Dövlət Dəniz və Liman Agentliyinin (DDLA) Gəmi Hərəkətinin İdarəedilməsi Mərkəzi küləkli hava şəraiti ilə bağlı gəmilərə xəbərdarlıq edib.

Demokrat.az xəbər verir ki, xəbərdarlığa görə, bu gün axşamdan Xəzər Dəniz Akvatoriyasında müşahidə olunan şimal-qərb, şimal küləyi martın 24-ü axşam saatlarına kimi davam edəcək.

Həmin günlər ərzində şimal-qərb, şimal küləyinin 18-23 m/s, arabir 25-28 m/s-dək güclənəcəyi gözlənilir.

Dalğanın hündürlüyünün isə 3.0-4.0 m, sonrakı inkişafda isə 4.0-6.0 m. çatacağı proqnozlaşdırılır.

Bu ilin əvvəlinə olan məlumata görə Azərbaycanda 12 min 709 baş eşşək mövcud olub.
Yeniavaz.com xəbər verir ki, ötən bir il ərzində eşşəklərin sayı 14,8% və ya 2 min 215 baş azalıb.
Açıqlanan rəsmi məlumatlar göstərir ki, son illər ərzində Azərbaycanda eşşəklərin sayı sürətlə azalır. 2008-2025-cü illərdə Azərbaycanda eşşəklərin sayı 4 dəfəyə yaxın azalaraq 47,2 mindən 12,7 min başa düşüb. Son 18 ildə eşşəklərin sayı hər il orta hesabla 2 min baş azalır.
Son 18 ildə eşşəklərin sayı aşağıdakı kimi olub:

Açıqlanan məlumatlardan belə görünür ki, Azərbaycanda ən çox eşşək Lerik rayonunda qeydə alınıb. Bu ilin əvvəlində Lerik rayonunda 1 151 baş eşşək mövcud olub. Ən az eşşək isə Xocavənd və Ucar rayonlarında qeydə alınıb. Hər iki rayonda cəmi 2 baş eşşək olub.
Azərbaycanın şəhər və rayonlarında eşşəklərin sayı son 5 ildə belə olub:

Bu kənddəki ermənilər Azərbaycan türkcəsini ana dili hesab edir...
“Onların mənşəyi ilə bağlı üç ehtimal irəli sürə bilərik...”

“Edissiya ermənilərinin toy adətləri azərbaycanlıların toy adətlərinə bənzəyir. Onlar yengəyə “yengə”, soldişə isə “solduş” deyirlər. Edissiya türkcəsi “soldiş” sözünün mənasını fərqli - “diş” deyil, “duş” (can) kimi göstərir...”

Moderator.az Milli Kimlik Araşdırmaları Qrupunun üzvü Araz Şəhrilinin “Edissiya erməniləri...” başlıqlı növbəti maraqlı araşdırma yazısını təqdim edir:

Rusiyanın Stavropol diyarının Kursk rayonundakı Kür çayının sahilində yerləşən Edissiya kəndini 1799-cu ildə Dərbənd şəhərinin ətrafından gəlmiş ermənilər salıblar. Kəndin əvvəlki adı Dərbənd olub. Bu gün Edissiyada 5377 erməni yaşayır.

Edissiya ermənilərini digər ermənilərdən fərqləndirən əsas cəhət onların dilidir. Bu kəndin əhalisi Azərbaycancaya çox yaxın bir dildə danışır. Edissiyalılar həmin dili “bizımça” (bizimki, bizim dil) adlandırırlar. Amma buna baxmayaraq, onlar özlərini erməni hesab edirlər.

Bu fakt onu göstərir ki, keçmişdə milləti formalaşdırmış əsas amil dil deyil, din, etiqad, inanc sistemi, əqidə olmuşdur.

