Qismən səfərbərliklə kifayət qədər “başıpouqluq” hökm sürür, çoxdan yığılıb qalmış problemlər özünü göstərir.

Ovqat.com xəbər verir ki, Rusiya prezidenti Vladimir Putin yeni seçilmiş qubernatorlarla onlayn görüş zamanı bunu etiraf edib.

O, təəssüflə qeyd edib ki, bu intizamsızlıq təkcə səfərbərliyə alınmada deyil, ordunun digər sahələrində mövcuddur.
Rusiya prezidenti bildirib ki, əgər səfərbərlik elan olunmasaydı, o zaman ordu strukturlarında uzun müddətdir yığılıb qalan kifayət qədər problemlər aşkarlanmayacaqdı.


Putinin fikrincə, artıq ortaya çıxmış bütün məsələləri həll etmək zamanıdır və bunun üçün kifayət qədər əsaslar var.
Xatırladaq ki, Rusiyada qismi səfərbərlik sentyabrın 21-də prezident Vladimir Putinin müvafiq fərmanıyla elan edilib. Səfərbərlik elan olunan gündən bir çox rus gəncləri pərən-pərən düşüb ölkədən qaçmağa başlayıblar. Bəzi məlumatlara görə, indiyədək 1 milyondan çox vətəndaş səfərbərliyə alınmaqdan yayınmaq üçün Rusiyanı tərk edib.

Bazar ertəsi, oktyabrın 10-da Ukrayna ərazisinə raket hücumları nəticəsində azı 14 nəfər həlak olub. Bu barədə Ukraynanın daxili işlər naziri Denis Monastırski telemarafonun efirində açıqlama verib.

“Hazırda 74 raket atəşi qeydə alınıb. Təəssüf ki, 14 ölü və 97 yaralı var", - nazir deyib.

***

Rusiyanın Ukraynanın paytaxtı Kiyev və digər vilayətlərə raket hücumu məticəsində 70-ə yaxın obyektə ziyan dəyib. Nəticədə 11 nəfər ölüb, 64 nəfər yaralanıb.

“Report” Ukrayna KİV-ə istinadən xəbər verir ki, hava hucumu zamanı 29 strateji infrastruktur obyekti, 4 çoxmərtəbəli bina, 35 fərdi yaşayış evi və 1 məktəb zərər görüb.

***

Rusiyanın Ukraynanın paytaxtı Kiyev şəhərinə raket hücumu nəticəsində 10 nəfər ölüb, 60 nəfər yaralanıb. “Report” Ukrayna mətbuatına istinadən xəbər verir ki, bu barədə Ukrayna Milli Polis İdarəsindən bildirilib.

***

Rusiyanın atdığı 83 raketdən 43-ü Ukrayna Hərbi Hava Qüvvələri tərəfindən vurulub. “RBK-Ukraina” xəbər verir ki, bu barədə Ukrayna Həri Hava Qüvvələrinin sözçüsü Yuri İqnat məlumat verib.

Onun sözlərinə görə, İran istehsalı olan 12 PUA-dan 9-u zərərsizləşdirilib.

Y.İqnat bildirib ki, Rusiya Ukraynaya Xəzər dənizi bölgəsindən “X-101” və “X-555” yüksək dəqiqlikli raketlər buraxıb: “Habelə “Kalibr”, “İskander”, “S-300” və “Tornodo” reaktiv yaylım atəşi sistemindən rake tlər atıb”.

***

Rusiya qoşunlarının Ukraynanın paytaxtı Kiyevi raket atəşinə tutması nəticəsində yaralananların sayı 30-a çatıb. “Ukrinform”a xəbər verir ki, bu barədə ölkənin Fövqəladə Hallar Nazirliyindən bildirilib.

Qeyd olunub ki, xilasedicilər eyni vaxtda bir neçə yerdə işləyirlər. Ölənlərin sayı dəqiqləşdirilir.

Son məlumatlara görə, paytaxtdakı partlayış nəticəsində 8 nəfər həlak olub.

Ukrayna Silahlı Qüvvələrinin Baş Komandanı Valeri Zalujnı isə bildirib ki, Rusiyanın atdığı 75 raketdən 41-i havada vurulub.

Ukrayna Prezident Ofisi rəhbərinin müşaviri Oliksiy Arestoviç isə teleqramda yazıb ki, durum müharibənin başladığı gün-fevralın 24-də olduğu kimi qorxulu deyil: “Savaş Ukraynanın qələbəsi ilə bitəcək”

Ukraynanın paytaxtı Kiyevlə yanaşı, ölkənin üç vilayətində partlayışlar törədilib.

"RBK Ukrayna" xəbər verir ki, bu gün səhər saatlarında Jitomir, Xmelnitsk və Ternopol vilayətlərində də partlayış baş verib.

Eyni zamanda Odessaya da bir neçə raketin atıldığı bildirilib.

Ukraynanın paytaxtı Kiyevdə ard-arda partlayışlar törədilib. “Report” xəbər verir ki, bunu Kiyevin meri Vitali Kliçko bildirib.

Onun sözlərinə görə, şəhərin Şevçenko rayonunun mərkəzində bir neçə partlayış olub. V.Kliçko partlayışın detalları barədə bir müddət sonra açıqlama verəcəyini bildirib.

