Pasiyentlərin “uzi” adlandırdığı, ən çox tələbat olan Ultrasəs müayinəsi radioloq həkimlər tərəfindən həyata keçirilir. USM bütün daxili orqanların patologiyasını vaxtında aşkar etmək üçün ən rahat müayinədir.

Mükəmməl USM həkimi olmaq illər tələb edir. Tanınmış və peşəkar USM həkimlərinin çoxu özəl klinikalarda yer alıb.

Müşahidələrimiz göstərir ki, USM qiymətləri son 1 ildə kəskin artıb.

İnsanlar bəzən ucuz və ya dövlət müəssisəsində olunan USM nəticələrinə etibar etmir və ya müalicə həkimləri xəstəni daha etibarlı yerə göndərir.

Çünki böyrəkdə daşı, qaraciyərdə şişi, ana bətnində uşaqda anomaliyanı görməyən həkimlər də az deyil.

2 il əvvələ kimi ən bahalı USM müayinəsinin qiyməti 50-60 manat idi.
Medicina.az Bakıda USM qiymətlərini araşdırıb.

Siyahıya liderlik edənlər tanınmış həkimlərdir.
1. Azər Fərəc – Həmişə olduğu kimi doppler müayinədə liderdir. Əslində Azər həkimi bu siyahıya salmaya da bilərdik. Çünki Azər Fərəc Azərbaycanın fetal müayinə üzrə əsas həkimidir, USM etmir, qəbuluna aylar öncədən yazılır. Azər doktor yalnız hamiləlik üzrə müayinələr edir.

Amma qiymət məsələsinə gəldikdə, birinci müayinə -190 manat,
16 həftəyə qədər müayinə 130 manat
İkinci müayinə ödənişsiz

2. Elçin Nəsibov – Tusi klinikasında USM mütəxəssisi

Qarın boşluğu – 90 manat
Qalxanvari vəz (zob) – 80 manat
Ginekoloji – 80 manat
Bütün orqanların USM təxninən – 250-260 manata başa gəlir.

3. İqor Sokolenko – Uzun illərin tanınmış USM mütəxəssisi.

Qarın boşluğu - 80 manat
Ginekoloji – 60 manat
Zob – 40 manat

4. Raksana Əliyeva – tanınmış USM, doppler mütəxəssisi

Abdominal USM – 80 manat
Ginekoloji - 80 manat
Zob – 40 manat
Süd vəzisi – 60 manat

5. Liv Bona Dea hospitalda yerli və xarici USM mütəxəssisləri

Qarın boşluğu - 80 manat
Ginekoloji - 80 manat
Qalxanvari vəz - 60 manat

6. Camal Əliyev – Hamiləlik üzrə ən tanınnış USM mütəxəsislərindən biri. Şəxsi mərkəzi var.

Ayrı-ayrı orqanlar üzrə 70 manat
Ginekoloji müayinə - 70 manat

7. Mərkəzi Klinikada bir neçə USM həkimi var

Abdominal -70-80 manat
Ayrı-ayrı orqanlar - 60 manat
Gecə növbəsində USM -130 manat.

8. Mediclub özəl klinikada

Qarın boşluğu - 68 manat
Ginekoloji -62 manat
Zob -50 manat

Bir çox iri özəl klinikalarda gecə USM xidməti olur və bu müayinə gündüzdən bahadır.

Beləliklə, bu həkimlərdə əgər bir neçə sahə və orqan üzrə və ya tam USM olunmaq istəsəz, minimum 250 manat lazımdır.

Arıqlamaq, artıq çəkidən xilas olmaq üçün saatlarla idman zalında vaxt keçirtmək əlbəttə ki, pis deyil. Amma bəzi halda bu da sizlərə kömək etmir.

Axşam.az bildirir ki, kişilər arıqlamaq üçün bir neçə vərdişlərini də unutmalıdır.

1. Yediklərinizə diqqət edin

Gün ərzində neçə dəfə yemək yesəniz, hamısının kalorisini hesablayın. Çalışın, günorta yeməyi 500, şam isə 100-200 kalorini ötməsin.

2. Tələsik yemək

Amerikalı mütəxəssislər sübut ediblər ki, tələsik və tez yemək qidanın piyə çevrilməsinə səbəb olur. Buna görə də yemək yeyərkən çalışın, asta olasınız. Beləcə, mədəniz tez doyacaq, qida rahat həzm ediləcək.

