"VEYSƏLOĞLU" Aydın Talıbov, bu dünyanı oyuncaqmı bilirsən?[b][/b]
"AST" Telmanın Şakiraya, Jeniferə xərclədiyi milyonlardan sonra müflisləşməsinimi bilmirsən?
Onun yaşam tərzini cəlbedici reklamlar hesabına təkrarladığınımı bilmirsən?
Xarici işçilərə daha çox, öz millətinə isə daha az maaş verdiyinimi bilmirsən?
Dövlətin vergisindən yayındığınımı bilmirsən?
İkili mühasibatlıq apardığınımı bilmirsən?
Əlil işçinə artıq iş saatına görə əmək haqqı vermədiyinimi bilmirsən?
Bayram günlərində işlətdiyin işçinin əmək haqqını kəsdiyinimi bilmirsən?
İşçinin məzuniyyət əvəzi kompensasiyasına göz dikdiyinimi bilmirsən?
İşçiyə son haqq-hesabın vaxtında ödənilməməsinimi bilmirsən?
Sağlamlığını itirmiş işçinin müavinətini ödəməkdən yayındığınımı bilmirsən?
İşçi ilə əmək müqaviləsinin işə başladıqdan 1 həftə sonra bağlandığınımı bilmirsən?
Heç bir ştat ixtisarı olmadığı halda, ştat ixtisarı ilə əmək müqaviləsinə xitam verildiyinimi bilmirsən?
Qeyri iş günündə işçinin adına saxta məzuniyyət əmrinin rəsmiləşdirildiyinimi bilmirsən?
Müharibə əlili olan işçini korrupsioner "şlyapa zahidin" sifarişi ilə (qanunsuz olaraq) işdən çıxartdığınımı bilmirsən?
Şəhid qardaşını nəcməddinləşmişlərin sifarişi ilə təqib etdiyinimi bilmirsən?
Zabit ilə hədə-qorxuyla danışmağın əks reaksiya verə biləcəyinimi bilmirsən?
Dövlət qarşısında hansı öhdəliklərinin olmasınımı bilmirsən?
Tabeçiliyindəki rəhbər şəxslərin səni aldatmasını, digər işçilərə şər atmasını və yalan danışmasınımı bilmirsən?
Qanuni qüvvəsini almış məhkəmə qərarını 4 aydan çox müddətdir ki, qərəzli olaraq icra etmədiyinimi bilmirsən?
Dövlətin adından çıxarılmış məhkəmə qərarına hörmətsizlik göstərdiyinimi bilmirsən?
Ali hakimiyyət orqanı olan məhkəmə sisteminə sayqısızlıq göstərilməsinimi bilmirsən?
Ali Baş Komandan İlham Əliyev cənablarının öz çıxışlarında müharibə əlillərinə, şəhid ailələrinə və eləcə də sadə işçilərə qarşı davranış qaydaları barədə tövsiyələrinimi bilmirsən?
Yoxsa ki, hüquqi məsuliyyətin və ilahi ədalətin nə olmasınımı bilmirsən?
Ps.Mütləq və mütləq salamat qalın. Ancaq onu da unutmayın ki, yaradan səni və Natəvanı reklam fotosu olaraq güldürdüyü üçün gülürsüz,
Hünəriniz var, ağladanda gülün görüm... (Neqativ.com)

