Teleaparıcı Rövşanə Ağasəfqızı həyatdakı peşman olma hissindən danışıb.

TEREF milli.az-a istinadən xəbər verir ki, ana və atasını itirən məşhur onları yada salıb, kövrək anlar yaşayıb. O, yaşadığı itkilərlə dünyasının dağıldığını bildirib.

Aparıcı kişilərin ondan qorxma səbəbinə də aydınlıq gətirib. Rövşanə bu barədə "Maqazin Plus"un "Hər Şeydən Bir Az" bölümündə açıqlama verib.

Azərbaycanın tanınmış bəstəkarı, müğənnisiTamilla Məmmədzadənin anım günü 14 yanvar idi... Paylaşmaq istəyirdim, yada salmaq istəyirdim , təəssüf ki, vacib işim çıxdığı üçün paylaşa bilmədim!
Yəqin ki , bir çoxunuz xatirlayarsiniz Tamella Məmmədzadənin mahnılarını :“Ağarma, saçım!”, “Ana”, “Arzuya bax, sevgilim!”, “Bənövşələr qoxuyanda”, “Bir xəbər ver, külək!”, “Dostlar olmasa”, “Həsrətim mənim”, “Neçin gəlməz?”, “Yaşa, ürəyim!” kimi məşhur mahnıların bəstəkarı olub. Ömrünün son illərində Cavad xana həsr olunmuş “Türk oğlu” baletini yazıb bitirsə də səhnəyə qoyulması arzusunu reallaşdıra bilməyib.
Deməli,Tamella Məmmədağa qızı Məmmədzadə 1937-ci ildə iyun ayında Bakı şəhərində doğulub. Agır repressiya illərində. Səkkiz yaşlı Tamellanın atasını da qolcomaq damğası ilə Sibirə, ordan da İrana sürgün edirlər. Atası İrana çatan kimi bir fars qadını ilə evlənir. Farsdan kişinin 3 uşağı olur.
Amma Tamella xanımın anası Sara xanım Məmmədağa kimi unutqan olmur, ailə qurmur və başlayir qızı Tamellanı təkbaşına böyütməyə. Deyilənə görə, O, həyat yoldaşını heç vaxt bağışlamır, ömrünün sonuna qədər onunla danışmır.
Tamella həddi buluğa çatanda o qədər gözəl olur ki, yaşından, cinsindən asılı olmayaraq hər kəs onun gözəlliyinə heyran qalarmış. Nəhayət 1955- çi ildə 18 yaşında könlünü Qasım adlı bir oğlana verir. Qızının bir idmançı ilə ailə həyatı qurdugunu eşidən həmin o etibarsız Məmmədağa gəlir Bakıya. Qızının toyuna! Və toydan sonra yenidən qürbətə dönür!
Bu arada Tamella 1958-ci ildə ana olur, Çingiz adlı oğlu dünyaya gəlir. Xoşbəxtliyini doyasıyla yaşamaq istədiyi bir vaxtda həyat yoldaşı dənizdə batan iki nəfəri xilas etmək istərkən boğulub ölür.Gənc yaşında dul qalan bəstəkar ərə getmir, ömrünü tək övladina həsr edir.Həmin vaxt bilmir ki, ən qorxunc günləri qarşıdadır.

