"Mən sizə söz verirəm ki, mən yaxşıyam" – Detroyt şəhərindəki yeməkxana önündə toplaşan insanların önündə çıxış edən Bayden deyib.

Bayden cümə günü təşviqat görüşü zamanı “mənim cəmi 41 yaşım var” deyərək, zarafat etdi. O, keçən ayın sonu zəif debat performansından sonra namizədliyinin davam etdirməsi ilə bağlı şübhələrin artdığı bir zaman rəqabətli Miçiqan ştatında seçki tədbirləri keçirir.

"Mən namizədliyini davam etdirirəm və biz qalib gələcəyik!" - o, saatlar sonra Detroytun mərkəzindəki dolu məktəb idman zalında dedi və bu, alqışlarla qarşılandı.

Bayden 2000 fəal tərəfdar qarşısında keçirilən mitinqdə abortun qanunla təsbit edilməsi, seçicilərin səsverməyə əlçatımlılığının artırılması, sosial müdafiə proqramlarının genişləndirilməsi, hücum silahlarının qadağan edilməsi, mənzil xərclərinin məhdudlaşdırılması kimi bir sıra kampaniya vədlərini verdi. O həmçinin milyarderlərə minimum 25% vergi tətbiq edərək, "zənginlərin ədalətli payını ödəməyə məcbur etməyi" planlaşdırdığını bildirdi.

Bayden bununla bərabər 78 yaşlı Respublikaçı rəqibini hədəfə aldı və “Tramp qolf arabasından düşmür" deyə zarafat etdi.

“Bizim siyasətə əyləncə və realiti şou kimi yanaşmağı dayandırmağın vaxtıdır” deyən Bayden əlavə etdi ki, “Donald Trampın mümkün daha dörd ili ölümcül dərəcədə ciddidir”.

Bu qətiyyətli sözlər onun seçkidə qələbə perspektivləri haqda həm onun tənqidçiləri, həm də Demokrat partiyası daxilində şübhələrin artdığı bir zaman deyilir. Baydenin təşviqat kampaniyası rəsmiləri bu narahatlıqlar əks olaraq Baydenin qələbə qazanmaq üçün ən uğurlu namizəd olduğunu dilə gətirirlər.

"O, noyabr ayında Donald Trampa qarşı çıxmaq üçün mümkün olan ən yaxşı namizəd olduğunu sübut etməyə fokusludur" deyə, Bayden kampaniyasının sözçüsü Maykl Tayler, prezidentin təyyarəsində jurnalistlərlə danışarkən bildirib.

Azərbaycanın İrandakı səfirliyi yaxın 15-20 gün ərzində fəaliyyətini bərpa edəcək. İran mətbuatının məlumatına görə, bunu qonşu ölkənin Xarici İşlər Nazirliyinin (XİN) Avrasiya Baş İdarəsinin rəhbəri Müctəba Dəmirçilu deyib.

Eyni zamanda, onun sözlərinə görə, İranın Azərbaycandakı səfirinin təyin olunması məsələsi yeni Prezidentin seçilməsi ilə əlaqədar bu ölkənin hökuməti formalaşdıqdan sonra həll olunacaq.

Xatırladaq ki, 2023-cü il yanvarın 27-də Azərbaycanın Tehrandakı səfirliyinə silahlı basqın edilib. Nəticədə diplomatik nümayəndəliyin bir mühafizəçisi həlak olub, daha ikisi yaralanıb. Bundan sonra Azərbaycan İrandakı səfirliyinin fəaliyyətini dayandırıb.

Medianın İran hakimiyyətinə istinadən verdiyi məlumata görə, fevralın 5-də Azərbaycan səfirliyinə hücumu həyata keçirən şəxs edam cəzasına məhkum edilib. Hökmün icra edilib-edilmədiyi məlum deyil. Baş verənlərlə bağlı aparılan araşdırmanın nəticələri barədə ictimaiyyətə məlumat verilmir.

Terror aktının arxasında kim dayanırdı? Bu, Tehranın mərkəzində, polisin gözü qarşısında necə mümkün oldu? İran rəsmiləri bu suallara cavab verməyiblər.

Bütün bunlar şübhələrə səbəb olur. Bu şübhələrə aydınlıq gətirilmədən İranakı səfirliyimizin fəaliyyətini bərpa etmək nə dərəcədə vaxtındadır? Diplomatik baxımdan bu addım düzgündürmü? Beynəlxalq təcrübədə belə bir presedent varmı?

AYNA mövzunu tanınmış ekspertlərlə müzakirə edib.

