 |
|
|
Xatırladaq ki, bu yaxınlarda aktualxeber.az saytında ““Azərişıq” ASC-nin milyonlar mənimsəyən məmuru” başlıqlı məqalə dərc etmişdik. Məqalədə qeyd etmişdik ki, hələ “Akkord”da əvvəlcə istehsalat departamentinin direktoru, sonra isə rəhbər işləyən zaman Kamil Hüseynov tərəfindən milyonlarla dövlət vəsaiti mənimsənilibdi. Bir faktı qeyd edək ki, Elçin Bədəlovun “Akkord”a rəhbərlik etdiyi dövrdə Azərbaycan Beynəlxalq Bankından götürülmüş yarım milyard manatdan çox kredit bölgələrdə müxtəlif layihələr adıyla su-kanalizasiya departamentinin rəhbəri Fariz Cəmilli və istehsalat departamentinin direktoru Kamil Hüseynov tərəfindən mənimsənilmişdi. Kreditlərin qaytarılması məsələsi gündəmə gələndə isə şirkət çətin vəziyyətə düşmüşdü və orada yoxlamalar başlamışdı. Qeyd edilir ki, yoxlamalar ilk olaraq kreditin ən çox mənimsənildiyi su-kanalizasiya və istehsalat departamentlərində başlayıb və külli miqdarda yeyinti faktları aşkarlanmışdı. Təsəvvür edin ki, təkcə Şəmkir layihəsinin anbarında 300 min manatlıq material əskikliyi aşkar edilmişdi. Ümumilikdə isə departamentdə 20 milyon manata yaxın yeyinti aşkar olunmuşdu.
“Akkord” şirkətində şok korrupsiya faktları barədə ölkə mətbuatı hələ 2014 -ci ildə silsilə məqalələr yazmışdı. Belə ki, həmin yazılarda Elçin Bədəlovun və Kamil Hüseynovun adı “Akkord”da baş vermiş çoxsaylı maliyyə yeyintilərində əsas fiqurlar olaraq çəkilirdi. Aktualxeber.az-a danışan mənbəmiz bildirir ki, “Akkord” şirkətində aparılan audit yoxlamalarından sonra Elçin Bədəlov, təhqiqat departamentinin direktoru Şahin Məmmədov, su-kanalizasiya departamentinin direktoru Fariz Cəmili, infrastruktur departamentinin direktoru İlqar Budaqov, kadrlar departamentinin direktoru Səbinə Feyzova işdən çıxarılsalar da, Kamil Hüseynov “Akkord” şirkətlər qrupunun baş direktoru vəzifəsinə təyin olunub. Bu təyinatın özü geniş bir müzakirə mövzusu olduğundan daha geniş məqaləmizi bəzi dəqiqləşdirmələrdən sonra oxucularımıza təqdim edəcəyik.
Bir maraqlı məqamı da qeyd edək ki, son zamanlar “Azərişıq” ASC-nin sədri Vüqar Əhmədovun müşaviri olan Kamil Hüseynov bu gün öz qanunsuz əməllərini orada davam etdirməkdədir. V.Əhmədovla tələbə yoldaşı və yaxın dost olan K.Hüseynov “Azərişıq” ASC-də əsas söz sahiblərindəndir. Bütün tenderlərə və layihələrə birbaşa nəzarət edən müşavir müxtəlif maxinasiyalarla “Azərişıq” ASC-də milyonlarla vəsait mənimsəməkdədir.Deyilənə görə Vüqar Əhmədovun bütün qaranlıq işlərini bu şəxs yerinə yetirir. Hardan bilmək olar ki, V.Əhmədovu Elçin Bədəlovun taleyi gözləmir. Bir gün eşitsək ki, “Azərişıq” ASC-nin rəhbəri Kamil Hüseynovdur, heç də təəccüblənmərik.
Qarşı tərəfi də dinləməyə hazırıq. //aktualxeber.az//
Azərbaycanımız daim inkişaf edir.İnkişafımız bütün sektorlarda özünü göstərir.İdmanda ,turizmdə,iqtisadiyyatda,təhsildə.Lakin bəzən elə hadisələrnən üz-üzə qalırsan ki,deyirsən niyə axı bu “insancıqlar”bu inkişafımızın üzərinə kölgə qoyurlar.
Insanlar öz yorğunluqlarını çıxarmaq üçün ,istirahət etmək üçün istirahət mərkəzlərinə,restaranlara üz tuturlar.Amma acgöz restaran sahibləri müştərinin əsəbi ilə oynayıb sonda da müştərini “girov”belə saxlamaqdan çəkinmirlər
Bu yaxınlarda “Sapfir”adlı məşhur restaranda müştərini nece aldadaraq pullarını mənimsədikləri haqda Aktualxeber.az -ın redaksiyasına şikayət daxil olub.Bu adı çəkilən məkanda sifariş edilən yeməklərdən əlavə yeməklər masaya düzülüb ki, sonda ağlasığılmaz hesab müştərini şoka salb.
Müştəri buna aydınlıq gətirilməsini istədikdə isə işçilər bunun onlara aidiyyatı olmadıqını bildriblər.Sanki bura Azərbaycan deyil və gələnlərdə bura vətəndaşı deyil.Müştərini girov saxlamaq nə deməkdir?Restaranın sahibi Əliyar adlı şəxs müştərini maşının içində saxlayıb ta ki,pul gəlib onların əlinə çatana kimi.Bu müştərinin cibinə girmək deyil bəs nədir???