Nəisə, Tamellanın atası ikinci dəfə Bakıya 1977-ci ildə - qızının 40 illik yubileyində gələsi olur. Avstriyada tanınan biznesmen, böyük qızıl mağazalarının sahibi Məmmədağa bu dəfə qızının gorüşünə əliboş gəlmir!
O qızına ad günü münasibəti ilə çox qiymətli brilliant dəsti alır k, zövqlə işlənmiş bu komlektin qiyməti inanılmaz dərəcədə bahalıymış. Bakı camaatı uzun müddət o qiymətli dəstdən danışıb. Çunki Tamella xanım hər tədbirə, konsertə gedəndə o dəsti taxarmış.
Nəvəsinə də hədiyyə almağı unutmayan baba o vaxt Bakıda hər kəsin geyinə bilmədiyi geyimlər alıb gətirmişdi. Elə sonrakı illərdə də Məmmədağa Cingizə qızıl saat, briliant qaşli üzük bahalı gödəkcə və kostyumlar göndərirmiş.
Bunu Çingizin ətrafında olan taytuslari bilirdi, görürdü! Çingizin tanışlarının içərisində Alik Mamedov adlı gənc vardı. Həmin gənc tay tuşları arasında təhlükəli hesab olunurdu , çünki hələ azyaşlı ikən bir uşağı tüfənglə vurub öldürmüş , atasının nüfuzu müqabilində həbsdən yaxa qurtara bilmişdi! Çunki onun atası həm də dövrünün ən imkanlı pullu şəxslərindən biri olub.
Alikin gözü Çingizin godəkçəsinə , saatına, brilliant üzüyünü düşmüşdü, onları almalıydı. Artıq beyninə qoymuşdu. Alik dostu Tahirlə birgə bir gün Çingizi bağlarına qonaq çağırır 1981- çi ilin yayı. Çingiz anasının tədbirdə olduğunu bildiyi üçün axşam vaxtı evdən çıxıb Alikin dediyi ünvana gəlir. Bagda Tahirlə Alikdən başqa heç kim olmur. Alik böyük darvazanı içəridən bağlayandan sonra Cingizdən saatı, üzüyü və gödəkçənin ona verməsini tələb edir! Vermədikdə Çingizi 2 bıçaq zərbəsi ilə yerə sərir..
Gecənin yarısı o əraziyə nəzarət edən polislər bərk acdıqlarını hiss edirlər. Yaxınlıqdan gələn kabab qoxusu onları lap açdırır. Qoxu və tüstü qalxan həyətə yaxınlaşanda həyətdən səs gəlməməsi polisləri şubhəyə salır. Onlar barının üstünə çıxıb həyətə baxanda tonqalın üstündən bir kişinin korun- korun yandığını görürlər... Meyid tanınmaz dərəcədə kosövə dönmüşdü. Yalnızca ayaqqabıda olan ayaqlar azacıq yanmısdi. Analizlərdən sonra məlum olmuşdu ki,ocagın üstündə qapqara komürə dönən 23 yaşlı , yaraşıqli və cüssəli Cingizdir!
Xəbərlərdə bildirilir ki, cinayətin üstünün açılması çox çəkmir. Qatillər ələ keçir. Tamilla Məmmədzadənin oğlunun qətlini törədən nüfuzlu və imkanlı bir şəxsin oğlu həmin Alik olduğu təsdiqlənir. Alikə güllələnmə hökmü verilsə də, yenə atasının imkanı sayəsində hökm ləngidilir. Deyilənə görə, Tamilla xanım Moskvaya gedir və o zaman Sovet İttifaqı Kommunist Partiyası Mərkəzi Komitəsinin katibi Mixail Andreyeviç Suslovla görüşür. Yalnız bundan sonra qatilin güllələnmə hökmü icra olunur.10 noyabr 1982- çi il.. Brejnevin dəfn olunduğu gün Alik güllələnir.. İndiyənə qədər qudurgan Alikin atasının adı heç bir yerdə çəkilməyib. Həmin o nüfuzlu və böyük imkanlı , pullu adamın adı soyadı hətta istintaq materiallarından çıxarılır.
Bilirsinizmi o kim idi?