Siyasi Menecment İnstitutunun rəhbəri Azər Qasımlı:

“Bəli, məsələ tam araşdırılmalı idi. Biz hətta vaxtilə təklif etmişdik ki, Azərbaycan tərəfi istintaqın gedişindən xəbərdar olmalıdır. Ola bilsin ki, belə bir şey olub, bəlkə də, Bakıya məlumat verilib, amma ictimaiyyət hələ də bu barədə heç nə bilmir. Ona görə də hər hansı bir vətəndaş, hər hansı ekspert üçün bu vəziyyəti mühakimə etmək çətindir - məhz informasiya çatışmazlığı səbəbindən. Çünki hakimiyyət bu tip məlumatları ictimaiyyətlə paylaşmır. Bu, bir tərəfdən.

Digər tərəfdən, mən güman edirəm ki, o hadisənin arxasında İranın kəşfiyyat xidmətləri dayanıb və çox güman ki, Azərbaycan tərəfinin də bundan xəbəri var. Amma aydındır ki, diplomatik danışıqlar zamanı İran tərəfi, çox güman, belə bir şeyin olmadığını iddia edib, hadisəni balanssız, xəstə bir insanın hərəkəti kimi qələmə verib. Amma mən hesab edirəm ki, bu terror aktının arxasında İran hakimiyyəti dayanırdı, çünki o vaxt Bakı ilə Tehran arasında münasibətlər gərgin idi.

Bu gün vəziyyət çox dəyişib. O yerə çatıb ki, bu yaxınlarda İran ilə Azərbaycan arasında “hər iki dövlətin ərazisindəki strateji obyektlərin mühafizəsi”nə həsr olunmuş birgə hərbi təlimlər barədə xəbər tutduq. Bu, nə deməkdir? İki ölkə artıq strateji tərəfdaşlığa dair bir növ məsləhətləşmələrə başlayıb? Əlbəttə ki, indi bunu mühakimə etmək çətindir, amma ən azı bu manevrlərin adı özü haqqında hər şeyi deyir. Əgər “strateji” kimi bir söz işlədilirsə, bu, artıq tərəflərin bir-birinə güvəndiyini göstərir.

Hazırda regionumuzda və dünyada baş verənlər kontekstində Azərbaycan elitasının və ya Azərbaycanın hakim strukturlarının maraqları ilə İran rejiminin maraqları üst-üstə düşür. Buna görə də qarşılıqlı əlaqə üçün ümumi mövzular tapırlar. Və bu mənada Tehrandakı səfirliyin işinin bərpası Azərbaycan və İran hakimiyyət orqanları arasında münasibətlərin dəyişməsinin ümumi məntiqinə uyğun gəlir.

Bu, doğru bir addımdırmı? Bir tərəfdən, mənim üçün, yox. Amma digər tərəfdən, təbii ki, İran bizim qonşumuzdur və təbii ki, diplomatik münasibətlər olmalıdır. Və aydındır ki, Azərbaycanın İrandakı diplomatik nümayəndəliyi istənilən halda işləməlidir. Amma təbii ki, İran artıq ötənilki terror aktına bənzər bir şeyin təkrar olunmayacağına dair zəmanət verməlidir. Əgər belə təminatlar verilibsə, yenə də təəssüf ki, ictimaiyyətin bundan xəbəri yoxdur. Və ümumiyyətlə, İranın zəmanətlərinin olması başqa müzakirə mövzusudur”.

Politoloq Rasim Musabəyov:

“Bəli, doğrudan da, terror aktının bilavasitə icraçısı həbs olundu, məhkəməsi oldu, ona ölüm hökmü çıxarıldı. Adətən belə bir hökm dərhal icra olunmur. ABŞ-da bəzən 20 il vaxt keçir, çoxsaylı müraciətlərdən və tibbi müayinələrdən sonra hökm icra olunur. Düşünürəm ki, bizim üçün vacib olan odur ki, səfirliyə hücum edən şəxslə bağlı aparılan bu istintaq, ümumiyyətlə, hökm baxımından adekvat qiymət alsın.

Terror aktı zamanı hüquq-mühafizə orqanlarının davranışına gəlincə, xatırlatmaq istərdim ki, Tehranın polis rəisi ertəsi gün tutduğu vəzifədən uzaqlaşdırılıb. Ümumiyyətlə, sanki oxlar ona tuşlanıb ki, o, təhlükəsizliyi təmin etməyib.

Yaxşı, indi səfirliyimizin işinin bərpası ilə bağlı deyilənlər, mən inanıram ki, qapalı diplomatik kanallar vasitəsilə də məlumat mübadiləsi aparılır. Üstəlik, bildiyimə görə, Azərbaycan səfirliyinə daha təhlükəsiz yerlər ayrılıb. Görünür, Azərbaycanı bu təklif qane edib.

Zaman gösətərəcək ki, İran tərəfi ötən ilki terror aktının təşkilatçılarına və təhrikçilərinə qarşı necə hərəkət edəcək. Hesab edirəm ki, bu şəxslərlə bağlı Azərbaycanın da müəyyən məlumatları var və İran tərəfinə təqdim edib ki, onlar haqqında müəyyən açıqlamalar verə bilsin.

