 |
|
|
2023-ci il üzrə dünyanın ən yaxşı qida məkanlarının adları məlum olub. Foodinfo.az xəbər verir ki, tanınmış səyahət platforması “Tripadvisor”da 2023-ci il ərzində turistlər arasında qida məkanları ilə bağlı səsvermə keçirilib. Nəticələrə əsasən, Bakı şəhəri dünya miqyasında qida məkanları siyahısında 13-cü yeri tutub.Qeyd edək ki, siyahı sayt istifadəçilərinin rəy və fikirlərinə əsaslanır və minlərlə şəhərin arasından qida məhsullarının əlçatanlığına görə 25 şəhər “Best of the Best” mükafatına layiq görülür. Platformanın veb-saytındakı “Dünya üzrə qida məkanları” bölməsində Bakının mövcud reytinqi ölkəmizdə son zamanlar qida sahəsində həyata keçirilən davamlı və məqsədyönlü tədbirlərin nəticəsi kimi qiymətləndirilir. “Tripadvisor” turistlər üçün maraqlı məkanları, ən yaxşı otelləri, yemək üçün uyğun restoranları tövsiyə edir. Platformanın 8 milyonluq siyahısının cəmi 1%-dən az hissəsi “Best of the Best” mükafatına layiq görülür ki, bu da səyahətdə ən yüksək mükəmməllik səviyyəsini göstərir.
Sərhdin delimitasiyası ilə bağlı gündəmə gələn xəritələrin Ermənistanda narahatlıqla müzakirə edilməsi səbəbsiz deyil. Çünki İrəvanda anlayırlar ki, üzərində dövlət qurduqları ərazilər Azərbaycana məxsusdur və iki ölkə arasında delimitasiya prosesi aparılmadığı, eləcə də rəsmi şəkildə ərazi bütövlüyü tanınmadığı üçün Bakı bu ərazilərin tələbini aktuallaşdıra bilər.
Bu barədə Axar.az-a açıqlamasında “Teleqraf” Media Qrupunun rəhbəri, politoloq Aynur Camal deyib.
A.Camal Ermənistanın Baş naziri Nikol Paşinyanın bir müddət öncə dilə gətirdiyi və mütəmadi olaraq səsləndirdiyi “kadastr” məsələsini xatırladıb:
“Paşinyan daxili auditoriyaya ünvanladığı çıxışlarında bildirir ki, Azərbaycanla sülh sazişinin imzalanması Ermənistanın “kadastr” əldə etməsi deməkdir. Çünki Nikol anlayır ki, sülh sazişi imzalanmadığı, sərhəd müəyyənləşmədiyi müddətdə Ermənistanın müstəqilliyi tanınsa belə, hazırda mövcud olduğu ərazilər üzərində legitimliyi sual altındadır. Prezident İlham Əliyevin gündəmə gətirdiyi AXC dövrünün xəritələri buna görə Ermənistanda narahatlıq yaradır və rəsmi İrəvan həm rəsmi şəxslər, həm də hakimiyyətə bağlı siyasətçilər vasitəsilə əks-arqumentlər irəli sürməyə çalışır”.
Politoloq qeyd edib ki, Prezident İlham Əliyev yerli telekanallara müsahibəsində sərhədin hansı əsaslarla delimitasiya olunmasına dair konkret istiqamətlər irəli sürdü:
“Bunlardan biri AXC dövrünün və sovetləşmənin başladığı illərin xəritələridir. Yəni dövlət başçısı AXC yarananda qanunsuz şəkildə ermənilərə verilən İrəvanın, eləcə də sovetləşmə başlayanda verilən Zəngəzurun, Göyçənin, Dərələyəzin və digər ərazilərin qaytarılmasını aktuallaşdırır. Digəri SSRİ dövründə xronoloji ardıcıllıqla Ermənistana otlaq və əkin sahəsi adı altında “bağışlanan” ərazilərimizdir. Söhbət 1926-1969-cu illərə qədərki dövrdə verilən ərazilərdən gedir. Əgər delimitasiya bu əsasla həyata keçirilərsə, o zaman Qərbi Zəngəzurun böyük hissəsi üzərində nəzarəti bərpa edə bilərik. Ermənistandakı müzakirələr göstərir ki, Prezidentin bu çıxış onların kabusuna çevrilib”.
