979-cu illərdə Bakıda baş verən möcüzələr hələ də elm tərəfindən deşifrə olunmayıb. Adi neft və qaz hasilatı operatoru altı ildən az müddətdə bir neçə vəzifə dəyişib və 30 yaşında yerli neft yatağının rəis müavini olub. Belə karyera nəinki sovet dövründə, indinin özündə də, demək olar ki, yoxdur. Vahid Yusufoviçin şöhrət yolu 1979-cu ildə gənc mütəxəssisin Bakıdan Qərbi Sibir yataqlarının işlənməsinə göndərilməsi ilə başlayır. O, “Surqutneftqaz” şirkətində çox sürətlə irəlilədi. 1983-cü ildə Ələkbərov “Koqalımneftqaz”a keçdi və burada yerli neft-qazçıxarma idarəsinin rəisi, 1987-ci ildən isə baş direktoru oldu. Həm də Koqalım monosənaye şəhərciyinin faktiki sahibi oldu”-nəşr yazır.
İddia olunur ki, məhz Koqalımda Ələkbərov sonradan neft oliqarxiyasının zirvəsinə yüksəlməyə imkan verəcək əlaqələr yaradıb. Söhbət “Uraynefteqaz”a rəhbərlik edən Aleksandr Putilovdan və “Lanqepasnefteqaz”ın “kral”ı Yuri Şafranikdən gedir. Karyera yüksəlişi haqda daha bir xüsusi qeyd: “1990-cı ilin yanvarında hələ nisbətən gənc olan Ələkbərovun karyerası yeni mərhələ başladı: o, SSRİ Neft və Qaz Sənayesi Nazirliyi tarixində ən gənc nazir müavini oldu. Bir il sonra isə nazirin birinci müavini postuna təyinat aldı. SSRİ-nin çöküşünün son aylarında “Qazprom”, “Rosnefteqaz” (indiki “Rosneft”) artıq yaradılmışdı. Sovet İttifaqının rəsmən süqutundan bir ay əvvəl SSRİ Nazirlər Soveti 1991-ci ilin noyabr ayının 25-də ən çox neft çıxaran və emal edən müəssisələr “LanqepasUrayKogalym" adı altında birləşdirildi. Daha sonra, əsas mədən aktivlərinin ilk üç hərfi məşhur “Lukovica” adlandı ki, hələ o zaman Ələkbərov şirkətə faktiki nəzarət edirdi.
1992-ci ilin sonunda Prezident Boris Yeltsin “Neft, neft emalı sənayesi və neft məhsullarının tədarükü dövlət müəssisələrinin, istehsal və elmi-istehsalat birliklərinin özəlləşdirilməsinin və səhmdar cəmiyyətlərinə çevrilməsi haqqında” fərman imzaladı. Ələkbərovun uzun müddət müttəfiqi olan Yuri Şafranik Rusiya yanacaq və energetika naziri oldu ki, bu, “Lukoil” adlanacaq imperiyanın yolunu açdı. “Lukoil”in özəlləşdirilməsi 1994-cü ildə başladı, 1995-ci ildə hökumətin qərarı ilə “Lukoil” istehsal zəncirinin bütün hissələri üzrə fəaliyyət göstərən doqquz iri müəssisənin nəzarət paketini aldı”.
“Lukoil” ətrafında xeyli qalmaqallar da var ki, bunlar barədə zamanında yazılıb. Xüsusilə vitse-prezidentlərinin müəmmalı ölümləri haqda da hələ də ən müxtəlif iddialar var.
Musavat.com
Son iki ildir ki, UNEC-in Dərbənd filialının məzunları diplomlarını ala bilmir. 2023-2024-cü il məzunları hələ də gözləməkdədir, lakin nə universitet rəhbərliyi, nə də Təhsil Nazirliyi (ETN) bu məsələyə aydınlıq gətirmir.
Məzunlar aldadılır?
Məzunların sözlərinə görə, hər dəfə onlara "bu gün-sabah veriləcək" deyilərək gözlədilir, amma nəticə yoxdur. Bu müddət ərzində bəziləri iş tapa bilmir, bəziləri isə hərbi xidmətə çağırıldığı üçün 1 il 6 ay xidmət etmə riski ilə üzləşir. Əgər diplomlar verilsəydi, ali təhsil aldıqlarına görə 1 il xidmət edəcəkdilər.
