 |
|
|
Bakının Yeni Günəşli ərazisində yerləşən "Sahil - S İnşaat" MTK sakinləri ilin-günün bu vaxtında susuzluqla imtahana çəkilir. Binadan mənzil alan 165 ailə özünü Kərbəla çölündə hiss etməkdədir. Bu problemlə bağlı dəfələrlə "Azərsu" ASC-yə müraciət olunsa da, indiyə kimi tədbir görülmür. Sakinlər qeyd edirlər ki, bundan əvvəlki rəhbərliyin dövründə, məsələ Baş Prokurorluğun nəzarətində olanda texniki şərt verilmişdi, amma icra olunmadı. Texniki şərtim verilməsinə əsasən sayğaclar quraşdırılmadı. Daha sonra "Azərsu" Dövlət Su Ehtiyatları Agentliyinin tabeliyinə verildi. Sakinlər Agentlik sədri Zaur Mikayılova bu dəfə müraciət ediblər, amma hələ də bina su üzünə həsrət qoyulub, verilən texniki şərtə əsasən sayğaclar qoyulmayıb. Vətəndaşlar güman edirdi ki, yeni rəhbərlik onların müraciətinə baxacaq, ancaq nəticəsi yoxdur. Əksinə, sakinlərə deyilib ki, əvvəl verilən texniki şərtin vaxtı guya keçib. İndi də yeni texniki şərt verməyi cəhənnəm əzabına çeviriblər. Bununla bağlı Anaxeber.info-ya məlumat verən sakinlərin sözlərinə görə, onlar bu həftə "Azərsu" qarşısına toplaşaraq aksiya keçirəcəklər, su sayğaclarının quraşdırılmasını xahiş edəcəklər. Onlar bildirirlər ki, Zaur Mikayılov vətəndaşların müraciətlərini qulaqardı edir və bu qədər ailəni susuz qoyub. Halbuki agentlik bir binaya texniki şərt verilməsini istəsə həyata keçirə bilər. Əvvəla, hər bir vətəndaşın su ilə təmin olunmaq haqqı var və dövlət insanların kommunal tələbatını yerinə yetirməlidir. İkincisi, su vermək imandan, insanlıqdandır. Bununla Zaur Mikayılov 165 ailəni sevindirmiş olacaq, onların duasını eşidəcək, savab bir iş görəcək. Yəni məsələnin həm hüquqi, həm mənəvi tərəfləri var. Prezident məmurları təyin edərkən onlara xalqla işləməyi tapşırır. Amma görünür ki, Zaur Mikayılov vətəndaşları prezidentdən narazı salmaq fikrinə düşüb. Əgər elə olmasaydı, bir binaya texniki şərt verilməsi kimi bir məsələni bir su içimi qədər asanlıqla həll edərdi. Amma görünür ki, agentlik və rəhbərliyi vətəndaşları etiraz aksiyası keçirmək həddinə çatdırmaqdadır. Bu isə əhalini hökumətdən narazı salmaq deməkdir. Sakinlər isə deyirlər ki, onlar dövlətin siyasətini dəstəkləyən ailələrdir və heç bir gərginlik yaratmaq niyyətləri yoxdur. Sadəcə, "Azərsu" onları bu yerə gətirib çıxarıb. Axı nə çətin işdir ki əvvəl verilən texniki şərti reallaşdırmaq?! Elə bu qurumun işi odur ki, sayğac quraşdırılan mənzillərin sayı artsın. Buna görə hər bir ailə ödəniş edəcək, yenə dövlətə faydası olacaq. Hamı necə, bu binada yaşayanlar da o şəkildə su ehtiyaclarının qarşılanmasını istəyirlər. Artıq 2025-ci ildir və belə bir əsrdə Bakının Yeni Günəşli kimi ərazisində bir binanın su problemi ilə üzləşməsi gülüncdür. Dünya texniki tərəqqidədir, bizsə su dərdindən danışırıq. Buna da səbəbkar Zaur Mikayılov və onun komandası, eləcə də əvvəlki rəhbərlikdir. Amma Zaur Mikayılov əvvəlki rəhbərlikdən fərqlənmək, müsbət xal qazanmaq həvəsində görünmür. Bu səbəbdən vətəndaşlar "Azərsu" qarşısında toplaşıb şikayət edəcəklər və səslərini media vasitəsi ilə dövlətə, prezidentə çatdıracaqlar. İnkar başqa çarə qalmadığını söyləyirlər və buna məcbur olublar. Çünki insanların gündəlik su tələbatını ödəməmək sosial fəlakətdir. Ona görə də texniki şərtin verilməsi Zaur Mikayılovun daha 165 ailənin sevincinə səbəb olacaq, o cümlədən agentlik sədri 165 ailədən də müsbət rəy qazanacaq.