Mansur Məmmədov

Goranboy Rayon Borsunlu Kənd Uşaq Musiqi məktəbinə "10" (on min) manat qarşılığında məktəbin müəlliməsi, Günay Allahverdiyeva direktor əvəzi olaraq müvəqqəti təyin edilib
Yenixeber.org: Redaksiyamıza babanli00@bk.ru elektron poçtdan Sanina Babanlinin imzası ilə Gəncə - Daşkəsən Regional Mədəniyyət İdarəsinin Goranboy rayon Mədəniyyət Sektorunun baş məsləhətçisi İsax Məmmədovun özbaşınalığından bəhs edilən yazı daxil olub. Yazıda yer alan iddialarla bağlı adları hallanan tərəfləri dinləmək istiqamətindəki cəhdlərimiz nəticəsiz oldu...
Aktuallığını nəzərə alıb yazını olduğu kimi, dərc edirik:
Təəssüf ki, uğurlarından daha çox baş verən biabırçı hadisələrlə gündəmdən düşməyən Goranboy rayon Mədəniyyət şöbəsində hər gün yeni məlumatlar yayılır.
Son vaxtlar daha çox təcrübə labarotoriyasını xatırladan Goranboy Mədəniyyət Şöbəsində, baş verənlərə baxdıqda idarəetmənin hansı səviyyədə olduğunu təsəvvür eləmək elə də çətin olmur.
Ölkənin tale yüklü strukturuna, dövlətin, xalqın gələcəyini təmin edən bir sahəyə biznes maraqlarından yanaşmaq, qazanc mənbəyinə çevirmək ən azından dövlətə və xalqa xəyanətə bərabərdir.
Bu dəfə Gəncə-Daşkəsən Mədəniyyət İdarəsi sistemində baş verən özbaşınalıq və qanunsuzluqlar haqda ilginc məlumatlar aşkar olunub.
Əldə olunan məlumatlarda goranboy rayon Mədəniyyət şöbəsinin baş məsləhətçisi İsax Məmmədovun və onun yaxın ətrafının açıqdan-açığa dövlətə qarşı olan fəaliyyətindən bəhs olunur.
Gəncə Daşkəsən Mədəniyyət İdarəsinin, Goranboy rayon Mədəniyyət şöbəsinin baş məsləhətçisi İsax Məmmədovun qanunsuz fəaliyyəti barədə açıqlama gətirək.
Odur ki, İsax Məmmədov təqdimatı ilə, Goranboy Rayon Borsunlu Kənd Uşaq Musiqi məktəbinə "10" (on min) manat qarşılığında məktəbin müəlliməsi, Günay Allahverdiyeva məktəbə direktor əvəzi olaraq müvəqqəti təyin edilib.
Təyin edilən aydan etibarən, məktəbdə dövlət büdcəsindən hər ay "20 min " (iyirmi min) manat dolayı- yollarla maliyyə mənimsənilir.
Belə ki, "36" otuz altı dərs saatları olan müəllimlər qeyri rəsmi şərtlər daxilində çalışır. Bu qanunsuzluğun, özbaşınalığın başlanğıcıdır, araşdırılsa daha nələr ortuya çıxar.
Yəni müəlimlərin adına yazılan dərs saatları 12/18 saat müəllimin, qalanı Günay Allahverdiyeva tərəfindən mənimsənilir.
Məktəbdən mənimsənilən maliyyənin bir hissəsi hər ay İsax Məmmədova paket şəklində şapka kimi çatdırılır.
Maraqlısı odur ki, məktəbə hər ay Dövlət büdcəsindən ayrılan 50 % faiz müəllimlərin, qalan maliyyənin bir hissəsi Günay Allahverdiyeva tərəfindən qanunsuz olaraq, silinmə edərək mənimsənilir.
Onu da qeyd edək ki, məktəbə 100 (yüz dən) artıq şagird gəlmir. Müəllim ehtiyat bazasında yerləşən kadrlardan "Yeddi - on min " min manat qarşılığında bir neçəsi Borsunlu Kənd Uşaq Musiqi Məktəbinə müəllim vəzifəsinə təyin ediliblər.
Müəllimlərin işə qəbuluna hazırlaşan kadrlara Günay Allahverdiyeva maraqlarını, xidmətlərinin təklif edir. Belə ki, bu hegemon direktor on beş min manat müqabilində, imtahandan keçirib işə qəbul edərəm deyir.
Görəsən həç bir peşəkar səviyyəsi olmayan, "NOT" anlayışı tanımayan Günay Allahverdiyeva bu səlahiyyəti hardan, kimnən alır? Maraqlıdır. Bəlkə İsax Məmmədovdan ?
İsax Məmmədov, Günay Allahverdiyevaya bildirib ki, neçə ki mən Goranboy rayon, Mədəniyyət Şöbəsində şefəm, sən də Borsunlu Kənd Uşaq Musiqi Məktəbində şef əvəzisən, yəni ki, direktor əvəzi qalacaqsan.
Belə ki, təki sən pul gətir heç kim sənin iş fəaliyyətinə müdaxilə etməyəcək. Görünür ki, maddi maraqlar çox böyükdür məktəblə bağlı. İsax Məmmədovun göstərişi ilə, Goranboy rayonda yerləşən bütün Kitabxanalardan, Mədəniyyət evlərindən, Klublardan, Muzeylərdən, Rəsm qalareyasından, Heydər Əliyev Mərkəzinin işçilərindən hər ay maaşdan müəyyən miqdarda pul yığılır, hətta xadiməçidən belə pul alınaraq İsax Məmmədova çatdırılır.
Gəncə - Daşkəsən Regional Mədəniyyət İdarəsinin İsax Məmmədova göstərdiyi ehtimadı doğrutmayan, vəzifəsində sui-istifadə, vəzifə səlahiyyətlərini aşaraq, özünü Goranboy Mədəniyyət Şöbəsində birinci bilməsi qanun pozuntusu deyilsə bəs nədir?.
Sanina Babanli
TEREF olaraq yazıda adları hallanan tərəflərin cavab haqqını tanıyırıq.

