Rusiya klubları və milli komandası böyük ehtimalla, 2025/2026 mövsümündə UEFA bayrağı altında keçirilən yarışlarda iştirak etməyəcək.

Teleqraf “Football Meets Data” statistik platformasına istinadən xəbər verir ki, Rusiyanın kənarlaşdırılmasından bir neçə ölkənin komandası faydalanacaq.

Kipr və Macarıstan çempionları UEFA Çempionlar Liqasının I təsnifat mərhələsindən II-yə, Danimarka kubokunun sahibi Avropa Liqasının I təsnifat mərhələsindən II-yə keçəcək.

Bosniya və Herseqovina, Lixtenşteyn, İrlandiya, Şimali İrlandiya, İslandiya, Lüksemburq və Litva kubokunun sahibləri Konfrans Liqasının I təsnifat mərhələsindən II-yə adlayacaq.

Qeyd edək ki, 2022-ci ilin fevralında Ukraynaya hərbi təcavüzdən sonra Rusiya millisi və klubları beynəlxalq turnirlərdən kənarlaşdırılıb.

İtaliya A Seriyasında 33-cü turun "Milan" - "Atalanta" görüşü başa çatıb.

Oxu.Az xəbər verir ki, San Sirodakı matçda qonaqlar minimal hesablı qələbə qazanıblar - 0:1.

Matçın yeganə qolu 62-ci dəqiqədə vurulub. "Atalanta"nın braziliyalı yarımmüdafiəçisi Ederson fərqlənib.

Bu qələbədən sonra "Atalanta"nın aktivində 64 xal var. Qasperininin komandası İtaliya çempionatının turnir cədvəlində 3-cü yerdədir. "Milan" isə 33 oyundan sonra 51 xala malikdir və 9-cu yerdə qərarlaşıb.

Türkiyədə futbol matçı faciə ilə nəticələnib.

Oxu.Az "Anadolu"ya istinadən xəbər verir ki, hadisə Adanada baş verib.

Çukurova bölgəsinin Karslılar məhəlləsində 38 yaşlı Həsən Bakırhan süni ot örtüklü meydançada futbol oynayarkən qəfil yerə yıxılıb.

Onun ürəktutma keçirdiyi müəyyən edilib. Çukurova Dövlət Xəstəxanasında həyata keçirilən bütün tədbirlərə baxmayaraq, Bakırhanı xilas etmək mümkün olmayıb.

Qazaxıstanda Almatı yarımmarafonunda iştirak edən 84 yaşlı Akkoyan Rsaliyev və 21 yaşlı Nurbol Əhmədi məsafəni qət edərkən həyatını itirib.

TNS xəbər verir ki, bunu yarışı təşkil edən "Birinci Olmaq Cəsarəti" korporativ fondu bildirib.

Təcili tibbi yardım və polis operativ şəkildə müdaxilə etsə də, iştirakçıların həyatını xilas etmək mümkün olmayıb.

Hər iki iştirakçı təcrübəli marafonçu idi. Rsaliyevin ilk kilometrdə vəziyyəti qəfil pisləşib. Əhmədi isə 16-cı kilometrdə huşunu itirib.

"Red Bull" komandasının niderlandlı pilotu Maks Ferstappen "Formula-1" çempionatının beşinci mərhələsində, Səudiyyə Ərəbistanı Qran-prisinin təsnifat mərhələsində qalib gəlib.

Oxu.Az xəbər verir ki, bu barədə RBC məlumat verib.

Qeyd olunur ki, son dörd "Formula-1" çempionatının qalibi mövsümün ikinci, karyerasında isə 42-ci poulunu qazanıb.

İkinci yeri "McLaren"dən avstraliyalı Oskar Piastri, üçüncü yeri isə "Mercedes"dən britaniyalı Corc Rassel tutub.

Üçüncü təsnifat seqmentində mövsümün lideri britaniyalı Lando Norrisin ("McLaren") avtomobili qəzaya uğrayıb və yarışda 10-cu yerdən start götürəcək.

Xatırladaq ki, Səudiyyə Ərəbistanı Qran-prisi yarışı aprelin 20-də, Bakı vaxtı ilə saat 21:00-da başlayacaq.

65 yaşı olmasına baxmayaraq hələ də yarışlara qatılır və bayrağımızı ucaldır. Veteran cüdoçu Fərhad Rəcəbli həm də yaşın sadəcə bir rəqəm olduğunu sübut edir.
12 dəfə dünya, 10 dəfə isə Avropa çempionu olan Fərhad Rəcəbli AStar TV-yə danışıb.

F.Rəcəbli dünyada veteran cüdoçular arasında bu qədər titula sahib olan 2 nəfərdən biridir. O, bundan sonra da yarışlara qatılacağını və bayrağımızı ucaldacağını deyir. /Publika.az

“İnter Mayami”nin argentinalı hücumçusu Lionel Messi uşaqlarının sevimli futbolçularının adını açıqlayıb.
Щ bu barədə “X” sosial şəbəkə hesabında qeyd edib.
“Uşaqlarım hansı oyunçuları sevir? Mbappe, Vinisius, Yamal, Levandovski, Holan…” - deyə Messi bildirib.
Qeyd edək ki, Messi 2023-cü ilin yayından “İnter Mayami”də çıxış edir. Bu müddət ərzində o, bütün turnirlərdə 49 matçda iştirak edib, 42 qol vurub və 21 məhsuldar ötürmə edib. Futbolçunun klubla hazırkı əmək müqaviləsi 2025-ci ilin sonuna qədərdir.
“Transfermarkt” portalında verilən məlumata görə, futbolçunun bazar dəyəri 20 milyon avrodur.
Xatırladaq ki, Messinin Antonella Rokuzzo ilə evliliyindən Tiaqo, Mateo və Çiro adlı üç oğlu var.

UEFA Çempionlar Liqasında 1/4 final mərhələsinin cavab matçlarının ardından həftənin rəmzi komandası açıqlanıb.

Heyətdə “İnter” (İtaliya), PSJ (Fransa), “Borussiya”, Bavariya (hər ikisi Almaniya), “Aston Villa” və “Arsenal”ın (hər ikisi İngiltərə) futbolçuları yer alıb.

Qapıçı:Canluici Donnarumma (PSJ).

Müdafiəçilər:Benjamen Pavar (“İnter”), Ezri Konsa (“Aston Villa”), Yakub Kivyor (“Arsenal”), Nunu Mendeş (PSJ).

Yarımmüdafiəçilər: Maykl Olise (“Bavariya”), Paskal Qros (“Borussiya” Dortmund), Deklan Rays (“Arsenal”), Con Makqinn (“Aston Villa”).

Hücumçular:Lautaro Martines (“İnter”), Seru Qirassi (“Borussiya”).