Samvel Şahramanyan separatçı “DQR”-in yeni “prezidenti” oldu –
Tanınmamış “Dağlıq Qarabağ Respublikasında” şənbə günü keçirilən seçkilərdə keçmiş “dövlət naziri” Samvel Şahramanyan “parlamentdə” 23 səsdən 22-ni toplayaraq “prezident” seçilib, Ermənistan mediası yazıb.

Azərbaycanın xarici işlər naziri Ceyhun Bayramov deyib ki, Qarabağda keçirilən “prezident seçkiləri” Azərbaycan qanunlarının, eləcə də beynəlxalq hüququn norma və prinsiplərinin “kobud şəkildə pozulması” faktıdır.

ABŞ dövlət katibinin Avropa və Avrasiya məsələləri üzrə köməkçisi vəzifəsini icra edən Yuri Kim ilə şənbə günü regiondakı son vəziyyəti müzakirə edən Ceyhun Bayramov bu addımın bölgədə “normallaşma və erməni sakinlərin reinteqrasiya edilməsi səylərinə ciddi zərbə” vurduğunu bildirib, Azərbaycan Xarici İşlər Nazirliyinin məlumatında qeyd olunub.

Ermənistan mediasının yazdığına görə, Qarabağın yeni “prezidenti” Samvel Şahramanyan bu ilin martında Rusiyanın Qarabağdakı sülhməramlı kontingentinin iştirakı ilə Azərbaycan və Qarabağ ermənilərinin nümayəndələri arasında baş tutan görüşdə erməni icmasını təmsil edən şəxslərdən biri olub. Həmin vaxt o, separatçı qurumun “təhlükəsizlik naziri” vəzifəsini icra edirdi.

"Parlamentdə" səsvermədən əvvəl çıxış edən Samvel Şahramanyan bildirib ki, “Dağlıq Qarabağ status almalıdır və Laçın dəhlizi vasitəsilə Ermənistanla birbaşa əlaqələrə malik olmalıdır”, "DQR parlamentinin" saytında qeyd olunub.

“Digər yollar da açıla bilər, lakin dəhlizi heç nə əvəz edə bilməz”, - Samvel Şahramanyan deyib.

Nazir Ceyhun Bayramov dünya ictimaiyyətini beynəlxalq hüquqdan irəli gələn öhdəliklərə uyğun olaraq, Azərbaycan ərazisində “seçki” adı altında aparılan bu qanunsuz fəaliyyəti qətiyyətlə pisləməyə çağırıb.

Avropa İttifaqı Qarabağda keçirilən seçkiləri tanımadığına dair bəyanat yayıb.

Qurumun yaydığı bəyanatda bildirilib ki, “Avropa İttifaqı Xankəndi/Stepanakert-də sentyabrın 9-da keçirilən “prezident seçkilərini” konstitusiya və hüquqi çərçivədə tanımır".

“Eyni zamanda Avropa İttifaqı inanır ki, Qarabağ ermənilərinin de-fakto lider ətrafında birləşərək Bakı ilə nəticəyə yönəlik müzakirələr aparması vacibdir. Aİ bu prosesi dəstəkləməyə davam edəcək”, - bəyanatda qeyd olunub.

Siyasi təhlilçi Fərid Şəfiyev hesab edir ki, Qarabağda separatçıların özlərinə kimi "prezident" seçməsindən asılı olmayaraq, Bakının yanaşması dəyişməyəcək.

“Bakını maraqlandıran əsas məqam bütün inzibati ərazilərdə Azərbaycan qanunlarının bərpa edilməsidir və buna pillə-pillə nail olacaq. Hazırda separatçılar arasında Ağdam-Xankəndi yolunun açıb-açmamaqla bağlı fikir ayrılığı mövcuddur və böhran yaşanır. Amma Bakı həmişə dialoqa hazır olduğunu və təkliflər göndərdiyini bəyan edib”, - təhlilçi BBC Azərbaycancaya deyib.

Bununla belə, Fərid Şəfiyev hələlik prosesin necə inkişaf edəcəyini deməyin çətin olduğunu da vurğulayıb.
bbc
 

Bölmənin digər xəbərləri

11 May 2025 Bakı atəşkəsi ALQIŞLAYIR
11 May 2025 Gecəyarı Putin xüsusi bəyanat verdi: “Türkiyə, Ərdoğan...”
11 May 2025 Putin Ukraynaya İstanbulda birbaşa danışıqları bərpa etməyi təklif etdi
11 May 2025 Avropa İttifaqı üzv şərtlərini dəyişir - Macarıstan Ukraynaya veto qoya bilməyəcək
10 May 2025 Avropa üçlüyünün rəhbərləri Kiyevdə - Mühüm açıqlama olacaq
10 May 2025 Tramp Putinlə bağlı qərarını verdi
10 May 2025 İran ABŞ-la nüvə danışıqlarının yeni mərhələsinə razılıq verib
09 May 2025 Tramp Ukrayna ilə Rusiyanı barışdıra biləcək tərəfi açıqladı
09 May 2025 Sülh sazişi 2026-cı ildən sonraya qalır?
09 May 2025 Putin və Si Cinpinin danışıqları 7 saatdan çox davam edib
09 May 2025 Vaşinqton-Moskva münasibətlərində gərginlik: - Rusiya yenidən Çinə ehtiyac duymağa başlayır
08 May 2025 Tramp bu “açarı” keçmiş rəqibinə verdi - Azərbaycan üçün önəmi
08 May 2025 Bu gün Bakıda Türkiyə və İsrail arasında danışıqlar başlanır
08 May 2025 Prezidentin Moskvaya getməməsinin – SƏBƏBLƏRİ
08 May 2025 Paşinyan Moskvada Qələbə Paradında iştirak edəcək
08 May 2025 Ermənistan Konstitusiyasını dəyişdirir – Yeni layihə 10 aya hazır olacaq
07 May 2025 Moskva paradına 29 ölkə lideri gələcək – Uşakov siyahını açıqladı
07 May 2025 Almaniyada yeni kansler SEÇİLDİ
06 May 2025 İlham Əliyev Belarusun Baş nazirini qəbul etdi - FOTO
06 May 2025 "Əziz dostum məni Vaşinqtona çağırdı"- Ərdoğan Trampdan yazdı

Dünyapress TV

Xəbər lenti