Xəbər verdiyimiz kimi, İyi partiyanın sədri Meral Akşener “altılı masa”nı tərk etdiyini açıqlayıb.

“Qafqazinfo” Türkiyə mediasına istinadən xəbər verir ki, Akşenerin bu addımından sonra bir çox üzv İyi partiya sıralarını tərk etdiyini açıqlayıb.

İyi Partiya Ümumi İdarə Heyətinin üzvü Bülent Gürsoy və bir çox partiya üzvü Akşenerin CHP sədri Kamal Kılıçdaroğlunun prezidentliyə namizədliyini dəstəkləməyəcəyi fikrindən sonra partiyadakı vəzifəsindən istefa verib.

Xatırladaq ki, “altılı masa”da prezident seçkilərinə vahid namizədin müəyyən edilməsi ilə bağlı müzakirələr keçirilib. 5 partiya namizəd olaraq Cümhuriyyət Xalq Partiyasının (CHP) sədri Kamal Kılıçdaroğlunu təklif edib. Bu partiyalar Kılıçdaroğlunun namizədliyini dəstəkləsə də, İYİ partiya Ankara Böyük şəhər Bələdiyyəsinin sədri Mansur Yavaş və İstanbul Böyük şəhər Bələdiyyəsinin sədri Əkrəm İmamoğlunun namizədliyini irəli sürüb. Digər partiyalar həmin şəxslərin namizədliyini qəbul etməyib. Danışıqlardan narazı qalan M.Akşener partiyasının “altılı masa”nı tərk etdiyini açıqlayıb.

Türkiyədə müxalifəti təmsil edən "Millət İttifaqı"nın 12-ci toplantısı başa çatıb.

Cebhe.info xəbər verir ki, "altılı masa" bu dəfə prezidentliyə namizədi müəyyən etmək üçün toplanıb.

Toplantıdan sonra ortaq namizəd çıxarmaqla bağlı razılıq əldə olunduğu açıqlanıb:

"Millət İttifaqı"nı təşkil edən siyasi partiyaların liderləri olaraq, 28-ci Dönəm Parlamenti və 13-cü Prezident seçkilərində prezidentliyə ortaq namizəd və keçid prosesi ilə bağlı yol xəritəsi üzərində razılıq əldə etdik. Sədrlər öz partiyalarının səlahiyyətli orqanlarına məlumat verdikdən sonra 6 mart 2023-cü ildə yekun bəyanatı ictimaiyyətlə bölüşmək üçün Səadət Partiyasının ev sahibliyi ilə yenidən görüşəcəyik".

Qeyd olunub ki, növbəti toplantı 6 mart saat 15:00-də Səadət Partiyasının ev sahibliyində keçiriləcək.

Cenevrədə yerləşən iki təşkilat aylardır Rusiya və Ukrayna arasında yeni danışıqlara zəmin yaratmaq üçün tərəflərlə çalışır.

APA xəbər verir ki, bu barədə İsveçrənin RTS telekanalı bildirib.

Telekanalın məlumatına görə, rəsmi kanallardan kənar və məxfilik şəraitində Humanitar Dialoq Mərkəzinin (HD Centre) və Təhlükəsizlik Siyasəti Mərkəzinin (GCSP) beynəlxalq əlaqələr üzrə ekspertləri və vasitəçilik mütəxəssisləri Kiyev və Moskva ilə təmasdadırlar.

Telekanal danışıq aparanların adlarını açıqlamasa da, GCSP direktoru Tomas Qreminger onların hər iki ölkənin prezident administrasiyalarına çıxışı olan yüksək səviyyəli ekspertlər olduğunu bildirib.

Rusiyalı diktator Vladimir Putin sülhün bərqərar olmasında maraqlı deyil - o, Federal Məclisə öz ismarışlarının gedişində dəqiq işarə vurub.

Bu barədə İspaniyanın müdafiə naziri Marqarita Robles «La Vanguardia»-ya müsahibəsində bəyan edib (UNİAN).