TEREF yazır ki, poçtumuza daxil olan məqalədə müəllif belə yazır. Müəllif fikirlərini davam etdirərək yazır:
Tələbələr bildirir ki, onlar bütün dərslərdə və imtahanlarda iştirak ediblər, yekun dövlət attestasiyasından müvəffəqiyyətlə keçiblər. Diplom almağa tam hüquqları var. Lakin nədənsə, bu hüquqları təmin olunmur.
UNEC və ETN cavab vermir
Məzunlar UNEC-in mətbuat katibi Elnarə Məmmədovanın hər dəfə eyni cavabı verdiyini bildirirlər: "Yaxın günlərdə veriləcək". Bu, yalnız universitetin reputasiyasını qorumaq üçün səsləndirilən bir açıqlama kimi görünür. Çünki "yaxın günlər" deyilən müddət artıq illərə çevrilib.
Digər tərəfdən, ETN bu məsələyə ümumiyyətlə münasibət bildirmir. Məzunlar haqlı olaraq yalnız Təhsil Nazirliyinin rəsmi mövqeyinə inanmaq istəyirlər. Lakin ETN susduqca, vəziyyət daha da ağırlaşır.
Sual: Diplomlar niyə verilmir?
Bu qədər insanın həyatına təsir edən bir problemin nə üçün həll olunmadığı anlaşılmazdır. Diplomların gecikməsinin səbəbi nədir? Bu, sənədləşmə ilə bağlı problemdir, yoxsa başqa bir inzibati maneə var? Əgər hüquqi bir problem mövcuddursa, niyə bu barədə ictimaiyyətə açıq məlumat verilmir?
Daha sonra müəllif şikayətinə yekun vuraraq yazır:
Məzunların Haqqı Tapdalanır
Bir gəncin gələcəyi, karyerası və hətta hərbi xidmətdəki müddəti diplomun olmamasına görə dəyişməməlidir. Bu, dövlətin öz vətəndaşlarına qarşı məsuliyyətsiz yanaşması kimi görünür.
Təhsil Nazirliyi bu məsələyə dərhal aydınlıq gətirməli və diplomların nə vaxt veriləcəyi ilə bağlı konkret tarix açıqlamalıdır. Əks halda, UNEC-in Dərbənd filialı məzunları və onların ailələri haqlı olaraq narahatlıq içində qalmağa davam edəcəklər.
Sonda məzunlar, onların ailələri və cəmiyyət aydın cavab gözləyir. Təhsil Nazirliyi və UNEC bu məsələyə məsuliyyətlə yanaşmalı, gənclərin gələcəyinə biganə qalmamalıdır.
Bəs sizcə, bu qədər tələbənin hüququ pozularkən, niyə heç bir rəsmi qurum məsuliyyəti üzərinə götürmək istəmir?
O vaxtdan yenə də bu universitetə Ədalət Muradov rəhbərlik edir, yəni dəyişən rəhbərlik də yoxdur ki, bəhanə tapılsın. Düzdür, Misir Mərdanov Mikayıl Cabbarov başqa sahəyə getdi, ondan sonra təhsil naziri olan indiki Xarici işlər naziri Ceyhun Bayramovun dövründədə bu cür neqativ hallar baş verməmişdir.
Elə isə indiki nazir Emin Əmrullayev niyə diplomların verilməsinə problem yaratmalıdır ki? Bu, kiminlə rəqabətin və ya daxili çəkişmədən qaynaqlanır? Niyə bizim uşaqlar diplomsuzluğa görə təxminən son iki ilini də itirməlidir?”.
UNEC ETN yola getmir məzunların başına oyun açırlar.
ETN-dən şikayətlə bağlı bir mövqe öyrənə bilmədik.Suallarımız cavabsız qaldı.
TEREF olaraq qarşı tərəfində mövqeyini dərc etməyə hazırıq!
Məzunlar aldadılır?
Məzunların sözlərinə görə, hər dəfə onlara "bu gün-sabah veriləcək" deyilərək gözlədilir, amma nəticə yoxdur. Bu müddət ərzində bəziləri iş tapa bilmir, bəziləri isə hərbi xidmətə çağırıldığı üçün 1 il 6 ay xidmət etmə riski ilə üzləşir. Əgər diplomlar verilsəydi, ali təhsil aldıqlarına görə 1 il xidmət edəcəkdilər.
