 |
|
|
"Fövqəladə Hallar Nazirliyi Dövlət Yanğından Mühafizə Xidmətinin İmişli Rayon Yanğından Mühafizə Hissəsinin rəisi vəzifəsində işləmiş daxili xidmət polkovnik-leytenantı Dədəş Əlbağış oğlu Ataşov 2023-cü ilin noyabr ayında xidmətdə olmanın son yaş həddi ilə əlaqədar təqaüdə göndərilib".
Bu barədə Fövqəladə Hallar Nazirliyinin Mətbuat Xidmətindən bildirilib.
Məlumatda qeyd olunur ki, İmişli Rayon Yanğından Mühafizə Hissəsinin rəisi vəzifəsi 2024-cü ilin iyun ayından daxili xidmət polkovnik-leytenantı Əhmədov Elgün Vahid oğlu tərəfindən icra olunur.
Qızıl qolbağın içərisindən qum tökülüb.
"DogruXeber.az" Xəzər TV-yə istinadən məlumat verir ki, sosial şəbəkələrdə yayılan görüntülər müzakirələrə səbəb olub.
Məlum olub ki, bu kimi hallarla qarşılaşanlar az deyil. Hətta zərgərlər də bu kimi hallarla rastlaşdıqlarını deyirlər.
Onların sözlərinə görə, qızılın ağırlığı çox olsun deyə nəinki qum, hətta məhsula digər qatqılar da əlavə olunur.
Satıcılar isə alıcılara aldıqları məhsulları yoxlatmağı məsləhət görürlər. Ümumiyyətlə, vətəndaşlara birinci əl malları almaları tövsiyə olunur.
Xatırladaq ki, 2019-cu ilə kimi bu bazara Əyar Palatası nəzarət edirdi. Palata qızıl məmulatlarını yoxlayır, keyfiyyəti standartlara cavab verən məhsulların üzərinə öz möhürünü vururdu. Əgər məmulatın üzərində Əyar Palatasının "rombvari" damğası var idisə, deməli, qızıl keyfiyyətli idi. Təxminən altı ilə yaxındır ki, Əyar Palatası ləğv edilib və əvəzində heç bir qurum yaradılmayıb. Nəticədə qızıl bazarı nəzarətsiz qalıb.
Ətraflı süjetdə:
Qubada küçə itləri üç nəfərə hücum çəkib.
TEREF "Report"a istinadən bildirir ki, hadisələrdən biri rayonun Qəçrəş kəndində qeydə alınıb.
Küçə itləri kənd sakinləri Zöhr Mərdiyevaya və Raida Salahovaya hücum edib.
Zərərçəkənlər Quba Rayon Mərkəzi Xəstəxanasında ilk tibbi yardımdan və quduzluq əleyhinə vaksin vurulduqdan sonra Bakıya, Sabunçu Tibb Mərkəzinə göndəriliblər.
Həmçinin, Qubanın Küsnətqazma kəndindən olan azyaşlı Məhəmməd Məhəmmədov da it dişləməsi diaqnozu ilə rayon xəstəxanasına çatdırılıb. Azyaşlıya quduzluğa qarşı müalicə təyin edilib.
Son günlər cəmiyyətdə plastik əməliyyatlar mövzusu gündəmdən düşmür.
İlk dəfə 1916-ci ildə baş tutan plastik əməliyyat ölkədə trend bir mövzuya çevrilib. Günü-gündən ciddi şəkildə artan bu əməliyyatlara adətən qadınlar müraciət edir.
Daim gözəl və qüsursuz görünmək istəyən xanımlar qeyri-peşekar həkimlərin səhvi nəticəsində çox vaxt istənilən nəticəni almadıqları üçün xəyal qırıqlıqlığı yaşayırlar.
Günümüzün trend mövzusuna çevrilən plastik əməliyyatlara əvvəllər məşhurlar, müğənni, aktrisalar müraciət edirdisə, indi yaşından asılı olmayaraq, hər kəsin geniş maraq dairəsinə çevrilib.
Onu da vurğulamaq lazımdır ki, son dövrlər bu prosedurlar lisenziyası və bu sahədə təhsili olmayan qeyri-peşəkar “həkimlər” tərəfindən həyata keçirilir.
Mövzunu Gununsesi.info–ya şərh edən Azərbaycan Yazıçılar Birliyinin üzvü, yazıçı-publisist, ekspert Tural İrfanın sözlərinə görə, plastik əməliyyatları bəzi işbazlar və saxta sənəd əldə etmiş həkim qiyafəsinə girənlər alverə çeviriblər.
