"Avto Kredit" adlı təşkilat müxtəlif avtomobilləri girov saxlamaqla yüksək faizlə vətəndaşlara qanunsuz kredit verir

Azərbaycanda son illər avtomobil krediti, yaxud lizinq, girovu ilə pul verilməsi artıb. Sosial şəbəkələrdə reklam olunan müxtəlif təşkilatlar avtomobili girov saxlamaqla vətəndaşlarla yüksək faizlə pul verirlər. Qanunla qadağan olunmasına baxmayaraq sosial şəbəkələrdə bir çoxları açıq-aşkar bu fəaliyyətlərini reklam etməklə məşğuldurlar.

Avtosfer.az xəbər verir ki, sosial şəbəkələrdə qanunusuz lizinq fəaliyyəti ilə məşğulolanlar təşkilatlardan iri "Avto Kredit" adlı qurumdur. Məlumata görə, "Avto Kredit" adlı təşkilatın icazə lisenziyasının olmamasına baxmayaraq, bu qurum vətəndaşların avtomobillərini girov saxlayaraq yüksək faizlə kreditə pul verir.

Son illər hüquq mühavizə orqanları qanunsuz lizinq fəaliyyəti ilə məşğul olan qurumlara, şəxslərə qarşı mübarizəni gücləndirib. Bir müddət öncə qanunsuz lizinq fəaliyyəti ilə məşğul olan "Vüsal 300" kimi tanınan iş adamı Abbasov Vüsal Şirvan oğlu həbs edilmişdi. Vüsal Abbasova Cinayət Məcəlləsinin 192.3.2-ci (qanunsuz sahibkarlıq, xüsusi külli miqdarda) və 308-ci (Vəzifə səlahiyyətlərindən sui-istifadə) maddələri ilə cinayət işi açılaraq,haqqında məhkəmənin qərarı ilə 3 ay müddətinə həbs qətimkan tədbiri seçilmişdi. Ancaq bir müddət sonra məhkəmə Vüsal Abbasovun həbsini ev dustaqlığı ilə əvəzləyib.

İnanınırıq ki, hüquq-mühafizə orqanları "Avto Kredit" təşkilatının qanunsuz fəaliyyəti ilə ciddi maraqlanaraq, vətəndaşlara yüksək faizlə kredit verən bu qurumun əməkdaşları barədə müvafiq tədbir görəcək.

Dövlət hüquq deməkdir və hüquqdan kənar baş verən heç bir şey dövlətə aid edilə bilməz...

Fevral ayının ən çox diqqət çəkən başçısı Bakı şəhər İcra hakimiyyətinin başçısı Eldar Əzizovdan töhmət alan Suraxanı rayonun başçısı Adil Əliyev oldu. Belə ki, Bakı Şəhər İcra Hakimiyyətində paytaxtın rayon icra hakimiyyətlərinin başçıları və şəhər kommunal xidmətlərinin rəhbərlərinin iştirakı ilə növbəti müşavirəsində Eldar Əzizov Suraxanı, Qaradağ və Xəzər rayonlarında təsərrüfat məsələlərinin vəziyyətini kəskin tənqid edərək, bu rayonların bəzi qəsəbələrinin ümumşəhər standartlarından geri qaldığını qeyd edib. Müşavirədə yol verilən nöqsanlara görə Suraxanı Rayon İcra Hakimiyyətinin başçısına töhmət, digərlərinə isə xəbərdarlıq elan olunub.

Bundan sonra, görünür ki, Eldar Əzizovdan aldığı töhməti “həzm edə bilməyən” Adil Əliyev sosial şəbəkələrdə müxtəlif adamlar vasitəsi ilə özünə “bəy tərifi” kampaniyası başlatdı və belə çıxdı ki, Adil Əliyev “dövlət çevrilişi”nin qarşını alan “qəhrəman”dır və Eldar Əzizov ona töhmət verməklə çox böyük səhv edib...

Maraqlıdır ki, sözü keçən müşavirədə Adil Əliyev ona töhmət verən Bakı şəhər İcra Hakimiyyətinin başçısına etiraz edərək Suraxanıda gördüyü işlər barədə danışmayıb və töhmətə heç bir etirtazını da bildirməyib. Bunun əvəzinə sosial şəbəkələrdən bəzi adamlar vasitəsi ilə özünü dövlət miqyasında bir “qəhrəman” olduğunu Eldar Əzizovun diqqətinə çatdırıb. Heç Adil Əliyevə “bəy tərifi” yazanlar da onun təqribən 2 il müddətində Suraxanıda gördüyü hər hansı işdən danışmayıblar, sadəcə Adil Əliyevə töhmət verilməsinin “ayıb iş” olduğunu Eldar Əzizovun diqqətinə çatdırmaq üçün dəridən-qabıqdan çıxıblar.