AnaXeber.info
Azərbaycanda bölgələrdə idmançılara qarşı münasibət getdikcə pisləşir. Bu vəziyyət, xüsusilə Təhsil Nazirliyinin balansında olan idman məktəblərində, Cəmiyyətlərdə və onlara göstərilən münasibətdə özünü açıq şəkildə biruzə verir. Rayon və Regional Təhsil İdarələrinin balansında olan idman məktəblərinin idmançıları, demək olar ki, baxımsız vəziyyətdədir. Onların yarışlara göndərilməsi isə ciddi problemlərlə müşayiət olunur.
Bizimxeber.az-a daxil olan məlumata görə, Şirvan-Salyan Regional Təhsil İdarəsi və onun rəhbərliyi, tabeçiliyində olan rayonların idmançılarına normal diqqət ayırmır, idmançılar lazımi avadanlıqlarla təmin edilmir, hətta Respublika səviyyəli yarışlarda iştirakları təmin edə bilmir.
Bu vəziyyət, gənc və məktəbli idmançıların gələcəyini sual altında qoyur. Çünki, yarışlar idmançıların necə deyərlər, imtahanıdır.
Redaksiyaya daxil olan məlumata əsasən, bu ilin fevralın 4-də, iki gün sonra Bakıda keçiriləcək yeniyetmə boksçular arasında Respublika Birinciliyinə bütün rayonlardan idmançılar qatılmalıdır. Bu yarışda ən güclü idmançılar seçilərək Azərbaycanı beynəlxalq idman arenasında təmsil etməlidir. Lakin Şirvan-Salyan Regional Təhsil İdarəsinin balansında olan məktəblərin idmançıları bu yarışlardan kənarda qalıb. Bildirilir ki, idmançılar son günə kimi cavab gözləsələr də, onlara heç bir cavab verilməyib.
Daha doğrusu, qəribə vəziyyət yaranıb. Qurumlar maliyyə vəsaitinin ayrılmasını bir-birinin üzərinə atmış kimi görünür və nəticədə əziyyəti idmançılar çəkir, yarışlardan qalırlar.
Rayonlarda həm Təhsil həm də idman nazirliyinin balansında olan məktəblər fəaliyyət göstərir. Yarışlar zamanı yarışın təşkilatçısının kimliyi əsas götürülərək, maliyyənin də o qurum tərəfindən ödənilməsi əsas gətirilir.
Hazırda eyni vəziyyət yaranıb. İdmançıların əməyini heçə sayaraq, onları yarışlara göndərmək üçün dövlət tərəfindən ayrılan vəsaiti belə onlardan əsirgəyirlər. İdarə, bölgədəki idman məktəblərinin yarışa qatılmaq üçün göndərdiyi müraciətləri ya cavablandırmır, ya da cavablar açıq şəkildə laqeyd olur.
Nəticədə, rayon idmançıları yarışlara göndərilmir. İdman məktəblərinin rəhbərləri, məşqçilər isə, "yarışa getmək istəyirsinizsə, öz cibinizdən, ya da valideynlərinizin pulu ilə gedin" kimi cavablarla qarşılaşırlar.
Şirvan-Salyan Regional Təhsil İdarəsi, paytaxtda keçiriləcək Respublika Birinciliyinə hazırlaşan Neftçala, Salyan və Şirvandan olan idmançılarını bu yarışa göndərmək üçün heç bir tədbir görmür. "Mənim yarışım deyil" deməklə kifayətlənir və maliyyə ayırılmır. Nəticədə, Neftçaladan olan idmançılar 2 gün sonra keçiriləcək yarışda iştirak etmək üçün maliyyə axtarır.
Müraciətlər cavabsız qalır, maliyyə vəsaiti ayrılmır.
Eyni zamanda Neftçala rayonu Gənclər və İdman İdarəsi də yaranmış vəziyyətə laqeyd münasibət göstərir. İdarənin rəisi Araz Əhmədovdur. Yarış İdman nazirliyinin təşkilatçılığı ilə keçirildiyi üçün bu idarə tərəfindən idmançılara dəstək verilməlidir. Amma təəssüflər olsun ki, Neftçala rayonu Gənclər və İdman İdarəsinin rəhbərliyi rayondan kimlərin yarışa gedəcəyini, daha güclünün iştirakını təmin etmək istəmir.
Qeyd edək ki, yarışlarda iştirak etmək üçün hər bir idmançıya 120 manat ayrılmalıdır. Bu məbləğə yol xərci, otel pulu, yemək-içmək və digər gündəlik xərclər daxildir. Bu pul olmadığı halda, idmançılar yarışa da qatıla bilmir.