Səfirliyimizin fəaliyyətinin bərpasına gəlincə, əlbəttə ki, İran qonşu, onunla çoxlu layihələrimiz var və diplomatik xidmətlərimiz bu və ya digər şəkildə onların üzərində işləməlidir. Ona görə də hesab edirəm ki, bu, İranın özündə baş verən dəyişiklikləri nəzərə alaraq, düzgün qərardır, yəqin ki, balanslaşdırılmışdır.

Çox güman ki, missiyanın fəaliyyətinin bərpası elan olunmuş vaxt çərçivəsində baş verəcək, xüsusən də Azərbaycan rəhbəri İranın yeni seçilmiş prezidentini Bakıya dəvət edib və iranlı həmkarından cavab dəvəti alıb. Aydındır ki, bu cür səfərlər səfirliklərin işinin tamamlanmasını nəzərdə tutur. İran da Bakıya öz səfirini təyin etməli olacaq”.

Azərbaycanın İrandakı səfirliyi yaxın 15-20 gün ərzində fəaliyyətini bərpa edəcək. İran mətbuatının məlumatına görə, bunu qonşu ölkənin Xarici İşlər Nazirliyinin (XİN) Avrasiya Baş İdarəsinin rəhbəri Müctəba Dəmirçilu deyib.

Eyni zamanda, onun sözlərinə görə, İranın Azərbaycandakı səfirinin təyin olunması məsələsi yeni Prezidentin seçilməsi ilə əlaqədar bu ölkənin hökuməti formalaşdıqdan sonra həll olunacaq.

Xatırladaq ki, 2023-cü il yanvarın 27-də Azərbaycanın Tehrandakı səfirliyinə silahlı basqın edilib. Nəticədə diplomatik nümayəndəliyin bir mühafizəçisi həlak olub, daha ikisi yaralanıb. Bundan sonra Azərbaycan İrandakı səfirliyinin fəaliyyətini dayandırıb.

Medianın İran hakimiyyətinə istinadən verdiyi məlumata görə, fevralın 5-də Azərbaycan səfirliyinə hücumu həyata keçirən şəxs edam cəzasına məhkum edilib. Hökmün icra edilib-edilmədiyi məlum deyil. Baş verənlərlə bağlı aparılan araşdırmanın nəticələri barədə ictimaiyyətə məlumat verilmir.

Terror aktının arxasında kim dayanırdı? Bu, Tehranın mərkəzində, polisin gözü qarşısında necə mümkün oldu? İran rəsmiləri bu suallara cavab verməyiblər.

Bütün bunlar şübhələrə səbəb olur. Bu şübhələrə aydınlıq gətirilmədən İranakı səfirliyimizin fəaliyyətini bərpa etmək nə dərəcədə vaxtındadır? Diplomatik baxımdan bu addım düzgündürmü? Beynəlxalq təcrübədə belə bir presedent varmı?

AYNA mövzunu tanınmış ekspertlərlə müzakirə edib.

Siyasi Menecment İnstitutunun rəhbəri Azər Qasımlı:

“Bəli, məsələ tam araşdırılmalı idi. Biz hətta vaxtilə təklif etmişdik ki, Azərbaycan tərəfi istintaqın gedişindən xəbərdar olmalıdır. Ola bilsin ki, belə bir şey olub, bəlkə də, Bakıya məlumat verilib, amma ictimaiyyət hələ də bu barədə heç nə bilmir. Ona görə də hər hansı bir vətəndaş, hər hansı ekspert üçün bu vəziyyəti mühakimə etmək çətindir - məhz informasiya çatışmazlığı səbəbindən. Çünki hakimiyyət bu tip məlumatları ictimaiyyətlə paylaşmır. Bu, bir tərəfdən.

Digər tərəfdən, mən güman edirəm ki, o hadisənin arxasında İranın kəşfiyyat xidmətləri dayanıb və çox güman ki, Azərbaycan tərəfinin də bundan xəbəri var. Amma aydındır ki, diplomatik danışıqlar zamanı İran tərəfi, çox güman, belə bir şeyin olmadığını iddia edib, hadisəni balanssız, xəstə bir insanın hərəkəti kimi qələmə verib. Amma mən hesab edirəm ki, bu terror aktının arxasında İran hakimiyyəti dayanırdı, çünki o vaxt Bakı ilə Tehran arasında münasibətlər gərgin idi.

Bu gün vəziyyət çox dəyişib. O yerə çatıb ki, bu yaxınlarda İran ilə Azərbaycan arasında “hər iki dövlətin ərazisindəki strateji obyektlərin mühafizəsi”nə həsr olunmuş birgə hərbi təlimlər barədə xəbər tutduq. Bu, nə deməkdir? İki ölkə artıq strateji tərəfdaşlığa dair bir növ məsləhətləşmələrə başlayıb? Əlbəttə ki, indi bunu mühakimə etmək çətindir, amma ən azı bu manevrlərin adı özü haqqında hər şeyi deyir. Əgər “strateji” kimi bir söz işlədilirsə, bu, artıq tərəflərin bir-birinə güvəndiyini göstərir.