Edissiya ermənilərinin toy adətləri azərbaycanlıların toy adətlərinə bənzəyir. Onlar yengəyə “yengə”, soldişə isə “solduş” deyirlər. Edissiya türkcəsi “soldiş” sözünün mənasını fərqli - “diş” deyil, “duş” (can) kimi göstərir. Keçmişdə toydan sonra gəlin mütləq qayınatasının və ya ərinin babasının ayaqlarını yumalı idi.

Edissiya türkcəsində toy zamanı stola, süfrəyə qulluq edən (ofisiant) “ayaxçı” (ayaq üstə qalan) adlanır.

Edissiya ermənilərinin mənşəyi ilə bağlı üç ehtimal irəli sürə bilərik:

-Onlar Dəşti-Qıpçaqdan Dərbəndə köçmüş və zamanla qriqorianlığı qəbul etmiş türklərdir.

-Edissiyalılar Dərbənddəki müqəddəs Cərcis məzarına xidmət ermiş albanların törəmələridir.

-Bu ermənilər sonradan hansısa səbəbə görə türk dilində danışmağa başlamış haylardır. Ən zəif ehtimal budur.

Növbəti aydan etibarən ''Sovetski'' adlanan ərazidə söküntünün 4-cü mərhələsinin başlanacağı ehtimal edilir.

TEREF Xəzər TV-yə istinadən məlumat verir ki, əmlak eksperti Elnur Fərzəliyevin sözlərinə görə, hazırda Bakıda söküntü işləri əsasən iki formada aparılır. Bunlardan biri torpaqların dövlət ehtiyacları üçün alınması, digəri isə özəl sektor tərəfindən qəzalı vəziyyətdə olan tikililərin sökülərək yeniləri ilə əvəzlənməsidir.

Ekspertin sözlərinə görə, qaydalara əsasən, vətəndaşlara evləri söküldükdən sonra yeni tikilən binada mənzillərlə təmin olunana qədər kirayə pulları və köç xərcləri tikinti şirkəti tərəfindən ödənilməlidir. O həmçinin əlavə edib ki, baş verəcək söküntü işləri bazara təsirsiz ötüşməyəcək.

Qeyd edək ki, söküntü işləri çərçivəsində tarixi-memarlıq abidələrinə toxunulmayacaq.

Mövzu ilə bağlı daha ətraflı videomaterialı təqdim edirik:

Fövqəladə Hallar Nazirliyinin “112” qaynar telefon xəttinə Bakı şəhəri, Nizami rayonu, E.Süleymanov küçəsində yaşayış binasında yanğın baş verməsi barədə məlumat daxil olub.

Nazirlikdən verilən məlumata görə, dərhal FHN-in Dövlət Yanğından Mühafizə və Xüsusi Riskli Xilasetmə xidmətlərinin, Bakı Regional Mərkəzinin müvafiq qüvvələri çağırış üzrə cəlb olunub.

Yanğınsöndürənlərin çevik müdaxiləsi sayəsində 19 mərtəbəli yaşayış binasının 15 mərtəbəsində yerləşən mənzildə baş vermiş yanğın havanın küləkli olmasına baxmayaraq genişlənməsinə imkan verilmədən qısa müddətdə söndürülüb.

Yanğın nəticəsində ümumi sahəsi 76kv.m. olan birotaqlı mənzilin yanar konstruksiyaları və eyvanı ümumilikdə 16 kv.m. sahədə yanıb. Xilasedicilər tərəfindən təhlükəsizlik tədbirləri çərçivəsində 12 nəfər bina sakini təxliyə edilib. Mənzilin böyük hissəsi və digər mənzillər yanğından mühafizə olunub.

"Öğretmen öğrencisine soruyor:
- “Çocuğum canlılar kaça ayrılır?
- “Dörde ayrılır öğretmenim.”
Bana yanlış gibi geldi ama say bakalım diyor öğretmeni...
- “Bitkiler, Hayvanlar, İnsanlar, Çocuklar.”
- “Çocuklar da insan değil mi oğlum?”
- “Haklısınız, o zaman canlılar üçe ayrılır öğretmenim...”
- “Peki, şimdi yeniden say bakalım...”
- “Bitkiler, Hayvanlar ve
Çocuklar.
- “Oğlum insanlara ne oldu?”
- “Düşünebilenleri hep çocuk kaldılar, düşünemeyenleri de hayvanlaştılar öğretmenim..."
~Halil Cibran~
TEREF

Tovuz rayonunda evdə üç gündür tək qalan körpə aşkarlanıb.

