 |
|
|
“Belə məmurları işdən çıxarmaq yox, həmin pulu geri ödədib həbs etmək lazımdır”.
Bunu Yenicag.az-a açıqlamasında Müasir Müsavat Partiyasının (MMP) sədri Hafiz Hacıyev deyib.
O, Hesablama Palatasının 2024-cü ildə fəaliyyətinə dair hesabatında qeyd olunan 461.6 milyon manata bərabər maliyyə pozuntuları ilə bağlı fikirlər səsləndirib.
MMP sədri söyləyib ki, belə pullar tək yeyilmir, əksinə, onların arxalarında duran adamlar var:
“Artıq buna öyrəşiblər. Biz isə deyirik, sonra nüfuzdan, hörmətdən düşürük. Ölkədə məmurlardan kim nə qədər qazanırsa qazanır, talayırsa talayır. Danışırıq, kimlərinsə xoşuna gəlmir. Bu gün həmin adamların boğazından yapışmaq lazımdır. Hazırda dövlət büdcəsini dağıtdığına, korrupsiyaya bulaşdığına görə həbsdə nə qədər adam var. İndi həmin rayonlar yenə də elədir, bilmirəm, niyə?”
Onun sözlərinə görə, göstərilən rəqəm Azərbaycan üçün həqiqətən böyükdür:
“Bunu edənlər 500-600 minlik maşınlarda gəzirlər. Belə məmurları işdən çıxarmaq yox, həmin pulu geri ödədib həbs etmək lazımdır. Hərə bir yandan dağıtsa, bu dövlət dövlət olmaz ki…. Biz də nazir olmuşuq, lakin QAZ-31-dən o tərəfə maşınımız olmayıb. Hər zaman dövlətə xeyir verməyi düşünmüşük. Bu məmurlar isə elə deyil, köməkçiləri, katibələri, ailəsi-uşağı üçün bir maşın alırlar. Büdcə dayanmaz axı buna. Ona görə də ciddi tədbirlər görülməlidir. Həmin pullar əllərindən alınıb xalqa açıq şəkildə bildirilməlidir”.
"Telegram"da bir sıra tanınmış botların kütləvi şəkildə bloklanması müşahidə olunub.
Sfera.az xəbər verir ki, xidmətin olmaması ilə bağlı xəbərlər aprelin 14-də səhər saatlarında gəlməyə başlayıb.
Bloklananlar arasında kolleksiya hədiyyələrinin tarixini izləmək kimi unikal xüsusiyyəti ilə tanınan @getSendGiftsBot botu da var. Xidmət hədiyyələrin sahibləri haqqında məlumatları, o cümlədən sahiblik tarixi, dəyəri və əməliyyat məlumatlarını dondurub.
Get hədiyyələrinin yaradıcısı hesab edir ki, bloklanma hədiyyə hərəkətlərinin tarixini izləməyə imkan verən botun funksiyası ilə bağlı ola bilər. Onun sözlərinə görə, xidmətdə hədiyyənin verilmə faktı, ilkin və bazar dəyəri, hədiyyələrin vaxtı və mövcudluğu qeydə alınıb. Eyni zamanda, tərtibatçı bloklamanın NFT hədiyyələrinin izlənməsi ilə bağlı olduğuna şübhə edərək, iddiaların xüsusi olaraq istifadəçilər arasında standart hədiyyələrin hərəkəti ilə bağlı məlumatlarla bağlı yarandığını ehtimal edib.
Dövlət Sosial Müdafiə Fondunun sabiq əməkdaşı 1983-cü il təvəllüdlü Vüsal Əliyevin məhkəməsi yekunlaşıb.
"Qafqazinfo”nun əldə etdiyi məlumata görə, Bakı Ağır Cinayətlər Məhkəməsində keçirilən prosesdə onun saxta əmək kitabçaları, şəxsiyyət vəsiqələri və digər sənədlər hazırlayaraq ayrı-ayrı vətəndaşlara əsassız olaraq güzəştli şərtlərlə ailə başçısını itirməyə və ya yaşa görə əmək pensiyalarının təyin olunmasına nail olması, nəticədə Əmək və Əhalinin Sosial Müdafiə Nazirliyinin Dövlət Sosial Müdafiə Fonduna məxsus ümumilikdə 6 milyon 500 min manatdan artıq pul vəsaitini ələ keçirməsi bildirilib. V.Əliyev əsasən güzəştli kateqoriyalı şəxslərə aid sənədləri saxtalaşdırmağa və özünün müəyyən etdiyi şəxslərə xüsusilə külli miqdarda pensiyanın köçürülməsinə nail olub. Pensiya köçürülmüş şəxslər arasında onun baldızı və digər qohumları, eləcə də tanışları da olub.