Hazırda regionumuzda və dünyada baş verənlər kontekstində Azərbaycan elitasının və ya Azərbaycanın hakim strukturlarının maraqları ilə İran rejiminin maraqları üst-üstə düşür. Buna görə də qarşılıqlı əlaqə üçün ümumi mövzular tapırlar. Və bu mənada Tehrandakı səfirliyin işinin bərpası Azərbaycan və İran hakimiyyət orqanları arasında münasibətlərin dəyişməsinin ümumi məntiqinə uyğun gəlir.

Bu, doğru bir addımdırmı? Bir tərəfdən, mənim üçün, yox. Amma digər tərəfdən, təbii ki, İran bizim qonşumuzdur və təbii ki, diplomatik münasibətlər olmalıdır. Və aydındır ki, Azərbaycanın İrandakı diplomatik nümayəndəliyi istənilən halda işləməlidir. Amma təbii ki, İran artıq ötənilki terror aktına bənzər bir şeyin təkrar olunmayacağına dair zəmanət verməlidir. Əgər belə təminatlar verilibsə, yenə də təəssüf ki, ictimaiyyətin bundan xəbəri yoxdur. Və ümumiyyətlə, İranın zəmanətlərinin olması başqa müzakirə mövzusudur”.

Politoloq Rasim Musabəyov:

“Bəli, doğrudan da, terror aktının bilavasitə icraçısı həbs olundu, məhkəməsi oldu, ona ölüm hökmü çıxarıldı. Adətən belə bir hökm dərhal icra olunmur. ABŞ-da bəzən 20 il vaxt keçir, çoxsaylı müraciətlərdən və tibbi müayinələrdən sonra hökm icra olunur. Düşünürəm ki, bizim üçün vacib olan odur ki, səfirliyə hücum edən şəxslə bağlı aparılan bu istintaq, ümumiyyətlə, hökm baxımından adekvat qiymət alsın.

Terror aktı zamanı hüquq-mühafizə orqanlarının davranışına gəlincə, xatırlatmaq istərdim ki, Tehranın polis rəisi ertəsi gün tutduğu vəzifədən uzaqlaşdırılıb. Ümumiyyətlə, sanki oxlar ona tuşlanıb ki, o, təhlükəsizliyi təmin etməyib.

Yaxşı, indi səfirliyimizin işinin bərpası ilə bağlı deyilənlər, mən inanıram ki, qapalı diplomatik kanallar vasitəsilə də məlumat mübadiləsi aparılır. Üstəlik, bildiyimə görə, Azərbaycan səfirliyinə daha təhlükəsiz yerlər ayrılıb. Görünür, Azərbaycanı bu təklif qane edib.

Zaman gösətərəcək ki, İran tərəfi ötən ilki terror aktının təşkilatçılarına və təhrikçilərinə qarşı necə hərəkət edəcək. Hesab edirəm ki, bu şəxslərlə bağlı Azərbaycanın da müəyyən məlumatları var və İran tərəfinə təqdim edib ki, onlar haqqında müəyyən açıqlamalar verə bilsin.

Səfirliyimizin fəaliyyətinin bərpasına gəlincə, əlbəttə ki, İran qonşu, onunla çoxlu layihələrimiz var və diplomatik xidmətlərimiz bu və ya digər şəkildə onların üzərində işləməlidir. Ona görə də hesab edirəm ki, bu, İranın özündə baş verən dəyişiklikləri nəzərə alaraq, düzgün qərardır, yəqin ki, balanslaşdırılmışdır.

Çox güman ki, missiyanın fəaliyyətinin bərpası elan olunmuş vaxt çərçivəsində baş verəcək, xüsusən də Azərbaycan rəhbəri İranın yeni seçilmiş prezidentini Bakıya dəvət edib və iranlı həmkarından cavab dəvəti alıb. Aydındır ki, bu cür səfərlər səfirliklərin işinin tamamlanmasını nəzərdə tutur. İran da Bakıya öz səfirini təyin etməli olacaq”.

Bu yaxınlarda Türkiyə Prezidenti Rəcəb Tayyib Ərdoğanla İranın yeni Prezidenti Məsud Pezeşkian arasında telefon danışığı baş tutub.

"AzPolitika" xəbər verir ki, iranlı jurnalist Azər Məhdavan “X” hesabından etdiyi paylaşımda iki liderin telefon danışığı zamanı yaşanan maraqlı dialoqdan bəhs edib.