“Psixoloji təsir göstərərək insanları bu əməliyyatlara cəlb edirlər. Müştəri cəlb etmək üçün kimi harada görürlərsə (əsasən də qadınları), onların zahiri görünüşünə irad tutub bir əmma tapırlar və dərhal da əməliyyata çağırırlar. Hətta oturduğunuz yerdə telefonuza zəng gəlir və sizi cürbəcür fırıldaqla, psixoloji təsirlə klinikaya çağırırlar.
Azərbaycan qadınları öz gözəlliyi ilə dünyanın bir çox qadınlarından yaraşıqlıdır, görkəmlidir. İndi Azərbaycan qadınlarının milli simasını, xalqımızın genetik fizianomiyasını dəyişirlər. Standart burunlar, standart şişmiş dodaqlar və sair.
Bu, əslində çox əcaib və qeyri-təbii görünür. Bəlkə də çoxu düşünür ki, bu görkəm insanları cəlb edir, onları daha görkəmli göstərir, lakin əksinədir. Hesab edirəm ki, insanlar ehtiyac olmadıqca bundan çəkinməlidir, dələduzların cənginə düşməmək üçün bu sahəyə aidiyyəti qurumlar ciddi nəzarət etməlidir”, – deyə o əlavə edib.
T.İrfan qeyd edib ki, ölkədə çox məhdud sayda təhsil almış plastik cərrah olduğu halda bu gün bu əməliyyatı icra edən saysız hesabsız saxta həkim var: “İş o yerə çatıb ki, ABŞ-dan siyahı yayıblar ki, bir qrup saxtakar camaatın üzərində cərrahiyyə əməliyyatı aparır. Sonra aydın oldu ki, onlardan rüşvət alıb sənəd veriblər. Bəs buna nəzarət etməli qurumlar da görünür rüşvət alıb susur? Əks halda, bunun cavabı nədir, bilmək olmur. Artıq bununla bağlı ailələrdə problemlər yaranır. Qadın görkəmini dəyişir, sonra uşaq dünyaya gəlir. Uşaq ona oxşamır. Yəni, əməliyyatdan əvvəlki formasına bənzəyir. Yaxud bir neçə müddətdən sonra süni maddələrdən oluşan bədəninin plastik əməliyyat etdirdiyi yerlər çürüməyə başlayır və xərçəng kimi dəhşətli xəstəliyə düçar olur.
Əgər kimin görünüşündə ciddi qüsurlar varsa, bu əməliyyat əslində onun üçündür. Lakin bizim cəmiyyət “hamı getdi, mən qaldım” prinsipi ilə yanaşır. Pulu olan qaçır saxtakar plastik cərrahların yanına. Allahın yaratdığı görkəmi ciddi zərurət olmadan dəyişib təhrif etmək böyük günahdır və bu, haçansa ağır bədbəxtliyə səbəb olur. Çünki hər insanın aurası var, onu əhatə edən mənəvi halı, ruhani dairə var. Bu əməliyyatlar zamanı o ruhani dairəyə, nurani haləyə xələl gəlir. Allaha irad tutan bəndə mütləq cəzalanacaq. Bunu edən həkimlər isə şübhəsiz ki, cəhənnəmi satın alırlar”.
Ekspert onu da vurğulayıb ki, doğru bir adət olmasa da, bəzən qadın ərindən xəbərsiz süni mayalanma edir.
Onun fikrincə, süni mayalanmadan ümumiyytlə qaçmaq lazımdır.
“Allah çox ailələrə övladı dərhal yox, müəyyən müddətdən sonra verir. Bunun da öz hikməti, səbəbi var. Əgər insanlar övladı Allahın vermək istədiyi vaxtda yox, özlərinin istədiyi vaxta istəyirlərsə, onda gələcəkdə baş verəcək fəsadları, bədbəxtlikləri, şikəst, əlil, qüsurlu uşaqların məsuliyyətini “Allahın işidir” deyib yaradanın boynuna atmasınlar.
Süni mayalanma tibb mütəxəssislərinin yekdil qərarı ilə artıq təbii yolla övlad olmadığı təqdirdə caizdir. Özü də yalnız atadan mayalanma ilə. Əgər problem atadadırsa başqa kişidən qadının bətnində uşaq dünyaya gətirmək doğru deyil. Bu artıq şəriətə ziddir. Eyni zamanda, kişidən xəbərsiz qadın süni mayalanma edirsə, bu da zina hökmündədir. Necə ola bilər ki, kişinin özündən xəbərsiz onun “övladı” mayalanır, dünyaya gəlir. Özü də yalnız sonra xəbər tutur. Bu kimi dinimizə, mentalitetimizə, mənəvi dəyərlərimizə, ailə dəyərlərimizə zidd olan çirkin adətlər əsasən Qərbdən gəlir. O Qərbdən ki, kişi kişi ilə, heyvan ilə evlənir, cinsiyyətini dəyişir.
