 |
|
|
Azərbaycanda televiziyaların reytinqi həm də İPTV və OTT platformalarda ölçülür. Alternativ bir datadır.
Burada əsas parametr izlənmə saatıdır.
Oktyabr ayı üçün bu platformalarda TV-lərin izlənmə göstəricilərini təqdim edirəm.
Ölçmə 30 min abunəçi bazası əsasında aparılıb.
Osman Gunduz
Teref. Xocanın Blogu
“Mikayıl Müşfiqin bacısı Balacaxanım xala atamla mənim qucağımda rəhmətə getdi. Mən o vaxt 8-ci sinifdə oxuyurdum. Can verirdi, Mikayıl Müşfiqin bizdə şəkili yox idi. Plastinkası var idi, üstündə də Müşfiqin şəkili. Gətirib həmin plastinkanı qoyduq Müşfiqin bacısının sinəsinə. Sonra anam dedi ki, bəlkə gedib Dilbər xanımı götürəsiniz? Gecə ilə gedib Dilbər xanımla qızı Leyla xanımı gətirib gəldik. Onları görəndən sonra can verib, gözlərini bu dünyaya əbədi yumdu. O rəhmətə gedəndən sonra evimizə Müşfiqin 6-7 cild kitablarını, bir də vəsait gətirdilər. Atam kitabları götürdü, qonorarı qaytardı. Hətta evi də qalmışdı, təklif etdi, amma atam götürmədi”
Bunu Moderator.az-a açıqlamasında sevgi şairi Mikayıl Müşfiqin əmisi nəvəsi, şair Yunis Dağlının qızı Reyhanə İsmayılzadə deyib. O daha sonra Mikayıl Müşfiqin Bakıda ev muzeyinin yaradılması ilə bağlı arzusunu dilə gətirib.
“Mikayıl Müşfiqin ev muzeyini mənim anam yaratmışdı. Öz təşəbbüsü idi. Müşfiqdən bizə bircə onun kitab dolabı yadigar qalıb. İndiyə qədər o dolabı qoruyub saxlamışıq. Müşfiq varisləri kimi biz rəsmi tanınmırıq. Bizi Müşfiqsevərlər tanıyır. Biz varislər digər şairlərin varisləri ilə tez-tez görüşürük. Onların yaxınları həmin muzeyləri idarə edirlər. Bir qohum onun haqda eşitdiklərini daha gözəl çatdıra bilər. Bakıda ev muzeyinin yaradılmasını istəyirik. Bizim ata-baba yurdumuz atam Yunis Dağlının adına verilmiş küçədir. El arasında “Sovetski” deyilən ərazidə.. Ora da sökülür, sakinləri köçürürlər. Dəfələrlə gəldilər, biz yeri göstərdik də. Hətta qara mərmərdə yazıb qoyduq ki, Mikayıl Müşfiq bu küçədə anadan olub. Arzu edərdim ki, ev muzeyi yaradılsın. Bunu ürəkdən arzulayıram. Ümid edirəm ki, aidiyyatı qurumlar bu məsələdə biz varislərin səsinə səs verəcək, arzumuzu həyata keçirəcəklər. Xızıdakı xatirə muzeyi qəzalı vəziyyətdədir. Artıq ora keçib getmək olmur” deyə şairin qohumu bildirib.
Mənbə: Moderator.az
Teref. Xocanın Blogu
Azərbaycanda Gəncə xanlığı dövründə buraxılmış gümüş pul (Abbası) satışa çıxarılıb.
Musavat.com xəbər verir ki, İqtisadiyyat.az-ın əldə etdiyi məlumata görə, bununla bağlı elan saytlarının birində məlumat yerləşdirilib.
Çəkisi 4,5 qram olan bu gümüş pulun Gəncə xanı Məhəmmədhəsən xanın dövründə buradakı zərbxanada hazırlandığı iddia edilib.
Sözügedən sikkənin 1764-cü ildə (hicri 1178) zərb edildiyi qeyd olunub.
Elan saytında təqdim edilən gümüş pul 15 milyon manata təklif olunur.
Bununla bağlı satıcı ilə əlaqə saxlamağa cəhd göstərilsə də, o, zənglərə cavab verməyib.
Qeyd edək ki, Milli Azərbaycan Tarixi Muzeyində 1799-cu ildə (hicri 1213) Gəncədə zərb edilmiş gümüş 3 Abbası qorunur. Sikkə üzərində "Ya Əli Vəli Allah" sözləri, dairəvi çərçivənin içərisində "Gəncə zərbi, 1213", dairənin çölündə "Ya Məhəmməd" sözləri zərb edilib.