O, paylaşımında Ərdoğanın Pezeşkiana "Farsca, yoxsa türkcə danışaq?" sualını ünvanladığını bildirib və bunları yazıb: “İki gün öncə Ərdoğan telefon danışığı zamanı Pezeşkiandan soruşub ki, bundan sonra farsca, yoxsa türkcə danışacaq? Pezeşkian isə cavabında bildirib ki, Azərbaycan türkcəsi anlayışları qarşılıqlı başa düşməkdə çətinlik yarada bilər, farsca danışması daha məqsədəuyğundur".

A. Məhdavan qeyd edib ki, Pezeşkian tərcüməçi vasitəsilə fars dilində danışıb.

NATO-nun 20-dən çox ölkəsi Ukrayna ilə təhlükəsizlik sazişi imzalayıb.

"Report" xarici KİV-ə istinadən xəbər verir ki, bunu Şimali Atlantika Alyansının baş katibi Yens Stoltenberq Ukrayna-NATO Şurasının iclasından əvvəl keçirdiyi mətbuat konfransında deyib.

Bundan əvvəl NATO-ya üzv ölkələrin liderləri Vaşinqtonda keçirilən sammitdə 2025-ci ildə Ukraynaya 40 milyard avroluq hərbi yardım göstərmək barədə razılığa gəliblər.

Sənəddə vurğulanıb ki, NATO ölkələri Ukraynaya təsdiq edilmiş hərbi yardımın göstərilməsi prosesi haqqında ildə iki dəfə hesabat verəcəklər.

Qeyd edək ki, NATO-ya 32 üzv ölkə daxildir.

Bakı şəhəri, Nizami rayonu ərazisində yerləşən "Cənnət" restoranında yoxlama aparılıb.

Qaynarinfo-nun məlumatına görə, yoxlama vətəndaş Ofelya Şərifova tərəfindən restoranda səs-küy olması ilə bağlı Daxili İşlər Nazirliyinin 102 xidmətinə edilən şikayət zəngindən sonra keçirilib.

DİN əməkdaşlarının keçirdiyi yoxlama zamanı restoran sahibinə İnzibati Xətalar Məcəlləsinin 521 və 535.1 maddəsi ilə protokol tərtib edilib.

Aparılan yoxlama zamanı restoranda səs-küyün səbəbi müyyənləşib. Məlum olub ki, restoran açıq ərazidə yerləşir və yaşayış sahələrindən 400-500 metr məsafədədir. Buna görə də musiqi səsi əraziyə daha tez yayılır.

Həmçinin restoranın icrarədarı, 1984-cü il tarixdə Naxçıvan Muxtar Respublikasının Şərur rayonunun Qabıllı kəndində anadan olmuş, Kəngərli rayonunun Qabıllı kəndində qeydiyyatda olan şəxs yoxlamaya maneəçilik də törədib.

Məhkəmənin qərarı ilə icarədar İnzibati Xətalar Məcəlləsinin 535.1-ci maddəsində nəzərdə tutulmuş inzibati xətanı törətməkdə təqsirli bilinib, barəsində 10 gün müddətinə inzibati həbs növündə inzibati tənbeh tətbiq edilib.

Gürcüstanın həm də Fransa vətəndaşı olan prezidenti Salome Zurabişvili məhz rus kəşfiyyatının iddia etdiyi məzmunda açıqlamalar verməyə artıq başlayıb... ABŞ-ın təkzib üçün ciddi arqumentlər tapmaq əvəzinə susması, gürcü prezidentin ittihamları müəyyən mənada, rus kəşfiyyatının iddialarına dolayısı da olsa, inandırıcı görüntülər verir...
Cənubi Qafqaz uğrunda mübarizədə yeni mərhələyə keçid sürətlə yaxınlaşır. Belə ki, ABŞ və Qərb ilk mərhələdə Ermənistanın Rusiya ilə münasibətlərinin korlanmasına artıq nail olub. Hazırda rəsmi İrəvan Kremlə xəyanət etməkdə davam edir və Ermənistanın Qərb üçün Rusiyaya qarşı regional alət rolundan tamamilə məmnundur. Və bu baxımdan, Ermənistanın gələcək taleyinin necə olacağı yəqin ki, hələ müəyyən müddət ərzində müəmmalı olaraq, qalacaq.

Ancaq son proseslər onu göstərir ki, ABŞ və Qərb üçün yalnız Ermənistan yetərli deyil. Ona görə də, hazırda Gürcüstan da açıq hədəfə çıxarılıb. ABŞ və Qərbin rəsmi Tiflisə hazırda əsas iradı isə "xarici agentlər" barədə qanunun qəbulu və LGBT-nin Gürcüstanda qadağan edilməsi ilə birbaşa bağlıdır. Çünki ABŞ və Qərbin yalnız Gürcüstanda deyil, ümumiyyətlə, MDB məkanında əsas sosial bazası "qrant aventurası"na daxil olan şəxslər və LGBT təmsilçiləridir. Və bu səbəbdən də, rəsmi Tiflisə təzyiq mexanizmlərini qorumaq üçün Qərb bu iki qeyri-milli kateqoriyanın toxunulmazlığını təmin etməyə çalışır.

