 |
|
|
Türk kinosunun məşhur adlarından biri, "Yeşilçam"ın əfsanəsi Ediz Hun uzun müddətdir səhhətinə dair yayılan iddialara aydınlıq gətirib.
Musavat.com oxu.az-a istinadən xəbər verir ki, ötən il xərçəng xəstəliyinə tutulması ilə bağlı iddialara səssiz qalan aktyor ilk dəfə yaşadıqlarını ictimaiyyətlə bölüşüb.
84 yaşlı Ediz Hun qatıldığı konfransda yoğun bağırsaq xərçəngindən müalicə aldığını və xəstəliyə qalib gəldiyini bildirib.
"Kolonoskopiya etdirdim, bağırsaqlardakı 21 hüceyrədən 5-də xərçəng aşkarlandı. Allaha şükürlər olsun ki, hamısı getdi", - deyə o qeyd edib.
"Özümə həddindən artıq arxayın olduğum üçün belə oldu. Əməliyyat oldum, indi yaxşıyam. Heç bir problem yoxdur, amma təbii ki, Allah bilir. Məni heç kimə möhtac etməsin. Kişi kimi yaşayaq, kişi kimi gedək", - deyə Ediz Hun kimyaterapiya müalicəsindən sonra sağlamlığına qovuşduğunu nəzərə çatdırıb.
Sənətçi, həmçinin yaşadığı sağlamlıq prosesindən dərs aldığını da diqqətə çatdırıb və sağlam həyat vərdişlərinin əhəmiyyətinə toxunub. B vitamini əlavələri qəbul etdiyini və mütəmadi olaraq balıq yağı istehlak etdiyini deyib.
"Evdə idman edirəm. Çəki almamağa diqqət edirəm, çünki hər kiloqram ürəyi yorur", - deyə o vurğulayıb.
.png)
Yaranma tarixi VI əsrə aid edilən və Türkün ilk yazılı abidəsi kimi bildirilən Orxon yazıları əslində ilk deyil, qədim türk yazısının son mərhələsinə aitdir. Qədim türk yazılarının tarixi isə türkün özü qədər qədimdir.
1969-cu ildə Qazaxıstanın keçmiş paytaxtı Almatadan 50 km məsafədə yerləşən İssık ərazisində yol çəkimləri zamanı tapılmış yaşı e.ə V əsrə aid edilən Saka kurqanı – arxeoloqların marağına səbəb olur. Araşdırma zamanı qazax tədqiqatçılar Beken Nurmuxanbetov və Kamal Akişev bütün paltarları və silahı belə qızıldan olan Saka şahzadəsi və yüzlərlə antik eksponat tapırlar. Bu tapıntının ən böyük önəmi budur ki, Saka şahzadəsinin yanında müxtəlif əşyalarla yanaşı üzərində Orxun yazıları kimi bildiyimiz 26 hərfin olmasıdır. Bu yazılar gümüş qədəh qabın üzərində yazılıb. Yazı belədir: “Tigin 23 yaşında öldü, Eşik xalqının başı sağ olsun”. Beləliklə bu tapıntı sübut etmiş oldu ki, türk runik əlifbasının yaşı eramızın VI əsrindən götürülməsi yalnışdır və əsil istifadə kökləri 2500 illikdir.
Bildirək ki, eyni əlifbada tarixi nümunələr Azərbaycanda Biləsuvar ərazisində də tapılmışdı və onun da tarixinin təxminən 2500 ilə qədər olduğu bildirilir.
M.Afət
TEREF
Bakıda Qətər Mədəniyyəti Günləri başlayıb.
Musavat.com xəbər verir ki, ötən gündən etibarən Dənizkənarı Milli Parkda, müxtəlif təyinatlı pavilyonlarda Qətərin milli geyimləri, mətbəxi, musiqi, toxuculuq və kalliqrafiya sənəti nümunələri təqdim olunmağa başlayıb.
Azərbaycan Respublikasının mədəniyyət naziri Adil Kərimli və Qətər Dövlətindən olan həmkarı Şeyx Əbdülrəhman bin Həməd əl-Tani Dənizkənarı Milli Parkda yaradılan müxtəlif təyinatlı pavilyonlarda Qətərin milli geyimləri, mətbəxi, musiqi, toxuculuq və kalliqrafiya sənəti nümunələri ilə tanış olublar.
