Daxili İşlər Nazirliyinin Baş Narkotiklərlə Mübarizə İdarəsinin əməkdaşları tərəfindən narkotik vasitələrin qanunsuz dövriyyəsinin qarşısının alınması məqsədilə əməliyyatlar davam etdirilir.

Nazirlıikdən Gununsesi.info-ya verilən məlumata görə, paytaxt Bakı ərazisində keçirilən növbəti tədbirlər zamanı Fərid Əhmədov, tanışı Pünhan Cəlilov, Taleh Sadıqov və Ruslan Hüseynli saxlanılıblar.

Onlardan ümumilikdə 43 kiloqram 500 qram tərkibinə zərərli maddələr əlavə edilmiş marixuana aşkarlanıb. Saxlanılanların narkotikləri pul qazanmaq məqsədilə müxtəlif ünvanlara yerləşdirməyi planlaşdırdıqları məlum olub.

Faktlarla bağlı cinayət işləri başlanılıb, saxlanılan şəxslər barəsində məhkəmənin qərarı ilə həbs qətimkan tədbiri seçilib.

Gununsesi.info

Gürcüstanın üçüncü Prezidenti Mixeil Saakaşvili özünün rəsmi sosial şəbəkə hesabında Gürcüstan azərbaycanlıları arasında müzakirələrə səbəb olacaq açıq paylaşım edib.

Gunnsesi.info Marneulinews.ge  saytına istinadən xəbər verir ki, o, özünün hakimiyyəti dövründə baş verənlərdən yazıb.

Saakaşvili iddia edib ki, Gürcüstan azərbaycanlıları İrana meyilli olduqları üçün Azərbaycan quru sərhədlərini bağlayıb.

Marneuli Mərkəzi Hz. İmam Əli (ə) Məscidində inanclıların əllərində İranın mərhum ali dini lideri Seyyid Əli Xameneinin fotosunu tutduğunu paylaşan Mixeil Saakaşvili qeyd edib:”

“Bu, hər birimiz üçün ekzistensial məsələdir. Necə oldu ki, İranın adamyeyən rejiminin tərəfdarı bizim azərbaycanlı əhalimizin xeyli hissəsi oldu? Necə oldu ki, Marneulidə gənclər Xameneinin portretləri ilə qaçırlar?

Və ya necə oldu ki, bizim azərbaycanlılar İranın terrorçu xüsusi xidmət orqanları üçün çox asan ‘verbovka olunanlara’ çevrildilər? Necə oldu ki, elə bir vəziyyətə gəldik ki, Azərbaycan öz ərazisinə bizim azərbaycanlı həmvətənlərimizi buraxmamaq üçün Gürcüstanla sərhədi bağlamağa məcbur oldu? Fikir verin? Azərbaycan azərbaycanlıları buraxmır.

Güllər inqilabına qədər azərbaycanlılar təcrid olunmuş şəkildə yaşayırdılar. Əsasən kənd təsərrüfatı ilə məşğul idilər, gürcü dilini bilmirdilər, ictimai həyatda iştirak etmirdilər. Milis onları amansız şəkildə sıxışdırırdı.

Bir dəfə Şevardnadzenin dövründə, mən ədliyyə naziri işləyərkən Bolnisidə Dezertirlər bazarına gedən avtobusa mindim. Axırıncı yerdə oturmuşdum, gün eynəyi və papaq taxmışdım, bizi tanımasınlar deyə. Eyni zamanda yol polisinin bizi necə saxladığını videoya çəkirdik.

Bazara çatana qədər bizi düz 21 dəfə saxladılar və hər dəfə pul tələb etdilər. Azərbaycanlıların pulu qurtaranda, Tbilisinin girişinə yaxın bir yerdə milis pomidoru, soğanı, süpürgələri əllərindən almağa başladı.

Bu videonu Şevardnadzeyə və onun nazirlərinə Təhlükəsizlik Şurasının iclasında göstərdim. Prezidentin reaksiyası sıfır idi, nazirlər isə gülüşürdülər.

Bizim hakimiyyət 2004-cü ildən etibarən milisi ləğv etdi və insanların sıxışdırılması dayandırıldı.

Sonra azərbaycanlıların inteqrasiyası üçün ciddi addımlar atmağa başladıq. Təhsil naziri Kaxa Lomiya tərəfindən görülən ilk işlərdən biri azərbaycanlı və erməni gənclər üçün universitetə qəbulun asanlaşdırılması oldu.

Bundan sonra əvvəllər yalnız Azərbaycana oxumağa gedən azərbaycanlı gənclər Gürcüstanda qaldılar.

Bundan əlavə, sonradan biz gürcü magistrantları azlıqların yaşadığı regionlara gürcü dili müəllimi kimi göndərdik və onlara ayda 1500 lari maaş verdik. Bu o vaxt təxminən 900 dollar idi (inflyasiya nəzərə alınsa, indiki təxminən 1600 dollar).

Bundan başqa, biz azərbaycanlıların dövlət orqanlarında irəli çəkilməsinə başladıq. Bu kifayət idi? – Yəqin ki yox. Amma ümumilikdə düzgün istiqamətdə hərəkətə başlamışdıq.

Bəs ‘Gürcü Arzusu’nun dövründə nə oldu? Korrupsiya və açıq reket qayıtdı və ən əsası, İrandan gələn islamçılar və İranın kəşfiyyat xidmətləri gücləndi.