Sonda onu da nəzərinizə çatdıraq ki,adı çəkilən məkan “Sədərək Yusif”ə məxsusdur.Görünən budu ki,Əliyar da Yusifə arxalanır.Bununla bağlı geniş araşdırmamız olacaq.
Qarşı tərəfin mövqeyini də dərc etməyə hazırıq. //Aktualxeber.az//
Penitensiar xidmətin Əməliyyat-rejim idarəsinin rəisinin “3 milyon dollarlıq” iddiasının arxasında hansı maraqlar dayanır?
İki gün əvvəl “Новости-Грузия” Azərbaycanla bağlı sensasion iddiaların əks olunduğu bir yazı dərc etdi. Əslində, bu yazıda Gürcüstan hakimiyyətində yüksək vəzifələrdə təmsil olunan bir neçə məmur, o cümlədən keçmiş baş nazir Bidzina İvanişvili hədəfə alınmışdı. Lakin burda Azərbaycanın da adı qalmaqallı rüşvət məsələsində hallandığından, mövzu diqqətimizi çəkməyə bilməzdi. Ən maraqlısı isə odur ki, iddia olunan rüşvət faktının hazırda da yüksək vəzifədə çalışan azərbaycanlı məmurlardan biri tərəfindən açıqlandığı vurğulanır...
Dəyərli oxucuların diqqətində çatdıraq ki, müxalifyönlü Apsny.ge saytının da dərc etdiyi məlum yazıda azərbaycanlı jurnalist Əfqan Muxtarlının Gürcüstan hakimiyyətinin rəhbər şəxslərinə qarşı iddiasından söhbət açılır. Məlumata əsasən, Gürcüstan prokurorluğunda ifadə verən jurnalist iddia edib ki, “Azərbaycan onun Tiflisdən oğurlanmasına görə Gürcüstana 3 milyon dollar ödəyib”.
Əfqan Muxtarlı
“Gürcüstan prokurorluğu Muxtarlını 2017-ci ilin mayında Tiflisdə oğurlanması işi üzrə rəsmi olaraq zərərçəkmiş kimi tanıyıb. Avropada siyasi qaçqın kimi qəbul edilən Muxtarlı indi onun oğurlanmasının təşkilində əlinin olduğunu düşündüyü Gürcüstanın keçmiş baş naziri, milyarder Bidzina İvanişvili və daxili işlər naziri Vaxtanq Qomelaurinin dindirilməsini və hüquq qarşısında cavab verməsini tələb edir. Bundan başqa, azərbaycanlı jurnalist tələb edir ki, Qomelauri vəzifəsindən getsin”, - deyə yazıda qeyd olunur.
Xatırladaq ki, Gürcüstan Dövlət Təhlükəsizlik Xidmətinin bu yaxınlarda həbs edilən sabiq rəis müavini Soso Qoqaşvili qalmaqallı açıqlamalarının birində Muxtarlının “Tiflisdən oğurlandığını” və Azərbaycan tərəfinə keçirilməsinin Gürcüstan xüsusi xidmət orqanları tərəfindən təşkil olunduğunu təsdiqləyib.
Qoqaşvili bu əməliyyatla bağlı məsuliyyəti Dövlət Təhlükəsizlik Xidmətinin o vaxtkı rəhbəri Vaxtanq Qomelaurinin üzərinə qoyur. O iddia edir ki, “Bidzina İvanişvilinin də Muxtarlının oğurlanması və qarşı tərəfə verilməsi planlarından xəbəri olub”.
Bu baxımdan, Əfqan Muxtarlının vəkili Arçil Çopikaşvili jurnalistlərə açıqlamasında bildirib ki, İvanişvili və Qomelauriyə qarşı hüquq müstəvisində hər hansı tədbir görülməzsə, məhkəməyə müraciət edəcəklər: “Əgər prokurorluq İvanişvili və Qomelaurinin ifadələrini almazsa, biz ilk növbədə Gürcüstan məhkəməsinə, burada bütün instansiyalardan keçdikdən sonra Avropa İnsan Haqları Məhkəməsinə müraciət edəcəyik. Qanun İvanişvili və Qomelaurinin ifadə vermələrini tələb edir, bundan imtina edə bilməzlər”.
Şübhəsiz, Əfqan Muxtarlı Gürcüstan rəhbərliyinin göstərişi ilə oğurlandığını iddia edirsə, məsələnin hüquq müstəvisində araşdırılmasını tələb etmək onun haqqıdır. Amma bizim üçün maraqlı olan onun Penitensiar xidmətin Əməliyyat-rejim idarəsinin rəisi, ədliyyə polkovniki Mirsaleh Seyidovla bağlı verdiyi açıqlamadır: “Bu binada Azərbaycan Penitensiar Xidmətinin rəisi müavini Mirsaleh Seyidovun mənə Azərbaycanın mənim oğurluğuma görə Gürcüstana 3 milyon dollar ödədiyini dediyi haqda ifadə vermişəm”.
