 |
|
|
Kinboksinq və Muay-Tay üzrə 9 qat Dünya, 3 qat Avropa çempionu, Uşusanda üzrə Azərbaycan çempionu, Beynəlxalq dərəcəli və Əməkdar idman ustası Araz Musayev Türkiyədə vurulub.
Gununsesi.info–nun məlumatına görə, ağır yaralanan idmançı xəstəxanaya yerləşdirilib.
Hadisənin səbəbi bilinmir.
Onun bir neçə bıçaq zərbəsi aldığı bildirilir.
Bakıda keçirilən dünya çempionatında 1/4 finala yüksələn 4 komanda müəyyənləşib.
Bu, mundialın 1/8 final mərhələsinin ilk 4 qarşılaşmasından sonra bəlli olub.
Rumıniyanı məğlub edən Azərbaycan yığması növbəti raundda İngiltərəyə rəqib olub. Macarıstan isə yarımfinala gedən yolda Mavritaniya ilə üz-üzə gələcək.
Dünya çempionatı
1/4 final
İngiltərə - Azərbaycan
Macarıstan- Mavritaniya
Qeyd edək ki, 1/8 final mərhələsinin digər 4 oyunu sabah baş tutacaq.
“Krasnodar” 2024/2025 mövsümündə Rusiya çempionu olub.
TEREF xəbər verir ki, klub buna Rusiya Premyer Liqasının 30-cu turunda Moskva “Dinamo”sunu məğlub edərək (3:0) nail olub.
“Krasnodar”ın bu çempionluğu klubun tarixində ilk olub.
Qeyd edək ki, klub çempionatı 67 xalla başa vurub. İkinci yeri 66 xalla “Zenit” tutub.
La Liqa nəhənglərindən "Real Madrid" yeni baş məşqçisinin adını rəsmən açıqlayıb.
Madrid təmsilçisi Xabi Alonso ilə 2028-ci ilin yayınadək sözləşmə imzalayıb.
Müqavilə 2025-ci il iyunun 1-dən qüvvəyə minəcək.
Qeyd edək ki, Alonso 2009-2014-cü illərdə "Real"da forma geyinib.
O, yeni işində Braziliya millisi ilə anlaşan təcrübəli Karlo Ançelottini əvəzləyib.
Luka Modriç “Real Madrid” forması ilə sonuncu dəfə “Santyaqo Bernabeu”da meydandan çıxarkən onu kənarda gözləyən biri var idi…
Luka “kral klubu”nun ardıcıl 3 Çempionlar Liqası qazanan (daha sonra bunun ardıcıl gələcəkdi) əsas heyətinin komandada qalan son üzvü idi. Onun gedişiylə “Real Madrid”də bir dövr bitdi.
Xorvatiyalı 27 yaşında Madrid təmsilçisinə qoşulmuşdu. İndi isə 40 yaşında komandanı tərk edir.
Ronaldu və Messi dövründə “Qızıl top” qazanmaq hər oğlun işi deyildi. Lukito bunu da etdi.
40 yaşlı futbolçu “Real Madrid”də dərin bir iz qoyaraq klubdan ayrılır. Yeri heç də asanlıqla dolmayacaq…
"Liverpul"un hücumçusu Məhəmməd Salah Premyer Liqada mövsümün ən yaxşı futbolçusu seçilib.
Bu barədə Premyer Liqanın mətbuat xidməti "X" sosial şəbəkəsində məlumat yayıb.
2024/2025 mövsümündə 32 yaşlı futbolçu İngiltərə çempionatının 37 matçında iştirak edib, 28 qol vurub və 18 məhsuldar ötürmə edib. Salah "Liverpul"la Premyer Liqanın qalibi olub.
"Los-Anceles Leykers"də çıxış edən ulduz basketbolçusu Lebron Ceyms öz rekordunu təzələyərək 21-ci dəfə Milli Basketbol Assosiasiyasında (NBA) mövsümün simvolik komandasına düşüb.
Məlumat Milli Basketbol Assosiasiyasının saytında dərc edilib.
Eyni zamanda, 40 yaşlı basketbolçu özünün simvolik komandaya düşən ən yaşlı oyunçu rekordunu da təzələyib.
"Real Madrid"in yarımmüdafiəçisi Luka Modriç İspaniya çempionatının 38-ci turunda "Real Sosyedad"la oyunda (2:0) iştirak etməklə kral klubunun heyətində "Santyaqo Bernabeu"dakı son oyununu keçirib.
Komandanın futbolçuları xorvatiyalı yarımmüdafiəçini mühasirəyə alıb, bir neçə dəfə atıb-tutublar.
Daha sonra Modriç demək olar ki, hamı ilə bir-bir qucaqlaşıb.
Qeyd edək ki, 39 yaşlı Modriç komandanın tərkibində qarşıdan gələn klublararası dünya çempionatında iştirak edəcək.
Modriçlə yanaşı, "Real Madrid" baş məşqçisi Karlo Ançelotti ilə də vidalaşıb. Son nitqində italiyalı mütəxəssis göz yaşlarına hakim ola bilməyib.//Oxu.az
Trendyol Super Liqasında mövsümün başa çatmasına iki tur qalmış çempionluğunu rəsmiləşdirən “Qalatasaray” bu gün, 37-ci tur çərçivəsində “Göztepe”nin qonağı olub.
Hurriyyet.az xəbər verir ki, Gürsel Aksel stadionunda keçirilən qarşılaşmada “Qalatasaray” 2:0 hesabı ilə qələbə qazanıb.
Lakin oyundan sonra xoşagəlməz hadisə baş verib. Komandanı stadionun qarşısında gözləyən “Qalatasaray”ın avtobusu daşla hücuma məruz qalıb. Daş zərbəsi klubun 1972-ci ildə qazandığı ilk ulduzun yerləşdiyi hissəyə dəyib və avtobusun şüşəsi sınıb.
Azərbaycanın minifutbol üzrə millisi dünya çempionatında ilk qələbəsini qazanıb.
A qrupunda yer alan yığma Milli Gimnastika Arenasında Sloveniya yığması ilə qarşılaşıb.
Görüş Elşad Quliyevin rəhbərlik etdiyi kollektivin 4:0 hesablı qələbəsi ilə yekunlaşıb.
Millinin heyətində Elvin Əlizadə (10), Mirmehdi Rzayev (11), Xətai Bağırov (25) və Kamran Abdullazadə (40) dəqiq zərbə müəllifi olublar.
Qeyd edək ki, Azərbaycan qrupdakı ilk matçında Bəhreynlə, Sloveniya isə Mavritaniya ilə 1:1 hesablı heç-heçəyə razılaşıb.
