Öldürüldüyü bildirilən İranın ali lideri Əli Xameneinin bacılarından birinin oğlu Mahmud Moradxani onun ölümünü “irəliyə doğru addım” adlandırıb.

Gununsesi.info  xəbər verir ki, Fransada yaşayan və İran hakimiyyətinə qarşı çıxış edən Mahmud Moradxani AFP agentliyinə müsahibəsində “Əksər iranlılar kimi mən də sevinirəm” deyə bildirib. Onun sözlərinə görə, ayətullahın ölümü İran üçün “irəliyə doğru addım” və “ümid” deməkdir.

Qeyd olunur ki, Mahmud Moradxaninin bacısı Fəridə Moradxani iranlı hüquq müdafiəçisidir və o, beynəlxalq ictimaiyyəti İran rejimi ilə əlaqələri kəsməyə çağırmışdı. /pravda.az/

Gununsesi.info

İranda Əli Xameneinin və ailə üzvlərinin ölümü təsdiqlənib.

Gununsesi.info xəbər verir ki, bu barədə İran dövlət televiziyası məlumat yayıb. Hakimiyyət orqanları 40 günlük milli matəm elan edib.

İranın “Fars” qəzetinin məlumatına görə, hücumda qızı da daxil olmaqla, Xameneinin ailəsinin dörd üzvü həlak olub.

Gununsesi.info

Əli Xameneinin ölüm xəbərindən sonra İranda kütləvi etirazlar başlayıb.

Gununsesi.info xəbər verir ki, minlərlə insan əsas meydanlarda toplaşır: yas tutur, eyni zamanda qisas çağırışları edir və “Amerikaya ölüm” şüarları səsləndirir. Məscidlərdə yas mərasimləri keçirilir və ölkə daxilində qara bayraqlar qaldırılıb.

Qeyd edək ki, mümkün varislər arasında ayətullahın oğlu Müctəba Xameneinin adı çəkilir. O, təhlükəsizlik qüvvələrində güclü əlaqələri olan “sistemdən” biri hesab olunur.

Daxili İşlər Nazirliyi növbəti dəfə vətəndaşlara müraciət edərək kiberdələduzluq hallarına qarşı diqqətli olmağı, naməlum nömrələrdən daxil olan zəng və mesajlara ehtiyatla yanaşmağı tövsiyə edib.

Gununsesi.info xəbər verir ki, müraciətdə ani diqqətsizliyin maddi vəsaitlərin itirilməsi və şəxsi məlumatların ələ keçirilməsi ilə nəticələnə biləcəyi vurğulanıb.

Qeyd olunub ki, özünü bank əməkdaşı kimi təqdim edən şəxslərin kart məlumatları, şifrə və digər məxfi məlumatları tələb etməsi, həmçinin qısa müddətdə yüksək qazanc vədləri dələduzluq əlamətləridir.

“Bank kartına dair məlumatlar, o cümlədən PIN-kod və digər məxfi məlumatlar heç bir halda üçüncü şəxslərlə paylaşılmamalıdır. Unutmayaq ki, heç bir bank və ya maliyyə təşkilatının nümayəndəsi bu məlumatları zəng və ya mesaj vasitəsilə tələb etmir.

Eyni zamanda “WhatsApp” tətbiqi üzərindən daxil olan zənglərə xüsusi diqqət yetirilməlidir. Özünü bank əməkdaşı kimi təqdim edərək “WhatsApp” vasitəsilə kart məlumatlarını tələb edən şəxslərə inanmayın, saxtadır.

Həmçinin sosial şəbəkələrdə göndərilən naməlum keçidlərə daxil olmaq şəxsi və maliyyə məlumatlarının ələ keçirilməsinə səbəb ola bilər. Bu səbəbdən “texniki dəstək” adı ilə edilən zənglər zamanı hər hansı məlumat verməzdən əvvəl qarşı tərəfin etibarlılığı mütləq şəkildə dəqiqləşdirilməlidir.

Risklə üzləşdiyiniz halda dərhal polisə və xidmət göstərən banka məlumat verilməsi tövsiyə olunur.

Unutmayaq ki, kibertəhlükəsizlik hər bir vətəndaşın məsuliyyətidir. Dələduzluq hallarına qarşı ayıq-sayıq olun. Şəxsi məlumatlar açardır, onu başqalarına vermə”, – müraciətdə deyilir.

Gununsesi.info

Təhsil sahəsində olan əsas problemlərdən biri də Dövlət qulluğuna qəbul və tələbə təqaüdü məsələləridir.

Zaman-zaman sözügedən məsələlərin həlli istiqamətində addımlar atılsa da, problem qalmaqda davam edir. 

Gununsesi.info xəbər verir ki, bəhs edilən məsələlər haqqında deputat Naqif Həmzəyev Milli Məclisin İnsan hüquqları komitəsinin bu gün keçirilən iclasında “Azərbaycan Respublikasının İnsan Hüquqları üzrə Müvəkkilinin (Ombudsmanın) 2025-ci il üzrə məruzəsi”nin müzakirəsi zamanı danışıb.

Deputat Naqif Həmzəyev Milli Məclisdə çıxışı zamanı gənclərin müsahibə mərhələsində hüquqlarının pozulduğunu və tələbələrin imtahan nəticələri ilə bağlı narazılıqların artdığını bildirib.

Deputat deyib ki, dövlət qulluğuna qəbulda problem yaşanır:

“Gənclərimiz imtahandan keçərək sertifikatlar əldə edirlər, ehtiyat kadr siyahısına daxil olurlar, amma, işlə təmin edilmirlər. Müsahibə mərhələsində onların hüquqları pozulur”.

Naqif Həmzəyev onu da qeyd edib ki, bir çox universitet tələbəsi imtahan zamanı ballarının məqsədyönlü şəkildə azaldılmasını və əlaçı təqaüdü almaqda çətinlik çəkdiyini söyləyir.

O, eyni zamanda bu məsələnin araşdırılmasını da vacib sayıb.

Gununsesi.info

“Bu günlərdə marketlərdən birində kifli pendirin kif olan hissəsinin kəsilib yenidən satışa qoyulması ilə bağlı görüntülər yayılmışdı. Minlərlə soydaşımız keyfiyyətsiz məhsul almağa davam edir”.

Gununsesi.info  xəbər verir ki, bunu Demokratiya və İnsan Hüquqları Komitəsinin sədri Çingiz Qənizadə Milli Məclisin İnsan hüquqları komitəsinin bu gün keçirilən iclasında İnsan Hüquqları üzrə Müvəkkilinin (Ombudsmanın) 2025-ci il üzrə məruzəsinin müzakirəsi zamanı bildirib.

“Çox ciddi bir faktdır. Bundan başqa, hansısa toyda, şənlikdə 200 adam zəhərlənir, amma nəticəsi nə olur? Heç kəs cəzalandırılmır.
Bir ara “Leş Tofiq” adı ilə tanınan şəxs də ölü ət satırdı, tutulurdu, amma 3 gündən sonra azad edirdilər. Ombudsmanla əməkdaşlığı yenidən qurmalıyıq. Bu, olduqca təhlükəli faktdır. Azərbaycan vətəndaşlarına qarşı qida terrorunun qarşısı alınmalıdır”, – Ç.Qənizadə qeyd edib.

Millət vəkili televiziya efirləri ilə bağlı məsələyə də reaksiya verib: “Bundan başqa, əxlaqsız kişi və qadınları sosial şəbəkələrdən, telekanallardan yığışdırmaq üçün səsimizi ucadan çıxaraq. Səsimiz çox zəif çıxır”.

Gununsesi.info