“HƏMAS-ın yeni təyin olunan lideri Yəhya Sinvar qaçqın şəhərciyində doğulub. O, ömrünü mücadiləyə həsr edən şəxslərdən biridir. Yəni HƏMAS-da İsmayıl Haniyə qədərtəsir imkanlarına malik şəxslərdən biri sayılır”.

Bunu Bakupost.az -a açıqlamasında politoloq Samir Hümbətov deyib.
O, Yəhya Sinvarın hədəf alınmasının təbii olduğunu bildirib:
“Çünki İsrailin qarşısına qoyduğu hədəf HƏMAS-ı sıradan çıxarmaqdır. Ona görə də İsrail hesab edir ki, Haniyədən sonra onun yerinə Sinvarın gəlməsi HƏMAS-ı zəiflətməkdən daha çox gücləndirir. Çünki Yəhya Sinvarın da həyatı mübarizəylə keçib, dini məsələlərdə çox mühafizəkar mövqe tutan şəxslərdən biri sayılır. Kifayət qədər təsir imkanları mövcuddur”.
Politoloq deyib ki, HƏMAS-ın güclü liderləri öldürülsə də, yerlərinə yeni, həm də nüfuzlu şəxslər təyin edilir:
“İsmayıl Haniyədən fərqli olaraq Yəhya Sinvar kəşfiyyat və əks-kəşfiyyat sahəsində təcrübəsi olan şəxsdir. Ona görə də onu asanlıqla aradan götürmək mümkün deyil. Yəhya Sinvarın HƏMAS-ın başına gəlməsindən sonra təşkilat daha da güclənə bilər”.
Vasif Əlihüseyn