Pullar 2019-cu ilədək müxtəlif bankomatlarda nağdlaşdırılıb. Müəyyən edilib ki, 6,5 milyon manat pul müvafiq olaraq ümumilikdə 16 161, 192 987, 81 066, 293 795, 110 927, 96 089, 410 568, 751 192, 228 974, 217 004, 97 843, 155 097, 119 395, 390 621, 142 157, 56 424, 173 310, 637 490, 338 924, 35 085, 361 072, 152 218, 128 944, 137 143, 221 818, 320 611, 218 290, 99 559, 107 462, 50 872, 40 856, 16 183, 94 369, 11 413, 16 812 və 9 381 manat olmaqla 40-a yaxın şəxsin adına olan kartlara köçürülüb. Bəzi şəxslərin adına saxta yollarla hazırlanmış pensiya sənədləri əsasında 751, 637 min manat kimi böyük məbləğin köçürülməsi diqqət çəkir.
Vüsal Əliyev Cinayət Məcəlləsinin 178.4 (dələduzluq xüsusilə külli miqdarda ziyan vurmaqla törədildikdə), 313 (vəzifə saxtakarlığı), 320.1-ci (rəsmi sənədləri saxtalaşdırma) və digər maddələri ilə yekun ittiham edilib.
Məhkəmə ona 14 il 6 ay həbs cəzası verib. Həmçinin ondan müsadirə edilmiş 270 min manat dövlət hesabına köçürülüb. Bundan başqa Vüsal Əliyevdən 5 milyon 656 min manat pulun tutularaq DSMF-nin hesabına köçürülməsi də hökmdə yer alıb.
Qeyd edək ki, V.Əliyev 16 avqust 2019-cu ildə həbs edilib. O, 2006-2010-cu illərdə DSMF-nin Səbail rayon şöbəsinin pensiya təyinatı sektorunda məsləhətçi və aparıcı məsləhətçi, 2013-2015-ci illərdə isə qurumun Suraxanı rayon şöbəsinin pensiya təyinatı sektorunda baş məsləhətçi vəzifələrində işləyib.
Xatırladaq ki, həbs edildikdən sonra V.Əliyev onun əleyhinə ifadə vermiş keçmiş iş yoldaşını sifarişlə döydürərək bıçaqlatdırıb.
Tags:
1993-cü ilə aid nəşrlərə əsaslanan MKİ-nin məxfiliyi ləğv edilmiş sənədində iddia olunur ki, 1989-90-cı illər arasında Sibirdə sovet əsgərləri uçan naməlum obyekti (UNO) vurublar, bundan sonra yadplanetlilər parlaq işıq şüası ilə onların əksəriyyətini daşa çevirib.
Musavat.com xarici mediaya istinadla xəbər verir ki, MKİ-nin məxfiliyi ləğv edilmiş sənədində Sibirdə sovet əsgərləri ilə naməlum uçan obyekt (UFO) arasında ehtimal edilən qarşılaşma haqqında məlumat var. Bu barədə ilk material 1993-cü ildə Ukrayna nəşrlərində yer alıb.
Sənəddə təlimlərin keçirildiyi sovet hərbi bazasının üzərində alçaqdan uçan boşqab şəkilli obyektin göründüyü təsvir edilir. Naməlum səbəblərdən hərbçilər obyektə “yer-hava” tipli raket atıb, bundan sonra “boşqab” bazanın yaxınlığında yerə düşüb.
Məlumata görə, dağıntılar arasından iri başlı və qara gözlü beş qısa boylu humanoid çıxıb. İddiaya görə, onlar tək bir sferik obyektə birləşiblər və bu, yüksək səsli səs çıxarıb və sonra parlaq işığa çevrilib. Nəticədə hadisə yerində olan 23 əsgər daşa çevrilib və yalnız ikisi birbaşa işığa məruz qalmadığından sağ qalıb.
Xəbərdə həmçinin qeyd olunur ki, UNO qalıqları və ölən əsgərlərin cəsədləri Moskva yaxınlığındakı gizli tədqiqat institutuna təhvil verilib. Sənədə əsasən, ekspertlər belə qənaətə gəliblər ki, naməlum enerji mənbəyi əsgərlərin bədən quruluşunu dəyişərək, onları tərkibində əhəng daşına oxşar maddəyə çevirib.
