Kolumbiya Universitetinin (ABŞ) alimləri müəyyən ediblər ki, yaxınlarının itkisi DNT metilasiyası mexanizminə əsaslanan epigenetik saatı sürətləndirir və bununla da bioloji qocalmaya səbəb olur.

"DogruXeber.az" xəbər verir ki, bu barədə araşdırma nəticələri "JAMA Network Open" jurnalında dərc olunub.

Aparılan tədqiqatlarda 1994-1995-ci illərdə sorğu vasitəsilə dəvət olunmuş 12 300 nəfər iştirak edib. İlk mərhələdə, iştirakçıların əksəriyyəti məktəbdə olarkən psixoloji vəziyyətləri təhlil edilmiş, daha sonra onlardan sevdiklərinin ölümünü yaşayıb-yaşamadıqlarını öyrənmişlər.

Bildirilir ki, tədqiqat başlayandan 2016-2018-ci ilə qədər sorğu daha dörd dəfə təkrarlanıb. Bu müddət ərzində təxminən dörd min insan ailə üzvlərini, həyat yoldaşlarını və ya dostlarını itirib.

Nəticələr göstərib ki, 33-44 yaş arası könüllülər arasında itkilər epigenetik saatla ölçülən daha böyük bioloji yaş, eləcə də sürətlənmiş qocalmanı sürətləndirib. Üstəlik, bir insanın nə qədər çox itkisi varsa, qocalma faizinin də bir o qədər çox olduğu müəyyən edilmişdir.

Quru nanə bir çox faydalı xüsusiyyətlərə malikdir və geniş şəkildə istifadə olunur. Foodinfo.az xəbər verir ki, quru nanə həzmi yaxşılaşdırır və mədə problemlərinin, o cümlədən şişkinliyin və həzmsizliyin aradan qaldırılmasına kömək edir. Onun tərkibindəki mentol maddəsi mədə-bağırsaq traktının fəaliyyətini normallaşdırır və bağırsaq spazmlarını azaldır.Bu bitkinin qurusu həm də güclü antioksidant təsirə malikdir. Bu, bədəni sərbəst radikalların zərərindən qoruyaraq ümumi sağlamlığı yaxşılaşdırır və immunitet sistemini gücləndirir. Antimikrobiyal xüsusiyyətləri sayəsində quru nanə infeksiyaların qarşısını almağa və bədənin mikroblara qarşı müqavimətini artırmağa kömək edir.Bundan əlavə, quru nanə sinir sisteminə müsbət təsir edir, stress və gərginliyi azaltmağa yardımçı olur. Onun sakitləşdirici təsiri sayəsində, nanə çayı yuxu problemlərini aradan qaldırmaqda istifadə olunur.Quru nanə, həmçinin nəfəs yollarını açır və soyuqdəymə simptomlarını yüngülləşdirir. Bu xüsusiyyətləri ilə quru nanə çayı boğaz ağrısı, öskürək və burun tıxanıqlığına qarşı təbii bir vasitədir.

Deyilənə görə, böyük loğman İbn Sinanın yolu bir dəfə yayda Azərbaycanın Aran ellərindən düşüb. Vəba xəstəliyini mülaicə eləmək üçün el-el dolaşan alim Aranda bitən dadlı qarpızlardan yedikdən sonra deyib ki, sizə Allah dərd də verib, dərmanın da. Can dərmanınız bu qarpızdır. Bol- bol yeyin, su əvəzinə onu işlədin.

Lent.az “Şəfalı bitkilər” rubrikasında hazırda mövsümü olan qarpızdan bəhs edir.

Qarpız yemək orqanizmin su ilə təminatını dəstəkləyir, xərçəngin qarşısını almağa kömək edir, iltihabı və oksidləşdirici stresi azaldır, ürəyi sağlamlaşdırır.

Qarpızın tərkibində eyni zamanda E və T vitaminləri, tiamin, riboflavin, niasin, B6 vitamini, foli turşusu, pantoten turşusu, kalsium, dəmir, maqnium, fosfor, kalium, natrium, sink, mis, marqans və selen var. Orqanizmin su təminatını dəstəkləyir. Su qəbul etmək orqanizm üçün çox vacibdir. Maraqlıdır ki, qarpızın 92 faizi sudan ibarətdir.

Qarpızın tərkibində bir sıra antioksidantlar, C vitamini, karotinoid, likopin, E kukurbitasini var.
Böyrəkdəki duzların, daşların təmizlənməsinə kömək edir.