Təbii ki, rəsmi Tiflis buna qətiyyətlə və prinsipial şəkildə müqavimət göstərir. Nəticədə Gürcüstan ABŞ və Qərbin ardıcıl sanksiyalarına məruz qalmağa başlayıb. Belə ki, ABŞ Gürcüstanla siyasi-diplomatik münasibətlərinə yenidən baxmaq qərarına gəlib. Hətta bu iki ölkə arasında münasibətlər korlanmaq həddinə çatıb. Ağ Ev Gürcüstana hərbi təyinatlı maliyyə yardımlarını dayandırıb. Və rəsmi Tiflisə qarşı daha sərt addımların atılacağını da qətiyyən gizlətmir.

Digər tərəfdən, Almaniya da Gürcüstana münasibətdə ABŞ-ın mövqeyini eynilə təkrarlamaq qərarı verib. Rəsmi Berlin Gürcüstan qarşısında maliyyə-iqtisadi öhdəliklərinin hamısından imtina edib. Eyni zamanda, Almaniya ordusunun Gürcüstan hərbçilərinə təlim keçməyəcəyini də bəyanlayıb. Və bu, indiki situasiyada Gürcüstana Qərbdən vurula biləcək ən ağır zərbələrin yalnız başlanğıcı hesab olunur.

Məsələ ondadır ki, Avropa Birliyi də Gürcüstan ilə bütün əlaqələrini kəsdiyini vurğulayıb. Belə ki, Avropa Birliyi Gürcüstan ordusuna hər il ayrılan 30 milyon avro məbləğində maliyyə dəstəyini geri çəkib. Eyni zamanda, Gürcüstanın Avropa Birliyinə üzvlük prosesi qeyri-müəyyən müddətə, hətta böyük ehtimalla həmişəlik dayandırılıb. Və rəsmi Tiflis məlum iki hüquqi sənədi ləğv etməyəcəyi təqdirdə, Avropa Birliyinin sanksiyalarının daha da sərtləşdirilə biləcəyi də qətiyyən istisna olunmur.

Maraqlıdır ki, rəsmi Tiflis ABŞ və Qərbin təzyiqləri qarşısında heç bir halda, geri çəkilməyəcəyini, Gürcüstanın müstəqilliyini və suverenliyini sona qədər müdafiə edəcəyini vurğulayıb. Gürcüstanın siyasi dairələri bu ölkənin müstəqilliyi üçün ağır dəyər ödəndiyini qabardır. Və Gürcüstanın Qərbdən gələn təlimatları icra edən regional müstəmləkəyə çevrilməsinə imkan verilməyəcəyini bəyanlayır.

Göründüyü kimi, rəsmi Tiflis açıq-aşkar ABŞ və Qərbi Gürcüstana münasibətdə müstəmləkəçilik siyasəti yürütmək də suçlayır. ABŞ və Avropa Birliyinin kobud şəkildə Gürcüstanın daxili işlərinə qarışmağa cəhd göstərdiyini nəzərə aldıqda, rəsmi Tiflis tamamilə haqlı görünür. Halbuki, Qərbin Gürcüstandan belə asanlıqla, əl çəkəcəyini düşünmək də sadəlövhlük olardı. Və bu baxımdan, Gürcüstana qarşı müəyyən cəza ssenarilərinin işə salınacağı da qətiyyən şübhə doğurmur.

Maraqlıdır ki, Rusiya kəşfiyyatı artıq bu barədə Gürcüstanın hakim dairələrini xəbərdar edib. Belə ki, Rusiya xarici kəşfiyyat xidməti ABŞ-ın Gürcüstanda dövlət çevrilişinə hazırlıq apardığı barədə məlumat yayıb. Ağ Ev təmsilçiləri tez-tələsik bu iddianı təkzib etməyə çalışsa da, Rusiya kəşfiyyatı ABŞ-ın Gürcüstanda dövlət çevrilişi planının detallarını da açıqlayıb. Və yalnız bundan sonra Ağ Ev ifşa edilmiş duruma düşdüyündən susqunluğa üstünlük vermək məcburiyyətində qalıb.

Rusiya xarici kəşfiyyat xidmətinin yaydığı məlumata görə isə ABŞ-ın Gürcüstanda dövlət çevrilişi planı olduqca təhlükəli məzmun daşıyır. Rusiya kəşfiyyatı bu planın artıq işə salındığını və Gürcüstanda keçiriləcək növbəti parlament seçkiləri ərəfəsində isə həlledici mərhələyə start veriləcək. Ona qədər isə Bayden adminstrasiyası Gürcüstanda hakimiyyətdə olan "Gürcü arzusu" Partiyasına qarşı genişmiqyaslı qaralama kampaniyası hazırlayıb. Rus kəşfiyyatı iddia edir ki, Ağ Ev Gürcüstana qarşı daha ağır yeni sanksiyalarla yanaşı, Ermənistanda sınaqdan çıxartdığı proporsiyada tezislərindən də istifadə edəcək. Yəni, Gürcüstanın bütün problemləri məhz Rusiya ilə əlaqələndiriləcək.

