 |
|
|
UEFA Çempionlar Liqasının 1/4 final mərhələsinə bu gün yekun vurulub.
“Report” xəbər verir ki, ikinci oyun günündə son yarımfinalçılar müəyyənləşib.
"Real" doğma meydanda "Arsenal"la üz-üzə gəlib.
"Bavariya" klubu isə İtaliyada "İnter"in qonağı olub.
UEFA Çempionlar Liqası
1/4 final, cavab oyunları
16 aprel
23:00. “Real” (İspaniya) – “Arsenal" (İngiltərə) 1:2 (1:5)
İlk oyun - 0:3.
23:00. “İnter" (İtaliya) - "Bavariya" (Almaniya) 2:2 (4:3)
İlk oyun - 2:1.
Qeyd edək ki, UEFA Çempionlar Liqasının yarımfinal mərhələsinə aprelin 29-da start veriləcək.
Rövşən Nəcəf: Danışılmış oyunlara getməməyi xahiş yox, tələb edirik...
Poliqon xəbər verir ki, aprelin 11-də AFFA-nın hesabat yığıncağında çox maraqlı və hətta cinayət mövzulu qalmaqal yaşanıb. AFFA-nın yığıncağında danışılmış oyunlarla bağlı məsələ müzakirəyə çıxarılıb. Bəzi iştirakçılar danışılmış oyunlardan və mərclırdən narahatlıqlarını ifadə ediblər və bundan sonra AFFA-nın vitse-prezidenti Sərxan Hacıyev klublardan xahiş edib ki, danışılmış oyunlara və mərcləri nəzarətdə saxlasınlar.
Sərxan Hacıyevin klublara belə qəribə xahişlə müraciət etməsi isə AFFA prezidenti Rövşən Nəcəfin xoşuna gəlməyib və AFFA prezidenti replika ilə çıxış edərək bildirib ki, danışılmış oyunlara getməməyi xahiş yox, tələb etmək lazımdır.
Doğrudan da Rövşən Nəcəfin bu replikası yerində səslənib və bəlkə də bu replika səslənməsəydi, AFFA rəsmisinin bu xahişi rəzalət kimi tarixə düşəcəkdi. Çünki danışılmış oyunların cinayət xarakteri daşıdığını nəzərə alarsaq, Sərxan Hacıyevin xahişi heç də yerinə düşmür. Belə çıxır ki, cinayət edən tərəfdən elədikləri cinayətləri nəzarətdə saxlamağı xahiş olunur və bu da absurddur.
Xatırladaq ki, AFFA-da danışılmış oyunların müzakirəyə çıxarılması da təsadüfi deyil. Məsələ ondadır ki, Primyer Liqa və mərclər UEFA-nın nəzarətində olduğuna görə, Azərbaycan Primyer Liqasında danışılmış oyunların “nəzarətdə saxlanılması” da artıq problemə çevrilib və AFFA-da cidanı çuvalda gizlətmək üçün hərəkətə keçib...
Qeyd edək ki, elə ötən həftə keçirilən oyunlarda 3 matçda oyunların danışıldığı açıq şəkildə hiss olundu. Onlardan biri “Turan Toviz”la “Sabah” arasındaa keçirilmiş oyun oldu. Birinci hissədə “Turan” “Sabah”a uduzsa da, hakim fasilədə “Sabah”ın futbolçusuna qırmızı vərəqə göstərib və ikinci hissədə “Turan Tovuz” 2-1 qalib gəlib. İkinci oyun “Sumqayıt”la “Şamaxı” kubları arasında keçirilən oyundur ki, “Sumqayıt” birinci hissə 1-0 üstünlüklə başa vursa da, ikinci hissədə isə “Şamaxı” iki qol vurub. Üçüncü danışılmış oyun isə “Neftçi” və “Zirə” arasında baş tutub. “Neftçi” birinci hissədə 2-0 öndə olsa da, matç 4-2 hesabı ilə “Zirə”nin xeyrinə bitib. Qeyd edək ki, bu üç oyunda “drob” əmsallar 60 mindən artıq olub və bu da dələduzluğun səviyyəsini açıq şəkildə göstərir.