Qarpız qabığının dəri üçün çox yaxşı bir təmizləyici və nəmləndiricidir. Xüsusilə qarpızın qabığına yaxın olan ağ hissələri ilə üzünüzü masaj edə bilərsiniz. Ayrıca iltihab əleyhinə bir təsir xüsusiyyətinə malikdir.

Qarpız toxumu xolesterol səviyyənizi tarazlıqda saxlayır və pis xolesterolu(LDL) azaldır.İçindəki lif mədə və bağırsaq sistemini tənzimləyir. Qəbizlik və həzm pozğunluğu kimi problemlərin qarşısını alır.

İçərisində likopen olan qarpız xərçəngə səbəb olan toxumaların zədələnməsinin qarşısını almaqda mühüm rol oynayır. Yüksək miqdarda antioksidan xüsusiyyətləri sayəsində bədəndəki zərərli toksinlərin səbəb ola biləcəyi zərərlərin qarçşısını alır. Beyin sağlamlığınızı gücləndirir. Tərkibindəki xolin sayəsində uzun müddətli yaddaşı qorumağa kömək edir.

Cəfəri çox yaxşı sidikqovucu və iltihab əleyhinə xüsusiyyətlərə malikdir.

Xalq təbabətində böyrəkləri, sidik kisəsini və sidik yollarını qum və mikroblardan təmizləmək üçün cəfəri suyu istifadə olunur.

Bu suyun bir çox faydalı xüsusiyyətləri var. Cəfəri suyunun yağ yandırıcı xüsusiyyəti var, parlaq bir cild üçün istifadə edilir. Həmçinin cəfəri suyu qara ciyərdə yağlanmanın da qarşısını alır.

Cəfəri suyu necə hazırlanır?

1 dəstə cəfəri saplağı ilə birlikdə yuyulur, doğranılır, üzərinə yarım litr qaynar su tökülür, zəif odda 2-3 dəqiqə qaynatdıqdan sonra 1 saat dəmlənir və süzülür. Hazırlanan cəfəri suyu ilıq olaraq, günün hər saatında arzuya görə istehlak edilir. Gecə yatmazdan 1 saat əvvəl içsəniz, arıqlamaq üçün daha təsirli olacaq.

Meyvə quruları sağlamlıq baxımından çox faydalıdır. Quru meyvələr təbii şirinliyi və qida dəyəri ilə zəngindir. Meyvələrin qurudulması prosesi onların içərisindəki suyun çıxarılması və qida maddələrinin qorunmasını təmin edir. Bu proses nəticəsində meyvələr daha uzun müddət saxlanıla bilir.Foodinfo.az xəbər verir ki, quru meyvələrdə C vitamini, dəmir, kalsium, kalium və antioksidantlar bol miqdarda olur. Məsələn, kişmiş, qaysı qurusu, quru əncir və quru xurma çox yayılmış nümunələrdir. Bu meyvələr enerji verici, immun sistemini gücləndirici və həzm sistemini tənzimləyici təsirə malikdir.Quru meyvələr eyni zamanda, lif baxımından da zəngindir. Bu, həzm prosesini yaxşılaşdırır və bağırsaq fəaliyyətini normallaşdırır. Lakin quru meyvələrin çox miqdarda şəkər ehtiva etdiyini unutmaq olmaz, buna görə də, onları məhdud miqdarda qəbul etmək məsləhətdir.Həmçinin quru meyvələr idmançılar və aktiv həyat tərzi sürənlər üçün ideal qidadır, çünki onlar sürətli enerji qaynağıdır. Qida rasionunda quru meyvələrdən istifadə etməklə sağlam və balanslı qidalanma təmin edilə bilər.

