“Baku Elektroniks”in “Black Friday” (Qara Cümə) endirimləri ilə bağlı növbəti dəfə narazılıq yaşanıb.

Pravda.az xəbər verir ki, sosial şəbəkələrdə Aysel İsmayılova adlı müştərinin yaydığı şikayətə görə, mağazanın Nərimanov filialından “Black Friday” endirimi zamanı 5 adda məhsula 2256,76 manat ödəyib, əlavə olaraq alınan məhsullar üçün sifarişi əsasında əlavə ödənişlə VİP zəmanət tətbiq olunub:

““LG” markalı (“TV LG Qned”) TV-də bir müddət sonra qüsurlar ortaya çıxdı. Qeyd edim ki, TV çox az istifadə olunub və bu səbəbdən nasasızlıq gec üzə çıxıb. 2024-cü ilin sentyabr ayında TV-də yaranmış problemlə əlaqədar “Baku Electroniks” mağazasına müraciətimə əsasən, servisə yönəltdilər. Servisin ilkin baxışı zamanı TV-nin ekranının dəyişdirilməsinə ehtiyac olduğu bildirildi. Yeni alınmış məhsul üçün əsas hissə-detal olan ekranın dəyişdirilməsinin məqsədəuyğun olmadığını bildirərək, təmir təklifini qəbul etmədik. Evdə uşaq və ya müdaxilə edəcək heç kimsənin olmadığını bildirdik. Zavod defekti olduğundan yenisi ilə əvəz olunmasını istədik, lakin heç bir müsbət geri dönüş almadıq. İqtisadiyyat Nazirliyinə şikayət edəcəyimizi bildirdikdən bir müddət sonra servis yenidən TV-yə baxış keçirdi, TV-nin həqiqətən də az işləndiyinin sübutu kimi işlənmə saatının şəklini çəkərək getdilər. Yenidən heç bir geri dönüş olmadığı üçün servisə müraciət etdik. Servis “biz bu məsələyə baxmırıq, mağazaya müraciət edin” deyərək mağazaya yaxınlaşmağımızın lazım olduğunu bildirdi. Buna əsaslanıb mağazaya yaxınlaşdıqda isə yalnız satış həyata keçirildiyini, servis rəyi tələb olunduğu bildirildi. Servis isə aylardır rəy vermir ve tələb etdikdə isə bir az gec olacağını bildirdilər. Nəticədə, “Baku Elektorniks” satış etdiyi defektli məhsulu (VİP zəmanətli) yenisi ilə əvəz etmək əvəzinə, təmirə yönəltmək və problemli məsələni ləngitməklə zəmanət müddətinin bitməsinə zərurət yaradır. Bilirlər ki, zəmanət 24.11.2024 tarixində bitir. Bu səbəbdən mövzunu uzadırlar. Bu cür mağazalardan alış-veriş edəndə ehtiyatlı olun. Xüsusilə “Black Friday” zamanı” - o qeyd edib.

Pravda.az-ın sorğusuna cavab olaraq “Baku Elektroniks”dən bildirilib ki, şirkət zəmanət müddətinin bitməsinə 2 gün qalmasına baxmayaraq, müştərinin məhsulunun qüsurunu aradan qaldırmağı ödənişsiz olaraq öhdəsinə götürüb, əlavə olaraq 6 ay da zəmanət müddəti verir.

Bu gün Ədliyyə Nazirliyinin Penitensiar Xidmətində növbəti kadr dəyişikliyi olması barədə məlumat yayılıb.

Yayılan əlumatda bildirilir ki, ədliyyə naziri Fərid Əhmədovun müvafiq əmri ilə ədliyyə nazirinin sabiq müavini, general-mayor Aydın Qasımovun oğlu Rauf Qasımzadə Penitensiar Xidmət rəisinin müşaviri təyin edilib. Xidmətdən medianın sorğusuna cavab olaraq bildirilib ki, Penitensiar xidmətdə rəisin müşaviri vəzifəsi yoxdur: “Rauf Qasımzadə Strateji planlaşdırma və Monitorinq İdarəsində Penitensiar xidmət rəisinin köməkçisi təyin olunub”,

Xatırladaq ki,Rauf Qasımzadənin atası Aydın Qasımov uzun illər ədliyyə orqanlarında yüksək vəzifələrdə çalışmış, Penitensiar Xidmətin rəisi, Məhkəmə Qərarlarının İcrası Baş İdarəsinin rəisi vəzifəsini icra edib.

