"Ermənistanın Baş naziri Nikol Paşinyan erməni cəmiyyətində sağlam düşünə bilən bir düşməndir".

Bu sözləri Azərbaycan Ümid Partiyasının sədr müavini Bakir Həsənbəyli "Cebhe.info"ya açıqlamasında deyib.

O bildirib ki, Paşinyan reallıqları erməni cəmiyyətinə çatdırmağa çalışır:

"O, "tarixi Ermənistan"dan real Ermənistana keçid etməyin vacibliyini vurğulayır. Düzdür, tarixdə Ermənistan adlı bir dövlət olmayıb. Sovet hökuməti Ermənistan dövlətini qurana qədər onları kilsə edirdi. Yəni Ermənistan heç vaxt mövcud olmayıb.

Hətta Ermənistan alimləri söyləyirlər ki, erməniləri qaraçı millətinin bir qoludur. Çünki erməni xalqı qaraçılar kimi məskunlaşdığı yerlərə tez alışır. Bu da onların qaraçı tayfalarının bir qolu olduğunu göstərir. Artıq onlar özləri də bunu təsdiq edirlər".

Onun sözlərinə görə, ermənilər Nikol Paşinyana minnətdar olmalıdırlar:

““Dənizdən-dənizə böyük Ermənistan” arzusunda olan bir xalq Nikol Paşinyanın sayəsində həqiqətləri görməyə başlayıb. Ona görə də Paşinyana minnətdar olmalıdırlar. Hesab edirəm ki, o, hansısa formada Ermənistanın tarixində qalmağı hədəfləyən bir siyasətçidir".

Bakir Həsənbəyli söyləyib ki, Paşinyan Ermənistanı müstəqil dövlət etməyə çalışır:

"Paşinyan vətəndaşlarla görüşü zamanı Ermənistanın ilk dəfə qonşu dövlətlə öz sərhədlərini müəyyənləşdirmək imkanına sahib olduğunu diqqətə çatdırıb.
Artıq Ermənistanın hansısa ölkənin təhlükəsizliyini təmin etməyinə ehtiyacı olmayacaq və erməni hərbçiləri öz sərhədlərinin keşiyində duracaqlar.

Yəni Paşinyanın addımları və düşüncələri sözün əsl mənasında gələcəkdə müstəqil və heç kimdən asılı olmayan Ermənistan dövlətinin qurulmasına xidmət edir. O, buna nail olarsa, Ermənistan tarixində qalmağı bacaracaq".