Bununla belə, qeyd olunur ki, MKİ sənədindəki məlumatlar 1993-cü ildə Ukrayna qəzetlərində “Kosmik qisas” başlıqlı məqaləyə əsaslanır. Bu hekayət azı səkkiz ildir ki, internetdə yayılır və onun doğruluğuna dair suallar yaradır.
MKİ kimi ciddi bir təşkilatın adi qəzet məqaləsini ciddiyə alması və onu məxfi elan etməsinin özü də suallar doğurur.
Musavat.com
Bakıda ötən həftə BYD avtomobili ilə ağır qəza törədən sürücü Anar Nəcəfov xəstəxanadan video paylaşıb.
Modern.az-ın məlumatına görə, o, kart hesabına yüksək məbləğdə pul toplanması ilə bağlı iddialara aydınlıq gətirib.
Anar Nəcəfov bildirib ki, kartına 90 min manat pul yığılması və ona avtomobil hədiyyə edilməsi ilə bağlı deyilənlər yalandır: “Cəmi 3-4 min pul yığılıb. Maşın da hədiyyə edilməyib. Yalan söhbətdir. O kart pulları başqalarına gedə bilər, bizim karta gəlməyib”.
Qeyd edək ki, qəza Heydər Əliyev prospektində baş verib. “Bolt” taksi şirkətinə məxsus avtomobilin sürücüsü idatəetməni itirib, arakəsməni yararaq prospektdə hərəkətdə olan “Ford”a dəyib və yolun bu biri tərəfinə düşüb. Hadisə nəticəsində sürücü və sərnişini xəsarət alıb.
Modern.az-ın məlumatına görə, o, kart hesabına yüksək məbləğdə pul toplanması ilə bağlı iddialara aydınlıq gətirib.
Anar Nəcəfov bildirib ki, kartına 90 min manat pul yığılması və ona avtomobil hədiyyə edilməsi ilə bağlı deyilənlər yalandır: “Cəmi 3-4 min pul yığılıb. Maşın da hədiyyə edilməyib. Yalan söhbətdir. O kart pulları başqalarına gedə bilər, bizim karta gəlməyib”.
Qeyd edək ki, qəza Heydər Əliyev prospektində baş verib. “Bolt” taksi şirkətinə məxsus avtomobilin sürücüsü idatəetməni itirib, arakəsməni yararaq prospektdə hərəkətdə olan “Ford”a dəyib və yolun bu biri tərəfinə düşüb. Hadisə nəticəsində sürücü və sərnişini xəsarət alıb.
Milli Hidrometeorologiya Xidmətinin məlumatına əsasən Azərbaycanın bəzi rayonlarında aprelin 14-dən 15-nə keçən gecədən başlayaraq yağıntıların intensivləşəcəyi, 15 və 16-da daha da kəskinləşəcəyi, yağışın leysan xarakterli güclü olacağı gözlənilir. Ayrı-ayrı yerlərdə şimşək çaxacağı, dolu düşəcəyi, dağlıq ərazilərdə qar yağacağı, intensiv yağış nəticəsində dağ çaylarından sel və daşqın keçəcəyi ehtimalı var.
Aprelin 15-16-da qərb küləyinin əsəcəyi, 15-20 m/s, bəzi yerlərdə arabir 25-30 m/s-dək güclənəcəyi gözlənilir.
Bakıda və Abşeron yarımadasında aprelin 14-dən 15-nə keçən gecədən başlayaraq fasilələrlə yağış yağacaq, 15-16-da arabir leysan xarakterli intensiv olacaq.
Aprelin 14-dən 15-nə keçən gecədən başlayaraq 17-si gündüzədək şimal-qərb küləyinin əsəcəyi, 15-20 m/s, bəzi yerlərdə arabir 25-30 m/s-dək güclənəcəyi gözlənilir.
Ölkə ərazisində müşahidə olunan qeyri-sabit hava şəraiti aprelin 17-dək davam edəcək.
Qeyd: Hava durumu ilə bağlı yenilənmiş məlumatlar mütəmadi olaraq təqdim olunacaq.
Türkiyədə son 30 ilin ən aşağı temperaturu qeydə alınıb.
Oxu.Az-ın xəbərinə görə, bu barədə ölkənin kənd təsərrüfatı naziri İbrahim Yumaqlı "X" sosial şəbəkəsindəki səhifəsində yazıb.
