 |
|
|
Odlar Yurdu Universitetinin 1-ci prorektoru Munir Vəliyev Bakı şəhəri, Xəzər rayonu, Mərdəkan qəsəbəsində yeni malikanə inşa etdirəcək.
Qlobal.az xəbər verir ki, prorektorun iki mərtəbədən ibarət olacaq villasının həyətində əlavə 3 ədəd yardımçı tikili də planlaşdırılır.
Bir mərtəbəli olacaq yardımçı tikililərin ümumi sahəsi 232 kvadrat metr, 2 mərtəbəli villanın ümumi sahəsi isə 1029 kvadratmetrdir.
Xatırladaq ki, professor Munir Əliyev Odlar Yurdu Universitetinin rektoru, professor Əhməd Vəliyevin oğludur.
Su altında ən uzun yaşamaq rekordu qırılıb.
Demokrat.az xəbər verir ki, bu barədə CBS News məlumat yayıb.
Bildirilib ki, Florida Universitetinin professoru su altında ən uzun yaşamaq rekordunu qırıb.
Sualtı oteldə yaşayan Cozef Dituri qeyd olunan rekordu qırmaq üçün 73 günlük rekordu keçib.
Professor mayın 15-də su altında 76-cı gününü tamamlayıb.
O, sosial media hesabından verdiyi açıqlamada, hələ prosesi bitirməyəcəyini, 100-cü günün sonunda sudan çıxmağı planlaşdırdığını bildirib.
Artıq paytaxtda qəzalı vəziyyətdə olan yataqxanaların sökülməsinə başlanılıb. Bu barədə Sputnik Azərbaycana Bakı Şəhər İcra Hakimiyyətindən bildiriblər.
Xatırladaq ki, bu günlərdə Bakıda məcburi köçkünlərin məskunlaşdığı yataqxanada partlayış olub. Hadisə nəticəsində bir nəfər ölüb, iki nəfər ağır xəsarət alıb. Hadisə yerində əməliyyat şəraiti qiymətləndirilərkən ikimərtəbəli yataqxana binasının birinci mərtəbəsində, ilkin ehtimala görə, məişət qazının sızması nəticəsində yanğınla müşayiət olunmayan partlayışın baş verdiyi və dağıntı yarandığı müəyyən olunub.
Qeyd edək ki, məcburi köçkünlərin məskunlaşdığı yataqxanalarda yanğın, partlayış hadisələri tez-tez qeydə alınır. Bundan əvvəl də Nərimanov rayonunda üçmərtəbəli yataqxana binasında yanğın hadisəsi baş vermişdi. Sözügedən binaların yaşayış üçün yararsız halda olması, belə qəza hadisələrini qaçılmaz edir. Torpaqlarımız işğaldan azad olunduqdan sonra yataqxanaların bir qismində yaşayan məcburi köçkünlər öz torpaqlarına köçürülsə də, belə qəzalı yataqxanalarda hələ də yaşayış davam edir. Baxmayaraq ki, yataqxanaların çoxu qəzalı binalar siyahısındadır.
Bəs görəsən istismar müddətini başa vurmuş, şəhərin görkəminə xələl gətirən yataqxanaların sökülməsi niyə ləngiyir?
Bakı Şəhər İcra Hakimiyyətinin verdiyi məlumata görə, artıq qəzalı vəziyyətdə olan yataqxanaların sökülməsinə başlanılıb. Bakı şəhəri, Nərimanov rayonu, Fətəli xan Xoyski, 212 ünvanında yerləşən keçmiş Bakı Şin Zavodunun 2 ədəd qəzalı vəziyyətdə olan dördmərtəbəli yataqxanası söküləcək. Bu yataqxanalarda ümumilikdə 140 ailə məskunlaşıb. Binaların qəzalı vəziyyətdə olması ilə bağlı Fövqəladə Hallar Nazirliyi və aidiyyəti qurumların nümayəndələri tərəfindən binalara baxış keçirilib və toplanan sənədlər Nazirlər Kabinetinə təqdim edilib. Qəbul edilən qərara uyğun olaraq bu binalardan sakinlərin köçürülməsi qərara alınıb.
