 |
|
|
“Sədərək” ticarət mərkəzinin rəhbəri Yusif Qədimbəyliyə məxsus olduğu bildirilən və “Qarayev Residence” kimi tanınan “Kursus-Nizami” MTK-nın qanuni təmsilçisi Elnur Cəlal oğlu Hüseynov Nizami rayonu, Kamil Balakişiyev küçəsindəki 41 və 43 nömrəli ünvanda mənzillərini uçurtduğu narazı sakinləri razı salmaq əvəzinə, mətbuatı susdurmağa çalışır.
E.Hüseynov Pravda.az-la əlaqə saxlayaraq, kobud formada sakinlərin iddialarının yalan olduğunu bildirib. O qeyd edib ki, binalar məhkəmə qərarı əsasında, polis əməkdaşlarının müşayiəti ilə sökülür.
Şikayətin dərc edilməsinə görə narahat olduğu görünən şirkət rəhbəri mövqe bildirmək, məsələyə aydınlıq gətirmək əvəzinə, media subyektini mühakimə edib ki, məlumat mövqe olmadan dərc olunub, ona görə də “prokratura”ya (prokurorluq-red) şikayət edəcək. Bina sökən iş adamı medianı sakinlərlə qarışıq salmamalıdır. Pravda.az olaraq, vətəndaşların mənzillərini sökən şirkət rəhbərinə bildirdik ki, yazı dərc edilməzdən öncə, qarşı tərəflə, yəni məsul şəxslə əlaqə saxlamaq mümkün olmayıb. Əməkdaşımız hətta Y.Qədimbəylinin adı hallandığından “Sədərək” ticarət mərkəzinin mətbuat xidmətinin rəhbəri Kəmaləddin Qədimlə əlaqə saxlayıb. O da bildirib ki, bu suala cavab verə bilməz. Media qurumu olaraq, nə mümkündürsə etmişik. E.Hüseynovun narazılığı mövqe bildirməklə bağlı idisə, qanunvericiliyin tələblərinə uyğun olaraq, biz ona şərait yaratmışıq. Yox, əgər niyyət şikayət materialının saytda dərc edilməsini əngəlləməkdirsə, bu, mümkün olmayacaq. Prosesin gedişi də belə davam edəcək. Bu cür hallar hər zaman müşahidə edilir: Yazı dərc edilməzdən öncə qarşı tərəf axtarılır, amma əlaqə saxlamaq mümkün olmur, amma yazı dərc edildikdən sonra qəfil peyda olaraq, “mövqe davası”na çıxırlar.
Üstəlik yaydığımız materialda sakinlərdən birinin vəkilinin videomüraciəti də var. Digər vəkil Əkrəm Həsənov da MTK-dan şikayətçidir, dəfələrlə məsələyə toxunub. Şirkətin bu qədər fakta qarşı ciddi arqumenti varsa, təqdim etsin. Ümumi sözlərlə məsələ həll edilmir. Bəlkə gəlib redaksiyanı da sökmək fikrinə düşəsiniz?! Ölkə rəhbərliyi gecə-gündüz vətəndaşların qayğıları ilə maraqlanır, problemlərin həll edilməsinə çalışır, Qarabağı qurur, "Böyük qayıdış" həyata keçirir, insanları evlə, mənzillə, iş yeri ilə təmin edir. Belə olan vəziyyətdə Bakının mərkəzində 5-10 ustadan ibarət komanda vətəndaşları narazı salır. “Kursus-Nizami”nin rəsmi və qeyri-rəsmi rəhbərliyi bilməlidir ki, mülkiyyət hüququ toxunulmazdır. Şikayət varsa, deməli, narazılıq var. Vətəndaşı mütləq razı salmaq lazımdır. Bu, qanunun tələbidir. Belə hallara görə Avropa Məhkəməsinin xeyli qərarı var ki, mülkiyyət hüququ pozulub. Ölkə daxilində baş verən məsələ niyə Avropa Məhkəməsinədək gedib çıxmalıdır?
Yəqin ki, baş verənlərdən Nizami Rayon İcra Hakimiyyətinin başçısı Coşqun Cəbrayılov, Azərbaycan Respublikasının Baş Prokurorluğu, Daxili İşlər Nazirliyi, Prezident Administrasiyasının Sənədlərlə və vətəndaşların müraciətləri ilə iş şöbəsi məlumatlıdır. Çünki sakinlərin bildirdiyinə görə, adıçəkilən qurumlara da müraciət ünvanlanıb. Ümid edirik, qanunun tələbi nədirsə, ona uyğun da tədbir görüləcək.
Azərbaycan Dövlət Su Ehtiyatları Agentliyinin tabeliyində olan “İri Şəhərlərin Birləşmiş Su Təchizatı Xidməti” publik hüquqi şəxsi 2025-ci ilin fevral ayının 18 günündə dəyəri milyon manatdan çox olan 4 satınalma müqaviləsi bağlayıb. İlk baxışdan adı satınalma müqaviləsinə oxşayır. Amma bir az diqqətlə araşdırdıqda nə qədər qanun pozuntusuna yol verildiyi dərhal görsənir.
“İri Şəhərlərin Birləşmiş Su Təchizatı Xidməti” polad fitinqlərin satın alınması üzrə “BORUAVADANLIG” Məhdud Məsuliyyətli Cəmiyyəti ilə 1.284.102,9 manat məbləğində satınalma müqaviləsinin bağlanılması barədə məlumat dövlət satınalmalarının vahid internet portalında 06.02.2025-cü il tarixdə dərc edilib. “İri Şəhərlərin Birləşmiş Su Təchizatı Xidməti” tərəfindən nəzərdə tutulmuş malların satın alınması üzrə keçirilmiş açıq tenderdə ehtimal olunan qiyməti 1.900.496,79 manat müəyyən edilib.