Eyni zamanda Heydər Əliyev Mərkəzində Qətər Mədəniyyəti Günlərinin rəsmi açılışı keçirilib. Gecədə Qətərin incəsənət ustaları və bədii kollektivlərinin iştirakı ilə geniş konsert proqramı təqdim olunub. Qətərli ifaçıların təqdim etdiyi musiqili kompozisiyalar maraqla qarşılanıb.
Bakıda Qətər Mədəniyyəti Günləri aprelin 13-dək davam edəcək.
Qeyd edək ki, bundan əvvəl ölkəmizdə Qətər Mədəniyyəti Günləri 2009-cu ilin iyun ayında keçirilib.
Könül İbrahim
Musavat.com
.jpeg)
.jpeg)
.jpeg)
.jpeg)
.jpeg)
.jpeg)
Aktrisa Oksana Rəsulova Pakistana yola düşüb.
Musavat.com xəbər verir ki, aktrisa rejissor Əbu Alehanın Pəncab dilində çəkdiyi "Salem" filmində rol alacaq. Oksana filmdə ikinci baş rolu oynayacaq və onun üçün filmdə mahnı da yazılacaq.
Oksana haqqında yazan Pakistan mətbuatı qeyd edib ki, o 5 il Bollivudda işləyibvə hindi dilini çox yaxşı bilir.
Könül
Musavat.com
Azərbaycan səhnə danışığı sənətinin banilərindən olan görkəmli pedaqoq, alim Əzizağa Quliyev dünyasını dəyişib.
"DogruXeber.az" xəbər verir ki, bu barədə Azərbaycan Prodüserlər Gildiyasının sədri Müşfiq Hətəmov sosial şəbəkədə məlumat verib.
Qeyd edək ki, Əzizağa Quliyev Azərbaycan səhnə danışığının, Azərbaycan dilinin inkişafında çox böyük işlər görmüş, onlarla sənət adamının, aktyor və rejissorların yetişməsində mühüm rol oynayıb.
Akademik Milli Dram Teatrının (Azdrama) səhnə arxasında əlbəyaxa dava baş verib.
Bu barədə Qaynarinfo-ya sözügedən teatrın aktyorları məlumat verib.
Onların bildirdiyinə görə, davaya səbəb kənar teatrların aktyor və rejissorlarının Akademik Milli Dram Teatrına dəvət edilməsinə etiraz olub.
Dava teatrın bədii şurasının iclasında baş verib. Xalq artisti Əli Nur çıxışı zamanı başqa teatrdan dəvət olunan aktyor və rejissorlara etiraz edib. Aktyor deyib ki, "Azdrama"ya təsadüfi rejissorlar dəvət etmək olmaz və bununla bağlı fikrini təhlil edib. Mübahisə yaranıb və aktyorlardan bir neçəsi Əli Nurun üstünə hücuma keçərək ona yumruq atıblar.
Vəziyyətin dramatik həddə çatacağını görən Xalq artisti Sabir Məmmədov hadisəyə biganə qala bilməyib. Sabir Məmmədov və teatrın direktoru İlham Əsgərov dava edənləri qucaqlayaraq iclas otağından çıxardaraq hadisə yerindən uzaqlaşdırıblar.
Aktyor deyir ki, teatrın bədii şurasında belə hadisə 150 ildə ilk dəfə baş verib.
Xalq artisti Əli Nur baş verən hadisə ilə Respublika Prokurorluğuna şikayət edib. Hadisə araşdırılır.
Əməkdar incəsənət xadimi, Dövlət Dram Teatrının Bədii rəhbəri Mehriban Ələkbərzadə haqqında yayılan iddialara cavab verib.
Bakupost.az xəbər verir ki, o, bu barədə sosial şəbəkə hesabında yazıb.