Maraqlıdır ki, bir çox AFFA rəsmiləri bu tip cinayət xarakterli dələduzluqlara qarşı mübarizə aparmır, sadəcə danışılmış oyunları “nəzarətdə saxlamağa” çalışır. Bu da AFFA-nın vitse-prezidenti Sərxan Hacıyevin “xahişində” özünü təsdiq edir. Bu günə qədər AFFA-nın tarixində hansısa danışılmış oyunun araıdırılması ilə bağlı heç bir nümunə də yoxdur...
İşin daha maraqlı tərəfi isə odur ki, danışılmış oyunları kim idarə edir? Açığı, dələduzluğun mərkəzləşdirilmiş şəkildə həyata keçirildiyini nəzərə alarsaq, ilk baxışda bunu edə biləcək iki qurum diqqəti cəlb edir. Onlardan biri elə AFFA-nın özü, digəri isə “Misli”dir. Ya da danışılmış oyunları AFFA “Misli” ilə birlikdə idarə edir...
Xatırladaq ki, “Milsi” və “Topaz” Azərbaycanda futbol mərclərinin rəsmi və monopolist dileri kimi çıxış edirlər və əslində bu iki mərc kontoru da bir əldən idarə olunur.
“Misli” həmçinin Azərbaycan primyerliqasının rəsmi sponsorudur və “Misli”nin sponsorluğu AFFA-nın hesabatında da keçir ki, bu barədə ikinci yazımızda...
Son vaxtlar «Qarabağ»a təklif olunan hücumçuların sayı 14-ə çatıb.
TEREF xəbər verir ki, bir çox menecerlər tərəfindən adları təqdim edilmiş ön xətt oyunçularının siyahısının daha da genişlənməsi gözlənilir.
Burada Türkiyə, İspaniya, Niderland, Polşa, Belçika, Braziliya, Argentina, Fransa kimi Avropa və dünyanın bir sıra ölkələrinin çempionatında çıxış edən forvardlar yer alır.
Artıq onlardan 3-4 nəfərlə təmas qurulub. Qurban Qurbanov irəli zonaya ən azı iki transfer düşünür.
Baş məşqçinin niyyəti onlardan birini hücumun sivri ucunda, digərini isə onun arxasında oynatmaqdır.
«Köhlən atlar» yanvarda Olavio Juninyonu 5 milyon avro təzminat qarşılığında «Flamenqo»ya satıb. İyunda isə Redon Cica ilə yolların ayrılması gözlənilir. (Sportinfo.az)
Azərbaycanın yunan-Roma güləşçisi Nihat Məmmədli Slovakiyanın paytaxtı Bratislavada keçirilən Avropa çempionatının qalibi olub.
Apasport.az xəbər verir ki, 60 kq çəki dərəcəsində yarışan idmançı finalda serbiyalı Georgi Tibilovu məğlub edib.
Rəqibini 7:3 hesabı ilə üstələyən təmsilçimiz 2-ci dəfə Avropa çempionu adını qazanıb.
Qeyd edək ki, daha əvvəl sərbəst güləşçilər 1 qızıl, 1 gümüş və 4 bürünc, yunan-Roma güləşçilərimiz isə 1 gümüş və 1 bürünc qazanıblar. Qadınlardan isə Jalə Əliyeva (57 kq) bürünc mükafat əldə edib.
Moskvanın "Lokomotiv " klubunun və Ukrayna milli komandasının keçmiş futbolçusu Aleksandr Əliyev Kiyevdə saxlanılıb.
Bu barədə “Strana.ua” nəşri məlumat yayıb .