"Sığortalı həyat qəzasız həyat deyil, qəzaya hazırlıqlı həyatdır" şüarlı reklamlarla tez-tez qarşılaşırıq.

Bəli, bu şüara aldanıb hamı özünü qəza və hadisələrdən sığortalayır.

Lakin hadisə baş verdikdə qəzaya hazırlıq vəd edən bəzi sığorta şirkətlərinin sığorta pulunu ödəməkdən boyun qaçırmaq üçün bəhanələri saya gəlmir.

Vətəndaş Qocayev Sərxan “Bakı Sığorta” şirkətindən redaksiyamıza şikayət məktubu ünvanlayıb. Vətəndaşın iddiasına görə O, “Bakı Sığorta” şirkətinin yalan vədlərinin qurbanına çevrilib.Məktubda vətəndaş “Bakı” Sığorta şirkəti tərəfindən aldadıldığını, hüquqlarının pozulduğunu iddia edir. Öz şəxsi avtombilini sığorta etdirən Qocayev Sərxan bu ilin mart ayının 30 -da Bakı-Qazax yolunda qəzaya düşüb. Hadisə nəticəsində Qocayev Sərxanın avtomobilinə 21 min manat civarında ziyan dəysə də, “Bakı Sığorta” burada da öz xeyrinə işləməyi bacarır. Dəyən ziyan 12 min manat hesablanır. Maşına dəymiş zərəri öz servislərində aradan qaldırmaq adı ilə külli miqdarda vəsaiti mənimsəyirlər.

Sonradan həmin pul sığorta şirkətində kimlərin cibinə qayıdır, bax bu müəmmalı suala cavab axtarışındayıq.

“Bakı Sığorta” şirkətinin müdiri Natiq Quliyev görəsən rəhbərlik etdiyi şirkətin özbaşınalıqlarından xəbərdardırmı???

Hər halda, şirkətdə cərəyan edən hadisələr müdir subyektindən kənar baş vermir.

Maraqlıdır, “Bak Sığorta” şirkətinin rəhbərliyi kimə və nəyə güvənərək Azərbaycan Respublikasının qanunların kobud sürətdə pozur? vətəndaşlara hər hansı ziyan dəyəndə onların zərərini qarşılamaq istəmirlər. Halbuki həmin pullar vətəndaşlardan yığılır.
Sərxan Qocayevə məxsus avtomobilə dəyən ziyanın 21 min manat civarında olduğunu “Atəşgah” Sığorta təsdiqləyir. “Atəşgah” sığortanın dəyən ziyanın məbləğini təsdiqləməsinə baxmayaraq, “Bakı Sığorta” dəyən ziyanı inkar edir. Tərkibində olan avtoservislə əlbir olaraq qiymətləndirməni 12 min manat hesablayır.

Avtomobilinə ziyan dəyən şəxsin öz müraciət etdiyi servis və “Atəşkah” sığortanın hər ikisinin dəyən zərərə verdiyi qiymət 20150 manat olduğu halda, “Bakı Sığorta” məbləği öz xeyrinə dəyişir.