Binaların çoxu istismar müddətini başa vurub
Əmlak məsələləri üzrə eskpert Elnur Fərzəliyev Sputnik Azərbaycan-a bildirib ki, yataqxanalar sovet dövründə inşa olunduğundan, çoxu istimar müddətini başa vurub. Bəziləri isə qəzalı vəziyyətdədir:
"Bakı və digər rayonlarda sovet dövründən qalmış yataqxanalar var. Bunların bəziləri tələbə yataqxanaları, bəziləri isə zavod və müəssisələrin nəzdində olan yataqxanalardır. Tələbə yataqxanalarının böyük əksəriyyətində məcburi köçkünlər yaşayırdılar. İşğaldan azad olunmuş ərazilərdə yenidənqurma işləri aparılır. Yaxın gələcəkdə tələbə yataqxanalarında müvəqqəti məskunlaşan məcburi köçkünlər öz doğma yurd-yuvalarına köçürüləcək. Artıq bu proses başlayıb. Bir çox ərazilərdə artıq tələbə yataqxanaları boşaldılıb. Yataqxanaların hər biri müxtəlif qurumların balansındadır. Hər hansı dövlət balansında olan inzibati binanın sökülməsi üçün həmin qurumun rəyi olmalıdır. Bu gün məcburi köçkünlərin tərk etdiyi yataqxanaların çoxu qəzalı şəraitdədir".
E.Fərzəliyev bildirib ki, yataqxnaların sökülərək yerində yenilərinin inşa olunması tələbələrin kirayə problemini də aradan qaldırmış olar.
"Yaxşı olardı ki, həmin yataqxanalar sökülərək yerində çoxmərtəbəli müasir yataqxanalar inşa olunsun. Bununla tələbələrin kirayə problemini də aradan qaldırmaq olar. Amma təəssüflər ki, o yataqxanalar sökülmür. Bakıda yerləşən yataqxnaaların əksəriyyəti o qədər qəzalı vəziyyətdədir ki, hər hansı partlayış və zəlzələ nəticəsində o binalar uça, dağıla bilər. Ona görə də ilk növbədə qəzalı yataqxanalar sökülməlidir" deyə ekspert əlavə edib.
Kirayə mənzillərə tələbat azala, qiymətlər ucuzlaşa bilər
Ekspertin sözlərinə görə, belə yataqxanaların sökülərək yerində yenilərinin inşa edilməsi paytaxtda kirayə mənzillərə təlabatı azaldacaq, qiymətləri isə ucuzlaşdıracaq.
Qeyd edək ki, hazırda paytaxtda yerləşən universitetlərin çoxunun yataqxanasında məcburi köçkünlər məskunlaşıb.
Əlaqə saxladığımız ali təhsil müəssisələrindən bildirdilər ki, maliyyə vəsaiti ayrıldıqca yataqxanalar sökülərək yerində yeniləri inşa ediləcək.
Xatırladaq ki, Azərbaycan Memarlıq və İnşaat Universitetinin (AzMİU) rektoru Gülçöhrə Məmmədova mətbuata açıqlamasında tələbə yataqxanasını bərpa etməyə vəsaitin olmadığını bildirmişdi. Rektorun sözlərinə görə, yataqxana məsələsi problemdir: "Universitetin yataqxanasında indiyə qədər məcburi köçkünlər yaşayıb. İndi onlar orada yaşamasalar da, hazırda bizim tələbə yataqxanasını təmir etməyə imkanımız yoxdur".
G.Məmmədova əlavə edib ki, hazırda yataqxanaların əsaslı təmir olunması və tələbələrin istifadəsinə verilməsi üçün Elm və Təhsil Nazirliyi ilə birlikdə çıxış yolları axtarılır.
Maliyyə maqnatı Corc Soros vəfat edib.
Onun beyninə qan sızdığı deyilir.
C. Soros "Soros" İdarəetmə Fondunun sədri və Açıq Cəmiyyət İnstitutunun rəhbəri olub. Həmçinin, o, ABŞ-nin Xarici Əlaqələr Komissiyasının Direktorlar Şurasının keçmiş üzvü, Amerika İnkişaf Mərkəzinin üç qurucusundan biri olub.
"Bu məsələ ciddidir. Nəticələr bir an öncə bəlli olsun".
Cebhe.info xəbər verir ki, bunu Türkiyənin Cümhuriyyət Xalq Partiyasının (CHP) sədri, "Millət İttifaqı"nın namizədi Kamal Kılıçdaroğlu mətbuata açıqlamasında deyib.
Partiya sədri nümayəndələrini seçki məntəqələrini tərk etməməyə çağırıb:
"Ankarada 300, İstanbulda 783 seçki qutusunun nəticələrinə etiraz edilir. Etirazlarla bunun qarşısını ala bilməyəcəksiniz ".
Xatırladaq ki,Türkiyə Ali Seçki Şurasının (YSK) açıqlamasına görə, prezident və parlament seçkiləri çərçivəsində ölkə daxilində verilən səslərin 71,64%, xaricdə verilənlərin isə 18,76%-i sayılıb.
Azərbaycanda bir qrup şəhid ailəsinə qarşı dələduzluq edən vəkilə cinayət içi açılıb.
Bu barədə Gununsesi.info-nun əldə etdiyi xəbərdə deyilir ki, onlar arasında 20 Saylı Vəkillər Bürosunun əməkdaşı Cavid Quliyev də var.