A.Camal Ermənistan parlamentinin “Mülki Müqavilə” fraksiyasından olan deputatı Gevorq Papoyanın xəritələrlə bağlı iddialarına da diqqət çəkib. Qeyd edib ki, Papoyan öz aləmində 1918-ci illərdəki erməni xəritəsini nəzərdə tutsa da, əslində özünü, dolayısı ilə də Ermənistanı “tələyə” salır:
“Paşinyanın deputatı bildirir ki, Bakı hüquqi qüvvəyə malik xəritə təklif etməlidir. Əlavə edir ki, elə xəritələr təqdim olunmalıdır ki, Ermənistan və Azərbaycan müstəqil dövlətlər olub, yaxud SSRİ daxilində müəyyən sərhədlər var idi. Erməni deputat bununla AXC dövrünün xəritələrinə əks-arqument irəli sürməyə cəhd edir, halbuki onun irəli sürdüyü tezis belə Azərbaycana tarixi torpaqlarının qaytarılması məsələsini delimitasiya prosesinə daxil etmək imkanı verir. Birincisi, Azərbaycan AXC-nin hüquqi varisidir və bu, o deməkdir ki, Cümhuriyyət dövrünün xəritələri hüquqi əsasa malikdir. İkincisi, Papoyanın dediyi “müstəqil dövlətlər” məsələsi yenə ötən əsrin əvvəlindəki xəritələri aktuallaşdırır, çünki Azərbaycan və Ermənistan 1918-ci ildə müstəqil olub və həmin dövrün xəritələri hüquqi sənəd kimi qəbul edilə bilər. Azərbaycanın müstəqilliyi 1920-ci il 11 yanvarda Paris Sülh Konfransında Antanta Ali Şurası tərəfindən tanınıb və Konfransda təqdim edilən xəritələr də sübut edir ki, həmin vaxt Zəngəzur, Göyçə, Dərələyəz suveren ərazimiz idi. O zaman sərhəd xətti Göyçə gölünün ortasından keçirdi. Sovetləşmə xəritələri isə yalnız 28 aprel 1920-ci il aiddir, şünki həmin ilin ikinci yarısından başlayaraq, artıq Azərbaycanın ərazilərinin “bağışlanması” prosesinə start verilmişdi”.
A.Camal qeyd edib ki, Ermənistanın çıxış yolu yoxdur:
“Bunu erməni siyasi elitası və politoloqları da yaxşı bilirlər. İki gün öncə politoloq Armen Baqdasaryan erməni mediasına müsahibəsində də bu ictimai panikanı dilə gətirdi və bildirdi ki, 1991-ci ildə müstəqillik əldə etdikdən sonra Azərbaycan özünü Sovet Azərbaycanının deyil, Azərbaycan Demokratik Respublikasının varisi elan edib. “Onun sərhədləri isə Sovet İttifaqındakından tamamilə fərqlidir”, - Baqdasaryan etiraf etmişdi.
Bu isə o deməkdir ki, Ermənistanın 1918-ci ildə 9 min kv.km-dan bir az çox ərazidə müstəqil respublika elan olunduğunu da, Azərbaycanın Paris Sülh Konfransında təsdiqlənən xəritədə mübahisəsiz ərazilərinin sahəsinin 98 min kv.km-ya yaxın (97.297,67) olduğunu da (mübahisəli ərazilərlə birgə 113,9 min kv.km) ermənilər yaxşı bilirlər. Buna görə də ciddi təlaşdadırlar”.
Rəsmi İslamabad İranın Pakistan ərazisinə hərbi hücumuna cavab vermək hüququnu özündə saxlayır.
"Report"un məlumatına görə, bunu Pakistanın müvəqqəti hökumətinin xarici işlər naziri Cəlil Abbas Cilani iranlı həmkarı Hüseyn Əmir Abdullahiyanla telefon danışığında deyib.
Pakistanın bu hücumu qeyd-şərtsiz pislədiyini bildirən XİN rəhbəri insidentin ölkələr arasında ikitərəfli münasibətlərə ciddi ziyan vurduğunu əlavə edib. Nazir qeyd edib ki, Pakistan bu təxribatçı hərəkətlərə cavab vermək hüququnu özündə saxlayır.
Qeyd edək ki, yanvarın 17-də İnqilab Keşikçiləri Qvardiyası (SEPAH) Pakistana dron və raketlərlə zərbələr endirib.