Rusiya 2016 Eurovision Mahnı Müsabiqəsində qalib gələn ukraynalı müğənnini axtarışa verib. Məlumatlarda deyilir ki, Daxili İşlər Nazirliyinin məlumat bazasında müğənni Susana Camaladinova cinayət qanununu pozduğuna görə axtarışda olanların siyahısına salınıb.
Müxalifət və insan haqları məsələlərini işıqlandıran müstəqil xəbər saytı Mediazona bildirib ki, Camaladinova ötən il qəbul edilmiş Rusiya ordusu və Ukraynada davam edən döyüşlər haqqında saxta məlumatların yayılmasını qadağan edən qanuna görə ittiham olunub.
Camala səhnə adı ilə çıxış edən Camaladinova Krım tatar əsillidir. O, Sovet İttifaqının Krım tatarlarının kütləvi surətdə deportasiyasına həsr edilən "1944" mahnısı ilə 2016 Avroviziya müsabiqəsinin qalibi olub.
Onun qalibiyyəti Rusiyanın Krımı ilhaq etməsindən təxminən iki il sonra Ukraynanı siyasi qarışıqlıq bürüdüyü vaxta təsadüf edib.
Ölkələrin əksəriyyəti ilhaqı qeyri-qanuni hesab edir.
Rusiya “1944” mahnısının müsabiqəyə buraxılmasına etiraz edərək, bunun Eurovision-da siyasi çıxışa qarşı qaydaları pozduğunu bildirib.
Amma mahnıda Rusiya və ya Sovet İttifaqına qarşı konkret tənqidi fikirlər səsləndirilməsə də, bu sözlər yer alıb “Yadlar evinizə gəlir, hamınızı öldürür və biz günahkar deyilik” deyir”.
amerikaninsesi
Qərbi Azərbaycan həqiqətləri haqqında daha bir film təqdim olunub.
1988-89-cu illərdə qədim Azərbaycan torpağı olan indiki Ermənistan respublikasından deportasiya edilmiş, qovulmuş azərbaycanlıların yaşadığı facilərdən bəhs edən daha bir film tamaşaçılara təqdim edilib.
“Xüsusi Təyinatlıların Qaziləri, Şəhid Ailələri və Veteranları” İctimai Birliyinin “Qərbi Azərbaycanlı Qaziləri, Şəhid Ailələri və Veteranlarının İctimai Çağırışı – Biz Qayıdacağıq!” adlı layihə əsasında çəkilən film “Biz qayıdacağıq...” adlanır.
Layihə Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə dəstəyi ilə həyata keçirilib.
Filmin təqdimat mərasimində əvvəlcə Azərbacan Respublikasının Dövlət Himni səsləndirilib. Milli Lider Heydər Əliyevin, həmçinin Azərbaycanın müstəqilliyi, ərazi bütövlüyü uğrunda şəhid olan Vətən övladlarının xatirələri bir dəqiqəlik sükutla yad edilib.
Layihənin icraçısı olan “Xüsusi Təyinatlıların Qaziləri, Şəhid Ailələri və Veteranları” İctimai Birliyinin sədri Bəhruz Məmmədzadə bildirib ki, Qərbi Azərbaycana qayıdışla bağlı bağlı tarixi missiya davam edir.
Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin icraçı direktoru Aygün Əliyeva filmin tarixi əhəmiyyətə malik olduğuna diqqət çəkib.
Tədbirdə iştirak edən şəhid ailələrinin üzvləri, qazilər, Milli Məclisin deputatı Vüqar İskəndərov, professor Firudin Cəlilov, fəlsəfə doktoru Pərviz Səmədov və psixoloq Rövşən Nəcəfov sənədli film haqqında təəssüratlarını bölüşüblər.
Qeyd edək ki, “Biz qayıdacağıq...” sənədli filminin senari müəllifi və rejissoru
Teymur Zahidoğludur
Xəzər dənizinin suyunun çəkilməsini təbii fəlakət göstəricisi kimi qiymətləndirənlər yanlış mövqedədirlər.
Bunu "Azərbaycan Reallığı"na açıqlamasında Milli Ekoloji Proqnozlaşdırma Mərkəzinin rəhbəri, ekoloq Telman Zeynalov deyib.
“Son 30-40 il ərzində Xəzərin suyunun çəkilməsi dəfələrlə müşahidə edilib. XX əsrin yetmişinci illərində də bu problem yaranmışdı. Bütün bunlara səbəb isə son illər yağıntıların azalması, quraqlığn üstünlük təşkil etməsidir. Artıq dənizin bəzi ərazilərində suyun həddi 10, 50, 100 metr çəkilib. Xəzər dənizinin suyu arta da bilər, azala da, qətiyyən bundan narahat olmağa dəyməz. Baş verənlər isə fəlakət yox, adi təbii hadisədir”, - ekoloq bildirib.