Txnika elmləri doktoru professor, Azərbaycan Elmlər Akademiyasının həqiqi üzvü, akademik 1904-cü ildə Naxçıvan MR Ordubad rayonunun Dəstə kəndində anadan olan Şirəli Məmmədov. O Ali təhsilini 1930-cu ildə Moskva Dağ-Mədən Akademiyasında Dağ-mədən mühəndisi ixtisası üzrə aldıqdan sonra filiz mədənində işləmiş, Culfa "Soyuzmərgümüş" kombinatının rəisi olub. Moskva Dağ-Mədən İnstitutunun filiz yataqlarının işlənilməsi kafedrasına rəhbərlik edib. Böyük Vətən müharibəsi illərində "Naxduzfiliz"in baş mühəndisi vəzifəsində işləyib. 1950-1953-cü illərdə Zaqafqaziyada ən iri filiz-mədən kompleksinin Daşkəsən Dağ-Mədən Kombinatının tikintisinə rəhbərlik edib.
1953-1954-cü illərdə Bakı Dövlət Universitetinin elmi işlər üzrə prorektoru, 1956-1959-cu illərdə isə geofizika kafedrasının müdiri olub. 1959-1961-ci illərdə Azərbaycan SSR Nazirlər Soveti yanında Ali və Orta İxtisas Təhsili Komitəsinin sədri vəzifəsini icra edib. 1965-1970-ci illərdə Azərbaycan Neft və Kimya İnstitutunun faydalı qazıntı yataqlarının işlənilməsi kafedrasının müdiri olub. 1958-ci ildən 1984-cü ilə qədər - yəni ölənə qədər Geologiya və Geofizika İnstitutu dağ-mədən işləri sektoruna rəhbərlik edərək Azərbaycanda dağ-mədən elminin əsasını qoyub və onun yaradıcısı olub.
Ş. Məmmədov oğlunun güllələnməsindən sonra çox yaşaya bilmədi. 2 il sonra o da oğluna qovuşdu! Bəlkə də , 15- 16 yaşlı oğlunun əlinə beşatılan tüfəngi verib ona quş vurmağı əyləncə olaraq öyrədəndə bu akademik həyatınin səhvini etmişdi!
Bundan böyük səhvi isə harınlamış oğlunun Dəstə kəndində bir kasıb usagını həmin tüfənglə atəş açıb öldürəndə onu uşaqlar üçün islah əmək koloniyasında tərbiyələnməyə göndərməkdən yayındirması oldu. O gunahsız uşağın valideynlərinin çarəsiz ahı yerdə qaldı.
Alikin dostu Tahir yəqin ki, ona görə istintaqa "Alikin atasına heç kim heç nə edə bilməz, heç Alikə də heç kim gözün üstə qaşın var deməyəcək " deyəndə Alikin çox cinayətlərdən rəis atasının sayəsində dəfələrlə qurulduğunu nəzərdə tutmuşdu!
( Əziz oxucular, mediadan oxuyub təsirləndiyim bu həyat hekayəsini sizə danışmagı özümə borc bildim, Alikin atasını hər kəsə tanıtmaq istədim.. Əgər Tamella xanımın sonrakı taleyi sizi maraqlandırırsa, Tamilla xanımın kim tərəfindən və niyə öldürüldüyünü bilmək istəyirsinizsə, deyin, bu haqda da sizə məlumat verim! )
Əntiqə Rəşid Aslan
TEREF

Türkiyəli məşhur aktrisa Akasya Asıltürkmen qonaq olduğu proqramda verdiyi açıqlamalarla diqqət çəkib.

Qlobal.net xəbər verir ki, qatıldığı verilişdə "Tək yatmaq rahatdır, yoxsa partnyorla?" sualına Akasya Asıltürkmen “Hər zaman bir kişi ilə eyni yatağa girmək istəmirəm” cavabını verib.

Aparıcı isə bu cavabdan təəccüblənərək "Niyə məcbur olasan?" – deyə soruşub. Asıltürkmen "Çünki eyni yataqdır. Artıq evlisən. Bir otaq var", - deyə cavablayıb.

Onun bu cavabı sosial mediada mübahisə yaradıb. Bəzi istifadəçilər onu fikri ilə razılaşsa da, bəziləri ona qarşı çıxıblar.(News24.az )

Günlərdir yerli medianın gündəmini plastik əməliyyatdan bir müddət sonra dünyasını dəyişən Nəzrin Mansurlu və bu işlə əlaqəli həbs olunan plastik cərrah Sənan Mehdiyevlə bağlı xəbərlər zəbt edib.

TEREF “Oxu.az”a istinadən xəbər verir ki, təbii olaraq bir xanımın gənc yaşında dünyadan köçməsi hər bir kəsi məyus edir.