3. Televizor qarşısında yeyib və yatmaq

Televizora baxanda adama iştah gəldiyi, hamıya məlumdur. Amma yedikdən sonra televizora baxa-baxa divanda yatmağın ondan da ziyanlı olduğu müəyyənləşib. Belə ki, yedikdən sonra televizora baxan insanın beyni başqa mövzuya köklənir və qida yaxşı həzm olunmur, piy qatı çoxalır.

4. İstirahətdə olmaz

İstirahət günləri yediyiniz hər bir qida kökəlməyinizə səbəb olacaq. Adi günlərdə hərəkət etdiyiniz üçün yemək o qədər də kökəltmir. İstirahət günü isə tam əksinə, bütün yeməklər yağa çevrildiyindən, artıq çəkiyə gətirib çıxarır.

5. Aldanmayın

Kinoteatrdakı pop-korn, klubdakı fısdıq, evdəki çips... Bunların nə qədər ziyan olduğunu bilirsinizmi? Bir ovuc pop-korn 400 kaloridir. Buna görə də bu tip qidalardan uzaq olmağınız məsləhətdir.

6. İçki

Kişilərin kökəlməsinə səbəb spirtli içkidir. Ən azı bir həftə pivə, araq və ya viski içməyin. Sonra yenidən çəkinizi yoxlayın, bir neçə kiloqram atdığınızı görəcəksiniz.

Meyvə və tərəvəz təkcə təzə yox, həm də dondurulmuş halda xeyirlidir.

“Cebhe.info” xəbər verir ki, məşhur həkim və teleaparıcı Aleksandr Myasnikov "Rossiya 1" telekanalındakı müəllif proqramında dondurulmuş tərəvəz və meyvələrin faydalarından danışıb. Həkim onları mütləq faydalı məhsullar kimi təsnif edib:

“Əgər tərəvəz və ya meyvələr yetişəndə yığılıb yerində dondurulsa, bütün faydalı elementləri saxlayacaq. Bunlar vitaminlər və sairədir”.

“Tərəvəz və ya meyvələri sadəcədondurub soyuq mövsümdə yeyirsinizsə, qışda bu yolla xeyirli yay məhsulu əldə edə bilərsiniz”, - deyə həkim əlavə edib.

"Ancaq isti ilə təmas zamanı bu yarımfabrikatların bəzi faydalı xüsusiyyətləri itirilə bilər",- deyə ekspert xəbərdarlıq edib.

Həftə sonu əlavə yuxu infarkt və digər ürək-damar xəstəliklərinin ehtimalını azalda bilər.

“Cebhe.info” “Daily Mail”-ə istinadən yazır ki, Çinin Nankin Tibb Universitetinin tədqiqatçıları bu faydalardan danışıblar.

Tədqiqat çərçivəsində alimlər 3,4 min insanda yuxu dövrlərinin sağlamlığa təsirini öyrəniblər. Nəticələrə görə, həftə ərzində yuxu çatışmazlığı yaşayan və sonra şənbə və ya bazar günü bir neçə saat əlavə yatan insanlarda infarkt riski 63 faiz azalıb. Həftə sonları əlavə yuxu almayan xəstələrdə ürək-damar xəstəlikləri riski artıb.

Ürək xəstəliklərinin qarşısını almaq üçün həkimlər gündə orta hesabla yeddi-səkkiz saat yatmağı məsləhət görürlər. Mütəxəssislər deyirlər ki, iş günlərində daha qısa yuxunun yaratdığı çatışmazlığı həftə sonları doldurmaq olar.

Tarif Şurası tərəfindən dərmanların qiymətlərinin tənzimlənməsi ilə bağlı 15 sentyabr 2023-cü il tarixində yeni qərar qəbul edilib. Dəyişikliyə görə, artıq dərmanlarla bağlı vahid qiymət siyasəti yoxdur.

Yəni dərmanların yuxarı həddi müəyyən edilir və apteklər dərman vasitələrini bundan daha aşağı qiymətə sata bilərlər. Bəs tətbiq edildiyi zaman ərzində bu qərar özünü doğrulda bilirmi?

