 |
|
|
Göyçə gölü istiqamətində Ermənistan silahlı qüvvələri irimiqyaslı atəş mövqeləri inşa edib.
Bu barədə GSSR44 "Telegram" kanalı görüntü paylaşıb.
Bildirilib ki, atəş mövqeləri hücum xarakterli beton-bunker tipli mövqenin arxasında yerləşir.
“Maskalanma üçün meşəlik ərazidən və relyefdən istifadə olunur. Ərazidə maskalanmış çox saylı texnika müşahidə edilir. Həmçinin ərazidə iriçaplı artilleriya-raket qurğularının, HHM sistemlərinin və öldürücü silahların yerləşdirilməsi də istisna olunmur. İrimiqyaslı atəş mövqeyi şərti sərhədin bir neçə kilometrliyində yerləşir”, - məlumatda qeyd edilib.
Mayın 9-na planlaşdırılan Qələbə Paradı təhlükəsizlik səbəbindən Krasnodarda keçirilməyəcək.
Tribunainfo.az RİA Novosti-yə istinadən xəbər verir ki, bu barədə Krasnodar diyarının qubernatoru Veniamin Kondratyev məlumat verib.
“Çünki bu, böyük riskdir – demək olar ki, hər gecə hava hücumu xəbərdarlığı var. Təbii ki, biz Krasnodar sakinlərini, parada gələcək iştirakçıların həyattını riskə ata bilmərik”, – region rəhbəri bildirib.
Kondratyev həmçinin bildirib ki, “Ölümsüz alay” aksiyası bu il onlayn rejimdə keçiriləcək. Onlar veteranları konsert proqramı ilə təbrik etməyi planlaşdırırlar.
ABŞ Prezidenti Donald Tramp rusiyalı həmkarı Vladimir Putinə səslənib.
Tramp Putindən müharibəni dayandırmasını istəyib.
“Vladimir, dayan”, – deyən Tramp Rusiyanın Kiyevi bombalamasından məmnun olmadığını dilə gətirib.
Ukrayna Fövqəladə Hallar Xidmətinin məlumatına görə, ölənlərin sayı 12 nəfərə yüksəlib.
***
Ukraynanın kütləvi dron hücumuna məruz qalması zamanı həlak olanların sayı 10 nəfərə yüksəlib.
Globalinfo.az xəbər verir ki, bu barədə Ukrayna Dövlət Fövqəladə Hallar Xidməti məlumat yayıb.
Yaralıların sayı isə 90 nəfərdir.
Dağıntılar altından axtarış-xilasetmə işləri davam etdirilir.
Ötən gecə Ukrayna Rusiya tərəfindən kütləvi hücuma məruz qalıb, Kiyevdə zərbələr nəticəsində çoxlu insan ölüb, onlarla insan yaralanıb.
APA xəbər verir ki, Ukrayna Fövqəladə hallar üzrə Dövlət Xidmətinin məlumatına görə, bu gün səhər saatlarına olan məlumata görə, 9 nəfər həlak olub.
Bundan başqa hava zərbələri nəticəsində 63 nəfərin xəsarət aldığı bildirilir ki, onlardan da 6-sı uşaqdır. Xəsarət alanların 42 nəfəri xəstəxanaya yerləşdirilib.
"Yaşayış binalarında dağıntılar olub. Dağıntılar altında qalan insanların axtarışı davam edir", - məlumatda bildirilir.
***
05:51
Ukraynanın bir sıra şəhərləri pilotsuz uçuş aparatları, ballistik raketlərlə, o cümlədən “Kalibr” raketlərindən atəşə tutulub.
APA xəbər verir ki, Ukrayna mətbuatı Xmelnitski, Poltava, Kirovoqrad vilayətləri, Çerkasi, Xarkov, Çerniqov, Vinnitsa vilayətləri raket atəşinə tutulub.
Ukrayna Silahlı Qüvvələri Kiyevdə hava hücumundan müdafiə sisteminin fəaliyyət göstərdiyini açıqlayıb.
***
04:32
Ukraynanın şəhərləri kütləvi raket hücumuna məruz qalıb.
APA xəbər verir ki, Kiyevdə güclü partlayışların baş verdiyi bildirilir.
Ukrayna mediası hücumlar zamanı ölən və yaralananların olduğunu yazıb.
Xarkovda Novobavarski rayonunda da bir sıra partlayışlar baş verib. Partlayışlar zamanı ölən və yaralananlar barədə hələlik məlumat yoxdur. Xarkovun meri İqor Terexov şəhərə yeddi raket zərbəsi endirildiyini bildirib.
Kiyevin meri Vitali Kliçkonun sözlərinə görə, Rusiyanın Kiyevə hücumundan ən çox Svyatoşinski rayonu zərər görüb. Belə ki, şəhərin 6 məntəqəsində yanğın baş verib, dağıntılar var.