Xəzərin çəkilməsi nəticəsində qədim Səbail şəhərinin üzə çıxması ilə bağlı ehtimallara da aydınlıq gətirən T.Zeynalov qeyd edib ki, Xəzər dənizinin qismən dayazlaşması nəticəsində qədim Səbail şəhərinin üzə çıxması mümkün deyil.
Bursa cezaevinde Nâzım Hikmet, Orhan Kemal’le aynı koğuşta kalmaktadır. Koğuş masasının üzerinde Orhan Kemal’in (asıl adı ”Mehmet Raşit Öğütçü”) bir roman başlangıcını görür. Okur. Ayağında takunyalar koşarak avluya çıkar Nâzım Hikmet. Orhan Kemal’e soluk soluğa sorar, “Siz mi yazdınız bunu?” Orhan Kemal çekinerek, “Evet” der. Nâzım Hikmet büyük bir coşkuyla, “Birader, neden bahsetmediniz bundan. Siz nesir adamısınız! Hikâye yaz, roman yaz!” diyerek o gün bir romancının doğuşunun müjdesini verir.
26 Eylül 1943 Pazar sabahı Orhan Kemal’in cezası biter, hapishaneden ayrılır. Ayrılmadan birkaç gün önce Nâzım Hikmet’e bir şiir yazar, ona okur ve bu şiir Nâzım Hikmet’i ağlatır…
NÂZIM HİKMET'E / ORHAN KEMAL
Sen
“Promete’nin çığlıklarını
kaba kıyım tütün gibi piposuna dolduran adam”,
sen benim mavi gözlü arkadaşım;
kabil değil unutmam seni.
26 Eylül 1943
Seni yapayalnız bırakıp hapishanede,
bir üçüncü mevki kompartımanda pupa yelken
koşacağım memlekete.
Ve tren
bir güvercin gibi çırpınarak istasyona girecek,
gözü yaşlı bir genç kadına
beş senenin ardından
kocasını getirecek.
O dem ki boş verip istasyon halkına,
yanaklarından öperken sevgilimi,
sen neşeli mavi gözlerinle bakacaksın
içimden bana.
O dem ki yürekten her şey atılacak,
ekmek, kin, hasret,
fakat Nâzım Hikmet,
sen şu kadar kilometre uzakta kalmana rağmen
aydınlık yüreğimin duvarına dayayıp sarı saçlı başını,
batan bir yaz güneşi hüznüyle ağlatacaksın arkadaşını.
Günler geçecek,
ekmek derdi çökecek omuzlarıma.
Fabrika, makinalar, tezgâhım…
Sana şekerkamışı, portakal yollayacağım.
Karım yün çorap örecek.
Her hafta mektup yazacağız.
-Askere almazlarsa eğer.-
Unutabilir miyim seni?
Tahtakurusu ayıkladığımız hapishane gecelerini
ve radyoda şark cephesinden haber beklediğimiz
müthiş anların küfrünü!
-Radyonun yanındaki duvara
kurşunkalemiyle abus insan yüzleri çizmiştin.-
Unutabilir miyim seni?
Hâlâ beton malta boylarında duyuyorum
takunyalarının sesini!
Unutabilir miyim seni hiç?
Dünyayı ve insanlarımızı sevmeyi senden öğrendim,
hikâye, şiir yazmayı
ve erkekçe kavga etmeyi senden!
_Orhan Kemal,
Nâzım Hikmet’e ..
Ahmet Polat
Teref. Xocanın Blogu
“Dünyada pişikli evlər bir neçə ölkədə mövcuddur. Brüsseldə, Kiyevdə, Riqada, Henfilddə pişikli evlər, Moskvada Klingsland yaşayış binası, N.G.Tarxovanın yaşayış binası kimi qəribə və maraqlı tikililər var. Bu sırada Bakıda, İçərişəhərdə yerləşən pişikli ev də diqqəti cəlb edir”.
Bizim.Media xəbər verir ki, dünyanın bir çox yerlərində mövcud olan pişikli evlərin sirri ilə bağlı tarixçi alim, dosent Zaur Əliyev araşdırma aparıb.