Milli Məclisin Səhiyyə komitəsinin üzvü Müşfiq Məmmədli dedi ki, bu qərardan sonra daha ucuz dərmanlar ölkəyə gətirilə biləcək: "Dərman vasitələri haqqında” qanunvericilikdə olan dəyişikliklər və Nazirlər Kabinetinin müvafiq qərarından sonra dərman qiymətlərinin üst həddi Tarif Şurası tərəfindən müəyyənləşdirildi. Aşağı hədlər isə rəqabət prinsiplərinə uyğun şəkildə tənzimlənəcək. Dərman idxalını həyata keçirən böyük şirkətlər keyfiyyətinə təminat verilən və daha ucuz qiymətə olan preparatları ölkəyə gətirəcəklər. Dərman preparatlarının ölkəyə idxalı nisbətən asanlaşacaq. Beləliklə, rəqabət nəticəsində qiymətlərin aşağı düşməsi mümkün olacaq. Hazırda apteklərdə müəyyən preparatlarda qiymətlərdə ucuzlaşmanı müşahidə edirik”.

Deputatın sözlərinə görə, bu qərardan sonra tapılmayan dərman problemimiz aradan qalxıb: "8-9 ay bundan öncə bəzi dərman preparatlarının apteklərdə tapılmadığının şahidi olurduq. Çünki bir çox dərmanların qiyməti cəlbedici olmadığına görə, idxal edən şirkətlər tərəfindən onların gətirilməsi maraqlı deyildi. Amma dəyişikliklərdən sonra müşahidə edirik ki, hansısa preparatın olmaması məsələsi daha gündəmdə deyil. Artıq lazım olan preparatları dərman bazarında tapa bilirik. Amma qiymətlərdəki enmələri hələ düşündüyümüz səviyyədə görə bilmirik, gözlənilən effekt alınmır. Yəqin ki, bir neçə aydan sonra bunu da müşahidə edə biləcəyik. Qiymətlərin enməsi insanların əlavə xərclərinin daha da azalmasına gətirib çıxaracaq”.

Sosial məsələlər üzrə ekspert İlqar Hüseynli bildirdi ki, bu yenilik, əksinə, apteklərə ziyan verəcək: "Aptek sahəsində hər hansı ciddi dəyişiklik müşahidə olunmur. Bu qərarın dərmanların çeşidinə, yaxud dərman bazarında gətirilməyən preparatların yenidən bazara qayıtmasına elə də ciddi təsiri olmayacaq. Bundan əvvəlki qərarlarda dərmanın üzərinə konkret rəqəm vurulurdu və həmin qiymətdən aşağı və yuxarı satmaq qadağan idi. İndi isə topdansatışla məşğul olan bir neçə iri şirkətlər öz aptek şəbəkələrində istədikləri qiyməti qoymaqla digər pərakəndə satışla məşğul olan apteklərin sıradan çıxmasına nail olacaqlar. Topdansatış ilə məşğul olan şirkətlərə aptek şəbəkələri yaratmaları ilə bağlı qadağalar tətbiq olunsa, o zaman bazarda pərakəndə satışla fəaliyyət göstərən apteklərin sıradan çıxmasının qarşısı alına bilər. Əks halda, bu qərar tədricən kiçik sahibkarların fəaliyyətlərini dayandırmalarına gətirib çıxaracaq. Çünki apteklərin maliyyə imkanları eyni deyil”.

Ekspertin fikrincə, dərman qiymətlərində böyük fərq olmayacaq: "Qiymətlər arasında elə böyük faiz fərqi yox idi. Ona görə deyə bilmərik ki, insanları dərmanların ucuzlaşması ilə bağlı ciddi sürprizlər gözləyir. Çünki əslində qiymət ucuzlaşması baş vermir. Amma dərman bazarında qiymətlərin liberallaşması vacibdir”.

Azərbaycan Tibb Universitetinin Farmakologiya kafedrasının dosenti, farmakoloq Aydın Əliyev qeyd etdi ki, insanlar bu qərardan məlumatlı olmalı və apteklərdən haqqını tələb etməlidir: "Müəyyənləşdirilmiş qiymətdən daha aşağı satan apteklər mövcuddur. Bu qərar apteklərə sahibkarlıq nöqteyi-nəzərdən xeyirdir ki, insanlar onlara daha çox müraciət edir. Vətəndaşlar aptekdə soruşmalıdır ki, aldığı dərmana Tarif Şurası hansı qiyməti qoyub. İnsanlar dərmanların qiymətinin aşağı və yuxarı həddini bilməlidir. Amma vətəndaşlar qərardan məlumatsızdırlar və heç nə soruşmurlar. Vətəndaşlar Tarif Şurasının qərarından istifadə etməlidir”.

