 |
|
|
Narkotik vasitələrin istifadəsi ilkin mərhələdə gizli saxlanılsa da, zaman keçdikcə bəzi əlamətlərlə özünü büruzə verir. Bu əlamətlər arasında yuxusuzluq, əsəbilik, sürətli arıqlama və davranışda lənglik xüsusilə nəzərə çarpır. 01.05.2025 tarixinə olan məlumata əsasən, ölkə üzrə Səhiyyə Nazirliyinin Respublika Narkoloji Mərkəzində qeydiyyatda olanların sayı 41 231 nəfər təşkil edir.
Musavat.com-un xəbərinə görə, bu barədə Səhiyyə Nazirliyi Respublika Narkoloji Mərkəzinin baş direktoru Fəzail Sadıqov nazirliyin rəsmi “Instagram” səhifəsində keçirilən canlı yayım zamanı məlumat verib.
Onun sözlərinə görə, qeydiyyatda olan şəxslərdən 1 042 nəfəri qadındır.
"Son zamanlar hüquq-mühafizə orqanlarının narkotik vasitələrin qanunsuz dövriyyəsinə qarşı apardığı mübarizə, eləcə də xəstələrin könüllü şəkildə müalicəyə müraciət etməsi müsbət hal kimi qiymətləndirilməlidir", – deyə F.Sadıqov qeyd edib.
Direktor əlavə edib ki, narkotik vasitələrə qarşı psixoloji asılılıq ilkin mərhələdə, fiziki asılılıq isə adətən 2-3 həftəlik istifadədən sonra yaranır:
"Valideynlər övladlarını diqqətlə müşahidə etməlidirlər. Narkotik istifadəsi zamanı ünsiyyət problemləri dərhal nəzərə çarpır. Stres, əsəbilik, sosial təcrid, yuxusuzluq kimi ilkin simptomlara diqqət yetirilməlidir. Bəzi hallarda, istifadə olunan maddənin növündən asılı olaraq normadan artıq danışmaq, yersiz hərəkətlər, sayıqlama, hallüsinasiya və tez-tez qıcıqlanma halları müşahidə oluna bilər".
Fəzail Sadıqov sonda vurğulayıb ki, yeniyetmələrdə davranış pozuntuları daha tez və daha aydın şəkildə özünü büruzə verir.
Musavat.com
Hindistanda qohumları ailəsini atıb 30 yaşlı sevgilisi ilə qaçan yaşlı qadına qarşı şikayət edib.
TEREF xəbər verir ki, hadisə Uttar Pradeş ştatının Lalitpur rayonunda baş verib. Bir kişi polisə yaxınlaşaraq arvadının özündən xeyli gənc sevgilisi ilə münasibətdə olduğunu və hər ikisinin bir müddət əvvəl yoxa çıxdığını bildirib. Üstəlik, hindistanlı qadının qaçmazdan əvvəl dörd oğlunun arvadlarından qızıl-zinət əşyaları oğurladığı məlum olub.
Qaçan qadının gəlinləri və əri onun barəsində polisə şikayət etsələr də, heç bir tədbir görülmədiyini bildiriblər. Daha sonra onlar baş nazir Yoqi Adityanath və polis rəisinə üz tutublar. Qadının əri arvadının onların ailəsini məhv etdiyini deyib və həmçinin səlahiyyətlilərdən onun tapılmasını istəyib./Lent.az
DogruXeber.az: - Naxçıvan Muxtar Respublikasının Ailə, Qadın və Uşaq Problemləri üzrə Dövlət Komitəsi nəqliyyat vasitəsinin satın alınması ilə bağlı tender keçirib. Tenderin qalibi “YENİMOTOR” Məhdud Məsuliyyətli Cəmiyyəti olub.
Satınalma müqaviləsinin ümumi dəyəri 108.500 manat təşkil edir.
İqtisadiyyat Nazirliyi yanında Dövlət Vergi Xidmətinin reyestr məlumatlarına görə, qalib şirkətin qanuni təmsilçisi Yusif Hüseynov Rafiq oğludur. “YENİMOTOR” MMC-nin nizamnamə kapitalı isə cəmi 100 manatdır.