Medianı da, əməliyyatı edən həkimi də, həkimin ətrafını da, oxucunu da ən çox üzən məsələ bir uşağın anasız, bir kişinin xanımsız, bir ata-ananın övladsız, bir kollektivin iş yoldaşsız qalması məsələsidir. Hamı bu məsələdə ailəyə başsağlığı vermək və səbir diləməklə onların dərdinə şərik olmağa çalışır. Bu fakt hər kəs üçün ən öndə duran məsələdir.

Ancaq məsələ tək bununla bitmir. Ortada başqa bir fakt var. Daha doğrusu, iki mühüm fakt var: Nüfuzlu “Liv Bona Dea”, yaxud “Liv Bona Dea”nın nüfuzu və həmin günü növbədə olan həkimlər. Və bu həkimlərin fonunda plastik cərrah Sənan Mehdiyevin həbsi faktı.

Təbii ki, məsələ ilə bağlı hüquq-mühafizə orqanları araşdırma, istintaq aparır. Bu, istintaqın obyektiv və ədalətli aparılmasına heç kimdə şübhə yoxdur.

Gələk məsələnin “Liv Bona Dea” nöqtəsinə. Azərbaycanda hər kəsə məlumdur ki, ən etibarlı tibb ocağı deyərkən ilk ağıla adlardan biri məhz “Bona Dea”dır. Klinikanın nüfuzu, müasir avadanlığa malik olması, peşəkar həkim heyəti və inzibati binasının əlverişli şəraitdə olması və s. üstünlüklər onu ən öndə gedənlərdən biri olması faktını danılmaz edir. Bundan əlavə klinikanın həkim heyətinin daha peşəkar və adlı-sanlı olması bu tibb mərkəzinin adının brendləşməsinə səbəb olub. Təsadüfi deyildir ki, “Liv Bona Dea” nüfuzuna və etibarlığına görə hətta qonşu ölkələrin tanınmış klinikaları ilə müqayisə edilir. Ölüm faktının bu klinikada baş verməsi suallara cavabın bir hissəsinin burada axtarılmasına işarə edir. Bəs bu işarələr kimə, yaxud kimlərədir?

ABŞ-də yaşayan jurnalist Qənirə Ataşova məsələ ilə bağlı paylaşım edərkən bir məqama toxunmuşdu. Həmin məqam xəstənin “Liv Bona Dea” klinikasına daxil olan zaman növbətçi həkimlərin adları məsələsi idi. Bəs Nəzrin Mansurlu klinikaya gətirilən zaman növbədə olan həkimlər kim olub?

Məlumata görə, həmin günü “Liv Bona Dea” klinikasında qəbul şöbəsinin növbətçi həkimi Rifah Həmidov və reanimatoloq Məhsəti Yusifova olub.

Fotoda: Məhsəti Yusifova

Suallardan biri də burada yaranır. Həmin həkimlər xəstəyə hansı formada və dərəcədə yardım edə biliblər? Vurulan iynələr, köçürülən sistemlər və s. Burada ortada açıq qalan suallar çoxdur.

Fotoda: Rifah Həmidov

Təbii ki, bütün suallara ədalətli istintaqda cavab tapılacaq.

Və bu məsələdə “Liv Bona Dea” kimi nüfuzlu klinikanın adının hansısa əməkdaşa görə pis hallanmasının böyük ədalətsizlik olduğunu demək istəyərdim. Ümid edirik ki, “Liv Bona Dea” klinikası özü bu məsələnin aydınlığa çıxmasında addımlarını atacaq.

Bu gün saat 13 radələrində Abşeron rayonu ərazisində qətl törədilib.

“Qafqazinfo” rayon prokurorluğuna istinadən xəbər verir ki, 1987-ci il təvəllüdlü Türkan Abdurəhimovanın öldürülməsi barədə məlumat daxil olub.

Araşdırma zamanı 1967-ci il təvəllüdlü Şakir Rzayevin rayonun Masazır kəndi ərazisində bıçaqla xəsarətlər yetirərək qohumu Türkan Abdurəhimovanı qəsdən öldürməsinə əsaslı şübhələr müəyyən edilib.

Faktla bağlı Abşeron Rayon Prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb. Şakir Rzayev iş üzrə şübhəli şəxs qismində tutulub.