Generatorların əsaslı təmir və servis olunmasının satın alınması üzrə “SENTRA” MMC ilə 1.011.815,78 manat məbləğində satınalma müqaviləsinin bağlanılması barədə məlumat dövlət satınalmalarının vahid internet portalında 10.02.2025-cü il tarixdə dərc edilib. “İri Şəhərlərin Birləşmiş Su Təchizatı Xidməti” tərəfindən nəzərdə tutulmuş malların satın alınması üzrə keçirilmiş açıq tenderdə ehtimal olunan qiyməti 2.085.313,70 manat müəyyən edilib.
Tikinti sahəsi və yol döşəməsi üçün lazım olan mal-materialların satın alınması üzrə “DİRECT LİNE TRADİNG” MMC ilə 1.109.884,4 manat məbləğində satınalma müqaviləsinin bağlanılması barədə məlumat dövlət satınalmalarının vahid internet portalında 13.02.2025-cü il tarixdə dərc edilib. “İri Şəhərlərin Birləşmiş Su Təchizatı Xidməti” tərəfindən nəzərdə tutulmuş malların satın alınması üzrə keçirilmiş açıq tenderdə ehtimal olunan qiyməti 1.941.261,27 manat müəyyən edilib.
Nəqliyyat vasitələri üçün avtoşinlərin satın alınması üzrə “TS MOTORS” MMC ilə 655.665,35 manat məbləğində satınalma müqaviləsinin bağlanılması barədə məlumat dövlət satınalmalarının vahid internet portalında 17.02.2025-cü il tarixdə dərc edilib. “İri Şəhərlərin Birləşmiş Su Təchizatı Xidməti” tərəfindən nəzərdə tutulmuş malların satın alınması üzrə keçirilmiş açıq tenderdə ehtimal olunan qiyməti 1.230.957,18 manat müəyyən edilib.
Dövlət satınalmalarının vahid internet portalına yerləşdirilmiş bu məlumatlardan görsəndiyi kimi satınalan təşkilat olaraq “İri Şəhərlərin Birləşmiş Su Təchizatı Xidməti”nin müəyyən etdiyi ehtimal qiyməti ilə təchizatçıların təklif edərək qalib olduğu qiymətlər arasında 40-50 faiz fərq var.
Qeyd edək ki, “Dövlət Satınalmaları haqqında” Azərbaycan Respublikasının Qanununda təchizatçıların satınalmadan kənarlaşdırılması müəyyən edilib. Sözügedən Qanunun 35.1.8. maddəsinə görə təchizatçının təqdim etdiyi təklifin qiyməti ehtimal olunan qiymətlə müqayisədə 20 faizdən aşağı olarsa, satınalma komissiyasının sorğusu əsasında təchizatçının təqdim etdiyi izahat və məlumatlar təhlil edildikdən sonra satınalma müqaviləsinin icrasına əsaslı şübhələr qaldıqda təchizatçı müsabiqədən kənarlaşdırılmaldır.
Amma göründüyü kimi “İri Şəhərlərin Birləşmiş Su Təchizatı Xidməti” açıq tender müsabiqəsində ehtimal olunan qiymətlə müqayisədə 20 faizdən dəfələrlə aşağı qiymət təqdim etmiş “BORUAVADANLIG”, “SENTRA” “DİRECT LİNE TRADİNG” “TS MOTORS” MMC-lərlə satınalma müqaviləsi bağlamışdır ki, bu da “Dövlət Satınalmaları haqqında” Qanunun tələblərinin pozulması deməkdir.
Şirkətlərə gəlincə. “İri Şəhərlərin Birləşmiş Su Təchizatı Xidməti”nin müəyyən etdiyi ehtimal qiymətindən 50 faiz aşağı qiymətlə qalib olmuş “TS MOTORS” MMC Almaniya və Amerikadan müxtəlif avtomobil idxalatçısı olaraq ölkədən külli miqdarda pul çıxarmaqda günahlandırılır. Elektron medianın 3-02-2025-ci ildə yaydığı məlumata görə “TS Motors” şirkəti İnzibati Xətalar Məcəlləsinin iqtisadi fəaliyyət qaydaları əleyhinə olan 430.4-cü maddəsini pozub. Tələbi pozulan maddəyə əsasən, avans yolu ilə ödənilmiş valyuta vəsaitinin müqabilində müəyyən edilmiş müddətlərdə müvafiq mallar idxal edilmədikdə, işlər görülmədikdə və ya xidmətlər göstərilmədikdə ödənilmiş valyuta vəsaitinin xaricdən geri qaytarılmamasına görə, vəzifəli şəxslər inzibati xətanın bilavasitə obyekti olmuş valyuta vəsaiti məbləğinin on faizindən iyirmi faizinədək məbləğdə, hüquqi şəxslər inzibati xətanın obyekti olmuş valyuta vəsaiti məbləğinin iyirmi faizindən otuz faizinədək məbləğdə cərimə edilir.
Avtomobil şirkəti ilə bağlı iş baxılması üçün Nəsimi rayon Məhkəməsinə göndərilib. , “TS Motors” MMC-nin region üzrə rəhbəri Fərid Seyidov Asif oğludur.
“İri Şəhərlərin Birləşmiş Su Təchizatı Xidməti”nin müəyyən etdiyi ehtimal qiymətindən 40 faiz aşağı qiymətlə qalib olmuş “DİRECT LİNE TRADİNG” MMC daha əvvəl “Azərsu”ASC ilə də işbirliyində olub. Şirkətin adı şübhəli satınalmalarda hallanır.