Xatırladaq ki, Naxçıvan Muxtar Respublikasının Ailə, Qadın və Uşaq Problemləri üzrə Dövlət Komitəsinin sədri Ramilə Seyidovadır.//32gun.az
Musavat.com xəbər verir ki, 22 yaşlı hamilə qadın hamiləliyinin ikinci ayında olarkən geniş miqyaslı ürək infarktı keçirib. Bu zaman onun yaxınları Bakının müxtəlif klinikalarına və tanınmış həkimlərinə müraciət etsələr də, heç kim riskli vəziyyətə müdaxilə etməyə cəsarət etməyib.
Yalnız tanınmış ürək-damar cərrahı, professor Firdovsi İbrahimov bu ağır tibbi vəziyyəti üzərinə götürərək pasiyenti müalicəyə qəbul edib. Musavat.com-un əldə etdiyi məlumata görə, həkim ürək damarlarını açmaq üçün təcili müdaxilə həyata keçirib, infarktın təsirini minimuma endirib və pasiyentin ürəyini zədələnməkdən qoruyub.
Ən diqqətəlayiq məqamlardan biri isə budur ki, Firdovsi İbrahimov cəsarətli qərar qəbul edib, hamiləliyin sonlandırılmasına imkan verməyib. Əksinə, həm qadının, həm də körpələrin həyatını eyni anda qorumağa çalışaraq hamiləliyin davam etdirilməsinə şərait yaradıb.
Pasiyentin və ailəsinin maddi imkanları zəif olduğundan, professor Firdovsi İbrahimov yalnız həkim kimi deyil, həm də sosial məsuliyyət daşıyan bir şəxs kimi davranaraq bütün məsuliyyəti üzərinə götürüb. O, rəhbərliyində təmsil olduğu Mərkəzi Klinik Xəstəxananın imkanlarından istifadə edərək 6 ay boyunca qadına tam tibbi nəzarət təşkil edib.
Nəticədə hamiləlik uğurla davam etdirilib və 8-ci ayda, “Yeni Klinika”da keçirilən qeysəriyyə əməliyyatı ilə əkiz oğlan uşaqları dünyaya gəlib. Ailə öz minnətdarlığını ifadə etmək məqsədilə uşaqlara Firdovsi və İbrahim adlarını verib.
Musavat.com -un redaksiyasına daxil olan kiçik və mütəvazi video - rolikdə bu barədə doktor İbrahimov da qısa məlumat verir. Lakin xeyir -dua və yekun xarakterli bu video parça daramatik və cidid bir tibbi savaşın kiçicik, həm də pozitiv icmalıdır. Baş verən hadisə həm Azərbaycan, həm də dünya tibbində çox nadir rast gəlinən hallardan biri hesab olunur. Çünki hamiləliyin belə ağır ürək infarktı fonunda saxlanılması və uğurla başa çatdırılması çox nadir tibbi təcrübələrdə yer alır.
Musavat.com bu hadisəni və təsadüfən redaksiyamıza gəlib çatmış video parçanı oxucularına təqdim edir. Azərbaycan tibb tarixində bir ilk olan bu uğurlu müdaxilə ilə ölkənin tanınmış kardioloqu, ürək-damar cərrahı, professor Firdovsi İbrahimovun adını da bir daha diqqətə çatdırır.
Bu barədə Musavat.com yaxın günlərdə xüsusi reportaj hazırlayacaq.
Musavat.com
Fövqəladə Hallar Nazirliyinin (FHN) Tibb Xidmətinə rəis əvəzi təyin edilib. Qaynarinfo-nun əldə etdiyi məlumata görə, fövqəladə hallar naziri general-polkovnik Kəmaləddin Heydərovun müvafiq əmri ilə sözügedən vəzifəyə Arzu Yusifova gətirilib.
Qeyd edək ki, ixtisasca qastroenteroloq-psixoloq həkim olan Arzu Yusifova bir ilə yaxındır sözügedən xidmətdə həkim kimi fəliyyət göstərir. O, həmçinin bir sıra özəl və dövlət xətəxanalarında çalışıb. Arzu Yusifova fövqəladə hallar naziri ilə ailəvi yaxınlığı ilə tanınır.
Xatıradaq ki, Fövqəladə Hallar Nazirliyinin (FHN) Tibb Xidmətinin tibb işləri üzrə rəis müavini, xidmət rəisi əvəzi general-mayor Rəfail Mehdiyev ötən gün vəzifəsindən azad edilib.