Qeyd edək ki, avtomobilin həm icbari, həm kasko sığortası var.

Sərxan Qocayevə məxsus “Range Rover “ markalı avtomobil öz servisində diaqnostika olunub, təmir olunmalıdır. Avtomobilə düzgün diaqnoz qoyulması üçün müvafiq təlim keçmiş ixtisaslı ustaların və orijinal ehtiyat hissələrinin olduğu rəsmi servisə yönləndirilməli idi. Lakin hər fürsətdə öz çıxarını güdən, mənfəət arxasınca sürünən sığorta şirkəti vətəndaşı aldatmaq üçün min cür yalana əl atır.

Bu artıq insanlıqdan, işin peşəkarlığından kənar bir hərəkətdir.

“Bakı Sığorta” sayəsində qəza baş verdikdə sığortalı həyatın heç də qəzaya hazırlıqlı həyat olmadığınının şahidi olduq. Bu neqativ halla, sığorta şirkətinin öhdəliklərini yerinə yetirmədiyi faktına vətəndaş Qocayev Sərxanın başına gələn hadisədə əyani şahid olduq.

Müxtəlif üsullarla pul qazanmaq istəyi əksər sahələrə təzahür etdiyi kimi, sığorta şirkətlərindən də yan keçmir. “Bakı” Sığorta şirkəti də vətəndaşları aldatmaq, maxinasiyalar etmək üsulu ilə asan pul qazanır.

Onu da vurğulayaq ki, “Bakı Sığorta” şirkəti ən çox şikayət olunan sığorta şirkətləri siyahısında ön sıralardadır.

Mənbə: Azerinews.az

Yaşlı nəsilə məlumdur ki, əski sovet dönəmində təkcə paytaxt Bakı şəhərində təqribən 20-yə yaxın, yəni “Araz”, Azərbaycan”, “Bakı”, “Dostluq”, “Moskva”,”Nizami”, “Qələbə”, “Savalan”, “Sülh”, “Şəfəq” və s. kimi adlar adı altında kinoteatrlar fəaliyyət göstərirdilər. Həmin illərdə insanlar müxtəlif məzmunlu filmlərə baxmaq üçün kinoteatrlara üz tutardılar.

Elə ki, SSRİ dövləti süquta uğradı və gündəlik qayğılar çoxaldı, o zaman insanların kinoteatralara getməyə imkanları məhdudlaşdırıldı. Bu səbəbdən tamaşaçı üzünə həsrət qalan kinoteatrlar boş qaldılar, fəaliyyətlərini dayandırmağa məcbur oldular. Çox keçmədi ki, yaranmış fürsətdən sui-istifadə edən bəzi işbazlar həmin kinoteatrları bu və ya digər yollarla ələ keçirib özəlləşdirdilər. Hətta, bəzi kinoteatrlara məxsus binaları yerlə-yeksan edib, onların yerində hündür mərtəbəli yaşayış binaları da inşa etdilər.


Bəzi kinotetrları isə kafeyə, mağazaya, internet-kluba və s. çevirdilər. Bir sözlə, ayrı-ayrı işbazlar öz düşüncə və yanaşmalarına uyğun olaraq kinoteatrlara qənim kəsildilər. Diqqət yetirək ki, bu sırada Bakı şəhəri, Nəsimi rayonu, Azadlıq prospekti- 76 ünvanında yerləşən “Dostluq” kinoteatrı da, məhz “işbazların təcavüzü”nə məruz qalan kinoteatrlardan biri olur. Qeyd edək ki, bu mədəniyyət abidəsi əvvəllər Mədəniyyət və Turizm Nazirliyinin (indiki Mədəniyyət Nazirliyi) balansında olsa da, hansısa qüvvələrin verdiyi dəstək sayəsində 2017-ci ildə özəlləşdirilib. Bu ilin əvvəllərində “Dostluq” kinoteatrının sökülməsi ilə bağlı addımların atılmasına hazırlıq işləri görülür, o halda işbazlar elə bir ictimai təpki ilə üz-üzə gəlirlər ki, sonda məqsədlərindən daşınmalı oldular.