Belə ki, son üç gündə havanın temperaturu -15 dərəcəyə enib. Bəzi bölgələrdə son 30 ilin ən aşağı temperaturu qeydə alınıb. Ölkə ərazisində də qar və dolu yağıb.
Temperaturun kəskin aşağı düşməsi ilə təsərrüfatlar zərər çəkib. Belə ki, əkilmiş ərik və qoz ağaclarına, üzüm bağlarına, kartof və soğan sahələrinə ziyan dəyib.
Nazir qeyd edib ki, əlverişsiz hava şəraitindən zərər çəkən istehsalçılara dövlət tərəfindən dəstək verilməsi nəzərdə tutulur.
Aprelin 13-də Heydər Əliyev Fondunun vitse-prezidenti, IDEA İctimai Birliyinin təsisçisi və rəhbəri Leyla Əliyevanın iştirakı ilə Bakı şəhəri, Yasamal rayonu, Yeni Yasamal yaşayış massivində yerləşən çoxmərtəbəli binaları əhatə edən, 1400-dən çox sakinin yaşadığı həyət abadlaşdırılaraq sakinlərin istifadəsinə verilib.
Tədbir çərçivəsində Leyla Əliyeva IDEA könüllüləri ilə birlikdə keçirilən ağacəkmə aksiyasında iştirak ediblər. Həyətin azyaşlı sakinlərinə hədiyyələr təqdim olunub.
“Bizim həyət” layihəsi çərçivəsində abadlaşdırılmış digər ərazilərdə olduğu kimi, yenidən qurulmuş növbəti həyətdə də sağlamlıq imkanları məhdud insanların rahat hərəkəti nəzərə alınıb, bütün yaş qrupları üzrə uşaqların inkişafı üçün əlverişli şəraitin yaradılması, gənclərin asudə vaxtlarının səmərəli təşkili və onlarda idmana marağın artırılması məqsədilə ərazidə süni örtüklü futbol stadionu, şahmat meydançası, müxtəlif idman qurğuları, uşaqlar üçün oyun sahəsi salınıb. Eyni zamanda, həyətyanı sahədə söhbətgahlar, çoxsaylı oturacaqlar, quş yuvaları və pişik evləri quraşdırılıb. Həyətdə yeni işıqlandırma dirəkləri, müşahidə kameraları quraşdırılıb, binaların fasad və blokları tam təmir olunub, asfalt və dam örtüyü, elektrik xətləri yenilənib.
Həyətin ərazisindəki mövcud yaşıllıqların bərpası ilə yanaşı, 170 ədəd müxtəlif növ ağac və 3100-dən çox mövsümü gül, eləcə də kol bitkiləri əkilərək yaşıllıq zolağı salınıb. Bununla yanaşı, həyətin ətrafında sıx bitən və havanın çirklənməsinin qarşısını almaq məqsədilə adi daşsarmaşığı və digər sarmaşan bitkilər əkilərək “yaşıl sədlər” yaradılıb.
Məlumat üçün bildirək ki, IDEA İctimai Birliyinin təsisçisi və rəhbəri Leyla Əliyevanın təşəbbüsü ilə “Bizim həyət” layihəsi 2017-ci ildən etibarən icra olunur. Layihənin əsas məqsədi paytaxt ərazisində həyətlərin ekoloji cəhətdən təmiz və abad olması, yaşıllıqların bərpası, mənalı istirahət mühitinin formalaşdırılması, sakinlər üçün təhlükəsiz və rahat yaşam şəraitinin yaradılmasıdır. “Bizim həyət” layihəsi çərçivəsində bu günədək 157 ümumi yaşayış sahəsi abadlaşdırılaraq sakinlərin istifadəsinə verilib.
Qeyd edək ki, IDEA İctimai Birliyi həyətlərin abadlaşdırılması və yenidənqurma işlərinin aparılması istiqamətində sakinlərin təklif və müraciətlərini İctimai Birliyə təqdim etməyə çağırır. Müraciətlərinizi IDEA İctimai Birliyinin “qaynar xətt”i “1113” və ya e-mail ünvanına (info@ideacampaign.org) göndərməyiniz xahiş olunur.
Aprelin 10-da Sabunçu rayonu Maştağa qəsəbəsi ərazisində oğurluq hadisəsi baş verib.
İndex.az xəbər verir ki, vətəndaşın avtomobilindən 5000 manat oğurlanıb.
