 |
|
|
Firari Timur Cihantimur'un ölümüne neden olduğu Oğuz Murat Aci'nin eşi Şükriye Aci, maddi manevi zararının karşılandığını belirterek şikayetinden vazgeçti. Oğuz Murat Aci'nin babası Özer Aci, gelinin şikayetini geri çekmesi karşılığında tam 100 milyon TL aldığını iddia etti.
Firari Timur Cihantimur'un ehliyetsiz kullandığı otomobille ölümüne neden olduğu Oğuz Murat Aci'nin eşi Şükriye Aci, dilekçe vererek şikayetinden vazgeçti.
Şükriye Aci maddi ve manevi tüm zararının karşılandığını belirtti.
Oğuz Murat Aci'nin “Oğlumun kanını kaç liraya sattın” diyerek isyan eden babası Özer Aci gelininin şikayetini geri çekmesi karşılığında Cihantimur ailesinden tam 100 milyon TL aldığını iddia etti.
GELİNİNE TEPKİ GÖSTERDİ: 100 MİLYONA SATMIŞ
Kayınpeder Aci, gelinin davadan vazgeçme karşılığında 100 milyon lira aldığını söyledi.
Özer Aci, "Yazıklar olsun, karşı tarafa da yazıklar olsun. Benim elimdeki delil karşı taraftan 100 milyon lira aldığı yönünde. Davadan vazgeçtiğine göre oğlumun kanını 100 milyona satmış" diyerek gelinine tepki gösterdi.
"DAVAMA DEVAM EDECEĞİM"
Davasından vazgeçmeyeceğini defalarca vurgulayan baba Aci, şöyle devam etti: "Davaya devam edeceğim, sonuna kadar. Böyle olmasaydı daha güçlü olurduk. Güçsüzleştik. Sizler var olduğunuz müddetçe, kamuoyunun vicdanı rahatlayana kadar ben mücadeleme devam edeceğim."
Halk TV
Ermənistan Avropa İttifaqına üzv olmaq üçün rəsmi müraciət etməyib və bu istiqamətdə heç bir danışıqlar aparılmır. Bu barədə Ermənistanın xarici işlər naziri Ararat Mirzoyan açıqlama verib.
Musavat.com xəbər verir ki, nazir Ermənistanın xarici siyasi kursu ilə bağlı yayılan iddialara aydınlıq gətirib.
“Ermənistan Aİ-yə üzvlük üçün heç bir ərizə təqdim etməyib və bu istiqamətdə hazırda danışıqlar da aparılmır,” – deyə Mirzoyan bildirib.
O həmçinin vurğulayıb ki, Ermənistanın Rusiya ilə müttəfiqlik münasibətlərini yenidən nəzərdən keçirmək planı yoxdur.
Musavat.com
Azərbaycan Prezidenti İlham Əliyevin bölgəyə sülhü gətirəcək lider olaraq tarixə düşəcəyinə əminəm.
“Report”un Budapeştə ezam olunmuş əməkdaşı xəbər verir ki, bu barədə Türkiyə Prezidenti Rəcəb Tayyib Ərdoğan mayın 21-də Macarıstanın paytaxtı Budapeştdə keçirilən Türk Dövlətləri Təşkilatının (TDT) Dövlət Başçıları Şurasının qeyri-rəsmi iclasında danışıb.
O əlavə edib ki, Azərbaycan və Ermənistan arasında sülh müqaviləsinin mətninin razılaşdırılması bu istiqamətdə mühüm addımdır.
Rusiya xarici işlər naziri Sergey Lavrov İrəvanda erməni jurnalistin sualına cavab olaraq Ermənistanın uzun illər boyu Azərbaycan ərazilərini məhz Rusiya silahı ilə işğal etdiyini etiraf edib.
Musavat.com xəbər verir ki, Lavrov bu fikirləri Qarabağ müharibəsində Azərbaycanın Rusiya istehsalı silahlardan istifadə etməsi ilə bağlı irəli sürülən ittihamlara cavab olaraq səsləndirib.
“Azərbaycanın Rusiya silahı istifadə etməsinə gəlincə, xatırladım ki, Ermənistan da müstəqillik əldə etdikdən sonrakı bütün illər ərzində Rusiya silahından istifadə edib. O cümlədə 7 rayonun işğalı üçün də" – deyə Lavrov vurğulayıb.