Ukrayna Müdafiə Nazirliyi “18–24 Müqaviləsi” proqramı çərçivəsində vətəndaşların könüllü əsaslarla xidmət edə biləcəyi daha səkkiz hərbi birliyin adını açıqlayıb.
Musavat.com xəbər verir ki, bu proqram 18 ilə 24 ay müddətində xidmət etməyi nəzərdə tutur və iştirakçılara sosial təminat, əməkhaqqı və təcrübə imkanları təqdim edir.
Proqrama yeni qoşulan briqadalar bunlardır:
47-ci ayrı mexanikləşdirilmiş briqada “Mağura”
54-cü mexanikləşdirilmiş briqada – hetman İvan Mazepanın adını daşıyır
3-cü ayrı zirehli “Dəmir” briqadası
82-ci desant-hücum “Bucovina” briqadası
34-cü sahil mühafizəsi briqadası
103-cü ərazi müdafiə briqadası – mitropolit Andrey Şeptitskinin adını daşıyır
108-ci ərazi müdafiə briqadası
127-ci ərazi müdafiə briqadası
Qeyd edək ki, “18–24 Müqaviləsi” proqramı Ukrayna Silahlı Qüvvələrinin şəxsi heyət tərkibini gücləndirmək və peşəkar kadrlarla təmin etmək məqsədi daşıyır. Müdafiə Nazirliyi daha çox gənci bu proqrama qoşulmağa çağırır.
Musavat.com
Rusiyanın raket-artilleriya anbarı partladıldı! Moskva yolu bağlanıb
"Ukrainskaya pravda" nəşri xəbər verir ki, Rusiyanın Müdafiə Nazirliyinin Baş Raket-Artilleriya İdarəsinin Vladimir vilayətində yerləşən 51 saylı cəbbəxanasında güclü partlayışlar baş verir. Obyektdə güclü partlayış baş verib, alışan cəbbəxanada ard-arda partlayışlar davam edir.
Moskva tərəfindən Kirjac istiqamətində yolların bağlandığı xəbər verilir.
Hadisə yerindən tüstü dumanı ucalır.
Silah anbarına yaxın ərazidə hərbi hissə yerləşir.
51 saylı cəbbəxana Ukrayna ilə sərhəddən 530 km məsafədə yerləşir.
Moskvadan şərqdə yerləşən hərbi obyekt 3,5 kv km sahəyə malikdir. Bəzi məlumatlara görə, orada 274 min tona qədər silah-sursat saxlanıla bilər.
Daxili İşlər Nazirliyinin Daxili Qoşunların Baş İdarəsinin hərbi qulluqçularının aylıq vəzifə (tarif) maaşlarının məbləğləri yeni redaksiyada təsdiq edilib.
"DogruXeber.az" xəbər verir ki, Baş nazir Əli Əsədov bununla bağlı qərar imzalayıb.
Eyni zamanda, həmin qərara əsasən, “Azərbaycan Respublikası Daxili İşlər Nazirliyinin Daxili Qoşunların Baş İdarəsinin (aparat) dövlət qulluqçusu olmayan mülki işçilərinin aylıq vəzifə (tarif) maaşlarının məbləğləri” yeni redaksiyada təsdiq edilib.
Həmçinin, “Azərbaycan Respublikası Daxili İşlər Nazirliyinin Daxili Qoşunların Baş İdarəsinin tabeliyində olan qurumlarda çalışan dövlət qulluqçusu olmayan mülki işçilərin aylıq vəzifə (tarif) maaşlarının məbləğləri” yeni redaksiyada təsdiq edilib.
Maliyyə Nazirliyinə tapşırılıb ki, bu Qərarın icrası ilə əlaqədar tələb olunan vəsaitin ödənilməsi məqsədilə müvafiq tədbirlərin həyata keçirilməsini təmin etsin.
Bu Qərar 2025-ci il yanvarın 1-dən tətbiq edil
Ukrayna Müdafiə Qüvvələri Rusiyanın Sumı vilayətinə hücum cəhdini uğurla dəf edib.
APA xəbər verir ki, bu barədə Ukrayna Silahlı Qüvvələrinin baş komandanı Aleksandr Sırski "Telegram" kanalında məlumat verib.
Onun sözlərinə görə, dövlət sərhədinə yaxın ərazilərdə və Rusiya Federasiyasının öz ərazisində intensiv döyüşlər davam edir.
"Rusiya qoşunları rəhbərliklərinin əmrini yerinə yetirərək bizi Kursk vilayətinin ərazisindən çıxarmağa və Sumı ilə sərhəddə yerləşən Ukrayna ərazilərini ələ keçirməyə çalışır. Lakin bu istiqamətdə aqressorun hücum planı Ukrayna Müdafiə Qüvvələrinin fəal və qətiyyətli əməliyyatları sayəsində növbəti dəfə puça çıxarılıb", – deyə məlumatda qeyd olunur.