M.Ələkbərzadə Əməkdar artist Məsmə Aslanqızının onunla bağlı iddialarının yalan olduğunu deyib:
“Mütamadi olaraq teatrda sözü olan, istəyi yaxud xüsusi xahişi olan aktyorlar rəhbərliyə müraciət edirlər. Arzusunu bildirirlər, bu, normaldır. Belə bir vəziyyət Məsmə Aslanqızı ilə də oldu. Qəbuluma gələrək bildirdi ki, çox çətin vəziyyətdədir. İstək isə evdir! Teatr məni evlə təmin etməlidir. Mən anlatdım ki, mənim ev verə bilmək səlahiyyətim yoxdur. O zaman o “20 Yanvar şəhidinin qızı kimi mənə ev düşür” dedi. Teatr bu məsələni – siz bu məsələni həll etməlisiniz!
Bütün deyilənlərə bir daha münasibət bildirərək yenə də bəyan etdim və edirəm ki, hətta 20 Yanvar şəhidinin qızı olsa belə, mən Teatrın Bədii rəhbəri kimi ev məsələsini həll edə bilmirəm.
Ev məsələsini başqa qurumlar həll edir. Biz də məhz şəhid qızı olduğu üçün onu Prezident mükafatı siyahısına salmışıq. Bir dəstək kimi. Amma bu ona yetərli deyil deyə bax belə həqiqətə uyğun olmayan və təhqirdən çəkinməyən ifadələr işlədir”.
O ki qaldi, mənim vətəndaşlıq mövqeyimə… Mənim yetərincə məhz vətənpərvərlik ruhuna xidmət edən fəaliyyətim var ki, onlar bizim ərazi bütövlüyümüz uğrunda savaşlardan, Vətən yolunda şəhid olan insanlardan bəhs edirdi. Heç kim mənim vətəndaşlıq mövqeyimə ləkə gətirə bilməz. Çünki buna əsas və fakt yoxdur”.
Qeyd edək ki, tanınmış aktrisa, Əməkdar artist Məsmə Aslanqızı sosial şəbəkədə Mehriban Ələkbərzadəni 20 Yanvar şəhidlərini təhqir etməkdə günahlandırıb.
Xalq artisti Flora Kərimova Xalq şairi Bəxtiyar Vahabzadə ilə küsülülüyündən danışıb.
Bu haqda müğənni "İzzət şou"da danışıb.
Bəstəkar Gövhər Həsənzadənin bununla bağlı sözlərinə F.Kərimova belə reaksiya verib:
"Məndən küsdü. Çünki bir az xəstə idim, oxumağa həvəsim yox idi. Bu isə elə mahnı idi ki... Bəxtiyar Vahabzadənin sözlərinə yazılmışdı. Mahnını oxumağım uzandı. Bəxtiyar Vahabzadə məndən küsdü. Yarım il onun qılığına girdim: Bəxtiyar müəllim başına dönüm. Axırda onu şantaj elədim ki, oxumayacağam. Eləcə, barışdıq". (Axşam.az)
“Mən Akademik Opera və Balet Teatrının solistiyəm. “Leyli və Məcnun” tamaşaları olur. Gəlib baxsınlar həmin tamaşaya gələn tamaşaçıların səviyyəsinə, sonra isə getsinlər baxsınlar öz verilişlərin səviyyəsinə. Nəyi nə ilə müqayisə edirlər?”
Bu sözləri Əməkdar artist Elnur Zeynalov qonaq olduğu “İncə səhər” verilişində deyib.
Sənətçi bildirib ki, əgər reytinq vermirsə, onu verilişlərə dəvət etməsinlər:
“Ciddi və klassik musiqinin tamaşaçıları az olur. O musiqini başa düşmək üçün o qədər savadlı, elit və düşüncəli insan olmalısan ki... Çox təəssüf ki, belə insanların sayı az olduğu üçün ola bilər ki, biz hansısa verilişə çıxanda reytinq aşağı olsun. Əgər reytinq vermiriksə, biz muğam ifaçılarını verilişlərinizə çağırmayın. Niyə ciddi və dövlət əhəmiyyətli tədbirlər olanda muğam ifaçılarını axtarırsınız? Niyə hansısa özəl tədbirlərdə muğam ifaçılarını axtarırsınız? Çağırmayın! Efir vasitəsi ilə səslənib deyirəm ki, əgər reytinq vermirəmsə, öz verilişlərinizə məni çağırmayın”. (olay)
Dostları musiqinin ən müxtəlif janrlarında əsər yazan bəstəkar Oqtay Rəcəbovun fədakar insan olduğunu deyirlər. O, narazılığı olanda da, xəstələnəndə də pozitivliyini qoruyub saxlayan insan olub.