O əlavə edib ki, Ermənistan həmin ərazilərdə uzunmüddətli mövqe tutmaq üçün ciddi istehkamlar qurub və bəzi ekspertlərin fikrincə, bu müdafiə sistemlərinin xarakteri o torpaqların heç vaxt geri qaytarılmayacağı niyyətini göstərirdi.
Lavrov Ermənistan rəhbərliyinin heç vaxt Dağlıq Qarabağı müstəqil dövlət kimi tanımaq təşəbbüsü göstərmədiyini də xüsusi olaraq qeyd edib.
“Rusiya silahı dünyanın bir çox ölkələrində var. Məsələn, Mozambik bayrağında da Kalaşnikov avtomatı əks olunub. Amma bu, həmin silahların hər yerdə bizim istədiyimiz məqsədlə istifadə olunduğu anlamına gəlmir,” – deyə o əlavə edib.
Musavat.com
"Axios" Avropa liderlərinin Trampın Putinlə telefon danışığından sonrakı müzakirələrinin detalları barədə məlumat yayıb. "Axios"-un məqaləsindən əsas tezislərlə tanış olun(tərcümə).
Putinlə danışıqdan əvvəl Tramp Zelenskiyə zəng edərək, Putinlə söhbət zamanı nə deməli olduğunu soruşub. Zelenski Trampın bu məsləhətləşməsindən məmnun qalıb. O, Trampdan dərhal atəşkəs tələb etməyi, əks halda sanksiyalar tətbiq olunmasını və Ukraynanın razılığı olmadan Putinə heç bir güzəşt edilməməsini istəyib.
Putinlə danışıqdan dərhal sonra Tramp Zelenski, Makron, Merts, Meloni, Ursula fon der Lyayen və Aleksandr Stubbla(Finlandiya) keçirilən onlayn konfransa qoşulub. Gün ərzində Trampla 2-ci danışığını Zelenski belə şərh etdi: "Bu zəng daha uzun sürdü və tamamilə fərqli bir tonda keçdi".
Tramp onlayn konfrans iştirakçılarına bildirib ki, Putin atəşkəslə bağlı birbaşa danışıqlara başlamağa razılaşıb. Bu açıqlamadan sonra bir neçə saniyəlik sükut yaranıb. Zelenski xatırladıb ki, danışıqların ilk mərhələsi artıq İstanbulda baş tutub. Tramp bu haqda konkret cavab verməyib.
Zelenski və digər liderlər Trampa 30 günlük atəşkəs ideyasının məhz ona məxsus olduğunu xatırladıblar. Daha sonra Ağ Evin rəsmisi "Axios"-a bildirib ki, Tramp heç vaxt atəşkəsi danışıqlardan əvvəlki şərt kimi irəli sürməyib və Zelenskinin danışıqların şərtlərini müəyyənləşdirmə səlahiyyətinə malik olduğunu deməyib.
Avropa liderləri sanksiyalarla bağlı sual verdikdə, Tramp bunun yaxşı fikir olmadığını(???) bildirib və vurğulayıb ki, Putin razılığa gəlmək istəyir. Corciya Meloni soruşub: "Heç olmasa danışıqlar gedən müddətdə iki həftəlik atəşkəs elan etmək olmazmı?" Fridrix Merts isə Rusiya tərəfinin hansı güzəştlərə hazır olduğunu soruşub.
Tramp bildirib ki, Putin atəşkəsin və müharibənin başa çatmasının şərtlərini əks etdirən "sülh memorandumu" təqdim edəcək. Trampın sözlərinə görə, o, Putindən elə bir sənəd təqdim etməsini istəyib ki, bu sənəd dərhal rədd edilməsin və real danışıqlar üçün əsas yaratsın.
Ağ Evin rəsmisi qeyd edib ki, Rusiya aylardır münaqişənin sona çatması ilə bağlı mövqeyini rəsmi sənəd şəklində təqdim etməkdən imtina edirdi. Ona görə də Putinin bu addıma razılıq verməsi artıq əhəmiyyətli bir irəliləyiş hesab olunur.
