Xəzər rayonu, Buzovna qəsəbəsi Güloğlan Məmmədov küçəsində yaşayan sakinlər dörd ildir ki, zibil konteynerlərindən şikayətlənirlər.

Belə ki, əhali və yaxınlıqdakı iaşə obyektləri tullantılarını bura atır. Nəticə olaraq həyətin mərkəzində natəmizlik hökm sürür. Xüsusən də, isti havalarda bina üfunətə qərq olur.

Sakinlər iddia edirlər ki, yaranan vəziyyətdən dolayı bəzi sakinlər bu binadan köçüb gediblər.
Həmin əraziyə daxil olan 111 saylı mənzil istismar sahəsinin rəhbəri Zaman Qəribov bildirib ki, konteynerlərin ərazidə olması nəqliyyatın daha rahat çalışması üçündür və onların buradan götürülməsi məsələsinə baxılacaq.

Daha ətraflı Real TV-nin süjetində:

"Dönərxanalarla bağlı agentlikdə daha genişmiqyaslı tədbirlər həyata keçirilir”.

Bunu Baku TV-yə açıqlamasında Azərbaycan Qida Təhlükəsizliyi Agentliyinin aparat rəhbəri Elxan Mikayılov deyib.

Onun sözlərinə görə, dönərxanalar üçün yeni sanitariya norması hazırlanıb.

"Dönərxanalar tərəfindən çiy ətin hazırlanması qadağan ediləcək. Çiy ət yalnız sanitar-texniki tələblərə cavab verən ərazilərdə və istehsal sahələrində hazırlanacaq. Eyni zamanda yalnız baytarlıq nəzarətindən keçmiş çiy ətlərin hazırlanması həyata keçirilməlidir. Biz artıq bu tələblərin icrasına başlamışıq”, - deyə E.Mikayılov bildirib.

Qeyd edək ki, ötən gün Zaqatalada dönərdən kütləvi zəhərlənmə baş verib. İlkin ehtimala görə, zəhərlənmə toyuq ətindən hazırlanan dönərdən baş verib. Məlumata görə, zəhərlənən şəxslər Zaqatala şəhərinin müxtəlif dönərxanalarında hazırlanmış dönərlərdən istifadə ediblər.

Ətraflı süjetdə:

“Azərbaycanda qida zəhərlənmələri əhalidən illər boyu gizlədilib və bu gün də davam edir”.

Bunu Qaynarinfo-ya açıqlamasında Azad İstehlakçılar Birliyinin sədri Eyyub Hüseynov Zaqatalada dönərdən baş vermiş zəhərlənmə haqqında danışarkən deyib.

Sədr bu gün dönərxanalarda problemlərin yaşandığını qiqqətə çatdırıb:

“Mən iki il AQTA-da İctimai Şurada oldum, daima məsələ qaldırdım ki, dönərxanalarda vəziyyət pisdir, onu düzəltmək lazımdır. Bəzən də mənim çıxışlarım AQTA-ın ironiyasına səbəb olurdu. Dönərxanalarda, xüsusən də quş ətindən hazırlanan dönərlərdə problem yaşanır. Problem təkcə ətdə deyil, eləcə də mayonez və onun tərkibində olan qatqılardır. Mayonez açıldıqdan sonra onun saxlama müddəti 5 saatdan artıq deyil. Mayonezlər dönərxanalara açıq şəraitdə gətirilir, harada və necə hazırlandığını bilən yoxdur. Bundan əlavə dönərxanalar isti bir yerdə, mayonezlər isə bütün günü isti şəraitdə saxlanılır. Eləcə də bu gündən sabaha qalan dönərlərdə də problem yaşanır. Şəraitindən asılı olmayaraq sabaha qalan dönər kiflənəcək”.

Eyyub Hüseynovun sözlərinə görə, sabaha qalan dönərlərin yoxlanılması üçün nəzarət sistemi olmalıdır:

“Ciddi çatışmayan problemlərdən biri qanunlardakı boşluqdur. AQTA-ın səlahiyyəti yoxdur ki, istəlinən yerə cəld müdaxilə edə bilsin. Mütləq AQTA-nın əsasnaməsinə dəyişiklik edilib, cəld reaksiya mexanizmi qurulmalıdır. Bürokratik yoxlama mexanizmi mövcuddur. Belə bir vəziyyətdə əlbəttə ki, zəhərlənmələr çox olacaq. Belə davam edərsə, biz uzunömürlülər siyahısından bir az da aşağı düşəcəyik”.

