Futbol üzrə Türkiyə Superliqasında XXV turun daha iki oyunu keçirilib.

Çempionluq uğrunda mübarizə aparan “Qalatasaray” öz meydanında “Başakşəhər”lə qarşılaşıb. Rəqibini 2:0 hesabı ilə məğlub edən İstanbul klubu xallarını 66-ya çatdıraraq zirvəyə yüksəlib. Liderdən bir oyun az keçirən “Fənərbağça” isə 63 xalla hələlik 2-ci pillədə qərarlaşıb.

Günün digər oyununda “Karagümrük” evdə “Pendikspor”a 2 cavabsız qolla qalib gəlib.

Avstraliyanın cənubunda 16 xokkeyçi dəm qazından zəhərlənib.

Lent.az-ın ABC radiosuna istinadən verdiyi məlumata görə, matçdan sonra futbolçular xəstəxanaya yerləşdirilib. Qurbanlar Melburn və Adelaida xokkey komandalarının üzvləridir. Onlar “Adelaide Arena”nın buzu üzərində görüşdən sonra xəstəxanaya yerləşdirilibər.
"Xəstələrin əksəriyyəti müşahidə altındadır, bəziləri isə oksigen terapiyasına ehtiyac duyur", - Avstraliya Tibb Xidməti bildirib.

Xilasedicilər və yanğınsöndürənlər zəhərlənmənin səbəbini müəyyən ediblər. Zəhərlənməyə buz təmizləyən maşının çənlərindən maye sızması səbəb olub.

Almaniya Bundesliqasının 21-ci turunda “Bayer”(Leverkuzen) evdə Münhen “Bavariya”sını qəbul edib.

Oyun meydan sahiblərinin inamlı qələbəsi ilə yekunlaşıb – 3:0

Bu qələbədən sonra hesabında 55 xalı olan “Bayer”(Leverkuzen) turnir cədvəlinin lideridir.

“Bayer”(Leverkuzen) - “Bavariya”(Münhen) – 3:0

Qollar: Stanişiç,18 (1:0), Qrimaldo,50 (2:0), Frimponq, 90+5 (3:0)

“Əl-İttihad”ın ulduz hücumçusu Kərim Benzema növbəti anlaşılmaz davranışı ilə mətbautın diqqətini üzərinə çəkib.

Fanat.Az xəbər verir ki, məlumatı "Marca" yayıb.

Xəbərə görə, bazar ertəsi Səudiyyə Ərəbistanı klubunun düşərgəsinə qayıdaraq məşqləri bərpa edən fransalı forvard baş məşqçi Marselo Qalardo ilə dalaşıb. Onun yenidən düşərgədən ayrılaraq bu dəfə Türkiyəyə yollandğı bildirilib. Benzemanın Fransaya qayıdıb-qayıtmadığı barədə məlumat yoxdur.

Benzema bundan əvvəl dekabrın sonunda üç məşqi buraxmışdı. Bundan sonra 36 yaşlı futbolçunun “Əl-İttihad”dan ayrılmaq istədiyi barədə xəbərlər yayılmışdı.

Benzema bu mövsüm bütün yarışlarda 20 matçda iştirak edib, 12 qol vurub və 1 məhsuldar ötürmə verib.

UFC prezidenti Dana Uayt irlandiyalı Konor Makqreqorla amerikalı Maykl Çandler arasındakı döyüş haqqında danışıb.

“Bu, zamanla baş verəcək. İnanıram ki, bu il olacaq. Hələlik dəqiq tarix yoxdur. Amma ümid edirəm ki, döyüşü payızda təşkil edə bilərik”, – deyə Uayt “The Pat McAfee Show”ya müsahibəsində bildirib.

Xatırladaq ki, bir müddət əvvəl Makqreqor özü uzun fasilədən sonra ilk döyüşünün amerikalı Maykl Çandlerə qarşı olacağını söyləmişdi. Konorun sözlərinə görə, döyüş 2024-cü il iyunun 29-da baş tutmalıdır.

İrlandiyalı sonuncu dəfə 2021-ci ilin yayında amerikalı Dastin Puaryeyə uduzmuşdu. Həmin qarşılaşmada o, ayağını da sındırmışdı.

Konorun hazırda 35 yaşı var. Makqreqor və Çandler 2023-cü ildə döyüşməli idilər. Lakin Konor ABŞ Antidopinq Agentliyinin testinə vaxtında qatıla bilməmişdi.

Bir müddət əvvəl LKS ə keçən Azərbaycan millisinin müdafiəçisi Rahil Məmmədovun yeni komandasında oynaması üçün heç bir əngəl qalmayıb.

Sportinfo.az Polşa klubunun rəsmi saytına istinadən xəbər verir ki, FIFA tərəfindən Lodz təmsilçisinə qoyulmuş transfer qadağası ləğv olunub.