“İri Şəhərlərin Birləşmiş Su Təchizatı Xidməti”nin müəyyən etdiyi ehtimal qiymətindən 30 faiz aşağı qiymətlə qalib olmuş “BORUAVADANLIG” MMC daha əvvəl “Azərsu”ASC ilə də işbirliyində olub. “Azərsu”ASC çirkətlə 2021-2023-cü illərdə ümumi dəyəri 4 milyon manatdan çox olan iki müqavilə bağlayıb. Mediada yer alan məlumatlara görə 2022-ci ildə MMC barəsində Mərkəzi Bank tərəfindən İnzibati Xətalar Məcəlləsinin 430.4-cü (Valyuta tənzimi qaydalarının pozulması) maddəsi ilə inzibati protokollar tərtib edilib. Protokollara Suraxanı Rayon Məhkəməsində baxılıb.
“İri Şəhərlərin Birləşmiş Su Təchizatı Xidməti”nin müəyyən etdiyi ehtimal qiymətindən 50 faiz aşağı qiymətlə qalib olmuş “SENTRA” MMC-nin rəsmi saytındakı məlumatlara görə 2011-ci ildə qurulan Sentra QSC Avtomatika İnformasiya Texnologiyaları və Neft Qaz qurğularının istehsalı sahəsində ölkəmizdə qabaqcıl şirkətlərdən biridir. Elektron mediada yayılan məlumatlara görə MMC vaxtılə Dövlət Neft Şirkətinin vitse-prezidenti və əsas fiqurlarından biri olmuş Mikayıl İsmayılova məxsusdur.
Göründüyü kimi “İri Şəhərlərin Birləşmiş Su Təchizatı Xidməti”nin satınalma müqaviləsi bağladığı şirkətlərin hər biri ayrı-ayrılıqda müxtəlif maliyyə pozuntularına yol vermişlər. Üstəlik qazandıqları tenderləri də ehtimal olunan qiymətlərdən dəfələrlə aşağı qiymətə udurlar.
Qeyd edək ki, bu “İri Şəhərlərin Birləşmiş Su Təchizatı Xidməti”nin keçirdiyi satınalmalarda yol verdiyi ilk hal deyil. Daha əvvəlllər də bu mövzuya toxunmuşduq və bir daha xatırlatmaq istərdik ki, “İri Şəhərlərin Birləşmiş Su Təchizatı Xidməti” tərəfindən energetika sahəsi üçün lazım olan mal-materialların və avadanlıqların satın alınması üzrə 01.10.2024-cü ildə başlanılmış açıq tenderə yekun vurulub və “DELUXE ELECTRİC AZERBAİJAN” Məhdud Məsuliyyətli Cəmiyyəti ilə 1.493.349,64 manat məbləğində satınalma müqaviləsinin bağlanılması planlaşdırılır. Məlumat dövlət satınalmalarının vahid internet portalında 01.11.2024-cü il tarixdə dərc edilib. Qeyd edək ki, “İri Şəhərlərin Birləşmiş Su Təchizatı Xidməti” tərəfindən nəzərdə tutulmuş mal-materialların və avadanlıqların satın alınması üzrə keçirilmiş açıq tenderdə ehtimal olunan qiyməti 2.444.151,46 manat müəyyən edilib.
“İri Şəhərlərin Birləşmiş Su Təchizatı Xidməti” tərəfindən tikinti mal-materiallarının satın alınması üzrə 13.09.2024-cü ildə başlanılmış açıq tenderə yekun vurulub və “GRAVİTY LTD” Məhdud Məsuliyyətli Cəmiyyəti ilə 639.999,31 manat məbləğində satınalma müqaviləsi bağlanılıb. Məlumat dövlət satınalmalarının vahid internet portalında 15.11.2024-cü il tarixdə dərc edilib. Qeyd edək ki, “İri Şəhərlərin Birləşmiş Su Təchizatı Xidməti” tərəfindən nəzərdə tutulmuş mal-materialların və avadanlıqların satın alınması üzrə keçirilmiş açıq tenderdə ehtimal olunan qiyməti 1.181.789,63 manat müəyyən edilib.
Göründüyü kimi “İri Şəhərlərin Birləşmiş Su Təchizatı Xidməti”nin bağladığı satınalma müqavilələrinin əksəriyyətində ciddi qanun pozuntularına yol verilir. Təbii ki, malların və xidmətlərin satın alınması zamanı dövlət vəsaitlərinə qənaət etmək əsas şərtlərdən biridir. Lakin qanunda göstərildiyi kimi bu 20-25 faizdən aşağı olduqda alınan malların keyfiyyətində ciddi şübhələr yaradır. Burada suallar yaranır. “İri Şəhərlərin Birləşmiş Su Təchizatı Xidməti” dövlət vəsaitinə qənaət edir, yoxsa keyfiyyətsiz mal alıb, keyfiyyətsiz işlər görür?
Aktualinfo.org
Azərbaycanda fəaliyyət göstərən “Avtokapital Azərbaycan” şirkəti ilə bağlı Ukrayna mediasında tərəfimizdən maraqlı araşdırma aparılıb.
Orxan Hacıyev
Tribunainfo.az xəbər verir ki, “Antikor” sayıtında “Mercedes-Benz” şirkətinin rəsmi distribyutoru olan bu şirkətin Rusiya ilə şübhəli əlaqələrindən bəhs olunur.
Geniş araşdırma yazısında qeyd edilir ki, Orxan Hacıyevin rəhbərliyi altında “Avtokapital Azərbaycan” şirkətinin son iki ildə ölkəmizə gətirilən “Mercedes-Benz” markalı avtomobillərin satışında artım müşahidə olunub.
Ukrayna saytı yazır ki, satışın artımın əsas səbəbi bu avtomobillərin heç də Azərbaycan daxilində təlabatının artması deyil. “Antikor”un araşdırmasına görə, “Avtokapital Azərbaycan”, Qazaxstan və digər ölkələrdə fəaliyyət göstərən “Mercedes-Benz”in digər distribyutorları bu maşınları əsasən Rusiyaya satmaqla məşğuldurlar. Buna sübut olaraq qeyd edək ki, bu markanın tam yeni 2024 il istehsalı olan “GLS AMG” modeli Rusiya bazarında 400 min dollar civarında satılır. Bu isə model üzrə fantastik qiymət hesab edilir. Burda həmçinin qeyd etmək olar ki, redaksiyamıza “Mercedes”in Azərbaycan nümayəndəliyinin əməkdaşları tərəfindən qlobal defisitdə olan modellərin spekulyativ qiymətlərlə ticarət edilməsi barəsində məlumat daxil olub. Buna dəlalət yeni G-class modelləri ola bilər. (Bu haqda geniş təqdim edəcəyik.)