Azərbaycanın mədəniyyətini, musiqisini dünyaya tanıdan sənətkarlardan olub Oqtay Rəcəbov. Bəstəkar, alim və pedaqoq kimi şərəfli ömür yaşayıb. Musiqinin ən müxtəlif janrlarında əsərlər yazıb, bir çox musiqi dərsliklərinin müəllifi olub. Şirin, qəlboxşayan mahnıları Şövkət Ələkbərova, Mirzə Babayev, Flora Kərimova, Yalçın Rzazadə kimi müğənnilərin ifasında səslənib.
TEREF "Kaspi" qəzetinə istinadla "Onun mahnılarında unudulmaz melodiyalar vardı", - deyən sənət dostları ilə birlikdə görkəmli bəstəkarı 5 aprel - doğum günündə anır.
"Təəssüf ki, layiqli qiymətini almadı"
"Baxmayaraq ki, yaş fərqimiz çox idi, amma biz dost olmuşuq", - deyə Əməkdar İncəsənət xadimi Baba Vəziroğlu mərhum bəstəkarı xatırlayır: "Təsəvvür edin, mənim 17 yaşım vardı. Bəstəkar Telman Hacıyevlə dostluq edirdim. Bir gün Telman müəllimin evində idim, Oqtay müəllim də gəldi. "Maestro, təzə bir mahnı yazmışam", - deyə pianoda "Sevərsənmi?" mahnısını çaldı. "Bəs sözləri hanı?"- deyə Telman soruşdu. "Bu, hələ melodiyasıdır, sözlərini yazdıracam", - dedi. Telman müəllim də "Niyə yazdırırsan, şair oturub böyründə", - dedi. Mən də utancaq kənd uşağı idim, birinci kursda oxuyurdum. "Yazaram", - dedim. Dedilər ki, elə indi çıx balkona, yaz gətir. Mənim Oqtay Rəcəbovla ilk mahnım elə orada yarandı. Həmin mahnını ölməz müğənnimiz Şövkət Ələkbərova oxudu. Sonra da çox tanınmış müğənnilər ifa elədi. Bizim Oqtay müəllimlə yaradıcılıq işbirliyimiz və dostluğumuz bir gündə başladı". B.Vəziroğlu deyir ki, mərhum bəstəkarla sonuncu işi Akademik Musiqili Teatrda səhnəyə qoyulan "Əliqulu bu gün evlənir" tamaşası olub: "Biz Oqtay müəllimlə o tamaşaya 22 mahnı yazdıq. Ancaq bizim məmurlar tamaşanın səhnəyə qoyulmasını o qədər uzatdılar ki, Oqtay Rəcəbov təqdimatı görmədi. Biz onunla İkinci Vətən müharibəsinə həsr olunan "Zəfər" oratoriyasını da yazdıq. Təəssüf ki, pandemiya dövründə itirdiyimiz dəyərli insanlardan biri də Oqtay müəllim oldu..." B.Vəziroğlu mərhum bəstəkarın qarşılaşdığı haqsızlıqları da xatırlayır: "Oqtay Rəcəbov İncəsənət Gimnaziyasının banisi idi. Xeyli istedadlı gənci təmənnasız olaraq gimnaziyaya cəlb etmişdi. "Sən gimnaziyanın qapısına qədər gətirirsən, qalan işlər uşaqdan asılıdır", - deyirdi. Oqtay müəllim gimnaziya üçün əlindən gələni edirdi. Mükafatı da o oldu ki, şərləyib işdən çıxardılar. Onun "Xalq artisti" fəxri adı almasına da mane oldular. Təəssüf ki, Oqtay müəllim layiqli qiymətini almadı. O, şərəfli, eyni zamanda kədərli bir həyat yaşadı".
"Onsuz günlərimizə "heyif" deyirəm!"