Bu kimi fəsadverici əməllər bəşəriyyətin məhvinə aparan işlərdir. Vaxtilə mövcud olmuş çox inkişaf etmiş sivilizasiyalar məhz belə əməllərə görə məhv olublar.
Qədim Pompey dövrünə aid olan daşlaşmış heykəllər hələ də qalır. İnsanlar zina, uşaqbazlıq, pozğunluq etdikləri anda da ilahi əzab onları yaxalayıb və indiki cəmiyyətlərə ibrət olmaq üçün də daşlaşmış vəziyyətdə saxlanılıb. Süni mayalanma kimi işlər yalnız qanunu ərin vasitəsi ilə ola bilər. Əks halda, ərin icazəsi olsa belə, başqa kişidən alınmış toxumla mayalanma etmək zina hökmündədir və haramdır. Bu kimi əməlləri adiləşdirib xalqın genini dəyişmək, qarışdırmaq istəyir xarici düşmənlər.
Bizim bəzi saxta həkimlər də pula görə vicdanını satır. Plastik əməliyyatlar ilə xalqın zahiri görkəmini, üz cizgilərini təhrif edirlər, bu cür lazımsız süni mayalanmalar ilə də genini dəyişib qarışdırırlar. Bu, xalqı, cəmiyyəti zədələmək deməkdir. Genini, yaradılış xüsusiyyətlərini, fitrətini süniləşdirməkdir. Əslində, belə əməllər bəşəri cinayətdir.
Təəssüf ki, ölkədə bu sahəyə hələ ki, az diqqət ayrılır. Lazımdır ki, aidiyyəti dövlət qurumları bu məsələyə ciddi yanaşsınlar və düzgün şəkildə nəzarət həyata keçirilsin”– deyə T.İrfan fikirlərini yekunlaşdırıb.
Uzun illər Bakı Ağır Cinayətlər Məhkəməsinin hakimi olmuş və bir sıra hay-küylü proseslərə rəhbərliyi ilə məşhurlaşan hakim Əlövsət Abbasov keçmiş gəlininə və nəvələrinə qarşı məhkəmə iddiası qaldırıb.
Gununsesi.info-nun xəbərinə görə, Əlövsət Abbasov ötən il oğlu Rüfət Abbasovdan boşanan gəlini Vəfa Abasovanın və nəvələri Nərminlə Aylinin evindən qeydiyyatdan çıxarılması üçün məhkəməyə müraciət edib.
Məlumata görə, məhkəmə sabiq hakimin iddiasını qismən təmin edib.
Buna səbəb isə Nərminin ailəli olması və başqa ünvanda yaşamasıdır. Bu səbəbdən yalnız onun qeydiyyatdan çıxarılmasına qərar verilib.
Lakin gəlinin qeydiyyatdan çıxarılmasıyla bağlı hissədə Əlövsəd Abasovun iddiası təmin edilməyib.
Xatırladaq ki, Əlövsəd Abbasov təqaüd yaşı çatandan sonra daha 5 il məhkəmə sistemində saxlanılıb. O, 70 yaşına qədər Bakı Ağır Cinayətlər Məhkəməsinin hakimi vəzifəsində işləyib. Yalnız 2021-ci ildə təqaüdə göndərilib. O vaxtdan da Vəkillər Kollegiyasının üzvüdür və vəkil kimi fəaliyyət göstərir.
Bakı Ağır Cinayətlər Məhkəməsinin hakimi olduğu 20 ildən artıq müddətdə o, bir çox qalmaqallı hökmlərə imza atıb:
Əlövsət Abbasov, 2015-ci ildə Nardaran hadisələrilə əlaqədar həbs olunan ilahiyyatçı Taleh Bağırzadəyə və tərəfdarlarının hökmü, Şəmkirin keçmiş icra başçısı Aslan Aslanovun oğlu Ruslan Aslanovun qətlinə görə həbs olunan Vüqar Əliyevə ömürlük cəza verilməsi (onun cəzası Prezidentin əfv sərəncamı ilə 25 illə əvəzlənib və azadlığa çıxmasına az qalıb), Azərbaycanın dövlət sərhədini qanunsuz keçməkdə, ərazi bütövlüyünü parçalamağa yönəlik çağırışlarda ittiham olunan Aleksandr Lapşinin işi, bir çox jurnalistlərin, aktivistlərin işi ilə bağlı hökmlərin müəllifidir.
Dövlət Təhlükəsizliyi Xidməti (DTX) tərəfindən aparılmış daha bir xüsusi araşdırma nəticəsində həbs edilən şəxsin mühakiməsi başlayır.