Yeni qanunun nə qədər işlək olduğunu müəyyən etmək üçün şəhərin müxtəlif istiqamətlərindəki apteklər arasında da sorğu keçirdik. Sorğu zamanı ortaya çıxdı ki, həm paytaxtın mərkəzində, həm də kənarda yerləşən apteklərin heç birinin yenilikdən xəbər yoxdur. Özəl şirkətlərə məxsus apteklərdən bildirildi ki, onlara qiymət tabe olduqları müəssisə tərəfindən göndərilir. Şəxsi apteklərdə isə qiymətlər depolar tərəfindən müəyyən edilir. Depo apteklərdən verilən məlumata görə, onlarda Tarif Şurası tərəfindən qəbul edilən qiymətlər əsasında satış edilir. ("Kaspi" qəzeti)

Yaxşı yuxu sağlamlığın həm təməli, həm də göstəricisidir. Bildiyimiz kimi, gecə yuxusu zamanı orqanizm yenilənir və bərpa olunur.

Gecə yuxusu immun sisteminin normal fəaliyyəti üçün olduqca vacibdir. İnsan gecə pis yatır, tez-tez oyanırsa, bu proseslər pozulur və nəticədə insanda müxtəlif xəstəliklər inkişaf edə bilər.

Digər tərəfdən gecə yuxusu zamanı səbəbsiz olaraq tez-tez oyanmaq bəzi xəstəliklər və pozulmaların simptomu kimi də meydana çıxa bilər. Bu pozulmalar hansılardır?

Gununsesi.info Saglamolun.az- a istinadən bildirir ki, əgər insan 1 ay ərzində müntəzəm olaraq gecə vaxtı 2 dəfə və bundan çox oyanırsa, mütləq həkimə müraciət etməlidir.

Bunun əsas səbəblərindən biri ürək və ağciyər xəstəlikləri ola bilər.

Digər səbəblər arasında – nevroloji pozulmlardır (xroniki stress, depressiya və s.).

Şəkərli diabet, qalxanvari vəzi xəstəlikləri də yuxu pozulmasına və gecə vaxtı tez-tez oyanmağa səbəb olur.

Gecə tez-tez oyanıb sidiyə gedirsinizsə, bu sidik kisəsi problemləri və kişilərdə prostat vəzi xəstəliklərinə işarə edə bilər.

Nəzərə almaq lazımdır ki, bəzi dərman preparatları (tərkibində kofein olan, sidikqovucular və s.) da gecə tez-tez oyanmağa səbəb olur.

Qadınlarda bu hal menstrual dövrlə bağlı ola bilər – menstruasiyadan qabaq qadınların yuxusu daha həssas olur. Həmçinin klimaks zamanı da qadınlar gecə pis yatır, tez-tez oyanırlar.

Gecə tez-tez oyanmağın obyektiv səbəbləri də ola bilər – çox isti, havasız otaq, işıqlı otaq, səs-küy və s. Bunlar yoxdursa, lakin insan tez-tez oyanırsa, buna mütləq fikir vermək lazımdır.

Son altı ayda nitazen kimi tanınan yeni təhlükəli narkotik vasitə 54 ölümə səbəb olub. Cinayətkar təşkilatlar tərəfindən şərq ölkələrindən gətirildiyi güman edilən bu sintetik narkotiklər bir çox icmalarda fəsadlar törədir.

Gununsesi info xəbər verir ki, “The Sun” həyəcanverici vəziyyət, onun dağıdıcı nəticələri və təcili tədbirlər görülməsi zərurətindən yazıb.

Nitazenlər, heroin kimi opioidlərin təsirlərini təqlid etmək üçün yaradılan süni maddələrdir. Onların gücü o qədər böyükdür ki, onları “Frankenşteyn narkotiki” də adlandırırlar. Bu ölümcül maddələr tez-tez digər dərmanlarla, o cümlədən kokainlə qarışdırılır və asanlıqla əldə edilə bilən ölümcül bir kokteyl hazırlanır. Xüsusilə narahatlıq doğuran odur ki, insanlar bilmədən heroindən 300 dəfə daha güclü olan nitazenlərdən və fentanildən də istifadə edə bilərlər.

Vəziyyət o qədər ağırlaşıb ki, indi nitazenləri kokain, ekstazi və heroinlə eyni kateqoriyaya salaraq A sinfi narkotik vasitə adlandırırlar.