Alim qeyd edib ki, Bakının yaşlı sakinlərinin pişikli evlərlə bağlı danışdıqları mifik bir əfsanə var:
“Deyirlər ki, pişikləri olan ev insanların taleyinə təsir edir. Xüsusilə də, bu qadınların taleyində bədbəxtliklərlə əlaqələndirilir. Pişik fiqurlarının təsadüfən seçilmədiyi barədə də fikirlər var. Axı pişiklər evin sakinlərini şeytandan qoruyurlar”.
İçərişəhərdə Karvansaraya yaxın bir yerdə olan bu bina Məlikov və Ələkbərov ailələrinə məxsus evlərin arasında yerləşir. Küllə küçəsində yerləşən binada dekorativ eyvandan baxan oğlan və qızın görüşü təsvir olunub. Onların arasında bir pişik dayanıb, daha üç pişik isə yuxarıdan mənzərəni seyr edir.
İçərişəhərdə köhnə sakinləri belə bir rəvayət eşitdiklərini deyirlər:
“Bu ev vaxtilə iki uşağı olan sərt və ağır xasiyyətə malik olan hakimə məxsus olub. Hakimin uşaqları oynayan zaman pişik eyvandan düşüb. Uşaqlar da onun ardınca yıxılıblar. Həmin vaxt şayiə gəzirdi ki, hakimə amansızlığına görə belə bir cəza göndərilib və bu hakim ömrünün sonuna qədər lənətlənib”.
Əlbəttə, bu bir rəvayətdir və hekayə reallıqdan bir qədər uzaqdır.
Bəziləri hesab edir ki, bu pişiklər İçərişəhərin simvoludur. İçərişəhər kiçik olsa da kifayət qədər qarışıqdır.
Dar küçələrin labirintində bəzən turistləri yalnız pişiklər müşayiət edə bilər. Buna görə də köhnə içərişəhərlilər arasında belə bir deyim var:
“Pişiklər İçərişəhərin sahibləridir. Axı biz köhnə inanclardan bilirik ki, evdə pişik həmişə rahatlıq, sevinc və müsbət enerji deməkdir. Məhz bu heyvanlar gərginliyi aradan qaldırır, evi və sahiblərini pis enerjidən qoruyurlar. Görünür, elə buna görə də İçərişəhər bu qədər təmiz, rahat və sakit, ruhun dincəldiyi yerdir”.
Ancaq burda mistika axtarmaq lazım deyil. Çünki zəncirli binada yerləşən “Pişik və uşaqlar” heykəli 1994-cü ildə heykəltəraş-rəssam Tarverdi Quliyev tərəfindən xalçaçı-rəssam Hacı Eldar Mikayılzadənin sifarişi ilə hazırlanıb. Yəqin ki, heykəltaraş İçərişəhərin pişiklərlə bağlılığını nəzərə alaraq, bu motivlərə üstünlük verib.
Robin Uilyams 1951-ci ildə dünyaya gəlib.
Robinin atası “Ford” şirkətinin uğurlu icraçısı Robert Uilyams, anası keçmiş model Laurie McLaurin Smith idi.
Uilyams ailəsi çox zəngin idi. Robin 11 yaşında olanda ailə Çikaqodan Detroit ətrafına köçür və burada 40 otaqlı evdə məskunlaşırlar.
Var-dövlət və məşhur nəsil ona xoşbəxtlik gətirmir. Oğlan tənha idi və valideynlərindən daha çox qulluqçularla ünsiyyət qururdu. Bahalı oyuncaqlar və dəbdəbə artıq çəkidən əziyyət çəkən və buna görə də çox utancaq olan Robinə xoşbəxtlik gətirmirdi.
Aktyor xatirələrində ilk illər yeganə yoldaşının və dostunun yalnız təxəyyülü olduğunu etiraf edib. Anasından miras qalan yumor hissi Robin Uilyamsa utancaqlığı aradan qaldırmağa və dostlar tapmağa kömək etdi.
Robin böyüdükcə sinifdə ən populyar oğlan olmağı bacardı. O, həm də dram dərnəyində mükəmməl aktyorluq qabiliyyətini göstərdi.
Məktəbi bitirdikdən sonra Robin Uilyams aktyorluq təhsilini davam etdirmək qərarına gəlir. 1973-cü ildə məşhur Nyu-York Juilliard Məktəbinin tələbəsi olur və burada teatr sənəti üzrə təhsil alır. Amma 3 ildən sonra müəllimi Con Hausmenin məsləhəti ilə ordan ayrılır və o, Robinə Los-Ancelesə getməyi məsləhət görür.
Robin Uilyamsın yaradıcılığı Los-Ancelesə köçdükdən sonra başladı, burada o, ilk dəfə komediya aktyoru kimi müxtəlif klubların səhnələrində göründü.