Meloni və Merts qeyd ediblər ki, ABŞ və Avropa İttifaqı danışıqlara cəlb olunmalıdır. Meloni deyib: "Kimsə hakim olmalıdır". Merts isə bütün tərəflərin iştirakı ilə ortaq görüşün keçirilməsini təklif edib. Tramp isə sonradan danışıqlar üçün Vatikanı mümkün məkan kimi irəli sürüb.
Finlandiya Prezidenti Aleksandr Stubb Trampdan soruşub: "Növbəti addımlar nə olacaq?"
Tramp cavabında bildirib: "Bilmirəm. Kimsə çıxıb deməlidir ki, danışıqlar yaxşı gedir, ya pis - sonra biz qərar verərik".
Kamran Cəfərov
TEREF
Böyük Britaniyanın baş naziri və Leyborist Partiyasının lideri Kir Starmerin evinin və avtomobilinin yandırılması ilə bağlı aparılan istintaqda ikinci şübhəlilərdən biri ukraynalı model Stanislav Karpiuk olduğu məlum olub.
Musavat.com xəbər verir ki, bu barədə məlumatı The Sun nəşri yayıb.
Qeyd edilib ki, 26 yaşlı Stanislav Karpiuk Ukraynanın Çernovtsi şəhərində anadan olub, sonradan Rumıniya vətəndaşlığı alaraq hazırda Londonda yaşayır.
O, özünü peşəkar model kimi təqdim edir və beynəlxalq modelçilik platforması Starnow-da profilinə görə, yaxın zamanda model karyerasına başlayıb. Profilində Karpiuk “Dünyanın ən yaxşı kişi modellərindən biri olmaq” arzusunda olduğunu vurğulayır.
İstintaqçılar onun bu hadisə ilə əlaqəsini araşdırır və indiyə qədər onun iştirak səviyyəsi dəqiqləşdirilməyib. Polis əməkdaşları həmçinin Starmerin evinə qarşı törədilən digər vandalizm aktları ilə bağlı digər şübhəliləri də müəyyənləşdirməyə çalışırlar.
Musavat.com
ABŞ Prezidenti Donald Tramp keçmiş prezident Co Baydenin fiziki və zehni sağlamlığındakı problemləri bilə-bilə gizlədən komandasını ağır ittihamlarla hədəfə alıb.
Musavat.com xəbər verir ki, Trampın sözlərinə görə, bu şəxslər ölkə təhlükəsizliyini ciddi risk altına atıblar.
“Onlar prezidentliyi oğurladılar, bizi böyük təhlükə ilə üz-üzə qoydular. Bu, ən yüksək səviyyədə dövlətə xəyanətdir! Məqsədləri ölkəni dağıtmaq idi.”, -deyə ABŞ prezidenti qeyd edib.
Tramp əlavə edib ki, bu şəxslər Baydenin sənədlərə avtomatik imza atan cihazından istifadə edərək idarəetməni ələ keçiriblər və bu faktların ictimaiyyətdən gizlədilməsi ABŞ tarixindəki ən böyük siyasi qalmaqallardan biri sayılmalıdır.
Toğrul İSMAYIL,
Musavat.com
İran sahilləri yaxınlığında Birləşmiş Ərəb Əmirliklərinə bağlı və Panama bayrağı altında üzən bir tanker naməlum şəxslər tərəfindən ələ keçirilib.
Musavat.com xəbər verir ki, bu barədə “Reuters” agentliyi dəniz təhlükəsizliyi üzrə ixtisaslaşan Britaniyanın “Ambrey” şirkətinə istinadən məlumat yayıb.
İnsidentin İranın Oman körfəzi sahilində yerləşən Casq limanından 51 dəniz mili (təxminən 94,5 km) məsafədə baş verdiyi bildirilib.
Gəmi heyəti təcili radio siqnalı verərək hücum və mümkün ələ keçirilmə barədə xəbər verib.
Hadisə ilə bağlı araşdırmalar davam etdirilir.
Musavat.com
Dünya mətbuatı bir müddətdir Qətər hökumətinin ABŞ-a hədiyyə verməyi planlaşdırdığı 400 milyon dollarlıq təyyarədən danışır.
Sherg.az xəbər verir ki, iddialara görə, Donald Tramp administrasiyası Qətərə müraciət edərək “Air Force One” kimi istifadə oluna biləcək bir “Boeing 747” təyyarəsi almaq istəmişdi.