“Generallar və nazirin varlandıqları, milyonlarla sərvət topladığı vaxt sıravilərin alt paltarı belə yox idi”
Ermənistanın sabiq müdafiə naziri, hazırda müxalifət fraksiyasında təmsil olunan deputat Seyran Ohanyan erməni ictimaiyyəti tərəfindən sərt tənqidə tuş gəlməkdədir. Nikol Paşinyan hökumətinin ordu ilə bağlı siyasətini tənqid edən Ohanyanın özü tənqid edilir. Erməni analitiklər ordunun rəzil gündə olmasının əsas səbəbini sabiq rəhbərlər Robert Köçəryanın və Serj Sarkisyanda və onların yaxın məmuru olmuş Ohanyanın bacarıqsızlığında görürlər.
Məsələn, siyasi şərhçi Tevos Arşakyan yazdığı məqaləsində bildirir ki, bütün postsovet dövründə Ermənistanın müdafiə nazirləri ilə bağlı bəxti gətirməyib: “Belə görünürdü ki, Birinci Qarabağ müharibəsindən sonrakı illərdə Müdafiə Nazirliyində ən mühüm postları tutacaq şəxslər bacarıqlı komandirlərdən olacaq. Amma hər şey tam tərsinə oldu. Ermənistan Müdafiə Nazirliyinin başına keçənlər kürsüyə yalnız zənginləşmə fürsəti kimi baxdılar. Burada Köçəryana və xüsusən də Sarkisyana yaxınlığına görə nazir kürsüsündə ən uzun müddət oturmuş general-polkovnik Seyran Ohanyan fərqlənir. Ohanyanın dövründə hərbi idarə tamamilə korrupsiya bataqlığında idi və ordu sürətlə parçalanmağa başladı. İndi parlamentin “Ermənistan” fraksiyasının rəhbərinin hazırki hakimiyyətin ünvanına ittiham xarakterli çıxışlar etməsi, özünü “vətən maraqlarının ehtiraslı keşikçisi” kimi göstərmək cəhdləri gülüncdür”.
“Eyni zamanda, Seyran Muşeqoviç hələ də Ermənistanın gələcəyi ilə bağlı qorxulu hekayələr səsləndirməyi bacarır. Onun dediyinə görə, ölkənin gələcəyi qeyri-müəyyən görünür, amma o və rəhbəri ölkəyə başçılııq etsə, belə olmayacaq. Jurnalistlərlə söhbətində Ohanyan deyib ki, “biz elə bir vəziyyətdəyik ki, hər zaman ölkəmizi müdafiə etməyə hazır olmalıyıq”. Və Muşeqoviç əlavə edir: “Aydındır ki, danışıqlar bitən yerdə düşmənçilik başlayır. Odur ki, biz ölkəmizin təhlükəsizliyinin təmin edilməsi baxımından iki prioritet görməliyik. Birincisi, bu, milli təminatların – ordunun formalaşması, möhkəmlənməsi, sərhədlərimizin vaxtında möhkəmləndirilməsidir. İkincisi, beynəlxalq təminatların formalaşdırılması, yəni ağlabatan danışıqlarla xarici siyasət. Bizim vəziyyətimizdə, xüsusən də strateji tərəfdaşlar və qonşularla münasibətlərin pisləşməsi yolverilməzdir”. Yəni demək istəyir ki, sülh gündəmi yalandır, bu, Ermənistanı aldatmaqdır. Guya ki, Ohanyan "narahatdır". Hətta Paşinyanı “strateji tərəfdaşlarla münasibətlərin korlanmasında” qınadı. Həmişə marionetkası olduğu Rusiyaya yarındı, rus çəkmələrini yalamağı yenə bacardı”, - Arşakyan Ohanyana reaksiyasında yazır.