Söz yox ki, Bakı Şəhər Memarlıq və Şəhərsalma Baş İdarəsi rəsmlərinin verdiyi qərar bu məsələdə mühüm rola malik olur. Yəni, ictimai rəyi nəzərə alanlar kinoteatr binasının sökülməsinə icazə vermirlər. Heç də məsələ bununla bitmir və bəzi işbazlar bu yöndə fəaliyyətlərini davam etdirməkdə qərarlı olurlar. Məsələn, bir qədər vaxt keçdikdən sonra oxşar aqibət yaşayan kinoteatrlardan biri də, Nəsimi rayonu, Hüseynbala Əliyev və Alı Mustafayev küçələrinin kəsişməsində yerləşən «Moskva» kinoteatrı oldu. Amma, bu dəfə fərqli formada. Qeyd edək ki, bu mədəniyyət abidəsi 2006-cı ildən fəaliyyətini tamamilə dayandırıb və binanın giriş qapıları qıfıllanıb. Yəni, “Moskva” kinoteatrının binası uzun illər ərzində fəaliyyət göstərmədiyindən yararsız hala düşüb və kinoteatrın ətrafında insanların asudə vaxt keçirmələri üçün salınan parkdan da əsər-əlamət qalmayıb.


Sabiq Mədəniyyət naziri Əbülfəs Qarayev nazir təyin olunduğu il, yəni 2006-cı ildə “Moskva” kinoteatrı nazirliyin balansından çıxarılır və həmin bina Dövlət Əmlak Komitəsinin (indiki Əmlak Məsələləri Dövlət Komitəsinin) balansına verilir. Bir neçə həftə bundan əvvəl isə mediada «Moskva» kinoteatrına məxsus binada söküntü işlərinin dayandırılması haqda məlumat yayılıb. Aidiyyəti dövlət qurumları söküntü ilə əlaqədar icazə alınmadığına görə, kinoteatrının söküntüsünün dayandırıldığı açıqlandı. Təəssüf doğuran hal odur ki, hal-hazırda bu mədəniyyət obyekti sökülüb və verilən məlumatlarda isə qeyd olunur ki,“söküntü” dayandırılıb. Görəsən, bu yöndə məlumatlar hansı “başbilənlər”in maraqları əsasında dövriyyəyə ötürülür? (Qeyd: Təqdim etdiyimiz videodan da görünür ki, «Moskva» kinoteatrı tamamilə tarmar edilib)


Hal-hazırda müəyyən çevrələrdə dolaşan söz-söhbətlərə görə, «Moskva» kinoteatrı Xətai rayonunun Babək prospektində fəaliyyət göstərən “Maşın bazarı”nın sahibi Rasim adlı şəxslə, PA-nın sabiq rəhbəri Ramiz Mehdiyevin kürəkəni İlham Əliyevin işbirliyi nəticəsində tarmar olunub. Yəni, hər iki şəxsin yaxın vaxtlarda bu kinoteatra məxsus binanın yerində hündürmərtəbəli yeni yaşayış binası tikməyi planlaşdırdıqları deyilir. Bütün bunlar onu deməyə əsas verir ki, sabiq aparat rəhbəri Ramiz Mehdiyev uzaqgörənlik edir və o, belə bir strateji əhəmiyyətli mədəniyyət obyektinin ələ keçirilməsinə, binanın məhv edilməsinı dəstəyini əsirgəmir.


Sual oluna bilər ki, nəyə görə «Moskva» kinoteatrının söküntü işlərində başqa şəxs(lər)in deyil, məhz Ramiz Mehdiyevin kürəkəni İlham Əliyevin və bu şəxslə işbirliyi olan “Maşın bazarı”nın sahibi Rasimin adı hallanır? Atalar demişkən “od olmayan yerdən tüstü çıxmaz”. Deməli, bu tarixi mədəniyyət abidəsinin tarmar olunmasında hər iki şəxsin adının hallanmasının səbəbi var.