TEREF “Qafqazinfo”ya istinadən verdiyi məlumata görə, həmin şəxs Azərbaycan vətəndaşı Svetliçnıy İvan Nikolayeviçdir.
Nilolayeviçə Cinayət Məcəlləsinin 274-cü (dövlətə xəyanət) maddəsi ilə ittiham elan edilib.
İş Bakı Ağır Cinayətlər Məhkəməsində hakim Aygün Qurbanovanın sədrliyi ilə araşdırılacaq.
Azərbaycan Respulikası Milli Məclisinin deputatı Tənzilə Rüstəmxanlı avtoqəza nəticəsində ağır beyin əməliyyatı keçirən və uzun müddət komada qalan 2009-cu il тəvəllüdlü Aqil Nəcəfovu xəstəxanada ziyarət edib.
Yenicag.az xəbər verir ki, millət vəkili yeniyetmənin hazırkı vəziyyəti ilə maraqlanıb, tezliklə sağlamlığına qovuşub təhsilinə davam etməsini arzulayaraq, valideynlərinə onun vəziyyətini daim nəzarətdə saxlayacağını bildirib.
Qeyd edək ki, yeniyetmə Neftçala rayonunun Xolqarabucaq kəndində avtomobil vurması nəticəsində ağır qəzaya düşüb. Qəza nəticəsində 10-cu sinif şagirdi ağır kəllə-beyin travması alıb.
Bakı şəhərində ağır beyin əməliyyatı keçirən 15 yaşlı məktəbli 1 ay komada qalıb və hazırda Neftçala rayon xəstəxanasında müalicəsi davam edir.
"Təyyarə yerdən açılan atəş nəticəsində zədələnib...Cinayət işinin ilkin araşdırması dediyim versiyanı bir daha təsdiqləyir"
Yanvarın 6-da Azərbaycan Respublikasının Prezidenti İlham Əliyev “Azərbaycan Hava Yolları” Qapalı Səhmdar Cəmiyyətinə məxsus Bakı–Qroznı reysini yerinə yetirərkən Rusiya ərazində vurulan və bunun nəticəsində qəzaya uğrayan “Embraer 190” tipli sərnişin təyyarəsinin həlak olan ekipaj heyətinin ailə üzvləri və qəza zamanı sağ qalan təyyarə bələdçiləri ilə görüşüb.
Görüşdə çıxış edən Prezident İlham Əliyev dedi:
- Dekabrın 25-də Bakı-Qroznı marşrutu ilə uçan AZAL-a məxsus sərnişin təyyarəsi Qroznı şəhərinin yaxınlığında kənar müdaxilə nəticəsində idarəetməni itirib, zədələnib və demək olar ki, idarəolunmaz vəziyyətə salınıb. Məhz pilotların peşəkarlığı, qəhrəmanlığı, fədakarlığı nəticəsində təyyarə Aktau şəhərində qəza enişi edə bilib. Pilotların və bütün ekipaj üzvlərinin fəaliyyəti Azərbaycan dövləti tərəfindən yüksək qiymətləndirilib. Mənim Sərəncamımla ekipaj üzvləri ilə vida mərasimindən sonra ekipajın üç üzvü - iki pilot və bir bələdçi Milli Qəhrəman adına layiq görülüb, iki bələdçi isə 1-ci dərəcəli “Rəşadət” ordeni ilə təltif edilib. Əgər pilotlar peşəkarlıq, qəhrəmanlıq göstərməsəydilər, bu qəzada sağ qalan olmazdı.
Bildiyiniz kimi, Dövlət Komissiyası yaradılıb, komissiya fəaliyyət göstərir. Eyni zamanda, mənim göstərişimlə Azərbaycan prokurorluğu cinayət işi açıb. Cinayət işinin ilkin araşdırması dediyim versiyanı bir daha təsdiqləyir. Bu barədə ilkin məlumat bizdə artıq dekabrın 29-da var idi və Azərbaycan Televiziyasına vida mərasimindən sonra verdiyim müsahibədə mən həm öz fikirlərimi, eyni zamanda, istintaqın bizə verdiyi məlumatı Azərbaycan xalqına çatdırmışdım. Bildirmişdim ki, Azərbaycan ictimaiyyəti istintaqın gedişatı ilə müntəzəm surətdə tanış olacaq.