Analitik hesab edir ki, Köçəryanın, Sarkisyanın, Ohanyanın və daşnakların simasında olan müxalifət öz cinayət əməlləri ilə cəmiyyət arasında nifaq salır: “Cəmiyyətin çətin vəziyyətə düşdüyü bir vaxtda onun konsolidasiyasının qarşısını alır. Onlar müvəqqəti olaraq ağızlarını bağlamaq və hökumətin mövcud vəziyyətdən çıxmaq cəhdinə mane olmamaq əvəzinə, ölkəni daha da bezdirmək üçün hər şeyi edirlər. Müxaliflər hesab edirlər ki, ölkə nə qədər pis olarsa, Paşinyanı devirmək və hakimiyyətə qayıtmaq şansları bir o qədər artır. Bu, sadəlövhlükdür. Anlamadıqları şey odur ki, xalq onları devirmədi ki, sonra hakimiyyətə qaytarsın. Buradan üzümü onlara tuturam: sizin hakimiyyətiniz zamanı dözülməz vəziyyət idi və siz bizim dövlətin başında görmək istədiklərimizin uzun siyahısında sonuncusunuz”.
“Orduya gəlincə. Onun vəziyyəti haqqında Ohanyan yox, başqası danışmalıdır. Axı ordunu məhv edən Ohanyan və onun kimi generallar olub. Müdafiə Nazirliyinin binalarını, torpaq sahələrini güzəştli qiymətlərlə özgəninkiləşdirən, sonradan on dəfə baha qiymətə satan o və generalları deyildi?! Məhz Ohanyan və onun generalları öz xidməti vəzifələrini yerinə yetirmədilər ki, bu da ağır nəticələrə gətirib çıxardı. Xüsusən də 2016-cı ilin aprelində, Azərbaycanın müharibəyə hazırlığı açıq-aydın görünən vaxt Ohanyanın rəhbəri olduğu hərbçilər başqa işlərlə, rüşvətlə məşğul idilər. Məhz Ohanyan və onun generalları qeyri-döyüş şəraitində çoxsaylı hərbi qulluqçuların ölümünə görə məsuliyyət daşıyırlar. Hansı ki, buna görə onlardan heç biri cəzalandırılmayıb. “Dedovşina”, hərbidə oğurluqlar, zabitlərin özbaşınalığı, əsgərlərin vəhşicəsinə öldürülməsi və döyülməsi, irimiqyaslı korrupsiya - bütün bunlar Ohanyan müdafiə naziri olanda vəhşicəsinə çiçək açıb”, - deyə Arşakyan əlavə edib.
Siyasi icmalçı bildirir ki, həmin vaxt heç kim Ohanyanın və generallarının məsuliyyətə cəlb olunmasını tələb etməyə cürət etmirdi: “Çünki Sarkisyan şəxsən Ohanyanın arxasında dayanırdı. Ohanyan yalnız 2016-cı ilin aprel uğursuzluğundan sonra vəzifəsindən getmək məcburiyyətində qaldı. Lakin Sarkisyanın dövründə onlar məsuliyyətə cəlb olunmadılar. Yalnız inqilab baş verəndə yeni hakimiyyət onların bəzilərini cəzalandırmaq qərarı verdi. Məhz o zaman ordumuzdakı gözəgörünməz vəziyyətin üstü açılmağa başladı. Generallar və nazirin varlandıqları, milyonlarla sərvət topladığı vaxt sıravilərin alt paltarı belə yox idi. Ohanyan qıvrılaraq bəyan etdi ki, generalların şəxsi mülkləri, onların bahalı malikanələri və mənzilləri müdafiə büdcəsi ilə heç bir əlaqəsi yoxdur. Bu nə deməkdir, Seyran Muşeqoviç!? Yəni sizin və generallarınızın məsələsində göydən zolaqlı şalvarınızın cibinə pul düşürdü? Milyonlarla dollar qazandınız, mövqelərdəki əsgərlər isə yağışda islanmışdılar, normal ayaqqabıları yox idi, hətta gecə görmə cihazları da yox idi. Bütün bunlara görə ilk növbədə Seyran Ohanyan məsuliyyət daşıyır. İndi birdən ordunun vəziyyəti və ölkənin gələcəyi ilə bağlı “narahat” olur. Məncə, tam bir əclaf kimi görünməmək üçün susmaq daha yaxşı olardı”.
Müəllif: Turan Abdulla
Ayna.az
İran qurumlarının məsləhətçisi və bu ölkənin tədqiqatçısı Əli Əkbər Raefipur "X" tətbiqindəki açıqlamasında deyib:
"İraqın Ərbil vilayətini, Suriyanın İdlibini raketlərlə hədəfə aldığımız kimi, İsraillə əməkdaşlıq edən Azərbaycan Respublikası rejiminə də hörmətlə yanaşmalı və Bakını raketlərlə hədəfə almalıyıq!"