Təxminən 2023 cü ildə Britaniyanın nüfuzlu “Sky News” telekanalı da bu mövzuda maraqlı xəbər paylaşıb. Telekanal araşdırmasında qeyd edir ki, Azərbaycandan ixrac edilən avtomobillərin sayı 4800% qədərində artıb.
Britaniya kanalı onu da vurğulayır ki, Cənubi Koreya, Yaponiya, Almaniya kimi ölkələrin də istehsalı olan avtomobillərin Azərbaycana gətirilib, buradan Rusiyaya idxal edilir. “Bu isə həmin avtomobil şirkətlərinin Azərbaycanda olan nümayəndəliklərinin Rusiyaya qarşı sanksiyaları yan keçirmək, işğalçı müharibə aparan dövlətə dəstək verməsi kimi dəyərləndirilir”.
Məlumatlarda qeyd edilir ki, Qərbin sanksiyaları altında olan Rusiyaya bu avtomobil satışının həyata keçirilməsi “Mercedes” şirkətinin prinsiplərinə də ziddir. Çünki 2022-ci idlə bu konsern Rusiya bazarından çəkildiyini bəyan edib və sanksiyalar səbəbindən bu ölkəyə maşın satışını dayandırıb.
Hətta bir qədər əvvəl Rusiyada peyda olan çoxlu sayda “Mercedes Benz” markalı maşınlarının necə olub da, sanksiya altında olan ölkəyə gedib çıxmasını araşdıran alman şirkəti kələfin bir ucunu Moldovada tapıb. Məlum olub ki, şirkətin Moldovadakı nümayəndəliyi əl altdan maşınları Rusiyaya baha qiymətə ötürürmüş. Nəticədə, şirkətinin fəaliyyəti dayandırılmışdır.
Bəs belə olan halda “Avtokapital Azərbaycan” niyə belə bir addım atıb? “Antikor” yazır ki, bunun səbəbkarı “UkrAVTO”nun sahibi, Regionlar Partiyasının keçmiş üzvü Tariel Vasadzedir. Çünki milyardlarla dollar sərvəti olan Vasadze, həm də “Avtokapital” konserninin rəhbəri, “Mercedes Benz” şirkətinin rəsmi distribyutorudur.
Həmin araşdırmalara görə, Vasadzenin törəmə şirkətləri müxtəlif ölkələrdə 2022-ci ilə kimi ildə 1500-2000 ədəd “Mercedes” markalı avtomobil satıb. Hazırda isə bu rəqəm qat-qat artıb ki, bu da məsələnin bir ucunun Rusiyaya gedib bağlanmasına səbəb olub.
Vasadzenin adı bir neçə dəfə qalmaqallı məsələlərdə də hallanıb. Bu sırada 2023-cü ildə Qazaxıstanda açılan UkrAvto-nun nümayəndəliyinin Rusiyaya “Mercedes” satması ilə gündəmə gəlmişdir. Həmin şirkətə isə Tariyel Vasadzenin qızı Nina Vasadzenin başçılıq etdiyi məlum olmuşdur.
Maraqlı məqamlardan biri budur ki, Alma-Ata rəsmiləri maşınların Rusiyaya bu və ya digər formada satılmasını müəyyən etdikdən sonra şirkətə xəbərdarlıq etmişdilər. Bu faktın müəyyən edilməsi “Avtokapital” şirkəti tərəfindən birdən birə Qazaxıstanda satışların 10 dəfə artırmısı göstərib.
İşin digər ilginc tərəfi isə odur ki, Vasadzenin satdığı “Mercedes”in səsi işğal altında olan Krımdan da gəlmişdir. Məlum olmuşdur ki, “Mercedes Benz” korporasiyasının qəti qadağan etdiyi bu hal pozulub.
“Antikor” yazır ki, Rusiyaya maşın satmaq məsələsində Azərbaycandakı dstribyutor da rol oynayıb, hər nə qədər məsələni gizli saxlasa da, bunu aşkarlamaq onlar üçün çətin deyil. Eyni zamanda, bu məsələdən Bakının xəbər tutacağı təqdirdə, “Avtokapital Azərbaycan”ın nə edəcəyini də maraqla izlədiklərini bildirirlər.
Sayt Bakıdakı yeni təyin edilən nümayəndə Fərhad Rzayevlə dəfələrlə telefonla əlaqə saxlayıb, məsələyə münasibətini öyrənməyə çalışıb. Lakin qarşı tərəf ona cavab verməkdən imtina edib.
Tariel Vasadze
Yazının müəlliflərindən biri Anastasiya Kovaleva isə başqa bir məsələni də üzə çıxarıb. O yazır ki, bu işdə Vasadzenin qızı Ninanın həyat yoldaşı, Türkiyə vətəndaşı, habelə Türkiyənin “Bosphorus Development” şirkətinin rəhbəri Mehmet Vahit Saçlıoğlunun da iştirakı mövcuddur. Onun sözlərinə görə, Mehmet Vahit hazırda Ukraynada “Vasadzelərin” iri tikinti layihələrindən birini həyata keçirir. O, həmçinin qaynatasının adından “Avtokapital” şirkətinin də idarəçilərindən biridir və Ukrayna dövlətində “pul yuma” qalmaqalında da adı çəkilir. Söhbət o, “Avtokapital” şirkətindən gedir ki, onlar “Mercedes Benz” şirkətinin əsas distribyutorlarıdır və onların bir qolu da Azərbaycanda fəaliyyət göstərən “Avtokapital Azərbaycan”dır.