Məlumata görə, keçmiş futbolçunun saxlanılmasına səbəb sərxoş vəziyyətdə avtomobili idarə etməsi olub. Sərnişin oturacağında olan qadının isə polis maşınının kapotuna çıxdığı qeyd edilir.
Əliyev İnstaqram səhifəsində ayıq olmaması ilə bağlı məlumatları təkzib edib.
Adı daim qalmaqallarda hallanan çeçen əsilli keçmiş futbolçu Aleksandr Əliyev 2019-cu ildə həyat yoldaşı Tatyananı döydüyü üçün cinayət məsuliyyətinə cəlb edilmişdi.
Türkiyə Super Liqasında 31-ci turun görüşləri davam edir.
"Cebheinfo.az" xəbər verir ki, “Beşiktaş” doğma azarkeşlər önündə “Başakşəhər”lə üz-üzə gəlib.
“Qara qartallar” rəqibinə 0:2 hesabı ilə məğlub olub.
Liqada qalibiyyətsiz seriyası 2 matçdır davam edən “Beşiktaş” 48 xalla 4-cü pillədə qalıb. Ardıcıl 3-cü qələbəsini qazanan “Başakşəhər” isə xallarını 45-ə yüksəldib və 6-cı pillədə qərarlaşıb.
Azərbaycan Futbol Federasiyaları Assosiasiyası (AFFA) 2024-cü ilin maliyyə hesabatını açıqlayıb. Rəqəmlər nəinki futbol ictimaiyyətində, eləcə də cəmiyyətdə ciddi suallar doğurub. Hesabata əsasən, ötən il AFFA ümumilikdə 33 milyon 448 min manat vəsait xərcləyib.
Bu vəsaitin bölgüsü isə belədir:
15 milyon manatdan çoxu – A milli komanda üçün
6 milyon manatı – əməkhaqqı və ezamiyyələr
Qalan məbləğ – infrastruktur, tədbirlər, gənclər proqramları və federasiyanın digər ehtiyaclarına xərclənib.
Bütün bu vəsaitə baxmayaraq, A milli komandanın 2024-cü ildəki çıxışı ciddi tənqidlərə səbəb olub.
33 milyon manatın “meydandakı qarşılığı”
Azərbaycan millisi 2024-cü ildə 10 oyun keçirib. Onlardan 6-sı rəsmi, 4-ü isə yoldaşlıq matçıdır.
Rəsmi oyunlarda:
6 keçirilən oyun
3 vurulan qol
17 buraxılan qol
5 məğlubiyyət, 1 heç-heçə
Yoldaşlıq oyunlarında:
4 keçirilən oyun
2 qələbə, 1 heç-heçə, 1 məğlubiyyət
6 vurulan və 6 buraxılan qol
Bu statistika göstərir ki, xərclənən pulların meydandakı qarşılığı isə demək olar ki, yoxdur.
Gürcüstan nümunəsi: Daha az pula daha çox uğur
AFFA-nın bu qədər xərclədiyi bir vaxtda qonşu Gürcüstan nümunəsi çox düşündürücüdür. Gürcüstan Futbol Federasiyası (GFF) illik təxminən 6 milyon dollarlıq (təxminən 10 milyon manat) büdcə ilə fəaliyyət göstərir. Lakin nəticə tam fərqlidir:
Gürcüstan millisi tarixində ilk dəfə Avro-2024-ün final mərhələsinə yüksəlib.
Bu fakt göstərir ki, nəticə əldə etmək üçün təkcə pul kifayət etmir. Effektiv idarəetmə, şəffaflıq və strategiya uğurun əsas açarlarıdır.
FİFA reytinqində də geriləmə
Azərbaycan millisi 2025-ci ildə keçirdiyi uğursuz oyunların (Haiti – 0:3, Belarus – 0:2) ardından FİFA reytinqində də 2 pillə geriləyib. Son açıqlanan reytinqə əsasən, komandamız 117-ci yerdən 119-cu yerə düşüb. Hazırda yığmamızın aktivində 1150,64 xal var.