İbtidai istintaq davam etdirilir.

Son vaxtlar bəzi klinikalarda aparılan yoxlamalar, xüsusilə, estetik cərrahlarla bağlı məsələlər əsas gündəm mövzusudur. Buna görə də plastik, kosmetoloji prosedurlar etdirən və yaxud etdirmək istəyən şəxslər üçün bəzi sual yaradan məqamlar var.

Məsələn, bəzi gözəllik salonlarında kosmetoloji prosedurlar edilir. Maraqlıdır ki, bu prosedurlar nə dərəcədə doğru və gigiyenik şəkildə həyata keçirilir?

Klinikalar bir sıra nöqsanların aşkarlanması nəticəsində bağlanırsa, gözəllik salonları da eyni dərəcədə yoxlanılıb, bağlanılırmı?

Bu salonların kosmetoloji prosedurları həyata keçirməkləri üçün xüsusi lisenziyaları var?

AzFakt.com xəbər verir ki, Analitik Ekspertiza Mərkəzindən Bizim.media-ya verilən açıqlamada bildirilib ki, Nazirlər Kabinetinin 15 may 2017-ci il tarixli 206 nömrəli Qərarı ilə təsdiq olunan "Özəl tibb fəaliyyəti üzrə lisenziyalaşdırılan xidmətlərin və işlərin Siyahısı"nda "kosmetoloji" iş üzrə xidmətin göstərilməsi tibbin bir sahəsi olaraq, tibbi kosmetologiyaya daxil olan estetik problemlər, onların korreksiyasına və profilaktikasına yönəlmiş, örtük toxumalarına müdaxilə ilə müşayiət olunan müxtəlif kompleks prosedurları nəzərdə tutur.

"Tibbi kosmetologiyaya cərrahi müdaxilələr istisna olmaqla (plastik cərrahiyyəyə aid olduğundan) konservativ və korreksiya üsulları daxildir. Bu üsullara inyeksiya (iynə) prosedurları, müxtəlif növ aparat kosmetologiyası (o cümlədən lazer üsulu ilə epilyasiya), biorevitalizasiya, mezoterapiya, pilinq prosedurları, müalicəvi masaj üsulları, plazmoliftinq və digər prosedurlar aid olunur. Bu üsullar "kosmetoloji" işə aid olunduğundan müvafiq iş üzrə özəl tibb xidməti fəaliyyətinin göstərilməsi üçün lisenziya tələb olunur".

Bəs bu sahə ilə məşğul olmaq hüququna kimlər malikdirlər?

Verilən açıqlamada qeyd olunub ki, bu sahədə praktiki tibbi fəaliyyət üzrə müvafiq sertifikatı olan həkim-dermatoloqlar və tibbi kosmetologiya üzrə ixtisaslaşma keçmiş ali tibbi təhsilli mütəxəssislər məşğul olmaq hüququna malikdirlər.

"Özəl tibb fəaliyyəti haqqında" Azərbaycan Respublikasının Qanununa uyğun olaraq, qanunvericiliklə müəyyən olunan qaydada hüquqi şəxs yaratmaqla özəl tibb fəaliyyəti, həmçinin, ali tibb təhsili olan (ixtisasca həkim-dermatoloq) şəxslər tərəfindən hüquqi şəxs yaratmadan fiziki şəxs olaraq qanunvericiliklə müəyyən olunmuş qaydada özəl tibbi praktika üzrə fəaliyyət həyata keçirilə bilər".

Gözəllik salonlarında kosmetoloji proseslər keçirilə bilməz

"Qeyd edək ki, gözəllik salonları tibb müəssisələrində sanitar epidemioloji tələblərə dair qaydalara cavab vermədiyindən həmin təsərrüfat obyektlərində tibbi kosmetoloji fəaliyyətin həyata keçirilməsi yolverilməzdir. Belə ki, vətəndaş şikayətləri və yerli dövlət orqanları tərəfindən daxil olan bu tip müraciətlər olduqda aidiyyəti gözəllik salonlarında qanunvericiliklə müəyyən olunmuş qaydada xidməti yoxlamalar keçirilir. Keçirilən yoxlamalar zamanı sahibkar subyektlərində aşkar edilmiş qanunsuz tibbi praktiki fəaliyyətlə məşğul olması faktı lisenziyasız özəl tibb fəaliyyəti kimi qiymətləndirilir və inzibati xəta məcəlləsinin müvafiq maddələri ilə inzibati qaydada tənbeh olunaraq növbəti icraata göndərilir", - deyə məlumatda bildirilib.