Bundan əlavə, idmançılar avadanlıqla təmin edilmir və idman zalları da bərbad vəziyyətdədir. Bu məsələlərə dair daha ətraflı məlumatlar növbəti yazılarda veriləcək. Görünən odur ki, "öz cibinizdən və ya valideynlərin pulu ilə gedin" deyənlər, sonradan bu səfərləri sənədləşdirərək "bu qədər idmançı apardıq" kimi məlumatlar təqdim edərək büdcə vəsaitini mənimsəməli olurlar.
Bu cür halların ilk olmadığı ehtimal edilir və Şirvan-Salyan Regional Təhsil İdarəsi ilə Neftçala rayonu Gənclər və İdman İdarəsinin fəaliyyətinin ciddi şəkildə araşdırılması, idmançıların hüquqlarının pozulmasının önlənməsi vacibdir.
Azərbaycan Respublikasının Təhsil naziri Emin Əmruallayevin, gənclər və idman naziri Fərid Qayıbovun diqqətinə çatdırırıq ki, bu məsələlər araşdırılmalı və xüsusilə, gənc, yeniyetmə idmançılara qarşı bu cür münasibət göstərən şəxslər cəzalandırılmalıdır. Bu məsələnin həlli üçün aidiyyatı qurumlar qarşısında müvafiq tədbirlər görülməlidir.
Şirvan-Salyan Regional Təhsil İdarəsinin rəhbəri Vüqar Dadaşov, Neftçala rayonu Gənclər və İdman İdarəsinin rəisi isə Araz Əhmədovdur.
"Bazarstore"la bağlı ciddi şikayətlər var.
"DİA-AZ" Patrul.az-a istinadən xəbər verir ki, “Azərsun Holding” tərəfindən ona qarşı haqsızlıq olduğunu iddia edən Mehdiyev Kamran, Patrulaz.az qaynar xəttinə olan müraciətində bildirib ki, əsgərliyi bitirdikdən bu günə kimi 11 il ərzində “Azərsun Holding”in “Bazarstore” mərkəz deposunda xidmət edib.
Bu illər ərzində işinə sadiq qalan əməkdaşın xidməti ilə bağlı heç bir problem və əksiklik olmayıb və o, hər zaman tapşırılan işin məsuliyyətlə yerinə yetirilməsinə xüsusi diqqətlə yanaşıb.
“Anbardar-nəzarətçi” vəzifəsində çalışmasına baxmayaraq, funksional olaraq “Baş anbardar” vəzifəsini icra edən vətəndaş onu da əlavə edib ki, hətta son dönəmdə lojistik işlərin çoxalması ilə yanaşı fiziki işlərdə xidmət edən işçilər zamanla əmək haqqı azlığına görə tez-tez işdən ayrılır və yerinə gələn yeni işçilərə işləri öyrətməklə yanaşı, xidmətin gecikməməsi səbəbi ilə onlara iş saatlarından əlavə saatlarda da köməklik edib.
Yalnız o yox, digər işçilər də hər sahə ilə bağlı illərdir evlərinə çörək apardıqları şirkətə sadiq qalaraq əllərindən gələnin ən yaxşısını edərək, müvəqqəti çətinlik olduğunu və hər şeyin yoluna düşəcəyini ümüd edib. Lakin, heç də gözlənilən kimi olmayıb. Son iş günlərinin səhər saatlarında ilk olaraq “Nəqliyyat” bölməsini, daha sonra isə digər işçiləri tək-tək insan resurslarından çağıraraq məcbur “öz xahişimlə” qeydli ərizə yazdırıb işdən azad ediblər. Səbəb olaraq isə dəqiq məlumat verilməyib, sadəcə “”Azərsun Holding”in rəhbərliyindən gələn tapşırığa əsasən lojistik müdürü Ceyhun Quliyevə birbaşa bağlı olan hər bir cavabdeh şəxs işdən azad olunmalıdır” deyilib.
Bir çox işçinin işsiz qalmasına səbəb olan məsələ hər nədirsə, araşdırılıb, əsas səbəbkarın cəzalandırmasını istəyən Kamran Mehdiyev bir neçə qurumlara müraciət etsə də, öz ərizəsi ilə işdən azad olunduğuna görə bir tədbir görülə bilinməyəcəyi deyilib. Lakin, ərizənin məcbur yazdırıldığını deyən vətəndaşımız haqsızlığa göz yummayacağını və mübarizə aparacağını deyir.
