Ardını oxu...
Səudiyyə Ərəbistanının “Əl Nəsr” klubunda xoşbəxt olmayan və komandadan ayrılmağı düşünən Kristiano Ronaldo yenidən Avropaya qayıtmaq istəyir.

Offsideplus.az xəbər verir ki, Münhen “Bavariya”sı portuqaliyalı ulduzla bağlı maraqlı təklif alıb. 38 yaşlı hücumçuya yaxınlığı ilə bilinən məşhur jurnalist Piers Morgan bildirib ki, “Bavariya”nın icraçı direktoru Oliver Kan Ronaldo ilə bağlı maraqlı təklif alıb.

İddialara görə, alman milyarder Markus Şon Oliver Kana göndərdiyini məktubda qeyd edib ki, “Bavariya” Ronaldonu transfer etsə, milyarder bütün xərcləri öz üzərinə götürəcək. “Bavariya”nın təklifə necə cavab verdiyi məlum deyil.
Ardını oxu...
Təbrizin "Traktor" komandasının azarkeşləri ilə İran polisi arasında qarşıdurma yaşanıb.

"Report"un məlumatına görə, bununla bağlı sosial şəbəkədə görüntülər yayılıb.

Hadisə "Esteqlal"a qarşı İran çempionatının sonuncu - XXX tur oyunundan əvvəl paytaxt Tehrandakı "Azadi" stadionunda baş verib.

Qeyd edək ki, "Esteqlal" - "Traktor" qarşılaşması bu gün Bakı vaxtı ilə saat 18:30-da başlayacaq.

 
Ardını oxu...
Niderlandın "Ayaks" komandasının qapıçısı Marten Stekelenburq peşəkar karyerasını başa vurur.

Cebhe.info klubun rəsmi saytına istinadən xəbər verir ki, 40 yaşlı qolkiper cari mövsümün sonunda futbolla vidalaşacaq

Erediviziyanın XXXIII turunun "Utrext"lə ev matçı onun üçün sonuncu olacaq.

Qeyd edək ki, "Ayaks"ın yetirməsi olan Marten Stekelenburq bu komanda ilə 4 dəfə Niderland çempionu və ölkə kubokunun qalibi olub. Qapıçı karyerası ərzində İtaliyanın "Roma", İngiltərənin "Everton", "Sauthempton" və "Fulhem" klublarında da çıxış edib.

Niderland millisində 63 oyun keçirən qolkiper yığma ilə 2010-cu il dünya çempionatında gümüş medal qazanıb.
 
Ardını oxu...
UEFA Çempionlar Liqasında yarımfinal mərhələsinin cavab oyunlarından sonra həftənin rəmzi komandası açıqlanıb.

"Report" Avropa futbol qurumunun rəsmi saytına istinadən xəbər verir ki, ən yaxşı "11-lik"də bu raundun dörd iştirakçısının üçündən oyunçu yer alıb.

Rəmzi komandada ən çox futbolçu ilə İngiltərənin "Mançester Siti" klubu təmsil olunub - 6. Siyahıya İtaliya "İnter"indən 4, "Milan"dan isə bir oyunçu düşüb.

Qapıçı: Ederson ("Mançester Siti")
Müdafiəçilər: Kayl Uolker, Manuel Akanci (hər ikisi "Mançester Siti"), Françesko Açerbi, Federiko Dimarko (hər ikisi "İnter"), Malik Tşau ("Milan")
Yarımmüdafiəçilər: Kevin De Brüyne, Bernardu Silva (hər ikisi "Mançester Siti"), Hakan Çalhanoğlu ("İnter")
Hücumçular: Xulian Alvares ("Mançester Siti"), Lautaro Martines ("İnter").

Qeyd edək ki, Çempionlar Liqasının finalında "Mançester Siti" və "İnter" klubları üz-üzə gələcəklər. Həlledici qarşılaşma iyunun 10-da Türkiyənin İstanbul şəhərindəki Atatürk Olimpiya Stadionunda keçiriləcək.
Ardını oxu...
UEFA Çempionlar Liqasında yarımfinal mərhələsinə yekun vurulub.

Oxu.Az xəbər verir ki, ikinci finalçının adına İngiltərədə aydınlıq gəlib.

Yarımfinalın ilk oyununda İspaniyada “Real Madrid”lə 1:1 hesablı heç-heçə edən “Mançester Siti” bu dəfə rəqibi öz meydanında qəbul edib. “Etihad” stadionunda təşkil olunan qarşılaşma “şəhərlilər”in böyük hesablı qələbəsi ilə başa çatıb - 4:0.
Hesabı 23-cü dəqiqədə Bernardu Silva açıb. Portuqaliyalı vinger 37-ci dəqiqədə dubl edib. 76-cı dəqiqədə İspaniya klubunun heyətində Eder Militao avtoqol müəllifi olub. 90+1-ci dəqiqədə isə Yulien Alvares matçda son nöqtəni qoyub.

Beləliklə, iki oyunun cəmində 5:1 üstün olan “Mançester Siti” həlledici matçda iştirak etmək hüququ qazanıb. Pep Qvardiolanın komandası finalda İtaliyanın “İnter” klubu ilə üz-üzə gələcək.