“Mercedes-Benz Group AG” korporasiyası öz nümayəndələrinə elan edilmiş sanksiyaları dəstəkləmək öhdəliyini bəyan edir. Buna baxmayaraq, yüksək mənfəət əldə etmək imkanlarına gəldikdə müəyyən şübhələrə səbəb yaratmamaya bilməz. Belə olan halda güman etmək olar ki, korrupsiya sxemlərində təkcə regional nümayəndələr deyil, həm də “Mercedes-Benz Group AG” korporasiyasının bəzi orta səviyyəli menecerləri də onlarla birbaşa əlaqədə olub, qanunsuz hərəkətlərə göz yummağa şərait yaradır.
Tribunainfo.az araşdırması zamanı başqa bir maraqlı məqamın üstünü açıb. Belə ki, 44 günlük Vətən Müharibəsi zamanı “Mercedes” şirkəti Ermənistan ordusuna külli miqdarda ianələr edib. Halbuki işğalçı bir ölkəyə, xüsusən də müharibə getdiyi bir zamanda bu qədər yardımın edilməsi Azərbaycana qarşı açıq düşmənçilikdən başqa bir şey deyildir. Erməni Mercedes-in bu cür hərəkətləri qlobal brendin prinsiplərinə ziddir. Bu vəziyyətdə azərbaycanlı distribyutor qətiyyət nümayiş etdirə bilməyib və brendin Ermənistan təmsilçisinin qanunsuz hərəkətlərinə görə cəzalandırılmasına nail ola bilməyib. Burada erməni “Mercedes”in Ukraynanın daxili işlər naziri, etnik ermənisi Arsen Avakovla yaxın münasibətini qeyd etmək istərdik ki, o, həm də qalmaqallı biznesmen Tariel Vasadzenin bəzi layihələrində şərikdir. Qeyd edək ki, Avakov nazir olarkən Tariel Vasadzenin şirkətlərindən nazirlik üçün yüz milyonlarla dollar həcmində avtomobil alışı həyata keçirib. Xüsusən qeyd etmək istərdik ki, Avakov və Vasadze eyni siyasi partiyanın üzvləri olublar.
Lakin “Avtokapital Azərbaycan” Azərbaycanda fəaliyyət göstərdiyi, bu ölkədə maşın satıb, külli miqdarda pul qazandığı halda nəinki Azərbaycan Ordusuna, heç şəhid ailələri və qazilərin müalicəsi və problemlərinin həlli üçün fəaliyyət göstərən “Yaşat” fonduna belə bir qəpik də olsun ianə etməyib. Eyni zamanda, sözügedən şirkət Azərbaycanda mühüm olan heç bir təşkilat və quruma yardım və ianə etməyib.
Bütün bunlar “Avtokapital Azərbaycan”ın böyük pullar qazanması həvəsi və hirsindən irəli gələ bilər. ELƏ AZƏRBAYCANA QARŞI HÖRMƏTSİZLİYİNƏ DƏ DƏLALƏT EDƏ BİLƏR! Lakin heç kim bu şirkətə o haqqı verməyib ki, səhlənkarlıq və özbaşınalıq edərək, Azərbaycan dövlətini zərbə altında qoysun. Çünki bu məsələnin üzəri açılarsa və şirkətin sanksiya altında olan Rusiyaya “Mercedes Benz” satdığı təsdiqlənərsə, Azərbaycan dövləti də buna görə zərər çəkəcək. Ona görə də, rəsmi qurumların bu şirkətin fəaliyyətini yoxlamaqda, onun Rusiya ilə əlaqələrini müəyyən etməsi üçün addımlar atmasında fayda var.
Yazıda adı keçən şəxs və şirkətlərin də mövqeyini dərc etməyə hazırıq.
Yuxarıda qeyd olunan faktlar barədə redaksiyamız tərəfindən araşdırmaları davam edir.
Qeyd: Bu məqalədə Ukrayna və Qazaxıstan jurnalistlərinin media araşdırmalarından istifadə edilib:
https://antikor.com.ua/ru/
https://www.stopcor.org/rus/
https://nashigroshi.org/
https://24tv.ua/ru/
https://thelithuania.com/
Müğənni Nura Suri yaşadığı binanın Mənzil-Tikinti Kooperativindən (“Yapı İnşaat” MTK) narazıdır.
"DİA-AZ" xəbər verir ki, bu barədə danışan Nura Suri açıqlamasında deyir ki, MTK kommunal xərcləri ödəməyən bir neçə qonşuya görə digər bina sakinlərini də kommunal xidmətlərdən məhrum edir.
“Kommunal xidmətləri ödəməyənlərə görə biz, ödəyən sakinlər əziyyət çəkirik. Tez-tez suyu kəsirlər. Artıq bir həftədir ki, lift bağlıdır. Komendant da deyir ki, liftin platası yanıb, təmir üçün 900 manat lazımdır”, – Nura Suri deyir.
Onun sözlərinə görə, kommunal xərclər, liftdən istifadə və bu kimi məsələlərə daha sonra biri də əlavə olunub:
“Bir gün xəbər tutduq ki, binamızın qarajını satıblar. Halbuki qaraja görə hər ay pul ödəyirdik. MTK uşaq meydançası üçün nəzərdə tutulan ərazini ödənişli dayanacaq etdi. Artıq 16 ildir ki, bu binada yaşayıram. İllərdir bu kimi problemlərlə üzləşirik”.
