 |
|
|
Avropa İttifaqı Azərbaycan və Ermənistan arasındakı son silahlı qarşıdurma ilə bağlı təəssüfünü ifadə edib.
“Aİ Ermənistan və Azərbaycan arasındakı sərhəd bölgələrində bir neçə hərbçinin həlak olması və yaralanması ilə nəticələnən son silahlı toqquşmalardan təəssüflənir. Aİ bütün tərəfləri zorakılıqdan çəkinməyə və dialoqu davam etdirməyə çağırır”, İttifaqın xarici məsələlər üzrə baş sözçüsü Peter Stano qeyd edib.
Sentyabrın 1-i Azərbaycan və Ermənistanın delimitasiya edilməmiş şərti sərhəddinin Azərbaycanın Kəlbəcər rayonu ilə Ermənistanın Vardenis rayonunun Zod kəndi istiqamətində silahlı qarşıdurma qeydə alınıb. Bu barədə hər iki ölkənin müdafiə nazirlikləri məlumat yayıb və insidentə görə qarşı tərəfi günahlandırıb.
Ermənistan Müdafiə Nazirliyinin məlumatına görə, silahlı qarşıdurma nəticəsində Ermənistanın 3 hərbçisi həlak olub, daha ikisi yaralanıb. Azərbaycan tərəfi isə üç hərbçinin yaralandığını bildirib.
Azərbaycan Müdafiə Nazirliyi sentyabrın 2-si Ermənistan silahlı qüvvələrinin yenidən Azərbaycanın mövqelərini atəşə tutduğunu bildirib. Ermənistan Müdafiə Nazirliyi isə bu məlumatı yalanlayıb, cəbhə xəttində vəziyyətin nisbətən sabit olduğunu qeyd edib.
Armenia/Azerbaijan: deplores latest armed clashes that led to several servicemen being killed and injured in the border areas between