 |
|
|
“Real Madrid” ukraynalı qapıçısı Andrey Lunin üçün transfer təkliflərini nəzərdən keçirməyə hazırdır.
Fanat.az xəbər verir ki, bu barədə “DefensaCentral” məlumat yayıb.
Mənbənin məlumatına görə, “Kral klubu”nun prezidenti Florentino Peres ukraynalının satışından 40 milyon avro qazanmaq niyyətindədir. Eyni zamanda, Andreyin “Transfermarkt”da transfer dəyəri 16 milyon avrodur.
Luninin Madrid klubu ilə hazırkı müqaviləsinin müddəti 2025-ci ilin yayına kimi nəzərdə tutulub. 25 yaşlı qolkiper bu mövsüm bütün yarışlarda 28 oyun keçirib və 25 qol buraxıb. O, 12 görüşdə qapısnı toxunulmaz saxlayıb.
İtaliya kubokunun yarımfinal cavab matçında “Latsio” “Yuventus”la üz-üzə gəlib. Romada baş tutan görüş meydan sahiblərinin xeyrinə başa çatsa da, finala qonaqlar vəsiqə qazanıblar.
Matçın 12-ci dəqiqəsində “Latsio” Valentin Kastelanosun səyi ilə önə keçib.
49-cu dəqiqədə o, dubla imza atıb. Lakin 83-cü dəqiqədə Milik “qoca sinyora”nı finala çıxaran topu vurub - 2:1 (2:3).
Xatırladaq ki, aprelin 2-də Turindəki oyunda “Yuventus” 2:0 hesablı qələbə qazanmışdı.
Qeyd edək ki, İtaliya kubokunun finalına ikinci vəsiqə “Atalanta” ilə “Fiorentina” arasında oynanılacaq. İlk görüşdə “Bənövşəyilər” 1:0 hesabı ilə qalib gəliblər. Cavab oyunu aprelin 24-də keçiriləcək.
Türkiyə millisinin və Fransanın “Lill” komandasının futbolçusu Yusif Yazıcı xoşagəlməz hadisə ilə üzləşib.
KONKRET.az xəbər verir ki, 27 yaşlı yarımmüdafiəçinin Fransadakı evi qarət olunub. Hadisə o, ailəsi ilə birlikdə evdə olarkən baş verib. Bu barədə oyunçu şəxsi instaqram hesabında paylaşım edib.
Y. Yazıcı evin giriş qapısında səslər eşidib və dərhal polisə müraciət edib. Futbolçunun çağırışından sonra hadisə yerinə gələn hüquq-mühafizə orqanı əməkdaşları cinayətkarları həbs ediblər.
Qeyd edək ki, Yusif Yazıcı Fransada 3-cü dəfə bu cür halla üzləşib. Daha əvvəl onun avtomobili oğurlanıb.
Bu mövsüm arzuların komandasına çevrilən Xabi Alonsonun “Bayer-04”ü tarix yazmaqda davam edir.
“Football-plus.az” xəbər verir ki, ötən həftəsonu tarixində ilk dəfə ölkə çempionluğunu qazanan “aspirinlər” srağagün “Vest Hem”lə səfər oyunundan 1:1-lik bərabərliklə ayrılmaqla ardıcıl 2-ci mövsüm AL-in yarımfinalına yüksəldi. Ən əsası Leverkuzen təmsilçisi bu mövsüm bütün turnirlər daxil olmaqla məğlubiyyətsiz seriyanı 44 oyuna çatdırdı. Son məğlubiyyət ötən mövsüm bundesliqanın son turunda “Bohum”la oyunda qeydə alınıb (0:3). Bu mövsüm isə “aspirinlər” 38 qələbə, 6 heç-heçəlik mükəmməl seriya yaxalayıb. Bu göstərici XXI əsrdə Avropa futbolunda tam yeni bir rekorddu! Əvvəlki rekord “Yuventus”a məxsus idi. “Qoca sinyora” 2010/11-in son turundan başlayaraq ardıcıl 43 rəsmi oyunda uduzmamışdı. Amma “Bayer-04”ün göstəricisini daha mühüm saymaq olar. Çünki “Yuve” həmin illərdə avrokuboklarda oynamırdı. Komandanın 43 oyunluq məğlubiyyətsiz seriyası yalnız daxili çempionatda və ölkə kubokunda qeydə alınmışdı.