Bildirilir ki, şəhid ailələrinə dələduzluq edərək onlarln pulunu mənimsəməkdə ittiham olunan vəkil Cavid Quliyev Nəriman Polis İdarəsi tərəfindən həbs edilib.
Onun Ukraynanın Bakıdakı səfirliyinin qarşısında saxlanilaraq, istintaqa təhvil verildiyi deyilir.
Uzun illərdir Vasif Talıbovun qurduğu ədalətsiz sistemə, işsizliyə görə, onsuz da əhalinin yarıdan çoxu Naxçıvanı tərk etmişdi. Yerdə qalanlar isə, ya dövlət müəssisələrində, ya da Talıbovlara aid özəl iş yerlərində aşağı maaşla olsa da dolanışıq yolunu birtəhər tapıb, vətənlərini tərk etməyənlər idi. Naxçıvandakı hakmiyyət dəyişdikdən sonra isə, bu iş yerləri də kütləvi şəkildə bağlandı, yaxud onsuz da aşağı olan maaşlar yarıbayarı azaldıldı. Bu səbəbdən Naxçıvanda uzun müddətdir müşahidə olunmayan yeni immiqrasiya dalğası yaranıb. İş yerlərini itirən minlərlə naxçıvanlı çörəkpulu arxasınca xüsusilə qonşu ölkə Türkiyəyə üz tutur.
Bağlanan iş yerləri əsasən tikinti ilə əlaqəli dövlət və özəl müəssisələrinə aiddir. Şərur rayon sakinin Oruc Həsənov deyir ki, uzun müddət burada dövlət müəssisəsinə aid tikintidə çalışıb. Ötən ay tikintiyə aid iş yerləri kütləvi bağlandıqdan sonra, hamı kimi o da işini itirib:
“Hakimiyyət dəyişəndə sevindik ki, yeni iş yerləri açılacaq, maaşlar artacaq. Təssüf ki, tam əksinə oldu. Əvvəlcə, bir neçə ay maaşımızı vermədilər, bu yaxınlarda isə, dövlətə aid tikinti idarələrini ləğv etdilər. Bu səbəbdən yüzlərlə fəhlə və usta işsiz qaldı. Maaşımız da batıb getdik. İş üçün müraciət etsək də heç yerdə təmin etmədilər. Məşğulluq idarəsinə də yazılmışam, deyirlər, gözlə. Gözləməklə də olmur. Borc üstünə borc gəlir. Kifayət qədər borclanmışam. Ona görə də qərara gəldim ailəmi çörəklə təmin etmək, borclarımı qaytarmaq üçün Türkiyəyə işləməyə gedəm. O üzdən Naxçıvanı tərk etdim. Başqa çıxış yolu yox idi. Bir müddət sonra ailəmi də gətirəcəm, Naxçıvanla biryolluq üzülüşək. Tək mən deyiləm, son vaxtlar 10-larla ailə tərk edib buranı”.
Əvvəllər „Cahan Holdnq“ə aid daş sexlərinin birində işləyən Babək rayon sakini Bəhruz Quliyev deyir ki, maaşları aşağı salındığından, işini atıb, Türkiyəyə getməyə məcbur olub:
“Hakimyyət dəyişəndən sonra, holdində əl də dəyişdi. Əvvəlkilər bizə qarşı haqsızlıqlar edirdi, ucuz qiymətə işlədirdi. Yeni gələnlər isə, bizimlə tam qul kimi davranmağa başladılar. Həftə sonları işləməyə məcbur etdilər, onsuz da aşağı olan maaşımızı azaltdılar. O pulu da heç vaxtında vermirlər. Şirkətdəki bütün müəssisələrdə eyni vəziyyətdir. Bu səbəbdən, onlarla, bəlkə yüzlərlə işçi normal iş dalınca ya Bakıya, ya da Türkiyəyə üz tutub. Mən də onların içindəyəm. Vasif Talıbovun haqsızlıq, ədalətsizliyinə görə Naxçıvan boşalmışdı. 5-10 nəfər yerdə qalmışdı ki, onları da yeni gələn qaçırdır”.
27 il Naxçıvana rəhbərlik etmiş, vaxtilə dünyadakı ən yırtıcı diktatolar siyahısına daxil edilmiş Vasif Talıbov ötən ilin dekabrnda öz ərizəsi əsasında bu vəzifədən azad edilib. Bundan sonra prezidentin Naxçıvan üzrə xüsusi nümayəndiliyi yaradılıb. Prezidentin fərmanı ilə Fuad Nəcəfli Naxçıvan üzrə xüsusi nümayəndə təyin olunub.(Gündəlik Naxçıvan)
Naxçıvan MR Daxili İşlər Nazirliyi və Naxçıvan MR Prokurorluğu əməkdaşlarının birgə fəaliyyəti nəticəsində Ordubad rayonu Xurs kənd sakini E.Tarverdiyevin bacısını 2003-cü ilin avqust ayında öldürüb həyətyanı sahədə basdırması müəyyən edilib.