Mirsaleh Seyidov
Əlbəttə, Muxatarlının bu açıqlaması kifayət qədər ciddi bir iddiadır. Hərçənd ki, Azərbaycanın bu iş üçün Gürcüstan tərəfə 3 milyon verdiyi inandırıcı deyil. Amma bu həqiqət olsa belə, Penitensiar xidmətin Əməliyyat-rejim idarəsinin rəisi kimi mühüm vəzifənin sahibi olan Mirsaleh Seyidovun Əfqan Muxtarlıya belə bir informasiya ötürməsi heç də təsadüf ola bilməz. Doğrudur, kimlərsə iddia edə bilər ki, “Mirsaleh Seyidov belə bir açıqlama verməyib, Əfqan Muxtarlı hansısa səbəblərdən onun adını çəkir”. Maraqlıdır, o halda jurnalist niyə məhz M.Seyidovun adını çəkir? Üstəlik, onu da nəzərə almalıyıq ki, Muxtarlı bu məlumatı sadəcə mediaya ötürməyib, o, Gürcüstan prokurorluğuna verdiyi ifadəsində belə bir iddia irəli sürüb və məsələnin araşdırılmasını tələb edib. Belə olduğu halda, Mirsaleh Seyidovun bilərəkdən, yaxud da bilməyərəkdən ona belə bir məlumat ötürdüyü istisna olunmamalıdır.
Bəs, M.Seyidovun birbaşa Azərbaycan rəhbərliyini, xüsusən də Prezident İlham Əliyevi hədəfə gətirən bu açıqlamanı verməkdə məqsədi nə olub? Heç kimə sirr deyil ki, Ə.Muxtarlı “oğurlanmazdan” əvvəl məhz Prezident ailəsini hədəfə alan yazılarla çıxış edirdi. Əgər ortada 3 milyonluq iddia varsa və bundan xəbərdar olan Mirsaleh Seyidov məlum “faktı” açıqlayıbsa, deməli, birbaşa ölkə başçısının hədəfə alınmasında maraqlı olub. Çünki o, jurnalistin bu informasiyanı ictimailəşdirəcəyinə zərrə qədər də şübhə etməyib. Belə olduğu təqdirdə, M.Seyidovun Prezident İlham Əliyevi hədəfə gətirməkdə nə kimi marağı ola bilərdi? Yoxsa bu məsələdə onun bağlı olduğu şəbəkənin maraqları olub? Hər halda, bu və digər suallar ciddi araşdırma tələb edir və güman edirik ki, müvafiq qurumların diqqətindən yan keçməyəcək.
Biz də Qafqaz.media olaraq Mirsaleh Seyidovun ölkə başçısını nə üçün və kimlərin göstərişi ilə hədəfə gətirdiyinə aydınlıq gətirməyə çalışacağıq. Bizi izləyin.
Qafqaz.media
Redaksiyadan: Qarşı tərəfin mövqeyini də dərc etməyə hazırıq.
"SOCAR Kompleks Qazma İşləri Trestinin Abşeron bölümünün rəhbərləri ,Xahiş edirəm qanunu diqqətlə oxuyun və ezamiyyətlərə,o cümlədən Salyana, Babacanlıya , göndərdiyiniz işçilərin ezamiyyə xərclərini ödəyin, həmçinin onlara normal iş şəraiti yaradın.İşçiləriniz susuzluqdan əziyyət çəkir". DİA.AZ bildirir ki, bu açıqlama ilə tanınmış hüquq-müdafiəçisi, Neftçilərin Hüquqlarını Müdafiə Təşkilatının sədri Mirvari Qəhrəmanlı çıxış edib.
Sözügedən problemin aktual olduğunu, işçilərin hüquqları ilə bağlı nəinki özlərinin, əksrə hallarda onları idarə edən rəhbər şəxslərin belə məlumatsız olduğunu qeyd edən M.Qəhrəmanlə məhz bu kimi hallara görə, yenidən müvafiq qaydaları haqqında qısa məlumatı təqdim etməyi borc bildiyini də xüsusi olaraq vurğulayır. Beləliklə, qanunlarımız bu barədə NƏ DEYİR:
Dövlət Hakimiyyəti orqanının, müəssisə, idarə və təşkilatın rəhbərinin sərəncamı (əmri) ilə işçinin daimi iş yerindən müəyyən olunmuş müddətə başqa yerə xidməti tapşırığı yerinə yetirmək üçün getməsi xidməti ezamiyyət sayılır.
Daimi işi yolda olan və ya gediş - gəliş yaxud nəzəri xarakter daşıyan işçilərin xidməti gedişi ezamiyyət sayılmır. Daimi iş vaxtı yolda keçən və gediş-gəliş xarakteri daşıyan, növbə (vaxta) metodu ilə işləyən və çöl şəraitində çalışan (gündəlik iş vaxtı başa çatdıqdan sonra öz daimi yaşayış yerinə qayıtmaq imkanı olmayan) müəssisə, idarə və təşkilatların işçilərinə ezamiyyə xərcləri əvəzinə hər gün üçün 15,0 manat əlavə vəsait verilir.
Ezamiyyə-ezamiyyət vəsiqəsi verilməklə bərabər müəssisə, idarə və təşkilatın rəhbərinin əmri ilə rəsmiləşdirilir.Əmrdə qarşı tərəf ezamiyyə xərclərinin ödənilməsini öz üzərinə götürdüyü hallarda ezamiyyə xərclərinin ödənilməsi ilə bağlı müddəalar öz əksini tapmalıdır. İşçilərin tabeçilik qaydasında yuxarı təşkilata və ya xarici ölkələrə xidmət ezamiyyətləri qarşılıqlı razılaşma və yaxud qarşı tərəfin dəvəti əsasında həyata keçirilir.