Sədr hesab edir ki, Zaqatalada zəhərlənmənin səbəbi də xammaldır:

“Dönərxanalar məhsulları eyni yerdən götürür. Bu güman ki, quş ətidir və orada çirklənmə baş verib. AQTA müəyyən araşdırmalar aparmalıdır. Təəssüflər olsun AQTA günahı istehlakçıların özlərində görəcək. Qida zəhərlənməsinin qeydiyyatı ölkədə düzgün aparılmır. Mükəmməl istehlakçı siyasəti formalaşmalıdır”.

Qeyd edək ki, mayın 7-də Zaqatala rayonunda 40 nəfərə yaxın adam toyuq dönərindən zəhərlənib.

Dövlət Miqrasiya Xidməti tərəfindən qanunsuz miqrasiyaya qarşı keçirilmiş tədbirlər zamanı Bakı şəhərində müxtəlif ünvanlarda ünvan qeydiyyatına alınmadan və viza müddətindən artıq (qanunsuz) yaşayan 6 əcnəbi saxlanılıb.

Əcnəbi iş adamlarının Azərbaycanda yaşama icazələri əldə etməsi üçün yeni tələblər- MÜƏYYƏN EDİLİB
FED.az xəbər verir ki, xidmətin yaydığı məlumatda bildirilir ki, həmin şəxslərin xaricdə turizm xidmətləri göstərən həmvətənləri tərəfindən 1000-1800 dollar qarşılığında Azərbaycanda işlə təmin etmək vədi ilə aldadaraq ölkə ərazisinə gəlmələrinin təşkil olunması müəyyən edilib. Əcnəbilər ölkəmizdə yaşayan, ali təhsil müəssisələrinin birində əyani təhsil alan digər həmvətənləri tərəfindən qarşılanaraq müxtəlif ünvanlarda yerləşdirilib. Onlardan 3 nəfərin iş icazəsi əldə edilmədən tikinti işlərinə cəlb olunduğu, digər 3 nəfərin isə iş icazəsi almaq vədi ilə aldadılaraq pasportlarının alındığı, şikayət edəcəkləri təqdirdə, həbs olunacaqlarına dair təhdid edildiyi müəyyən edilib. Aşkar edilən hallarla bağlı materiallar hüquqi qiymət verilməsi üçün aidiyyəti hüquq-mühafizə orqanına göndərilib.

Ümumilikdə, 2024-cü ilin aprel ayı ərzində qanunsuz miqrasiyaya qarşı keçirilən tədbirlər zamanı Dövlət Miqrasiya Xidməti tərəfindən 785 əcnəbi saxlanılıb. Onların ölkə ərazisində olma və yaşama hüququ verən sənədlər olmadan (qanunsuz) yaşaması, ölkəyə gəlişinin bəyan edilmiş məqsədinə uyğun olmayan fəaliyyətlə məşğul olması, qanunsuz əmək fəaliyyətinə cəlb edilməsi və ya qeydiyyat ünvanı üzrə yaşamadığı müəyyənləşdirilib. Həmin dövr ərzində miqrasiya qanunvericiliyini pozan 202 əcnəbi Azərbaycan Respublikasının hüdudlarından kənara inzibati qaydada çıxarılıb və ölkəyə girişləri qanunla müəyyən edilmiş müddətə məhdudlaşdırılıb, digərlərinin ölkə ərazisində yaşamalarının qanuniləşdirilməsi və ya ölkəni könüllü tərk etmələri təmin olunub. Eyni zamanda ölkədə olma, yaşama, əcnəbilərin işə cəlb olunması və digər aidiyyəti məsələlərlə bağlı ümumilikdə 1598 inzibati qərar qəbul edilib.
Vətəndaşlardan qanunsuz miqrasiya halları ilə rastlaşdıqda Dövlət Miqrasiya Xidmətinin (012) “919” Çağrı mərkəzini məlumatlandırmaları xahiş olunur. Çağrı mərkəzi həftənin 7 günü 24 saat fəaliyyət göstərir.

Bu gün rayon yollarında boş sahələrdə stadion boyda supermarketlər inşa edilir. Supermarketlərə daxil olarkən yüzlərlə müxtəlif əndrabadi adda araq növləri satılır.

FED.az xəbər verir ki, bu fikirləri Milli Məclisin deputatı Sabir Rüstəmxanlı parlamentin mayın 7-də keçirilən plenar iclasında çıxışı zamanı deyib.