“Qafqazinfo”nun məlumatına görə, hadisə rayonun Yuxarı Öysüzlü kəndində qeydə alınıb.

Belə ki, qonşuların müraciəti əsasında üç gün evdə tək qalan körpə xəstəxanaya çatdırılıb.

İlkin məlumata görə, körpənin anası Göygöl rayonundandır və Tovuz rayonunda kirayədə qalıb. Körpə də kirayədə olan mənzildə tapılıb.

Faktla bağlı araşdırma başlanılıb.

Azərbaycanda xüsusi karantin rejiminin müddəti yenə uzadılıb. Bununla bağlı Baş nazir Əli Əsədov müvafiq qərar imzalayıb.

Beləliklə, karantin rejiminin müddəti hələ iyulun 1-dək davam edəcək.

Karantin müddətinin uzadılmasının səbəbi maraqlıdır. Çünki artıq pandemiya çoxdan ləğv edilib.

Modern.az-a açıqlamasında Milli Məclisin deputatı Elşad Musayev bildirib ki, karantin müddətinin uzadılmasının əsas səbəbi təhlükəsizliklə bağlıdır:

“Bu məsələnin üzərinə mən də getmişəm. Karantin müddətinin uzadılması təhlükəsizlik məsələsi ilə bağlıdır. Ermənilərlə bizim məsələlərimiz həll olunmayıb. Digər tərəfdən, İran məsələsi, ölkəyə kənardan giriş var. Əsas məsələ ölkəmizin təhlükəsizliyidir”.

“Xəbər verdiyimiz kimi, bir müddət əvvəl vəkil Aqil Layıc “Facebook” sosial şəbəkə hesabında “Yelo Bank”ın filial müdiri olduğu deyilən Vüqar Xəlilovun müştəriyə qarşı kobud davranaraq ona fiziki zorakılıq tətbiq etdiyinə dair məlumatı ictimailəşdirib.

İddiaya görə, filial müdiri bankda xidmətin gecikməsinə etiraz edən müştərini təhqir edib, daha sonra isə onu döyərək çənəsini sındırıb. Məsələ ilə bağlı “Yelo Bank”a müraciət edilsə də, onlar əvvəlcə iddiaların araşdırıldığını, daha sonra isə “Cebheinfo.az”-ın soğusuna cavabda Vüqar Xəlilov adlı şəxsin bankda çalışmadığını bildirib. Vəkil son paylaşımında hadisədə adı keçən şəxsin adının səhv qeyd edildiyini və əslində sözügüdən şəxsin Vüqar Xəlilov yox, Mirzəzadə Vüqar Rəhman oğlu olduğunu açıqlayıb. Xəsarətlə bağlı tibbi rəy də paylaşıma əlavə olunub.

Həmçinin, onun barəsində Yasamal polis İdarəsinə müaciət edildiyi bildirilib.

"Cebheinfo.az" məsələ ilə bağlı yenidən "Yelo Bank" ilə əlaqə saxlayıb. Bank iddiaları nə təsdiq, nə də təkzib edib. Bankdan verilən açıqlamada növbəti dəfə bildirilib ki, qeyd olunan şəxs onların əməkdaşı deyil. Həmçinin, mövzu ilə bağlı əlavə məlumat verməkdən imtina ediblər.

Bakı Ağır Cinayətlər Məhkəməsində hakim Azad Məcidovun sədrliyi ilə “Urmedhelp” və “My Doc Tour” adlı şirkətlərin sahibi Nuridə Seyidova və digər iki nəfər – Aynur Bayramova ilə Aysel Məmmədovanın cinayət işi üzrə məhkəmə prosesi keçirilib.