Ezam olunan işçiyə ezamiyyətə getməzdən əvvəl yol, kommunal və gündəlik yemək xərclərinin ödənilməsi üçün pul avansı verilir. İşçi ezamiyyətdən qayıtdıqdan sonra ezamiyyət ilə əlaqədar xərclədiyi vəsaitlərin məbləği haqqında 3 gün ərzində avans hesabatı təqdim etməyə borcludur.
Azərbaycan Respublikasının ərazisində ezamiyyə xərclərinin 1 günlük norması Bakı şəhərində 90,0 manat, Gəncə, Sumqayıt və Naxçıvan şəhərlərində 70,0 manat, respublika tabeli digər şəhərlərdə, rayon mərkəzlərində, şəhər tipli qəsəbələrdə və kəndlərdə 65,0 manat müəyyən edilmişdir.Azərbaycan Respublikasının ərazisində ezamiyyə xərclərinin müəyyən edilmiş 1 günlük normasının 80 faizini mehmanxana xərcləri təşkil edir Ezamiyyə xərclərinin 1 günlük normasına gündəlik, mehmanxana, rabitə, şəhərdaxili nəqliyyat (taksidən istifadə istisna olmaqla) və digər xidmətlər ilə bağlı xərclər daxildir.
Nəqliyyat xərcləri (ezam olunma yerinə getmək və qayıtmaq, ölkə-daxili xərclər) təqdim edilən sənədlər əsasında ödənilir.
***
Məsələ ilə nağlı dia.az olaraq qarşı tərəfi də dinləməyə hazırıq...
XalqXeber.Az
Masallı sakini Əhəd Əhədov deyir ki, Daşkəsən Rayon İcra Hakimiyyətinin başçısı Əhəd Abıyevin qohumları onunla ədavət aparır. Onun sözlərinə görə, əslən Masallıdan olan icra başçısının qohumları həm özünə, həm də qohumlarına müxtəlif formada təzyiq göstərir.
“Birinci qrup əlil oğlumu döyüb, qolunu, qabırğasını sındırdılar”
“Əhəd Abıyevin qohumları bizə yaşamağa imkan vermir…”, – 70 yaşlı şikayətçi Meydan TV-yə belə deyib.
Masallı sakininin sözlərinə görə, Azər və Spartak Nadirov qardaşlarının ona və ailə üzvlərinə qarşı törətdiyi hərəkətlərdə icra başçısından tutmuş, polis rəisinə qədər hamı xəbərdardır. Amma onların qarşısını alan yoxdur.
“Birinci qrup əlil olan oğlum – 1979-cu il təvəllüdlü Emin Əhədovu Azər və Spartak küçədə döyüb, qolunu, qabırğasını sındırıblar. Oğlum 1 ay Travmatologiya İnstitutunda yatdı. Hadisə olan yerdə çoxsaylı kameralar var. 49 gün heç bir iş görmədilər. Müstəntiq dəyişəndən sonra müəyyən qədər iş getdi. Təsəvvür elə, şahidlər təqdim edirdik, baxmırdılar, dindirmirdilər. Düzü, daxili işlər nazirinin qəbulunda olandan sonra irəliləyiş oldu, cinayət işi başlandı. Heç bu işin üstünü açıb, günahkarı cəzalandırmamış oğluma qarşı yenidən cinayət törədildi. Düz evimizin qarşısında onu döyüb burnunu sındırdılar…”.
“Aramızdakı ədavət şəhər sovetinin binasına görə başlayıb”
Əhəd Əhədov iddia edir ki, Nadirov qardaşlarını rayonda vəzifədə çalışanlar arasında himayə edənlər var. Bu üzdən onlar məsuliyyətə cəlb olunmur.
Masallı sakinləri Nadirov qardaşlarıyla aralarındakı ədavətin səbəbindən də danışıb. O bildirib ki, Masallıda vaxtilə şəhər sovetinin binası olmuş tikilinin bu ailəyə verilməsinə etiraz etdiyinə görə ona qarşı kin yaranıb:
“Bunlar bir dəfə o binanı almışdılar. Qəzənfər Ağayev icra başçısı gələndən sonra o binanı qaytardı. Çünki qanunsuz verilmişdi. Şahin Məmmədov icra başçısı gələndən sonra Əmlak Komitəsi vasitəsilə yenidən o binanı aldılar. Əslində, qanunsuzluq eləmişdilər. Çünki dövlətin əmlakı hərracda satıla bilər. Hərrac keçirib-eləmədilər. Mən bu məsələ ilə əlaqədar Prezident Administrasiyasına teleqram göndərmişdim, qanunsuzluğa yol verildiyini demişdim. Ədavət də buradan başlayıb. Bu məsələdə mən haqlıyam, ya yox – məsələ bunda deyil. Vətəndaşı hansısa məsələyə münasibətinə, şikayət yazdığına görə terrora məruz qoymaq nə qanunlara sığır, nə də insanlığa. Bir ildir məni bezdiriblər. Əhəd Abıyevin qohumlarıdır deyə, qarşılarını alan da yoxdur”.
“Böhtan və təhqirə görə cəzalandırılsın!”