Alma rəngindən asılı olmayaraq, sağlamlıq üçün faydalıdır, lakin bəzi rənglərin spesifik üstünlükləri var. Foodinfo.az xəbər verir ki, qırmızı, yaşıl və sarı almaların hər biri fərqli qida maddələri və faydalar təmin edir.Qırmızı AlmaQırmızı alma, xüsusilə də qabığında yüksək miqdarda antioksidant olan flavonoidlər və polifenollar ehtiva edir. Bu maddələr ürək sağlamlığını dəstəkləyir və xərçəng riskini azaltmağa kömək edir. Qırmızı almalar həmçinin daha çox lif və C vitamini ilə zəngindir, bu da həzmi yaxşılaşdırır və immun sistemini gücləndirir.Yaşıl AlmaYaşıl almalar daha az şəkər və daha çox lif ehtiva edir, bu da onları şəkər səviyyəsini nəzarətdə saxlamaq istəyənlər üçün ideal edir. Onlar daha çox turş dadı və daha az kalori ilə fərqlənir. Yaşıl almalar C vitamini və K vitamini ilə zəngindir, bu da sümük sağlamlığını dəstəkləyir və qan laxtalanmasını tənzimləyir.Sarı Alma Sarı almalar mədə-bağırsaq sağlamlığı üçün faydalıdır. Onlar lif, kalium və C vitamini ilə zəngindir və böyrək daşlarının əmələ gəlməsinin qarşısını almağa kömək edir.Hansı rəngdə olmasından asılı olmayaraq, almalar az kalorili, çox faydalı meyvələrdir. Onların hər bir növü müxtəlif sağlamlıq faydaları təqdim edir, buna görə də müxtəlif rənglərdə almalar yemək ən yaxşı seçimdir.

Holland pendiri öz unikal dadı və zəngin tarixi ilə dünya miqyasında məşhur olan pendir növüdür. Bu pendirin bir neçə müxtəlif növü vardır və hər biri özünəməxsus xüsusiyyətləri ilə seçilir.Foodinfo.az xəbər verir ki, holland pendiri, əsasən Niderlandda istehsal olunan və dünyanın bir çox yerində tanınan bir pendir növüdür. Ən məşhur Holland pendirləri arasında Gouda, Edam və Leyden pendirləri yer alır. Holland pendiri protein, kalsium və müxtəlif vitaminlər (xüsusilə B12 vitamini) ilə zəngindir. Bu qidalar sümük sağlamlığı və əzələ inkişafı üçün vacibdir.Yüksək kalorili bir qida olduğu üçün, enerji ehtiyacı olanlara yaxşı bir mənbədir. İdmançılar və aktiv həyat tərzi olan insanlar üçün ideal bir qidadır.Bəzi növ holland pendirləri faydalı probiotik bakteriyalar ehtiva edir ki, bu da həzm sistemini dəstəkləyir və ümumi sağlamlığı artırır.Holland pendiri yüksək kalorili olduğundan qədərində istifadə etmək vacibdir. Hər yeməkdə kiçik miqdarda istifadə edərək qida dəyərindən faydalanmaq olar.Holland pendiri salatlar, sendviçlər və müxtəlif yeməklərdə istifadə edilə bilər. Bu pendir yeməklərə zəngin ləzzət qatır.Bu pendiri soyuducuda saxlayın və istifadə etdikdən sonra yaxşıca sarın ki, qurumasın və öz ləzzətini itirməsin.

İyulun 24-də saat 03:30-da Dövlət Sərhəd Xidmətinin Sərhəd Qoşunlarının “Göytəpə” sərhəd dəstəsinin xidməti ərazisində 2 nəfər naməlum şəxsin İrandan Azərbaycan istiqamətində dövlət sərhədini pozması müşahidə edilib.

Dövlət Sərhəd Xidmətindən verilən məlumata görə, sərhədçilərin qanuni tələblərinə məhəl qoymayan sərhəd pozucuları sərhəd naryadına qarşı silahlı müqavimət göstərərək havanın qaranlıq və relyefin mürəkkəb olmasından istifadə edib geri qaçıblar.

Silahlı insident nəticəsində sərhəd naryadının 2 üzvü yüngül xəsarət alıb, onlara zəruri tibbi yardım göstərilib.

Sərhəd naryadı tərəfindən “Dövlət sərhədi haqqında” Azərbaycan Respublikası Qanununun tələblərinə uyğun olaraq silah tətbiq olunması nəticəsində sərhəd pozucularından birinin güllə yarası aldığı müəyyən edilib.

Əraziyə baxış zamanı ümumi çəkisi 10 kiloqram 882 qram narkotik vasitə, sərhəd pozucularına məxsus gecəgörmə cihazı, 12 mm çaplı tüfəng, giliz və patronlar aşkar olunub.

Hadisə yerində Azərbaycan və İran sərhəd nümayəndələrinin görüşü keçirilib.

Hazırda prokurorluq orqanlarının əməkdaşları ilə birgə əməliyyat-istintaq tədbirləri həyata keçirilir.