«O, qeyd edib ki, sülh istəmir. O, yaxşı başa düşür ki, bu döyüşü uduzur. Onun «müharibə qurtarmayacaq» və “Rusiya məğlubedilməzdir” mütləq təhdidedici fikirləri onu göstərir ki, o, bəşəriyyət üçün təhlükədir» - Robles qeyd edib.

İspaniya Müdafiə Nazirliyinin başçısı qeyd edib ki, Ukraynada sülh prosesinin başlanması ilk növbədə, Putinin özünün davranışından asılıdır. «Putin dəqiq deyib ki, o, sona qədər getməyə hazırlaşır. Biz hamımız atəşi dayandırmaq istəyirik, amma Rusiya Prezidenti çox dəqiq işarə vurub ki, heç bir şübhə olmadan, bu müharibəni davam etdirmək istəyir» - Robles bəyan edib.
Ətraflı

İspaniyanın Ukraynaya hərbi köməyi

Fevralın əvvəlində İspaniya Ukraynaya M113 Amerika zirehli transportyorunun növbəti partiyasını verib. Bu tədarükdə 20 zirehli maşın olub.

Həm də İspaniya Ukraynaya bir xeyli sayda “Leopard” tankları verməyi vəd edib. Ancaq bununla bağlı İspaniya orlusunda döyüş texnikasının acınacaqlı vəziyyəti səbəbilə bəzi çətinliklər meydana çıxıb.

Tankların özünün tədarükündən əlavə, İspaniya 55 ukraynalı tankçının və “Leopard” tanklarının texniklərinin öyrədilməsi istəyini də bəyan edib.

Fevralın 27-də Rusiya Federasiyasının xarici işlər naziri Sergey Lavrov Bakıya gəlib. Azərbaycan Respublikasının Prezidenti İlham Əliyev Sergey Lavrovu qəbul edib.

Pressklub.az xəbər verir ki, görüşdə iki ölkə arasındakı əlaqələrin indiki vəziyyəti və perspektivlər müzakirə edilib.

Prezident İlham Əliyev bildirib ki, Rusiyanın xarici işlər nazirinin səfəri ötən il fevralın 22-də Moskvada imzalanmış müttəfiqlik qarşılıqlı fəaliyyəti haqqında Bəyannamənin birinci ildönümünə həsr edilib. “Bu Bəyannamə mahiyyət etibarilə bizim münasibətlərimizin ruhunu və xarakterini, əlaqələrimizin formalaşmış müsbət resursunu əks etdirir, gələcək illərdə qarşılıqlı fəaliyyətin yollarını müəyyənləşdirir” – deyə Prezident bildirib.

Prezident daha sonra Azərbaycan ilə Ermənistan arasındakı münasibətlərin normallaşması üçün Rusiyanın atdığı addımlardan söz açıb: “Ümidvaram ki, 2023-cü il bu münasibətlərin normallaşmasında irəliləyiş ili olacaq. Hər halda, biz buna ümid edirik. Bu prosesdə fəal iştiraka görə Rusiya hökumətinə və şəxsən sizə təşəkkürümü bildirmək istərdim”.

Rusiyanın xarici işlər naziri Sergey Lavrov Prezident Putinin səmimi salamlarını və dostcasına arzularını çatdırıb.

Nazir qeyd edib ki, yazda Rusiyada Heydər Əliyevin anadan olmasının 100 illiyi qeyd ediləcək.

Regional təhlükəsizlik barədə danışan Lavrob deyib: “Bizim beynəlxalq həmkarlarımızın çoxu, o cümlədən bu regiondan uzaqda yerləşənlər Azərbaycan ilə Ermənistan arasında münasibətlərin nizamlanması yolunda irəliləyişə şərait yaratmağa böyük maraq göstərirlər. Prezident Putinin dəfələrlə dediyi kimi, biz vəziyyətin sabitləşməsi, bu regionda yerləşən bütün ölkələrin normal, qarşılıqlı hörmət və qarşılıqlı fayda əsasında öz ölkələrinin və xalqlarının mənafeləri naminə əməkdaşlıq etmək imkanları olması üçün şərait yaradılmasına yönəlmiş bütün səyləri alqışlayırıq”.