Xalq artisti Flora Kərimova bəstəkarın ən gözəl mahnılarının ifaçısı olub. Onların işbirliyi uzun illər davam edib. İndi müğənni "Kimin ağlına gələrdi ki, nə vaxtsa o olmadan haqqında danışacağam", - deyə kədərlə bildirir: "Oqtay mənim musiqi taleyimdə əvəzi olmayan bəstəkarlardan olub. Onun "Necə unudum səni", "Sevgilim", "Apar məni", "Sirli könül", "Həyat eşqi", "Vətən torpağı, "Araz bayatıları" və s. mahnılarını böyük şövqlə oxumuşam. Bu mahnıları öz yazdığım mahnı, qəlbimin səsi kimi ifa etmişəm. İndi Oqtaydan danışanda səsim də batır. Onsuz günlərimizə "heyif" deyirəm!"
Səhnə həllini gözləyən əsərlər
Tanınmış uşaq yazıçısı, şair, publisist Sevinc Nuruqızı xatırlayır: "2007-ci il idi. "Təhsil" nəşriyyatında işə başlamışdım. İlk tanış olduğum müəllif bəstəkar Oqtay Rəcəbov oldu. Orta ümumtəhsil məktəbləri üçün "Musiqi" dərsliyi üzərində işləyirdik. O, musiqi dərsliyinin müəllifi, mən isə redaktoru idim. Şən, səmimi, zarafatcıl idi. Xırda narazılığı olanda da, xəstələnəndə də pozitivliyini qoruyub saxlayar, zarafatından qalmazdı. Düşünürdün ki, yəqin belə gözəl cəhətlərə sahib olduğuna görə mahnıları şirin, həzin, qəlbəyaxındır. Bu mahnıları hər kəs öz qəlbinin nəğməsi kimi ifa edə bilər. Bəzən mahnılarının taleyindən söhbət açardı. Onu dinlədikcə əmin olardın ki, hər mahnıda insan ömrünün bir parçası əbədiləşib. "Necə unudum səni?" kimi lirik sevgi nəğməsini kimə ünvanlandığından danışırdı. O qızın nəyə görə onu seçmədiyindən təəssüflənər, ilk sevgisini yaşadığı illərə dönərdi. Həmişə yeni ideyalarla dolu olardı Oqtay müəllim. Hər dəfə yeni təkliflə gələr, deyərdi ki, bu mövzuda nə yaza bilərsən? Yazardım, oxuyan kimi sevinərdi, "səndən yaxşı mənim istədiyimi anlayan yoxdur", - deyərdi. Onunla birgə işimiz təkcə dərslik, dərs vəsaitləri ilə bitmədi. Uşaqlar üçün əhəmiyyətli yeni əsərlər yarandı. Həmişə uşaq musiqisində irihəcmli musiqi əsərlərinin yoxluğundan gileylənirdi. Bir gün məndən xalq nağılı əsasında yazılmış libretto istədi. "Sərçə" nağılını seçdik. Bu nağıla yazdığım libretto əsasında "Sərçəciyin sərgüzəştləri" adlı uşaq operasını bəstələdi. 2015-ci il mayın 28-də Respublika Günü və 1 iyun - Uşaqların Beynəlxalq Müdafiəsi Günü münasibətilə Bəstəkarlar İttifaqında operanın təqdimatı baş tutdu. "Sərçənin sərgüzəştləri" eyni zamanda, həm "Bənövşə" uşaq xorunun, həm də Respublika İncəsənət Gimnaziyasının şagirdlərinin ifasında lentə alındı". S.Nuruqızı "Bahar qız əfsanəsi" operasının yaranmasını da xatırlayır: "Bir dəfə mənə "Gəl, baharın gəlişini, Novruz adət-ənənələrimizi incələyəcək əsər yazaq. Sən librettosunu, mən musiqisini… Bu da olsun xalqa Novruz töhfəsi..." - dedi. Maraqlı süjeti olan əsər üzərində birlikdə işlədik. Beləcə, hələ də tam səhnə həllini tapmamış "Bahar qız əfsanəsi" operası yarandı. İncəsənət Gimnaziyasının şagirdləri musiqi müsabiqəsinə təqdim etmək üçün operadan 20 dəqiqəlik parça hazırladılar. Amma operanın tam səhnələşdirilməsi çox böyük əmək və vəsait tələb edir. Təəssüf ki, bu günədək reallaşmayıb".