Digər tərəfdən, iddia edilir ki, "Gürcü arzusu" Partiyasına qarşı əsas ittihamlarda Gürcüstanın Avropa Birliyindən məqsədyönlü şəkildə uzaqlaşdırmağa cəhd göstərildiyi barədə tezislər ön plana çəkiləcək. Hakim partiyaya yönəlik qaralama kampaniyasında Gürcüstanın həm də Fransa vətəndaşı olan prezidenti Salome Zurabişviliyə xüsusi rol ayrıldığı da bildirilir.

Yəni, plana görə, Salome Zurabişvili ABŞ mətbuatına Gürcüstanın Avropa Birliyi ilə münasibətlərinin korlanmasına və bu quruma üzvlük prosesinin dayandırılmasına görə bütün məsuliyyəti "Gürcü arzusu"nun üzərinə yükləyən müsahibə verməlidir. Həmin müsahibədə Gürcüstanın Rusiya ilə yaxınlaşmasının törədəcəyi fəlakətlər barədə ölkə əhalisinə xəbərdarlıq etməlidir. Və bununla da Gürcüstanda qarşıdurma mühitinin yaradılmasına start verilməlidir.

Belə anlaşılır ki, ABŞ Gürcüstan prezidenti vasitəsilə yerli müxalifətin növbəti dəfə "rəngli inqilab" törətməsinə siyasi-ideoloji hazırlıq aparmaq niyyətindədir. Rus kəşfiyyatının məlumatına görə, amerikalı kuratorlar yerli müxalifət qüvvələrinə birləşməyi və sərt mübarizəyə hazır olmaq təlimatı veriblər. Həmin məlumatda qeyd olunur ki, yerli müxalifət küçə iğtişaşlarına nail olmağa çalışmalıdır. Və küçə toqquşmalarında "qanlı hadisələrin qurbanları" da olmalıdır ki, Gürcüstan hakimiyyətinə qarşı əhalinin nifrəti, qəzəbi təmin edilsin.

Rusiya kəşfiyyatı onu da iddia edir ki, Gürcüstanda dövlət çevrilişi Ukraynadakı "Maydan" hadisələrini təkrarlamalıdır. Yəni, Gürcüstanda da "Maydan" hadisələrində olduğu kimi, xüsusi snayperlərin açacağı atəş nəticəsində yüzlərlə insanın həlak olması planlaşdırılır. Bu isə o deməkdir ki, Gürcüstanda qanlı dövlət çevrilişi planlaşdırılır. Və bu iddialarda Rusiya kəşfiyyatının nə qədər haqlı olduğu isə yaxın bir neçə ay ərzində məlum olmağa başlayacaq.

Hələlik isə rus kəşfiyyatının yaydığı məlumatın yalan olmayacağını sezdirən iki önəmli məqam mövcuddur. Belə ki, Ağ Ev rəsmilərinin bu məlumatı əvvəlcə xüsusi çaşqınlıq içərisində tez-tələsik təkzib etməyə çalışaraq, sonra dərhal susqun qalması kifayət qədər şübhəli görünür. Çünki adətən, ABŞ rəsmi dairələri belə iddialara reaksiya verərkən, onu təkzib etməklə yanaşı, həm də faktlar, sübutlar və arqumentlər gətirirlər. Bu dəfə isə təkzibin ardınca rus kəşfiyyatını yalanlayacaq arqumentlərin əvəzində sadəcə, susqunluq hökm sürür.

Digər tərəfdən, Gürcüstan prezidenti Salome Zurabişvili məhz rus kəşfiyyatının iddia etdiyi məzmunda açıqlamalar verməyə artıq başlayıb. Belə ki, Gürcüstan prezidenti hakimiyyətdə olan "Gürcü arzusu" Partiyasının Avropa Birliyi ilə münasibətləri korlamaqla, ölkənin bu quruma üzvlüyünü bloklayan addımlar atmaqla, siyasi cinayət törətdiyini bəyan edib. O, bildirib ki, Gürcüstan hökuməti ölkəni sürətlə Rusiyanın orbitinə yaxınlaşdırır və bu, tezliklə böyük fəlakətlərə yol aça bilər. Və Gürcüstan prezidentinin bu açıqlamaları müəyyən mənada, rus kəşfiyyatının iddialarına dolayısı da olsa, inandırıcı görüntülər verir.(Yeni Müsavat)

Böyük Britaniyanın paytaxtı Londonda mənzil qərargahı olan və mülki gəmiçilik məsələlərini tənzimləyən əsas beynəlxalq təşkilat sayılan Beynəlxalq Dəniz Təşkilatın (IMO) Azərbaycanı “qara” siyahıya salıb. Azinforum.az xəbər verir ki, bu barədə müvafiq bildiriş cari ilin may ayının sonunda dərc edilib.