Prokurorluğun işçi qrupları həm Qroznı, həm Aktau şəhərlərinə ezam edilmişdi, orada operativ işlər görmüşdür. Yenə də deyirəm, ilkin məlumatlar var. Biz təbii olaraq istintaqın başa çatmasından sonra tam məlumatı Azərbaycan ictimaiyyətinə çatdıracağıq. Ancaq dekabrın 29-da bildirdiyim bir məqamı bir daha diqqətinizə çatdırmaq istəyirəm. Qroznı şəhərində “kavyor əməliyyatı”, yəni, hava sahəsinin bağlanması əməliyyatı təyyarə yerdən vurulandan sonra elan edilib.
Bu, bir daha onu göstərir ki, burada çox ciddi cinayət tərkibli məsələlər var. Adətən hər hansı bir ölkənin hava məkanında təhlükə yaranırsa, dərhal o ölkənin hava məkanı bağlanır. Bu, bütün ölkələrdə var və bunun müxtəlif adları var. Rusiyada buna “kavyor əməliyyatı” deyirlər. Əgər Rusiyanın hava məkanı üçün təhlükə var idisə, dərhal təyyarə kapitanına bu barədə məlumat verilməli idi. Dərhal hava məkanı bağlanmalıydı və təyyarə geri dönməli idi.
Onu da bildirməliyəm ki, baş vermiş qəzadan təqribən 10 gün əvvəl oxşar hadisə Qroznı şəhərinin yaxınlığında baş vermişdi. AZAL-a məxsus təyyarə yarı yoldan geri dönmüşdü. Nə üçün bu dəfə təyyarə ekipajına xəbərdarlıq edilməmişdi? Bunu təbii olaraq istintaq göstərəcək. Mən bir daha demək istəyirəm ki, bizdə olan məlumat həqiqətə əsaslanır. Rusiyanın dövlət qurumları tərəfindən bu hadisəni ört-basdır etmək və cəfəng versiyalar üzərində dayanmaq cəhdi bizdə həm təəccüb, həm təəssüf, həm də haqlı olaraq hiddət hissi doğurur. Günahsız insanlar həlak olublar. Yenə də deyirəm, məhz pilotların və ekipaj üzvlərinin qəhrəmanlığı nəticəsində 30-a yaxın insan bu qəzadan sağ çıxıb, onların bir neçəsi ağır yaralanmışdır. Onu da bildirməliyəm ki, qəza nəticəsində ən çox həlak olan Azərbaycan vətəndaşlarıdır. Eyni zamanda, Rusiya və Qazaxıstan vətəndaşları da həlak olublar. Qırğızıstan vətəndaşları isə yaralanmışdır.
Ekipaj üzvlərinin qəhrəmanlığı haqqında mən vida mərasimi zamanı bildirmişdim. Bir daha demək istəyirəm, bu, doğrudan da böyük fədakarlıqdır. Mən bildirdim, çox güman, pilotlar bilirdilər ki, bu qəzadan sağ çıxa bilməyəcəklər. Onlar təcrübəli pilotlar idi, idarəolunmaz vəziyyətdə olan təyyarəni məhz öz peşəkarlıqları nəticəsində bir yolla məkana yetişdirə bilmişdilər və qəza enişi olsa da, təyyarəni endirə bilmişdilər. Ekipajın digər üzvləri - bələdçilər də soyuqqanlılıq göstərmişlər. Təyyarədə xaosun yaranmaması üçün böyük cəsarət göstərmişlər. Onlar da görürdülər, bilirdilər ki, onları nələr gözləyir. Yəqin, heç ümid etmirdilər ki, bu vəziyyətdən sağ-salamat çıxa bilərlər. Belə vəziyyətdə özünü təmkinlə, soyuqqanlılıqla, cəsarətlə aparmaq, əlbəttə ki, bir daha onların yüksək keyfiyyətlərini göstərir. Xüsusilə nəzərə alsaq ki, bələdçilərin ikisi qadın idi.
“Qara qutu”ların açılması prosesi başlanmışdır. Bizim təkidimizlə bu proses Braziliyada həyata keçirilir. Mən bunu dekabrın 29-da televiziyaya müsahibəmdə demişdim ki, biz bütün təkliflərə və təkidlərə baxmayaraq Dövlətlərarası Aviasiya Komitəsinin “qara qutu”ları açmasına qəti etiraz etmişdik. Çünki burada obyektivlik sual altına düşə bilərdi. Burada hüquqi dillə desək, maraqlar toqquşması ola bilərdi. Ona görə Azərbaycan, Qazaxıstan və Rusiya nümayəndələrinin iştirakı ilə Braziliyada “qara qutu”ların təhlilinə başlanılmışdır və yəqin ki, yaxın gələcəkdə bu barədə də məlumat veriləcək. Təbii ki, bu günə qədər hələ də açıq olmayan bütün məsələlər də üzə çıxacaq.