TEREF yazır ki, poçtumuza daxil olan məqalədə müəllif belə yazır. Müəllif fikirlərini davam etdirərək yazır:
Tələbələr bildirir ki, onlar bütün dərslərdə və imtahanlarda iştirak ediblər, yekun dövlət attestasiyasından müvəffəqiyyətlə keçiblər. Diplom almağa tam hüquqları var. Lakin nədənsə, bu hüquqları təmin olunmur.
UNEC və ETN cavab vermir
Məzunlar UNEC-in mətbuat katibi Elnarə Məmmədovanın hər dəfə eyni cavabı verdiyini bildirirlər: "Yaxın günlərdə veriləcək". Bu, yalnız universitetin reputasiyasını qorumaq üçün səsləndirilən bir açıqlama kimi görünür. Çünki "yaxın günlər" deyilən müddət artıq illərə çevrilib.
Digər tərəfdən, ETN bu məsələyə ümumiyyətlə münasibət bildirmir. Məzunlar haqlı olaraq yalnız Təhsil Nazirliyinin rəsmi mövqeyinə inanmaq istəyirlər. Lakin ETN susduqca, vəziyyət daha da ağırlaşır.
Sual: Diplomlar niyə verilmir?
Bu qədər insanın həyatına təsir edən bir problemin nə üçün həll olunmadığı anlaşılmazdır. Diplomların gecikməsinin səbəbi nədir? Bu, sənədləşmə ilə bağlı problemdir, yoxsa başqa bir inzibati maneə var? Əgər hüquqi bir problem mövcuddursa, niyə bu barədə ictimaiyyətə açıq məlumat verilmir?
Daha sonra müəllif şikayətinə yekun vuraraq yazır:
Məzunların Haqqı Tapdalanır
Bir gəncin gələcəyi, karyerası və hətta hərbi xidmətdəki müddəti diplomun olmamasına görə dəyişməməlidir. Bu, dövlətin öz vətəndaşlarına qarşı məsuliyyətsiz yanaşması kimi görünür.
Təhsil Nazirliyi bu məsələyə dərhal aydınlıq gətirməli və diplomların nə vaxt veriləcəyi ilə bağlı konkret tarix açıqlamalıdır. Əks halda, UNEC-in Dərbənd filialı məzunları və onların ailələri haqlı olaraq narahatlıq içində qalmağa davam edəcəklər.
Sonda məzunlar, onların ailələri və cəmiyyət aydın cavab gözləyir. Təhsil Nazirliyi və UNEC bu məsələyə məsuliyyətlə yanaşmalı, gənclərin gələcəyinə biganə qalmamalıdır.
Bəs sizcə, bu qədər tələbənin hüququ pozularkən, niyə heç bir rəsmi qurum məsuliyyəti üzərinə götürmək istəmir?
O vaxtdan yenə də bu universitetə Ədalət Muradov rəhbərlik edir, yəni dəyişən rəhbərlik də yoxdur ki, bəhanə tapılsın. Düzdür, Misir Mərdanov Mikayıl Cabbarov başqa sahəyə getdi, ondan sonra təhsil naziri olan indiki Xarici işlər naziri Ceyhun Bayramovun dövründədə bu cür neqativ hallar baş verməmişdir.
Elə isə indiki nazir Emin Əmrullayev niyə diplomların verilməsinə problem yaratmalıdır ki? Bu, kiminlə rəqabətin və ya daxili çəkişmədən qaynaqlanır? Niyə bizim uşaqlar diplomsuzluğa görə təxminən son iki ilini də itirməlidir?”.
UNEC ETN yola getmir məzunların başına oyun açırlar.
ETN-dən şikayətlə bağlı bir mövqe öyrənə bilmədik.Suallarımız cavabsız qaldı.
TEREF olaraq qarşı tərəfində mövqeyini dərc etməyə hazırıq!
ABŞ-ın “The Washington Post” qəzeti 2025-ci ilin əvvəlində Bakıdakı sui-qəsd cəhdinin detallarını yazıb.