İranın təhlükəsizlik qurumlarının müşaviri Əli Əkbər Raefipurun "X" yazısının mətni:
"Qəribədir ki, İran iki nüvə dövləti olan Pakistan və sionist rejimə qarşı hərbi əməliyyatlar aparır. Amma siz siyasətçilərin və məmurların anti-İran ritorikasına, Azərbaycan rejiminin açıq-aşkar terror əməllərinə cavab verən bir hal bilmirsiniz. Baxmayaraq ki, Mossad bu ölkədə kəşfiyyat bazasına, açıq dinləmələrə və dronlara malikdir Və bir neçə terror əməliyyatı, o cümlədən Fəxrizadənin şəhadəti, ilk Şahçaraq partlayışı, “Hermes” pilotsuz təyyarəsinin Nətənz ətrafına (İranın nüvə obyektlərinə) nüfuz etməsi Bakı rejiminin əməkdaşlığı ilə həyata keçirilib".
Sizcə, bütün bu hərəkətsizliyin səbəbi nədir?
P.S. Hələ də bəziləri irana dost kimi baxır . Mən deyərdim İran yaxın şərqin , Rusiya isə dünyanın şeytandır .
Cavid Dəmirli
TEREF: Xocanın Blogu
Ermənistan parlamentinin iclasında baş nazir Nikol Paşinyanla ölkənin keçmiş prezidenti Robert Koçaryanın oğlu Levon Koçaryan arasında dava düşüb.
TEREF report-a istinadən xəbər verir ki, L.Koçaryan baş nazirin təhlükəsizlik siyasətinin iflasa uğradığını iddia edib.
Keçmiş prezidentin oğlu N.Paşinyana "sən" deyərək müraciət edib.
Bu, hakim partiyanın deputatlarının emosional reaksiyasına səbəb olub.
N.Paşinyan L.Koçaryana daha diqqətli danışmağı tövsiyə edib.
Erməni deputat Qarnik Danielyan deyib ki, ermənilər Tavuşun “anklav” adlanan kəndlərini (Qazaxın Ermənistanın işğalında olan kəndləri nəzərdə tutulur – red.) tərk edirlər. Onun sözlərinə görə, oradan miqrasiya sürəti artır. Danielyan iddia edib ki, Azərbaycan bu əraziləri alaraq, hərbiləşdirilmiş istehkamlar yaratmaq və Ermənistanda nəqliyyat kommunikasiyalarına nəzarət etmək istəyir: “Bu, Ermənistanın 1990-cı illərdən istehkam işlərinin aparıldığı bütün şimal cəbhəsini məhv edəcək. Azərbaycanın almaq istədiyi kəndlər Ermənistan üçün strateji əhəmiyyət kəsb edir. Azərbaycanın bu kəndlərə maneəsiz çıxışının təmin edilməsi Ermənistanın özünü anklava çevirəcək. Məqsəd Ermənistanı bir dövlət kimi ləğv etməkdir”. O bildirib ki, Azərbaycan Prezidenti İlham Əliyev öz maksimalist münasibətini ortaya qoyub: “Danışıqlar masasında Tavuş bölgəsindəki kəndlər, Zəngəzur dəhlizinin açılması, azərbaycanlıların Ermənistana köçürülməsi, təzminat ödənilməsi məsələləri var. Biz bütün bu təhlükələrlə bağlı xəbərdarlıq etdik və bildirdik ki, Azərbaycan bununla da dayanmayacaq”.