Bəli, yuxarıda qeyd etdiyimiz kimi «Moskva» kinoteatrının “qara günləri”nin bünövrəsi 2006-cı ildə qoyulub. Həmin ildə Mədəniyyət Nazirliyi bu dövlət əmlakını daha səmərəli istifadə etmək məqsədilə keçmiş Dövlət Əmlak Komitəsinin sərəncamına verir. Daha sonra bu Komitə tərəfindən adıçəkilən müəssisə “Dövlət əmlakının özəlləşdirilməsinin II Dövlət Proqramı”na əsasən, 27.05.2011-ci il tarixdə icarəçi tərəfindən özəlləşdirilir. Maraqlı haldır ki, həmin vaxt bu dövlət əmlakının özəlləşdirilməsi ilə bağlı dərc olunmalı məlumatlar sırasında alıcının adı qeyd olunmur. Yəni, həmin şəxsin (sahibkarın) kimliyi, hansı işlə məşğul olması barədə heç bir xəbər verilmir.

Bir sözlə, “Moskva” kinoteatrının gələcək taleyi onu özəlləşdirən şəxsin ixtiyarına verilir. Bugünkü mənzərə də, məhz bu kinotetrın “qara gəlmiş taleyi”nin əyani sübutudur.


Əslində, bu cür oyun qaydalarının qurulması birbaşa xalqımızın tarixinə, onun mədəniyyətinə, mədəni irsinə edilən qəsdir. Yəni, buna başqa bir ad vermək olmaz. Hal-hazırda bu mədəniyyət abidəsi tamamilə tarmar edilib və atılan addımlara da kimlərsə göz yumub. Bir sözlə, olan olub, keçən keçib. Yaxşı olmazmı ki, “Moskva” kinoteatrının əhatə etdiyi ərazidə yaşıllıqlar salınsın, insanların asudə vaxtlarında istirahət etmələri üçün park yaradılsın. Eyni zamanda, bu işlərə cavabdehlik daşıyan və göz yuman hər kəs hüquqi müstəvidə məsuliyyətə də cəlb olunsunlar. Yəqin ki, o halda haqq-ədalət öz yerini tapacaq.

Mövzuya qayıdacağıq.
P. S. Yazıda adı keçən hər kəsin mövqeyini dinləyə hazırıq.
GundemXeber.Az

"Zaurun verilişinə çıxan ginekoloq Natiq Məhərrəmov beş il öncə, dələduzlarla razılaşaraq pasientlərə dələduzların sifariş etdiyi dərmanları yazıbmış. Video 5 il əvvəlindir. Dedim, bir araşdırım bu "həkim"-i. Amma nə hikmətdirsə, həbs olunmayıb. Yağışlar yağdı, çartlaqlar bağlandı, indi də super rrklamı gedir. Bu adam haqqında indi də davam edib-etməmısi barədə araşdırılma gedir?"
TEREF yazır ki, sosial şəbəkələrdə Kriminalist Xanım adı altında çıxış edən sosial şəbəkə fəalı yuxarıdakı fikirləri yazıb. Xanım daha sonra fikrini davam etdirərək yazır:
"Yox‼️ Hər tərəfi monopoliyaya, inhisara götürüblər, başa düşdük, zalımaınız, amma hır tərəfimizdəsiniz, səhiyyədə, polisdə, iqtisdiyyatda, siyasətdə, hər tərəfimizdə. Bizi əzirsiniz, sıxırsınız, özünüz isə qazanırsınız."
TEREF olaraq məqalədə adları çəkilən hər bir şəxsin mövqeyini dəırc etməyə hazırıq!
TEREF

Bakının Nizami rayonu, Tofiq Abbasov küçəsində MTK-nın gecə saatlarında apardığı söküntü işləri sakinlərin narazılığına səbəb olub.
TEREF-in xəbərinə görə, bu barədə Gələcək Azərbaycan Partiyasının sədri Ağasif Şakiroğlu məlumat verib.