“Bayer-04” “böyük beşlik” klubları arasında tam yeni bir rekord müəyyənləşdirdi və bu göstəricini hələ bir qədər də yeniləyə bilər. Düzdü, həftəsonu komandanı bundesliqada çətin Dortmund səfəri gözləyir. Amma futbol tarixinə nəzər salsaq, görərik ki, “Bayer-04”ün seriyasını yalnız iki klub üstələməyi bacarıb. Söhbət “Seltik”lə (62 oyun) “Yunion”dan (60) gedir. Qlazqo nəhəngi bu göstəricidə dünya rekordunun sahibidi. “Seltik”in bu rekordunun Birinci Dünya Müharibəsinin gedişində qeydə alınması diqqəti çəkir. Komanda təxminən ilyarım – 1915-ci il noyabrın 20-dən 1917-ci il aprelin 14-nə qədər ardıcıl 62 rəsmi oyunda heç kimə uduzmayıb! Ən maraqlısı odu ki, bu seriyanın gedişində “keltlər” hətta bir günə iki oyun keçirməyə də müvəffəq olmuşdular! Bu hadisə 1916-da baş vermişdi. “Seltik” eyni gündə əvvəlcə “Reyt Rovers”i (6:0), sonra da “Motervell”i (3:1) yenmişdi. 16 il sonra Belçika təmsilçisi “Yunion” az qala bu göstəricini təkrarladı. Amma komandanın seriyası 61-ci oyunda qırıldı. “Yunion” o illərdə Belçika futbolunda ağalıq edirdi. Komandanın 11 çempionluğu var və bunların hamısı 1935-ci ilə qədər qeydə alınıb. “Yuventus”dakı xatırlatmanı burda da etmək məcburiyyətindəyik. “Seltik” və “Yunion”un seriyaları zamanı hələ avrokuboklar keçirilmirdi. Bu fakt “Bayer-04”ün göstəricisini daha da unikal edir.
Boru dolduğundan kanalizasiyadakı çirkab küçəyə axır.
Xezerxeber.az xəbər verir ki, kadrlar paytaxtın Sabunçu rayonu 2-ci Zabrat qəsəbəsindəndir.
Turgenev küçəsində yaşayan sakinlər iddia edir ki, bir neçə aydır küçədəki əsas boru doluğu üçün kanalizasiya suyu küçəyə axır. Bu da sakinləri çıxılmaz vəziyyətdə qoyub.
Sakinlər dəfələrlə aidiyyəti qurumlara məlumat verdiklərini deyirlər. Hətta tutulan borunun açılması üçün müəyyən işlər də görülür.
Məsələ ilə bağlı ''Azərsu'' ASC-nin mətbuat katibi Anar Cəbrayıllı bildirdi ki, sözügedən küçədə iri kanalizasiya xəttində tutulma baş verib. Rayon Su Kanal idarəsinin əməkdaşları ''Xəzər Xəbər''in müraciətindən sonra dərhal həmin əraziyə gəlib və boru təmizlənərək açılıb.
Xezerxeber.az mövzu ilə bağlı daha ətraflı videomaterialı təqdim edir.
Serbiyanın paytaxtı Belqradda davam edən boks üzrə Avropa çempionatında Azərbaycan millisinin üç üzvü növbəti mərhələyə adlayıb.
Oxu.Az Azərbaycan Boks Federasiyasının Mətbuat Xidmətinə istinadən xəbər verir ki, yarışın 4-cü günündə Nəbi İsgəndərov (67 kq) 1/8 final çərçivəsində fransalı Huqo Qraunu sınağa çəkib. Döyüş 4:1 (29:28, 30:27, 29:28, 28:29, 29:28) hesabı ilə boksçumuzun xeyrinə başa çatıb. İsgəndərov 1/4 finalda ilk mərhələdən azad olan Laşa Quruli (Gürcüstan) ilə üz-üzə gələcək.
Malik Həsənov (63,5 kq) da çıxışını qələbə ilə başa vurub. O, 1/8 finalda U-22-lər arasında son Avropa çempionu olan ispaniyalı Oyer İbarriçeni 5:0 (29:28, 30:27, 30:27, 30:27, 30:26) hesabı ilə məğlub edib. Həsənov 1/4 finalda Din Klensi (İrlandiya) ilə döyüşəcək.