Musavat.com nəşrin yazdıqlarına istinadla xəbər verir ki, planlaşdırılan sui-qəsd cəhdinin hədəfi Azərbaycanın yəhudi icmasının yüksək rütbəli üzvü – ravvin Şneor Seqal olub.
Nəşr bu barədə şənbə günü, aprelin 5-də Qərb və Yaxın Şərqin təhlükəsizlik xidmətlərindəki mənbələrə istinadən xəbər verib.
Nəşr qeyd edir ki, İran Azərbaycanda ravvini məhv etmək üçün Gürcüstandan bir qatil tutub. Sui-qəsd cəhdi 2025-ci ilin əvvəlində məlum olsa da, məqsədi yalnız indi məlum olub.
Nəşrin məlumatına görə, İran İslam İnqilabı Keşikçiləri Korpusunun Əl-Qüds Qüvvələrinin terror aktını törətmək üçün göndərdiyi şəxs gürcü narkotik alverçisi Aqil Aslanovdur. Keçən ilin payızında o, İran xüsusi təyinatlıların zabiti ilə görüşüb və ondan ravvin necə öldürüləcəyi ilə bağlı “dəqiq göstərişlər” alıb. Qəzetə danışan mənbələr bildiriblər ki, Aqil Aslanov 200 min dollar müqabilində qətli törətməyə razılaşıb.
Ravvin Seqal “The Washington Post”a açıqlamasında bu hadisəni yalnız mediada gedən xəbərlərdən öyrəndiyini deyib və Azərbaycanda təhlükəsiz yaşadığını vurğulayıb: “Biz burada dinc yaşayırıq. Mən küçələrdə qorxmadan gəzirəm”.
Terror aktının qarşısının alınması ilə bağlı məlumat yanvarın ortalarında Azərbaycan Dövlət Təhlükəsizliyi Xidmətinin bəyanatında açıqlanıb. Lakin yalnız indi potensial qurbanın adı və hücumun hədəfi məlum olub. Daha sonra bəyanatda Aqil Aslanovun və onun işə cəlb etdiyi yerli sakin Ceyhun İsmayılovun saxlanılması barədə məlumat verilib. Onlar terror aktı törətmək üçün sui-qəsddə ittiham olunublar. Hazırkı xəbərə görə, onlar da hansısa təhsil mərkəzinə hücum planlaşdırırdılar.
Şneor Seqal
Nəşrin təhlükəsizlik mənbələrinin məlumatına görə, Aqil Aslanov və onun iranlı idarəçiləri arasında görüş birbaşa İranda baş tutub və geniş cinayət əlaqələri olan iranlı Məhəmməd Gülkari tərəfindən təşkil olunub. Bakıya qayıtdıqdan sonra Aqil Aslanov Ceyhun İsmayılovu işə cəlb edib və onlar ravvin Seqalı güdməyə başlayıblar. Azərbaycan hakimiyyəti yanvar ayında yaydığı bəyanatda bildirib ki, şübhəlilər “bir dini icma üzvü haqqında məlumat toplayıb, mobil proqram vasitəsilə onun evinin və iş yerinin yeri barədə məlumatı xarici kəşfiyyat xidmətinin nümayəndəsinə göndəriblər”.
Nəşr xatırladır ki, İran uzun illərdir ki, bütün dünyada İsrail, yəhudi diasporu və ya ayətullah rejiminin əleyhdarları ilə əlaqəli hədəflərə qarşı terror hücumları təşkil etməyə çalışır. O, tez-tez yerli cinayətkarların köməyinə müraciət edir. Elə keçən ay ABŞ məhkəməsi rus mafiyasının iki üzvünü - Rafət Əmirov və F.Ömərovu Nyu Yorkda iranlı amerikalı jurnalist Məsih Əlinejadı qətlə yetirməkdə təqsirli bilib. Bu sui-qəsd hələ 2021-ci ildə üzə çıxıb. Hər ikisi SEPAH-ın Əl-Qüds Qüvvələrinin yüksək rütbəli zabiti Ruhullah Bazekəndinin adından hərəkət edib. Bazekəndi Türkiyədə hədəflərin məhv edilməsi əməliyyatları çərçivəsində İsrail vətəndaşlarına və İstanbuldakı keçmiş İsrail konsuluna hücum cəhdində də ittiham olunur.
E.MƏMMƏDƏLIYEV,
Musavat.com