Son vaxtlar Kvemo Kartlidən bir neçə nəfər Avropa ölkələrində İran üçün casusluq etdiyinə görə saxlanılıb (onlardan sonuncusu bir neçə gün əvvəl Yunanıstanda həbs edildi).

İslamçıların təsiri xüsusilə gənclər arasında güclüdür. Azərbaycan dini radikalizm qorxusuna görə onlara sərhədini bağlayıb, Tbilisi isə onlara heç bir gələcək təklif etmir – necə ki, gürcü gənclərinə də təklif etmir.

Gürcülər buna etiraz və ya xaricə köçməklə cavab verirlərsə, azərbaycanlılar rahatlığı İranın radikal şiəliyində tapırlar.

Nəticə çox kədərlidir. Biz çox təhlükəli etnik münaqişəyə yaxınlaşırıq. Rusiyanın bizə zorla qəbul etdirdiyi dövlət sisteminin sökülməsi məhz buna gətirib çıxarır. Bunları təcili qovmalıyıq. Əks halda yaxın illərdə Gürcüstan asanlıqla parçalanacaq.

Gürcüstanda azərbaycanlıların inteqrasiyası üçün mənim qədər heç kim heç nə etməyib. Onları mənim qədər sevən də olmayıb. Amma yalnız keçmişi xatırlamaqla uzağa gedə bilmərik. Nəticəyə yalnız bütün etnik mənşələrdən olan vətəndaşlarımızı birləşdirərək çata bilərik. Gürcüstanın və onun hər bir vətəndaşının azadlığına”.

Gununsesi.info

“İran İslam Respublikasının ərazisindən həyata keçirilmiş dron hücumları regionda sabitlik və təhlükəsizlik üçün ciddi təhdid yaradan hadisə kimi qiymətləndirilməli və qətiyyətlə pislənilməlidir. Belə hadisələrin baş verməsi fonunda məsuliyyət məsələsi hərtərəfli və obyektiv şəkildə araşdırılmalı, beynəlxalq hüququn norma və prinsipləri əsasında aydın mövqe ortaya qoyulmalıdır”.

Bunu Gununsesi.info-ya açıqlamasında YAP İdarə Heyətinin üzvü Rauf Əliyev deyib.

Onun sözlərinə görə, Naxçıvan ərazisinə qarşı dron zərbəsinin endirilməsi regionda təhlükəsizlik və qarşılıqlı etimad mühitinə xələl gətirən qəbuledilməz addım kimi dəyərləndirilməlidir.

“Xüsusilə də mülki infrastruktura qarşı yönəlmiş hər hansı hücum beynəlxalq humanitar hüququn norma və prinsiplərinə ziddir və bu cür addımlar heç bir halda məqbul sayıla bilməz.

Bu kimi hərəkətlər beynəlxalq hüququn əsas prinsiplərinin pozulması olmaqla yanaşı, regionda gərginliyin artmasına və sabitliyin pozulmasına səbəb ola bilər. Bu baxımdan İran tərəfinin qısa müddət ərzində məsələyə aydınlıq gətirməsi, müvafiq izahat verməsi və gələcəkdə belə halların baş verməməsi üçün zəruri tədbirlər görməsi vacib hesab olunur. Azərbaycan dövləti isə hər zaman mehriban qonşuluq, qarşılıqlı hörmət və əməkdaşlıq prinsiplərinə sadiq qalıb və heç bir dövlət üçün təhlükə mənbəyi olmayıb”-deyə, o, bildirib.

Rauf Əliyevin sözlərinə görə, Azərbaycan Prezidenti tərəfindən İranın Ali Liderinin vəfatı ilə bağlı başsağlığının ifadə olunması və diplomatik nümayəndəliyin ziyarət edilməsi yüksək siyasi mədəniyyətin, humanizm və qarşılıqlı hörmətin bariz nümunəsi kimi qiymətləndirilməlidir:

“Azərbaycan dövləti daim məsuliyyətli və səmimi siyasət yürüdərək, çətin anlarda qonşu xalqlara humanitar dəstək göstərməyə hazır olduğunu nümayiş etdirib.

Əgər mülki obyektlərin və mülki vətəndaşların istifadə etdiyi infrastrukturların hədəfə alınması faktı təsdiq olunarsa, bu, beynəlxalq hüququn ciddi pozuntusu kimi qiymətləndirilməlidir. Azərbaycan dövləti isə hər zaman soydaşlarımızın hüquq və azadlıqlarının qorunmasına xüsusi həssaslıqla yanaşır və onların müdafiəsini prioritet məsələ kimi qəbul edir. Tarixi təcrübə də göstərir ki, aqressiv və məsuliyyətsiz addımlar heç vaxt uzunmüddətli nəticə vermir və sonda öz siyasi-hüquqi qiymətini alır.
Azərbaycan Respublikası suveren dövlət kimi ölkənin təhlükəsizliyini təmin etmək və vətəndaşlarının müdafiəsini qorumaq məqsədilə beynəlxalq hüquqa uyğun bütün zəruri addımları atmaq hüququnu özündə saxlayır və regionda sülhün, sabitliyin və qarşılıqlı əməkdaşlığın möhkəmləndirilməsinin tərəfdarı olaraq qalır”.

Şəbnəm

Gununsesi.info