"Burada hansısa MTK ərazi alıb, bina inşa edəcək. Kiminsə və ya kimlərinsə pul qazanması vətəndaşlarımızın istirahətindən üstün deyil. Gecənin bu saatında, hamının istirahət etdiyi, yatdığı bir zamanda söküntü işləri aparmaq nə deməkdir?! Kimsə pul qazanacaq deyə vətəndaşlarımız şəxsi mənzillərində rahat istirahət etməməlidirmi?! Bunun uşağı var, xəstəsi var… İnsanları bu qədər heçə saymağa nə ad vermək olar?! Nizami rayon İcra Hakimiyyəti nəyə baxır, hara baxır?! Buradan mənə ünvanlanmış vətəndaş müraciətlərini nəzərə alaraq, aidiyyatı dövlət qurumlarına səslənirəm: Tədbir görün! Sabah 100-200 vətəndaş çıxıb yol bağlayanda, etiraz edəndə, aksiya keçirəndə kimlərə xoş olacaq? Yalnız dövlətimizin düşmənlərinə xoş ola bilər!Hesab edirəm ki, vətəndaşlarımızda süni narazılıq yaradıb da ölkə rəhbərliyinə qarşı yönəltməklə yerli icra hakimiyyətinin rəhbərliyi kimlərə xidmət edir? Bunlar araşdırma mövzusu olmalıdır. Heç bir iş vətəndaşın huzurundan önəmli deyil", - o qeyd edib.(Pravda.az)

Xırdalan şəhəri ərazisində ağaclar gecə ilə qanunsuz olaraq kökündən çıxarılaraq aparılıb.

Bu barədə məlumat Baku.ws-in "qaynar xətti”nə daxil olub.

Bildirilib ki, hadisə ötən gecə saat 2-də, Misir parkı ilə üzbəüz ərazidə qeydə alınıb.

Şikayətçinin sözlərinə görə, ərazidə obyekt tikintisi aparılır. Bu səbəbdən də ağacları çıxarıblar. Daha sonra ağaclar çıxarılan hissəni torpaqla örtüblər.

Məsələ ilə bağlı Dövlət Ekoloji Təhlükəsizlik Xidmətindən bildirilib ki, ağaclar sözügedən ərazidəki qeyri-yaşayış obyektinin sahibi Abbas Yusifov tərəfindən götürülüb:

"Dövlət Ekoloji Təhlükəsizlik Xidmətinin əməkdaşları tərəfindən keçirilən nəzarət tədbirləri zamanı Abşeron rayonu, Xırdalan şəhəri, M.Hüseynzadə ilə Qalibiyyət küçələrinin kəsişməsində, Misir parkı ilə üzbəüz ərazidə ağacların götürülməsi faktı müəyyən edilib.

Araşdırma zamanı ağacların sözügedən ərazidəki qeyri-yaşayış obyektinin sahibi Abbas Yusifov tərəfindən götürüldüyü məlum olub.

Təbiətə dəymiş ziyanın məbləği cinayət tərkibi yaratdığından məsələyə hüquqi qiymət verilməsi məqsədilə toplanmış materiallar hüquq-mühafizə orqanlarına göndərilməsi üçün hazırlanır”.

Hadisə yerindən görüntüləri təqdim edirik:
Qlobal.az

"ANC GROUP" MMC-yə məxsus olan "Rahat" marketlər şəbəkəsi, deyəsən müştərilərinin sağlamlığında "narahatlıq yaratmağı qarşısına məqsəd qoyub".

Belə ki, zaman-zaman "süni qiymət artımları", "vaxtından əvvəl bahalaşma", "şokolad oğurlayan yaşlı insanı döyməsi", "piştaxtada başqa qiymət göstərib, kassada bir başqa qiymət çıxarmas"ı və sair ilə gündəmdə olan, "Rahat" marketlər şəbəkəsi insanların elə müştərilərin dili ilə desək, "əsəblərini gərən" yenilikləri ilə öz işini davam etdirir.

"DogruXeber.az" qeyd edir ki, hələ 2016-cı ilin oktyabr ayında gözdən pərdə asmaq üçün "xalq günü" aksiyasına start verən bu marketlər şəbəkəsi güya xalqı düşündüyünü göstərmək üçün bəzi məhsullara bu aksiya çərçivəsində "endirim" edirdi. Xalqın əksər hissəsinin şəbəkə marketlər arasında "Rahat" marketin ən bahalı olduğunu demələrindən belə görünür ki, sözügedən şəbəkə xalqı yalnız "aksiya günləri" düşünür. Amma, biraz diqqətli olduqda isə onların xalqı deyil, yenə də özlərini düşündükləri, daha çox qazanc əldə etmək üçün bu vasitələrə əl atdıqları aydın görünür.