Zərərçəkən polisə məlumat verərək həmin gün bankların birindən götürdüyü krediti avtomobilə qoyduğunu və başına belə bir hadisənin gəldiyini bildirib.
Polisin keçirdiyi tədbirlərlə nəqliyyat vasitəsindən oğurluq edən 30 yaşlı İ.Əsədullazadə saxlanılıb.
Analoji hadisə Sumqayıt şəhərində də baş verib. Polisə daxil olmuş məlumat əsasında keçirilən tədbirlə avtomobildən külli miqdarda xarici valyuta və bank kartları oğurlayan 60 yaşlı A.Talıbov saxlanılıb.
Faktlarla bağlı araşdırma aparılır.
17 yaşında ABŞ-li professoru riyazi bilikləri ilə təəccübləndirib. Amma o, bu istedadını 15 yaşında dərk edib. Riyazi bilikləri ilə yaşıdlarından seçilsə də, uzun müddət bunun fərqində olmayıb. Ta ki, onu müəllimi kəşf edib 10-cu sinifdə riyaziyyat olimpiadasına göndərənə qədər... Məhz o olimpiadadan sonra karyera yolunu da seçib, bu yolla uşaqlıq arzusunu da reallaşdırıb, hətta ABŞ-li professoru da təəccübləndirməyi bacarıb.
TEREF "Kaspi" qəzetinin mövzuya dair məqaləsini təqdim edir.
Müsahib Pensilvaniya Dövlət Universitetinin 2-ci kurs tələbəsi Nihad Həsəndir. Nihad bu universitetdə kompüter elmləri ixtisası üzrə təhsil alır.
"O filmlərə baxdıqda, burada təhsil almağı xəyal edirdim"
2006-cı ildə Bakıda anadan olub. Cəmi bir il SAT və TOEFl-a hazırlaşıb və imtahanda iştirak edərək yüksək bal toplayıb. Türkiyə, Almaniya və İsveçrədən qəbul alsa da, uşaqlıq arzusunu reallaşdıraraq ABŞ-ni seçir: "ABŞ məni uşaqlıqdan baxdığım filmlərlə özünə cəlb etmişdi. Hər dəfə o filmlərə baxdıqda burada təhsil almağı xəyal edirdim. İmtahan verdim və yüksək bal topladım. Universitetlərə qəbul aldıqda, ölkələr arasında ABŞ-dən başqa, Almaniya, İsveçrə, Türkiyə də var idi. ABŞ uzaq olduğu üçün valideynlərim orada təhsil almağımı istəmirdilər. Amma xəyallarımın da önünü kəsmədilər. Atamla ilk dəfə buraya gəldim, universitetimlə tanış oldum və ABŞ macəram başladı".
"Seçildiyimin fərqində deyildim"
Yuxarıda da qeyd etdiyimiz kimi, Nihad riyazi istedadını gec kəşf edib. Buna qədər o, əksər oğlan uşaqları kimi polis, vəkil olmaq istəyib: "İnsan özünü kəşf edənə qədər hər yaşda müxtəlif peşələrə maraq göstərir. Bu, məndə də elə idi. Amma 10-cu sinifdə məktəbimizin direktoru mənə karyera yolumu tapmaqda işıq oldu. O vaxta qədər olimpiadalarda iştirak etmirdim. Direktor məni otağına çağırdı və dedi ki, riyaziyyat olimpiadasında iştirak etməlisən. Düzü, riyaziyyat fənnində yaşıdlarımdan seçildiyimin fərqində deyildim. Direktor dedi ki, səndə həvəs də var, bacarıq da, niyə qatılmayasan? Heç bir xüsusi hazırlıq keçmədən olimpiadada iştirak etdim və riyaziyyat üzrə birinci yeri qazandım. Bundan sonra riyaziyyat biliklərimə etibar etdim və kompüter elmlərinə marağımı inkişaf etdirdim. Kompüter elmlərinin nəbzi riyaziyyat və alqoritmlərdir. "Penn State"in bu ixtisasında riyaziyyata xüsusi önəm verilir. Tələbələr diskret riyaziyyat, hesablama nəzəriyyəsi, statistika və ehtimal, cəbri strukturlar kimi fundamental kurslar keçərək proqramlaşdırma və alqoritmik düşünmə qabiliyyətlərini gücləndirirlər. Riyaziyyatda bacarığı olan tələbələr bu proqramda sürətlə fərqlənə və yüksək nəticələr göstərə bilərlər. Bu yolu seçdiyim, bacardığım və sevdiyim sahədə peşəkarlaşmağa çalışdığım üçün özümü şanslı hesab edirəm".