Bakıda eltisini qanunsuz olaraq bədənşəkilləndirmə əməliyyatı edərək ölümünə səbəb olmaqda təqsirləndirilən "AzE Estetik Mərkəz" MMC-nin direktoru Ülviyyə İlyasovanın cinayət işi üzrə məhkəmə prosesi başa çatıb.
"DogruXeber.az" oxu.az-a istinadən xəbər verir ki, prosesdə təqsirləndirilən şəxsə hökm oxunub.
Məhkəmənin hökmü ilə Ü.İlyasova üç il müddətinə səhiyyə orqanlarında xüsusi ixtisas tələb edən fəaliyyət növü ilə məşğul olmaq hüququndan məhrum edilməklə, üç il iki ay müddətinə azadlıqdan məhrum edilib. O, cəzasını məntəqə tipli cəzaçəkmə müəssisəsində çəkəcək.
İttihama görə, bu il aprel ayının 16-da 1984-cü il təvəllüdlü Səbirə Vəliyevanın cərrahi əməliyyatdan sonra ölməsi faktı üzrə cinayət işi başlanıb.
İstintaqla "AzE Estetik Mərkəz" MMC-nin direktoru Ülviyyə İlyasovanın aprelin 15-də üzərində "liposaksiya-piysovurma" əməliyyatı icra etdikdən sonra vətəndaş Səbirə Vəliyevanı ixtisaslaşdırılmış tibb müəssisəsinə yerləşdirmək əvəzinə, sonuncunu yaşadığı fərdi evə apararaq onu həkim nəzarətindən kənar saxlayıb. Növbəti gün xəstədə qanaxma başlayıb və Ü.İlyasova onu köməksiz vəziyyətdə qoyub. Nəticədə Səbirə Vəliyeva kəskin qanitirmədən dünyasını dəyişib.
Toplanmış sübutlar əsasında Ülviyyə İlyasovaya Cinayət Məcəlləsinin 143 (təhlükədə qoyma) və 314.2-ci (ehtiyatsızlıqdan zərərçəkmiş şəxsin ölümünə səbəb olan səhlənkarlıq) maddələri ilə yekun ittiham elan edilərək barəsində polis nəzarəti altına vermə qətimkan tədbiri seçilib.
Xatırladaq ki, mərhum Səbirə Vəliyeva Ü.İlyasovanın eltisidir.
Həmçinin səhiyyə naziri Teymur Musayev parlamentin iclasında bildirmişdi ki, ölən şəxs mətbəxdə əməliyyat olunub.
Abşeron rayonunun Xırdalan şəhərində yerləşən mənzildən oğurluq edən xadiməyə hökm oxunub.
Qaynarinfo-nun məlumatına görə, 1980-ci il təvəllüdlü Zülfiyyə H. adlı qadın, Xırdalan şəhərindəki çoxmərtəbəli binanın 15-ci mərtəbəsində yaşayan Nuranə adlı qadının evindən külli miqdarda pul oğurlayıb. O, mənzildən ümumilikdə 17.340 manat dəyərində - 10.200 ABŞ dolları və 3.000 manat məbləğində pul aparıb. Daha sonra həmin vəsaiti şəxsi borclarını ödəmək üçün xərcləyib.
Araşdırmalar zamanı məlum olub ki, Zülfiyyə hadisə baş verən gecə, saat 01:00 radələrində xadimə kimi çalışdığı evə oğurluq məqsədilə daxil olub. O, ev sahibəsinin həmin vaxt gecə klubunda olduğunu bildiyi üçün bu fürsətdən istifadə edib.
Təqsirləndirilən şəxs tanımadığı bir taksi ilə evə gəlib və əvvəlcədən Nuranənin çantasından oğurladığı açarla mənzilin qapısının üst qıfılını açaraq içəri daxil olub. Yataq otağında yerləşən güzgülü dolabdan pulları götürərək, evi tərk edib.
Məhkəmənin hökmünə əsasən, Zülfiyyə H.-ya 2 il 2 ay 28 gün müddətinə azadlığın məhdudlaşdırılması cəzası verilib. O, bu müddət ərzində elektron qolbaqla nəzarətdə saxlanılacaq.
“Qafqazinfo” xəbər verir ki, L.Zamanova bu gün video yayaraq hadisə barədə danışıb və baş verənlərə aydınlıq gətirməyə çalışıb.