Politoloq Azər Qasımov "Sherg.az"a açıqlamasında bildirib ki, Ermənistan rəsmiləri hər zaman olduğu kimi öz xislətlərinə uyğun fikirləşirlər. Siyasi şərhçinin fikrincə, işğal edilmiş Azərbaycan kəndlərinin gec-tez özümüzə qaytarılmasını ölüm-qalım məsələsi hesab etməyin özü xəstə təfəkkürün təzahürüdür:
"Erməni deputat guya qorxulardan, narahat olduqları məqamlardan danışır. Əgər iki ölkə arasında qalıcı sülh olarsa, Ermənistan niyə və nədən qorxmalıdır ki?! Bunların məntiqi onu deməyə əsas verir ki, ermənilər üçün sülh anlayışı nisbidir. Deməli, məqam düşən kimi sülhü tanımayacaqlar. Ancaq Ermənistan üçün həlledici məqam odur ki, 8 kənddən ikisi - Yuxarı Əskipara və Kərki kəndləri Ermənistan üçün həyatı əhəmiyyət daşıyan İrana və Gürcüstana çıxış yollarının üzərində yerləşir. İrəvan qorxur ki, bu nəqliyyat yolları Azərbaycanın nəzarətində olarsa, Ermənistan tamamilə Bakıdan asılı vəziyyətə düşəcək. Sözügedən kəndlərdə yaşayan erməni əhali də yaxşı bilir ki, Azərbaycan öz ərazisinə tezliklə qayıdacaq. Odur ki, özgəyə məxsus ərazini tərk edirlər. Lakin İrəvan anlamalıdır ki, söhbət hansısa hansısa kəndlərdən keçən yola nəzarətdən getmir, hazırda Ermənistan bütünlüklə Azərbaycandan asılı durumdadır. Azərbaycan Ermənistan üçün hansı gələcəyi məsləhət biləcəksə, onların yaşamı da o istiqamətdə gedəcək. Ermənistan bu danılmaz reallığı nə qədər tez qəbul etsə, proseslərdən bir o qədər uduşlu çıxacaq. Zaman Ermənistanın əleyhinə işləyir".
"Döyüş meydanında vəziyyət olduqca çətindir".
APA xəbər verir ki, bunu NATO Baş katibi Yens Stoltenberq Davosda keçirilən Dünya İqtisadi Forumunda panel çıxışında deyib.
"Ruslar indi bir çox cəbhədə həmlə edirlər. Və təbii ki, ukraynalıların keçən yay başlatdıqları böyük hücum hamının ümid etdiyi nəticəni vermədi və biz indi Rusiyanın necə qüvvələrini topladığını, İrandan dronları necə aldığını və İranın köməyi ilə Tatarıstanda öz dronlarını istehsal etmək üçün dron zavodunu qurduğunu, Şimali Koreyadan döyüş sursatı və ballistik raketləri aldığını görürük. Onlar həmçinin itkilərə qarşı yüksək dözümlülük nümayiş etdirirlər. Beləliklə, Rusiya bütövlükdə geri həmlə edir (təzyiq göstərir - red.) və bu ciddi məsələdir. Biz Rusiyanı heç vaxt zəif qiymətləndirməməliyik", NATO Baş katibi deyib.
NATO Baş katibi nikbinlik üçün səbəblər barədə də danışıb: "2022-ci ilin fevralında Rusiya Ukraynaya qarşı tam miqyaslı işğal hücumuna başladı və əksər ekspertlər Rusiyanın bir neçə gün içində Kiyevi götürəcəyini və bir neçə həftəyə bütövlükdə Ukraynaya nəzarəti ələ keçirəcəyini bildirirdi. Ancaq bu baş vermədi və bunun əksi oldu, Ukrayna qüvvələri Rusiyanı geri oturdaraq şimalda, cənubda və şərqdə torpaqlarını azad etdi, Qara dənizdə böyük qələbə qazanaraq gəmiləri üçün dəhliz açdı. Onlar Rusiyanın hava qüvvələri və dəniz qüvvələrinə ciddi zərbələr vurublar, bunlar da Ukrayna üçün böyük hərbi qələbələrdir. Ən vacib məqam isə odur ki, Ukrayna suveren bir ölkə kimi öz mövcudluğunu saxladı. Rusiya isə uduzur, bu isə o deməkdir ki, onlar müharibə ilə qazanmaq istədiklərini itirdilər, yəni Ukraynaya nəzarəti itirdilər. Ukrayna xalqı bugünkü qədər heç vaxt Rusiyaya güvənini itirməyib, onlar artıq Qərbin bir hissəsi olmaq istəyir, Aİ üzvü olmaq istəyir və Ukrayna NATO-ya heç olmadığı qədər yaxınlaşıb. Bu isə Rusiya üçün böyük itkidir".