Aktualinfo.org-a verilən məlumata görə Rauf Qasımzadə buna qədər Rəqəmsal İnkişaf və Nəqliyyat nazirinin müavini Cavid Qurbanovun köməkçisi olub. Onun yeni vəzifəyə təyinatında Cavid Qurbanovun rolu olduğu bildirilir.

Qeyd edək ki, Cavid Qurbanov uzun illər “Azərbaycan Dəmir Yolları” Qapalı Səhmdar Cəmiyyətinin sədri olub. Prezident İlham Əliyevin Sərəncamı ilə 24 may 2022-ci ildə Rəqəmsal İnkişaf və Nəqliyyat nazirinin müavini vəzifəsinə təyin edilib.

Verilən məlumatlara görə Rauf Qasımzadənin Bakıda geniş biznes şəbəkəsi var. Onun hər gün işə ən son model “Porsche” markalı avtomobillə gəlib-getdiyi bildirilir.

Qeyd edək ki, Penitensiar xidmətin rəisi general-mayor Mirsaleh Seyidovdu. O, 2023-cü il iyul ayının 10-da Prezident İlham Əliyevin imzaladığı Sərəncamla ədliyyə nazirinin müavini – Penitensiar xidmətin rəisi təyin edilib.

Aktualinfo.org

Türkiyənin tanınmış şoumeni və aparıcısı Acun Ilıcalı barədə araşdırma başladılıb.

Bu barədə Türkiyə KİV-i məlumat yayıb.

Bildirilib ki, buna səbəb qanunsuz mərc oyunları reklamı və təşviq iddialarıdır.

Həmçinin “TV8” və “Exxen” rəqəmsal platformasının səlahiyyətli şəxsləri haqqında da araşdırmalar başladılıb.

İstintaqın UEFA Millətlər Liqası matçlarında nümayiş etdirilən qanunsuz mərc reklamları ilə bağlı olduğu bildirilir. (Report)