Binanın problemlərdindən danışan Nura Suri dərdlərini kimə danışacaqlarını bilmədiyini deyir:
“Sadaladığım problemlərlə əlaqədar MTK-ya zəng edirəm, məni komendanta yönəldirlər. Firdovsi adlı komendant da deyir ki, sənədlə binanı təhvil almamışam. Bizi axmaq yerinə qoyurlar. Davamlı olaraq pul alırlar. Lakin binanın istismarı, həyətin abadlaşdırılması və s. kimi işləri görmürlər. Kommunal ödənişlərdən əlavə bizdən müxtəlif bəhanələrlə pul yığırlar. Kommunalı ödəməyən qonşulara görə gah suyu kəsirlər, ya da lifti bağlayırlar. Başımıza oyun açırlar. MTK iş adamı Şahmar Vəliyevindir. Heç kim ona nəsə deyə bilmir. Hamı qorxur ki, başına bir iş gələr, ya da nəsə olar”.
Müğənni daha bir məsələyə toxunub, bildirib ki, mənzili MTK-dan müqavilə əsasında alıb. Sonradan əmlak çıxarışı alarkən görüb ki, sənəddə mənzilin kvadratı az göstərilib:
“Bütün çıxarışlarda evlərin kvadratları təxminən 20-25 kvadratmetr az yazılıb. Əlimdə bunu sübut edəcək sənəd- müqavilə də var. Belə çıxır ki, mən evimi satanda, 20-25 kvadratmetrə görə pul itirəcəyəm. Hüquqşünaslarla danışdım, dedilər ki, bu hal məhkəmə predmetidir”.
Nura Suri deyir ki, bina sakinləri mövcud problemlərlə əlaqədar məhkəməyə müraciət edəcəklər:
“Bəzi qonşularla danışıb, məhkəməyə müraciət etməyi təklif etdim. Onlar da razıdırlar. Sadəcə, bizə yaxşı hüquqşünas lazımdır. Elə bir hüquqşünas olsun ki, sabah kimsə ona zəng edib, qorxudanda geri çəkilməsin, işi yaxşı aparsın, ört-basdır etməsin”.
“Yapı İnşaat” MTK-dan isə KİV-ə bildirilib ki, binanın mülkiyyətçiliyi artıq onlarda deyil.
“Bina sakinləri özlərinin Mənzil Mülkiyyətçilərinin Müştərək Cəmiyyətini yaradıblar. Mənzillərin çıxarışlarında sahənin az göstərilməsinə gəlincə, bununla əlaqədar Əmlak Məsələləri Dövlət Xidmətinə müraciət etsinlər”, – MTK-dan bildirilib.
Binanın komendantı ilə əlaqə saxlamaq mümkün olmayıb.
Balababa Rzayevin qardaşı oğlu "BCC Group" şirkətinin rəhbəri Vüqar Rzayev işçilərin əmək haqqını vermir. Mingəçevir şəhərində tikintisi bitmək üzrə olan 1280 MW stansiyanın tikintisi zamanı çalışmış işçilər işlədikləri "əlavə saatların" əmək haqqını ala bilmirlər. Stansiyada çalışan işçilərdən verilən məlumatda bildirilir ki, BCC şirkəti ilə bağladıqları müqavilədə 8 saat saat 08:00-dan 16:00-a qədər olmasına baxmayaraq artıq saat işləmələri xahiş edilib. İşçilər razılqla artıq saat işləməklərinə baxmayaraq işlədikləri artıq saatların pulu verilmir. Hansı işçilər ki, haqqını tələb edir, pulunu istəyir o, işçilərlə bağlanmış müqavilə ləğv edilib, 10 günlük müqavilə bağlanaraq 10 tamamında sizinlə olan müqaviləmiz bitib deyib işdən azad edirlər. Yəni hüquqi savadı olamayan, haqqını bilməyən işçiləri bu kimi müqavilərlə işdən azad edirlər. Bundan sonra işdən çıxarılacağından qorxan işçilər "BBC group”un şərtləri ilə razılaşıb işləmək məcburiyyətində qalırlar.
BCC group şirkətinin başqa qanunsuzluqlarının olduqu bildirilir.
Qanusuzluqlarından biri əmək haqqının gecikdirilərək cari ay bitdikdən sonra növbəti ayın 10-da verilməsidir. Digər bir məsələ isə vergidən yayınma məsələsidi. Stansiyada işləyən işçilər bildirir ki, əmək haqqları əlbəəl verilir.
Mövzunu diqqətdə saxlayacağıq.
Paytaxt sakini yanlış əməliyyat səbəbi ilə səhhətində müəyyən problemlər yarandığını iddia edir.
Ötən ilin aprel ayında septoplastika, yəni burunda çəpər əyriliyi əməliyyatı olan Lətafət Məmmədova bildirib ki, əməliyyatdan sonra problemləri aradan qalxmaq yerinə, əksinə şikayətləri artıb.
O, əməliyyatı icra edən özəl klinika "MedAura”nın həkimi Kəmalə Mirzəyevadan şikayətçidir.
Şikayətçi iddia edir ki, əməliyyata 1400 manat ödəniş edib. Təkrar əməliyyat üçün isə 6000 manat lazımdır. Onun tələbi bu ödənişin ona verilməsidir ki, başqa klinikada yenidən əməliyyat olunsun.
Sözügedən özəl klinikanın baş həkimi Nigar Məhəmmədova bildirib ki, həkim Kəmalə Mirzəyeva artıq işdən çıxarılıb. Baş həkim özü də ondan şikayətçidir.(Xəzər TV)
Qarabağ muharibəsi veteranı, polkovnik-leytenant Mustafayev Zeydulla Müqabil oğlu tərəfindən redaksiyamıza şikayət məktubu daxil olub. Ölkə rəhbərliyinə müraciət edən şikayətçinin məktubunu olduğu kimi dərc edirik:
“Qarabağ uğrunda Ağdarə, Laçın və Fizuli istiqamətində gedən döyuşlərdə iştirak etmişəm. İki dəfə kontuziya almışam, bir dəfə yaralanmışam.