Təşkilatın rəsmi saytındakı məlumatdan görünür ki, ölkələr sihahı üzrə 3 qrup üzrə təsnifatlandırılır: “ağ ”, “boz” və “qara” siyahıda olanlar. Təəssüflə qeyd etməliyik ki, IMO-nun qərarı ilə Azərbaycan – Palau, Beliz, Tanzaniya və Toqo kimi 12 ölkə ilə birlikdə təşkilatın “qara” siyahısına salınıb.

Azərbaycan öz donanması ilə daima fəxr edib. Bir ölkə olaraq gəmilərimizin yerli limanlara yan alması ilə bağlı təbii coğrafi məhdudiyyətlərimiz olsa da, dənizçilərimiz bütün dünyada məşhurdur və bayrağımız bir çox beynəlxalq gəmiçilik marşrutlarında olan gəmilərdə dalğalanır.

Maraqlıdır ki, beynəlxalq qadağanı tətbiq edən qurumla münasibətlərə və oradakı bayrağımızın statusuna cavabdeh olan Dövlət Dəniz və Liman Agentliyi, bu xoşagəlməz hadisənin səbəbləri və nəticələrini, eləcə də , bu vəziyyətdən necə çıxacağımızın yolları barədə ictimaiyyətə heç bir məlumat və izahat verməyib. Təəssüf ki, Dövlət Dəniz və Liman Agentliyindən bu mövzu ilə bağlı münasibət öyrənə bilmədik.
Ölkəmizin “qara” siyahıya salındığı ilə bağlı məlumatın əks olunduğu linki təqdim edirik:
https://parismou.org/Statistics%26Current-Lists/white-grey-and-black-list

Rusiya Daxili İşlər Nazirliyi miqrantların İnzibati Xətalar Məcəlləsinin daha 20 maddəsini, o cümlədən xırda xuliqanlıq və ictimai asayişi pozduqlarına görə ölkədən çıxarılmasını təklif edib.

“Cebhe.info” bu barədə Rusiya mətbuatına istinadən yazır.

“Qanun layihəsində İnzibati Xətalar Məcəlləsinin daha 20 maddəsinə xaricetmənin tətbiqi təklif edilir ki, onların da əksəriyyəti ictimai asayişin və ictimai təhlükəsizlik sahəsində hüquq münasibətlərinin qorunmasına, o cümlədən ekstremist təzahürlərə qarşı mübarizəyə yönəlib”, - deyə idarənin saytında yerləşdirilən məlumatda deyilir.

Məlumatda qeyd edilir ki, hazırda İnzibati Xətalar Məcəlləsinin 22 maddəsində inzibati qaydada çıxarılma nəzərdə tutulub. Cəza “Vicdan azadlığı haqqında” Qanunun pozulmasına, qeyri-ənənəvi dəyərlərin təbliğinə, dövlət sərhədinin mühafizəsi sahəsində müəyyən qanun pozuntularına, narkotik vasitələrin qanunsuz dövriyyəsinə və bir sıra digər qanunsuz hərəkətlərə görə tətbiq edilir.

Dövlət Dumasının spikeri Vyaçeslav Volodinin sözlərinə görə, yeni qanun layihəsi ictimai asayişi və təhlükəsizliyi pozan miqrantların ölkədən çıxarılmasına başlayacaq. Söhbət, o cümlədən, hüquq-mühafizə orqanı əməkdaşının qanuni əmrinə tabe olmamaq, xırda xuliqanlıq, ekstremist və ya nasist simvollarının təbliği və ya nümayişi, terror fəaliyyətinə çağırışlar, miqrasiya qeydiyyatı aparılarkən yalan məlumatların verilməsi və s.

“Bir sıra maddələrə əsasən, qanunsuz fəaliyyətinə görə ölkədə olması arzuolunmaz olan şəxslərin dərhal (məhkəmə qərarı olmadan) ölkədən çıxarılması təmin edilməlidir. Dövlət Duması hüquqpozmaların siyahısının genişləndirilməsi ilə bağlı qanun layihəsini dəstəkləyəcək”, – Volodin “Telegram” kanalında yazıb.

Daxili İşlər Nazirliyi daha əvvəl “İnterfaks”-a bildirmişdi ki, miqrantlara qarşı hüquq-mühafizə orqanlarının qanuni əmrinə tabe olmama halları ilə bağlı 8 mindən çox, habelə ictimai təhlükəsizliyə və qanunvericiliyə qəsd etdiklərinə görə 209 mindən çox protokol tərtib edilib. sifariş. Departament həmçinin miqrasiya ilə bağlı hüquqpozmalara yol vermiş şəxslər üçün cərimələrin artırılmasını təklif edib.