Gün kimi aydın olan məsələlər ondan ibarətdir ki, təyyarə radioelektron mübarizə vasitələri tərəfindən idarəolunmaz vəziyyətə salınmışdır. Bizə bəlli olan digər məsələ ondan ibarətdir ki, təyyarə yerdən açılan atəş nəticəsində zədələnmişdir. Ancaq nə üçün təyyarə Aktau istiqamətinə göndərilmişdir? Bu barədə bizdə hələ ki, məlumat yoxdur. Bu, yerli dispetçerlər tərəfindən qəbul edilmiş qərar əsasında baş verib, yoxsa pilotlar özləri başa düşərək ki, artıq Rusiyanın hava məkanında radioelektron mübarizə vasitələri onlara eniş etmək üçün imkan verməyəcək və özləri bu seçimi ediblər. Bu barədə hələ ki, bizdə məlumat yoxdur. Təbii ki, “qara qutu”lar açılandan sonra bütün bu məlumatlar olacaq.
Ekipaj üzvlərinin fəaliyyətini nəzərə alaraq, bir daha qeyd etmək istəyirəm ki, Azərbaycan dövləti onları yüksək mükafatlarla təltif edib.
Ekipaj üzvlərinin ailələrinə, həmçinin təyyarə qəzasında həlak olanların hamısının ailələrinə bir daha başsağlığı vermək istəyirəm. Məhz ekipaj heyətinin peşəkarlığı, rəşadəti və qəhrəmanlığı sayəsində 30-a yaxın insanın həyatını xilas etmək mümkün oldu.
Yəqin ki, siz də bu faciəvi xəbərin dünya mediasında necə işıqlandırıldığını izləyirsiniz. Bütün digər məsələlərlə yanaşı, ekspertlər məhz pilotların peşəkarlığını və qəhrəmanlığını qeyd edirlər, eyni zamanda, ekipaj heyətinin bütün digər üzvlərinin. Çünki belə bir şəraitdə qəza enişi etmək və Rusiyanın hava məkanında kənar müdaxilə nəticəsində demək olar ki, idarəolunmaz halda olan təyyarəni sahilə qədər çatdırmaq həm peşəkarlıq, həm də qəhrəmanlıq tələb edirdi. Heç kim özünü itirmədi, hərçənd artıq dediyim kimi, ekipaj üzvləri başa düşürdülər ki, sağ qalmaq şansı demək olar, yoxdur. Görünür, pilotlar əmin idilər ki, bu, onların sonuncu reysidir, amma bununla belə, insanları xilas etmək üçün hər şeyi etdilər. Qəhrəmanlıq da bundan ibarətdir. Əgər pilotların nümayiş etdirdikləri qəhrəmanlıq və fədakarlıq meyarları varsa, bunu məhz belə adlandırmaq lazımdır.
Azərbaycan dövləti öz oğul və qızlarının fəaliyyətini, qəhrəmanlığını həmişə layiqincə qiymətləndirib. Bu dəfə də ekipaj heyətinin qəhrəmanlığı layiqincə qiymətləndirildi. Ekipajın üç üzvünə ölümündən sonra “Milli Qəhrəman” yüksək adı verildi, sağ qalan iki ekipaj üzvü də yüksək dövlət mükafatı ilə təltif olundu. Ola bilər ki, yaxınlarını itirən ailələr üçün bu, kiçik bir təsəllidir, amma Azərbaycan dövlətinin öz vətəndaşlarına münasibətinin təzahürüdür. Həlak olanların hər biri təkcə onun yaxınları, ailə üzvləri üçün deyil, həm də Azərbaycan dövləti üçün əzizdir. Biz buna operativ şəkildə reaksiya verdik, elə bir şəraitdə Azərbaycanın hər bir vətəndaşının həyatının bizim üçün çox qiymətli olduğunu bəyan edərək, prinsipial davrandıq və ədalət, Azərbaycan vətəndaşlarının bu qəzada həlak olmalarına səbəb olan təqsirkarların cəzalandırılmasını tələb edəcəyik. Əgər Qroznı şəhəri öz ərazisində Rusiyanın hava məkanının bağlanması üzrə vaxtında tədbirlər görsəydi, yerüstü xidmətlərin bütün qaydalarına əməl olunsaydı, həmçinin Rusiya Federasiyasının silahlı qüvvələri və mülki xidmətləri arasında koordinasiya olsaydı, onda bu faciə də baş verməzdi.
Mən hələ ki, cinayət işinin bütün materiallarını açıqlamaq istəmirəm, onun ilkin təhqiqatı və nəticələri mənə məruzə edilib. Amma əminliklə deyə bilərəm ki, Azərbaycan vətəndaşlarının bu qəzada həlak olmasının günahı Rusiya Federasiyası nümayəndələrinin üzərindədir. Biz ədalət tələb edirik, günahkarların cəzalandırılmasını tələb edirik, tam şəffaflıq və insani davranış tələb edirik.