Son dərəcə qansızlığı ilə diqqət çəkən dələduzluq işi üzrə 1 milyon manata yaxın qan, müalicə pulu mənimsənilib.

Bu qalmaqallı məhkəmə prosesi 1 ilə yaxındır ki, davam edir. Musavat.com xəbər verir ki, keçirilən prosesdə zərərçəkmiş şəxslərin vəsatətləri əsasında mobil operatorlara təqsirləndirilən şəxslərin səsyazılarının, mesajların alınması barədə verilən sorğunun cavabı gəldiyi elan olunub.

Hakim deyib ki, həmin səsyazıları, mesajlar olan disklər məhkəmədədir:

“Tərəflərdən kim istəsə, gəlib tanış ola bilər. Məhkəmə həmin telefon danışıqlarını, səsyazılarını sənədlərin tədqiqi mərhələsində səsləndirəcəyik”.

Şahid qismində Füzuli Rəhimov ifadə verib. O bildirib ki, təqsirləndirilən şəxsləri tanıyıb, Nuridə Seyidovanın sürücüsü olub:

“700 manat əməkhaqqı təklif etdilər. Əvvəlki iş yerimdə 420 manat alırdım. Buna görə razılaşdım, işə çıxdım. Məni sürücü kimi işə götürdülər. Nuridə xanım dedi ki, işin uşağı məktəbə aparmaq olacaq. Mən də onun uşağını məktəbə və hazırlıq kurslarına aparmışam. Mən Nuridə xanımın yanına Aynur xanımın vasitəsi ilə işə düzləmişəm. Aynur xanım bu işi həyat yoldaşıma deyib”.

Hakim deyib ki, təqsirləndirilən şəxslərin iş yerləri harda olub, nə işlə məşğul olublar, pul alış-verişində nə rolun olub – bu barədə danış.

Şahid isə qeyd edib ki, onun pul alışında rolu olmayıb.

“Sənə topa ilə pul veriblər, onlar aparıb valyutaya dəyişmisən, bu barədə danış” – deyə hakim müraciət edib.

Şahid qeyd edib ki, bir neçə dəfə verilən pulu bankda xarici valyutaya çevirib. Əlavə edib ki, təqsirləndirilən şəxslərin yanında 5 ay işləyib.

Vəkillərin suallarını cavablandıran şahid deyib ki, iki dəfə pul götürüb, həmin pulların nə olduğunu bilməyib. Həmin pulu da gətirərək təqsirləndirilən şəxslərə veriblər.

Təqsirləndirilən Aysel Məmmədova bildirib ki, 7500 manat zərərçəkmiş Lamiyənin, 23 min isə Kamil Əhmədovun olub.

Nuridə Seyidova deyib ki, bu məbləğlərdə verilən pulların alınması yadında qalmayıb:

“Füzuli müəllim mənə pul gətirib. Amma yadımda qalmayıb. Mənə verilən pulları saymışam. Amma bu məbləğlər yadımda deyil”.

Füzuli Rəhimov bildirib ki, o, ofisdə olmayıb, maşında olub:

“İçəridə nə baş verib, nə iş görüblər. Mənim bundan xəbərim olmayıb”.

Kamil Əhmədov deyib ki, gömrük hospitalının həyətində pulu iki nəfər alıb, sayaraq götürüb:

“Mircəlal həkim dedi ki, get Aysel müəllimin yanına, pulu ona ver. Mən də Ayselə verdim”.

Aysel Məmmədova isə bildirib ki, Kamil Əhmədovdan 23 min manatı alınaraq sayıb və həmin pulu Nuridə Seyidovaya çatdırılması üçün Füzuli Rəhimova verib.

Nuridə Seyidova isə deyib ki, alınan pulları klinikalara köçürüblər. Onun sözlərinə görə, gömrük hospitalına, mərkəzi klinika və xarici klinikalara köçürüblər, bununla bağlı əlində qəbzlər var.