İndi isə yoldaşımın başına gələnlər haqqında yazmaq istəyirəm. Belə ki, yoldaşım Mustafayeva Sevinc Hacıbəy qızı Sumqayıt “Nəqliyyat MMC-1”-də işləyirdi. 9 iyun 2023-cü ildə “öz arzusu ilə” işdən çıxması üçün ərizə yazmaq haqda göstəriş verdilər. O, da ərzəni yazdı. Mən həmin vaxt gəlib Kadrlar Şöbəsində ərizəni oxudum, düzgün yazıb-yazmadığını öyrəndim.
İş tapmaq üçün yoldaşıma 1 (bir) ay vaxt verdilər. 12 iyun 2023-cü ildə yoldaşım iş tapdıqdan sonra maaşını almaq üçün mühasib işləyən Vüsalə Hüseynovaya (kassaya çavabdeh) müraciət etmişdir və ona maaş verilməyəcəyini bildirmişdir.
Vüsalə Hüseynova icra başçısı Zakir Fərəcovun qohumudur və onun göstərişi ilə yoldaşımı işdə azad ediblər. Yoldaşım həm fiziki, həm də söz təhqirinə məzur qaldığı üçün DİN-in 102 qaynar xəttinə zəng etmişdir. Polis gəldikdən sonra Vusaləni sakit edə bilmişdilər.
Onu da qeyd edim ki, bütün otaqlarda video-çəkiliş var. Polis əməkdaşı video-görüntünü istəyəndə, müəssisənin rəisi Elgiz Fərəcov kameranın işləmədiyini bildirmişdir. Yəni videodan aydın olur ki, kim kimə təcavuz etmişdir.
İş instintaqa göndərilir. İntintaqda Şamil Məmmədov yoldaşımın azərbaycanca yaxşı danışmadığından istifadə edərək, ona verilən göstərişlər əsasında cinayət işi qaldırmışdır. Müstəntiq həyat yoldaşıma psixoloji təzyiq göstərmişdir.
İş Azərbaycan Prosessual və Konstitusiya Məcəlləsi pozulmaqla, birtərəfli qaydada aparılıb. Həyat yoldaşımın polisə müraciət etməsi, ertəsi gün Məhkəmə Tibbi Ekspertizadan keçməsi və hamının buna göz yumması bir yana, müəssisənin rəhbəri Elgiz Fərəcov videonu gizlədərək, instintaqa öz işçilərindən 3 nəfər yalançı üzəduran gətirmişdir.
Müstəntiq birbaşa sübutu olmadan və həyat yoldaşıma şiddətli təzyiqlərdən sonra, prokurorun göstərişi ilə iş məhkəməyə göndərildi. Məhkəmədə yenə də eyni hərəkətlər təkrar olundu. Bizim vəkilin və yoldaşımın göstərdiyi dəlillər, şahidlərin yalan danışmasını təsdiq edən sənədlərə baxmayaraq, hakim Zaur Hacıyev xuliqanlıq maddəsini təsdiq etdi.
Siz fikirləşin, Kadrlar Şöbəsində Dildar xanımın mənə göstərdiyi ərizə yoxa çıxdı. Məhkəmədə Dildar xanımın yalanları üzə çıxdı. Onun yoldaşı şahid olmuşdur, ona hörmətim var idi. Lakin o, şahid yoldaşı kimi hərəkət etmədi.
Hakim heç bir dəlilə fikir vermədən, notarius kimi 221-ci maddəni təsdiq etdi. Bundan sonra yoldaşım Məhkəmə Hüquq Şurasına, Baş Prokurorluğa, DİN-ə müraciət etdi ki, işınə düzgün baxılsın. Hamısı standart cavablar göstərdilər.
Apellyasiya Məhkəməsində hakim Elman Əhmədov da heç bir dəlili araşdırmadan, 1 saat içində eyni vəzifəni yerinə yetirdi. Mən bilmirəm, icra başçısı Zakir Fərəcovun bu işlərdən xəbər var, yoxsa yox. Amma bacısı oğlu Elgiz Fərəcov və Vüsalə Huseynova onun adına istifadə edərək, Sumqayıtda fironluq edirlər.
Onu da qeyd etmək istəyirəm ki, yeni işə qabul olunmuş qadına qarşı da Vüsalə Huseynova eyni hərəkəti etmiş, məcbur olub onu işdən azad etmişlər.
Mən də məcbur olub Prezidentə müraciət etmişəm. Məmur özbaşınalığının, məhkəmələrin göstərişlə işləməsinin insanlar arasında hakimiyyətə qarşi nifrət yaratdığını başa düşmürlər. Mən isə həmişə dövlətimizin tərəfində olmuşam”./hurriyyet.az
Balakən rayon sakinləri son vaxtlar tibbi sığortadan tam istifadə etmək imkanından məhrum olduqlarını bildirirlər. Məlum olub ki, Balakən Mərkəzi Xəstəxanası laboratoriya analizləri və ultrasəs müayinəsi (UZİ) üçün vətəndaşları "AYMED" Klinikasına göndərir. Nəticədə, bu, vətəndaşların tibbi sığorta çərçivəsində pulsuz tibbi xidmətlərdən yararlana bilməməsinə və nəğd ödəniş etməyə məcbur qalmasına səbəb olur.
Sakinlərin bildirdiyinə görə, Balakən Mərkəzi Xəstəxanasında qeydiyyata düşən hər bir vətəndaşdan 1 manat məcburi ödəniş alınır. Həmçinin, qan analizlərinin bir qismi Mərkəzi Xəstəxanada aparılmadığı üçün vətəndaşların "AYMED" Klinikasına istiqamətləndirildiyi deyilir.