Sırski vurğulayıb ki, hazırda öz fəaliyyətini məhz bu istiqamətdə cəmləşdirib.
Uitkoff Putinlə görüşə gedir, Kiyevdən cavab gözlənilir…
Belə görünür ki, ABŞ administrasiyası artıq bu həftə ya Ukraynada tam atəşkəsə nail olmaq, ya da “əllərini yuyub”, bu mövzudan uzaqlaşmaq niyyətindədir. Hər halda, Donald Tramp və ətrafının verdiyi son bəyanatlar, bu həftə ərzində keçiriləcək vacib görüşlər və Qərb mətbuatının yazdıqları belə bir qənaətə gəlməyə əsas verir.
“AzPolitika” xəbər verir ki, “Wall Street Journal”-ın yazdığına görə, ABŞ Prezidentinin xüsusi elçisi Stiven Uitkoff bu həftə Londonda Ukrayna hökumətinin nümayəndələrinin də iştirak edəcəyi danışıqlardan sonra yenidən Rusiyaya, Putinlə görüşə gedəcək.
Londonda keçiriləcək görüşdə Uitkoffdan başqa ABŞ Dövlət katibi Marko Rubio və Ukrayna üzrə xüsusi elçi Keyt Kelloq da olacaq. Məsləhətləşmələrdən sonra Vaşinqtonun, Avropanın və Kiyevin mövqeləri üst-üstə düşərsə, Uitkoff Rusiyaya səfər edəcək.
Nəşr qeyd edir ki, Londonda keçiriləcək görüşdə ABŞ-nin təklifləri müzakirə ediləcək və “potensial variantların siyahısı”na baxılacaq.
Uitkoff son üç ay ərzində Rusiyada iki dəfə Vladimir Putinlə görüşüb. Aprelin 11-də keçirilən görüşdən sonra Ağ Evin mətbuat katibi Karolin Levitt bəyan edib ki, ABŞ administrasiyasının sülh yolu ilə nizamlanmaya nail olmaq üçün təzyiq alətləri var və onlardan istifadə etmək niyyətindədir. Daha sonra Tramp Rusiyanı sülhə nail olmaq üçün “hərəkət etməyə” çağırıb.
Qəzet onu da yazır ki, Birləşmiş Ştatlar Kiyevin bu həftə müharibəyə son qoymaqla bağlı ABŞ planına cavab verəcəyini gözləyir. Bu plana Ukraynanın NATO-ya üzv olmaqdan imtinası və Amerika tərəfindən Krımın Rusiya ərazisi kimi tanınması kimi məsələlər daxildir.
Qərb rəsmiləri bildiriblər ki, ABŞ-nin təklifləri Tramp administrasiyasının yüksək səviyyəli rəsmilərinin cümə axşamı Parisdə Ukrayna tərəfinə təqdim etdikləri məxfi sənəddə öz əksini tapıb. Onlar Avropa rəsmilərinə də göstərilib.
ABŞ indi Kiyevin cavabını gözləyir və bu cavabın ABŞ, Ukrayna və Avropa rəsmilərinin həftə sonunda Londonda keçiriləcək görüşündə veriləcəyi gözlənilir.
ABŞ-nin Parisdə təqdim etdiyi təkliflər bir neçə aspekti əhatə edib. Onların arasında Ukraynanın NATO-ya üzvlüyündən imtinası ilə yanaşı, Zaporojjye AES-in ətrafındakı zonanın Vaşinqtonun nəzarətinə verilməsi də var.
Eyni zamanda, Qərb rəsmilərinin fikrincə, Tramp komandasının nümayəndələrinin irəli sürdüyü təkliflər Rusiyanın bir sıra tələblərinə uyğun gəlmir. Xüsusilə, ABŞ Rusiya Federasiyasının Ukraynanın şərq hissəsindəki dörd vilayətə (söhbət Zaporojya, Xerson, Luqansk və Donetsk vilayətlərindən gedir) qanuni şəkildə nəzarət etmək hüququnu tanımır. Eyni zamanda da, Vaşinqton rus qoşunlarının bu əraziləri tərk etməsini tələb etmir. Həmçinin, ABŞ Krımın Rusiya ərazisi kimi tanınması imkanını nəzərdən keçirəcək.
Qəzet Kiyevin mövqeyilə bağlı yazır: "Tramp administrasiyasının bəzi ideyalarını qəbul etmək Kiyev üçün çətin ola bilər, çünki Ukrayna Rusiyanın onun hər hansı ərazisinə yiyələnməsini rəsmən tanımaqdan imtina edib".
Həmçinin, nəşrin yazdığına görə, ABŞ Rusiyanın istəyinin əleyhinə olaraq, Ukrayna qoşunlarının sayını məhdudlaşdırmağı təklif etmir və Qərbin Kiyevə hərbi dəstəyini, yaxud bu ölkədə Avropa qoşunlarının yerləşdirilməsini də istisna etmir.