İngiltərə millisinin sabiq hücumçusu Qari Lineker ölkəsinin milli komandasının iştirakı ilə keçiriləcək matçdan – futbol üzrə Avropa çempionatının finalından danışıb.

Fanat.az xəbər verir ki, BBC onun sözlərini belə çatdırıb:

“Bu, İngiltərə futbolu üçün çox vacib andır. Onlar əvvəlki Avropa çempionatının finalında oynayıblar və “Uembli”də keçirilən matçda İtaliyaya məğlub olaraq böyük məyusluq yaşayıblar. Hə, bu dəfə də çətin olacaq, amma İngiltərə seçməsi tarixi uğurun kandarındadır. İndiyədək heç bir İngiltərə millisi ölkədən kənarda keçirilən böyük turnirin qalibi olmayıb.

Yığma o qədər də baxımlı oynamasa da, nəticə qazanıb. Futbolda belə bir deyim var: sən çox yaxşı oynamayanda qalib gəlirsənsə, deməli işlər o qədər də pis getmir”.

Qeyd edək ki, İspaniya – İngiltərə qarşılaşması iyulun 14-də reallaşacaq. Final matçının start fiti Bakı vaxtı ilə 23:00-da səsləndiriləcək.

UEFA Avropa Liqasının I təsnifat mərhələsinin ilk oyunu çərçivəsində "Zirə" Moldovada "Şerif"lə üz-üzə gəlib.

"Report" xəbər verir ki, Tiraspol şəhərindəki "Şerif Arena"da baş tutan matç təmsilçimizin qələbəsi ilə yekunlaşıb - 1:0.

Matçda yeganə qolu 88-ci dəqiqədə David Volkov rəqibin qapısından keçirib.

Qeyd edək ki, "Zirə" və "Şerif arasında cavab oyunu isə bir həftə sonra “Liv Bona Dea Arena" gerçəkləşəcək. Qarşılaşmanın start fiti saat 20:00-da səslənəcək.

Arda Güler:
"Portekiz'e karşı maçımız bittiğinde, Ronaldo'nun formasını istemek istedim, ama biraz utangaçtım çünkü böyle şeyleri istemek konusunda çekingen biriyim. Ama João Félix'i uzun zamandır tanıyorum, bu yüzden ona gidip Ronaldo'nun formasını benim için istemesini söyledim.
10 dakika sonra, Félix Cristiano ile birlikte soyunma odamıza geldi ve herkes Cristiano'nun tek başına gelmesine ve 'selamünaleyküm' diyerek bana formasını vermesine şaşırdı. O anda fark etmemiştim ama Cristiano'nun herkesi mutlu etmeyi sevdiğini, insanları tanımıyor olsa bile onları sevindirmeyi sevdiğini anladım.
Bu anın sonsuza dek hafızama kazınacağını düşünüyorum: tarihin en iyi oyuncusu gelip sana formasını verdiğinde, bu inanılmaz bir şey.
Ayhan Buz
TEREF

Almaniyada təşkil olunan futbol üzrə Avropa çempionatında Niderland və İngiltərə yığmaları arasında keçirilən yarımfinal görüşündə birinci hissə başa çatıb.

Dortmunddakı “Siqnal İduna Park"da hesab - 2:1 ingilislərin xeyrinə qurtardı
İngilislər finala çıxdılar
TEREF

Almaniyanın ev sahibliyi etdiyi Avropa çempionatının yarımfinal mərhələsində üz-üzə gələcək Niderland və İngiltərə yığmalarının heyətləri açıqlanıb.

Milli komandalar meydana aşağıdakı “11-lik”lərlə çıxacaqlar:

Niderland: Verbrug, Dumfris, De Vriy, Vircil Van Deyk, Natan Ake, Simons, Qakpo, Depay, Malen, Skouten

Baş məşqçi: Ronald Kuman

İngiltərə: Pikford, Uolker, Stons, Saka, Maino, Rays, Fil Foden, Cud Bellinqem, Harri Keyn, Trippier, Quei

Baş məşqçi: Qaret Sautqeyt

Qeyd edək ki, qarşılaşma Bakı vaxtı ilə saat 23:00-da start götürəcək.

UEFA danışılmış oyunlarla bağlı qalmaqalda adı hallanan alman referi Feliks Zvayeri AVRO-2024-ün yarımfinalında İngiltərə - Niderland oyunundan kənarlaşdırmaq fikrində deyil.

Qurum qarşıdakı oyunu məhz bu hakimin idarə edəcəyi ilə bağlı yekun qərarı verib.

Qeyd edək ki, 2005-ci ildə Zvayer Almaniyanın ikinci və üçüncü liqaları oyunlarında qərəzli hakimlik etməkdə günahlandırıb. O, 6 ay müddətinə diskvalifikasiya edilib.

Lakin 2009-cu ildə yenidən Bundesliqanın oyunlarında hakimlik etməyə başlayıb, 2012-ci ildə isə FİFA referisi statusu alıb.