Nadirovlar isə Əhəd Əhədovun onlara böhtan atdığını iddia edir. Azər Nadirov onun təhqir və böhtana görə cəzalandırılması üçün 2022-ci ilin iyulunda Masallı Rayon Məhkəməsində xüsusi ittiham qaydasında iddia qaldırıb. Amma bir müddət sonra məhkəməyə ərizə göndərib ki, şikayətini geri götürür, iddiasına baxılmasın. Məhkəmə də bunu nəzərə alaraq, avqustun 12-də şikayətin icraata götürülməsindən imtina qərarı çıxarıb.
Bir müddət sonra – sentyabrda o, yenidən eyni eyni məzmunlu iddia ərizəsilə Masallı Rayon Məhkəməsinə şikayət edib, Əhəd Əhədovun Cinayət Məcəlləsinin 147.2 (ağır cinayətdə ittiham etməklə böhtan atma) və 148-ci (təhqir) maddələrilə cəzalandırılmasını tələb edib. Bu dəfə də məhkəmə onun şikayətinə baxmaqdan imtina edib.
Cinayət işləri başlanıb
Polis əməkdaşlarının Masallıda Nadirov qardaşlarının özbaşınalıqlarına göz yumması haqda Əhəd Əhədovun iddialarına Daxili İşlər Nazirliyinin Baş İstintaq və Təhqiqat İdarəsindən cavab verilib. İdarənin rəisi Emil Usubov bildirib ki, Əhəd Əhədovun oğlu Eminin döyülüb xəsarət alması faktına əsasən, Masallı Rayon Polis Şöbəsində 13 iyun 2022-ci ildə Cinayət Məcəlləsinin 127.1 (qəsdən sağlamlığa az ağır zərər vurma) maddəsilə cinayət işi başlanıb. 27 avqustda Spartak Nadirov təqsirləndirilən şəxs qismində cəlb olunub, istintaq dövrü üçün onun barəsində başqa yerə getməməyə dair iltizam qətimkan tədbiri seçilib:
“Cinayət işi nəzarətə götürülməklə, hazırda şikayətdə göstərilən xüsusatlar və işin digər halları araşdırılmaqla, istintaq aparılır”.
Masallı Rayon Prokurorluğundan bildirilib ki, Emin Əhədovun sonradan bir daha döyülməsilə əlaqədar da ayrıca cinayət işi başlanıb:
“Emin Əhədovun döyülüb, yüngül dərəcəli bədən xəsarəti alması faktına əsasən, Masallı Rayon Polis Şöbəsinin İstintaq bölməsində 15 sentyabr 2022-ci ildə Cinayət Məcəlləsinin 128-ci (qəsdən sağlamlığa yüngül zərər vurma) maddəsilə cinayət işi başlanmaqla, istintaq aparılır”. //meydan.tv//
Son illər Bakı şəhərində müxtəlif şirkətlər tərəfindən inşa edilən çoxmərtəbəli yaşayış binaları ilə bağlı şikayətlərin ardı-arası kəsilmir. Paytaxtdakı yeni tikilən və vətəndaşlara satılan yaşayış binalarında ən əsas problem mənzillərə çıxarışların verilməməsidir. İkinci ən böyük problem isə kommunal xəttlərlə yaşanan problemdir. Bir çox binalarda qaz, su, elektrik xəttləri qanunsuz çəkilib və bu problemlər sakinləri çox narahat etməkdədir. Bəzi binalarda isə toplanan sərfiyyat pulları dövlətə ödənilmir, sadəcə olaraq mənimsənilir. Belə problemli binalardan biri də “Rahat”MTK tərəfindən Abşeron rayon Xırdalan şəhəri, M.Ə.Rəsulzadə küçəsi 1260-cı keçiddə inşa olunan 12 mərtəbəli yaşayış binasıdır.
Sakinlərin PİA.AZ-a ünvanladığı şikayətə görə Xirdalanda “Rahat”MTK-nın inşa etdiyi binada kooperativ sədri işləyən Ələddin Məmmədhəsənov vətəndaşlardan yığılan işıq və su pullarını dövlət büdcəsinə köçürtmək əvəzinə mənimsəyir. Nəticədə sakinlərin kommunal xərclərə görə dövlətə 133,949 (yüz otuz üç min doqquz yüz qırx doqquz) borcları yaranıb.
Məlumata görə hər ay mənzil sahiblərinin sərf etdikləri su və işıq borclarını nəğd şəkildə alan Ələddin Məmmədhəsənov yığdığı vəsaitləri dövlət büdcəsinə köçürtməyərək, “Rahat”MTK-nın təsisçisi Rasim Həsənovun və özünün müxtəlif problemlərinə xərcləyib.
Bildirilir ki, hazırda “Rahat” MTK-nın binasının 28.09.2022- ci il tarixinə kimi suya olan borcu 88878.86 (səksən səkkiz min yeddi yüz səksən altı) min, elektrik borcu isə 45070.86 (qırx beş min yetmiş) manat təşkil edir.
Sakinlər hazırda onların MTK-ya suya və elektrikə görə ümumilikdə 3 min manata yaxın borclarının olduğunu bildirirlər. Bu isə o anlama gəlir ki, “Rahat” MTK-nın kooperativ sədri Ələddin Məmmədhəsənovun dövlətə 133,949 (yüz otuz üç min doqquz yüz qırx doqquz) borcu var. Bu borc “Rahat” MTK-nın binasında yaşayan sakinlərin hər ay Ələddin Məmmədhəsənova dövlətə ödəmək üçün verdikləri vəsaitdir.