Nitazenlərin qaranlıq tarixi 1950-ci illərə, alternativ ağrıkəsici kimi inkişaf etdirildiyi vaxta təsadüf edir. Bununla belə, onların güclü və asılılıq yaradan xüsusiyyətləri tibbi istifadə üçün icazə almasına mane olurdu. Bu dərmanlar toz, tablet və maye daxil olmaqla müxtəlif formalarda olur. Nitazenlər ağrıkəsici, eyforiya, rahatlama və yuxululuq hissi yaradır, lakin tərləmə, qaşınma və ürəkbulanma kimi xoşagəlməz yan təsirlərə də səbəb olur.

Nitazenlərin şərq ölkələrindəki qeyri-qanuni laboratoriyalar tərəfindən istehsal edildiyi güman edilir və bu laboratoriyalar tez-tez poçt sistemi vasitəsilə Böyük Britaniyaya çatır. Mütəşəkkil dəstələr tez-tez nitazenləri heroinlə qarışdıraraq, küçələrdə satışını həyata keçirir. Bu ölümcül maddə hər gün can almaqda davam edir.

Bəzi xərçəng növlərində pasiyentlər daha çox bağırsaq işində pozulmadan şikayətlənir.

“Medicina” xəbər verir ki, xərçəng çox zaman başqa əlamətlərlə maskalanır, ciddi təhlükə yaratmır.
Adətən bu 3 xərçəngdə bağırsaq funksiyası pozulur.

Bunlar mədəaltı vəz xərçəngi, yumurtalıq və bağırsağın müxtəlif seqmentlərinin şişləridir.

Pasiyentlər daha çox qarında köp, şişkinlik, qəbizlik, ishal, ağrıdan şikayətlənir.

Mədəaltı vəz şişində həzmsizlik, bəzi qidaların həll olmadan xarici, müəyyən qidaları yeyəndə ağrı olur.

Yumurtalıqda qəbizlik və ya ishal olur. Eləcə də qarından belə yayılan ağrı.

Qastroenteroloq, Hemotest laboratoriyasının eksperti Yekaterina Kaşux gavalıların faydalı xüsusiyyətlərindən danışıb.Qara gavalı B, A, E və K vitaminləri ilə yanaşı, kalium, dəmir, fosfor, sink, mis, manqan, maqnezium kimi minerallarla zəngindir, deyə o, "İzvestiya" qəzetinə müsahibəsində bildirib.Tərkibində həll olunan və həll olunmayan liflərin yüksək olması səbəbindən mədə-bağırsaq traktına da faydalıdır.Bundan əlavə, tədqiqatlar gavalıların sümük toxumasının qorunmasına və formalaşmasına kömək etdiyini təsdiqlənib.

Mütəxəssislər "Hər şey daxil" sistemi ilə fəaliyyət göstərən otellərdə ən intensiv qastronomik təcrübə əldə etməyin yolları ilə bağlı məsləhətlərini bölüşüblər. Bu barədə Foodinfo.az Tourprom portalına istinadən məlumat verir.“The Angle” otellər qrupunun mütəxəssisləri tətil zamanı bufetin nəinki dadlı, həm də mümkün qədər çeşidli olmasını izah ediblər.Birbaşa stola qaçmayın. Mütəxəssislər əvvəlcə ətrafda gəzməyi, baxmağı və nə yemək istədiyinizi qiymətləndirməyi məsləhət görürlər. Əgər çox acsınızsa, o zaman süfrəyə yaxınlaşmazdan əvvəl özünüzü təravətləndirmək üçün bir az qoz-fındıq və ya quru meyvə yeyin.Yeməklərin seçiminə yaradıcı yanaşın. Özünüzü ilk rastlaşdığınız şeylə məhdudlaşdırmayın, yeməkləri qarışdırmayın. Bufetdə müxtəlifliyi nəzərə alsaq, siz həmişə qeyri-adi, lakin çox dadlı yeməklər tapa bilərsiniz.Duzlu qidalardan uzaq durmağa çalışın. Mütəxəssislərin fikrincə, sağlam yeməklərə və ya məhsullara diqqət yetirməyə dəyər. Məsələn, yumurta ağları və ya çia, həmçinin qoz-fındıq və avokado bufetinizi daha da zəngin və ləzzətli edəcək.