Partlayış nəticəsində ölən və yaralananların olub-olmaması barədə məlumatlar dəqiqələşdirilir.

Latviyanın xarici işlər naziri Edqars Rinkeviçs tviterdə yazıb ki, bu, Rusiyanın qorxaqlığının və terror dövləti olmasının təzahürüdür: “Savaşı dayandırmaq üçün Rusiyaya daha çox silah çatdırmağa ehtiyac var”.

UNIAN-da qeyd olunub ki, yerli vaxtla səhər saat 06.47-də paytaxtda həyəcan siqnalı verilib. Bundan sonra səhər saat 8 radələrində Kiyevdə 3-4 partlayış törədilib.

Qeyd edək ki, ötən gecə Zaporojyedə də partlayışlar olub. Bu partlayışlar Moskvanın ilhaq etdiyi Krım yarımadasını Rusiya ilə birləşdirən yegən körpünün partladılmasına cavab olaraq törədildiyi ehtimal olunur.
azpolitika

Dünyada hazırda Rusiyanın Ukraynada taktiki nüvə silahından istifadə etməsi gündəmdədir.

Rusiyanın nüvə silahından istifadə etməsi təhdidindən sonra bir çox ölkələr bomba sığınacaqlarını gözdən keçirir…

Azərbaycanda bu vəziyyətin hansı səviyyədə olmasını görmək üçün Yenicag.az-ın reportyor qrupu Bakı şəhərinin Nərimanov rayonunda, Ulduz metrostansiyasının yaxınlığındakı bomba sığınacağında olub.

SSRİ dövründə tikilmiş bu sığınacaq nəinki bombadan sığınmağa imkan verir, özü sığınmağa belə yer axtarır…

Məsələ ondadır ki, adı bomba sığınacağı olan məkan hazırda narkomanların “mal qəbul” etmə məntəqəsinə çevrilib.

Bomba sığınacağının içərisi geniş olduğundan oranın bir neçə girişi var. Sığınacaqda eyni vaxtda 3-4 min nəfər insan qoruna bilər.

Sığınacağın içərisində ilkin tibbi yardım otağından tutmuş, qazanxanası, sanitar qovuşağına qədər hər şey mövcud olub. Müşahidə apardığımız zaman gördük ki, sovet vaxtından qalma silah-sursat yeşikləri, qaz əleyhinə maskalar, sənədlər yerləri “bəzəyir”.

Ərazidə olduğumuz vaxt bir neçə gənc yaxınlaşıb içəri girmək istəyirdi, ancaq onlar uzaqlaşdılar. Yaxınlıqda olan şəxslərdən soruşduqda bildirdilər ki, bura daha çox narkomanlar gəlirlər. Ərazi hazırda xarabalığı xatırladır.

Keçmiş bomba sığınacağı təkcə narkomanlar yox, həm də bomjların sığınacağına çevrilib.

Məlum obyektin vəziyyətinə baxdıqda Azərbaycanda mülki müdafiə ilə bağlı vəziyyətin necə olması çılpaqlığı ilə aydın olur.

İnsanları bombadan qorumalı olan sığınacağın hazırda özünün bir bombalıq canı yoxdur…

Bomba sığınacağından hazırlanmış video və fotoları sizə təqdim edirik:

Rusiya Federasiyasının paytaxtında bu gün gərginlik yaşanıb. Çoxlu sayda hərbçinin həbs edildiyi iddia olunur.

“UNİAN”-ın məlumatına görə, bu barədə Ukrayna Müdafiə Nazirliyinin Baş Kəşfiyyat İdarəsi xəbər verir.

Məlumata görə, Rusiya paytaxtında hərbçilərə qarşı yönəlmiş «tədbirlərə» başlanıb. Şəhərin mərkəzində hərəkər bağlanıb.

“Rosqvardiya”-nın Dzerjinski adına operativ diviziyasının bölmərəri - «elit» hissələr şəhərə daxil olublar» - xəbərdə deyilir.

"Krım körpüsündə terror aktını Ukrayna xüsusi xidmət orqanları təşkil edib". "Report" TASS-a istinadən xəbər verir ki, bunu Rusiya Prezidenti Vladimir Putin İstintaq Komitəsinin rəhbəri Aleksandr Bastrıkinlə görüşündə bildirib.

“İcraçılar və sifarişçilər Ukraynanın xüsusi xidmət orqanlarıdır”, - Rusiya lideri deyib.

Putin hadisəni terror aktı adlandırıb.

Qeyd edək ki, oktyabrın 8-də Rusiyanın Milli Antiterror Komitəsi Krım körpüsündə yük maşınının partlaması, nəticədə iki avtomobilin aşırımının qismən dağılması, körpünün naviqasiya hissəsinin üzərindəki tağın zədələnməməsi barədə məlumat yayıb.

Rusiya İstintaq Komitəsinin ilkin məlumatına görə, partlayış nəticəsində 3 nəfər ölüb. Rusiya Prezidenti Vladimir Putin fövqəladə vəziyyətin səbəblərini müəyyən etmək və nəticələrini aradan qaldırmaq üçün hökumət komissiyasının yaradılması barədə göstəriş verib.