Onu da nəzərinizə çatdıraq ki, holdinqdə olan bu qarışıqlıqların rəhbərlik dəyişildikdən sonra baş verməyə başladığı və Azərbaycan vətəndaşlarının işdən çıxarılaraq, əvəzinə yüksək maaşla Türkiyə vətəndaşlarının götürüldüyü iddia edilir.
Baku TV-yə müraciət edən bir qrup sahibkar "Yol Tikintiservis" MMC-dən şikayətçidirlər.
Sahibkarların sözlərinə görə, yük avtomobilləri ilə xidmət göstərdikləri şirkət onlara olan 200 min manata yaxın borcu ödəmir.
"Sentyabrda həmin şirkətlə müqavilə bağlamışıq. İki ay onlara xidmət göstərmişik. Lakin pulun qalan hissəsini bizə ödəməkdən boyun qaçırırlar. Hər dəfəsində bir bəhanə gətirir, "hara şikayət edirsinizsə edin" deyirlər. Heç kimdən də qorxmurlar", - sahibkar Tahir Baxşəliyev söyləyib.
Sözügedən şirkətin layihə rəhbəri Pərviz Mustafayev icra etdikləri layihədən kənarlaşdıqlarını bildirib.
"Vəsait mövzusuna görə işi davam etdirmədik. Biz oradan çıxdığımıza görə, həmin işi başqa şirkətlər yerinə yetirir. Layihənin tələblərinə əsasən, müəyyən mərhələ çatmamış sifarişçi pulu ödəmir. Onlar bizə ödənişi mərhələli şəkildə edirlər", - deyə o əlavə edib.
Hüquqşünas Hikmət Əliyevin sözlərinə görə, əgər tərəflərdən biri müqaviləyə əsasən, üzərinə götürdüyü öhdəlikləri icra etmirsə, yəni xidmət haqqı olaraq ödəməli olduğu pul vəsaitini ödəmirsə və ya bundan yayınırsa, digər tərəf həmin vəsaitin cavabdehdən tutularaq ona ödənilməsi barədə mülki məhkəmə icraatı qaydasında iddia qaldırmaqla pulunu tələb edə bilər.
Azərbaycan Yerüstü Nəqliyyat Agentliyi (AYNA) xeyli müddətdir paytaxtda ictimai nəqliyyatın işini qaydasına sala bilmir. Müasir sərnişindaşıma prinsipləri hələ də gözlənilmir, nəzərə alınmır. Sərnişin dayanacaqda avtobusu nə qədər gözləməli olduğunu bilmir. Paytaxtda, lap elə bölgələrdə də şəxsi minik avtomobilləri yerdəyişmə üçün ən uyğun vasitə olmaqda qalır.
Bizimyol.info xəbər verir ki, AYNA tıxac yaratmaq missiyasını uğurla yerinə yetirməyə başlayıb. Hər hansı yolda işlər qaydasındadırsa, agentlik səhnəyə çıxır və həmin istiqamətdə ciddi problem ortaya çıxarır. Boşuna qınamırıq, götürək Ukrayna dairəsini. Sürücülər üçün ən uyğun yollardan birində indi inanılmaz tıxaclar olur. Niyə? Çünki işə AYNA qarışıb. Dairə daraldılıb. Guya dairəyə daxil olmadan sağa çıxanlara şərait yaradılıb. Əslində isə qaşınmayan yerdən qan çıxarılıb. İndi dairədə hərəkət ardıcıllığını təmin etmək müşkülə çevrilib. Çünki geniş yerdə darısqal mühit yaradılıb.
Nəriman Nərimanov prospektindəki xaotik vəziyyəti heç cür anlamaq olmur. Yolun quruluşu belədir ki, Nərimanovun heykəlinə yaxınlaşanda sağa istiqamət almaq məcburiyyəti yaranır. Yəni heykəlin arxa hissəsindən dönəndən sonra yola davam edə bilirsən. Bundan başqa, Mikayıl Müşfiq və Qurban Xəlilov küçələrinə yönlənmək olar. Amma AYNA heç bir nişanlanma lövhəsi olmadan üç yolun qovuşduğu yerdə xətləri ayırıb. Sürücülər öyrəşdiyi kimi, sağ zolaqla hərəkət edəndə qəfildən yalnız Qurban Xəlilov küçəsinə dönmək məcburiyyəti ilə üz-üzə qalırlar. Halbuki əksəriyyət ya Mikayıl Müşfiq küçəsinə istiqamətlənir, ya da heykəlin arxa hissəsindən Nərimanov prospektində yolunu davam etdirir.
AYNA sürücüləri niyə belə çaşbaş salır? Sanki məhz cərimə olunmaqlarını təmin etmək üçün. Çünki sağ zolaqla heykələ yaxınlaşan sürücülər Mikayıl Müşfiq küçəsinə keçmək və ya Nərimanov prospektində yolu davam etdirmək üçün təhlükəsizlik adacığını aşmalı olur. Bu da onların cərimələnməsi ilə nəticələnir.