Həqiqətdə isə Suraxanı rayonun qəsəbələrində vəziyyət doğrudan da acınacaqlıdır. Küçələrdə olan keçilməz dərələr, aparılan qazıntılar sakinləri boğaza yığıb. Yollardakı çalalarla yanaşı, Suraxanı rayon qaz, elektrik və su təşkilatlarının apardığı qazıntılar sakinlərin əsas şikayətçi olduqları problemlərdir. Məsələ oldadır ki, küçələrdə qazıntı aparan Suraxanı rayon qaz, elektrik və su təşkilatları qazdıqları bir metrdən artıq dərinliyi olan olan dərələri bir neçə həftə doldurmurlar, dolduranda da torpağı dərələr töküb gedirlər. Sonra həmin yol palçıqdan keçilməz hala gəlir. Maraqlıdır ki, həmin təşkilatlar bəzən eyni yeri bir ayda iki-üç dəfə qazırlar...

Adil Əliyevlə bağlı ikinci kuryoz hadisə isə ötən həftənin əvvəlində baş verdi. Belə ki, Suraxanı rayonu, Hövsan qəsəbəsi, 1 nömrəli Hövsan Zeytunçuluq savxozu ərazisində üç maskalı şəxsin hasar sökməsi ilə bağlı məlumatlar yayıldı. Məlumata görə Hövsanda özlərini guya şəhərsalma və ya icra hakimiyyəti əməkdaşları kimi təqdim edən, lakin kimliklərini açıqlamayan maskalı şəxslər peyda olmuşdu. Onlar evləri və hasarları sökür, üzlərini isə qara maska, qara papaq və qara eynək vasitəsilə gizlədirdilər. Bu söküntü işləri isə heç bir rəsmi sənəd təqdim edilmədən həyata keçirilirdi. Hadisə qəsəbə sakinləri arasında narahatlıq yaratmışdı. Bir çox suallar meydana çıxmışdı: Bu şəxslər kimdir? Hansı qurumu təmsil edirlər? Üzlərini niyə gizlədirlər? Hansı qanun onlara maskalı şəkildə söküntü aparmağa icazə verir? Söküntü qərarları ilə bağlı sakinlərə rəsmi bildiriş təqdim olunubmu?

Onların kimliyinə Suraxanı rayon İcra Hakimiyyəti aydınlıq gətirdi. Məlum oldu ki, həmin maskalı şəxslər özbaşına tikinti işlərinin aparılmasının və torpaq zəbtinin qarşısının alınması məqsədi ilə Suraxanı Rayon İcra Hakimiyyəti yanında “Özbaşına tikintilərə qarşı mübarizə və məhkəmədənkənar torpaq mübahisələrinin həlli üzrə komissiya”nın üzvləridir. Lakin qanunvericilikə əsasən, qanunsuz tikintilər maskalı şəxslər tərəfindən sökülməli deyil, yuxarıda qeyd edilən “komissiya” sakinlərə əvvəlcədən rəsmi sənəd təqdim etməli və xəbərdarlıqdan sonra söküntü işləri aparılmalıdır. Rəsmi sənəd isə ya müəyyən icra hakimiyyətinin, ya da məhkəmənin qərarı olmalıdır.

Sual olunur, Suraxanı rayon İcra Hakimiyyəti insanların mülkiyyəinə ziyan vuran və bu zaman heç bir hüquqi əsasa söykənməyən, sadəcə xuliqan kimi davranan maskalı şəxslərin onların işçiləri olduğunu etiraf edərkən cəmiyyətə nəyi çatdırmaq istədilər? Bununla faktiki olaraq Suraxanı rayon İcra Hakimiyyəti və şəxsən Adil Əliyev təmsil etdikləri dövləti vətəndaşların mülkiyyətinə qarşı reyder basqını həyata keçirən qanundankənar qurum kimi təqdim etmədilərmi? Əgər Suraxanı rayon İcra Hakimiyyətinin iddia etdiyi kimi hər şey qanuni idisə, o zaman icra hakimiyyətinin işçiləri heç bir xəbərdarlıq eləmədən, söküntü ilə bağlı rəsmi sənəd təqdim etmədən maskalanaraq insanların mülkiyyətinə niyə hücum edirdi?