Hakim deyib ki, Kamil Əhmədovun həyat yoldaşı xəstə olub, onun pulunu niyə başqa xəstə üçün köçürübsüz?

Nuridə Seyidova bildirib ki, Kamil Əhmədovun növbəsinə vaxt olduğu üçün digər xəstələrin müalicəsinə yönlədiblər.

Daha sonra şahid qismində ifadə verən Toğrul Kərimov deyib ki, şirkətdə kompüter və mühasibatlıq işində, Nuridə Seyidovanın köməkçisi işləyib:

“Nuridə xanım işə çağırdı. Mən də “Çinar” Plazada olan ofisə gəldim. Soruşdum ki, işim nə olacaq? Dedi ki, sənəd işləri ilə məşğul olasan. Bir qədər sonra Nuridə mənə dedi ki, xarici pasportun var? Dedim ki, yoxdur. Sonra ASAN xidmətdən pasport aldım. Bundan sonra Türkiyəyə getdim. Ora apardığım pulu bir nəfər gələrək götürdü”.

Şahid qeyd edib ki, 400 manat maaş alıb, vergi işlərini kimin görməsindən xəbəri olmayıb.

Hakimin “yüz minlərlə pul gətirdi, sən də orda mühasibatlıq işini görmüsən, nə edirsən pulları” sualına şahid belə cavab verib:

“Mən bütün pulları Nuridə Seyidovaya vermişəm. Pulları nə ediblər, bundan xəbərim olmayıb. Mən pul görməmişəm. Mənim işim sənədləşmə aparmaq olub”.

Hakim Azad Məcidov deyib ki, alınan pulların hesabatı verilməyib:

“Vergiyə heç bir sənəd verilməyib. Pulu kassaya qoyub sənədləşmə aparmaq əvəzinə aparıb Nuridə Seyidovaya vermisən. Nuridə Seyidova da deyir ki, mənə pul tam çatmayıb, arada bölünüb. Burada yüz minlərlə məbləğdən söhbət gedir. Alınan pulların 18 faiz vergi ödənilməsi olmalı idi. Dövlətə 1 manat da olsun vergi ödənişi olmayıb. Xəstələrə də pullar xərclənməyib.

Şahid pullara görə məsuliyyətə cəlb oluna bilərdi. Sən bəlkə də fiziki məhdudiyyətli şəxs olduğun üçün məsuliyyətə cəlb olunmamısan. Mən müstəntiq olsaydım, səni məsuliyyətə cəlb edərdim. Çünki pulları sən almısan, həm də dollar şəklində almısan. Bunun özü də qanunsuzdur, çünki Azərbaycanda pul vahidi manatdır və iş onunla görülməlidir. Nuridə də deyir ki, pulu ona verməmisən.

Kassaya da daxil etməmisən. Ümumiyyətlə, dövlətə həmin puldan 1 qəpik də olsun mənfəət vergisi ödəməmisən. Bunların hamısı cinayət məsuliyyəti təşkil edir”.

Şahid bildirib ki, işçi kimi Nuridə Seyidovaya tabe olub:

“Mənə də maaşı Nuridə xanım verib. Aysel Məmmədova və Aynur Bayramova da orada həkim kimi işləyiblər. Onlar mənə heç bir göstəriş verməyib. Onlar da xəstələri qəbul ediblər. Onlar qəbul etdikləri pulları mənə versələr də, bütün pulları Nuridə xanıma vermişəm. Mən pulları sayıb Nuridə xanıma çatdıranda onun kiməsə pul verməsini görməmişəm.

Ölkə xaricinə Nuridə xanımın göstərişi ilə pullar göndərmişəm. Amma nə qədər pul yadımda qalmayıb. Mənim kartıma da pullar gəlib. Nuridə xanım deyib ki, filankəs pul göndərib, get onu çıxart gətir. Deyirdi ki, heç bir problem yoxdur. Müdir mənə nə deyib, mən də onu etmişəm. Pulları çekləri ilə birlikə gətirərək Nuridə xanıma vermişəm. Belə pulların gətirilməsi çox olub. Bundan başqa, Nuridə xanımın göstərişi ilə şirkətin ünvanını dəqiq tanımayan pasiyentləri qarşılayıb ofisə gətirmişəm”.