Bu iddialar, ABŞ Prezidentinin “Qətərin onunla əlaqə saxladığı və təyyarəni hədiyyə olaraq təklif etdiyi” açıqlamaları ilə ziddiyyət təşkil edir.
Tramp vəzifəyə başladıqda məlum olub ki, Boeing şirkəti mövcud prezident təyyarələrinin əvəzlənməsi üçün hazırlanan yeni təyyarələri azı 2 il ərzində təhvil verə bilməyəcək.
Lakin Tramp administrasiyası ehtiyat bir təyyarə istəyirdi və ABŞ Hərbi Hava Qüvvələri bu məqsədlə müxtəlif variantları araşdırırdı.
Bu müddətdə ABŞ Prezidenti, Yaxın Şərq elçisi Stiv Vitkoffdan (Steve Witkoff) uyğun təyyarələrin siyahısını hazırlamasını istəyib.
Pentaqonun Boeing ilə ilkin görüşündən sonra şirkət, işlək vəziyyətdə olan təyyarələri olan müştərilərin siyahısını təqdim edib.
Mövzuya yaxın ikinci bir mənbənin dediyinə görə, “Qətər də bu müştərilərdən biri idi.”
Pentaqonun “təyyarəni almağı təklif etdiyi”, Qətərin isə onu satmaqda maraqlı olduğu bildirilib.
Üçüncü bir mənbənin açıqlamasına görə, Ağ Evin bu fikri dəstəklədiyi məlum olduqdan sonra Pentaqon Qətərlə danışıqlara başlayıb və Vitkoff ilkin təmasların qurulmasında vasitəçilik edib.
Tramp bu razılaşmanı Qətər kral ailəsindən gələn bir “jest” və ya “töhfə” kimi təqdim etməkdə israr edir. O, sosial media platforması “Truth Social”da “BU BİR HƏDİYYƏDİR, ÖDƏNİŞSİZDİR” paylaşımı edib.
Vaşinqton və Doha hər iki tərəf razılaşsa belə, bu transferin ABŞ və Qətər Müdafiə Nazirlikləri arasında rəsmi və hüquqi bir əməliyyat olacağını vurğulayıb.
Tramp öz partiyası daxilində belə tənqid olunduğu halda, Qətər bu təyyarənin Trampa şəxsi hədiyyə olmadığını, dövlətlərarası bir razılaşma olduğunu bildirib.
Bu plan, ABŞ Konstitusiyasının hökumət vəzifəlilərinə “hər hansı bir kral, şahzadə və ya xarici dövlətdən” hədiyyə qəbul etməyi qadağan etməsi səbəbilə ciddi etik suallar doğurur.
ABŞ Senatının azlıq lideri Çak Şumer isə Prezident Donald Trampın Qətər tərəfindən hədiyyə verilməsi nəzərdə tutulan lüks təyyarədən rəsmi nəqliyyat vasitəsi kimi istifadə etməsinin qarşısını almaq üçün yeni qanun layihəsi təqdim edib.
Türkiyə Böyük Millət Məclisinin (TBMM) sədri Numan Kurtulmuşun Şah İsmayıl Xətaiyə dair verdiyi son açıqlama ictimai və siyasi çevrələrdə geniş müzakirələrə səbəb olub.
Musavat.com xəbər verir ki, parlament rəhbəri çıxışında Osmanlı-Səfəvi münasibətləri kontekstində aşağıdakı fikirləri səsləndirib:
“Anadolu torpaqlarını başdan ayağa zülmlə inildədən Şah İsmayıla qarşı Yavuz Sultan Səlim və İdris-i Bitlisi arasında qurulan ittifaq, bu torpaqlarda müsəlman icmaların birgə yaşamasına şərait yaratdı”.
Kurtulmuşun bu fikirləri müxtəlif tarixçi və ictimai dairələrdə mübahisəli qarşılanıb. Sosial şəbəkələrdə və media platformalarında çıxışa münasibətlər birmənalı olmayıb.
Xatırladaq ki, bu cür fikirlər təkcə Numan Kurtulmuşla məhdudlaşmır. Türkiyə prezidenti Rəcəb Tayyib Ərdoğan da bir neçə gün əvvəl Şah İsmayıl Xətai və Əmir Teymur haqqında sərt ifadələr işlədib.
AK partiya liderlərinin bu yanaşımı Azərbaycanda etirazlar doğurub.
Musavat.com