"AYMED" Klinikasında laborator və UZİ müayinələri üçün əhaliyə məqsədyönlü şəkildə ödənişli xidmətlər təklif edilir. Qiymətlər aşağıdakı kimidir:
✔️ Qalxanabənzər vəzin yoxlanması - 20 AZN
✔️ Qanda qlükozanın yoxlanması (gizli şəkər) - 25 AZN
✔️ Tam optimal müayinə - 30 AZN
✔️ Exo Kardioqramma - 50 AZN
✔️ Anti CCP - 42 AZN
Yuxarıda qeyd edilən analizlərin hər birini dövlət xəstəxanasında çıxarılması üçün hər bir şərait Səhiyyə Nazirliyi və Təbibin təşəbüsü ilə yaradıldığı cəmiyyətə aydın olan məlumatdır. Lakin hər şey göründüyü kimi deyil RMX-nın rəhbərinin arzuları çərçivəsində reallaşdırılır. Görüntü və əməllər bir birin tamamlamayır.
Sakinlərin narazılığına səbəb olan daha bir məqam Balakən Mərkəzi Xəstəxanasının keçmiş UZİ həkimi Elşən Kərimovla bağlıdır. Nə baş verdisə məhs elə sığortanın tətbiqindən sonra Mərkəzi xəstəxana alternativ qazanc yolların icad etmək çox müddət çəkməyib. Elə bu minvalla "AYMED" klinikası ilə Balıakən Mərxəzi Xəstəxana arasında gizli saziş əldə edilib. Mərkəzi Xəstəxanada lazımi bütün avadanlıqların olmasına baxmayaraq xəstələr analizlər üçün "AYMED" özəl kilinikasına yönləndirilirki buda klinika rəhbərliyinin Mərkəzi xəstəxana rəhbəri Dilbər Quliyevanı görməsi sayəsində baş verir. Bundan əlavə olaraq Məkrəzi xəstəxana və özəl klinikaanın həkimləri xəstələrə reseptlərə fima dərmanlarını yazaraq öncədən anlaşdıqları firmalardan faizlərini aylıq və ya öncədən almaqla iş birliyinə girməkdədir deyə etibarlı mənbə məlumatında qeyd edir.
Ən əsasıda bildirilir ki, "AYMED" Klinikasının işə başlamasından sonra Elşən Kərimov Mərkəzi Xəstəxanadan ora köçürülüb və UZİ aparatı da "AYMED" Klinikasına aparılıb. Bu dəyişiklik sakinlərin tibbi sığorta çərçivəsində pulsuz tibbi xidmət görmə imkanlarını daha da məhdudlaşdırıb.
Balakən sakinləri mövcud duruma ciddi narazılıq edərək, tibbi sığorta sisteminin effektiv işləmədiyini bildirirlər. Onlar aidiyyəti qurumlardan bu problemi aradan qaldırmaq və tibbi sığorta vasitəsilə pulsuz tibbi xidmətlərə çatımlılığı tam təmin etməklə bağlı addımların atılmasını tələb edirlər.
Yenixeber.org
Bərdənin 2 saylı orta məktəbində olan şəraitsizlik heç Qəzza zolağındakı hansısa təhsil müəssisəsində belə yoxdur. Yerli sakinlərin verdiyi məlumata görə, prezidentin sərəncamı ilə təmir edilən məktəbin nə işığı, nə istilik sistemi mövcuddur. Bu mövzuda şəhid anası da dövlət rəhbərliyinə müraciət edib. Deyib ki, şagirdlərin təhsil alması üçün məktəbin işıq və istliklə təmin olunmasına ehtiyac var. Anaxeber.info bildirir ki, söhbət Bərdənin şəhər məktəbindən gedir və bu məsələyə yerli icra hakimiyyəti, regional təhsil idarəsi ciddi şəkildə laqeydlik nümayiş etdirir. Məktəbin acınacaqlı vəziyyətlə üzləşməsinə heç bir tədbir görməyən icra başçısı Vidadi İsayev və regional təhsil idarəsi rəhbərliyi bu məsələdə susur. Halbuki dövlət vəsaitindən bu məktəbə böyük pullar xərclənib. Eyni zamanda, Elm və Təhsil Nazirliyinə edilən müraciətlər nəticə vermir. Sakinlər xahiş edirlər ki, onların səsinə səs verilsin və tezliklə məktəbin fəaliyyəti bərpa olunsun. Çünki yüzlərlə şagird təhsildən məhrum olub. Bu da ciddi bir zərbədir. İlin-günün bu vaxtında Bərdənin mərkəzində məktəbin işıqsız və istiliksiz qalmasını yalnız biabırçılıq adlandırmaq olar. Amma vəziyyət o həddə çatıb ki, prezidentdən köməklik istənilir. Hərçənd, bir məktəbin probleminin həlli yerli icra başçısı Vidadi İsayev və təhsilə cavabdeh məmurların tapşırığı əsasında də həll oluna bilərdi. Amma onların biganəliyi sakinləri dövlət başçısına müraciət etməyə məcbur qoyub.
Azər Talıbov
Anaxeber.info
Sabirabad rayon Narlı kəndinin bir qrup sakinləri 15 ildir ki yollarının bərbad olduğunu bildirirlər. Sözü gedən kənddə yaşayan şəhid Qoşqar Əliyevin qardaşı Haqverdi Əliyev deyir ki, COP29-a ev sahibliyi edən ölkənin hansısa bir kəndinin yolunun bucür bərbad vəziyyətdə olması utancvericidir. Vətəndaş Sabirabad rayonunun Narlı kəndi ilə yanaşı digər 6 kəndin də yollarının bu vəziyyətdə olduğunu deyir.
Şikayətçilər dəfələrlə problemlə bağlı Azəryolun sədri Saleh Məmmədova müraciət etdiklərini, lakin nəticəsimin olmadığını qeyd edirlər.
Şəxsi büdçələri yolları təmir etməyə yetmədiyi üçün, onlar kanalımız vasitəsilə aidiyyatı qurumlardan kömək istəyirlər.