Özcan Dəniz böyük qardaşı və meneceri Ercan Dənizlə yollarını ayırıb.

“Qafqazinfo” xəbər verir ki, bu barədə “Habertürk” məlumat yayıb.

Özcan Dəniz məsələ ilə bağlı sosial şəbəkə hesabında qardaşını tənqid edib.

“Bəs siz neçə ailə üzvünüzdən xəyanət görmüsünüz? Nə qədər viran buraxılıb yenidən ayağa qalxmısınız? Xoşbəxtliyiniz neçə nəfərin bədbəxtliyinə çevirildi? Sizi gəlir mənbəyi kimi görən neçə tanışınız o qapını bağlayanda sizi heçə saydı? Kürəyinizdə çörəyinizi yeyən neçə adamın xəncəri var? İstəsələr canımı verəcəyim çox sayda insanı həyatımdan çıxardım. Çünki onların yoxluğuna üzülmək, etdiklərinə görə kədərlənməkdən daha asandır. Xəyanətə uğradım”.

O, son paylaşımında hazırda yeganə ailəsinin oğlu Kuzey və həyat yoldaşı Samar Dadqar olduğunu bildirərək bu cümlələri yazıb:

“Sizi çox sevirəm. Mənim əziz oğlum və həyat yoldaşım. İndi kimin üçün yaşadığımı yaxşı bilirəm və çox xoşbəxtəm”.

Türkiyəli aktyor Uğur Aslan 6 fevral 2023-cü ildə Kahramanmaraş mərkəzli zəlzələlərdə bir qolunu itirən qardaşı qızının toyunda onu tək qoymayıb.

“Qafqazinfo” Türkiyə KİV-ə istinadən xəbər verir ki, ötən il baş verən zəlzələlərdə 11 yaxınını itirən aktyor toyda onunla birgə rəqs edib.

Həmin görüntülər sosial media izləyiciləri tərəfindən müsbət qarşılanıb.

Müğənni Cennifer Lopez nişan üzüyünü aktyor Ben Afflekə qaytarmayacaq.
Bu barədə “In Touch Weekly” nəşri məlumat yayıb.
Ulduzlara yaxın bir mənbə bildirib ki, Cennifer Lopez 10 milyon dollarlıq üzüyü hədiyyə olduğu üçün xatirə olaraq saxlamağı planlaşdırır. Mənbənin sözlərinə görə, müğənni Ben Afflekin 2003-cü ildə ilk nişanı üçün ona hədiyyə etdiyi 3,52 milyon dollar dəyərində olan 6,1 karatlıq çəhrayı brilyant üzüyü də özündə saxlayıb.
“Münasibətlərinin yaxşı getməməsi o demək deyil ki, o, zinət əşyalarını geri qaytarmalıdır. Cennifer Benin onları tərk etməsinə görə özünü günahkar hiss etmir. Ben də açıq-aydın etiraz etmir – o, bunu artıq iki dəfə edib”, deyə mənbə bildirib.
Avqustun 20-də məlum olub ki, 55 yaşlı Cennifer Lopez 52 yaşlı Ben Afflekdən boşanmaq üçün məhkəməyə müraciət edib. Aktrisa Los-Anceles Ali Məhkəməsinə vəkilsiz sənədlər təqdim edib və ərindən ayrılma tarixini göstərib – 26 aprel 2024-cü il.
Cennifer Lopez və Ben Afflekin münasibətlərində ciddi problemlər olduğuna dair söz-söhbətlər may ayında başlayıb. Daha sonra məşhurların ikinci evlilik ildönümünü ayrıca keçirdikləri barədə məlumatlar ortaya çıxıb.
Ben Afflek və Cennifer Lopez 2000-ci illərin əvvəllərində tanış olublar. Həmin vaxt onlar nişanlansa da, evlənməyiblər. 2021-ci ilin yazında keçmiş sevgililər münasibətlərini bərpa edib və 16 iyul 2022-ci ildə Las Veqasda evləniblər.