Baş katib Stoltenberq NATO-nun Ukraynaya dəstəyi barədə də danışıb. "Mən inanıram ki, NATO müttəfiqləri Ukraynaya dəstək verməyə davam edəcək. Ukraynaya dəstək vermək xeyriyyə işi deyil, bu bizim öz təhlükəsizliyimizə sərmayə qoymaq deməkdir. Biz Ukraynanı yanında olmağa davam etməliyik. Müəyyən bir mərhələdə Rusiya başa düşəcək ki, o, ağır bədəl ödəyir və ədalətli sülh üçün masaya oturacaq", NATO Baş katibi əlavə edib.
211 il bundan əvvəl, 13 yanvar 1813-cü ildə Azərbaycan tarixində önəm daşıyan bir hadisə baş verdi. Söhbət Rusiya-İran müharibəsinin rus qoşunlarının Lənkərana hücumu kimi mühüm epizodundan gedir. Biz hamımız tarixin bu səhifəsini xatırlamalıyıq. Axı, tarix dövridir və başqa bir zamanda, başqa miqyasda, lakin eyni xarakterlərlə təkrarlana bilər. Xüsusilə, söhbət Rusiya, Azərbaycan və Böyük Britaniyadan gedirsə.
Belə ki, 1813-cü ildə rus ordusu Lənkəran qalasını mühasirəyə almağa və top atəşinə tutmağa cəhd etdi. Lakin bu istiqamətdə beş günlük tədbirlər uğur qazanmadı. Bu, ingilis mühəndisləri tərəfindən tikilən istehkamlar sayəsində baş verdi. Şahidlərin dediyinə görə, Lənkəran qalası hündür daş divarları və cərgələri iti döyüş divarları ilə güclü təsir bağışlayırdı. Qala dərin xəndəklərlə əhatə olunmuşdu.
O, nizamsız dördbucaq şəklində (eni 80 sajen), Lənkəran çayının sol sahilində, dənizdən bir qədər aralıda, bataqlıqların arasında idi. Ən böyük - cənub-qərb tərəfi 130 sajen uzanırdı. Nizamsız çoxbucaqlı formasında tikilmiş şimal-şərq tərəfinin uzunluğu 80 sajenə qədər idi. Cənub-şərq tərəfi və şimal-qərb tərəfin hər birinin uzunluğu 100 sajenə malik idi. Künclərdə qalalar var idi. Ən güclülər şimal və qərbdə idi. Qalan tərəfləri bataqlıq və çayla əhatələnirdi. Süni təpələrin hündürlüyü 4-5 sajenə çatırdı. Xəndəyin dərinliyi 4 sajen, eni 10 sajen idi.
Bütün bunlar ingilislərin köməyi sayəsində əldə edilmişdi. Bəli, tarixən İngiltərə və Rusiya bir-birinə qarşı çıxıb. Mən bu məqama qayıdacağam, amma hələlik qeyd edim ki, Lənkəran komendantı Sadıx xan qürurla qalanı təslim etməkdən imtina etdikdən sonra general Kotlyarevskinin rus dəstəsi Lənkəran qalasını zəbt etdi.
Bu zaman rus ordusu böyük itki verdi. Zabitlərin və kiçik zabitlərin əksəriyyəti öldürüldü. Dəstə öz əsgərlərinin yarıdan çoxunu itirdi və ya yaralandılar. 17-ci Yeger alayında 296 nəfərdən yalnız 74-ü sağ qalmışdı.
Bu, rusların tarixən “ət hücumu” taktikasından istifadə edərək öz məqsədlərinə çatmağa vərdiş etdiyini təsdiqləyir. İndi eyni taktikadan Rusiyanın Ukraynaya qarşı müharibəsində istifadə olunur. “Qadınlar yenilərini dünyaya gətirərlər” tezisinin, gördüyümüz kimi, Rusiyada kökünü kəsmək mümkün deyil.
Yeri gəlmişkən, Rusiya-Ukrayna müharibəsi haqqında. Cümə günü Kiyevdə çox mühüm hadisə baş verib. Ukrayna ilə Böyük Britaniya və Şimali İrlandiya Birləşmiş Krallığı arasında təhlükəsizlik sahəsində əməkdaşlıq haqqında saziş imzalanıb. Sənədi Ukrayna prezidenti Vladimir Zelenski və Böyük Britaniyanın Baş naziri Rişi Sunak imzalayıb. İngilis dilində bu müqavilə “Agreement on Security Cooperation” adlanır.