Nuridə Seyidovanın suallarına cavab verən şahid deyib ki, ofisdə Aynur Bayramova və Aysel Məmmədovaya pul verməsinin şahidi olub:

“Amma nə qədər pul verdini deyə bilmərəm. Mən pulu saymışam, stolun üstünə qoymuşam. Aysel də, Aynur da pul verib, mən də pulu sayaraq götürmüşəm. Həmin pulları da Nuridə xanım götürüb. Nuridə xanım ayda bir-iki dəfə Aynura, Ayselə pul verib. Amma bunun şahidi olmamışam. Onların arasında pul bölgüsünü söhbətlər əsasında eşitmişəm. Amma görməmişəm. Onlar üçü otaqda oturub söhbətlər aparıblar. Amma mən həmin söhbətlərdə iştirak etməmişəm”.

Şahid qeyd edib ki, birinci ofisdə pulları özləri sayıblar:

“Lakin ikinci ofisə keçəndən sonra pul sayan maşın alındı. Bundan sonra pasiyentlərdən alınan pulları maşında sayırdılar”.

Daha sonra Toğrul Kərimova belə az məbləğdə Nuridə Seyidovanın yanında işləməsi barədə suallar verilib.

Bildirib ki, Nuridə Seyidova ona boynunun əyriliyinin düzəldilməsi ilə bağlı müalicəsinə köməklik göstərəcəyinə söz verib.

İttihama görə, talassemiyalı xəstələrin valideynlərinin Daxili İşlər Nazirliyinə müraciətindən sonra ötən ilin fevralında cinayət işi başlanıb.

Müəyyən edilib ki, Nuridə Seyidova digərləri ilə əlbir olaraq 36 talassemiya xəstəsinin valideynlərinin etibarından sui-istifadə edərək həmin şəxslərin övladlarını Türkiyədə müalicə etdirmək adı ilə 1 milyon manata yaxın dələduzluq edib.

Qeyd olunub ki, övladı qan xəstəliyindən əziyyət çəkən bir neçə valideyn Nuridə Seyidovaya ümumulikdə 67 min dollar veriblər. Nuridə Seyidova valideynlərə söz verib ki, sənədlər hazırlanandan sonra azyaşlı xəstələri Türkiyənin Antalya şəhərindəki “Antalya Medical Park” hospitala yollayacaq. Amma pulu alsa da, vədinə əməl etməyib. Bundan başqa, Nuridə Seyidova yalandan bildirib ki, Şəkinin Cumakənd kənd sakini Vüqar İsayevin talasemiyadan əziyyət çəkən qızı Gülbər İsayevanın ilik transplantasiyası üçün tələb olunan laborator müayinələr, donor xərci, cərrahi əməliyyat və digər xərcləri qarşılamaq üçün tələb olunan pulu sponsorlar ödəyəcəkdilər.

Guya əməliyyata 70 min dollar tələb olunub, onun da 20 min dollarını “Çinar Plaza”da ofisdə Nuridə Seyidova ondan alıb, qalan məbləği isə yardım olaraq xaricdəki donor təşkilatlar ödəyəcəyinə vəd edib. Sonra zərərçəkmişə məlum olub ki, ortada nə donor var, nə bir şey. Digər zərərçəkmiş Tural Nəsmiyev iki azyaşlı övladının müalicəsi üçün 2022-ci ilin mayında Nuridə Seyidovaya 35 min dollar verib.

Nuridə Seyidova onun övladlarının Türkiyədəki Samsun şəhərində müalicə olunacağını bildirib. Həmin ilin oktyabrında Türkiyəyə gedib xəstəxanada gözləməyi tapşırıb. Tural Nəsmiyev 3 aydan çox həmin xəstəxanada qalsa da, nə donor, nə də əməliyyat olub. Hər dəfə Nuridə Seyidovayla əlaqə saxlayanda, sonuncu ona səbrli olmağı məsləhət görüb.