Bina sakinlərinin narahat edən amillərdən bir ondan ibarətdir ki, Ələddin Məmmədhəsənovun başına hansısa bir qəza, iş gəlsə o zaman “Azərişıq” və “Azərsu” borca görə onların elektrik və sularını kəsəcək. Çünki bütün borc vəsaiti “Rahat” MTK-nın kooperativinin ayağındadır. Adı çəkilən kooperativin sədri isə Ələddin Məmmədhəsənovdur.
Elə maraq doğuran məslələrdən biri də odur ki, “Azərişıq” və “Azərsu” 150 minə yaxın borcu olan bu binanın su və işığını niyə kəsmir? Ələddin Məmmədhəsənov bu şirkətlərdə hansı əlaqələrə sahibdir ki, bu qurumlar bu qədər borca qarşı səssiz qalırlar?
Sakinlər borcla bağlı yaranan problemin səbəbini həm də “Rahat” MTK-nın təsiçilərindən biri olan Rasim Həsənovla əlaqələndirilər. Çünki Ələddin Məmmədhəsənovun yığılan vəsaitlərin bir hissəsini Rasim Həsənova verdiyini sakinlərə özü deyib.
Masallıda Nadirovlar at oynadır.Onların özbaşlnalığı,qoçuluqları,cinayətləri hər dəfə göz görə görə hüquq mühafizə yerli orqanı tərəfindən ört basdır olunur.
İki gün öncə Nadirovlar tərəfindən girov götrüldüyü,onlara sələmlə xeyli borcu olan Masallı rayon Vərəm dispanserinin baş həkiminin Nadirov qardaşlarının hədə qorxusundan intahara cəhd etdiyi,ağır vəziyyətdə olduğu üçün Bakıya çatırması xəbərini,rəsmi xidmət orqanlarıda təsdiq elədi.Bu gün isə həkim hansısa gücün təsiri ilə özünə güclə həkimi diridib otuzdurdular,olanların yalan informasiya olduğunu belə deməyə məcub elədilər.Dövlətin rəsmi orqanlarının verdiyi informasiyanın yalan olduğunu,bir sözlə dövləti belə yalançı çıxardaraq,az qaldı ki,Nadirovlardan üzr istəsin.Gördüklərimdən şokdayam.Məhşur filmdə deyilən söz olmasın,"Kənd deyil,xalis operrtadır"Nadirovlardaki fərasətə baxda!"
İllərdir Nadirovların sayəsində Masallıda dəyişməyən bir qayda var,xalq zülmdədir,hər vəzifəyə gələnidə Bu sələmçi qardaşlar ,xüsusi məharət və haram pulların gücü ilə öz dəstəsinə qoşurlar,beləliklə Masallı camaatının ümidləri puç olur.Vallah İllərdir Masallının biçarə sakinləri Qarabağın separatçı ermənilər olan bölgələri ilə sərhəddə yaşayan sakinlərimiz kimi, həmişə narahatdırlar. Çünki bilmirlər ki, ermənilər kimi, Nadirovlar atəskəsi hansı istiqamətdən pozacaq? Nadirovların törətdikləri qanunsuzluqlar, yol verdiyi özbaşınalıqlar, hətta bəzi kriminal hadisələrdə adlarının hallanması yerli sakinləri qorxulu röyasına və bir kabusa cevrilib. Bu kabus sakinləri əməlli-başlı qorxu altında saxlayır.
Yazımın əvvəlində Nadirovların cinayət xarakterli "qoçuluğu haqqında tez tez mətbuatda rast gəlindiyi,sonda heçnə olmamış kimi göründüklərini qeyd etmişdim.Son olanlarıda dedim.Digərini xatırladım ,bu ilin iyun ayında sosial şəbəkələrdə,mətbuatda Masallı şəhər sakini Əhədov Emin Əhəd oğlunun may ayının 29 - da qonşuları Spartak və Azər Nadirovlar tərəfindən amansızcasına döyülüb ağır bədən xəsarətləri alması barədə məlumatlar yayıldı. Bu hadisə ilə bağlı araşdırmalar özüm yenidən aparmağa başladım. Çünki həmin ərəfələrdə səhhətimdəki ,problemlərə görə xəstəxanada müalicə alırdım. Bu Baş həkim tragikomediyasından sonra Nadirovların sil silə dedektiv janrlı əsərə bənzəyən cinayətlərini araşdırmalı oldum.
Yerli sakinlər yaxşı tanıyır,ictimatyyətədə Nadirovların kimliyi barəsində qısa arayış verim.
Masallıda meydan sulayan, "qoçu"ların ataları "Hacı" Abı, həccə gedib məcbur adının qarşısına "Hacı "əlavə etsədə,Masallı sakinləri onu xüsusi ayaması ilə tanıyıb,təbii ki,Nadirov qoçuların işədə salsa ,məhkəməyədə versə fakt odur ki, gündə onu hər kəs "Eşşək Abı" kimi tanyib. Masallıdan olan hər kəsdə yaxşı bilir ki, Nadirov ötən əsrin 90- cı illərindəki qarmaqarışıqdan istifadə edib İrandan gətirilən xırdavatın və narkotik vasitələrin alqı- satqısıyla varlanıb və Həcc ziyarətinə getdikdən sonra Masallıda imkanlı iş adamı kimi tanınmağa başlayıb. Lakin el arasında ona deyilən ayaması bu gün də qüvvəsindən düşmür.