Slovakiya tarixində ilk dəfə olaraq qadın polis rəisi təyin edilib.

Bunu Slovakiya daxili işlər naziri Matus Şutay-Eştok deyib.

“Bu gündən polis korpusunun rəhbərliyinə general Yana Maşkarova cavabdeh olacaq”, – o bildirib.

İmişli rayonu Aranlı kəndindəki 1 saylı tam orta məktəbin ötən ilin sentyabrında işdən çıxarılan müəllimi Leyla Nəcəfquliyeva məhkəməyə müraciət etmişdi. O, işdən çıxarılma barədə əmrin ləğvi, məcburi iş buraxma müddəti üçün əməkhaqqı və mənəvi zərərə görə kompensasiya ödənilməsi tələb edirdi.

Uzun araşdırmadan sonra İmişli rayon Məhkəməsi yanvarın 24-də çıxardığı qərarla müəllimin iddiasını təmin etməyib.

Bu barədə AzadlıqRadiosuna L.Nəcəfquliyeva özü məlumat verib. O hesab edir ki, məktəb direktorunun əmri kimi məhkəmə qərarı da qanunsuzdur: "2024-cü ildə Milli Məclisə keçirilən seçkilərdə mən 82 saylı İmişli-Saatlı seçki dairəsi üzrə deputatlığa namizəd olmuşam. Seçkilərin nəticələri Konstitusiya Məhkəməsi tərəfindən sentyabrın 21-də təsdiq edilib. Amma məktəb direktoru məni sentyabrın 17-də işdən çıxarıb. Həmin vaxt mənim toxunulmazlıq hüququm olub. Bu hüquqa görə mən işdən çıxarıla, razılığım olmadan başqa işə keçirilə bilməzdim. Məhkəmə əmək müqaviləmə xitam verilməsi üçün əsas göstərilən halları müzakirə etdi, toxunulmazlıq hüququm arxa planda qaldı".

L.Nəcəfquliyeva məhkəmə qətnaməsini hələ almadığını, alan kimi ondan apellyasiya şikayəti verəcəyini söyləyir.

O, bundan əvvəl də AzadlıqRadiosuna açıqlamasında işdən kənarlaşdırılmağını yeni tikilmiş məktəb binasının istifadəyə verilməsinin ləngidilməsinə görə sentyabrın 16-da açıq havada dərs keçməyi ilə əlaqələndirmişdi. O, həmçinin son parlament seçkilərində deputatlığa namizəd kimi etdiyi çıxışlara, sosial mediada paylaşımlara, bəzi vəzifəli şəxslər barədə tənqidi çıxışlarına görə hədələndiyini də vurğulayırdı. Daha əvvəl də L.Nəcəfquliyeva çalışdığı məktəbdə ayaqyolu olmaması ilə bağlı video çəkib paylaşmaqla gündəmə gəlmişdi.

"Müəllim şagirdlərdən alət kimi istifadə edib"
Mil-Muğan Regional Təhsil İdarəsi də L.Nəcəfquliyevanın işdən kənarlaşdırılmasının şagirdlərə açıq havada dərs keçməsi və bunu özünün TikTok hesabından canlı paylaşması ilə əlaqədar olduğunu təsdiqləmişdi. Qurum yaydığı açıqlamada iddia edib ki, müəllim şəxsi mənafeyi naminə şagirdlərdən alət kimi istifadə edib. "Bununla da təhsilalanların sağlam və təhlükəsiz şəraitdə təhsil almaq hüquqlarını, həmçinin "Təhsilverənlərin etik davranış Qaydaları"nı kobud şəkildə pozub",- açıqlamada bildirilir.

Pressklub.az