Dövlət hüquq deməkdir və hüquqdan kənar baş verən heç bir şey dövlətə aid edilə bilməz. Bəs Suraxanı İcra Hakimiyyəti hüquq xaricində baş verən bu hadisəni dövlətlə əlaqələndirməklə nə demək istəyib?..

Yəqin ki, bu sualın cavabını da Adil Əliyev bilir... /Poliqon.info/

“Abşeron rayon mərkəzi xəstəxanasına Səkinə Sadıxova təyin edildikdən sonra da orada özbaşınalıq və qanunsuzluq hökm sürür. Xəstələri öyrədib onu tərifləyirlər”.

Bizimesr.az bildirir ki, bunu açıqlamasında Xırdalan sakini Novruzov Nazim Heydər oğlu bildirib.

Vətəndaşın sözlərinə görə, xəstəxanada növbə o qədər çox olur ki, xəstələr sübh tezdən, saat 06:00-da qapıda gözləyir. Uşaq, qoca, hamilə demədən, xəstəxananın O boyda həyətində cəmi bircə oturacaq qoyulub.

“Xəstələr dərman və aparatla təmin olunmur. Abşeronda 7 mindən artıq şəkər xəstəsi qeydiyyatdan keçib. Xəstələrə verilən dərmanın keyfiyyəti də aşağıdır. Buna görə də xəstələrin 50 faizi heç dərman almağa gəlmir. Lakin buna baxmayaraq dərman çatışmır. Halbuki dərmanlar artıq qalmalıdır. Amma dərman almağa gələnlərə dərman çatmır.

Həmçinin, İcbari Tibbi Sığorta müayinə üçün 25 manat pul ödəyir və xəstələr şəkər xəstəliyi üçün dərman almağa gedəndə bizə 25 manatlıq (Tibbi Sığortanın ödədiyi) talondan aldırdılar. Mən isə Həmin kağızı vermədim. Çünki heç kəs məni və digər xəstələri müayinə etmədilər. Çünki bu yalançı müayinələrdir. 7 mindən artıq şəkər xəstəsi və 25 manatlıq müayinə talonu yazılıb silinəndə 100 min manatdan artıq yeyinti ortaya çıxır. Şikayətlərimə baxmayaraq bu yeyintilər ört-basdır edilir. Lakin şikayətimdən sonra bir ay müddətində yeyinti olmadı”.

Vətəndaş qeyd edib: ” O boyda xəstəxana olduğu halda 3 həkim bir otaqda müayinə aparır. 20 kvadratlıq otağa qadın da, kişi də eyni vaxtda daxil olur. Həkim qadına soyun deyir. Xəstələrə xidmət çox aşağı səviyyədədir”. /Tribuna/

Ətraflı videomaterialı təqdim edirik:

Abşeron rayonunda qanunsuz tikinti bumu artıq yeni “yol kəsmə” mərhələsinə keçib. Rayon ərazisində fəaliyyət göstərən biznesmenlər gördükləri bütün boş əraziləri alaraq biznes obyektinə çevirir. Bunlar azmış kimi, məhəllə yollarına da əl qoyurlar.

Daxil olan videogörüntünün Abşeron rayonu Gənclər Şəhərciyinə aparan yol olduğu bildirilir. Sakinlərin verdiyi məlumata görə, artıq həmin yol da kəsilir, daş hasara alınır, obyektə çevrilməsi planlaşdırılır.

Videodan da göründüyü kimi, söhbət iki obyektin arxa hissəsindən keçən yoldan gedir və hazırda yolun bağlanması istiqamətində işlər aparılır. Maraqlıdır, bu yol kəsmə əməliyyatı kimin göstərişi ilə və hansı əsasla, kim tərəfindən və hansı sənədlə həyata keçirilir?

Məsələ ilə bağlı hər hansı rəsmi açıqlama verilmir. Üstəlik Abşeron rayon İcra Hakimiyyəti sorğuları cavablandırmadığı üçün mövqe almaq da mümkün deyil.

İddialara görə, bu yolun bağlanması fövqəladə hallar zamanı ərazinin daha da keçilməz olmasına səbəb ola bilər. Rayonun icra başçısı Abdin Fərzəliyevin bu proseslərə niyə müdaxilə etmədiyi sual və maraq doğurur.

Eyni zamanda, fövqəladə hallarda operativ müdaxilə imkanları baxımından məsul qurumların, o cümlədən Kəmaləddin Heydərovun rəhbərlik etdiyi strukturun və şəhərsalma sahəsinə cavabdeh qurumların da mövqeyi maraqlıdır.

Amma təəssüflər olsun ki, bütün qurumlar susur, yollar hasarlanır, satılır…