AYNA-da anlamalıdırlar ki, agentliyin əsas missiyası yollarda təhlükəsiz və rahat hərəkəti təmin etməkdir. Cərimə üçün tələlər yaratmaq dövlət-vətəndaş münasibətlərini zədələyir. Dövlət qurumu belə işlərlə məşğul olmamalıdır.
Kondisionerlərin Servisi və Təmir Xidmətləri üzrə tender ləğv edildi
Azərbaycan Respublikası Fövqəladə Hallar Nazirliyi, Tikintidə Təhlükəsizliyə Nəzarət Dövlət Agentliyi və Dövlət Baş Layihə İnstitutu “Azərdövlətlayihə” tərəfindən kondisionerlərin servisi və təmir xidmətlərinin satınalınması üzrə keçirilən müsabiqə ləğv edilib.
XALQ.AZ xəbər verir ki, ləğv edilmə səbəbi olaraq, satınalmada iştirak etmək üçün təklif təqdim etmiş və müvafiq lisenziya və ya icazəyə malik olan təchizatçıların sayının üçdən az olması göstərilib. Bu səbəbdən, müsabiqənin tamamlanması mümkün olmayıb. Tenderin ləğv edilməsi “Satınalma Haqqında” qanunun 36.1.1-ci maddəsinə əsasən həyata keçirilib. Qanunvericiliklə müəyyən edilən minimum tələblərə cavab verməyən təchizatçı sayı səbəbindən tender prosesi dayandırılıb.32gun.az
Qeyd edək ki, “Azərdövlətlayihə” Dövlət Baş Layihə İnstitutunun direktoru Müsədin Namazovdur.
Yeger Rahim Gəncəliyevin oğlu Məhəmməd Gəncəliyev və dəstəsi İmişli rayonunda balıq monopoliyası yaradıb
"COB-29" kimi beynəlxalq ekoloji tədbirə təşkilatçılıq edən ölkəmizdə ekoloji soyrıqım həyata keçirilir.
AzFakt.com xəbər saytı ötən ay Ekologiya və Təbii Sərvətlər Nazirliyinin nəzdində fəaliyyət göstərən Ağgöl Milli Parkında qanunsuz balıq ovu ilə bağlı oxucularına məlumat vermişdir.
Həmin məlumatda qeyd edilirdi ki, Ağgöl Milli Parkından gündəlik tutulan balıqlar İmişli, Beyləqan və Ağcabədi və digər ətraf rayonların bazarlarında satılır. Brakonyerlik yolu ilə əldə edilib gizli satışa çıxarılan balıqların tonlarla olduğu bildirilir. Milli Parkın ərazisində həyata keçirilən brakonyerliyi isə qurumun bəzi əməkdaşları mütəşəkkil formada həyata keçirirlər.
Əldə etdiyimiz səhih məlumatlara görə Ağgöl Milli parkında brakonyerliyi qoruğun mühafizəsi ilə məşğul olan yegerlər edirlər. Parkda brakonyerlik fəaliyyəti ilə məşğul olan mütəşəkkil dəstənin əsas rəhbərinin isə yeger vəzifəsində işləyən Rahim Gəncəliyev olduğunu və onun gündəlik Ağgöl Parkından 200-250 kq balıq tutaraq müxtəlif şəxslərin vasitəsilə bazarlarda satışa çıxarır. Baş verən bu cinayət hadisəsinə isə aidiyyatı qurumlar, o cümlədən Ağgöl Milli Parkı rəhbərliyi "göz yumur".
AzFakt.com-un əldə etdiyi məlumata görə Ağgöl Milli Parkında daimi qanunsuz balıq ovu ilə yeger Rahim Gəncəliyevin oğlu Məhəmməd Gəncəliyev və onun ortaqları məşğul olur. Məlumatda bildirilir ki, Məhəmməd Gəncəliyevin Ağgöl parkında rahatçılıqla brakonyerlik fəaliyyəti ilə məşğul olmasına şəraiti atası Rahim Gəncəliyev və Ağgöl Milli Parkının rəhbərliyidir. Bu belə olmasaydı M. Gəncəliyev Ağgöl Milli Parkında rahatçılıqla balıq ovu ilə məşğul ola bilməzdi.
Həmçinin Ağgöldə brakonyerlik fəaliyyəti ilə məşğul olan şəxslərin direktorun yaxın qohumları ilə əlaqəli olduğu bildirilir. Bu barədə növbəti yazımızda.