“Qara qutu”ların Braziliyaya göndərilməsi də ondan xəbər verir ki, biz obyektivlik tələb edirik. Mən artıq bu barədə ekipajla vida mərasimindən sonra da demişəm. Əgər biz ilk dəqiqələrdən və ya saatlardan Rusiya Federasiyası rəsmi dairələri tərəfindən bu faciəni obyektiv araşdırmaq cəhdini görsəydik, onda çox güman ki, “qara qutu”ların Dövlətlərarası Aviasiya Komitəsi tərəfindən açılmasının həyata keçirilməsinə razılıq verərdik. Biz onilliklər ərzində bu struktur ilə əməkdaşlıq etmişik və fəal əməkdaşlığımız olub. Bu struktur əsasən keçmiş SSRİ məkanında təyyarə qəzalarının təhqiqatı ilə məşğul olub. Amma biz işin ört-basdır edilməsi, bunu hansısa quşların və ya qaz balonunun adına çıxmaq cəhdini gördükdə, təbii ki, həm mənim, həm də Azərbaycan ictimaiyyətinin bu strukturun təhqiqatının obyektivliyinə ciddi şübhələri yarandı. Hazırda “qara qutu”ların şifrəsinin açılması prosesi gedir. Əminəm ki, yaxın vaxtlarda biz ilkin nəticələri öyrənəcəyik və hər şey öz yerini tutacaq. Baş verən faciənin bütün mənzərəsi də məlum olacaq. Təbii ki, bu, faciənin tam araşdırılması və onun günahkarlarının cəzalandırılması işində mühüm məqam olacaq.
Mən həlak olanların ailə üzvlərini, eləcə də ekipaj üzvlərini bu yüksək mükafatları şəxsən sizə təqdim etmək, sizə bir daha başsağlığı vermək və Azərbaycan dövlətinin hər zaman sizinlə olacağını bəyan etmək üçün dəvət etdim. Mən sizə müraciət və xahiş etmək istəyirəm ki, həyatın istənilən şəraitində sizin arxanızda güclü Azərbaycan dövlətinin dayandığını biləsiniz. Rəqəmsal İnkişaf və Nəqliyyat Nazirliyinə, həmçinin “Azərbaycan Hava Yolları” QSC-yə sizinlə daimi əlaqə saxlamaq və sizi narahat edən məsələləri operativ şəkildə həll etmək tapşırılıb.
Bir daha mənim başsağlığımı qəbul edin və əmin olun ki, biz bu məsələni, bu araşdırmanı sonadək başa çatdıracağıq.
X X X
Sonra təltifolunma mərasimi keçirildi.
Naxçıvan Ağır Cinayətlər Məhkəməsində külli miqdarda mənimsəmədə təqsirləndirilən Naxçıvan Muxtar Respublikasının Dövlət Şəhərsalma və Arxitektura Komitəsinin sabiq sədri Hicran Rüstəmovun cinayət işi üzrə məhkəmə prosesi başa çatıb.
TNS xəbər verir ki, prosesdə təqsirləndirilən şəxs ifadəsində özünü qismən təqsirli bilib. Bildirib ki, 2017-ci ilin əvvəlində Vasif Talıbovun sərəncamı ilə Naxçıvan Muxtar Respublikasının Dövlət Şəhərsalma və Arxitektura Komitəsinin sədri vəzifəsinə təyin olunub. 2017-ci ildən 2018-ci ilə qədər komitə sədri vəzifəsini icra etsə də adı çəkilən işlərlə heç bir əlaqəsi olmayıb: “Baş nazirin birinci müavini Asəf Məmmədov tikintiyə başçılıq edirdi. 2018-ci ildə Asəf Məmmədov vəzifədən azad edildikdən sonra Vasif Talıbov məni yanına çağırıb muxtar respublikanın inkişafından və görülən işlərdən danışdı, dedi ki, bundan sonra bu işlərə sən nəzarət edəcəksən. Vasif Talıbov bildirdi ki, yığılan 10 faizlər idarələrdən toplanılıb sənə veriləcək, sən də həmin vəsaitləri Seymur Talıbova verməlisən".