Sərxan Əliyev (71 kq) isə 1/8 finalda Makkiver Euqenlə (İrlandiya) münasibətinə aydınlıq gətirib. Boksçumuz qələbə sayəsində mərhələ adlayıb. O, ikinci qarşılaşmasında Esgerxan Madiyevlə (Gürcüstan) qüvvəsini sınayacaq.
Rusiyanın MMA promosyonu Hardcore iranlı döyüşçü Əli Heybatini ringdə qızı təpiklədiyi üçün ömürlük diskvalifikasiya etdi.
İran idmançılarının bütün qonorarları qıza veriləcək
Bakının 2026-cı il üçün dünyanın idman paytaxtı olması üçün namizədliyi irəli sürülüb.
Bunu Gənclər və İdman Nazirliyinin İdman şöbəsinin müdiri Elnur Məmmədov Bakı şəhərinin dünyanın idman paytaxtına namizədliyi ilə bağlı keçirilən mətbuat konfransında deyib.
O, Milli Gimnastika Arenasında keçirilən tədbirdə Azərbaycana gələn qonaqların Bakını gəzdiklərini və adət-ənənələrimizlə yaxından tanış olduqlarını bildirib: "Sevindirici haldır ki, Bakının dünyanın idman paytaxtı ilə bağlı namizədliyini irəli sürməsi müsbət qarşılanıb. Hətta bununla bağlı kitab dərc olunub".//Report//
Azərbaycan Premyer Liqasında XXXI turun ikinci oyununda azarkeşlər sırasında əyləşən “Zirə”nin 16 nömrəli oyunçusu Fuad Bayramovun atası maraqlı plakatı ilə diqqət çəkib.
“Qafqazindo” xəbər verir ki, futbolçunun atası “oğlum Fuad, qol vur, atan sevinsin” yazılı pankart açıb.
Qeyd edək ki, aprelin 20-də Azərbaycan Premyer Liqasında XXXI turun ikinci oyununda “Neftçi” “Zirə”nin qonağı olub. Qarşılaşma “Zirə”nin 3:1 hesablı qələbəsi ilə yekunlaşıb. Oyunda bir qolu F.Bayramov vurub.
Əlcəzair əsilli fransalı mütəxəssis Zinəddin Zidanın yeni iş yeri müəyyənləşib.
Fanat.az xəbər verir ki, məlumatı “Mundo Deportivo” yayıb.
Xəbərə görə, Zidan artıq “Bayern Münhen” rəhbərliyi ilə şifahi razılığa gəlib. Mənbə danışıqlar zamanı Zizunun Almaniya nəhənginin rəhbərliyindən yeni transferlər istədiyini, xüsusilə müdafiə xəttinin gücləndirilməsini xahiş etdiyini vurğulayıb.
Xatırladaq ki, Tomas Tuxel cari mövsümün sonunda “Bayern”in baş məşqçi postunu tərk edəcək.
İspaniyanın “Real Madrid” klubunun türkiyəli futbolçusu Arda Güler üçün rəsmi transfer təklifi gəlib.
“Real Madrid”in “Mançester Siti”ni penaltilərlə mübarizədən kənarlaşdırdığı Çempionlar Liqası matçında ehtiyat oyunçular skamyasını tərk etməyən və İspaniya nəhəngindəki karyerası sual altında olan Arda üçün “Sevilya” ilk rəsmi görüşünü keçirib.
Cari mövsümdə göstərdiyi performansla azarkeşlərini məyus edən “Sevilya” növbəti mövsüm heyətini yenidən qurmağa hazırlaşır və bir müddət Arda Gülerlə maraqlanırdı.
İspan mətbuatında dərc olunan xəbərlərə görə, “Sevilya”nın idman direktoru Viktor Orta türkiyəli oyunçunun icarəsi ilə məşğul olan və meneceri işləyən atası ilə ilk rəsmi əlaqəni qurub.
“Real Madrid” gələn mövsümün əvvəlində Arda ilə bağlı qərarını dəyişərsə və icarə variantına yaşıl işıq yandırarsa, “Sevilya” 19 yaşlı futbolçu üçün qapılarını açacaq.
Hərçənd, futbolçunun özü məsələ ilə bağlı heç də müsbət fikirdə deyil. Belə ki, türkiyəli yarımmüdafiəçi icarə əsasında digər kluba keçərsə, gələn mövsüm Çempionlar Liqasında iştirak edəcək komandada çıxış etməyi üstün tutur.