Xəzər Məhərrəmov
Qeyd edək ki, hazırda Ağ Göl Milli Parkının direktoru vəzifəsində işləyən Xəzər Məhərrəmov vaxtı ilə Ekologiya və Təbii Sərvətlər Nazirliyindən yol verdiyi ciddi nöqsanlara görə qurumdan çıxarılıb. Hətta Xəzər Məhərrəmovun qəsdlə Ekologiya və Təbii Sərvətlər Nazirliyinin işçisi haqqında yalan məlumat yayması və buna görə inzibati qaydada tənbeh edilməsi ilə bağlı ETSN-nin rəsmi saytında məlumat yerləşdirilib.
Araşdırmalarımız davam edir.
Yazıda adı keçən şəxslərin mövqeyini dərc etməyə hazırıq.
"Azərbaycanda qanunsuz tikililər problemi bu gün də öz aktuallığını qorumaqdadır. Bakı şəhəri də daxil olmaqla ölkənin müxtəlif şəhər və rayonlarında qanunsuz şəkildə tikinti işlərinin aparılması barədə məlumatlara mətbuatda tez-tez rast gəlinir. Qanunsuz tikililərə daha çox harada rast gəlinir sualına cavab axtaranda, çox da baş sındırmağa ehtiyac olmur. Göz önünə dərhal paytaxtın Nizami rayonu gəlir". Bu barədə "DİA-AZ"a göndərilən məqalədə deyilir.
Məqalədə daha sonra bildirilir: "Buradakı problem digər yerlərdəki problemlərdən fərqli olaraq daha dərin xarakterdədir. Çünki Nizami rayonunda qanunsuz tikililər əksər hallarda məmurlar tərəfindən himayə olunur. Burada rüşvət müqabilində məmurlar istənilən qanunsuz tikiliyə göz yuma, işlərin sürətli şəkildə aparılmasına şərait yarada bilirlər. Bu kimi hallar rayonun keçmiş icra başçısı Arif Qasımovun dövründə daha çox yaşansa da, onun xələfi olan Coşqun Cəbrayılov da qanunsuz tikililərə münbit şəraitin yaradılmasında keçmiş başçıdan demək olar ki, geri qalmır.
Bu yöndəkli qanunsuz işlərdə isə daha çox Mənzil Kommunal Təsərrüfatı Birliyinin rəisi Firdovsi Cəbrayılovun adını çəkirlər. Ən dəhşətlisi odur ki, bu adam korrupsiya və rüşvətə görə bir neçə dəfə məşəl ayağına çəkilib. Lakin hansısa sehirli vasitələrlə “içəriyə” düşməkdən yayınmağı bacarıb. Burada bir vacib məqama da diqqət yetirilməlidir. Firdovsi Cəbrayılov 2014-cü ildə Səbail bələdiyyəsinə üzv seçilib, 2015-ci ilə qədər isə bələdiyyənin sədri olub. Cəbrayılov bu vəzifəsindən öz ərizəsi
ilə istefa verib.Səbəb isə belə olub. Həmin dövrdə Səbail rayonu İcra Hakimiyyətinin başçısı olmuş Eldar Əzizov bələdiyyə sədrinin qanunsuz əməllərindən xəbər tutaraq, onun bu kimi fəaliyyətini məhdudlaşdırmağa başlayıb, yəni qısaca olaraq deyə ki, icra başçısı Cəbrayılovun “bazarını” bağlayıb.
Artıq əvvəlki kimi qanunsuz torpaq sata və digər bu kimi qanunazidd davranışlarını davam etdirə bilməyən bələdiyyə sədri istefa ərizəsi yazmaq məcburiyyətində qalıb. Digəl, adam hazırkı vəzifəsində də köhnə vərdişlərini davam etdirir, üstəlik həyasız bir şəkildə Eldar Əzizovun adından yararlanmağa çalışır. Yəni Cəbrayılov Nizami rayonu İcra Hakimiyyətinin başçısı Coşqun Cəbrayılovun Eldar Əzizovla yaxınlığından da saxtakarlıqla öz mənfəəti naminə yararlanır.
Halbuki, bunu çoxları bilir , Firdovsi Cəbrayılov yaxasını Eldar Əzizovdan güc-bəla ilə qurtarıb..."
NÖVBƏTİ YAZIDA Firdovsi Cəbrayılovun qanunsuz tikililərə himayədarlıq etdiyini göstərən konkret faktları təqdim edəcəyik...
BİZİ İZLƏ/MƏYƏ DAVAM EDİN...