Polşa təmsilçisi keçmiş futbolçuları Mikel Reyqaard və Rikardinyoya olan borcunu tam ödədiyi üçün qış transfer pəncərəsində heyətinə qatdığı yeni oyunçuların qeydiyyatdan keçirilməsinə icazə verilib.

Rahil Məmmədov ötən ay LKS klubu ilə 1,5 illik müqavilə imzalayıb. “Neftçi”nin yetirməsi olan futbolçu son olaraq “Qarabağ”ın formasını geyinib.

Türkiyə Kubokunda 1/8 final mərhələsinin oyunları keçirilir.

Hazırda ölkə çempionatının lideri olan “Fənərbağça” “Qaziantep”in qonağı olub.

Matçın 17-ci dəqiqəsində Batşuayi penaltini dəqiq yerinəyetirərək qonaqları önə çıxarıb. 31-ci dəqiqədə isə o, dubla imza ataraq oyunun yekun hesabını müəyyənləşdirib - 0:2.
Beləliklə də, bu qələbə sayəsində “Fənər” türkiyə Kubokunun 1/4 mərhələsinə adlayıb.

Niderlandlı sabiq futbolçu Robin van Persi UEFA-nın peşəkar məşqçi lisenziyasının tələblərini yerinə yetirmək üçün “Mançester Yunayted”in Trafford Məşq Mərkəzində olacaq.


Referans.az xəbər verir ki, “Mançester Yunayted” keçmiş hücumçusuna baş məşqçi Erik ten Haqın rəhbərliyi altındakı məşqləri izləmək və personalla müsahibə etmək şəraiti yaradıb.

Qeyd edək ki, van Persi karyerasının 8 ilini “Arsenal”da keçirib. Niderlandlı futbolçu 278 oyunda 132 qol vurub ki, bu da “topçular”ın tarixində ən yaxşı səkkizinci göstəricidir. 2012-ci ildə isə niderlandlı futbolçu “Mançester Yunayted”ə keçib. Hücumçu şotlandiyalı çalışdırıcı Aleks Ferqyusonun karyerasının son Premyer Liqa çempionluğuna (2012/2013) nail olmasında müstəsnə rol oynayıb. O zaman futbolçu 26 qolla turnirin bombardiri olub. Ümumilikdə van Persi “Mançester Yunayted”də 105 oyunda 58 dəfə fərqlənib.

Bu gün "Əl-Nəsr" klubunun hücumçusu Kriştiano Ronaldo 39 yaşını qeyd edir.

Portuqaliyalının karyerası idman tarixinin ən böyük şəxslərindən birinin inanılmaz səyahətini əks etdirir. 5 fevral 1985-ci ildə Funşal şəhərində anadan olan Ronaldonun gənc istedaddan dünya futbolunun ikonasına yüksəlməsi onun nə qədər zəhmətkeş və əzmli biri olduğundan xəbər verir.

"Sportinq"dəki ilk günlərindən "Mançester Yunayted"dəki sıçrayışına qədər Ronaldo müstəsna istedad, sürət və qol vurma bacarığını bütün dünyaya nümayiş etdirdi. Onun "qırmızı şeytanlar"la yadda qalan nailliyətləri 3 dəfə Premyer Liqada çempionluq, Çempionlar Liqasında qalibiyyət və 2008-ci ildə “Ballon d'Or” mükafatını qazanmaq olub.

2009-cu ildə "Real"a keçid portuqaliyalı üçün peşəkar karyerasında yeni bir səhifə açdı. Burada o, rekordlar qazanmağa davam etdi. 9 illik karyerası ərzində 4 dəfə Çempionlar Liqasının qalibi oldu. Eyni sayda "Qızıl Top" mükafatını qazandı. Madrid təmsilçisində bütün zamanların ən yaxşı bombardiri oldu.

2018-ci ildə Ronaldo İtaliyaya köçərək Turin "Yuventus"unda yeni bir era başlatdı. A Seriyasını fəth etdi və qol maşın kimi öz reputasiyasını qorumağı bacardı. Sonrada köhnə komandası “Mançester Yunayted”ə geri döndü. Amma burda uğursuzluğa düçar oldu. Lakin bu, Ronaldonun möhtəşəm karyerasının üstündən xətt çəkəcək problem deyil. İstinaslar qaydanı pozmur.
Meydandan kənarda xeyriyyəçilik işi və bunlara sadiqliyi onun “yaxşı futbolçu və yaxşı insan” statusunu möhkəmləndirdi.

39-cu ad gününü qeyd etməsinə baxmarayaq, Ronaldo yaşına meydan oxumağa davam edir. Ardıcıl olaraq möhtəşəm performanslar nümayiş etdirir. Kriştiano futbolda mükəmməlliyin simvolu olaraq qalır. Gözəl insanlığı və peşəkarlığı ilə bütün dünyada pərəstişkarlarını ruhlandırmaqda davam edən canlı əfsanə, doğum günün mübarək!

\\Offsideplus.az