Böyük Britaniya dünyada Ukrayna ilə əməkdaşlığa dair belə bir sənəd imzalayan ilk ölkə oldu. Müqavilə Ukraynanın təhlükəsizliyinə dəstək məqsədilə Britaniya ilə Ukrayna arasında hərbi və qeyri-hərbi əməkdaşlığı rəsmiləşdirir. Gördüyümüz kimi, Böyük Britaniya Rusiyanın yad torpaqları zəbt etmək planlarına yenidən açıq şəkildə qarşı çıxır. Və burada Lənkərana hücumun nəticələrini bir daha xatırlayırıq.
Lənkəran qalası alındıqdan sonra rus qoşunlarının İrana soxulması üçün birbaşa yol açıldı və qanlı hücumun bilavasitə nəticəsi 1813-cü il oktyabrın 12-də (24) Qarabağın Gülüstan kəndində imzalanmış Gülüstan müqaviləsi oldu. Onun bəndlərinə görə, Rusiya Xəzərin qərb sahilini Astaraya qədər aldı. Yəni müasir Azərbaycan torpaqları o vaxtkı Rusiya tərəfindən işğal olundu.
İndiki Rusiya da imperiya ambisiyaları ilə sağalmaz xəstədir. Bu ölkənin rəhbərliyi açıq şəkildə bəyan edir ki, SSRİ-nin dağılması ötən əsrin ən böyük geosiyasi fəlakəti olub. Rusiya artıq 2008-ci ilin avqustunda Gürcüstana qarşı müharibəyə başlayıb və onuncu ildir ki, Ukraynaya qarşı döyüşür. Üstəlik, son iki ildə genişmiqyaslı müharibə gedir. Rusiya artıq Krımı və bir sıra Ukrayna torpaqlarını “ilhaq edib”.
Azərbaycan eyni zamanda Ukraynanın ərazi bütövlüyünü tanıyır və ona siyasi dəstək və humanitar yardım göstərir. Biz yenə də Azərbaycanı güclü şəkildə dəstəkləyən Böyük Britaniya ilə barrikadanın eyni tərəfindəyik. Gördüyümüz kimi tarix özünü təkrarlamaq qabiliyyətini sübut edib. Və biz yeni faciələr yaşamaq istəmiriksə, onun bütün dərslərini xatırlamalıyıq.
Müəllif: Əkbər Həsənov - Mənbə: AYNA.az
Rusiya-Belarus sərhədinin üçüncü ölkədən gələn sürücülərin üzünə bağlanması beynəlxalq yükdaşımalarda iştirak edən azərbaycanlıları son dərəcə çətin vəziyyətə salıb.
TEREF-in Haqqın.az -a istinadən məlumatına görə, bir həftədir 20 dərəcə şaxtada "Krasnıy Kamen" sərhəd-keçid məntəqəsində qalan azərbaycanlı yük maşını sürücüləri jurnalistlərin suallarına cavab olaraq çiyinlərini çəkməklə kifayətlənirlər.
“Yanvarın 8-dən burada gözləyirik: bizə sərhəddən keçirməyə icazə vermirlər. Belarusdan yük götürdük - onu üçüncü ölkəyə aparmalıyıq. Lakin Rusiya-Belarus sərhədi üçüncü ölkələrin sürücüləri üçün bağlıdır. Heç kim bunun səbəblərini izah etmir. Hara müraciət etsək də, dəqiq cavab ala bilmirik”, - deyə sürücülərdən biri bildirib.
Digər azərbaycanlı sürücü deyir ki, Belarus tərəfi problemin onlara aidiyyəti olmadığını iddia edir:
“Bizə Litvadan keçməyi məsləhət görürlər. Amma bu, mümkün deyil, çünki bizim ilkin olaraq vizamız yoxdur, digər tərəfdən isə yüklərin daşınmasına icazə verən sənəd lazımdır. Bu sənəd bizdə yoxdur. Ona görə də nə edəcəyimizi bilmirik. Bu soyuqda ilişib burada qalmışıq, yanacaq və qidamız tükənir”.
Qeyd edək ki, bir qədər əvvəl Rusiya FTB-nin Belarusla həmsərhəd olan Bryansk və Smolensk vilayətlərinin federal sərhəd idarələrinə göndərdiyi təlimata əsasən, üçüncü ölkədən gələn sürücülərin Belarus-Rusiya sərhədindən keçməsi qadağan edilib.