Mənbə: rbc.ru

“Turan Tovuz”un müdafiəçisi Roderik Miller bir çox klubların maraq dairəsindədir.

Apasport.az saytına verilən məlumata görə, Kiprin iddialı “Apollon”(Limassol) klubu panamalı müdafiəçini bu yay heyətinə qatmağı planlaşdırır.

“Turan Tovuz”un futbolçusu “Copa America” oyunları zamanı Kipr klubunun diqqətini çəkib. Belə ki, Limassol təmsilçisi hazırda 32 yaşlı futbolçunu heyətinə qatmaqda israrlıdır. Amma əldə etdiyimiz məlumata görə, Miller özü Azərbaycana qayıtmaq, “Turan Tovuz”da oynamağa davam etmək istəyir.

Roderikin “Turan Tovuz”la müqavilə müddəti 2025-ci il iyunun 30-na qədərdir. Klub onunla müqavilə müddətini bir illik də artıra bilər.

Qeyd edək ki, Millerin şərəfini qoruduğu Panama millisi hazırda da davam edən “Copa America”da 1/4 finalda Kolumbiyaya 0:5 uduzmaqla iştirakını dayandırmışdı. Panama yer aldığı C qrupunda isə Uruqvaydan sonra 6 xalla ikinci yeri tutub və pley-off mərhələsinə yüksəlmişdi.

Avropa Çempionatı ilə vidalaşan Türkiyə milli komandasının bir çox futbolçusu uğurlu çıxışı ilə dünyanın diqqətini çəkməyi bacardı. Xüsusilə, Arda Güler, Ferdi Kadıoğlu, Barış Alper Yılmaz, Mert Müldür və Merih Demiralın bazar dəyəri yüksəlib.

Apasport.az bu futbolçularla bağlı araşdırmanı təqdim edir.

Turniri 1 qol, 2 qol ötürməsi ilə başa vuran Arda Gülerin bazar qiyməti 55 milyon avroya çatıb. Bu barədə Türkiyənin idman nəşrləri məlumat yayıblar. “Real Madrid”in 19 yaşlı futbolçusu çempionatda 88 faizlik ötürmə dəqiqliyi ilə oynayıb.

“Fənərbaxça”da uğurlu mövsüm keçirən Ferdi Kadıoğlunu Avropa Çempionatında bir çox xarici klub yaxından izlədi. Daha çox “Borussiya Dortmund” və “Arsenal”ın adı oyunçu ilə birgə çəkilir. İstanbul təmsilçisinin yeni baş məşqçisi Joze Mourinyo futbolçunu əldən buraxmaq istəməsə də, komandasının onun üçün minimum 40 milyon avroluq təklifləri nəzərdən keçirəcəyi ehtimallar arasındadır.

Hollandiya ilə görüşdə dünyanın ən yaxşı mərkəz müdafiəçilərindən hesab edilən Van Dayka çətin anlar yaşadan Barış Alper Yılmaz da qiymətini artıran futbolçulardandır. “Mançester Yunayted” və “Brayton”un göz dikdiyi oyunçunun minimum 25 milyon avroya satıla biləcəyi bildirilir.

Gürcüstan millisinə vurduğu qol həftənin qolu seçilən Mert Müldür isə həm müdafiədəki çıxışı, həm də hücuma verdiyi dəstəklə dəyərini artırıb. Onun hazırki qiyməti 15 milyon avrodur.

Türkiyə millisinin Avropa Çempionatında əsas simalarından birinə çevrilən Merih Demiral transferi üçün ən çox ödəniş edilmiş türk futbolçu ünvanını əlində saxlayır. Onun hazırki dəyəri isə 20 milyon avro kimi qiymətləndirilir. Rəqiblərindən 16 dəfə topu almağı bacaran mərkəz müdafiəçisinin ötürmələrinin 70 faizi ünvana çatıb.

Macarıstanın paytaxtı Budapeşt şəhərində keçiriləcək Ümumdünya Şahmat Olimpiadasında iştirak edəcək Azərbaycan təmsilçiləri müəyyənləşib.

AZƏTAC xəbər verir ki, bu barədə Azərbaycan Şahmat Federasiyasının prezidenti Mahir Məmmədov jurnalistlərə açıqlamasında deyib.

O bildirib ki, mötəbər yarışda ölkəmizi kişilərdə 6, qadınlarda isə 5 iti zəka sahibi təmsil edəcək: "Kişilərdə Teymur Rəcəbovun iştirakı yenilik olacaq. O, həmçinin komandanın kapitanı kimi çıxış edəcək. Kollektivdə Şəhriyar Məmmədyarov, Rauf Məmmədov, Nicat Abbasov, Məhəmməd Muradlı və Aydın Süleymanlı da yer alacaq. Qadınlarda isə Günay Məmmədzadə, Ülviyyə Fətəliyeva, Gövhər Beydullayeva, Xanım Balacayeva və Gülnar Məmmədzadə medallar uğrunda mübarizə aparacaqlar.

Qeyd edək ki, Şahmat Olimpiadası sentyabrın 10-dan 23-dək davam edəcək.