Qeyd etdiyim ayama ilə tanınan Abı ötən əsrin 90 -cı illərində uzun müddət pul alveri ilə məşğul olaraq daha sonralar müəyyən çevrələrdə "dollar Abı" ləqəbi ilə tanınıb. Masallıda" Xan çinar" şadlıq sarayının və digər ticarət obyektlərinin sahibidir.
İndi keçək onun "qoçularına"
Spartak 2000- ci illərin ortalarında müğənni Xatirə İslamla bağlı macəralarına görə gündəmə gəlib. Külli miqdarda borca düşüb. Deyilənə görə "Hacı" Abı onun borclarını qaytarmağın vahiməsindən hətta şəkər xəstəliyi tapıb. Spartak bu gün ətrafına bəzi qoluzorluları yığaraq Masallıda münaqişəli tərəflər arasında mübahisəli məsələlərin haqq- hesabını (razborka) aparır, sələm tələb edir, qanuna sığmayan digər əməllərlə məşğul olur.
Amma rayonun hüquq mühafizə orqanları,icra hakimiyyəti olanları elə rahat ört basdırır edir,sanki Masallıya Nadirovlara xüsusi xidmət üçün bunları təyin ediblər.
Öyrəndiyimə görə "Hacı" Abının və törəmələrinin azğınlıq etmələrinin əsas səbəbi Masallı rayon İHB- nın sabiq 1- ci müavini "Hacı"Nadir Abıyevlə qohumluq əla4qələridir. Belə ki, hər iki hacı qudadırlar. Spartak məhz həmin qohumluğa görə dəfələrlə cinayət məsuliyyətindən yayına rayonda müxtəlif vaxtlarda rəis təyin olunlar tərəfindən məsuliyyətdən yayına bilib.
Onuda qeyd edim ki,
Spartak və qardaşı Azər tərəfindən vəhşicəsinə döyülən Emin Əhədov ruhi xəstədir. Xəstəliyinə görə pensiya alır. Tanıyanlar deyir ki, sakit həyat tərzi sürən bir insandır. Kimsə ilə münaqişəsi olmur. Onun atası Əhəd Əhədov "Hacı" Abı ilə əmiuşağıdır. Bir şəcərəyə mənsubdurlar.
Ailəyə yaxın onların tarıxinin və bu ailədə,nəsildə baş verənlərə canlı şahid olan biri bildirdi ki,
Əhəd Əhədov vaxtilə "Hacı" Abıya kömək edib, ona dəstək olub. Onların arasındakı mübahisənin əsas səbəbi Əhəd Əhədovun babasından miras qalmış evin bir vaxtlar Masallı rayon İH- nin sabiq Başçısı "Hacı" Abının kürəkəni, Masallı şəhərinin keçmiş ərazi nümayəndəsi Laçın Sadıqova 70 min ABŞ dollarına qanunsuz olaraq satılması olmuşdur. Alqı -satqı prosesində Masallı rayon İHB- nın yaxın günlərdə işdın azad olunan 1- ci müavini Məmmədhüseyn Hüseynov və İH -nin memarlıq və tikinti şöbəsinin müdiri Abas Mikayılov yaxından iştirak etmişlər. Yəni onların da hesabı ödənilib. Məhz bundan sonra Əhəd Əhədov ölkə Prezidenti İlham Əliyevə, Baş Prokuror Kamran Əliyevə və digər dövlət rəsmilərinə şikayət etmişdir. Masallıya yaxın günlərə qədər başçılıq edən İHB -sı Şahin Məmmədov isə Məmmədhüseyn Hüseynovun canfəşanlıq etməsi nəticəsində Masallı şəhərinin sabiq ərazi nümayəndəsi Kamal Mazanovu vəzifəsindən azad edib Prezident Adminstrasiyasına "günahkarın" cəzalanması barədə arayış göndərmişdir. Spartak və Azər Nadirovlar barəsində əsaslı hüquqi tədbirlər həyata keçirtmirlər. Kimsə başqasına bir sillə vurduqda Masallı rayon Polis şöbəsinin rəhbərliyi dərhal ölçü götürür və adamın sanki anadan əmdiyini burunlarından gətirirlər. Necə olur ki, adamı döyərək yarımcan vəziyyətə salmış qardaşlar barəsində susurlar? Masallı polisinin rəisi Azay Ağayevi susduran səbəb nədir?! O vaxt Emin Əhədovun döyülməsiylə bağlı rayon polis şöbəsində açılmış təhqiqatın deyilənə görə aparılmasına İH- nin sabiq Başçısı Şahin Məmmədov və onun 1- ci müavini Məmmədhüseyn Hüseynov təzyiq göstərirmış.
Bu gün nə nə sabiq başçı,nədə Məmməd hüseyn var?Növbəti cinayəti ört basdır etmək üçün işlərin arxasında kim durur?
Masallıda el dili ilə desək"at ölüb,itlərin bayramıdır"
Zorakılıq isə hədd -hüdud tanımır və Spartak kimi qoçular hələdə rayonda bütün güc strukturlarına "rəhbərlik "edərək dövəltimizə,xalqa məxsus olan bir rayonu şəxsi əmlakına çevirərək,rayonun söz sahibinə çevrilirlər.
Hamının ,ictimayyətdə belə gündəm olan cinayətlərinə rayon polis rəisi göz görə görə ört basdır edir.