Azərbaycanın yaxın qonşuları siyahıda:
Şimali Koreya – 118-ci yer
Toqo – 120-ci yer
Sual budur: 33 milyon hara gedir və niyə?
Bu qədər vəsait xərclənib, amma nə nəticə, nə sistemli inkişaf, nə də ictimai etimad var. AFFA-nın hesabatı xərcləri sadalayır, lakin bu xərclərin real faydası və effektivliyi barədə heç bir izahat verilmir.
Futbol ictimaiyyəti isə haqlı olaraq soruşur:
Bu qədər vəsait hara gedir?
Milli komandanın zəif çıxışına görə cavabdeh kimdir?
Hesabat var, amma nəticə niyə yoxdur?
AFFA-nın bu qədər vəsait sərf etməsinə baxmayaraq, nəticənin olmaması göstərir ki, təkcə maliyyə deyil, idarəetmə və yanaşma tərzi də dəyişməlidir. Azərbaycan futbolunun yenidən inam qazanması üçün şəffaflıq, cavabdehlik və real strategiya əsas prioritet olmalıdır.
Əgər 33 milyon manatla belə nəticə əldə olunursa, görən yaxşı nəticə üçün AFFA-ya nə qədər vəsait lazımdır?
trbunanfo
"Liverpul"un şərəfini qoruyan Alisson Beker "Qalatasaray"dan yüksək məvacib tələb etdiyi üçün keçid baş tutmayıb.
Oxu.Az "SporX"ə istinadən xəbər verir ki, Alisson Beker "Qalatasaray"dan 25 milyon avro tələb edib.
"Sarı-qırmızılar" bu məbləği ödəyə bilməyəcəkləri üçün transferdən imtina ediblər.
Qeyd edək ki, "Qalatasaray" mövsümün sonunda komandadan ayrılacaq Fernando Musleranın əvəzləyicisini axtarır.
UEFA Çempionlar Liqasının 1/4 final mərhələsinin daha iki matçı keçirilib.
“Report” xəbər verir ki, PSJ evdə “Aston Villa” ilə qarşılaşıb. Oyun meydan sahiblərinin 3:1 hesablı qələbəsi ilə yekunlaşıb.
“Borussiya” isə səfərdə “Barselona”nın qonağı olub. Qarşılaşma meydan sahiblərinin 4:0 hesablı qələbəsi ilə başa çatıb.
UEFA Çempionlar Liqası
1/4 final, ilk oyunlar
9 aprel
23:00. PSJ (Fransa) - “Aston Villa” (İngiltərə) – 3:1
23:00. “Barselona” (İspaniya) - “Borussiya” (Dortmund, Almaniya) – 4:0.
Qeyd edək ki, 1/4 final mərhələsinin cavab qarşılaşmaları aprelin 15-16-da baş tutacaq.
"Arsenal"ın yarımmüdafiəçisi Deklan Rays Çempionlar Liqasının tarixinə düşüb.
Oxu.Az xəbər verir ki, ingilis futbolçu turnirin pley-offunda bir oyunda cərimə zərbəsindən "Real Madrid"ə iki qol vuran ilk oyunçu olub.
O, 1/4 finalda standart vəziyyətdən sonra "Real Madrid"in qapısından iki top keçirib. Deklana kimi Çempionlar Liqasında 4 futbolçu bir matçda iki dəfə cərimə zərbəsindən fərqlənib. Əvvəllər "Barselona"da Rivaldo ("Milan", 2000), "Real Madrid"də Kriştianu Ronaldu ("Sürix", 2009), PSJ-də Neymar ("Srvena Zvezda", 2018) və "Qalatasaray"da Hakim Ziyeş ("Mançester Yunayted", 2023) bu uğura imza atıblar.
Qeyd edək, "Arsenal" 1/4 finalın ilk matçında öz meydanında "Real Madrid"in qapısından 3 cavabsız top keçirib.