"Təhsil metodları çox fərqlidir"
Nihad deyir ki, burada təhsil metodları fərqlidir: "Mən indi Azərbaycandakı dostlarımla dərsləri müzakirə edəndə bunun fərqinə varıram. Bura balaca şəhər kimidir və dərsləri, müəllimini, dərs saatını sən seçirsən. Professorları araşdırıb uyğun olanı seçirik. Bəzən başqa ölkədən olan professorların nitqini başa düşmək çətin olur, bunu dəyişə bilirik. "Penn State" Universiteti ABŞ-nin ən nüfuzlu ali məktəblərindən biridir və burada Kompüter Elmləri (Computer Science) ixtisası texnologiya sahəsində karyera qurmaq istəyənlərə imkanlar yaradır. Tələbə həyatı da çox aktivdir - texnologiya klubları, "hackathon" yarışları və sosial layihələr tələbələrin həm texniki, həm şəxsi inkişafına kömək edir".
"Professor "Nihad, gör düz yazmışam?" deyirdi"
Nihad deyir ki, elə birinci kursda ABŞ-li professor onun riyazi bacarıqlarının fərqinə varıb, hətta yaşının az olmasına baxmayaraq, iş üçün onu məsləhət bilib: "Riyaziyyatı tədris edən professorum dərsi izah edərkən bəzən mənimlə zarafatlaşırdı və geri dönüb soruşurdu ki, "Nihad, gör düz yazmışam?" Bu, məni çox sevindirirdi. Daha sonra elə ilk semestr mənə proqramçı köməkçisi vəzifəsinə iş təklifi gəldi. Bu iş üçün həftədə 300 dollar ödəyəcəklərini demişdilər. Amma dərslərimə daha çox fokuslanmaq istədiyim üçün imtina etdim. Daha sonra öyrəndim ki, məni onlara riyaziyyatı tədris edən professorum məsləhət görüb".
Nihad ABŞ-də də riyazi bacarıqları ilə digər tələbə yoldaşlarından seçilib. Amma ikinci kursda vəziyyət dəyişib: "İllər keçdikcə, görürəm ki, riyaziyyat dəryadır və əslində, hələ heç nə bilmirəm. Hər yeni konsept öyrənəndə deyirəm ki, heç nə bilmirəm. Birinci kursda seçilirdim, rəqabət yox idi. İndi isə rəqabət var və üstünlüyü saxlamağa çalışıram".
"Hər şey yaxşıdır, amma..."
Təbii ki, 17 yaşlı tələbə üçün ailəsindən uzaq ölkədə tək yaşamaq asan olmayıb: "İlk dəfə atamla gəlmişdim, özümü bir möcüzənin içindəki kimi hiss edirdim. Amma sonra çətinliyini yaşamağa başladım. İlk altı ay bu baxımdan yaddaşıma həkk olunub. Çox yorğun idim, amma o qədər motivasiyam var idi ki, bu yorğunluq da mənə zövq verirdi. Yorğunluqdan başqa üzərimdə çox böyük məsuliyyət var. Yad ölkədə təkəm və artıq hər işimi özüm həll etməyə çalışıram. Ailəm də mənə görə çox narahat idi. Amma onların güvənini boşa çıxara bilməzdim. Ona görə də bütün çətinliklərin öhdəsindən tək gəlirəm. Burada insanlar, mədəniyyətlər çox fərqlidir. İnsanlar ilk baxışda özünü tək hiss edir, amma dost tapmaq çətin deyil. Hər çətinliyin öhdəsindən gəlməyə çalışsam da, yemək problemini həll etmək mümkün deyil. Azərbaycan yeməklərini heç nə əvəz etmir. Nə qədər ləzzətli yemək təqdim etməyə çalışsalar da, eyni dad deyil. Hər şey yaxşıdır, amma yeməklərimizin həsrətini çəkirəm".
"Hədəfim öz şirkətimi qurmaqdır"
Gələcək planlarına gəldikdə isə, həmsöhbətimiz deyir ki, növbəti hədəfi öz şirkətini qurmaqdır: "Başlanğıc üçün hansısa şirkətdə işləyəcəm. Amma planım orada öyrənib öz şirkətimi açmaqdır. Öz məhsulumu kəşf etmək üzərində çalışıram. Hətta atam da məndən tez-tez soruşur: "Kəşf etmisənmi?"