“Azərenerji” Açıq Səhmdar Cəmiyyətinin tabeliyində Enerji İstehsalı Operatorunun İstilik Avadanlıqları İstismarı və Təmiri Xidməti İdarəsi var. Sözügedən İdarənin əsas vəzifəsi “Azərenerji” ASC-nin balansında olan bütün obyektlərin təmir-tikinti işlərinə nəzarət etməkdir. Xidmət İdarəsinin rəisi Yusifov Üzeyir Milan oğludur.
Qeyd edək ki, Üzeyir Yusifov 2000-ci ilə qədər “Azərenerji” ASC-nin Xüsusi Təkmilləşdirmə Quraşdırma Mərkəzinə rəhbərlik etdiyi dövrdə DRES-lərin təmir işlərinə baxdığı zaman dövlət əmlakının külli miqdarda mənimsəmə faktı üzrə barəsində CM-nin 179.3.2 maddəsi üzrə cinayət işi başlanmış və həbs edilmişdir. Üç illik həbasxana həyatından sonra, yəni 2003-cü ildə dövlət büdcəsinə vurduğu 10 milyon manat ziyanı (o vaxtın kursuna görə) vəsaiti formal “ödədikdən” sonra, yəni himayədarlarının köməkliyi sayəsində azadlığa çıxmışdır (lakin faktiki olaraq dövlət büdcəsinə ödəmə haqqında heç bir sənəd olmamışdır).
Məhkumluq həyatını başa vurduqdan sonra Üzeyir Yusifov Gəncə şəhərindəki zavodların birində işə düzəlmiş, 2018-ci ildə Baba Rzayevin (əslində isə həmyerlisi, “Azərenerji” ASC-nin vitse-prezidenti Ziyəddin Quliyevin)” sayəsində Azərenerji” ASC-nin Enerji İstehsalı Operatoruun İstilik Avadanlıqları İstismarı və Təmiri Xidməti İdarəsində rəis vəzifəsinə gətirilmişdir.
TEREF yazır ki, bloqumuzun poçtuna Yusifov Üzeyirin nigahdan kənar qızı Yusifova Şamba Üzeyir qızıından şikayət məktubu daxil olub. Məktubun nöqtə vergülünə toxunmadan oxuculara təqdim edirik:
"Mən Yusifova Şamba Üzeyir qızı nikahdan sonra ( Rəhmanova) 1992 ci ildə aprelin 21de Mingəçevir şəhərində anadan olmuşam. Bacım Yusifova Səmar Üzeyir qızı nikahdan sonra ( Məmmədova) 1993cü ildə noyabrın 22də cəlilabad rayonunda anadan olmuşdur. Biz Yusifov Üzeyirin nikahdan kənar olan övladlarıyıq. Lakin 2000ci ildə Yusifov Üzeyir həbs edildikdən sonra anama çoxsayli vədlər verərək həbsdən azad olunduqdan sonra bizə öz atalıq borcunu yerinə gətirəcəyini, ailə olacağını vəd etmişdir.
Bu səbəblədə bizi azyaşli himayədarları olaraq göstərib, məhkəmənin qət etdiyi hökmün azaltmasına nail olmuşdur. Həbsdə olarkən anamla birgə dəfələrlə 10sayli cəzaçəkmə müəssəsində görüşünə getmişik. Lakin əfsuslar olsunki Yusifov Üzeyir Milan oğlu həbsdən azad olduqdan sonra 2dəfə bizi ziyarətə gəlib. Daha sonra əlaqəni tamamilə kəsmişdir. Bu illər ərzində mən və bacım anamin minimum əmək haqqısı və öz imkanlarımızla həyata tutunmağa çalışmışıq. Müxtəlif mağazalarda fəhlə köməkçisi təmizlikçi satıcı və s çalışmıq. 2012ci ilden bakida kirayə yaşayırıq. Anamın səhhəti yol vermədiyi üçün işləmir. 2018-ci ildə aile həyatı qurmuşam. 2020ci ilin yanvar ayında yoldaşım işdən çıxıb ailə münaqişəsi zəmnində ölkəni tərk edib. Yoldaşim tərk edəndə qızıma hamilə oğlum isə 6aylıq idi. Hal hazırdada kirayədə qalıram heç bir sosial yardım almıram. 400man gəlirlə satıcı çalışıram. 