Onun sözlərinə görə, halbuki hamısı Azərbaycan sexlərində qeyri-qanuni yollarla istehsal edilir və yalnız üzərində dəbdəli adlar yazılır: “Qiyməti də təxminən 3-4-5-6 manatdır. Hamı da görür ki, bu saxta araqdır. Az maaş alanlar da həmin araqları alır və nəticədə kütləvi zəhərlənmə baş verir".

Deputat qeyd edib ki, bir neçə yaxın dostu İrandan gətirilən spirtdən düzələn arağa görə həyatını itirib:

"Ümumiyyətlə saxta içkiləri kim buraxır, niyə nəzarət yoxdur? Hansı ki, hər ad bir lisenziyadır. Əgər Azərbaycan bu qədər araq istehsal edirsə, niyə kənara çıxa bilmirik?! Vaxtı ilə ölkəmiz Ağdam şərabı Rusiyanın hər bölgəsində satılırdı. Azərbaycan şərabları bu gün də var. Ən yaxın əlaqədə olduğumuz Şimali Qafqazda ancaq gürcü, erməni içkiləri görürük. Amma Azərbaycan istehsalı içkilər tapılmır. Halbuki Azərbaycan pulu hesabına oradakı sanotoriyalar özünü saxlayır. İdxal yoxdursa deməli ya keyfiyyət aşağıdır, ya da işi qura bilməmişik”. (Report)

Bakı şəhərinin perspektiv inkişafı nəzərə alınmaqla Azərbaycan Avtomobil Yolları Dövlət Agentliyi tərəfindən Həsən Əliyev küçəsindən Ziya Bünyadov prospektinə paralel olaraq "Koroğlu" metro stansiyasına qədər yeni avtomobil yolunun tikintisinə start verilir.

AAYDA-dan verilən xəbərə görə, layihənin xüsusi dövlət əhəmiyyəti nəzərə alınmaqla Heydər Əliyev prospektində və Ziya Bünyadov prospektində nəqliyyat vasitələrinin sıxlığının azaldılması və hərəkətin təhlükəsizliyinin təmin edilməsi nəzərdə tutulur.

Sözügedən layihə çərçivəsində yol hərəkətinin təşkilinin texniki xarakteristikalarının qısa analizinin nəticələri nəzərə alınaraq, ərazidə nəqliyyat problemlərinin əsaslı həlli, əsas nəqliyyat yollarının birbaşa əlaqələndirilməsi, mühüm nəqliyyat funksiyasını yerinə yetirən yollar üzrə optimal birləşmənin təmin edilməsi və alternativ marşrutların yaradılması, habelə ərazidəki nəqliyyat yollarının məntiqi birləşməsinin təmin edilməsi, ərazinin küçə-yol şəbəkəsinin nəqliyyat planlaşdırma sxeminin tamamlanması məqsədilə layihənin icra edilməsi mütləq olaraq məqsədəuyğun hesab edilir.

Belə ki, layihənin keçəcəyi ərazi Nərimanov rayonundakı “Keşlə bazarı” ilə kəsişmədə yerləşir. Belə olan halda sözügedən bazarın sökülmə ehtimalları da artıb. Layihəyə əsasən, Bakıda metronun “Koroğlu” metrostansiyası ilə Həsən Əliyev küçəsini birləşdirən yolun salınması ilə əlaqədar paytaxtın Nərimanov rayonunda yerləşən “Keşlə bazarı”nın sökülməsi gözlənilir. Məlumat hələ təsdiqini tapmasa da, bazrın sökülmə ehitmalının olduqca böyük olduğunu vurğulamaq istərdik.

Referans.az xatırladır ki, "Keşlə Bazarı"nın söküləcəyi ilə bağlı məlumatlar yeni deyil. Belə ki, paytaxtın bu məşhur bazarının sökülməsi ilə bağlı xəbər hələ 2015-ci ildə elə məhz sözügedən yolun çəkilməsi ilə bağlı məlumat verildikdən sonra aktuallaşmışdı. Lakin sözügedən yolun tikintisi həmin il təxirə salındı və keçdiyimiz günlərə qədər də bir xəbər yox idi. Lakin AAYDA metronun "Koroğlu" stansiyası ilə Həsən Əliyev küçəsini birləşdirən yolun salınması ilə bağlı qərarı açıqlandıqdan sonra yenidən bu məsələ gündəmə gəlidi.

"Keşlə bazarı"nın sökülməsinin artıq plana salınacağı gözlənilir və buna səbəb yolun bazarın ərazisindən keçəcək hissəsinin olmasıdır.