COP29 çərçivəsində indiyədək bir sıra mühüm sazişlər və əməkdaşlıqlar imzalanıb.
Aşağıda bəzi əsas sazişləri təqdim edirəm :
1. Azərbaycan, Qazaxıstan və Özbəkistan hökumətləri arasında yaşıl enerjinin inkişafı və ötürülməsi sahəsində strateji tərəfdaşlıq haqqında Saziş imzalanıb
2. SOCAR və BƏƏ-nin "IntelliGrid" şirkəti arasında Azərbaycanın enerji infrastrukturunun 13 il müddətində transformasiyası (Azəriqazı-n modernləşdirilməsi, Ağıllı Qaz Şəbəkəsinin İdarəetmə Sisteminin qurulması və s.) üçün süni intellekt əsaslı həllərin tətbiqini nəzərdə tutan 480 milyon dollarlıq saziş imzalanıb
3. Azərbaycan Beynəlxalq Bankı (ABB) ilə Avropa Yenidənqurma və İnkişaf Bankı (AYİB) arasında 50 milyon dollar məbləğində saziş imzalanıb. Bu saziş ticarətin maliyyələşdirilməsi sahəsində yaşıl istiqamətli imkanların genişləndirilməsini hədəfləyir
4. “SOCAR Green” MMC, BƏƏ-nin Masdar şirkəti, AYİB və Avropa İnkişaf Bankı , Asiya İnkişaf Bankı və Asiya İnfrastruktur və İnvestisiya Bankı arasında Azərbaycanda 445 MVt-lıq Biləsuvar və 315 MVt-lıq Neftçala günəş enerjisi layihələrinin icrası ilə bağlı saziş imzalanıb. Müqavilənin ümumi dəyəri 670 milyon dollardır
5. Azərenerji" ASC və "GE Vernova" şirkəti arasında Şirvan şəhərində yerləşən "Cənub" Elektrik Stansiyasının qaz turbinlərindən birinin 100% hidrogen yanacağı ilə işləməyə keçirilməsi layihəsi üzrə saziş imzalanıb. Layihənin məbləği açıqlanmayıb.
Bu sazişlərin bəziləri haqqında fikirlərimi ötən günlərdə açıqlamışam.
Düşünürəm ki, imzalanan bu sazişlər, reallaşdırılması nəzərdə tutulan layihələr həm də iqlim dəyişmələrinin təsirilərini azaltmaqda, ölkəmizdə bərpa olunan enerjinin xüsusi çəkisinin artmasında, emissiyaların azaldılmasında mühüm töhfələr verəcək.
SOCAR və BƏƏ-nin "IntelliGrid" şirkəti arasında bağlanan, uzunmüddətli investisiya yönümlü və emissiyaların azaldılmasına yönəlik layihə də mühüm əhəmiyyət kəsb edir.
Ağıllı Qaz şəbəkəsi uzun illərdir ki, ölkəmizdə reallaşa bilmir. Gah mexaniki sayğacı ağıllıya, gah da ağıllı sayğacı mexanikiyə keçirirlər.
Bu baxımdan yaradılması nəzərdə tutulan süni intellekt əsaslı həllərin real vaxtda monitorinqlər aparmağa imkan verəcəyini, bu sahədə itkilərin səbəblərini tez müəyyən edilərək aradan qaldırılmasına kömək olacağını düşünürəm.
Amma bu siyahıda olan sazişlər içərisində ən riskli layihə də fikrimcə elə SOCAR-ın bu 480 milyonluq süni intellekt layihəsidir.
Bu layihə SOCAR-a texnoloji bir şirkət imici qazandırsa da burada düşündürücü məqamlar da çoxdur.
Hər gün, hər dəqiqə yenilən süni intellekt texnologiyaları sahəsində uzunmüddətli bir anlaşma imzalamaq fikrimcə çox riskli bir addımdır.
Layihənin məqsədi, tətbiq sahəsi konkret olsa da məbləğ hədsiz yüksək görsənir. Doğurdanmı QAZ şəbəkəsində yalnız ağıllı şəbəkə üçün bu qədər sərmayəyə ehtiyac vardı. Bəlkə bu qədər vəsaiti digər sahələrin modernləşməsi və transformasiyasına yatırmaq məntiqli olardı.
Əlbəttə, daha dəqiq fikirləri layihə haqqında məlumatlar tam açıqlandıqdan, ictimai təqdimatlarından sonra demək olacaq.
13 il ərzində süni intellekt texniologiyaları necə dəyişiləcək, bu dəyişikliklər layihədə necə öz əksini tapacaq ? Xarici texnologiyalardan asılı olan SOCAR köhnəlmiş həllərini yeniləyə biləcəkmi?
Ümid edirəm layihəni imzalayan SOCAR rəsmiləri bu riskləri nəzərə alıbblar.
Bir daha vurğulamaq istərdim ki, qeyd olunan sazişlər ölkəmiz üçün mühüm əhəmiyyət kəsb edir.
Xüsusilə də COP29 çərçivəsində belə anlaşmaların əldə edilməsi diqqət cəlb edəndir.
Ümumiyyətlə isə, düşünürəm ki, yuxarıda adı çkilən bütün layihələrlə bağlı şəffaflığın təmin edilməsi, ictimai təqdimatların keçirilməsi, ictimai vəsaitlər üzərində ictimai nəzarət imkanlarının yaradılması, maraqlı tərəflərin bu proseslərə cəlb edilməsi üçün münbit şəraitin yaradılması da çox vacibdir.
Osman Gunduz
TEREF