Bir gün məşhur prodüser Corc Şletter Robini görür və onu məşhur televiziya şousu “Lough-In”ə dəvət edir. Lakin bir müddət sonra layihə tamaşaçılarını itirir və bağlanır. Gənc sənətçi klublardakı əvvəlki çıxışlarına qayıtmalı olur.
“Komediya Eynşteyni” adlandırılan Robin Uilyams Amerikanın məşhur klublarına, daha sonra isə Böyük Britaniyaya dəvət olunur. Burada sənətçi tez bir zamanda çox məşhurlaşır, tezliklə “The Richard Pryor Show”a dəvət edilir. Demək olar ki, bütün komediya ustaları bu verilişin aktyor heyətinə qoşulmağı xəyal edirdilər. Robin Uilyams filmdə debütünü 1978-ci ildə edir.
Rejissor Harri Marşall Robini bir dəfə klubların birində görür və onu “Xoşbəxt günlər” serialında yadplanetli roluna dəvət edir. Mork kimi uğurlu obrazı prodüserlərə “Mork və Mindi” komediya şousunu yaratmaq ideyasını verir. Serial 1978-ci ildə ABC kanalında çıxır və 4 il yayımlanır. O vaxtdan bəri Mork ABŞ-də ən çox tanınan personaj olur.
Robin Uilyamsın fotoşəkilləri böyük qəzet və jurnalların üz qabığında dərc olunur. Sənətçi müxtəlif verilişlərin daimi qonağı olur.
“Popey” filmindəki baş rol aktyora daha da böyük şöhrət gətirir. Bir neçə cizgifilmini səsləndirən Robin daha çox “Ələddin” cizgifilmindəki “Cin” obrazını səsləndirməsi ilə yadda qaldı.
Azərbaycan Yazıçılar Birliyinin (AYB) 21 üzvünə yeni mənzillər paylanıb. Adları siyahıda olmayan tanınmış yazıçı və şairlərin bir qrupu sosial şəbəkələrdə paylaşımlar edərək etirazlarını ifadə ediblər. Əsas iradlardan biri mənzillərin haqqı və ehtiyacı olanlara deyil, AYB rəhbərliyinə yaxın şəxslərə verilməsidir.
Tərcüməçi Sevil Gültən “Facebook” səhifəsində ev alanların bir qrupunun adlarını paylaşıb.
“AzPolitika.info” onun qeydlərini təqdim edir:
1. Xanəmir - ikinci dəfədir AYB-dən ev alır (ola bilər birinci dəfə pul alıb).
2. Dəyanət Osmanlı – o da ikinci dəfə ev alır. Yazdıqları zibillik üçün yaxşı materialdır.
3. Narıngül Nadir, demirəm pis insandır, pis yazıçıdır. Amma Allaha and olsun, ən azı iki evi var.
4. Şəfəq Sahib - onun da iki evi var.
5. Arifə Əliyeva – yüz ildir AYB-də kadrlar şöbəsinin rəhbəridir, üçüncü dəfədir dövlətdən ev qamarladığı…
6. Şəmsiyyə Camalava - adicə kompüter operatorudur (düzdür, sənədə əsasən AYB tərcümə mərkəzinin işçisidir), ədəbiyyata dəxli yoxdur, amma AYB üzvüdür, bir illik Prezident təqaüdü də alıb.
7. Ulucay Akif - evi var, nənəsi bağışlayıb, subaydır. Taleh Mansur iki uşaqla kirayədə qalır, o yada düşmür ev veriləndə, Ulucay Anarı qəşəng söydüyü üçün onun adını siyahıya yazırlar.
8. Güləmayıl - başqalarının şeirlərini oğurlayıb AYB-yə üzv olub, özünə iş tapıb orda. Evi də var, bağ evi də…
9. Elxan Zal - ola bilməz, onun evi olmasın…
10. Firuz Mustafa - onun da evi var.
11. Rauf Aslanov - Anarın müşaviri. Ən azı 3-4 evi, bağ evi var.
12. Anarın sürücüsü.
Qarğışımı təkrar edirəm: Evi ola-ola dövlətdən ev alanlar, heç o evdə salamat yaşamasın! Əzizlərinin meyidi gətirilsin o təzə evə! Həmin şəxsləri o siyahıya yazanlar heç Yeni ilə çıxmasın! Ev almağa haqqı olan bir neçə nəfərin adını yazmadım, halal xoşları olsun”.
Qeyd edək ki, AYB rəhbərliyi və ev alan qələm sahibləri hələ ki, ittihamlara reaksiya verməyiblər.