Mövzu ilə bağlı Nəqliyyat məsələləri üzrə ekspert Elməddin Muradlı Referans.az-a açıqlamasında bildirdi ki, bu günə qədər bir çox dövlət layihələrinin icrasına görə Bakıda onlarla bazar və ya böyük obyektlər sökülüb:

“İstənilən halda hər hansı obyekt söküləcəksə, deməli bunun öncədən planlaşdırılması aparılıb. “Keşlə bazarı”nın sökülməsi uzun zaman tələb edir ki, bunu la bağlı ciddi araşdırmalar aparılsın və təxminən nə qədər infrastruktur lazımdır və s. Binə və Sədərək vaxtilə hava limanının yanında yerləşirdi. Amma söküldü və Qaradağ rayonuna köçürüldü. “Təzə Bazar”ın özü də söküldü və yox elədilər”.

Ekspert qeyd edib ki, əsas məqsəd yol nəqliyyat ifrastrukturunun təşkili məsələsidir. Bu məsələnin özü AAYDA tərəfindən araşdırılıb və ciddi nəticələrinin olacağı gözlənilir.

Məsələ ilə əlaqədar Azərbaycan Avtomobil Yolları Dövlət Agentliyinin (AAYDA) mətbuat katibi Anar Nəcəfli Referans.az-a bildirib ki, hazırda ərazidə profilaktik işlər aparılır və hansı obyektlərin sökülüb-sökülməyəcəyi araşdırılır.

“Bununla bağlı hazırda, həmin ərazidə qiymətləndirmə işləri aparılır. Hansı ərazidə hansı obyektlərin söküləcəyi dəqiqləşdirilir. Bununla bağlı öncədən hər hansı dəqiqləşdirilməmiş məlumat vermək düzgün olmaz. Yekun nəticə əldə olunsun, həmin zaman ictimaiyyətə məlumat veriləcək”.

İşğaldan azad olunmuş ərazilərdə yenidənqurma işləri sürətli şəkildə həyata keçirilir. Yeni layihələr icra olunur.

Onlardan biri də Horadiz-Ağbənd dəmir yolu xəttidir.

Hazırda işlər mərhələli şəkildə davam edir.

Qeyd edək ki, 2021-ci ilin fevral ayında Prezident İlham Əliyev tərəfindən təməli qoyulan Horadiz-Ağbənd dəmir yolu xəttinin ox üzrə uzunluğu 110,4 km təşkil edir.
Layihə çərçivəsində doqquz stansiyanın (Horadiz, Mərcanlı, Mahmudlu, Soltanlı, Qumlaq, Həkəri, Mincivan, Bartaz, Ağbənd), üç ədəd tunel, 41 ədəd körpü, üç ədəd qalereya, yeddi ədəd yolötürücü və ümumilikdə isə 500-ə yaxın süni mühəndis qurğusunun tikintisi planlaşdırılır.

Ətraflı “AzTV Xəbər”in süjetində:

"Badamdar Estates" Məhdud Məsuliyyətli Cəmiyyətinə (MMC) məxsus "Badamdar Hotel & Residences"də külli miqdarda mənimsəmə faktı qeydə alınıb.
TEREF "Qaynarinfo"ya istinadla xəbər verir ki, hadisədə günahlandırılan Qarayev Dünyamalı İntizam oğlu barəsində Cinayət Məcəlləsinin 179.3.2-ci (mənimsəmə, külli miqdarda) maddəsi ilə cinayət işi açılıb və baxılması üçün Bakı Ağır Cinayətlər Məhkəməsinə göndərilib.
İşə hakim Novruz Kərimovun sədrliyi ilə baxılacaq.
Qeyd edək ki, "Badamdar Estates" MMC-nin qanuni təmsilçisi Anar İbrahimov Əhmədiyə oğludur. MMC-nin hazırda İqtisadiyyat Nazirliyi yanında Dövlət Vergi Xidmətinin Bakı şəhəri Lokal Gəlirlər Baş İdarəsinə 23876.42 manat vergi borcu var. Anar İbrahimov Azərbaycanda ən məşhur otellərin baş meneceridir.

Rusiyada fəaliyyət göstərən tanınmış azərbaycanlı bloger Hüseyn Həsənovun 153 milyon rubldan çox vergi borcu var.

Bu barədə Rusiya Federal Vergi Xidməti məlumat yayıb.

Məlumata görə, borc səbəbindən Vergi Xidməti blogerin restoran və qida çatdırılma şirkətlərinin hesablarını bloklayıb. (Axar.az)