O bildirib ki, həyat yoldaşı vəfat etdiyi üçün oğlunun lövhəsinə qarşı nalayiq hərəkətlər etmiş şəxsi özü cəzalandırmaq qərarına gəlib:
“Oğlumun xatirə lövhəsi qarşısında nalayiq hərəkət etdiyi üçün bu addımı atmışam. Daha sonra oğlumun ünvanına nalayiq sözlər dediyi üçün mən də şəhid anası kimi buna dözməyib, o sözləri demişəm. Hansı şəhid anasına o sözlər deyilsə, buna sakit dayanmaz. Daha sonra o, məndən üzr istədi, əl-ayağıma düşüb yalvardı, içkili olduğunu dedi, mən də onu bağışladım”.
L.Zamanova oğlu və özü barəsində deyilən bəzi fikirlərlə razı olmadığını deyib. Həmçinin media və sosial şəbəkələrdən hadisəni əks etdirən görüntülərin silinməsini xahiş edib.
Xatırladaq ki, 1995-ci il təvəllüdlü Vüqar Zamanov Vətən müharibəsində müddətdən artıq hərbi qulluqçu (MAXE) kimi iştirak edib. 5 noyabr 2020-ci ildə Daşaltı uğrundakı döyüşdə şəhid olub, Horadizdə dəfn edilib. Ölümündən sonra müxtəlif medallarla təltif edilib.
Məhşur dizayner və yazıçı Kirzayda Rodriqezin 40 yaşında mədə xərçəngindən vəfat etməzdən əvvəlki son sozləri.
Mənim qarajımda dünyanın ən bahalı avtomobili var idi, amma indi əlil arabasında gəzməli oluram. Şirkətimdə hər cür brend paltarlar, ayaqqabılar və qiymətli əşyalar satılır. Amma indi bədənim xəstəxananın verdiyi kiçik ağ paltoya bürünüb.
Bankda çoxlu pulum var, amma artıq ehtiyacım yoxdur.
Evim qala kimi idi, amma indi xəstəxana çarpayısında yatıram.
Beşulduzlu oteldən beş ulduzlu otelə keçdim, amma indi vaxtımın çoxunu bir labaratoriyadan digərinə keçərək xəstəxanada keçirirəm.
Yüzlərlə insana imza atmışam, amma bu dəfəki imzam tibbi sənədlərin üzərindədir.
Saçımı yeddi bərbərə düzəltdirmişəm, amma indi bir dənə də saçım yoxdur.
Şəxsi təyyarəm var və mən hər yerə uça bilirəm.
Amma indi xəstəxananın qapısına çatmaq üçün iki qulluqçuya ehtiyacım var.
Tamamilə istənilən yeməyi ödəyə bilsəm də, indi mənim pəhrizim gündə iki tablet və gecə bir neçə damcı duzlu sudan ibarətdir.
Bu ev, o maşın, o təyyarə, o mebel, bankdakı pul, reputasiya və şöhrət, bunların heç biri mənə kömək edə bilməz, heç biri dərdimi yüngülləşdirə bilməz və sonra başa düşdüm ki, ən önəmli şey sağlamlığımdır.
Həyat ölümə doğru bir qatar səyahətidir, əgər bu səyahətə çıxsanız, sonunda bu qatardan düşəcəksiniz.
Aziz Mustafa
TEREF
Nazirinin olduğu avtomobil qəzaya düşüb.
Çexiyanın müdafiə naziri Jana Çernoçovanın olduğu avtomobil bu gün qəzaya düşüb.
Bu barədə yerli mətbuat məlumat yayıb.
Bildirilir ki, Praqanın mərkəzində iki avtomobil toqquşub.
Praqa polisinin sözçüsü Kristina Zelinkova deyib: "Hərbi polis maşını işıqları yandırılmış vəziyyətdə hərəkətdə olarkən onu başqa bir mülki avtomobil vurub".
Toqquşma yol ayrıcında baş verib və nəticədə tramvayın hərəkəti təxminən on dəqiqə dayanıb.
Qeyd olunur ki, Çexiyanın müdafiə naziri tutduğu vəzifəyə görə hərbi maşından və hərbi polisin təmin etdiyi mühafizədən istifadə edir.
Çexiya Müdafiə Nazirliyinin sözçüsü David Şima faktı təsdiqləyib: "Mən təsdiq edə bilərəm ki, bu gün günorta nazirin avtomobili Praqanın mərkəzində qəzaya düşüb. İştirakçılardan heç biri xəsarət almayıb".