 
Ardını oxu...
Məlum olduğu kimi, "Qarabağ" klubu növbəti mövsüm UEFA Çempionlar Liqasında mübarizə aparacaq.

Lakin Ağdam təmsilçisi rəqibini bu dəfə Tofiq Bəhramov adına Respublika stadionunda yox, "Azərsun Arena"da qəbul edəcək. Buna səbəb isə mərkəzi arenanın təmirə bağlanmasıdır.

Buna görə də "atlılar" növbəti Avropa macərasına tutumu 5.800 nəfər olan "Azərsun Arena"da başlayacaq.

Bu hal isə sosial şəbəkələrdə izləyicilər tərəfindən birmənalı qarşılanmayıb. Belə ki, bir çoxu buna görə "Qarabağ"ı qınayır. Hər il Ağdam təmsilçisinin avrokubok matçlarına xeyli tamaşaçı gəldiyindən, bu məqam insanları narazı salıb. Onlar sosial şəbəkələrdə Ağdam klubuna yönəlik tənqidi şərhlər yazıblar.

Belə şərhlərdən bir neçəsini təqdim edirik:

"Belə şey olar? İldən-ilə hövsələmizi yoxlayırlar"

"5.800 nəfər elə bizim "kruqdur". Hara yığılsın o qədər adam?"

"Azərsun Arena" nədir?! "Tofiq Bəhramov" bağlıdırsa, Bakı Olimpiya Stadionu var. Orda niyə keçirmirlər?"

"Bir sözlə, bu mövsüm "Qarabağ" xeyli tamaşaçı itirdi"

"Narazılığınızı klub rəhbərliyinə bildirin də. Necə olur ki, "Qarabağ" milyonlar qazanır, amma rəhbərlik 15-20 minlik stadion tikməyə xəsislik edir".

Qeyd edək ki, "Qarabağ" Çempionlar Liqasında mübarizəyə 1-ci təsnifat mərhələsindən başlayacaq. \\Offsideplus.az
 
Ardını oxu...
İngiltərə "Liverpul"u cari mövsümün sonunda 4 futbolçusu ilə vidalaşacağını açıqlayıb.

"Report" klubun rəsmi saytına istinadən xəbər verir ki, Mersisayd təmsilçisi Roberto Firmino, Nəbi Keyta, Ceyms Milner və Aleks-Oksleyd Çemberlenlə yollarını ayıracaq.

Sözügedən oyunların başa çatan müqavilələri yenilənməyəcək.

Qeyd edək ki, Firmino və Milner 2015-ci, Çemberlen 2017-ci, Keyta isə 2018-ci ildən "Liverpul"da çıxış edir.
 
Ardını oxu...
AÇ-2024-ün seçmə məhələsi çərçivəsində keçiriləcək Azərbaycan – Estoniya oyununun biletləri mayın 17-dən etibarən satışa çıxarılacaq.
AFFA xəbər verir ki, biletlərin qiymətləri 2 manatdan 10 manatadəkdir. 1-ci kateqoriya biletlər 5, 2-ci kateqoriya biletlər 2, VIP biletlər isə 10 manat olacaq.
Qeyd edək ki, Azərbaycan – Estoniya oyunu iyunun 17-də “Dalğa Arena”da keçiriləcək və saat 20:00-da başlayacaq.
 
Ardını oxu...
Çili çempionatının XIV turunun “Kuriko Unido” - “Palestino” matçında maraqlı hadisə baş verib.

Qonaqların 1:0 hesablı qələbə qazandığı oyunun əvvəlində meydana it daxil olub. İt topu oyuncaq zənn edərək, onunla oynamağa başlayıb.

Bir qədər sonra futbolçulardan biri iti meydandan çıxarıb. Hətta bu zaman belə, it topu qaytarmaq istəməyib.

 
Ardını oxu...
Azərbaycanın daha bir ağırlıqqaldıranı Tunisin paytaxtı Tunis şəhərində keçirilən Afrika çempionatında qızıl medal qazanıb.

Federasiyadan verilən məlumata görə, 67 kq çəki dərəcəsində yarışan İsa Rüstəmov birdən qaldırma hərəkətində 138 kq, təkanla qaldırmada 164 kq çəkini başı üzərinə qaldırıb.

Toplam 302 kq (138+164) nəticə göstərən idmançı hər üç hərəkətdə bütün rəqiblərini qabaqlayıb.
Daha əvvəl qadınlardan Nazilə İsmayılova (45 kq) Afrika çempionu olub.

Azərbaycan yığmasının başqa qitənin çempionatında çıxışına səbəb bu ilin aprelində İrəvanda keçirilən Avropa çempionatında erməni təxribatına görə iştirak edə bilməməsidir. Tunisdə təşkil olunan yarış da Paris-2024 Yay Olimpiya Oyunlarına lisenziya xarakteri daşıyır və Beynəlxalq Ağır Atletika Federasiyası tərəfindən Azərbaycan komandasına alternativ imkan kimi bu turnirdə qüvvəsini sınamaq təklif olunub. Azərbaycan Ağır Atletika Federasiyası bu təklifi qəbul edib. İrəvanda yarışa bilməyən idmançıların Tunisdə əldə etdikləri nəticələr Olimpiya təsnifat sistemində qeydə alınacaq.
 

Dünyapress TV

Xəbər lenti