“Seymur Talıbova Hacıniyyət kəndindəki ofisində 20 milyon manat vermişəm”
Hicran Rüstəmov bildirib ki, 2000-2002-ci ildən etibarən Maliyyə Nazirliyinin işçiləri ilə birlikdə görülən işlərin keyfiyyəti yoxlanılır, ölçü işləri aparılır, Maliyyə Nazirliyində yaradılan elektron portal hesabına görülən işlər sistemə işlənilir və işin sonuna 10% əlavə olunurdu: "Bu 10 faizlər və görülən işlər toplanaraq yekun cəm hesablanır, görülən işlərin siyahısı çıxarılır, Nazirlər Kabinetinə təqdim edilirdi. Bundan sonra Nazirlər Kabineti bu siyahını Vasif Talıbova göndərir, Vasif Talıbov işlərə baxdıqdan sonra Baş nazir, maliyyə naziri və mənim iştirakım ilə müşavirə keçirir, görülən iş müzakirə olunurdu. Yekunda Nazirlər Kabinetinin sərəncamı əsasında vəsaitlər idarələrin hesablarına köçürülür, köçürüldükdən sonra “Gəmiqaya”, ”Nəqşicahan”, “Cahan” kimi şirkətlərin gördüyü işin 10 faizi onların hesabında qalır, həmin vəsaitin sonrakı taleyi barədə məlumatım olmurdu. Sadəcə olaraq Dövlət Şəhərsalma və Arxitektura Komitəsinin tabeliyində fəaliyyyət göstərən 7 kiçik tikinti idarəsi gördükləri işin 10 faizini komitəyə təhvil verirdi, bu da aylıq təxminən 400-500 min manat idi. Mən də həmin məbləği aidiyyəti üzrə təhvil verirdim. Aylıq 400-500 min olmaqla ümumilikdə nağdlaşdırılan təxminən 15.000.000-20.000.000 (on beş milyon-iyirmi milyon) manatı Vasif Talıbovun göstərişi ilə şəxsən Seymur Talıbova onun Hacıniyyət kəndindəki ofisində təhvil vermişəm.
“48 milyon manat ayrıldı, 36 milyon manatı xərcləndi”
Təqsirləndirilən şəxs deyib ki, ittiham aktında qeyd olunan 245.126.590,00 (iki yüz qırx beş milyon yüz iyirmi altı min beş yüz doxsan) manatın 104.000.000 (yüz dörd milyon) manatı dövlət vəsaiti hesabına tikilən obyektlərin pulu idi: "Vəsaitdən nağdlaşdırılaraq komitəyə təhvil verilmiş 15.000.000-20.000.000 (on beş milyon-iyirmi milyon) manatdan əlavə qalan təxmini 210.000.000 (iki yüz on milyon) manatdan çox vəsaitin hara köçürüldüyü, kimə çatdığı barədə məlumatım olmayıb. Mənim dövrümdə 104.000.000 (yüz dörd milyon) manat sərf olunub, onu da Nazirlər Kabinetinin sərəncamı əsasında podratçı şirkətlərə vermişəm. Vəsaitin bir hissəsi Naxçıvan şəhərində olan qazanxanaların, dam örtüklərinin təmirinə xərclənib, Culfa-Ordubad yoluna ayrılan 64.000.000 (altmış dörd milyon) manatdan 30.000.000 (otuz milyon) manatı sərf olunub, 30.000.000 (otuz milyon) milyon manatı isə Nazirlər Kabinetinin sərəncamı ilə birbaşa “Gəmiqaya” şirkətinin hesabına köçürülüb. Sədərək gömrüyünün tikintisinə 48 milyon vəsait ayrılıb, onun 36 milyon manatı sərf olunub, 12 milyon manatı yenə də Nazirlər Kabinetinin sərəncamı ilə ya “Nəqşicahan” şirkətinin hesabına köçürülüb”.
Sonda təqsirləndirilən şəxsə qarşı məhkəmə hökmü elan olunub. Məhkəmənin hökmü ilə H. Rüstəmov 12 il azadlıqdan məhrum edilib. Hökmə görə, təqsirləndirilən şəxsə təyin edilmiş 12 (on iki) il azadlıqdan məhrumetmə cəzası Azərbaycan Respublikası Cinayət Məcəlləsinin 70-ci maddəsinə əsasən 4 (dörd) il 6 (altı) ay sınaq müddəti ilə şərti hesab edilib.
Yeni Azərbaycan Partiyası (YAP) bələdiyyə seçkilərində ödənişsiz təşviqat hüququndan imtina edib.
Bunu Mərkəzi Seçki Komissiyasının sədr müavini Rövzət Qasımov qurumun bu gün keçirilən iclasında deyib.
Onun sözlərinə görə, namizədlər üçün bütün ölkə ərazisində açıq və qapalı yerlər ayrılıb: "Bunun üçün 3 min 730 açıq, 2 min 180 qapalı görüş yeri müəyyənləşib".