Bu barədə DİN-in mətbuat xidmətindən xəbər verilib.
Məlumata görə, E.Tarverdiyev tutularaq istintaq təhvil verilib.
Əvvəlki illərdən bağlı qalmış cinayətlərin açılması daim diqqət mərkəzində saxlanılmaqla bu istiqamətdə işlər davam etdirilir.
Bakıda “5 mərtəbə” kimi bilinən binanın qarşısında adam döyən universitet müəllimi ilə bağlı qərarı verilib.
32gun.az-ın məlumatına görə, 1961-ci ildə Bakı şəhərində anadan olmuş, “Qərbi Kaspi” Universitetində müəllim vəzifəsində işləyən Həsən (şərti) idarə etdiyi “Jeep Wrangler” markalı, “BZ” dövlət qeydiyyat nişanlı avtomobili ilə ona yol verməyən “Mitsubishi Pajero” markalı, “BJ” dövlət qeydiyyat nişanlı avtomobilin sürücüsünü döyüb.
Belə ki, 1 mart 2022-ci il tarixində Həsən müəllim avtomobiliylə yaşadığı Bakı şəhəri, Yasamal rayonu, Ş.Qurbanov küçəsindəki 2/15 nömrəli binanın həyətinə daxil olmaq istədikdə, binanın girişində ağ rəngli, “Mitsubishi Pajero” markalı, “*-BJ-**” dövlət qeydiyyat nişanlı avtomobilin dayandığını görüb.
Mahmud “5 mərtəbə” kimi bilinən binanın qarşısında avtomobilini saxlayıb, dəftərxana ləvazimatları satılan mağazaya girib.
Geri qayıdanda Həsən əsəbləşərək Mahmuda “deyəsən tələsən yeriniz yoxdur” ifadəsini işlədib. Mahmudda ona “guya sənin tələsən yerin var ki” deyə sərt cavab verib.
Bundan sonra Həsən Mahmudun avtomobilinin arxa alın şüşəsinə yumruqlamış və daha sonra onun tərəfdən qapısını açıb onu yüksək səslə nalayiq ifadələrlə təhqir edərək bir dəfə yumruqla alın nahiyəsindən vurub. Nəticədə Mahmudun gözündə dəyəri 1000 manat olan eynəy sınıb.
Məhkəmənin qərarı ilə, Həsən Cinayət Məcəlləsinin 221.1-ci maddəsi ilə təqsirli bilinərək 1000 manat cərimə cəzasına məhkum edilib.
Qeyd edək ki, təqsirləndirilən şəxs bir neçə dəfə məhkum edilib. Həsən Səbail rayon xalq məhkəməsinin 4 avqust 1997-ci il tarixli hökmü ilə Cinayyət Məcəlləsinin 147.3,194.2:38-ci maddələri ilə təqsirli bilinərək 5 il azadlıqdan məhrum etmə cəzasına məhkum edilib. 5 noyabr 1997-ci il tarixdə Səbail rayonu xalq məhkəməsinin qərarı ilə CM-nin 50-2 maddəsinə əsasən 3 il 12 gün əməyə cəlb edilməklə şərti cəza təyin olunub. 6 sentyabr 1999-cu il tarixdə CM-nin 50-ci maddəsinə əsasən vaxtından əvvəl şərti azad olunub.
Bermud üçbucağının tapmacası illərlə aparılan araşdırmalardan və mübahisələrdən sonra elmi şəkildə həll olunub.
Tribunainfo.az xəbər verir ki, İngiltərədəki universitetdən bir geofizik Bermud üçbucağının mövcud olduğunu sübut edə biləcəyini söyləyib, lakin bir izahat tapmayıb.
Sidney Universitetindən olan avstraliyalı alim Karl Kruzelnitsky geofizikin iştirakını rədd edir və buna görə də Bermud üçbucağının niyə belə sirli bir yerə çevrildiyinin məntiqi izahını tapmaq üçün çalışıb.
Uzun illər bu yerin yoxa çıxanların mərkəzi hesab edilməsinə baxmayaraq, Kruzelnitsky Bermud üçbucağında itkin düşən təyyarə və qayıqların faizinin dünyanın hər yerində olduğu kimi olduğunu müəyyən edib. Xüsusilə də okeanın bu bədbəxt nöqtəsindən nə qədər yol keçdiyini nəzərə alsaq.
Alim bu kəşfi əsas götürüb, indi iddia edir ki, Bermud üçbucağı heç də onilliklər ərzində düşündüyümüz qədər sirli deyil. Üstəlik, tədqiqatçı hesab edir ki, bir çox itkin düşmələr pis hava şəraitində uçuşların edilməsi ilə bağlıdır.