Hər vəzifədə ,sahədə xalqına,vətəninə layiqincə xidmət edənlər,səlahiyyətindən istfadə edib kasıba bir balıq ovuna görə həbs edən,pul gücünə cinayətkar yanında olan polislər hər zaman olub.Amma bu cür hamının gözü qabağında ağır cinayətləri açıq aşkar göz yumaraq ,ört basdır edən bir polis ,həm Daxili işlər naziri Vilayət Eyvazovun və onun vicdanla xidmət edən polislərin işinə ləkə vurur.Cənab nazir,Masallını təcili olaraq nəzarətə götürməyinizi sakinlər xahiş edir,çünki onların təhlükəsizliyi təhlükə altındadır.
Hörmətli Masallıdan olan millət vəkilləri,bu özbaşınalığı,zorakılığa göz yummayın,cənab prezidentə bütün həqiqətləri- rayon sakinlərinin,halal insanların,haqqlarının tapdması haqda hüquqnuz və səlahiyyətinizlə bir başa çatdırın.Araşdırma davam edir.Ardı növbəti buraxlışımızda.
Bakupress Milli İnformasiya Agentliyinin rəhbəri
Şəfəq Ağacan
/xebernur.info/
"Göyçay Rayon Mərkəzi Xəstəxansının publik hüquqi şəxsin direktoru Yaşar Əhmədov 2-ci qrup gözdən əlildir.Eyni zamanda Təhlükəsizlik Xidmətinin müdiri Namiq Quliyevdə 2-ci qrup müddətsiz əlildir.Adları çəkilən hər iki vəzifəli şəxslər sürücülük vəsiqəsi əldə etmək üçün sağalamlıq haqqında arayışla təmin olunublar.
Dövlət tərəfindən Şəhid ailələri və qazilər, veteranlar və ehtiyacı olan savadlı kadrlar üçün nəzərdə tutuln vakansiyaları burada yüksək vəzifəli şəxslər öz aralarında bölüşdürülər". Bu barədə göndərilən məqalədə deyilir.
Məqalədə daha sonra bildirilir: "Rayonda yaranmış işsizlik probleminə baxmayaarq Yaşar Əhmədov xəstəxanada olan vakansiyaları ya satır, yada gözünə yaxşı görünən ona sadiqlik nümayiş etdirən işçiləri arasında bölüşür.Həmin vakant iş yerlərindən biri də kitabxanasçı vəzifəsidir.Belə ki, Yaşar Əhmədov həmin kitabxanaçı vəzifəsini Əməyin Mühafizəsi üzrə mühəndis vəzifəsində işləyən İlqar Babayev və İnsan Resusları Şöbəsinin müdiri Tacir Rəfiyevin qardaşı mühasib Zahid Rəfiyev arasında yarımaklad dədə malı kmi bölüşdürüb.
Məzuniyyətə çıxaraq hazırda istirahətdə olan direktor Yaşar Əhmədovun 22 sentyabr 2022-ci il tarixdə əmək müqaviləsinin müddəti başa çatacaqdır.Bu vəzifədə olmasının 9 ayı tamam olacaqdır.
Xəstələr üçün dövlət tərəfindən ayrılmış dərman peraparatları və tibb ləvazimatları tam həcmdə verilmir. İcbari Tibbi Sığortanın zərfinə daxil olan imtiyazların bir çoxuna görə pul tələb olunur.Bəzi tibbişçiləri yalnız səs-küy salan şəxslərə xüsusi qayğı və məsuliyyətlə yanaşırlar.
Xəstəxana rəhbərliyi məkirli palanlar əsasında işə götürdüyü şəhid atasını özləri üçün sipır olaraq istifadə edirlər.Belə ki, narazı vətəndaşlar vəziyyətə etiraz etmək istədiyi zaman dərhal şəhid atasını önə verirlər.Əlbətdə şəhidlər başımızın tacıdır.Lakin güc və qüvvət məzlumların müdafiəsi üçün istifadə olduqda gözəldir.
Təcili Tibbi Yardımın rəhbəri Əli Əsgərov maddi maraqları müqabilində hər cür qanunsuzluqlara icazə vermişdir.Belə ki, gündüz növbəsində işə gəlməyən həkim və orta tibb işçiləri maddi maraq müqabilində gecə növbəsində işə gəlmələrini təmin edir".
İddia olunanlarla bağlı olaraq qarşı tərəfi də dinləməyə hazırıq...
Sosial şəbəkələrdə üçrəngli bayrağımızın təhqir olunması videosu yayılıb. TİA. Az məlumat verir ki, bir nəfər şəxs obyektə daxil olaraq dövlət bayrağımızı qapıdan əski parçası kimi qoparıb masanın üzərinə tullayıb gedir. Bunu edən şəxsin kimliyi açıqlanmır. Lakin hüquq müdafiəçisi Taleh Xasməmmədov yazıb ki, deyilənə görə Bərdə rayon İcra Hakimiyyətinin əməkdaşıdır. Əgər iddia təsdiqini taparsa, həmin dövlət məmuru barəsində xüsusi xidmət orqanları araşdırma apara və bayrağımıza nifrət etməsinin səbəbini dəqiqləşdirə bilərlər. Hər halda adı keçdiyi üçün Bərdə İH aydınlıq gətirməlidir.
TİA. Az
XalqXeber.Az