Nəhayət, aldadıldığını başa düşən Tural Nəsmiyev Türkiyədə keçirdiyi aylar ərzində xərclədiyi 8 min manat ziyanla geri dönüb. İttiham aktında göstərilib ki, Nuridə Seyidova vətəndaşlardan pulları əsasən “Çinar Plaza”dakı ofisdə alıb. İstintaq zərərçəkən kimi 36 nəfəri müəyyən edib. Bunlar azyaşlı övladları talassemiyadan əziyyət çəkənlərdir.

Dəstə üzvləri zərərçəkmişlər Ceyran Musayeva və Elman Nuriyevdən 20 400, Məsumə Hacıyeva, Ömər Məmmədov və Sahid Mövsümovdan 17 000, Mənsur Qarayev, Natiq Qubatov və Elnur İsbəndiyarovdan 25 500, Kəmalə Muliyeva, Nüşabə Məmmədova, Taleh Hacıməmmədov, Şahbacı İsayeva, Xəyal İlmanovdan 34 000 manat məbləğində vəsaiti alaraq dələduzluq ediblər. Nuridə Seyidova öz qulluq mövqeyindən istifadə etməklə Elxan Əliyevdən 12 min 745 manat və Rasim Cavadovdan 25 min 500 manat alaraq onların övladlarını Türkiyədə əməliyyat olunmasına köməklik göstərəcəyi ilə bağlı yalan vəd verib.

Daha sonra Nuridə Seyidova digər təqsirləndirilən Aysel Məmmədova ilə qabaqcadan əlbir olub, Tural Nəsmiyevdən 59 min 500 manat, Zeynəb Cəlilovadan 25 min manat, Kamil Əhmədovdan 23 min manat, Ramin Dadaşovdan 51 min manat, Xəyal İsayevdən 51 min manat, Lamiyə Hüseynovadan 20 min 50 manat, Nərgiz Mahmudovadan 9 min manat, Elnarə Xanmirzəyevadan 25 min manat, Sevinc Səmədovadan 22 min 500 manat, Elvin Fətəliyevdən 25 min manat alıb. O da müəyyən edilib ki, Nuridə Seyidova tanışı Aysel Bayramova ilə əlbir olaraq, Aynur Orucova, Solmaz Eyvazova və Vüqar Eminovdan 25 500, Laura Həsənovadan 51 000, Günay Ağayevadan 25 000, Aytəkin İsayevadan 19 000, Elnaz Hacıyevadan 5 000, Faiq Nəcəfovdan 5 100 manat məbləğində pul alıb.

Övadları xəstəlikdən əziyyət çəkən zərərçəkmişlər – Sevinc Səmədova, Faiq Nəcəfov, Elnur İsbəndiyarov, Xəyal İlmanov, Kəmalə Muliyeva, Elman Nuriyev, Taleh Hacıməmmədov, Elvin Fətəliyev, Ceyran Musayeva, Mənsumə Hacıyeva, Solmaz Eyvazova, Nüşabə Məmmədova, Mənsur Qarayev, Lamiyə Hüseynova, Sahid Mövsümov, Aysel Abdullayeva, Tural Nəsmiyev, Vüqar İsayev, Elnarə Xanmirzəyeva, Kamil Əhmədov, Elnaz Hacıyeva, Vüqar Eminov, Aytəkin İsayeva, Ramin Dadaşov, Aynur Orucova, Zeynəb Cəlilova, Günay Ağayeva, Ömər Məmmədov, Xəyal İsayev, Laura Həsənova, Rasim Cavadov, Nərgiz Mahmudova, Natiq Qubatov, Şahbacı İsayeva, Ramin İsmayılov və Elxan Əliyevdir.

Proses aprelin 2-də davam etdiriləcək.