Baxın, "bir şokolada görə yaşlı insanın vəhşicəsinə döyülməsi" barəsində xəbər yayılır, çox qısa zamanda həmin xəbər bütün saytlardan silinir və yerini şəbəkənin "açıqlama"sı alır ki, "adam oğurluq edib qaçanda, yıxılıb, xəsarət alıb".

Tamam, deyək ki, buna "inandıq". Keçək "xalq günü" aksiyası xəbəri ilə birlikdə saytlarda yayılan digər "yenilik" məlumatlarına.

Yazıya diqqət edin!

"Son zamanlar bir sıra marketlərdə eyni malın rəfdə və kassada fərqli qiymətə olma problemi haqlı olaraq ictimaiyyətin narahatlığına səbəb olur. Bu cür xoşagəlməz halların aradan qalxması üçün “Rahat” market rəhbərliyi bir sıra qətiyyətli addımlar atıb.
Belə ki, şəbəkənin bütün filiallarında “eyni barkodda və eyni adda olan məhsulun rəf və kassa qiymətlərində fərq yaranarsa, müştəri daha ucuz olanı ödəyir” mətnli elan diqqətimizi çəkdi."

Qeyd edək ki, bu yazı dərc edildikdən qısa müddət sonra Zaur Əkbər adlı facebook istifadəçisi öz şəxsi profilində bir neçə dəfə "Rahat " marketdə piştaxtada gördüyündən artıq ödəniş etdiyini bildirir. Fərqinə vardığında və etiraz etdiyində, çalışanların araşdırıb, fərqi təsdiqlədiklərini deyir".


Qeyd edək ki, bu kimi hallar bu gün də "Rahat " qarışıq bütün marketlər şəbəkəsində yaşanmaqdadır.

"Qiymət artımı gözlənilir" sözünü eşidər-eşitməz bunu ilk reallaşdıran marketlər şəbəkəsi də məhz "Rahat" marketlər şəbəkəsidir ki, bunu vətəndaşlar özləri deyirlər.

Keçmiş "neft kralı" Rövnəq Abdullayevin şərikli bizneslərindən biri olduğu və müavinlərindən birinin nəzarətində olduğu deyilən bu marketlər, bəzi "yeniliklər"i ilə deyəsən bu "nəzarətdən kənara çıxa biliblər". Ya bəlkə də elə "nəzarət altında" insanların, nəinki "cibinə girməyin", hətta "girdikləri cibləri axırına kimi soymağın" da "çəmini tapıblar".

Belə ki, alıcıların redaksiyamızın əməkdaşlarına bildirdiklərinə, eləcə də əməkdaşlarımızın bu bilgilər əsasında apardıqları müşahidələrə əsasən deyə bilərik ki, sözügedən marketlər şəbəkəsində, alınmış məhsulları yığmaq üçün xəzinədarın (kassa) yanında yalnız marketin adı yazılmış ödənişli salafan paketlər qoyulub. Alınmış məhsulların hamısı - yəni sabun, şampun və digər kimyəvi tərkibli məhsullar, çörək və sair ərzaq məhsulları bir paketə yığılır. Yəni kimyəvi tərkibli yuyucu vasitələri ayrıca qoymaq üçün sadə salafan paketlər istifadə olunmur. Müştərilər tərəfindən dəfələrlə iradlar bildirilsə də, Qaradağ rayon Müşfiqabad filialında mağaza müdiri, "bizə belə tapşırılıb, icazə yoxdur" cavabını verir.

Bütün məhsulları hər yerdən daha baha qiymətə satan "Rahat" marketə deyəsən "aclıq üz verib" ki, "yumurtadan yun qırxmağa" başlayıb.

El sözüdür, "yeməklə doymayıb, yalamaqla doymağa çalışır". Piştaxta ilə xəzinədar arasındakı qiymət fərqləri və yuxarıda da qeyd etdiyimiz kimi "əl yandıran" bahalıq azmış kimi, paketlərə də "qənaət rejimi" tətbiq olunur.

P.S: Qarşı tərəfin də mövqeyini dinləməyə və dərc etməyə hazırıq.

DogruXeber.az