2024cü ildə iyul ayında atam Yusifov Üzeyirin axtarışına başladım. Çoxsaylı cəhdlərdən sonra əlaqə nömrəsini tapdım. Saytlarda çox saylı məqalələrinidə çap olunduğunu da oxudum. İlk öncə ondan yardım kiçik video cəkdim problemlərimi bildirdim şəxsi nömrəmlə əlaqə saxlamasını dəfələrlə xahiş etdim. Bundan sonra mən elaqə saxlayaraq yenidən problemlərimin olduğunu çox böyük maddi sıxıntı içərisinde olduğumu kirayə haqqını xərclərimi ödəyə bilmədiyimi bildirdim. Bundan sonra mənim bank kartımı götürərək 55, 60, 90,85, 100ve s xırda məbləğlər göndərərək xərcələrimi qarşılamağımı bildirdi. Halbuki digər qızı Yusifova Aysunun qarajında 3lüks avtomobil bir neçə çoxotaqlı mənzillər ve dəyəri yüzminlərlə ölçülən daşınmaz əmlaklar var. En son oğlumun səhhəti ilə bağlı əməliyyatı üçün 1100man( Bir min yüz manat) istədim. Qarşıllğında isə mənim imkanım yoxdur İtaliyaya getmişdim orda ayağımı böcək dişliyib ondan virus kecib ayağim cürüyür ayağımı kəsirlər sənə o qədər pul verə bilmiyəcəm. Daha sonra əlaqə saxladım və 3gün vaxtım olduğunu bildirdim və mənə cavabında "Mənə müddət qoyma" mən onsuzda mart ayından təqaüdə çıxıram. Əldə etdiyim məlumata görə 15il əvvəl təqaüdə çıxıb. Çarəsizcə yardım istədiyim Atam bütün müraciətlərimi cavabsız qoyur. 2-3aydan bir kirayələrin qiymətləri artır bu səbəbdən maddi imkanim yol vermədiyi üçün 2azyaşlı körpələrimlə mənə maddi dəstək durub evlə təmin etməsini istəmişdim."
TEREF yazır ki, mətbuatda gedən və təkzib olunmayan məlumatlara görə Yusifov Üzeyir sərvəti heç də az deyil və onun nigahdan kənarda olsa ( doğum şəhadətnaməsində onun atalığı qeyd olunub)qızlarına kömək etməmə\si başa düşülən deyil
Aktualinfo.org saytınn verdiyi məlumata görə onun əmlakı aşağıdakı siyahıda qeyd olunanlardır:
Bakı şəhəri, Səbayıl rayonu, Xəqani küçəsi , ev 26/32, mən., 53-də Masallı sakini Orduxandan aldığı və dəyəri 280 000 manat olan 4 otaqlı mənzil,
Bakının Nəsimi rayonu, 28 May küçəsi, 33-də sabiq deputat Elxan Süleymanovun oğlundan 440 000 manata aldığı 4 otaqlı, 165 kv.m sahəsi olan təmirli mənzili,
Bakının Binəqədi rayonu, Novxanı qəsəbəsində, RES TİME restoranını dönəndən 300 m içəridə, transformatorun yanında dəyəri 500 000 mant olan iki mərtəbəli villası,
Mingəçevir şəhəri, Maqomayev küçəsi 18/18-də yerləşən küçənin sağ və solundakı 12 mərtəbəli binalarda, 115 kv m sahəsi olan 3 otaqlı mənzillər.
Özünün etirf etdiyinə görə Balababa müəllimin ona bağışladığı 2 ədəd villa,
2019-cu il buraxılışlı, 99 VX 199 dövlət nömrə nişanlı, ağ rəngli 200 000 manata aldığı Rang Rover avtomobili,
2020-ci il buraxılışlı, 99 ZR 199 nömrəli göy rəngli BMV X-6 avtomobili,
Kürəkəninə aldığı 2020-ci il buraxılışlı 99 CY 199 nömrəli MERCEDES avtomobili,
CİP Camar markalı avtomobili,
2019-cu il burxılışlı KİA STİNGER markalı, 99 UC 199 nömrəli göy avtomobil,
Hazırda yeni 2022-ci il buraxılışlı Hundai Sonata, 77 PB 199 nömrəli xidməti avtomobilini idarə edir. Digərləri qarajda toz basır.
Qızı Əliyeva Aysu Üzeyir qızının adına sənədləşdirdiyi və 600 000 manata aldığı, Bakı şəhəri, Xətai rayonu, 55 saylı orta məktəbin yanındakı, 122 kv m sahəsi olan “AY Beauty Gallery” gözəllik salonu.,
Bakı, Səbail rayonu, “Hökümət Evi”nin arxasında yerləşən binadan aldığı 500 000 manat dəyəri olan mənzili,
2024-cü ildə həyat yoldaşı Suğra Yusifovanın adına sənədləşən Mingəçevir şəhərinə bir neçə km qalmış, yolun sağında yerləşən 0.24 ha torpaq sahəsi və üzərində tikilməkdə olan 2 ədəd ikimərtəbəli villalar.
Qarşı tərəfində mövqeyini dərc etməyə hazırıq!
TEREF