 |
|
|
Rusiya Ukraynada dayanmayacaq, artıq NATO-nun bir hissəsi üçün təhlükə var – Niderland
Niderlandın müdafiə naziri Kaysa Ollonqren hesab edir ki, Rusiya indi dayandırılmasa, Ukraynada dayanmayacaq və birbaşa Aİ və NATO-nu təhdid edəcək.
Hurriyyet.Az xəbər verir ki, o, bu barədə "Yevropeyska pravda”ya müsahibəsində bildirib.
Ollonqren əmindir ki, Rusiyanın qələbəsinin qarşısını almaq üçün indi Ukraynanı dəstəkləmək lazımdır.
"Əgər indi Rusiya dayandırılmasa, öz təcavüzünün nəticələrindən razı qalsa, o zaman Ukraynada dayanmayacaq. Avropanın bu hissəsində dayanmayacaq. O zaman nə vaxtsa biz də Rusiyanın Avropa İttifaqı və NATO dövlətlərinə qarşı təcavüzü ilə birbaşa təhdidlə üzləşəcəyik", - o deyib.
"Ona görə də biz əlimizdən gələni etməliyik ki, Ukrayna dayanmasın və Rusiya qalib gəlməsin", - nazir əlavə edib.
Onun sözlərinə görə, Rusiyadakı rejim çox aqressiv, revanşist rejimdir, köhnə günlərə qayıtmaq, Sovet İttifaqını və imperiyanı bərpa etmək arzusundadır.
"Və bu o deməkdir ki, NATO-nun şərq hissəsi, Avropa İttifaqının şərq hissəsi birbaşa təhlükə altındadır. Və bu barədə danışmaq vacibdir. Bu, təkcə Ukraynanın problemi deyil, bu, Avropanın problemidir, NATO üçün də problemdir”, - Ollonqren vurğulayıb. \\Qaynarinfo